ᓭᐸᓈᔭ 3
3
ᒉᕒᐆᓴᓬᐊᒻ ᐁᑕᔑᑌᓂᒃ ᐅᒪᒋᐃᔑᐌᐱᓯᐎᓐ, ᐋᓃᓐ ᐃᑕᔥ ᑳᐃᔑᐱᒫᒋᐃᑰᐎᓯᒡ
1ᒉᕒᐆᓴᓬᐊᒻ Jerusalem ᓴ ᑕᓂᔑᐗᓈᒋᒋᑳᑌ᙮ ᐐᑫ ᐄᑐᒃ ᔕᔒᐱᑕᒨᒃ, ᒪᒋᐃᔑᐌᐱᓯᐗᒃ ᑲᔦ ᐃᐃᒫ ᐁᔮᐙᒡ ᑭᒋ ᐆᑌᓈᕽ᙮ ᑳᓃᑳᓂᓯᐙᒡ ᐅᑲᒀᑕᑭᐋᐙᐞ ᐅᐱᒫᑎᓰᒥᐙᐞ᙮ 2ᑳᐐᓐ ᑲᔦ ᐅᐱᓯᑕᐙᓯᐙᐙᓐ ᑳᑎᐯᒋᑫᓂᒡ, ᑳᐐᓐ ᑲᔦ ᐅᐸᑭᑎᓈᓯᐙᐙᓐ ᒋᒪᒦᓄᒥᑯᐙᒡ᙮ ᑳᐐᓐ ᑲᔦ ᒋᑌᐺᔦᓂᒫᐙᒡ ᑳᑎᐯᒋᑫᓂᒡ, ᑳᐐᓐ ᐯᔓ ᐅᓈᓯᑲᐙᓯᐙᐙᓐ᙮ 3ᐃᑭ ᓴ ᐌᑭᒫᐎᐙᒡ ᐃᐃᒫ ᒉᕒᐆᓴᓬᐊᒥᕽ ᒦ ᓴ ᐃ ᐁᓀᑖᑯᓯᐙᒡ ᑖᐱᔥᑰ ᑳᓅᑖᑯᓯᒡ ᒥᔑᐱᔑᐤ᙮ ᐅᑎᐹᑯᓂᐌᒃ ᐃᑕᔥ ᑖᐱᔥᑰ ᑳᓅᑌᔅᑲᑌᒡ ᒪᐄᑲᓐ ᐃᓀᑖᑯᓯᐗᒃ, ᑳᐐᓐ ᑫᑰᓐ ᒋᐃᔥᑾᑕᒧᐙᒡ ᑫᑭᔐᐹ ᒦᒋᐎᓐᒡ᙮ 4ᐃᑭ ᓴ ᑫᓅᑕᒪᐙᐙᒡ ᑭᔐᒪᓂᑑᓐ ᑳᐐᓐ ᑲᑮᑖᐎ ᐊᔮᓰᐗᒃ, ᐁᑲᑲᔦᑖᑯᓯᐙᒡ᙮ ᐊᓇᒥᐁᐎᑭᒫᒃ ᐅᐐᓂᑑᓈᐙ ᑳᑎᐱᓇᐌᐎᓯᓂᒡ ᑳᑎᐯᒋᑫᓂᒡ᙮ ᐐᓇᐙ ᐱᑯ ᐁᑕ ᑫᐅᒋ ᒥᓄᓭᐙᒡ ᐁᐃᓉᑑᐙᒡ ᐅᓇᔓᐌᐎᓐ᙮ 5ᔖᑰᒡ ᐃᑕᔥ ᐃᐃᒫ ᑭᒋ ᐆᑌᓈᕽ ᑫᔮᐱ ᐊᔮ ᑳᑎᐯᒋᑫᒡ ᑾᔭᒃ ᐁᐃᔑᒋᑫᒡ, ᑳᐐᓐ ᐐᑳ ᓅᒋᑯ ᐃᔑᒋᑫᓰ᙮ ᑳᐐᓐ ᐐᑳ ᒋᑆᑕᐐᒡ ᐁᑕᓱ ᑭᑭᔐᑉ ᐌᐌᓂ ᒋᑑᑕᐙᒡ ᐅᐱᒫᑎᓰᒪᐞ᙮ ᔖᑰᒡ ᐃᑕᔥ ᐃᑭ ᐯᒫᑎᓯᐙᒡ ᑳᐐᓐ ᑾᔭᒃ ᐃᔑ ᐱᒫᑎᓯᓰᐗᒃ᙮ ᒨᔕᒃ ᐃᑯ ᐁᒪᒋᑑᑕᒧᐙᒡ, ᑳᐐᓐ ᑲᔦ ᐊᑲᒋᓰᐗᒃ᙮
6ᒦᔥ ᐅᐅ ᐁᑭᑐᒡ ᑳᑎᐯᒋᑫᒡ, ᓂᐱ ᓂᔑᐗᓈᒋᐋᒃ ᓴ ᐁᔑ ᐹᐸᑳᓀᑖᑯᓯᐙᒡ ᐯᒫᑎᓯᐙᒡ; ᐅᑑᑌᓈᒥᐙᓐ ᐁᓂᔑᐗᓈᒋᑖᐗᒃ, ᐅᐙᑳᔮᐱᑭᓂᑲᓂᐙᓐ ᑲᔦ, ᐁᔥᐹᓂᑭᓐ ᑲᔦ ᐌᓵᐱᐙᒡ᙮ ᑭᒋ ᐆᑌᓇᐗᓐ ᓴ ᐐᑫ ᒪᔕᔥᒀᐗᓐ᙮ ᒦᑲᓇᐗᓐ ᑲᔦ, ᑳᐐᓐ ᑲᓇᑫ ᐯᔑᒃ ᐊᐎᔭ ᐃᐃᒫ ᒋᐱᒧᓭᒡ᙮ 7ᒦᔥ ᑳᐃᑭᑐᔮᐹᓐ ᒦ ᒫᐐᓐ ᐃᑕᔥ ᐃᐃ ᒋᑭᑌᓂᒥᐙᒡ ᓂᐱᒫᑎᓰᒪᒃ, ᑲᔦ ᑕᔥ ᒋᐸᑭᑎᓂᐙᒡ ᒋᒫᒦᓄᒪᒀ ᒋᐗᓃᑫᓯᒀ ᐋᓃᓐ ᑳᑮ ᐃᔑ ᑭᑭᓄᐊᒪᐗᒀᐸᓐ᙮ ᐋᐱᒋ ᑕᔥ ᐐᐸ ᑮᐃᔑᓭᓂ, ᐋᔕ ᒦᓇᐙ ᑳᑮ ᑮᐌ ᓅᑌ ᐃᔑᒋᑫᐙᒡ ᑲᑭᓇ ᐅᒪᒋᐃᔑᒋᑫᐎᓂᐙᓐ᙮
8ᒦᔥ ᑳᑎᐯᒋᑫᒡ ᐁᑭᑐᒡ, ᐃᓇᔥᑫ ᑕᔥ ᐲᐃᔑᒃ, ᐊᐲ ᑮᔑᑲᒃ ᐸᓯᑸᔮᓐ ᒋᐊᓈᒥᒪᒀ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ᙮ ᐋᔕ ᓂᑮ ᐅᓀᑕᒻ ᐁᐐ ᐅᑶ ᐊᑐᒪᒀ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ, ᐅᑭᒫᐎᐎᓇᓐ ᑲᔦ ᑫᐅᒋ ᒨᔑᑑᐙᒡ ᐁᐲᑌᑖᑾᓂᓂᒃ ᓂᓂᔥᑳᑎᓯᐎᓐ᙮ ᑲᑭᓇ ᓴ ᐅᐅ ᐊᑭ ᑕᓂᔑᐗᓈᑕᓐ ᐁᐐ ᐋᐸᒋᑑᔮᓐ ᓂᓂᔥᑳᑎᓯᐎᓐ ᐃᔥᑯᑌᕽ ᐁᓀᑖᑾᒃ᙮
9ᒦᑕᔥ ᐃᐃ ᐊᐲ ᒋᐋᒋᑖᐗᒃ ᐅᑎᔑᑮᔗᐎᓂᐙ ᐁᑕᓶᐙᓇᑭᓯᐙᒡ ᒋᐯᑭ ᑮᔗᐙᒡ᙮ ᓃᓐ ᐃᑕᔥ ᐁᑕ ᑯ ᓂᐐᓱᐎᓂᕽ ᓂᑲ ᐊᓇᒥᐁᑖᑰᒃ ᑳᐐᓐ ᐐᓐ ᐸᑳᓐ ᒪᓂᑑᑳᓇᐞ, ᑲᑭᓇ ᑲᔦ ᓂᑲ ᓇᐃᑖᑰᒃ᙮ 10ᒥᓴᐙ ᑯ ᐌᑎ ᐙᓴ ᓱᑌᓐ Sudan ᑕᐱ ᐅᒌᐗᒃ ᓂᐱᒫᑎᓰᒪᒃ ᐯᐸᑳᓐ ᐁᔮᐙᒡ ᒋᐱ ᐲᑕᒪᐎᐙᒡ ᐸᑭᑎᓈᓱᐎᓇᓐ᙮ 11ᓂᐱᒫᑎᓰᒪᒃ, ᐃᐃ ᓴ ᐊᐲ ᑮᔑᑲᒃ ᑳᐐᓐ ᑭᑲ ᐊᑲᒋᓰᒻ ᐁᑮ ᒪᒫᔒᑲᑕᐎᔦᒃ ᐅᑖᓈᕽ᙮ ᓃᓐ ᓴ ᑯ ᓂᑯᒋ ᓂᑲ ᐃᔑᐌᐱᓈ ᑲᑭᓇ ᐊᐎᔭ ᑫᒋ ᐃᓀᓂᑎᓱᒡ, ᐁᔥᐯᓂᑎᓱᒡ ᑲᔦ, ᑳᐐᓐ ᐃᑕᔥ ᒦᓇᐙ ᐐᑳ ᑭᑲ ᔕᔒᐱᑕᐎᓰᒻ ᐃᐃᒫ ᓂᐗᒌᒥᕽ ᑫᑌᑖᑾᒃ᙮ 12ᓂᑲ ᐸᑭᑎᓈᒃ ᒋᐊᔮᐙᒡ ᐃᐃᒫ ᑳᐃᔑᐊᔮᔦᒃ ᑌᐸᓭᓂᒧᐙᒡ, ᑳᓅᑳᑎᓯᐙᒡ ᑲᔦ ᑳᐊᐯᓂᒧᓄᑕᒧᐙᒡ ᐁᔑᓂᑳᓱᓂᒡ ᑳᑎᐯᒋᑫᓂᒡ᙮ 13#Rev 14.5. ᐃᐃ ᓴ ᐃᔅᕒᐃᔭᓬᐊᒃ ᑳᔖᐾᐙᒡ ᑳᐐᓐ ᓅᒋᑯ ᑕᐃᔑᒋᑫᓰᐗᒃ᙮ ᑳᐐᓐ ᑲᔦ ᑕᑮᐗᓂᒧᓰᐗᒃ, ᑳᐐᓐ ᑕᐗᔦᔑᑫᓰᐗᒃ᙮ ᐱᓵᓐ ᑕᐗᐐᓯᓂᐗᒃ ᒋᐸᐱᒥᔑᓄᐙᒡ ᑲᔦ, ᑳᐐᓐ ᐊᐎᔭᓐ ᐅᑲ ᓭᑭᐃᑯᓰᐙᓐ᙮
ᒌᑫᑕᒧᐎᓂᑲᒧᓐ
14ᓂᑲᒧᒃ, ᔖᑯᐌᒃ ᑲᔦ ᐁᒥᓉᑕᒣᒃ, ᐯᒫᑎᓯᔦᒃ ᐃᔅᕒᐃᔭᓬᐊᒃ!
ᒌᑫᑕᒧᒃ ᒥᓯᐌ ᐱᑯ ᑭᑌᐃᐙᕽ, ᒉᕒᐆᓴᓬᐊᒥᕽ ᐁᔮᔦᒃ!
15ᑳᑎᐯᒋᑫᒡ ᐅᔕ ᑳᑮ ᐅᑖᐱᓇᒪᐎᓀᒃ ᑳᐐ ᐃᔑ ᓇᓇᐊᓯᑰᔦᑭᐸᓐ;
ᐐᓐ ᐄᑐᒃ ᑲᔦ ᑳᔖᑰᒋᐋᒡ ᑳᔒᑫᓂᒥᒥᓀᒃ᙮
ᑳᑎᐯᒋᑫᒡ, ᑳᑭᒋᐅᑭᒫᑲᑕᐙᒡ ᐃᔅᕒᐃᔭᓬᐊᐞ ᐅᔕ ᑭᐐᒌᐎᑯᐙ!
ᑳᐐᓐ ᑕᔥ ᒦᓇᐙ ᐐᑳ ᑭᑲ ᓇᓃᓵᓀᑕᓰᒻ ᒋᐗᓯᑖᐎᓭᔦᒃ᙮
16ᒦ ᐅᔕ ᐃ ᐁᐅᒋᒋᓭᒃ ᒋᐃᒋᑳᑌᒃ ᐃᐃ ᑭᒋ ᐆᑌᓇ ᒉᕒᐆᓴᓬᐊᒻ,
ᑮᓇᐙ ᐯᒫᑎᓯᔦᒃ ᐆᑌᓈᕽ ᓵᔭᓐ, ᑫᑯ ᓭᑭᓯᑫᒃ!
