ᐁᑭᓴᑕᔅ 23
23
ᑾᔭᒃ ᑑᑖᑎᐎᓐ ᐁᑕᔑᑌᒃ
1 # Exo 20.16; Lev 19.11,12; Deu 5.20. ᑫᑯ ᐐᒋᑣᑫᓐ ᒋᒥᓯᑌᔥᑳᒪᑲᒃ ᑮᐗᓂᒧᐎᓐ᙮ ᑫᑯ ᐅᒋ ᐐᒋᐋᑫᓐ ᑫᔑ ᑮᐗᓂᒧᔭᓐ ᐃᓂᓂ ᑫᑰᓐ ᑳᔑ ᒪᒫᔒᒡ ᐊᐲ ᑮᑭᑐᔭᓐ᙮ 2ᑫᑯ ᐐᓐ ᐱᒥᓂᔕᐙᑫᓐ ᐃᑭ ᑳᐹᑏᓄᐙᒡ ᓅᒋᑯ ᑳᐃᔑᒋᑫᐙᒡ᙮ ᐊᐲ ᑮᓐ ᑮᑭᑐᔭᓐ ᑳᔑ ᑎᐹᑯᓂᑎᕽ, ᑫᑯ ᐲᒥᓯᑑᑫᓐ ᑾᔭᒃ ᐃᔑᒋᑫᐎᓐ ᒋᓇᓈᐱᓇᐗᑣᐸᓐ ᑳᐹᑏᓄᐙᒡ᙮ 3#Lev 19.15. ᑫᑯ ᐸᑳᓐ ᐃᓈᒋᒫᑫᓐ ᑫᑎᒫᑭᓯᒡ ᐃᓂᓂ ᑳᔑ ᑎᐹᑯᓂᑎᕽ᙮
4 # Deu 22.1-4. ᑮᔥᐱᓐ ᐙᐸᒥᒪᒡ ᑳᔒᑫᓂᒪᒡ ᐅᐱᔑᑮᒪᓐ, ᑯᒫ ᑲᔦ ᐅᒫᔑᒥᑕᑎᒨᒪᓐ ᒫᒌᐸᑑᓂᒡ, ᑫᒋᓈᒡ ᐃᑯ ᑮᐌᐎᑕᒪᐤ᙮ 5ᑮᔥᐱᓐ ᐃᑕᔥ ᐙᐸᒥᒪᒡ ᐅᒫᔑᒥᑕᑎᒨᒪᓐ ᑲᐎᔥᑳᑯᓂᒡ ᐅᐱᒥᐗᓈᓂᓂ, ᑫᑯ ᐊᓂ ᓇᑲᓈᑫᓐ᙮ ᐐᒋᐞ ᒦᓇᐙ ᒋᑮᐌ ᓃᐸᐎᓂᒡ᙮
6 # Lev 19.15; Deu 16.19. ᑫᒋᓈᒡ ᐃᑯ ᐌᐌᓂ ᑕᑑᑕᐙ ᑫᑎᒫᑭᓯᒡ ᐊᐲ ᑎᐹᑯᓂᓐᒡ᙮ 7ᑫᑯ ᐐᓐ ᓅᒋᑯ ᐃᔑ ᐊᓈᒥᒥᐌᑫᓐ᙮ ᑫᑯ ᑲᔦ ᓂᓵᑫᓐ ᐊᐎᔭ ᑫᑰᓐ ᐁᔑ ᐊᓈᒣᑖᑯᓯᓯᒃ, ᓃᓐ ᓴ ᐃᑯ ᑳᐐᓐ ᓂᑲ ᐸᑭᑎᓈᓰ ᒋᔖᐾᒡ ᐊᐊ ᑳᑌᐱᒥᓐᒡ ᐁᐊᓈᒣᑖᑯᓯᒡ᙮ 8ᑫᑯ ᐅᑖᐱᓇᑫᓐ ᑫᑰᓐ ᐐᑎᐸᐊᒫᑰᔭᓐ ᑫᐅᒋ ᐋᑌᑕᒪᓐ, ᐃᑭ ᓴ ᐃᐃ ᑳᐃᔑᒋᑫᐙᒡ ᒦ ᓴ ᐃᒫ ᑳᐅᒋ ᐙᐸᑕᓯᒀ ᑫᑰᓐ ᑾᔭᒃ ᐁᔑᓈᑾᓂᓂᒃ, ᒦᔥ ᑲᔦ ᑳᐅᒋ ᓂᔑᐗᓈᒋᐃᑣ ᑳᑾᔭᒀᑎᓯᐙᒡ ᐁᑮᐗᓂᒧᓈᓂᐗᓂᓂᒃ᙮
