ᓭᑲᕒᐋᔭ 1
1
ᑳᑎᐯᒋᑫᒡ ᐁᑮᐌᐊᑐᒫᒡ ᐅᐱᒫᑎᓰᒪᐞ
1 # Ezr 4.24—5.1; 6.14. ᓃᔓᐱᐴᓐ ᑳᑭᒋᐅᑭᒫᐎᒡ ᑕᕒᐋᔭᔅ Darius ᐃᐃᒫ ᐯᕒᔕ Persia ᐊᑮᕽ, ᓂᔣᓱᑮᓯᓲᓐ 8 ᐁᐱᒪᑭᓱᓂᒡ, ᒦ ᓴ ᐃ ᐊᐲ ᓭᑲᕒᐋᔭ Zechariah ᑫᓅᑕᒪᐙᒡ ᑭᔐᒪᓂᑑᓐ ᑳᑮ ᑲᓅᓂᑯᒡ ᑳᑎᐯᒋᑫᓂᒡ᙮ ᐅᑌᑌᓐ ᓴ ᐯᕒᐊᑳᔭ Berechiah ᑮᐃᔑᓂᑳᓱᐗᓐ, ᐅᒥᔔᒥᓴᓐ ᐃᑕᔥ ᐃᑑ Iddo ᑮᐃᔑᓂᑳᓱᐗᓐ᙮ 2ᒦᑕᔥ ᐅᐅ ᑳᐃᑯᒡ ᑳᒫᐗᒋ ᒪᔥᑲᐎᓰᓂᒡ ᑳᑎᐯᒋᑫᓂᒡ ᓭᑲᕒᐋᔭ ᒋᐃᑭᑐᒡ, ᓃᓐ ᑌᐯᒋᑫᔮᓐ ᓴ ᓂᑮ ᓂᔥᑭᐃᑰᒃ ᑭᑫᑌᔭᐋᒥᐙᒃ᙮ 3ᒦᑕᔥ ᓅᑯᒻ ᐁᓂᓇᑰᒃ, ᐱᑮᐌ ᓈᓯᑲᐎᔑᒃ, ᑫᓃᓐ ᐃᑕᔥ ᑭᑲ ᑮᐌ ᓈᓯᑲᐎᓂᓂᒻ᙮ 4ᑫᑯ ᐐᓐ ᐃᔑᒋᑫᑫᒃ ᑭᑫᑕᔭᐋᒥᐙᒃ ᒣᐎᔕ ᑳᑮ ᐃᔑᒋᑫᐙᒡ ᐁᑮ ᔕᔒᐱᑕᒧᐙᒡ ᐁᑮ ᐱᓯᑕᓯᒀ᙮ ᑫᓅᑕᒪᐎᐙᒡ ᓂᑮ ᐋᐸᒋᐋᒃ ᐋᓇᑮ ᑲᓅᓇᒀ ᒋᓅᒋᑑᓯᒀ ᒪᒋᑫᑰᓐ, ᒋᐴᓂᑑᐙᒡ ᑲᔦ ᐅᒪᒋᐃᔑᒋᑫᐎᓂᐙᓐ᙮ 5ᐃᑭ ᓴ ᑭᑫᑌᔭᐋᒥᐙᐸᓃᒃ, ᑳᑮ ᑲᓅᑕᒫᑫᐙᒡ ᑲᔦ ᑳᐐᓐ ᑫᔮᐱ ᐱᒫᑎᓯᓰᐗᒃ᙮ 6ᓂᑕᓄᑮᐋᑲᓇᒃ ᑫᓅᑕᒪᐎᐙᒡ ᓴ ᓂᑮ ᑮᑭᑑᑕᒫᑰᒃ ᐁᑮ ᑲᓅᓇᒀᐸᓐ ᑭᑫᑌᔭᐋᒥᐙᒃ ᒋᐊᔮᒀᒥᓯᐙᒡ, ᑳᐐᓐ ᑮᐱᓯᑕᓰᐗᒃ ᒦᔥ ᑳᑮ ᐅᒋ ᒫᔑᓭᐙᒡ᙮ ᒦᔥ ᑫᑲᐲ ᑳᑮ ᑴᑭᐱᒫᑎᓯᐙᒡ ᐁᑮ ᑭᑫᑕᒧᐙᒡ ᓃᓐ ᑳᒫᐗᒋ ᒪᔥᑲᐎᓰᐗᒃ ᑌᐯᒋᑫᔮᓐ ᐁᑮ ᐅᓀᑕᒧᐗᒃ ᐋᓃᓐ ᑳᑮ ᐃᔑ ᑲᔥᑭᑕᒫᓱᐙᒡ ᑮᓇᓇᐊᓴᒀᐸᓐ᙮
7ᓃᔓᐱᐴᓐ ᑳᑭᒋᐅᑭᒫᐎᒡ ᑕᕒᐋᔭᔅ Darius ᓃᔥᑕᓇᔑᓃᐎᓐ 24 ᐁᐃᓇᑭᓱᒡ ᒥᑖᔑᐯᔑᑯᑮᓯᓲᓐ 11 ᓰᐸᑦ Shebat ᐁᔑᓂᑳᓱᓂᒡ, ᒦ ᓴ ᐃ ᐊᐲ ᓃᓐ ᓭᑲᕒᐋᔭ ᐌᑌᑌᔮᓐ ᐯᕒᐊᑳᔭᐗᓐ Berechiah, ᐌᒥᔔᒥᓯᔮᓐ ᐃᑑ Iddo ᑳᑮ ᑲᓅᔑᒡ ᑳᑎᐯᒋᑫᒡ ᐁᑎᐱᑲᓂᓂᒃ᙮ 8#Rev 6.4; Rev 6.2. ᒦᔥ ᑳᑮ ᐃᔑᓇᒫᓐ ᐁᑮ ᐙᐸᒪᒃ ᐁᒐᓬ ᒥᔅᑯ ᒥᑕᑎᒨᓐ ᐁᐱᒥᐗᓈᓱᒡ᙮ ᐁᔑ ᐸᓴᑎᓈᓂᒃ ᐁᑮ ᐃᔑ ᑭᐱᒌᒡ ᐁᔑ ᐸᑕᑭᓱᓂᒡ ᒬᑕᓬ myrtle ᑎᓄᐙᑎᑰᐞ᙮ ᐅᑖᓈᕽ ᐃᑕᔥ ᑯᑕᒃ ᒥᑕᑎᒨᐞ ᑮᐱ ᐊᔮᐗᐞ ᐁᑮ ᒥᔅᑯᓯᓂᒡ, ᐋᓂᑕ ᐁᑮ ᐅᓵᐎᓈᑯᓯᓂᒡ, ᐋᓂᑕ ᑲᔦ ᐁᑮ ᐙᐱᔥᑭᓯᓂᒡ᙮ 9ᒦᔥ ᑳᐃᓇᒃ, ᓂᑑᑭᒫᒻ, ᐋᓃᓐ ᐃᑕᔥ ᐅᑯ ᒥᑕᑎᒨᒃ ᐁᓍᓱᐙᒡ?
ᒦᑕᔥ ᐅᐅ ᑳᐃᔑ ᓇᑴᑕᐎᒡ, ᑭᑲ ᐐᑕᒪᐎᓐ ᐃᓴ ᐋᓃᓐ ᐁᓍᓱᐙᒡ, ᓂᑮᐃᒃ᙮ 10ᒦᔥ ᐊᐊᐌ ᐃᓂᓂ ᑳᑮ ᓃᐸᐎᒡ ᒣᑴᔭᐄ ᑳᐃᔑ ᐸᐹᑕᑭᓱᓂᒡ ᒬᑕᓬ ᑎᓄᐙᑎᑰᐞ ᓂᑮ ᐃᔑ ᐐᑕᒫᒃ, ᑳᑎᐯᒋᑫᒡ ᐄᑐᒃ ᐅᐅ ᐅᑮ ᐲᒋᓂᔕᐙᐞ ᒋᐱ ᐊᑕ ᑭᑫᑕᒥᓂᒡ ᐊᑭ᙮
11ᒦᑕᔥ ᑳᐃᔑ ᐐᑕᒪᐙᐙᒡ ᐃᓂ ᑳᑎᐯᒋᑫᓂᒡ ᐅᑌᒐᓬᐃᒥᓂ ᑳᓃᐸᐎᓂᒡ ᒣᑴᔭᐄ ᒬᑕᓬ myrtle ᑎᓄᐙᑎᑰᕽ ᐁᑮᐃᓈᐙᒡ, ᒥᓯᐌ ᓴ ᐊᑮᕽ ᓂᑮ ᐃᔖᒥᓐ᙮ ᒦᔥ ᐁᔑ ᒥᑲᒫᕽ ᐅᐅ ᒥᓯᐌ ᐊᑭ ᐱᓵᓐ ᐁᐊᔮᒪᑲᒃ, ᐁᐱᓵᓀᑖᑾᒃ ᑲᔦ᙮
12ᐊᐊ ᑕᔥ ᑳᑎᐯᒋᑫᒡ ᐅᑌᒐᓬᐃᒪᓐ ᑮᐃᑭᑐᐗᓐ, ᑳᒫᐗᒋ ᒪᔥᑲᐎᓰᔭᓐ ᑌᐯᒋᑫᔭᓐ, ᐋᔕ ᐄᑐᒃ ᓃᔣᓯᒥᑕᓇ 70 ᑕᓱᐱᐴᓐ ᑭᐱ ᓂᔥᑭᐃᑰᓐ ᑭᒋ ᐆᑌᓇ ᒉᕒᐆᓴᓬᐊᒻ Jerusalem, ᐃᓂ ᑲᔦ ᑯᑕᒃ ᐆᑌᓇᐗᓐ ᐁᔮᑭᓐ ᐃᐃᒫ ᒎᑕ ᐊᑮᕽ᙮ ᐋᓃᓐ ᐃᑕᔥ ᐊᐲ ᐙᑰᐹᓯᓇᒪᓐ?
13ᑳᑎᐯᒋᑫᒡ ᐃᑕᔥ ᐌᐌᓂ ᐅᑮ ᓇᑴᑕᐙᓐ ᐃᓂ ᐁᒐᓬᐊᓐ ᐁᑮ ᒥᓄ ᓇᑴᑕᐙᒡ᙮ 14ᒦᑕᔥ ᐊᐊ ᐁᒐᓬ ᐅᐅ ᑳᐃᔑᒡ ᒋᐐᑕᒫᑫᐗᒃ ᐁᑭᑐᓂᒡ ᑳᒫᐗᒋ ᒪᔥᑲᐎᓰᓂᒡ ᑳᑎᐯᒋᑫᓂᒡ, ᐐᑫ ᓴ ᑯ ᓂᓵᑭᑑᓐ ᐁᑭᒋ ᓈᓈᑲᑕᐌᑕᒫᓐ ᑭᒋ ᐆᑌᓇ ᒉᕒᐆᓴᓬᐊᒻ ᑳᑎᐱᓇᐌᐎᓯᔮᓐ᙮ 15ᐐᑫ ᑕᔥ ᐐᓐ ᓂᓂᔥᑭᐃᑰᒃ ᐃᑭ ᑯᑕᒃ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ ᐱᓵᓐ ᑳᑲᐯᔑᐙᒡ᙮ ᐊᒋᓇ ᓴ ᑕᔥ ᓂᑮ ᑆᑕᐎᑭᑖᔅ ᓂᐱᒫᑎᓰᒪᒃ ᐅᒋ, ᐃᑭ ᐄᑐᒃ ᑯᑕᒃ ᐸᑳᓐ ᐯᒫᑎᓯᐙᒡ ᐅᑎᔑᒋᑫᐎᓂᐙ ᓂᐱᒫᑎᓰᒪᒃ ᐌᒋ ᑲᒀᑕᑭᑑᐙᒡ᙮ 16ᒦᑕᔥ ᒋᐱᑮᐌᓄᑕᒫᓐ ᐃᐃ ᑭᒋ ᐆᑌᓇ ᒉᕒᐆᓴᓬᐊᒻ ᒋᐱ ᑰᐹᓯᓇᒫᓐ᙮ ᓂᑭᒋ ᐊᓇᒥᐁᐎᑲᒥᑯᒻ ᑲᔦ ᑕᑮᐌ ᐅᔑᒋᑳᑌ, ᐃᐃ ᑲᔦ ᑭᒋ ᐆᑌᓇ ᑕᐗᐌᔑᒋᑳᑌ, ᐃᑭᑐ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ᙮
17ᒦᑕᔥ ᐅᐅ ᑳᐊᓂᐃᔑᒡ ᐊᐊ ᐁᒐᓬ ᐊᐗᔑᒣ ᒋᐊᓂ ᐃᑭᑐᐗᒃ, ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ ᐃᑭᑐ ᑲᑭᓇ ᓴ ᐅᑑᑌᓈᒪᓐ ᒋᑮᐌ ᒥᓄᓭᓂᑭᓐ, ᐁᐐ ᑮᐌ ᐐᒋᑑᒡ ᒉᕒᐆᓴᓬᐊᒻ, ᑲᔦ ᑕᔥ ᐁᐐᐃᑕᕽ ᐁᑎᐱᓇᐌᐎᓯᒡ᙮
ᐁᔥᑲᓇᐞ ᓭᑲᕒᐋᔭ ᑮᐙᐸᒫᒡ
18ᐃᔥᐱᒥᕽ ᐃᑕᔥ ᐁᐃᓈᐱᔮᓐ, ᓃᐎᓐ ᐱᔑᑮᐎ ᐁᔥᑲᓇᒃ ᓂᑮ ᐙᐸᒫᒃ᙮ 19ᒦᔥ ᑳᐃᔑ ᑲᑴᒋᒪᒃ ᐁᒐᓬ ᑳᑲᑲᓅᔑᒡ, ᐋᓃᓐ ᐃᑕᔥ ᐅᑯ ᐁᓍᓱᐙᒡ?
ᐅᐅ ᑕᔥ ᓂᑮ ᐃᔑ ᓇᑴᑖᒃ, ᒦ ᓴ ᐃ ᐁᓍᓱᐙᒡ ᐅᑯ ᐁᔥᑲᓇᒃ ᒦ ᐃᒫ ᑳᑮ ᐅᒋ ᒥᓯᑌᔥᑳᐙᒡ ᐯᒫᑎᓯᐙᒡ ᒎᑕ ᐊᑮᕽ ᐌᒌᐙᒡ, ᐌᒌᐙᒡ ᑲᔦ ᐃᔅᕒᐃᔭᓬ ᐊᑮᕽ, ᐃᐃᒫ ᑲᔦ ᒉᕒᐆᓴᓬᐊᒻ ᑭᒋ ᐆᑌᓈᕽ᙮ 20ᑳᑎᐯᒋᑫᒡ ᐃᑕᔥ ᓂᑮ ᐙᐸᑕᐃᒃ ᓃᐎᓐ ᐊᓄᑮᐎᓂᓂᐗᐞ ᐁᑕᑯᓇᒥᓂᒡ ᐸᑭᑌᐃᑲᓀᓴᓐ᙮ 21ᒦᑕᔥ ᑳᐃᓇᒃ, ᐋᓃᓐ ᐃᑕᔥ ᐐᓇᐙ ᐗᐃᔑᒋᑫᐙᒡ? ᒦᔥ ᑳᐃᔑ ᓇᑴᑕᐎᒡ, ᒦ ᓴ ᐃ ᐌᒋ ᐲᔖᐙᒡ ᐁᐐ ᓭᑭᐋᐙᒡ, ᐁᐐ ᔖᑰᒋᐋᐙᒡ ᑲᔦ ᐁᑕᓶᐙᓇᑭᓯᓂᒡ ᐊᐎᔭᐞ ᑳᑮᐅᒋ ᒫᔑᓭᓂᒃ ᒎᑕ ᐊᑭ, ᑳᒥᓯᑌᔮᒧᑮᓂᒡ ᑲᔦ ᐯᒫᑎᓯᓂᒡ ᐃᐃᒫ ᐌᒌᓂᒡ᙮
Currently Selected:
ᓭᑲᕒᐋᔭ 1: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᓭᑲᕒᐋᔭ 1
1
ᑳᑎᐯᒋᑫᒡ ᐁᑮᐌᐊᑐᒫᒡ ᐅᐱᒫᑎᓰᒪᐞ
1 # Ezr 4.24—5.1; 6.14. ᓃᔓᐱᐴᓐ ᑳᑭᒋᐅᑭᒫᐎᒡ ᑕᕒᐋᔭᔅ Darius ᐃᐃᒫ ᐯᕒᔕ Persia ᐊᑮᕽ, ᓂᔣᓱᑮᓯᓲᓐ 8 ᐁᐱᒪᑭᓱᓂᒡ, ᒦ ᓴ ᐃ ᐊᐲ ᓭᑲᕒᐋᔭ Zechariah ᑫᓅᑕᒪᐙᒡ ᑭᔐᒪᓂᑑᓐ ᑳᑮ ᑲᓅᓂᑯᒡ ᑳᑎᐯᒋᑫᓂᒡ᙮ ᐅᑌᑌᓐ ᓴ ᐯᕒᐊᑳᔭ Berechiah ᑮᐃᔑᓂᑳᓱᐗᓐ, ᐅᒥᔔᒥᓴᓐ ᐃᑕᔥ ᐃᑑ Iddo ᑮᐃᔑᓂᑳᓱᐗᓐ᙮ 2ᒦᑕᔥ ᐅᐅ ᑳᐃᑯᒡ ᑳᒫᐗᒋ ᒪᔥᑲᐎᓰᓂᒡ ᑳᑎᐯᒋᑫᓂᒡ ᓭᑲᕒᐋᔭ ᒋᐃᑭᑐᒡ, ᓃᓐ ᑌᐯᒋᑫᔮᓐ ᓴ ᓂᑮ ᓂᔥᑭᐃᑰᒃ ᑭᑫᑌᔭᐋᒥᐙᒃ᙮ 3ᒦᑕᔥ ᓅᑯᒻ ᐁᓂᓇᑰᒃ, ᐱᑮᐌ ᓈᓯᑲᐎᔑᒃ, ᑫᓃᓐ ᐃᑕᔥ ᑭᑲ ᑮᐌ ᓈᓯᑲᐎᓂᓂᒻ᙮ 4ᑫᑯ ᐐᓐ ᐃᔑᒋᑫᑫᒃ ᑭᑫᑕᔭᐋᒥᐙᒃ ᒣᐎᔕ ᑳᑮ ᐃᔑᒋᑫᐙᒡ ᐁᑮ ᔕᔒᐱᑕᒧᐙᒡ ᐁᑮ ᐱᓯᑕᓯᒀ᙮ ᑫᓅᑕᒪᐎᐙᒡ ᓂᑮ ᐋᐸᒋᐋᒃ ᐋᓇᑮ ᑲᓅᓇᒀ ᒋᓅᒋᑑᓯᒀ ᒪᒋᑫᑰᓐ, ᒋᐴᓂᑑᐙᒡ ᑲᔦ ᐅᒪᒋᐃᔑᒋᑫᐎᓂᐙᓐ᙮ 5ᐃᑭ ᓴ ᑭᑫᑌᔭᐋᒥᐙᐸᓃᒃ, ᑳᑮ ᑲᓅᑕᒫᑫᐙᒡ ᑲᔦ ᑳᐐᓐ ᑫᔮᐱ ᐱᒫᑎᓯᓰᐗᒃ᙮ 6ᓂᑕᓄᑮᐋᑲᓇᒃ ᑫᓅᑕᒪᐎᐙᒡ ᓴ ᓂᑮ ᑮᑭᑑᑕᒫᑰᒃ ᐁᑮ ᑲᓅᓇᒀᐸᓐ ᑭᑫᑌᔭᐋᒥᐙᒃ ᒋᐊᔮᒀᒥᓯᐙᒡ, ᑳᐐᓐ ᑮᐱᓯᑕᓰᐗᒃ ᒦᔥ ᑳᑮ ᐅᒋ ᒫᔑᓭᐙᒡ᙮ ᒦᔥ ᑫᑲᐲ ᑳᑮ ᑴᑭᐱᒫᑎᓯᐙᒡ ᐁᑮ ᑭᑫᑕᒧᐙᒡ ᓃᓐ ᑳᒫᐗᒋ ᒪᔥᑲᐎᓰᐗᒃ ᑌᐯᒋᑫᔮᓐ ᐁᑮ ᐅᓀᑕᒧᐗᒃ ᐋᓃᓐ ᑳᑮ ᐃᔑ ᑲᔥᑭᑕᒫᓱᐙᒡ ᑮᓇᓇᐊᓴᒀᐸᓐ᙮
7ᓃᔓᐱᐴᓐ ᑳᑭᒋᐅᑭᒫᐎᒡ ᑕᕒᐋᔭᔅ Darius ᓃᔥᑕᓇᔑᓃᐎᓐ 24 ᐁᐃᓇᑭᓱᒡ ᒥᑖᔑᐯᔑᑯᑮᓯᓲᓐ 11 ᓰᐸᑦ Shebat ᐁᔑᓂᑳᓱᓂᒡ, ᒦ ᓴ ᐃ ᐊᐲ ᓃᓐ ᓭᑲᕒᐋᔭ ᐌᑌᑌᔮᓐ ᐯᕒᐊᑳᔭᐗᓐ Berechiah, ᐌᒥᔔᒥᓯᔮᓐ ᐃᑑ Iddo ᑳᑮ ᑲᓅᔑᒡ ᑳᑎᐯᒋᑫᒡ ᐁᑎᐱᑲᓂᓂᒃ᙮ 8#Rev 6.4; Rev 6.2. ᒦᔥ ᑳᑮ ᐃᔑᓇᒫᓐ ᐁᑮ ᐙᐸᒪᒃ ᐁᒐᓬ ᒥᔅᑯ ᒥᑕᑎᒨᓐ ᐁᐱᒥᐗᓈᓱᒡ᙮ ᐁᔑ ᐸᓴᑎᓈᓂᒃ ᐁᑮ ᐃᔑ ᑭᐱᒌᒡ ᐁᔑ ᐸᑕᑭᓱᓂᒡ ᒬᑕᓬ myrtle ᑎᓄᐙᑎᑰᐞ᙮ ᐅᑖᓈᕽ ᐃᑕᔥ ᑯᑕᒃ ᒥᑕᑎᒨᐞ ᑮᐱ ᐊᔮᐗᐞ ᐁᑮ ᒥᔅᑯᓯᓂᒡ, ᐋᓂᑕ ᐁᑮ ᐅᓵᐎᓈᑯᓯᓂᒡ, ᐋᓂᑕ ᑲᔦ ᐁᑮ ᐙᐱᔥᑭᓯᓂᒡ᙮ 9ᒦᔥ ᑳᐃᓇᒃ, ᓂᑑᑭᒫᒻ, ᐋᓃᓐ ᐃᑕᔥ ᐅᑯ ᒥᑕᑎᒨᒃ ᐁᓍᓱᐙᒡ?
ᒦᑕᔥ ᐅᐅ ᑳᐃᔑ ᓇᑴᑕᐎᒡ, ᑭᑲ ᐐᑕᒪᐎᓐ ᐃᓴ ᐋᓃᓐ ᐁᓍᓱᐙᒡ, ᓂᑮᐃᒃ᙮ 10ᒦᔥ ᐊᐊᐌ ᐃᓂᓂ ᑳᑮ ᓃᐸᐎᒡ ᒣᑴᔭᐄ ᑳᐃᔑ ᐸᐹᑕᑭᓱᓂᒡ ᒬᑕᓬ ᑎᓄᐙᑎᑰᐞ ᓂᑮ ᐃᔑ ᐐᑕᒫᒃ, ᑳᑎᐯᒋᑫᒡ ᐄᑐᒃ ᐅᐅ ᐅᑮ ᐲᒋᓂᔕᐙᐞ ᒋᐱ ᐊᑕ ᑭᑫᑕᒥᓂᒡ ᐊᑭ᙮
11ᒦᑕᔥ ᑳᐃᔑ ᐐᑕᒪᐙᐙᒡ ᐃᓂ ᑳᑎᐯᒋᑫᓂᒡ ᐅᑌᒐᓬᐃᒥᓂ ᑳᓃᐸᐎᓂᒡ ᒣᑴᔭᐄ ᒬᑕᓬ myrtle ᑎᓄᐙᑎᑰᕽ ᐁᑮᐃᓈᐙᒡ, ᒥᓯᐌ ᓴ ᐊᑮᕽ ᓂᑮ ᐃᔖᒥᓐ᙮ ᒦᔥ ᐁᔑ ᒥᑲᒫᕽ ᐅᐅ ᒥᓯᐌ ᐊᑭ ᐱᓵᓐ ᐁᐊᔮᒪᑲᒃ, ᐁᐱᓵᓀᑖᑾᒃ ᑲᔦ᙮
12ᐊᐊ ᑕᔥ ᑳᑎᐯᒋᑫᒡ ᐅᑌᒐᓬᐃᒪᓐ ᑮᐃᑭᑐᐗᓐ, ᑳᒫᐗᒋ ᒪᔥᑲᐎᓰᔭᓐ ᑌᐯᒋᑫᔭᓐ, ᐋᔕ ᐄᑐᒃ ᓃᔣᓯᒥᑕᓇ 70 ᑕᓱᐱᐴᓐ ᑭᐱ ᓂᔥᑭᐃᑰᓐ ᑭᒋ ᐆᑌᓇ ᒉᕒᐆᓴᓬᐊᒻ Jerusalem, ᐃᓂ ᑲᔦ ᑯᑕᒃ ᐆᑌᓇᐗᓐ ᐁᔮᑭᓐ ᐃᐃᒫ ᒎᑕ ᐊᑮᕽ᙮ ᐋᓃᓐ ᐃᑕᔥ ᐊᐲ ᐙᑰᐹᓯᓇᒪᓐ?
13ᑳᑎᐯᒋᑫᒡ ᐃᑕᔥ ᐌᐌᓂ ᐅᑮ ᓇᑴᑕᐙᓐ ᐃᓂ ᐁᒐᓬᐊᓐ ᐁᑮ ᒥᓄ ᓇᑴᑕᐙᒡ᙮ 14ᒦᑕᔥ ᐊᐊ ᐁᒐᓬ ᐅᐅ ᑳᐃᔑᒡ ᒋᐐᑕᒫᑫᐗᒃ ᐁᑭᑐᓂᒡ ᑳᒫᐗᒋ ᒪᔥᑲᐎᓰᓂᒡ ᑳᑎᐯᒋᑫᓂᒡ, ᐐᑫ ᓴ ᑯ ᓂᓵᑭᑑᓐ ᐁᑭᒋ ᓈᓈᑲᑕᐌᑕᒫᓐ ᑭᒋ ᐆᑌᓇ ᒉᕒᐆᓴᓬᐊᒻ ᑳᑎᐱᓇᐌᐎᓯᔮᓐ᙮ 15ᐐᑫ ᑕᔥ ᐐᓐ ᓂᓂᔥᑭᐃᑰᒃ ᐃᑭ ᑯᑕᒃ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ ᐱᓵᓐ ᑳᑲᐯᔑᐙᒡ᙮ ᐊᒋᓇ ᓴ ᑕᔥ ᓂᑮ ᑆᑕᐎᑭᑖᔅ ᓂᐱᒫᑎᓰᒪᒃ ᐅᒋ, ᐃᑭ ᐄᑐᒃ ᑯᑕᒃ ᐸᑳᓐ ᐯᒫᑎᓯᐙᒡ ᐅᑎᔑᒋᑫᐎᓂᐙ ᓂᐱᒫᑎᓰᒪᒃ ᐌᒋ ᑲᒀᑕᑭᑑᐙᒡ᙮ 16ᒦᑕᔥ ᒋᐱᑮᐌᓄᑕᒫᓐ ᐃᐃ ᑭᒋ ᐆᑌᓇ ᒉᕒᐆᓴᓬᐊᒻ ᒋᐱ ᑰᐹᓯᓇᒫᓐ᙮ ᓂᑭᒋ ᐊᓇᒥᐁᐎᑲᒥᑯᒻ ᑲᔦ ᑕᑮᐌ ᐅᔑᒋᑳᑌ, ᐃᐃ ᑲᔦ ᑭᒋ ᐆᑌᓇ ᑕᐗᐌᔑᒋᑳᑌ, ᐃᑭᑐ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ᙮
17ᒦᑕᔥ ᐅᐅ ᑳᐊᓂᐃᔑᒡ ᐊᐊ ᐁᒐᓬ ᐊᐗᔑᒣ ᒋᐊᓂ ᐃᑭᑐᐗᒃ, ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ ᐃᑭᑐ ᑲᑭᓇ ᓴ ᐅᑑᑌᓈᒪᓐ ᒋᑮᐌ ᒥᓄᓭᓂᑭᓐ, ᐁᐐ ᑮᐌ ᐐᒋᑑᒡ ᒉᕒᐆᓴᓬᐊᒻ, ᑲᔦ ᑕᔥ ᐁᐐᐃᑕᕽ ᐁᑎᐱᓇᐌᐎᓯᒡ᙮
ᐁᔥᑲᓇᐞ ᓭᑲᕒᐋᔭ ᑮᐙᐸᒫᒡ
18ᐃᔥᐱᒥᕽ ᐃᑕᔥ ᐁᐃᓈᐱᔮᓐ, ᓃᐎᓐ ᐱᔑᑮᐎ ᐁᔥᑲᓇᒃ ᓂᑮ ᐙᐸᒫᒃ᙮ 19ᒦᔥ ᑳᐃᔑ ᑲᑴᒋᒪᒃ ᐁᒐᓬ ᑳᑲᑲᓅᔑᒡ, ᐋᓃᓐ ᐃᑕᔥ ᐅᑯ ᐁᓍᓱᐙᒡ?
ᐅᐅ ᑕᔥ ᓂᑮ ᐃᔑ ᓇᑴᑖᒃ, ᒦ ᓴ ᐃ ᐁᓍᓱᐙᒡ ᐅᑯ ᐁᔥᑲᓇᒃ ᒦ ᐃᒫ ᑳᑮ ᐅᒋ ᒥᓯᑌᔥᑳᐙᒡ ᐯᒫᑎᓯᐙᒡ ᒎᑕ ᐊᑮᕽ ᐌᒌᐙᒡ, ᐌᒌᐙᒡ ᑲᔦ ᐃᔅᕒᐃᔭᓬ ᐊᑮᕽ, ᐃᐃᒫ ᑲᔦ ᒉᕒᐆᓴᓬᐊᒻ ᑭᒋ ᐆᑌᓈᕽ᙮ 20ᑳᑎᐯᒋᑫᒡ ᐃᑕᔥ ᓂᑮ ᐙᐸᑕᐃᒃ ᓃᐎᓐ ᐊᓄᑮᐎᓂᓂᐗᐞ ᐁᑕᑯᓇᒥᓂᒡ ᐸᑭᑌᐃᑲᓀᓴᓐ᙮ 21ᒦᑕᔥ ᑳᐃᓇᒃ, ᐋᓃᓐ ᐃᑕᔥ ᐐᓇᐙ ᐗᐃᔑᒋᑫᐙᒡ? ᒦᔥ ᑳᐃᔑ ᓇᑴᑕᐎᒡ, ᒦ ᓴ ᐃ ᐌᒋ ᐲᔖᐙᒡ ᐁᐐ ᓭᑭᐋᐙᒡ, ᐁᐐ ᔖᑰᒋᐋᐙᒡ ᑲᔦ ᐁᑕᓶᐙᓇᑭᓯᓂᒡ ᐊᐎᔭᐞ ᑳᑮᐅᒋ ᒫᔑᓭᓂᒃ ᒎᑕ ᐊᑭ, ᑳᒥᓯᑌᔮᒧᑮᓂᒡ ᑲᔦ ᐯᒫᑎᓯᓂᒡ ᐃᐃᒫ ᐌᒌᓂᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society