ᒉᓂᓯᔅ 37
37
ᒎᓴᑉ, ᐃᐃ ᑲᔦ ᑎᐱᓇᐌ ᐅᐐᒋᑭᐌᔭᐞ ᐁᑕᔑᒥᑣ
1ᒉᑲᑉ Jacob ᑕᔥ ᑮᐊᔨᑖ ᑫᓇᓐ Canaan ᐊᑮᕽ ᑳᑮ ᓂᑖ ᐃᔑᑖᓂᒡ ᐅᑌᑌᐸᓃᓐ᙮ 2ᒦᑕᔥ ᐅᐅ ᐁᓈᒋᒥᒥᓐᒡ ᒉᑲᑉ ᐅᓃᒑᓂᓴᐞ᙮ ᒎᓴᑉ Joseph ᓴ ᑮᒥᑖᔑᓃᔣᓱᐱᐴᓉ ᐃᐃ ᐊᐲ ᑮᑲᓇᐌᓂᒫᒡ ᒫᓇᒑᓂᔕᐞ, ᐃᐃ ᑲᔦ ᒫᓇᑎᑾᐞ᙮ ᐐᒋᑭᐌᔭᐞ ᑕᔥ ᐅᑮ ᐐᒋᐋᐞ, ᑳᑮ ᐅᑯᓯᓯᒥᑯᓂᒡ ᓯᓬᐸᐗᓐ Zilpah, ᐃᓂ ᑲᔦ ᐱᓬᐊᐗᓐ Bilhah ᐅᑌᑌᓐ ᐅᑖᓂᑫ ᐐᐎᓂ᙮ ᒎᓴᑉ ᑕᔥ ᐅᑮ ᒫᓈᒋᒫᐞ ᐐᒋᑭᐌᔭᐞ ᐁᑮ ᐐᑕᒪᐙᒡ ᐅᑌᑌᓐ ᐋᓃᓐ ᑳᐃᔑᒋᑫᓂᒡ
3ᐃᔅᕒᐃᔭᓬ Israel ᑕᔥ ᓇᐗᒡ ᐅᑮ ᔕᐌᓂᒫᓐ ᒎᓴᐴᓐ ᐊᐲᒡ ᐐᓐ ᐃᐃ ᑯᑕᒃ ᐅᑯᓯᓴᐞ ᐋᓃᔥ ᒦᐗᓂᓂ ᑳᑮ ᐊᔮᐙᒡ ᑮᑭᒋ ᐊᔭᐋᐎᒡ᙮ ᐅᑮ ᐅᔑᑕᒪᐙᓐ ᑕᔥ ᑲᔦ ᑲᔥᑮᑮᐎᓐ ᐯᐸᑳᓐ ᑳᑮ ᐃᔑᓈᑾᓂᓂᒃ᙮ 4ᐊᐲ ᑕᔥ ᐃᑭ ᑯᑕᒃ ᐐᒋᑭᐌᔨᒫᒃ ᐁᑮ ᐙᐸᒫᐙᒡ ᒎᓴᐴᓐ ᓇᐗᒡ ᐁᔕᐌᓂᒥᑯᓂᒡ ᐅᑌᑌᐙᓐ, ᒦᔥ ᑳᐃᔑ ᔒᑫᓂᒫᐙᒡ, ᑳᐐᓐ ᑲᔦ ᐐᑳ ᐱᓵᓐ ᐅᑮ ᑲᓅᓈᓯᐙᐙᓐ᙮
5ᒎᓴᑉ ᑕᔥ ᑮᐸᐙᒋᑫ᙮ ᐊᐲ ᑕᔥ ᑳᐐᑕᒪᐙᒡ ᐐᒋᑭᐌᔭᐞ ᐋᓃᓐ ᑳᐃᓈᐸᑕᕽ, ᒦᔥ ᐋᒌᑫ ᑳᐃᔑ ᓂᔥᑫᓂᒥᑯᒡ᙮ 6ᒦᑕᔥ ᑳᐃᓈᒡ ᐐᒋᑭᐌᔭᐞ, ᑕᑲ ᐱᓯᑕᒧᒃ ᑳᐐᑕᒪᐎᓇᑰᒃ ᐋᓃᓐ ᑳᐃᓈᐸᑕᒫᓐ᙮ 7ᑮᓇᐎᓐᑦ ᐄᓴᓐ ᑭᑮ ᐊᔮᒥᓐ ᒥᔕᐗᑲᒥᒃ ᐁᑮ ᐅᑾᐱᑑᔭᕽ ᐸᑴᔑᑲᓂ ᒪᔥᑯᓰᓐ᙮ ᐃᓇᔥᑫ ᑕᔥ ᓃᓐ ᑳᑮ ᐅᑾᐱᑑᔮᓐ ᑮᐸᓯᑸᒪᑲᓅᓐ, ᐁᑮ ᑾᔭᑯᑳᐸᐐᒪᑲᑭᓐ ᐄᓴᓐ᙮ ᐃᓂ ᑕᔥ ᐐᓐ ᑮᓇᐙ ᑳᑮ ᐅᑾᐱᑑᔦᒃ ᐄᓴᓐ ᐅᑮ ᐙᑳᔥᑳᓈᐙ ᑳᑮ ᐅᑾᐱᑖᐗᒃ ᐁᑮ ᐊᓂᒥᑯᑖᒪᑲᑭᓐ᙮
8ᒦᑕᔥ ᑳᐃᑯᒡ ᐐᒋᑭᐌᔭᐞ, ᑭᑎᓀᑕᒻ ᐃᓇ ᑌᐺ ᒋᐅᑭᒫᑲᑕᐎᔮᕽ, ᒋᑎᐯᓂᒥᔮᕽ ᑲᔦ? ᒦᔥ ᐋᒋᑯ ᑳᑮ ᐃᔑ ᔒᑫᓂᒥᑯᒡ ᐅᐸᐙᒋᑲᓂᕽ ᐅᒋ, ᐋᓃᓐ ᑳᑮ ᐃᓈᒋᒧᒡ᙮
9ᐃᓇᔥᑫ ᑕᔥ ᒦᓇᐙ ᒎᓴᑉ ᑮᐸᐙᒋᑫ᙮ ᒦᔥ ᒦᓇᐙ ᑳᐃᔑ ᐐᑕᒪᐙᒡ ᐐᒋᑭᐌᔭᐞ ᐁᑮᐃᓈᒡ, ᓂᑮ ᐃᔑ ᐸᐙᒋᑫ, ᐁᑮ ᐙᐸᒪᒃ ᑮᓯᔅ, ᑎᐱᑭᑮᓯᔅ, ᒥᑖᔑᐯᔑᒃ ᐗᓇᑯᔕᒃ ᑲᔦ ᐁᑮ ᐸᐙᓇᒀ ᐁᑮ ᐊᓂᒥᑯᑖᐙᒡ ᐁᓈᓴᒦᐗᒃ, ᐅᑮᐃᓈᐞ᙮