9 # Exo 22.21; Lev 19.33,34; Deu 24.17,18; 27.19. ᑫᑯ ᒫᔑᑑᑕᐙᑫᓐ ᑳᒪᔭᑭᓯᒡ; ᑭᑭᑫᑖᒻ ᐄᑐᒃ ᐁᓀᑖᑾᒃ ᑮᒪᔭᑭᓯᕽ ᐋᓃᔥ ᑭᑮ ᒪᔭᑭᓯᒻ ᐄᑐᒃ ᐄᒋᐸᑮᕽ Egypt ᙮
ᓃᔣᓱᐊᑭ, ᓃᔣᓱᑮᔑᒃ ᑲᔦ ᐁᑕᔑᑌᑭᓐ
10 # Lev 25.1-7. ᓂᑯᑣᓱ 6 ᐱᐴᓐ ᐃᓴ ᑭᑲ ᑭᑎᑳᑖᒻ ᑭᑕᑮᒥᐙ ᒋᓇᐃᓇᒣᒃ ᑫᓂᑖᐎᑭᑑᔦᒃ᙮ 11ᓃᔣᓱ 7 ᐱᐴᓐ ᐃᑕᔥ ᐃᔑᓭᒃ ᑫᑯ ᐸᐹᒣᑕᑫᒃ ᑭᑕᑮᒥᐙ ᒋᐊᓉᓯᕽ ᒋᐸᐹᒣᑕᓯᐌᒃ ᑲᔦ ᐃᐃᒫ ᑫᑰᓐ ᑳᓂᑖᐎᑭᕽ᙮ ᐃᑭ ᓴ ᑳᑭᑎᒫᑭᓯᐙᒡ ᐁᔮᐙᒡ ᒣᑴᔭᐄ ᐁᔑᐊᔮᔦᒃ ᐱᓵᓐ ᐃᐃᒫ ᑕᐅᒋ ᒨᔕᑭᓂᑫᐗᒃ᙮ ᐃᑭᔥ ᑲᔦ ᐊᔭᐋᐎᔕᒃ ᐅᑲ ᒦᒋᓈᐙ ᐁᔥᑯᓂᑳᑌᓂᒃ᙮ ᒦᔥ ᐯᔑᑾᓐ ᑫᑑᑕᒣᒃ ᑳᔑ ᑭᑎᑳᓀᒀ ᔔᒥᓇᒃ, ᑲᔦ ᑕᔥ ᑳᔑ ᑭᑎᑳᑕᒣᒃ ᐋᓬᐃᑉ ᑎᓄᐎᒥᓇᓐ᙮
12 # Exo 20.9-11; 31.15; 34.21; 35.2; Lev 23.3; Deu 5.13,14. ᓂᑯᑣᓱᑮᔑᒃ ᐃᓴ ᑭᑲ ᐊᓄᑮᒻ, ᓃᔣᓱᑮᔑᒃ ᐃᑕᔥ ᐃᔑᓭᒃ ᑳᐐᓐ ᑭᑲ ᐊᓄᑮᓰᒻ᙮ ᒋᐊᓉᐱᐙᒡ ᑳᐸᒦᑕᐎᒀ, ᐃᑭ ᑲᔦ ᑳᒪᔭᑭᓯᐙᒡ, ᒦᔥ ᒋᒥᓄᒪᒋᐅᐙᒡ᙮ ᑭᐱᔑᑮᒪᒃ ᑲᔦ, ᐃᑭ ᑲᔦ ᑭᒫᔑᒥᑕᑎᒨᒪᒃ ᒋᐊᓉᔑᓄᐙᒡ᙮
13ᐊᔮᒀᒥᓯᒃ ᐃᑕᔥ ᒋᐃᔑᒋᑫᔦᒃ ᑲᑭᓇ ᑫᑰᓐ ᑳᐃᓂᓇᑰᒃ᙮ ᑫᑯ ᐊᓇᒥᐁᑕᐙᑫᒀᓂᒃ ᑯᑕᒃ ᒪᓂᑑᒃ, ᑫᑯ ᐐᓈᑫᒀᓂᒃ ᐁᔑᓂᑳᓱᐙᒡ᙮
ᓂᓯᓐ ᐐᑾᑎᐎᓇᓐ ᐁᑕᔑᑌᑭᓐ
14ᓃᔣ ᓴ ᑭᑲ ᐐᑾᑎᒻ ᐯᔑᑯᐱᐴᓐ ᒋᐅᒋ ᑭᑌᓂᒥᑰᔮᓐ᙮ 15#Exo 12.14-20; Lev 23.6-8; Num 28.17-25. ᐃᔑᒋᑫᒃ ᒋᐐᑾᑎᔦᒃ ᐁᔑᓂᑳᑌᒃ ᐸᑴᔑᑲᓐ ᑳᐅᐱᓯᑲᓂᐎᓯᒃ ᐐᑾᑎᐎᓐ ᐱᒪᑭᓱᒡ ᐁᐱᑉ Abib ᑮᓯᔅ ᐊᐲ ᑳᑮ ᓇᑲᑕᒣᑭᐸᓐ ᐄᒋᐸᑭ᙮ ᓃᔣᓱᑮᔑᒃ ᑳᐐᓐ ᑭᑲ ᐊᒸᓯᐙᐙ ᐸᑴᔑᑲᓐ ᑳᐅᐱᓯᑲᓂᐎᒡ ᒥᓂᒃ ᑫᐐᑾᑎᔦᒃ᙮ ᑫᑯ ᑲᔦ ᐱᓈᓯᑲᐎᔑᑫᒃ ᐊᔮᓯᐌᒃ ᐸᑭᑎᓂᑫᐎᓐ᙮