ᑫᑯ ᔕᔐᓂᑫᑳᐸᐎᑫᒃ!
17ᑳᑎᐯᒋᑫᒡ ᑳᐅᑭᔐᒪᓂᑑᒥᔦᒃ ᐅᔕ ᑭᐐᒌᐎᑯᐙ,
ᐋᐱᒋ ᑲᔦ ᒪᔥᑲᐎᓰ ᒋᐱᒫᒋᐃᓀᒃ᙮
ᐋᐱᒋ ᑲᔦ ᑕᑭᒋ ᒥᓉᑕᒻ ᒋᒥᓍᐸᒥᓀᒃ;
ᐅᓵᑭᐃᐌᐎᓂᕽ ᑭᑲ ᐅᒋ ᒦᓂᑯᐙ ᐅᔥᑭ ᐱᒫᑎᓯᐎᓐ᙮
ᑕᓇᓂᑲᒧ ᓴ ᑫᐊᐲᒋ ᒌᑫᓂᒥᓀᒃ,
18ᒋᐊᐲᒋ ᒥᓉᑕᕽ ᑖᐱᔥᑰ ᐊᐎᔭᒃ
ᑳᒥᓉᑕᒧᐙᒡ ᑮᒌᑲᑲᒥᑭᓯᕽ᙮
ᒦᔥ ᐁᓂ ᐃᑭᑐᒡ ᑳᑎᐯᒋᑫᒡ,
ᐊᐲ ᑕᔥ ᑮᔑᑲᒃ ᐐᑾᑏᐗᑲᒥᑭᓯᔦᒃ,
ᑳᐐᓐ ᑕᑭᑫᑖᑾᓯᓅᓇᓐ ᑳᐅᒋ ᓂᑖ ᐗᓯᑖᐎᓭᔦᒃ,
ᑳᐐᓐ ᐃᑕᔥ ᐊᐗᔑᒣ ᑭᑲ ᒦᑭᓱᒥᑰᓰᒻ᙮
19ᒦ ᓴ ᐃ ᐊᐲ ᑫᓇᓇᐊᓴᒀ ᐃᑭ ᑳᑌᑕᑯ ᑲᒀᑕᑭᐃᓀᒀ;
ᓂᑲ ᐱᒫᒋᐋᒃ ᑲᔦ ᐃᑭ ᑳᒫᑭᔥᑳᐙᒡ,
ᓂᑲ ᑮᐌ ᒨᔕᑭᓈᒃ ᓴ ᑲᔦ ᐃᑭ ᓅᒋᑯ ᑳᑮ ᐃᔑᐎᒋᑲᓂᐎᐙᐸᓐ᙮
ᐃᐃ ᑕᔥ ᑳᑮ ᐃᔑ ᐊᑲᒋᐋᐎᑣᐸᓐ ᒥᓯᐌ ᐯᐸᑳᓐ ᐊᑮᕽ,
ᒣᔥᑾᒡ ᐃᑕᔥ ᓂᑲ ᐃᔑᐋᒃ ᒋᑭᑌᓂᒥᑣ,
ᒋᐃᓂᑣ ᑲᔦ ᐌᐌᓂ ᐁᐱᒫᑎᓯᐙᒡ᙮
20ᒦᑕᔥ ᐃᐃ ᐊᐲ ᑫᒫᐗᑑᓂᓇᑰᒃ,
ᒦ ᑲᔦ ᐃᐃ ᐊᐲ ᑫᐱᑮᐌᐎᓂᓇᑰᒃ᙮
ᑭᑲ ᐃᔑᐃᓂᓂᒻ ᓴ ᒋᑭᑌᓂᒥᑰᔦᒃ,
ᒋᐃᑰᔦᒃ ᑲᔦ ᐌᐌᓂ ᐁᐱᒫᑎᓯᔦᒃ
ᑳᔑ ᐊᔮᐙᒡ ᑲᑭᓇ ᐯᒫᑎᓯᐙᒡ ᐅᐅᒫ ᐊᑮᕽ᙮
ᑭᑲ ᐙᐸᑖᒻ ᑲᔦ ᑳᐐ ᐃᔑ ᑮᐌ ᒥᓄᓭᐃᓇᑰᒃ,
ᐃᑭᑐ ᑳᑎᐯᒋᑫᒡ᙮
Currently Selected:
ᓭᐸᓈᔭ 3: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᓭᐸᓈᔭ 3
3
ᒉᕒᐆᓴᓬᐊᒻ ᐁᑕᔑᑌᓂᒃ ᐅᒪᒋᐃᔑᐌᐱᓯᐎᓐ, ᐋᓃᓐ ᐃᑕᔥ ᑳᐃᔑᐱᒫᒋᐃᑰᐎᓯᒡ
1ᒉᕒᐆᓴᓬᐊᒻ Jerusalem ᓴ ᑕᓂᔑᐗᓈᒋᒋᑳᑌ᙮ ᐐᑫ ᐄᑐᒃ ᔕᔒᐱᑕᒨᒃ, ᒪᒋᐃᔑᐌᐱᓯᐗᒃ ᑲᔦ ᐃᐃᒫ ᐁᔮᐙᒡ ᑭᒋ ᐆᑌᓈᕽ᙮ ᑳᓃᑳᓂᓯᐙᒡ ᐅᑲᒀᑕᑭᐋᐙᐞ ᐅᐱᒫᑎᓰᒥᐙᐞ᙮ 2ᑳᐐᓐ ᑲᔦ ᐅᐱᓯᑕᐙᓯᐙᐙᓐ ᑳᑎᐯᒋᑫᓂᒡ, ᑳᐐᓐ ᑲᔦ ᐅᐸᑭᑎᓈᓯᐙᐙᓐ ᒋᒪᒦᓄᒥᑯᐙᒡ᙮ ᑳᐐᓐ ᑲᔦ ᒋᑌᐺᔦᓂᒫᐙᒡ ᑳᑎᐯᒋᑫᓂᒡ, ᑳᐐᓐ ᐯᔓ ᐅᓈᓯᑲᐙᓯᐙᐙᓐ᙮ 3ᐃᑭ ᓴ ᐌᑭᒫᐎᐙᒡ ᐃᐃᒫ ᒉᕒᐆᓴᓬᐊᒥᕽ ᒦ ᓴ ᐃ ᐁᓀᑖᑯᓯᐙᒡ ᑖᐱᔥᑰ ᑳᓅᑖᑯᓯᒡ ᒥᔑᐱᔑᐤ᙮ ᐅᑎᐹᑯᓂᐌᒃ ᐃᑕᔥ ᑖᐱᔥᑰ ᑳᓅᑌᔅᑲᑌᒡ ᒪᐄᑲᓐ ᐃᓀᑖᑯᓯᐗᒃ, ᑳᐐᓐ ᑫᑰᓐ ᒋᐃᔥᑾᑕᒧᐙᒡ ᑫᑭᔐᐹ ᒦᒋᐎᓐᒡ᙮ 4ᐃᑭ ᓴ ᑫᓅᑕᒪᐙᐙᒡ ᑭᔐᒪᓂᑑᓐ ᑳᐐᓐ ᑲᑮᑖᐎ ᐊᔮᓰᐗᒃ, ᐁᑲᑲᔦᑖᑯᓯᐙᒡ᙮ ᐊᓇᒥᐁᐎᑭᒫᒃ ᐅᐐᓂᑑᓈᐙ ᑳᑎᐱᓇᐌᐎᓯᓂᒡ ᑳᑎᐯᒋᑫᓂᒡ᙮ ᐐᓇᐙ ᐱᑯ ᐁᑕ ᑫᐅᒋ ᒥᓄᓭᐙᒡ ᐁᐃᓉᑑᐙᒡ ᐅᓇᔓᐌᐎᓐ᙮ 5ᔖᑰᒡ ᐃᑕᔥ ᐃᐃᒫ ᑭᒋ ᐆᑌᓈᕽ ᑫᔮᐱ ᐊᔮ ᑳᑎᐯᒋᑫᒡ ᑾᔭᒃ ᐁᐃᔑᒋᑫᒡ, ᑳᐐᓐ ᐐᑳ ᓅᒋᑯ ᐃᔑᒋᑫᓰ᙮ ᑳᐐᓐ ᐐᑳ ᒋᑆᑕᐐᒡ ᐁᑕᓱ ᑭᑭᔐᑉ ᐌᐌᓂ ᒋᑑᑕᐙᒡ ᐅᐱᒫᑎᓰᒪᐞ᙮ ᔖᑰᒡ ᐃᑕᔥ ᐃᑭ ᐯᒫᑎᓯᐙᒡ ᑳᐐᓐ ᑾᔭᒃ ᐃᔑ ᐱᒫᑎᓯᓰᐗᒃ᙮ ᒨᔕᒃ ᐃᑯ ᐁᒪᒋᑑᑕᒧᐙᒡ, ᑳᐐᓐ ᑲᔦ ᐊᑲᒋᓰᐗᒃ᙮
6ᒦᔥ ᐅᐅ ᐁᑭᑐᒡ ᑳᑎᐯᒋᑫᒡ, ᓂᐱ ᓂᔑᐗᓈᒋᐋᒃ ᓴ ᐁᔑ ᐹᐸᑳᓀᑖᑯᓯᐙᒡ ᐯᒫᑎᓯᐙᒡ; ᐅᑑᑌᓈᒥᐙᓐ ᐁᓂᔑᐗᓈᒋᑖᐗᒃ, ᐅᐙᑳᔮᐱᑭᓂᑲᓂᐙᓐ ᑲᔦ, ᐁᔥᐹᓂᑭᓐ ᑲᔦ ᐌᓵᐱᐙᒡ᙮ ᑭᒋ ᐆᑌᓇᐗᓐ ᓴ ᐐᑫ ᒪᔕᔥᒀᐗᓐ᙮ ᒦᑲᓇᐗᓐ ᑲᔦ, ᑳᐐᓐ ᑲᓇᑫ ᐯᔑᒃ ᐊᐎᔭ ᐃᐃᒫ ᒋᐱᒧᓭᒡ᙮ 7ᒦᔥ ᑳᐃᑭᑐᔮᐹᓐ ᒦ ᒫᐐᓐ ᐃᑕᔥ ᐃᐃ ᒋᑭᑌᓂᒥᐙᒡ ᓂᐱᒫᑎᓰᒪᒃ, ᑲᔦ ᑕᔥ ᒋᐸᑭᑎᓂᐙᒡ ᒋᒫᒦᓄᒪᒀ ᒋᐗᓃᑫᓯᒀ ᐋᓃᓐ ᑳᑮ ᐃᔑ ᑭᑭᓄᐊᒪᐗᒀᐸᓐ᙮ ᐋᐱᒋ ᑕᔥ ᐐᐸ ᑮᐃᔑᓭᓂ, ᐋᔕ ᒦᓇᐙ ᑳᑮ ᑮᐌ ᓅᑌ ᐃᔑᒋᑫᐙᒡ ᑲᑭᓇ ᐅᒪᒋᐃᔑᒋᑫᐎᓂᐙᓐ᙮
8ᒦᔥ ᑳᑎᐯᒋᑫᒡ ᐁᑭᑐᒡ, ᐃᓇᔥᑫ ᑕᔥ ᐲᐃᔑᒃ, ᐊᐲ ᑮᔑᑲᒃ ᐸᓯᑸᔮᓐ ᒋᐊᓈᒥᒪᒀ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ᙮ ᐋᔕ ᓂᑮ ᐅᓀᑕᒻ ᐁᐐ ᐅᑶ ᐊᑐᒪᒀ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ, ᐅᑭᒫᐎᐎᓇᓐ ᑲᔦ ᑫᐅᒋ ᒨᔑᑑᐙᒡ ᐁᐲᑌᑖᑾᓂᓂᒃ ᓂᓂᔥᑳᑎᓯᐎᓐ᙮ ᑲᑭᓇ ᓴ ᐅᐅ ᐊᑭ ᑕᓂᔑᐗᓈᑕᓐ ᐁᐐ ᐋᐸᒋᑑᔮᓐ ᓂᓂᔥᑳᑎᓯᐎᓐ ᐃᔥᑯᑌᕽ ᐁᓀᑖᑾᒃ᙮
9ᒦᑕᔥ ᐃᐃ ᐊᐲ ᒋᐋᒋᑖᐗᒃ ᐅᑎᔑᑮᔗᐎᓂᐙ ᐁᑕᓶᐙᓇᑭᓯᐙᒡ ᒋᐯᑭ ᑮᔗᐙᒡ᙮ ᓃᓐ ᐃᑕᔥ ᐁᑕ ᑯ ᓂᐐᓱᐎᓂᕽ ᓂᑲ ᐊᓇᒥᐁᑖᑰᒃ ᑳᐐᓐ ᐐᓐ ᐸᑳᓐ ᒪᓂᑑᑳᓇᐞ, ᑲᑭᓇ ᑲᔦ ᓂᑲ ᓇᐃᑖᑰᒃ᙮ 10ᒥᓴᐙ ᑯ ᐌᑎ ᐙᓴ ᓱᑌᓐ Sudan ᑕᐱ ᐅᒌᐗᒃ ᓂᐱᒫᑎᓰᒪᒃ ᐯᐸᑳᓐ ᐁᔮᐙᒡ ᒋᐱ ᐲᑕᒪᐎᐙᒡ ᐸᑭᑎᓈᓱᐎᓇᓐ᙮ 11ᓂᐱᒫᑎᓰᒪᒃ, ᐃᐃ ᓴ ᐊᐲ ᑮᔑᑲᒃ ᑳᐐᓐ ᑭᑲ ᐊᑲᒋᓰᒻ ᐁᑮ ᒪᒫᔒᑲᑕᐎᔦᒃ ᐅᑖᓈᕽ᙮ ᓃᓐ ᓴ ᑯ ᓂᑯᒋ ᓂᑲ ᐃᔑᐌᐱᓈ ᑲᑭᓇ ᐊᐎᔭ ᑫᒋ ᐃᓀᓂᑎᓱᒡ, ᐁᔥᐯᓂᑎᓱᒡ ᑲᔦ, ᑳᐐᓐ ᐃᑕᔥ ᒦᓇᐙ ᐐᑳ ᑭᑲ ᔕᔒᐱᑕᐎᓰᒻ ᐃᐃᒫ ᓂᐗᒌᒥᕽ ᑫᑌᑖᑾᒃ᙮ 12ᓂᑲ ᐸᑭᑎᓈᒃ ᒋᐊᔮᐙᒡ ᐃᐃᒫ ᑳᐃᔑᐊᔮᔦᒃ ᑌᐸᓭᓂᒧᐙᒡ, ᑳᓅᑳᑎᓯᐙᒡ ᑲᔦ ᑳᐊᐯᓂᒧᓄᑕᒧᐙᒡ ᐁᔑᓂᑳᓱᓂᒡ ᑳᑎᐯᒋᑫᓂᒡ᙮ 13#Rev 14.5. ᐃᐃ ᓴ ᐃᔅᕒᐃᔭᓬᐊᒃ ᑳᔖᐾᐙᒡ ᑳᐐᓐ ᓅᒋᑯ ᑕᐃᔑᒋᑫᓰᐗᒃ᙮ ᑳᐐᓐ ᑲᔦ ᑕᑮᐗᓂᒧᓰᐗᒃ, ᑳᐐᓐ ᑕᐗᔦᔑᑫᓰᐗᒃ᙮ ᐱᓵᓐ ᑕᐗᐐᓯᓂᐗᒃ ᒋᐸᐱᒥᔑᓄᐙᒡ ᑲᔦ, ᑳᐐᓐ ᐊᐎᔭᓐ ᐅᑲ ᓭᑭᐃᑯᓰᐙᓐ᙮
ᒌᑫᑕᒧᐎᓂᑲᒧᓐ
14ᓂᑲᒧᒃ, ᔖᑯᐌᒃ ᑲᔦ ᐁᒥᓉᑕᒣᒃ, ᐯᒫᑎᓯᔦᒃ ᐃᔅᕒᐃᔭᓬᐊᒃ!
ᒌᑫᑕᒧᒃ ᒥᓯᐌ ᐱᑯ ᑭᑌᐃᐙᕽ, ᒉᕒᐆᓴᓬᐊᒥᕽ ᐁᔮᔦᒃ!
15ᑳᑎᐯᒋᑫᒡ ᐅᔕ ᑳᑮ ᐅᑖᐱᓇᒪᐎᓀᒃ ᑳᐐ ᐃᔑ ᓇᓇᐊᓯᑰᔦᑭᐸᓐ;
ᐐᓐ ᐄᑐᒃ ᑲᔦ ᑳᔖᑰᒋᐋᒡ ᑳᔒᑫᓂᒥᒥᓀᒃ᙮
ᑳᑎᐯᒋᑫᒡ, ᑳᑭᒋᐅᑭᒫᑲᑕᐙᒡ ᐃᔅᕒᐃᔭᓬᐊᐞ ᐅᔕ ᑭᐐᒌᐎᑯᐙ!
ᑳᐐᓐ ᑕᔥ ᒦᓇᐙ ᐐᑳ ᑭᑲ ᓇᓃᓵᓀᑕᓰᒻ ᒋᐗᓯᑖᐎᓭᔦᒃ᙮
16ᒦ ᐅᔕ ᐃ ᐁᐅᒋᒋᓭᒃ ᒋᐃᒋᑳᑌᒃ ᐃᐃ ᑭᒋ ᐆᑌᓇ ᒉᕒᐆᓴᓬᐊᒻ,
ᑮᓇᐙ ᐯᒫᑎᓯᔦᒃ ᐆᑌᓈᕽ ᓵᔭᓐ, ᑫᑯ ᓭᑭᓯᑫᒃ!
ᑫᑯ ᔕᔐᓂᑫᑳᐸᐎᑫᒃ!
17ᑳᑎᐯᒋᑫᒡ ᑳᐅᑭᔐᒪᓂᑑᒥᔦᒃ ᐅᔕ ᑭᐐᒌᐎᑯᐙ,
ᐋᐱᒋ ᑲᔦ ᒪᔥᑲᐎᓰ ᒋᐱᒫᒋᐃᓀᒃ᙮
ᐋᐱᒋ ᑲᔦ ᑕᑭᒋ ᒥᓉᑕᒻ ᒋᒥᓍᐸᒥᓀᒃ;
ᐅᓵᑭᐃᐌᐎᓂᕽ ᑭᑲ ᐅᒋ ᒦᓂᑯᐙ ᐅᔥᑭ ᐱᒫᑎᓯᐎᓐ᙮
ᑕᓇᓂᑲᒧ ᓴ ᑫᐊᐲᒋ ᒌᑫᓂᒥᓀᒃ,
18ᒋᐊᐲᒋ ᒥᓉᑕᕽ ᑖᐱᔥᑰ ᐊᐎᔭᒃ
ᑳᒥᓉᑕᒧᐙᒡ ᑮᒌᑲᑲᒥᑭᓯᕽ᙮
ᒦᔥ ᐁᓂ ᐃᑭᑐᒡ ᑳᑎᐯᒋᑫᒡ,
ᐊᐲ ᑕᔥ ᑮᔑᑲᒃ ᐐᑾᑏᐗᑲᒥᑭᓯᔦᒃ,
ᑳᐐᓐ ᑕᑭᑫᑖᑾᓯᓅᓇᓐ ᑳᐅᒋ ᓂᑖ ᐗᓯᑖᐎᓭᔦᒃ,
ᑳᐐᓐ ᐃᑕᔥ ᐊᐗᔑᒣ ᑭᑲ ᒦᑭᓱᒥᑰᓰᒻ᙮
19ᒦ ᓴ ᐃ ᐊᐲ ᑫᓇᓇᐊᓴᒀ ᐃᑭ ᑳᑌᑕᑯ ᑲᒀᑕᑭᐃᓀᒀ;
ᓂᑲ ᐱᒫᒋᐋᒃ ᑲᔦ ᐃᑭ ᑳᒫᑭᔥᑳᐙᒡ,
ᓂᑲ ᑮᐌ ᒨᔕᑭᓈᒃ ᓴ ᑲᔦ ᐃᑭ ᓅᒋᑯ ᑳᑮ ᐃᔑᐎᒋᑲᓂᐎᐙᐸᓐ᙮
ᐃᐃ ᑕᔥ ᑳᑮ ᐃᔑ ᐊᑲᒋᐋᐎᑣᐸᓐ ᒥᓯᐌ ᐯᐸᑳᓐ ᐊᑮᕽ,
ᒣᔥᑾᒡ ᐃᑕᔥ ᓂᑲ ᐃᔑᐋᒃ ᒋᑭᑌᓂᒥᑣ,
ᒋᐃᓂᑣ ᑲᔦ ᐌᐌᓂ ᐁᐱᒫᑎᓯᐙᒡ᙮
20ᒦᑕᔥ ᐃᐃ ᐊᐲ ᑫᒫᐗᑑᓂᓇᑰᒃ,
ᒦ ᑲᔦ ᐃᐃ ᐊᐲ ᑫᐱᑮᐌᐎᓂᓇᑰᒃ᙮
ᑭᑲ ᐃᔑᐃᓂᓂᒻ ᓴ ᒋᑭᑌᓂᒥᑰᔦᒃ,
ᒋᐃᑰᔦᒃ ᑲᔦ ᐌᐌᓂ ᐁᐱᒫᑎᓯᔦᒃ
ᑳᔑ ᐊᔮᐙᒡ ᑲᑭᓇ ᐯᒫᑎᓯᐙᒡ ᐅᐅᒫ ᐊᑮᕽ᙮
ᑭᑲ ᐙᐸᑖᒻ ᑲᔦ ᑳᐐ ᐃᔑ ᑮᐌ ᒥᓄᓭᐃᓇᑰᒃ,
ᐃᑭᑐ ᑳᑎᐯᒋᑫᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society