10ᐅᑌᑌᓐ ᑕᔥ ᑲᔦ ᐅᑮ ᐐᑕᒪᐙᓐ ᐋᓃᓐ ᑳᐃᓈᐸᑕᕽ᙮ ᒦᑕᔥ ᑳᐃᔑ ᑭᒋ ᓅᒋᐃᑯᒡ ᐁᑮᐃᑯᒡ, ᐋᓃᓐ ᑕᔥ ᐃᓈ ᐱᑯ ᐃ ᐌᒋ ᐃᓈᐸᑕᒪᓐ, ᓃᓇᐎᓐᑦ ᐃᓇ ᑭᒫᒫ, ᑮᒋᑭᐌᔭᒃ ᑲᔦ ᑭᑲ ᐱ ᓈᓯᑳᑰ ᒋᐊᓂᒥᑯᑖᔮᕽ ᒥᑕᑲᒥᒃ ᐁᓈᓴᒦᔭᓐ? ᐅᑮᐃᑰᓐ᙮ 11#Act 7.9. ᐐᒋᑭᐌᔭᐞ ᑕᔥ ᒎᓴᑉ ᐅᑮ ᐊᔮᔐᓂᒥᑰᐞ᙮ ᐅᑌᑌᓐ ᑕᔥ ᐅᑮ ᑭᒋᐌᑕᒥᓂ ᑳᑮ ᐃᑭᑐᒡ᙮
ᒎᓴᑉ ᑮᔑᐊᑖᐙᑳᓱᒡ ᐄᒋᐸᑮᕽ
12ᐋᐱᑎᕽ ᐁᑮᔑᑲᓂᓂᒃ ᒎᓴᑉ Joseph ᐐᒋᑭᐌᔭᐞ ᑮᐃᔖᐗᐞ ᔒᑲᒻ Shechem ᐆᑌᓈᕽ, ᐁᑮ ᐃᔑᐎᓈᓂᒡ ᐅᑌᑌᓂ ᐅᑕᐗᑳᓂᓂ ᒋᐊᑕ ᐐᓯᓂᓂᒡ, 13ᐃᔅᕒᐃᔭᓬ Israel ᑕᔥ ᐅᑮᐃᓈᓐ ᒎᓴᐴᓐ, ᑭᓇᑕᐌᓂᒥᓐ ᓴ ᒌᔖᔭᓐ ᔒᑲᒻ ᑮᒋᑭᐌᔭᒃ ᑳᑕᔑ ᓈᓈᑲᒋᐋᐙᒡ ᐊᐗᑳᓇᐞ᙮ ᒎᓴᑉ ᑕᔥ ᑮᐃᑭᑐ, ᐊᐤ, ᓂᑲ ᐃᔖ, ᑮᐃᑭᑐ᙮
14ᐅᑌᑌᓐ ᑕᔥ ᐅᑮᐃᑰᓐ, ᒫᒑᓐ ᐊᑕ ᐙᐸᒻ ᑮᒋᑭᐌᔭᒃ, ᐊᐗᑳᓇᒃ ᑲᔦ ᑕᑲ ᐁᔑᓭᐙᑴᓐ᙮ ᐱᑮᐌᑲᓐ ᐃᑕᔥ ᒋᐐᑕᒪᐎᔭᓐ ᐋᓃᓐ ᐁᔑᓭᐙᑴᓐ᙮ ᐃᐃᒫ ᑕᔥ ᑳᑮ ᐃᔑ ᐸᓴᑎᓈᓂᒃ ᐄᐸᕒᐊᓐ Hebron ᑳᑮ ᐃᔑᓂᑳᑌᓂᒃ, ᐅᑮ ᐅᒋ ᒫᒋᓂᔕᐅᑰᓐ ᐅᑌᑌᓐ᙮
ᑮᐊᓂ ᑕᑯᔑᕽ ᐌᑎ ᔒᑲᒻ ᐆᑌᓈᕽ, 15ᒥᓯᐌ ᑕᔥ ᑮᐸᐹᒧᓭ ᐃᐃᒫ ᒥᔕᐗᑲᒥᒃ ᑫᑲᐲ ᐃᓂᓂᐗᓐ ᑮᐙᐸᒫᒡ᙮ ᒦᔥ ᑳᐃᑯᒡ, ᐌᑯᓀᓐ ᓀᓈᑕᐙᐸᑕᒪᓐ? ᐁᑮᐃᑯᒡ᙮
16ᒎᓴᑉ ᐃᑕᔥ ᑮᐃᑭᑐ, ᓃᒋᑭᐌᓯᐗᒃ ᓴ ᑳᓇᓈᑕᐙᐸᒪᒀ᙮ ᑕᑲ ᐐᑕᒪᐎᔑᓐ ᐋᑎ ᐁᑕᔑ ᐊᔕᒫᐙᒡ ᐊᐗᑳᓇᐞ, ᐅᑮᐃᓈᓐ᙮ 17ᐃᓂᓂᐗᓐ ᑕᔥ ᐅᑮᐃᑰᓐ, ᐋᔕ ᐅᔕ ᐅᒫ ᑮᐅᒋ ᒫᒑᐗᒃ, ᔖᑰᒡ ᑕᔥ ᓂᑮ ᓅᑕᐙᒃ ᐁᐃᑭᑐᐙᒡ, ᑕᑲ ᑑᑕᓐ Dothan ᐆᑌᓈᕽ ᐃᔖᑖ᙮ ᑌᐺ ᓴ ᒦ ᐌᑎ ᑳᐃᔑ ᒥᑲᐙᒡ᙮
18ᓃᔮᒃ ᑕᔥ ᐅᑮ ᐙᐸᒥᑰᐞ ᐐᒋᑭᐌᔭᐞ ᐁᐱᓈᑯᓯᒡ᙮ ᒋᑆ ᑕᔥ ᐅᑎᓵᒡ ᐋᔕ ᐅᑮ ᐅᓀᓂᒥᑰᐞ ᐁᐐ ᓂᓯᑯᒡ᙮ 19ᒦᑕᔥ ᑳᐃᑭᑐᓂᒡ ᐁᑲᑲᓅᓂᑎᓂᒡ, ᐃᓇᐊᐌ ᑳᓂᑖ ᐸᐙᒋᑫᒡ ᑳᐱᓈᑯᓯᒡ! 20ᑕᑲ ᑕᔥ ᐊᐯᔪᒃ, ᓂᓵᑖ, ᑭᑲ ᐲᒋᐌᐱᓈᓈᓐ ᐃᑕᔥ ᐃᐃᒫ ᐅᑕᐃᐹᓂᕽ ᑳᐹᑾᓂᓂᒃ, ᒦᑕᔥ ᑫᐃᑭᑐᔭᕽ, ᐊᔭᐋᐎᔕᓐ ᐅᑮ ᑮᑲᒥᑰᓐ᙮ ᑭᑲ ᐙᐸᑕᒧᐙᒥᓐ ᐃᑕᔥ ᑲᔦ ᐋᑎ ᓈ ᑳᐃᔑᓭᓂᑴᓇᓐ ᐅᐸᐙᒋᑲᓇᓐ, ᑮᐃᑭᑐᐗᐞ᙮
21ᐅᕒᐆᐸᓐ Reuben ᐃᑕᔥ ᐅᑮ ᓅᑕᐙᐞ ᐁᑭᑐᓂᒡ, ᐁᑲᑴ ᓈᑕᒪᐙᒡ ᒎᓴᐴᓐ ᐁᑮ ᐃᑭᑐᒡ, ᑳᐐᓐ ᐄᑐᒃ ᑕᐃᔑᓈᑾᓯᓅᓐ ᒋᓂᓴᑭᐸᓐ᙮ 22ᒦᔥ ᑳᐊᓂ ᐃᑭᑐᒡ, ᑕᑲ ᑳᐐᓐ ᑭᑲ ᓂᓵᓯᐙᓈᓐ, ᑕᑲ ᐃᐃᒫ ᐃᔑ ᐲᒋᐌᐱᓈᑖ ᐅᑕᐃᐹᓂᕽ ᑳᔑ ᐹᑾᓂᓂᒃ ᐅᐅᒫ ᐱᑾᒐᔭᐄ, ᑫᑯ ᐸᐹᒣᓂᒫᑫᒃ, ᑮᐃᑭᑐ᙮ ᑮᑮᔖᒋ ᐅᓀᑕᒻ ᐄᑐᒃ ᐁᐐ ᐐᒋᐋᒡ ᒎᓴᐴᓐ ᐁᐐ ᑮᐌᐎᓈᑯᐸᓀᓐ ᑲᔦ ᑳᔑ ᐊᔮᓂᒡ ᐅᑌᑌᓂ᙮ 23ᐊᐲ ᑕᔥ ᒎᓴᐴᓐ ᑳᐱ ᐅᑎᓯᑯᐙᒡ ᑳᑮ ᐃᔑᐊᔮᐙᒡ, ᒦᔥ ᑳᐃᔑ ᑮᒋᑯᓇᔦᐱᓈᐙᒡ, ᐁᑮ ᒪᑲᒫᐙᒡ ᑲᔦ ᐃᐃ ᐅᑲᔥᑮᑮᐎᓂᓂ ᐯᐸᑳᓐ ᑳᑮ ᐃᔑᓈᑾᓂᓂᒃ᙮ 24ᐅᑮ ᐃᔑᐎᓈᐙᓐ ᑕᔥ ᐅᑕᐃᐹᓂᕽ ᑳᑮ ᐃᔑ ᐹᑾᓂᓂᒃ ᐁᑮ ᐲᒋᐌᐱᓈᐙᒡ᙮
25ᒣᒀ ᑕᔥ ᐁᐐᓯᓂᐙᒡ ᑮᐃᓈᐱᐗᒃ᙮ ᒦᔥ ᑳᑮ ᐙᐸᒫᐙᒡ ᐄᔥᒣᔭᓬ ᑳᑎᓄᐎᓂᒡ Ishmaelites ᐁᑮ ᒪᑗ ᐅᑯ ᐱᒥ ᐊᔮᓂᒡ ᐁᐐᒌᐙᓂᒡ ᐅᐱᒀᐎᑲᓀ ᒥᑕᑎᒨᒥᓂ᙮ ᑭᓬᐃᔭᑦ Gilead ᐊᑮᕽ ᐁᑮ ᐅᒌᓂᒡ ᐁᐃᔖᓂᒡ ᐄᒋᐸᑮᕽ Egypt, ᐁᑮ ᐊᑕ ᐊᑖᐙᑫᓂᒡ ᑕᑯᓭᒀᓇᓐ spices, ᔑᔓᐱᑮᐎᓇᓐ balm, ᐱᑭᐎ ᒥᓈᑯᐅᓇᓐ myrrh ᑲᔦ᙮ 26ᒎᑕ Judah ᑕᔥ ᐅᑮᐃᓈᐞ ᐐᒋᑭᐌᔭᐞ, ᑫᑰᓐ ᐃᓇ ᑭᑖ ᐅᑎᓯᒥᓐ ᓂᓴᕽ ᑭᔒᒣᔑᓈᓐ, ᒥᓴᐙ ᑯ ᐋᓇ ᑳᑑᔭᕽ ᑭᑎᔑᒋᑫᐎᓂᓈᓐ? 27ᑕᑲ ᒦᓈᑖᓂᒃ ᐄᔥᒣᔭᓬ ᑳᑎᓄᐎᐙᒡ ᒋᐊᔮᐙᐙᒡ ᐃᓂ ᑭᔒᒣᔑᓈᓂᓐ, ᑳᐐᓐ ᐄᑐᒃ ᑕᔥ ᒣᒬᒡ ᑮᓇᐎᓐᑦ ᑫᑰᓐ ᑭᑲ ᑑᑕᐙᓯᐙᓈᓐ᙮ ᑎᐱᓇᐌ ᐄᑐᒃ ᐊᐊ ᑮᒋᑭᐌᓈᓐ, ᑳᔑ ᐅᐐᔭᐎᔭᕽ, ᑳᐃᔑ ᒥᔅᑸᔭᕽ ᑲᔦ ᑫᐐᓐ ᐁᑎᓄᐎᒡ, ᑮᐃᑭᑐ᙮ ᐃᐃ ᑕᔥ ᐐᒋᑭᐌᔭᐞ ᒎᑕ ᐅᑮ ᐱᓯᑖᑰᐞ᙮ 28#Act 7.9. ᒦᑕᔥ ᐊᐲ ᑳᑮ ᐱ ᑕᑯᔑᓂᓂᒡ ᒥᑎᔭᓐ Midian ᐊᑮᕽ ᐅᒋ ᐃᓂᓂᐗᐞ ᑳᑮ ᐅᒌᓂᒡ ᑳᑮ ᐸᐹᒪᑖᐌᓂᒡ᙮ ᐃᑭ ᑕᔥ ᐐᒋᑭᐌᔨᒫᒃ ᐅᑮ ᑭᑖᓂᑳᓀᓈᐙᓐ ᒎᓴᐴᓐ ᑳᑮ ᐃᔑᐊᔮᓂᒡ ᐅᑕᐃᐹᓂᕽ ᐁᑮ ᐊᑖᐙᑫᐙᒡ, ᓃᔥᑕᓇ ᐙᐹᐱᑯ ᔔᓂᔮᓐ ᐁᑮ ᐃᓇᑭᒫᐙᒡ᙮ ᐄᔥᒣᔭᓬ ᑳᑎᓄᐎᐙᒡ ᑕᔥ ᑮᐊᑖᐌᐗᒃ ᒎᓴᐴᓐ ᐁᑮ ᐃᔑᐎᓈᐙᒡ ᐄᒋᐸᑮᕽ᙮
29ᐅᕒᐆᐸᓐ ᑕᔥ ᐊᐲ ᑳᐱ ᑕᑯᔑᕽ ᐅᑕᐃᐹᓂᕽ ᑳᑮ ᐃᔑᐊᔮᓂᐸᓐ ᒎᓴᐴᓐ, ᑳᐐᓐ ᐃᐃᒫ ᑮᐊᔮᓰᐗᓐ᙮ ᒦᔥ ᑳᐃᔑ ᐲᑯᐱᑐᒡ ᐅᑭᑭᔥᑭᑲᓇᓐ ᐁᑮ ᒥᒋᓇᐌᓯᒡ᙮ 30ᒦᑕᔥ ᑳᐃᔑ ᑮᐌ ᐊᑕ ᐙᐸᒫᒡ ᐐᒋᑭᐌᔭᐞ ᐁᑮᐃᓈᒡ, ᑳᐐᓐ ᓴ ᑭᔒᒣᔑᓈᓐ ᐌᑎ ᐊᔮᓰ᙮ ᐋᓃᓐ ᑕᔥ ᓃᓐ ᑫᐃᔑᒋᑫᔮᓐ? ᐅᑮᐃᓈᐞ᙮
31ᐃᑭ ᑕᔥ ᐐᒋᑭᐌᔨᒫᒃ ᐅᑮ ᓂᓵᐙᓐ ᐊᔮᐯ ᒫᓇᑎᑰᓴᓐ, ᐅᒥᔅᑸᒥᓃᕽ ᐃᑕᔥ ᐅᑮ ᐃᔑ ᒉᑭᐲᓈᓈᐙ ᒎᓴᐴᓐ ᐅᑲᔥᑮᑮᐎᓂᓂ ᐯᐸᑳᓐ ᑳᑮ ᐃᔑᓈᑾᓂᓂᒃ᙮ 32ᒦᑕᔥ ᑳᐃᔑ ᐃᔑᐎᑕᒪᐙᐙᒡ ᐅᑌᑌᐙᓐ ᐃᐃ ᑲᔥᑮᑮᐎᓐ ᐁᑮᐃᓈᐙᒡ, ᓂᑮ ᒥᑳᒥᓐ ᐅᐅ, ᑕᑲ ᐙᐸᑕᓐ ᒋᐋᐗᓂᓂᑴᓐ ᑭᑯᓯᔅ ᐅᑲᔥᑮᑮᐎᓐ, ᑯᒫ ᑲᔦ ᑳᐐᓐ ᐋᐗᓯᓂᓂᐎᑐᒃ, ᐁᑮᐃᓈᐙᒡ᙮ 33ᐃᔅᕒᐃᔭᓬ Israel ᑕᔥ ᐅᑮ ᐙᐸᑖᓐ, ᒦᔥ ᑳᐃᑭᑐᒡ, ᐁᔭᐞ, ᓂᑯᓯᔅ ᓴ ᐅᐅ ᐅᑲᔥᑮᑮᐎᓐ, ᐱᑾᒋ ᐊᔭᐋᐎᔕᓐ ᐅᑮ ᐊᒧᑯᑐᑫᓇᓐ, ᒎᓴᑉ ᓴ ᑫᒋᓈᒡ ᑮᐲᓯᐱᒋᑲᓂᐎ, ᑮᐃᑭᑐ᙮ 34ᐃᔅᕒᐃᔭᓬ ᑕᔥ ᐅᑮ ᑖᔥᑮᑭᐱᑑᓇᓐ ᑳᑮ ᑭᑭᔥᑲᕽ ᐁᑮ ᒥᒋᓇᐌᓯᒡ, ᒦᔥ ᑳᐃᔑ ᐱᓯᑲᕽ ᐊᓴᐲᐌᑭᓄᐗᔮᓐ᙮ ᐋᐱᒋ ᑕᔥ ᑭᓉᔥ ᐅᑮ ᒪᐎᒫᓐ ᐅᑯᓯᓴᓐ᙮ 35ᑲᑭᓇ ᑕᔥ ᐅᑯᓯᓴᐞ, ᑲᑭᓇ ᑲᔦ ᐅᑖᓂᓴᐞ ᐅᑮ ᐱ ᓈᓯᑳᑰᐞ ᐁᑮ ᑲᑴ ᒥᓉᑕᒧᐃᑯᒡ, ᑳᐐᓐ ᑕᔥ ᐅᑮ ᐊᑕᐌᑕᓰᓐ ᒋᑲᑴ ᒥᓉᑕᒧᐃᑯᒡ᙮ ᒦᑕᔥ ᑳᐃᑭᑐᒡ, ᑫᒋᓈᒡ ᐲᓂᔥ ᒋᐅᑎᑕᒫᓐ ᑫᓃᓐ ᒋᓂᐳᔮᓐ ᓂᑲ ᒪᐎᒫ ᓂᑯᓯᔅ᙮ ᒦ ᐃ ᑕᔥ ᐋᒋᑯ ᑳᐃᔑ ᒪᐎᒫᒡ ᐅᑯᓯᓴᓐ ᒎᓴᐴᓐ᙮
36ᒦᑕᔥ ᑳᐃᔑᓭᒃ, ᐃᑭ ᒥᑎᔭᓐ ᑳᐅᒌᐙᒡ Midianites ᑮᐃᔑ ᐊᑖᐙᑫᐗᒃ ᒎᓴᐴᓐ ᐌᑎ ᐄᒋᐸᑮᕽ᙮ ᐊᐊ ᑕᔥ ᐹᑎᐸᕒᐊᓐ Potiphar, ᑭᒋᐅᑭᒫ ᐅᑖᓂᑫ ᔑᒫᑲᓂᔒᐎᑭᒫᓐ ᑮᐊᑖᐌᐗᓐ ᒎᓴᐴᓐ᙮ ᒦ ᐄᑐᒃ ᐊᐊ ᑳᑮ ᓈᓈᑲᒋᐋᒡ ᐅᑲᓇᐌᒋᑫᐞ᙮
Currently Selected:
ᒉᓂᓯᔅ 37: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᒉᓂᓯᔅ 37
37
ᒎᓴᑉ, ᐃᐃ ᑲᔦ ᑎᐱᓇᐌ ᐅᐐᒋᑭᐌᔭᐞ ᐁᑕᔑᒥᑣ
1ᒉᑲᑉ Jacob ᑕᔥ ᑮᐊᔨᑖ ᑫᓇᓐ Canaan ᐊᑮᕽ ᑳᑮ ᓂᑖ ᐃᔑᑖᓂᒡ ᐅᑌᑌᐸᓃᓐ᙮ 2ᒦᑕᔥ ᐅᐅ ᐁᓈᒋᒥᒥᓐᒡ ᒉᑲᑉ ᐅᓃᒑᓂᓴᐞ᙮ ᒎᓴᑉ Joseph ᓴ ᑮᒥᑖᔑᓃᔣᓱᐱᐴᓉ ᐃᐃ ᐊᐲ ᑮᑲᓇᐌᓂᒫᒡ ᒫᓇᒑᓂᔕᐞ, ᐃᐃ ᑲᔦ ᒫᓇᑎᑾᐞ᙮ ᐐᒋᑭᐌᔭᐞ ᑕᔥ ᐅᑮ ᐐᒋᐋᐞ, ᑳᑮ ᐅᑯᓯᓯᒥᑯᓂᒡ ᓯᓬᐸᐗᓐ Zilpah, ᐃᓂ ᑲᔦ ᐱᓬᐊᐗᓐ Bilhah ᐅᑌᑌᓐ ᐅᑖᓂᑫ ᐐᐎᓂ᙮ ᒎᓴᑉ ᑕᔥ ᐅᑮ ᒫᓈᒋᒫᐞ ᐐᒋᑭᐌᔭᐞ ᐁᑮ ᐐᑕᒪᐙᒡ ᐅᑌᑌᓐ ᐋᓃᓐ ᑳᐃᔑᒋᑫᓂᒡ
3ᐃᔅᕒᐃᔭᓬ Israel ᑕᔥ ᓇᐗᒡ ᐅᑮ ᔕᐌᓂᒫᓐ ᒎᓴᐴᓐ ᐊᐲᒡ ᐐᓐ ᐃᐃ ᑯᑕᒃ ᐅᑯᓯᓴᐞ ᐋᓃᔥ ᒦᐗᓂᓂ ᑳᑮ ᐊᔮᐙᒡ ᑮᑭᒋ ᐊᔭᐋᐎᒡ᙮ ᐅᑮ ᐅᔑᑕᒪᐙᓐ ᑕᔥ ᑲᔦ ᑲᔥᑮᑮᐎᓐ ᐯᐸᑳᓐ ᑳᑮ ᐃᔑᓈᑾᓂᓂᒃ᙮ 4ᐊᐲ ᑕᔥ ᐃᑭ ᑯᑕᒃ ᐐᒋᑭᐌᔨᒫᒃ ᐁᑮ ᐙᐸᒫᐙᒡ ᒎᓴᐴᓐ ᓇᐗᒡ ᐁᔕᐌᓂᒥᑯᓂᒡ ᐅᑌᑌᐙᓐ, ᒦᔥ ᑳᐃᔑ ᔒᑫᓂᒫᐙᒡ, ᑳᐐᓐ ᑲᔦ ᐐᑳ ᐱᓵᓐ ᐅᑮ ᑲᓅᓈᓯᐙᐙᓐ᙮
5ᒎᓴᑉ ᑕᔥ ᑮᐸᐙᒋᑫ᙮ ᐊᐲ ᑕᔥ ᑳᐐᑕᒪᐙᒡ ᐐᒋᑭᐌᔭᐞ ᐋᓃᓐ ᑳᐃᓈᐸᑕᕽ, ᒦᔥ ᐋᒌᑫ ᑳᐃᔑ ᓂᔥᑫᓂᒥᑯᒡ᙮ 6ᒦᑕᔥ ᑳᐃᓈᒡ ᐐᒋᑭᐌᔭᐞ, ᑕᑲ ᐱᓯᑕᒧᒃ ᑳᐐᑕᒪᐎᓇᑰᒃ ᐋᓃᓐ ᑳᐃᓈᐸᑕᒫᓐ᙮ 7ᑮᓇᐎᓐᑦ ᐄᓴᓐ ᑭᑮ ᐊᔮᒥᓐ ᒥᔕᐗᑲᒥᒃ ᐁᑮ ᐅᑾᐱᑑᔭᕽ ᐸᑴᔑᑲᓂ ᒪᔥᑯᓰᓐ᙮ ᐃᓇᔥᑫ ᑕᔥ ᓃᓐ ᑳᑮ ᐅᑾᐱᑑᔮᓐ ᑮᐸᓯᑸᒪᑲᓅᓐ, ᐁᑮ ᑾᔭᑯᑳᐸᐐᒪᑲᑭᓐ ᐄᓴᓐ᙮ ᐃᓂ ᑕᔥ ᐐᓐ ᑮᓇᐙ ᑳᑮ ᐅᑾᐱᑑᔦᒃ ᐄᓴᓐ ᐅᑮ ᐙᑳᔥᑳᓈᐙ ᑳᑮ ᐅᑾᐱᑖᐗᒃ ᐁᑮ ᐊᓂᒥᑯᑖᒪᑲᑭᓐ᙮
8ᒦᑕᔥ ᑳᐃᑯᒡ ᐐᒋᑭᐌᔭᐞ, ᑭᑎᓀᑕᒻ ᐃᓇ ᑌᐺ ᒋᐅᑭᒫᑲᑕᐎᔮᕽ, ᒋᑎᐯᓂᒥᔮᕽ ᑲᔦ? ᒦᔥ ᐋᒋᑯ ᑳᑮ ᐃᔑ ᔒᑫᓂᒥᑯᒡ ᐅᐸᐙᒋᑲᓂᕽ ᐅᒋ, ᐋᓃᓐ ᑳᑮ ᐃᓈᒋᒧᒡ᙮
9ᐃᓇᔥᑫ ᑕᔥ ᒦᓇᐙ ᒎᓴᑉ ᑮᐸᐙᒋᑫ᙮ ᒦᔥ ᒦᓇᐙ ᑳᐃᔑ ᐐᑕᒪᐙᒡ ᐐᒋᑭᐌᔭᐞ ᐁᑮᐃᓈᒡ, ᓂᑮ ᐃᔑ ᐸᐙᒋᑫ, ᐁᑮ ᐙᐸᒪᒃ ᑮᓯᔅ, ᑎᐱᑭᑮᓯᔅ, ᒥᑖᔑᐯᔑᒃ ᐗᓇᑯᔕᒃ ᑲᔦ ᐁᑮ ᐸᐙᓇᒀ ᐁᑮ ᐊᓂᒥᑯᑖᐙᒡ ᐁᓈᓴᒦᐗᒃ, ᐅᑮᐃᓈᐞ᙮
10ᐅᑌᑌᓐ ᑕᔥ ᑲᔦ ᐅᑮ ᐐᑕᒪᐙᓐ ᐋᓃᓐ ᑳᐃᓈᐸᑕᕽ᙮ ᒦᑕᔥ ᑳᐃᔑ ᑭᒋ ᓅᒋᐃᑯᒡ ᐁᑮᐃᑯᒡ, ᐋᓃᓐ ᑕᔥ ᐃᓈ ᐱᑯ ᐃ ᐌᒋ ᐃᓈᐸᑕᒪᓐ, ᓃᓇᐎᓐᑦ ᐃᓇ ᑭᒫᒫ, ᑮᒋᑭᐌᔭᒃ ᑲᔦ ᑭᑲ ᐱ ᓈᓯᑳᑰ ᒋᐊᓂᒥᑯᑖᔮᕽ ᒥᑕᑲᒥᒃ ᐁᓈᓴᒦᔭᓐ? ᐅᑮᐃᑰᓐ᙮ 11#Act 7.9. ᐐᒋᑭᐌᔭᐞ ᑕᔥ ᒎᓴᑉ ᐅᑮ ᐊᔮᔐᓂᒥᑰᐞ᙮ ᐅᑌᑌᓐ ᑕᔥ ᐅᑮ ᑭᒋᐌᑕᒥᓂ ᑳᑮ ᐃᑭᑐᒡ᙮
ᒎᓴᑉ ᑮᔑᐊᑖᐙᑳᓱᒡ ᐄᒋᐸᑮᕽ
12ᐋᐱᑎᕽ ᐁᑮᔑᑲᓂᓂᒃ ᒎᓴᑉ Joseph ᐐᒋᑭᐌᔭᐞ ᑮᐃᔖᐗᐞ ᔒᑲᒻ Shechem ᐆᑌᓈᕽ, ᐁᑮ ᐃᔑᐎᓈᓂᒡ ᐅᑌᑌᓂ ᐅᑕᐗᑳᓂᓂ ᒋᐊᑕ ᐐᓯᓂᓂᒡ, 13ᐃᔅᕒᐃᔭᓬ Israel ᑕᔥ ᐅᑮᐃᓈᓐ ᒎᓴᐴᓐ, ᑭᓇᑕᐌᓂᒥᓐ ᓴ ᒌᔖᔭᓐ ᔒᑲᒻ ᑮᒋᑭᐌᔭᒃ ᑳᑕᔑ ᓈᓈᑲᒋᐋᐙᒡ ᐊᐗᑳᓇᐞ᙮ ᒎᓴᑉ ᑕᔥ ᑮᐃᑭᑐ, ᐊᐤ, ᓂᑲ ᐃᔖ, ᑮᐃᑭᑐ᙮
14ᐅᑌᑌᓐ ᑕᔥ ᐅᑮᐃᑰᓐ, ᒫᒑᓐ ᐊᑕ ᐙᐸᒻ ᑮᒋᑭᐌᔭᒃ, ᐊᐗᑳᓇᒃ ᑲᔦ ᑕᑲ ᐁᔑᓭᐙᑴᓐ᙮ ᐱᑮᐌᑲᓐ ᐃᑕᔥ ᒋᐐᑕᒪᐎᔭᓐ ᐋᓃᓐ ᐁᔑᓭᐙᑴᓐ᙮ ᐃᐃᒫ ᑕᔥ ᑳᑮ ᐃᔑ ᐸᓴᑎᓈᓂᒃ ᐄᐸᕒᐊᓐ Hebron ᑳᑮ ᐃᔑᓂᑳᑌᓂᒃ, ᐅᑮ ᐅᒋ ᒫᒋᓂᔕᐅᑰᓐ ᐅᑌᑌᓐ᙮
ᑮᐊᓂ ᑕᑯᔑᕽ ᐌᑎ ᔒᑲᒻ ᐆᑌᓈᕽ, 15ᒥᓯᐌ ᑕᔥ ᑮᐸᐹᒧᓭ ᐃᐃᒫ ᒥᔕᐗᑲᒥᒃ ᑫᑲᐲ ᐃᓂᓂᐗᓐ ᑮᐙᐸᒫᒡ᙮ ᒦᔥ ᑳᐃᑯᒡ, ᐌᑯᓀᓐ ᓀᓈᑕᐙᐸᑕᒪᓐ? ᐁᑮᐃᑯᒡ᙮
16ᒎᓴᑉ ᐃᑕᔥ ᑮᐃᑭᑐ, ᓃᒋᑭᐌᓯᐗᒃ ᓴ ᑳᓇᓈᑕᐙᐸᒪᒀ᙮ ᑕᑲ ᐐᑕᒪᐎᔑᓐ ᐋᑎ ᐁᑕᔑ ᐊᔕᒫᐙᒡ ᐊᐗᑳᓇᐞ, ᐅᑮᐃᓈᓐ᙮ 17ᐃᓂᓂᐗᓐ ᑕᔥ ᐅᑮᐃᑰᓐ, ᐋᔕ ᐅᔕ ᐅᒫ ᑮᐅᒋ ᒫᒑᐗᒃ, ᔖᑰᒡ ᑕᔥ ᓂᑮ ᓅᑕᐙᒃ ᐁᐃᑭᑐᐙᒡ, ᑕᑲ ᑑᑕᓐ Dothan ᐆᑌᓈᕽ ᐃᔖᑖ᙮ ᑌᐺ ᓴ ᒦ ᐌᑎ ᑳᐃᔑ ᒥᑲᐙᒡ᙮
18ᓃᔮᒃ ᑕᔥ ᐅᑮ ᐙᐸᒥᑰᐞ ᐐᒋᑭᐌᔭᐞ ᐁᐱᓈᑯᓯᒡ᙮ ᒋᑆ ᑕᔥ ᐅᑎᓵᒡ ᐋᔕ ᐅᑮ ᐅᓀᓂᒥᑰᐞ ᐁᐐ ᓂᓯᑯᒡ᙮ 19ᒦᑕᔥ ᑳᐃᑭᑐᓂᒡ ᐁᑲᑲᓅᓂᑎᓂᒡ, ᐃᓇᐊᐌ ᑳᓂᑖ ᐸᐙᒋᑫᒡ ᑳᐱᓈᑯᓯᒡ! 20ᑕᑲ ᑕᔥ ᐊᐯᔪᒃ, ᓂᓵᑖ, ᑭᑲ ᐲᒋᐌᐱᓈᓈᓐ ᐃᑕᔥ ᐃᐃᒫ ᐅᑕᐃᐹᓂᕽ ᑳᐹᑾᓂᓂᒃ, ᒦᑕᔥ ᑫᐃᑭᑐᔭᕽ, ᐊᔭᐋᐎᔕᓐ ᐅᑮ ᑮᑲᒥᑰᓐ᙮ ᑭᑲ ᐙᐸᑕᒧᐙᒥᓐ ᐃᑕᔥ ᑲᔦ ᐋᑎ ᓈ ᑳᐃᔑᓭᓂᑴᓇᓐ ᐅᐸᐙᒋᑲᓇᓐ, ᑮᐃᑭᑐᐗᐞ᙮