16 # Lev 23.15-21; Num 28.26-31; Lev 23.39-43. ᐃᔑᒋᑫᒃ ᐃᓴ ᑲᔦ ᐐᑾᑎᐎᓐ ᐁᔑᓂᑳᑌᒃ, ᒨᔕᑭᓂᑫᐎ ᐐᑾᑎᐎᓐ, ᒫᐗᒡ ᐃᑯ ᓂᑕᒻ ᒫᐗᑑᓇᒣᒃ ᑳᓂᑖᐎᑭᑭᓐ ᑳᑮ ᑭᑎᑳᑕᒣᑭᓐ ᐁᔑ ᑭᑎᑫᔦᒃ᙮
ᒦᔥ ᑲᔦ ᑫᐃᔑᒋᑫᔦᒃ ᐐᑾᑎᐎᓐ ᐁᔑᓂᑳᑌᒃ, ᐊᑲᐙᑌᐃᑲᓂ ᐐᑾᑎᐎᓐ, ᑕᒀᑭᕽ ᐊᐲ ᑮᒫᐗᑑᓇᒣᒃ ᑳᑮ ᑭᑎᑳᑕᒣᑭᐸᓐ ᑭᑭᑎᑫᐗᑲᒥᑯᐙᕽ᙮ 17ᓃᔣ ᑕᔥ ᐁᑕᓱ ᐊᑭ ᑮᐐᑾᑎᓈᓂᐗᕽ ᑲᑭᓇ ᐃᓂᓂᐗᒃ ᓂᑲ ᐱ ᓈᓯᑳᑰᒃ ᐁᓈᓴᒦᐗᒃ ᑳᑎᐯᒋᑫᔮᓐ ᐁᑭᔐᒪᓂᑑᐎᔮᓐ᙮ 18ᑫᑯ ᑕᑯ ᐸᑭᑎᓈᑫᒃ ᐸᑴᔑᑲᓐ ᑳᐅᐱᓯᑲᓂᐎᒡ ᐊᐲ ᐸᑭᑎᓈᓲᑕᒪᐎᔦᒃ ᑳᒥᔅᑸᐗᕽ ᐸᑭᑎᓂᑫᐎᓐ᙮ ᑳᐱᒥᑌᐗᕽ ᐃᓴ ᐸᑭᑎᓈᓱᐎᓐ ᑳᐐᓐ ᑕᑲᓇᐌᒋᑳᑌᓯᓅᓐ ᐲᓂᔥ ᒋᐊᓂ ᐙᐸᕽ᙮
19 # Deu 26.2; Exo 34.26; Deu 14.21. ᐲᑑᒃ ᐁᑕᓱ ᐱᐴᓐ ᒫᐗᒡ ᐃᑯ ᐌᓂᔑᔑᑭᓐ ᓂᑕᒻ ᓀᑖᐎᑭᑭᓐ ᑭᑭᑎᑫᐗᑲᒥᑯᐙᕽ ᐅᐙᑳᐃᑲᓂᕽ ᑳᑎᐯᒋᑫᒡ ᑭᑭᔐᒪᓂᑑᒥᐙ᙮
ᑫᑯ ᐃᔑ ᑮᔑᔂᑫᒃ ᒫᓇᑎᑰᔅ ᐅᒎᒎᔖᐴᒥᓃᕽ ᐅᒫᒫᓐ᙮
ᑭᔐᒪᓂᑑ ᐅᑌᒐᓬᐃᒪᓐ ᒋᓃᑳᓃᑕᒫᑫᓂᒡ
20ᐃᓇᔥᑫ ᓴ ᓂᑲ ᓃᑳᓂᓂᔕᐙ ᐁᒐᓬ ᒋᓃᑳᓃᑕᒪᐎᓀᒃ ᑫᓈᑕᒪᐎᓀᒃ ᑲᔦ ᐊᓂ ᐱᒥ ᐊᔮᔦᒃ ᐁᔖᔦᒃ ᑳᐐ ᐃᔑ ᐸᑲᒥᐎᓂᓇᑰᒃ ᐊᔮᐎᓂᕽ ᑳᑮ ᑾᔮᒋᑑᔮᓐ᙮ 21ᐱᓯᑕᐎᒃ ᒋᓇᐃᑕᐌᒃ ᐋᓃᓐ ᐁᑭᑐᒡ᙮ ᑫᑯ ᔕᔒᐱᑕᐙᑫᒃ᙮ ