ᐋᐸᑲᒃ 2
2
ᑳᑎᐯᒋᑫᓂᒡ ᑳᑮᐃᔑᓇᑴᑖᑯᒡ ᐋᐸᑲᒃ
1ᓂᑲ ᐃᒀᑕᐌ ᒋᐅᔑᑳᐸᐎᔮᓐ ᑳᔑ ᓂᑖ ᐅᔑᑳᐸᐎᔮᓐ ᐅᓵᐱᐎᓂᕽ ᐁᐐ ᐲᑖᐗᒃ ᐋᓃᓐ ᑳᑎᐯᒋᑫᒡ ᑫᐃᔑᑴᓐ, ᐋᓃᓐ ᑲᔦ ᑫᔑ ᓇᑴᑕᐎᑴᓐ ᐅᐅ ᑳᔑ ᒪᒪᔦᒋᐎ ᑳᑮᑭᑐᐗᒃ᙮ 2ᒦᑕᔥ ᐅᐅ ᑳᑎᐯᒋᑫᒡ ᑳᐃᔑ ᓇᑴᑕᐎᒡ ᐁᑮᐃᔑᒡ, ᐅᔑᐲᐊᓐ ᐅᐅ ᑳᑭᑫᑕᒨᐃᓈᓐ, ᐸᑲᑭᐲᐊᓐ ᐃᐃᒫ ᓇᐸᑳᐱᑲᓯᓃᕽ, ᒦᑕᔥ ᑳᐊᓇᒥᑑᐙᒡ ᒋᐌᒋ ᓂᓯᑕᐎᓇᒧᐙᒡ᙮ 3#Heb 10.37. ᐅᔑᐲᐊᓐ, ᑳᐐᓐ ᐋᓃᔥ ᒪᔑ ᐅᒋᒋᓭᓯᓅᓐ ᒋᑭᑫᑖᑯᒋᑳᑌᑭᐸᓐ; ᐊᐲ ᑕᔥ ᐅᒋᒋᓭᒃ ᐐᐸ ᑕᐃᔑᓭ, ᑳᐙᐸᑕᐃᓈᓐ ᑕᑌᐺᒪᑲᓐ ᐋᓇᐐᓐ ᐁᐸᐯᒌᒪᑲᒃ, ᔖᑰᒡ ᓴ ᐲᑑᓐ, ᑫᒋᓈᒡ ᓴ ᑯ ᑕᐃᔑᓭ, ᑳᐐᓐ ᑕᑆᑕᐐᒪᑲᓯᓅᓐ᙮ 4#Rom 1.17; Gal 3.11; Heb 10.38. ᒦᔥ ᐅᐅ ᐁᔑᓯᕽ ᐅᐅ ᑎᐹᒋᒧᐎᓐ, ᐃᑭ ᓴ ᒣᒋᐃᔑᐌᐱᓯᐙᒡ ᑳᐐᓐ ᑕᔕᐾᓰᐗᒃ, ᐃᑭ ᑕᔥ ᐐᓐ ᑴᔭᒀᑎᓯᐙᒡ ᑕᐱᒫᑎᓯᐗᒃ ᐋᓃᔥ ᑲᐯᐊᔭᐄ ᐅᑌᐺᑕᐙᐙᓐ ᑭᔐᒪᓂᑑᓐ᙮
ᑫᔑᐅᒑᓂᒥᓭᐙᒡ ᒣᒋᐃᔑᐌᐱᓯᐙᒡ
5ᑌᐺ ᓴ ᔔᒥᓈᐳ ᐊᐎᔭ ᐅᐗᔦᔑᐃᑯᓐ, ᐐᑫ ᐁᑲᑮᐹᓯᓈᑯᔥᑳᑯᒡ ᐁᑯᔥᒀᐙᒋᐊᔮᓯᒃ, ᒦ ᓴ ᐃ ᐁᓀᑖᑯᓯᒡ ᑖᐱᔥᑰ ᑳᔑ ᐋᔅᑯᓀᒋᑫᒪᑲᓂᓂᒃ ᓂᑾᐊᑳᓂᓂ, ᑖᐱᔥᑰ ᓂᐳᐎᓐ ᑳᑌᐱ ᓂᔑᐌᒪᑲᓯᓄᒃ᙮ ᒦ ᓴ ᐃ ᑳᐅᒋ ᔖᑰᒋᐋᐙᒡ ᑳᐯᐸᑳᓉᐙᓇᑭᓯᓂᒡ ᐯᒫᑎᓯᓂᒡ ᐐᓇᐙ ᐱᑯ ᐁᐐ ᐅᒋ ᒥᓄᓭᐙᒡ᙮ 6ᑳᑮ ᔖᑰᒋᐋᐙᒡ ᐄᑐᒃ ᐅᑲ ᒦᑭᓱᒥᑯᐙᐞ, ᐅᑲ ᒫᓀᓂᒥᑯᐙᐞ ᑲᔦ᙮ ᒦᔥ ᐅᐅ ᑫᐃᑭᑐᓂᒡ, ᑭᑐᒑᓂᒥᓯᒻ ᓴ ᑳᐅᑯᓯᑑᔦᒃ ᑭᑭᒨᑎᐎᓂᐙᓐ, ᑭᑐᒋ ᐌᓅᑎᓯᒻ ᐁᒪᑲᒣᒀ ᐃᑭᐌᓂᐗᒃ ᑳᑌᑎᐸᐊᒫᐎᓯᓄᐌᒀ᙮ ᐋᓃᓐ ᐃᑕᔥ ᐃᐃ ᒥᓂᒃ ᑫᐃᔑᒋᑫᔦᑭᐸᓐ? ᑕᐃᑭᑐᐗᐞ᙮
7ᑳᐐᓐ ᐃᓇ ᑭᑎᓀᑕᓰ ᐃᑭ ᒣᓯᓇᐊᒪᐎᒀ ᒋᑴᑕᑐ ᓇᓈᑯᓂᒀ, ᑳᐐᓐ ᐃᓇ ᑕᑯᔥᑴᑕᓰᐗᒃ ᒋᓭᑭᐃᒀ ᑕᔥ? ᑮᓐ ᓴ ᑕᔥ ᑭᑲ ᐌᓵᓂᐃᑰᒃ᙮ 8ᐅᓵᒻ ᐃᑕᔥ ᐁᑮ ᒪᑲᒪᑣ ᑯᑕᑭᔭᒃ ᐯᒫᑎᓯᐙᒡ ᐅᑕᔭᐄᒥᐙᓐ, ᐃᑭ ᓴ ᑕᔥ ᑳᑮ ᔖᐾᐙᒡ ᑭᑲ ᒪᑲᒥᑰᒃ ᑭᑕᔭᐄᒪᓐ᙮ ᓃᐱᐗᐞ ᓴ ᐯᒫᑎᓯᐙᒡ ᑭᑮ ᐱ ᓂᓵᒃ; ᐁᑮ ᓂᔑᐗᓈᒋᑑᔭᓐ ᐊᑮᓐ, ᐅᑖᐎᓂᐙᓐ ᑲᔦ, ᑲᑭᓇ ᑲᔦ ᐃᐃᒫ ᑳᑮ ᐊᔮᐙᒡ᙮ ᑮᓐ ᑕᔥ ᑲᑭᓇ ᑭᑲ ᑮᐌ ᐅᑎᓯᑯᓇᓐ᙮
9ᑕᑭᒋ ᐅᒑᓂᒥᓯ ᓴ ᐊᐎᔭ ᒪᑲᑗᐎᓂᕽ ᑳᐅᒋ ᐌᓅᒋᓭᑑᒡ ᐅᐙᑳᐃᑲᓐ, ᑳᑲᑴ ᐃᔑᑑᒡ ᐅᑖᐎᓐ ᑖᐱᔥᑰ ᒥᑭᓯ ᑳᔑᐗᓯᔀᓄᑫᒡ ᑳᐃᔥᐸᑭᓱᓂᒡ ᒥᑎᑰᓐ ᒋᑌᐱᓂᑯᓯᒃ ᓇᓃᓵᓂᓯᐎᓐ, ᓂᔑᐗᓈᑎᓯᐎᓐ ᑲᔦ᙮ 10ᑮᓐ ᐃᑕᔥ ᐃᑯ ᐃ ᑭᑎᔑᒋᑫᐎᓂᕽ ᑳᐅᒋ ᒪᒥᔑᑑᔭᓐ ᑭᑖᐎᓐ, ᑭᐱᒫᑎᓯᐎᓐ ᑲᔦ, ᐁᑮ ᓂᔑᐗᓈᒋᐊᑣ ᓃᐱᐗᐞ ᑌᓶᐙᓇᑭᓯᐙᒡ ᐯᒫᑎᓯᐙᒡ᙮ 11ᐃᑭ ᓴ ᒥᓴᐙ ᐊᓯᓃᒃ ᑳᐋᐸᑎᓯᐙᒡ ᐙᑳᔮᐱᑭᓂᑲᓂᕽ ᑕᔖᑯᐌᐗᒃ ᒋᐊᓈᒥᒥᒀ, ᐊᐸᒀᓈᑰᒃ ᓴ ᐅᑲ ᑮᐌ ᐸᓶᐌᓯᑑᓈᐙ᙮
12ᐐᑫ ᓴ ᑭᑲ ᑭᒋ ᐅᒑᓂᒥᓯᒻ ᑭᓂᔑᐌᐎᓂᐙᕽ ᑳᐅᒋ ᐅᔑᑑᔦᒃ ᑭᒋ ᐆᑌᓇ, ᑭᒪᒋᑑᑕᒧᐎᓂᐙᕽ ᐌᒋ ᐅᓇᑑᔦᒃ ᐆᑌᓇ᙮ 13ᐁᑕᓶᐙᓇᑭᓯᐙᒡ ᑳᑮ ᔖᑰᒋᐁᒀ ᐊᓂᔖ ᑮᒑᑮᐗᒃ ᑳᐐᓐ ᐋᓃᔥ ᑫᑰᓐ ᐃᓈᐸᑕᓯᓂᓂᐗᓐ ᑳᐊᓄᑳᑕᒧᐙᒡ, ᑲᑭᓇ ᐋᓃᔥ ᑕᐊᑾᑭᑌᓂᐗᓐ᙮ ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ ᐄᑐᒃ ᑳᑮ ᐅᓀᑕᕽ ᐅᐅ ᒋᐃᔑᓭᓂᒃ᙮ 14#Isa 11.9. ᑖᐱᔥᑰ ᓴ ᓂᐱ ᑳᔑ ᒫᒨᔥᑭᓀᐲᒃ ᑭᒋᑲᒦᕽ ᒦ ᓴ ᐃ ᓇᑫ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ ᑫᔑ ᑭᑫᒋᑳᑌᓂᒃ ᐅᐅᒫ ᒥᓯᐌ ᐊᑮᕽ᙮
15ᐋᐱᒋ ᓴ ᑕᑭᒋ ᐅᒑᓂᒥᓯ ᑳᒥᓇᐋᒡ ᐅᐐᒋᑖᒫᑲᓐ, ᑳᑕᒀᑲᒥᓇᕽ ᑫᐅᒋ ᑮᐗᔥᑴᐲᓂᒡ ᐁᐐ ᑲᓇᐙᐸᒫᒡ ᐃᑕᔥ ᑭᑭᑯᓇᔦᓯᓂᒃ᙮ 16ᑮᓐ ᐃᑕᔥ ᑳᑮ ᐲᔑ ᑭᑌᑖᑯᓯᔭᐸᓐ ᐗᐐᑫ ᒣᔥᑾᒡ ᑭᑲ ᐊᑲᒋᐃᑯᓐ᙮ ᑮᓂᑕᒻ ᑭᑲ ᑮᐗᔥᑴᐲ ᒋᑭᑭᑯᓇᔦᓯᐗᓐ᙮ ᑳᑎᐯᒋᑫᒡ ᓴ ᑕᐃᔑᒋᑫ ᒋᐱᑮᐌᔥᑳᓂᒃ ᑭᒥᓂᒀᑲᓐ ᑫᓇᓇᐊᓯᑯᐗᒡ᙮ ᒦᔥ ᐗᐐᑫ ᒋᐊᑲᒋᐃᑰᔭᓐ ᑳᑮ ᐃᔑ ᑭᑌᓂᒥᑰᔭᐸᓐ᙮ 17ᑳᐐᓐ ᐄᑐᒃ ᑭᑮ ᒪᓈᒋᑑᓰᒻ ᓬᐁᐸᓇᓐ ᐊᑭ, ᑖᐱᔥᑰ ᑳᑮ ᑲᐗᐌᒀ ᒥᑎᑰᒃ ᒦᔥ ᐃᐃ ᑫᑮᓇᐙ ᑫᑑᑖᑰᔦᒃ᙮ ᑭᑮ ᓂᓵᐙᒃ ᑲᔦ ᐊᔭᐋᐎᔕᒃ, ᒦᐗᒃ ᐃᑕᔥ ᐃᑭ ᓅᑯᒻ ᑫᓂ ᓭᑭᐃᓀᒀ᙮ ᒦᔥ ᐅᐅ ᑫᐅᒋ ᐃᔑᓭᒃ ᐅᓵᒻ ᐋᓃᔥ ᑭᓂᓵᐙᒃ ᐯᒫᑎᓯᐙᒡ, ᐁᓂᔑᐗᓈᒋᑑᔦᒃ ᐊᑮᓐ, ᐆᑌᓇᐗᓐ ᑲᔦ, ᐃᑭ ᑲᔦ ᐃᐃᒫ ᐁᔮᐙᒡ᙮
18ᐋᓃᓐ ᐃᑕᔥ ᐁᓍᓱᓂᒡ ᒪᓂᑑᑰᒋᑲᓇᓐ ᐃᓂᓂ ᑳᐅᔑᐋᒡ? ᒥᒋ ᑮᐗᓂᒧᐗᓐ ᐄᑐᒃ᙮ ᒦᔥ ᐁᔑ ᐊᐯᓂᒧᓄᑕᐙᒡ ᐅᑑᔑᑰᒋᑲᓇᓐ ᑫᑰᓐ ᐁᐃᓈᐸᑎᓯᓯᓂᒃ ᐁᑲᔥᑭᑑᓯᓂᒃ ᐃᑕᔥ ᒋᑮᑭᑐᓂᒡ᙮ 19ᐁᑕᑕᐌ ᓴ ᐅᒑᓂᒥᓯ ᑳᐃᑕᕽ ᒥᑎᑯᓂ, ᐗᓂᔥᑳᓐ! ᐊᓯᓃᓐ ᑲᔦ ᑳᐃᓈᒡ, ᐸᓯᑸᓐ! ᑯᓂᑫ ᐃᑕᔥ ᐅᑖ ᑭᑭᓄᐊᒫᑰᓐ? ᐋᓇ ᓴ ᐐᓐ ᒥᓯᐌ ᐅᓵᐎ ᔔᓂᔮ ᐙᐱᑯᑳᓈᑲᓂᐎᓂᒡ, ᐙᐹᐱᑯ ᔔᓂᔮ ᐙᐱᑯᑳᓈᑲᓂᐎᓂᒡ ᑲᔦ; ᔖᑰᒡ ᐃᑕᔥ ᑳᐐᓐ ᒋᐱᒫᑎᓯᓂᒡ᙮ 20ᑳᑎᐯᒋᑫᒡ ᐃᑕᔥ ᐐᓐ ᐊᔮ ᒫᐗᒡ ᑳᑭᒋ ᐃᓀᑖᑾᓂᓂᒃ ᐅᑭᒋ ᐊᓇᒥᐁᐎᑲᒥᑯᕽ, ᑕᑲ ᑲᑭᓇ ᐁᑕᔑᓂᒡ ᐊᐎᔭᐞ ᐅᐅᒫ ᐊᑮᕽ ᑕᒪᓈ ᓅᑖᑎᐗᐞ ᐁᓈᓴᒦᒡ!