21ᐅᕒᐆᐸᓐ Reuben ᐃᑕᔥ ᐅᑮ ᓅᑕᐙᐞ ᐁᑭᑐᓂᒡ, ᐁᑲᑴ ᓈᑕᒪᐙᒡ ᒎᓴᐴᓐ ᐁᑮ ᐃᑭᑐᒡ, ᑳᐐᓐ ᐄᑐᒃ ᑕᐃᔑᓈᑾᓯᓅᓐ ᒋᓂᓴᑭᐸᓐ᙮ 22ᒦᔥ ᑳᐊᓂ ᐃᑭᑐᒡ, ᑕᑲ ᑳᐐᓐ ᑭᑲ ᓂᓵᓯᐙᓈᓐ, ᑕᑲ ᐃᐃᒫ ᐃᔑ ᐲᒋᐌᐱᓈᑖ ᐅᑕᐃᐹᓂᕽ ᑳᔑ ᐹᑾᓂᓂᒃ ᐅᐅᒫ ᐱᑾᒐᔭᐄ, ᑫᑯ ᐸᐹᒣᓂᒫᑫᒃ, ᑮᐃᑭᑐ᙮ ᑮᑮᔖᒋ ᐅᓀᑕᒻ ᐄᑐᒃ ᐁᐐ ᐐᒋᐋᒡ ᒎᓴᐴᓐ ᐁᐐ ᑮᐌᐎᓈᑯᐸᓀᓐ ᑲᔦ ᑳᔑ ᐊᔮᓂᒡ ᐅᑌᑌᓂ᙮ 23ᐊᐲ ᑕᔥ ᒎᓴᐴᓐ ᑳᐱ ᐅᑎᓯᑯᐙᒡ ᑳᑮ ᐃᔑᐊᔮᐙᒡ, ᒦᔥ ᑳᐃᔑ ᑮᒋᑯᓇᔦᐱᓈᐙᒡ, ᐁᑮ ᒪᑲᒫᐙᒡ ᑲᔦ ᐃᐃ ᐅᑲᔥᑮᑮᐎᓂᓂ ᐯᐸᑳᓐ ᑳᑮ ᐃᔑᓈᑾᓂᓂᒃ᙮ 24ᐅᑮ ᐃᔑᐎᓈᐙᓐ ᑕᔥ ᐅᑕᐃᐹᓂᕽ ᑳᑮ ᐃᔑ ᐹᑾᓂᓂᒃ ᐁᑮ ᐲᒋᐌᐱᓈᐙᒡ᙮
25ᒣᒀ ᑕᔥ ᐁᐐᓯᓂᐙᒡ ᑮᐃᓈᐱᐗᒃ᙮ ᒦᔥ ᑳᑮ ᐙᐸᒫᐙᒡ ᐄᔥᒣᔭᓬ ᑳᑎᓄᐎᓂᒡ Ishmaelites ᐁᑮ ᒪᑗ ᐅᑯ ᐱᒥ ᐊᔮᓂᒡ ᐁᐐᒌᐙᓂᒡ ᐅᐱᒀᐎᑲᓀ ᒥᑕᑎᒨᒥᓂ᙮ ᑭᓬᐃᔭᑦ Gilead ᐊᑮᕽ ᐁᑮ ᐅᒌᓂᒡ ᐁᐃᔖᓂᒡ ᐄᒋᐸᑮᕽ Egypt, ᐁᑮ ᐊᑕ ᐊᑖᐙᑫᓂᒡ ᑕᑯᓭᒀᓇᓐ spices, ᔑᔓᐱᑮᐎᓇᓐ balm, ᐱᑭᐎ ᒥᓈᑯᐅᓇᓐ myrrh ᑲᔦ᙮ 26ᒎᑕ Judah ᑕᔥ ᐅᑮᐃᓈᐞ ᐐᒋᑭᐌᔭᐞ, ᑫᑰᓐ ᐃᓇ ᑭᑖ ᐅᑎᓯᒥᓐ ᓂᓴᕽ ᑭᔒᒣᔑᓈᓐ, ᒥᓴᐙ ᑯ ᐋᓇ ᑳᑑᔭᕽ ᑭᑎᔑᒋᑫᐎᓂᓈᓐ? 27ᑕᑲ ᒦᓈᑖᓂᒃ ᐄᔥᒣᔭᓬ ᑳᑎᓄᐎᐙᒡ ᒋᐊᔮᐙᐙᒡ ᐃᓂ ᑭᔒᒣᔑᓈᓂᓐ, ᑳᐐᓐ ᐄᑐᒃ ᑕᔥ ᒣᒬᒡ ᑮᓇᐎᓐᑦ ᑫᑰᓐ ᑭᑲ ᑑᑕᐙᓯᐙᓈᓐ᙮ ᑎᐱᓇᐌ ᐄᑐᒃ ᐊᐊ ᑮᒋᑭᐌᓈᓐ, ᑳᔑ ᐅᐐᔭᐎᔭᕽ, ᑳᐃᔑ ᒥᔅᑸᔭᕽ ᑲᔦ ᑫᐐᓐ ᐁᑎᓄᐎᒡ, ᑮᐃᑭᑐ᙮ ᐃᐃ ᑕᔥ ᐐᒋᑭᐌᔭᐞ ᒎᑕ ᐅᑮ ᐱᓯᑖᑰᐞ᙮ 28#Act 7.9. ᒦᑕᔥ ᐊᐲ ᑳᑮ ᐱ ᑕᑯᔑᓂᓂᒡ ᒥᑎᔭᓐ Midian ᐊᑮᕽ ᐅᒋ ᐃᓂᓂᐗᐞ ᑳᑮ ᐅᒌᓂᒡ ᑳᑮ ᐸᐹᒪᑖᐌᓂᒡ᙮ ᐃᑭ ᑕᔥ ᐐᒋᑭᐌᔨᒫᒃ ᐅᑮ ᑭᑖᓂᑳᓀᓈᐙᓐ ᒎᓴᐴᓐ ᑳᑮ ᐃᔑᐊᔮᓂᒡ ᐅᑕᐃᐹᓂᕽ ᐁᑮ ᐊᑖᐙᑫᐙᒡ, ᓃᔥᑕᓇ ᐙᐹᐱᑯ ᔔᓂᔮᓐ ᐁᑮ ᐃᓇᑭᒫᐙᒡ᙮ ᐄᔥᒣᔭᓬ ᑳᑎᓄᐎᐙᒡ ᑕᔥ ᑮᐊᑖᐌᐗᒃ ᒎᓴᐴᓐ ᐁᑮ ᐃᔑᐎᓈᐙᒡ ᐄᒋᐸᑮᕽ᙮
29ᐅᕒᐆᐸᓐ ᑕᔥ ᐊᐲ ᑳᐱ ᑕᑯᔑᕽ ᐅᑕᐃᐹᓂᕽ ᑳᑮ ᐃᔑᐊᔮᓂᐸᓐ ᒎᓴᐴᓐ, ᑳᐐᓐ ᐃᐃᒫ ᑮᐊᔮᓰᐗᓐ᙮ ᒦᔥ ᑳᐃᔑ ᐲᑯᐱᑐᒡ ᐅᑭᑭᔥᑭᑲᓇᓐ ᐁᑮ ᒥᒋᓇᐌᓯᒡ᙮ 30ᒦᑕᔥ ᑳᐃᔑ ᑮᐌ ᐊᑕ ᐙᐸᒫᒡ ᐐᒋᑭᐌᔭᐞ ᐁᑮᐃᓈᒡ, ᑳᐐᓐ ᓴ ᑭᔒᒣᔑᓈᓐ ᐌᑎ ᐊᔮᓰ᙮ ᐋᓃᓐ ᑕᔥ ᓃᓐ ᑫᐃᔑᒋᑫᔮᓐ? ᐅᑮᐃᓈᐞ᙮
31ᐃᑭ ᑕᔥ ᐐᒋᑭᐌᔨᒫᒃ ᐅᑮ ᓂᓵᐙᓐ ᐊᔮᐯ ᒫᓇᑎᑰᓴᓐ, ᐅᒥᔅᑸᒥᓃᕽ ᐃᑕᔥ ᐅᑮ ᐃᔑ ᒉᑭᐲᓈᓈᐙ ᒎᓴᐴᓐ ᐅᑲᔥᑮᑮᐎᓂᓂ ᐯᐸᑳᓐ ᑳᑮ ᐃᔑᓈᑾᓂᓂᒃ᙮ 32ᒦᑕᔥ ᑳᐃᔑ ᐃᔑᐎᑕᒪᐙᐙᒡ ᐅᑌᑌᐙᓐ ᐃᐃ ᑲᔥᑮᑮᐎᓐ ᐁᑮᐃᓈᐙᒡ, ᓂᑮ ᒥᑳᒥᓐ ᐅᐅ, ᑕᑲ ᐙᐸᑕᓐ ᒋᐋᐗᓂᓂᑴᓐ ᑭᑯᓯᔅ ᐅᑲᔥᑮᑮᐎᓐ, ᑯᒫ ᑲᔦ ᑳᐐᓐ ᐋᐗᓯᓂᓂᐎᑐᒃ, ᐁᑮᐃᓈᐙᒡ᙮ 33ᐃᔅᕒᐃᔭᓬ Israel ᑕᔥ ᐅᑮ ᐙᐸᑖᓐ, ᒦᔥ ᑳᐃᑭᑐᒡ, ᐁᔭᐞ, ᓂᑯᓯᔅ ᓴ ᐅᐅ ᐅᑲᔥᑮᑮᐎᓐ, ᐱᑾᒋ ᐊᔭᐋᐎᔕᓐ ᐅᑮ ᐊᒧᑯᑐᑫᓇᓐ, ᒎᓴᑉ ᓴ ᑫᒋᓈᒡ ᑮᐲᓯᐱᒋᑲᓂᐎ, ᑮᐃᑭᑐ᙮ 34ᐃᔅᕒᐃᔭᓬ ᑕᔥ ᐅᑮ ᑖᔥᑮᑭᐱᑑᓇᓐ ᑳᑮ ᑭᑭᔥᑲᕽ ᐁᑮ ᒥᒋᓇᐌᓯᒡ, ᒦᔥ ᑳᐃᔑ ᐱᓯᑲᕽ ᐊᓴᐲᐌᑭᓄᐗᔮᓐ᙮ ᐋᐱᒋ ᑕᔥ ᑭᓉᔥ ᐅᑮ ᒪᐎᒫᓐ ᐅᑯᓯᓴᓐ᙮ 35ᑲᑭᓇ ᑕᔥ ᐅᑯᓯᓴᐞ, ᑲᑭᓇ ᑲᔦ ᐅᑖᓂᓴᐞ ᐅᑮ ᐱ ᓈᓯᑳᑰᐞ ᐁᑮ ᑲᑴ ᒥᓉᑕᒧᐃᑯᒡ, ᑳᐐᓐ ᑕᔥ ᐅᑮ ᐊᑕᐌᑕᓰᓐ ᒋᑲᑴ ᒥᓉᑕᒧᐃᑯᒡ᙮ ᒦᑕᔥ ᑳᐃᑭᑐᒡ, ᑫᒋᓈᒡ ᐲᓂᔥ ᒋᐅᑎᑕᒫᓐ ᑫᓃᓐ ᒋᓂᐳᔮᓐ ᓂᑲ ᒪᐎᒫ ᓂᑯᓯᔅ᙮ ᒦ ᐃ ᑕᔥ ᐋᒋᑯ ᑳᐃᔑ ᒪᐎᒫᒡ ᐅᑯᓯᓴᓐ ᒎᓴᐴᓐ᙮
36ᒦᑕᔥ ᑳᐃᔑᓭᒃ, ᐃᑭ ᒥᑎᔭᓐ ᑳᐅᒌᐙᒡ Midianites ᑮᐃᔑ ᐊᑖᐙᑫᐗᒃ ᒎᓴᐴᓐ ᐌᑎ ᐄᒋᐸᑮᕽ᙮ ᐊᐊ ᑕᔥ ᐹᑎᐸᕒᐊᓐ Potiphar, ᑭᒋᐅᑭᒫ ᐅᑖᓂᑫ ᔑᒫᑲᓂᔒᐎᑭᒫᓐ ᑮᐊᑖᐌᐗᓐ ᒎᓴᐴᓐ᙮ ᒦ ᐄᑐᒃ ᐊᐊ ᑳᑮ ᓈᓈᑲᒋᐋᒡ ᐅᑲᓇᐌᒋᑫᐞ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society