Currently Selected:
ᐋᐸᑲᒃ 2: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐋᐸᑲᒃ 2
2
ᑳᑎᐯᒋᑫᓂᒡ ᑳᑮᐃᔑᓇᑴᑖᑯᒡ ᐋᐸᑲᒃ
1ᓂᑲ ᐃᒀᑕᐌ ᒋᐅᔑᑳᐸᐎᔮᓐ ᑳᔑ ᓂᑖ ᐅᔑᑳᐸᐎᔮᓐ ᐅᓵᐱᐎᓂᕽ ᐁᐐ ᐲᑖᐗᒃ ᐋᓃᓐ ᑳᑎᐯᒋᑫᒡ ᑫᐃᔑᑴᓐ, ᐋᓃᓐ ᑲᔦ ᑫᔑ ᓇᑴᑕᐎᑴᓐ ᐅᐅ ᑳᔑ ᒪᒪᔦᒋᐎ ᑳᑮᑭᑐᐗᒃ᙮ 2ᒦᑕᔥ ᐅᐅ ᑳᑎᐯᒋᑫᒡ ᑳᐃᔑ ᓇᑴᑕᐎᒡ ᐁᑮᐃᔑᒡ, ᐅᔑᐲᐊᓐ ᐅᐅ ᑳᑭᑫᑕᒨᐃᓈᓐ, ᐸᑲᑭᐲᐊᓐ ᐃᐃᒫ ᓇᐸᑳᐱᑲᓯᓃᕽ, ᒦᑕᔥ ᑳᐊᓇᒥᑑᐙᒡ ᒋᐌᒋ ᓂᓯᑕᐎᓇᒧᐙᒡ᙮ 3#Heb 10.37. ᐅᔑᐲᐊᓐ, ᑳᐐᓐ ᐋᓃᔥ ᒪᔑ ᐅᒋᒋᓭᓯᓅᓐ ᒋᑭᑫᑖᑯᒋᑳᑌᑭᐸᓐ; ᐊᐲ ᑕᔥ ᐅᒋᒋᓭᒃ ᐐᐸ ᑕᐃᔑᓭ, ᑳᐙᐸᑕᐃᓈᓐ ᑕᑌᐺᒪᑲᓐ ᐋᓇᐐᓐ ᐁᐸᐯᒌᒪᑲᒃ, ᔖᑰᒡ ᓴ ᐲᑑᓐ, ᑫᒋᓈᒡ ᓴ ᑯ ᑕᐃᔑᓭ, ᑳᐐᓐ ᑕᑆᑕᐐᒪᑲᓯᓅᓐ᙮ 4#Rom 1.17; Gal 3.11; Heb 10.38. ᒦᔥ ᐅᐅ ᐁᔑᓯᕽ ᐅᐅ ᑎᐹᒋᒧᐎᓐ, ᐃᑭ ᓴ ᒣᒋᐃᔑᐌᐱᓯᐙᒡ ᑳᐐᓐ ᑕᔕᐾᓰᐗᒃ, ᐃᑭ ᑕᔥ ᐐᓐ ᑴᔭᒀᑎᓯᐙᒡ ᑕᐱᒫᑎᓯᐗᒃ ᐋᓃᔥ ᑲᐯᐊᔭᐄ ᐅᑌᐺᑕᐙᐙᓐ ᑭᔐᒪᓂᑑᓐ᙮
ᑫᔑᐅᒑᓂᒥᓭᐙᒡ ᒣᒋᐃᔑᐌᐱᓯᐙᒡ
5ᑌᐺ ᓴ ᔔᒥᓈᐳ ᐊᐎᔭ ᐅᐗᔦᔑᐃᑯᓐ, ᐐᑫ ᐁᑲᑮᐹᓯᓈᑯᔥᑳᑯᒡ ᐁᑯᔥᒀᐙᒋᐊᔮᓯᒃ, ᒦ ᓴ ᐃ ᐁᓀᑖᑯᓯᒡ ᑖᐱᔥᑰ ᑳᔑ ᐋᔅᑯᓀᒋᑫᒪᑲᓂᓂᒃ ᓂᑾᐊᑳᓂᓂ, ᑖᐱᔥᑰ ᓂᐳᐎᓐ ᑳᑌᐱ ᓂᔑᐌᒪᑲᓯᓄᒃ᙮ ᒦ ᓴ ᐃ ᑳᐅᒋ ᔖᑰᒋᐋᐙᒡ ᑳᐯᐸᑳᓉᐙᓇᑭᓯᓂᒡ ᐯᒫᑎᓯᓂᒡ ᐐᓇᐙ ᐱᑯ ᐁᐐ ᐅᒋ ᒥᓄᓭᐙᒡ᙮ 6ᑳᑮ ᔖᑰᒋᐋᐙᒡ ᐄᑐᒃ ᐅᑲ ᒦᑭᓱᒥᑯᐙᐞ, ᐅᑲ ᒫᓀᓂᒥᑯᐙᐞ ᑲᔦ᙮ ᒦᔥ ᐅᐅ ᑫᐃᑭᑐᓂᒡ, ᑭᑐᒑᓂᒥᓯᒻ ᓴ ᑳᐅᑯᓯᑑᔦᒃ ᑭᑭᒨᑎᐎᓂᐙᓐ, ᑭᑐᒋ ᐌᓅᑎᓯᒻ ᐁᒪᑲᒣᒀ ᐃᑭᐌᓂᐗᒃ ᑳᑌᑎᐸᐊᒫᐎᓯᓄᐌᒀ᙮ ᐋᓃᓐ ᐃᑕᔥ ᐃᐃ ᒥᓂᒃ ᑫᐃᔑᒋᑫᔦᑭᐸᓐ? ᑕᐃᑭᑐᐗᐞ᙮
7ᑳᐐᓐ ᐃᓇ ᑭᑎᓀᑕᓰ ᐃᑭ ᒣᓯᓇᐊᒪᐎᒀ ᒋᑴᑕᑐ ᓇᓈᑯᓂᒀ, ᑳᐐᓐ ᐃᓇ ᑕᑯᔥᑴᑕᓰᐗᒃ ᒋᓭᑭᐃᒀ ᑕᔥ? ᑮᓐ ᓴ ᑕᔥ ᑭᑲ ᐌᓵᓂᐃᑰᒃ᙮ 8ᐅᓵᒻ ᐃᑕᔥ ᐁᑮ ᒪᑲᒪᑣ ᑯᑕᑭᔭᒃ ᐯᒫᑎᓯᐙᒡ ᐅᑕᔭᐄᒥᐙᓐ, ᐃᑭ ᓴ ᑕᔥ ᑳᑮ ᔖᐾᐙᒡ ᑭᑲ ᒪᑲᒥᑰᒃ ᑭᑕᔭᐄᒪᓐ᙮ ᓃᐱᐗᐞ ᓴ ᐯᒫᑎᓯᐙᒡ ᑭᑮ ᐱ ᓂᓵᒃ; ᐁᑮ ᓂᔑᐗᓈᒋᑑᔭᓐ ᐊᑮᓐ, ᐅᑖᐎᓂᐙᓐ ᑲᔦ, ᑲᑭᓇ ᑲᔦ ᐃᐃᒫ ᑳᑮ ᐊᔮᐙᒡ᙮ ᑮᓐ ᑕᔥ ᑲᑭᓇ ᑭᑲ ᑮᐌ ᐅᑎᓯᑯᓇᓐ᙮
9ᑕᑭᒋ ᐅᒑᓂᒥᓯ ᓴ ᐊᐎᔭ ᒪᑲᑗᐎᓂᕽ ᑳᐅᒋ ᐌᓅᒋᓭᑑᒡ ᐅᐙᑳᐃᑲᓐ, ᑳᑲᑴ ᐃᔑᑑᒡ ᐅᑖᐎᓐ ᑖᐱᔥᑰ ᒥᑭᓯ ᑳᔑᐗᓯᔀᓄᑫᒡ ᑳᐃᔥᐸᑭᓱᓂᒡ ᒥᑎᑰᓐ ᒋᑌᐱᓂᑯᓯᒃ ᓇᓃᓵᓂᓯᐎᓐ, ᓂᔑᐗᓈᑎᓯᐎᓐ ᑲᔦ᙮ 10ᑮᓐ ᐃᑕᔥ ᐃᑯ ᐃ ᑭᑎᔑᒋᑫᐎᓂᕽ ᑳᐅᒋ ᒪᒥᔑᑑᔭᓐ ᑭᑖᐎᓐ, ᑭᐱᒫᑎᓯᐎᓐ ᑲᔦ, ᐁᑮ ᓂᔑᐗᓈᒋᐊᑣ ᓃᐱᐗᐞ ᑌᓶᐙᓇᑭᓯᐙᒡ ᐯᒫᑎᓯᐙᒡ᙮ 11ᐃᑭ ᓴ ᒥᓴᐙ ᐊᓯᓃᒃ ᑳᐋᐸᑎᓯᐙᒡ ᐙᑳᔮᐱᑭᓂᑲᓂᕽ ᑕᔖᑯᐌᐗᒃ ᒋᐊᓈᒥᒥᒀ, ᐊᐸᒀᓈᑰᒃ ᓴ ᐅᑲ ᑮᐌ ᐸᓶᐌᓯᑑᓈᐙ᙮
12ᐐᑫ ᓴ ᑭᑲ ᑭᒋ ᐅᒑᓂᒥᓯᒻ ᑭᓂᔑᐌᐎᓂᐙᕽ ᑳᐅᒋ ᐅᔑᑑᔦᒃ ᑭᒋ ᐆᑌᓇ, ᑭᒪᒋᑑᑕᒧᐎᓂᐙᕽ ᐌᒋ ᐅᓇᑑᔦᒃ ᐆᑌᓇ᙮ 13ᐁᑕᓶᐙᓇᑭᓯᐙᒡ ᑳᑮ ᔖᑰᒋᐁᒀ ᐊᓂᔖ ᑮᒑᑮᐗᒃ ᑳᐐᓐ ᐋᓃᔥ ᑫᑰᓐ ᐃᓈᐸᑕᓯᓂᓂᐗᓐ ᑳᐊᓄᑳᑕᒧᐙᒡ, ᑲᑭᓇ ᐋᓃᔥ ᑕᐊᑾᑭᑌᓂᐗᓐ᙮ ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ ᐄᑐᒃ ᑳᑮ ᐅᓀᑕᕽ ᐅᐅ ᒋᐃᔑᓭᓂᒃ᙮ 14#Isa 11.9. ᑖᐱᔥᑰ ᓴ ᓂᐱ ᑳᔑ ᒫᒨᔥᑭᓀᐲᒃ ᑭᒋᑲᒦᕽ ᒦ ᓴ ᐃ ᓇᑫ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ ᑫᔑ ᑭᑫᒋᑳᑌᓂᒃ ᐅᐅᒫ ᒥᓯᐌ ᐊᑮᕽ᙮
15ᐋᐱᒋ ᓴ ᑕᑭᒋ ᐅᒑᓂᒥᓯ ᑳᒥᓇᐋᒡ ᐅᐐᒋᑖᒫᑲᓐ, ᑳᑕᒀᑲᒥᓇᕽ ᑫᐅᒋ ᑮᐗᔥᑴᐲᓂᒡ ᐁᐐ ᑲᓇᐙᐸᒫᒡ ᐃᑕᔥ ᑭᑭᑯᓇᔦᓯᓂᒃ᙮ 16ᑮᓐ ᐃᑕᔥ ᑳᑮ ᐲᔑ ᑭᑌᑖᑯᓯᔭᐸᓐ ᐗᐐᑫ ᒣᔥᑾᒡ ᑭᑲ ᐊᑲᒋᐃᑯᓐ᙮ ᑮᓂᑕᒻ ᑭᑲ ᑮᐗᔥᑴᐲ ᒋᑭᑭᑯᓇᔦᓯᐗᓐ᙮ ᑳᑎᐯᒋᑫᒡ ᓴ ᑕᐃᔑᒋᑫ ᒋᐱᑮᐌᔥᑳᓂᒃ ᑭᒥᓂᒀᑲᓐ ᑫᓇᓇᐊᓯᑯᐗᒡ᙮ ᒦᔥ ᐗᐐᑫ ᒋᐊᑲᒋᐃᑰᔭᓐ ᑳᑮ ᐃᔑ ᑭᑌᓂᒥᑰᔭᐸᓐ᙮ 17ᑳᐐᓐ ᐄᑐᒃ ᑭᑮ ᒪᓈᒋᑑᓰᒻ ᓬᐁᐸᓇᓐ ᐊᑭ, ᑖᐱᔥᑰ ᑳᑮ ᑲᐗᐌᒀ ᒥᑎᑰᒃ ᒦᔥ ᐃᐃ ᑫᑮᓇᐙ ᑫᑑᑖᑰᔦᒃ᙮ ᑭᑮ ᓂᓵᐙᒃ ᑲᔦ ᐊᔭᐋᐎᔕᒃ, ᒦᐗᒃ ᐃᑕᔥ ᐃᑭ ᓅᑯᒻ ᑫᓂ ᓭᑭᐃᓀᒀ᙮ ᒦᔥ ᐅᐅ ᑫᐅᒋ ᐃᔑᓭᒃ ᐅᓵᒻ ᐋᓃᔥ ᑭᓂᓵᐙᒃ ᐯᒫᑎᓯᐙᒡ, ᐁᓂᔑᐗᓈᒋᑑᔦᒃ ᐊᑮᓐ, ᐆᑌᓇᐗᓐ ᑲᔦ, ᐃᑭ ᑲᔦ ᐃᐃᒫ ᐁᔮᐙᒡ᙮
18ᐋᓃᓐ ᐃᑕᔥ ᐁᓍᓱᓂᒡ ᒪᓂᑑᑰᒋᑲᓇᓐ ᐃᓂᓂ ᑳᐅᔑᐋᒡ? ᒥᒋ ᑮᐗᓂᒧᐗᓐ ᐄᑐᒃ᙮ ᒦᔥ ᐁᔑ ᐊᐯᓂᒧᓄᑕᐙᒡ ᐅᑑᔑᑰᒋᑲᓇᓐ ᑫᑰᓐ ᐁᐃᓈᐸᑎᓯᓯᓂᒃ ᐁᑲᔥᑭᑑᓯᓂᒃ ᐃᑕᔥ ᒋᑮᑭᑐᓂᒡ᙮ 19ᐁᑕᑕᐌ ᓴ ᐅᒑᓂᒥᓯ ᑳᐃᑕᕽ ᒥᑎᑯᓂ, ᐗᓂᔥᑳᓐ! ᐊᓯᓃᓐ ᑲᔦ ᑳᐃᓈᒡ, ᐸᓯᑸᓐ! ᑯᓂᑫ ᐃᑕᔥ ᐅᑖ ᑭᑭᓄᐊᒫᑰᓐ? ᐋᓇ ᓴ ᐐᓐ ᒥᓯᐌ ᐅᓵᐎ ᔔᓂᔮ ᐙᐱᑯᑳᓈᑲᓂᐎᓂᒡ, ᐙᐹᐱᑯ ᔔᓂᔮ ᐙᐱᑯᑳᓈᑲᓂᐎᓂᒡ ᑲᔦ; ᔖᑰᒡ ᐃᑕᔥ ᑳᐐᓐ ᒋᐱᒫᑎᓯᓂᒡ᙮ 20ᑳᑎᐯᒋᑫᒡ ᐃᑕᔥ ᐐᓐ ᐊᔮ ᒫᐗᒡ ᑳᑭᒋ ᐃᓀᑖᑾᓂᓂᒃ ᐅᑭᒋ ᐊᓇᒥᐁᐎᑲᒥᑯᕽ, ᑕᑲ ᑲᑭᓇ ᐁᑕᔑᓂᒡ ᐊᐎᔭᐞ ᐅᐅᒫ ᐊᑮᕽ ᑕᒪᓈ ᓅᑖᑎᐗᐞ ᐁᓈᓴᒦᒡ!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society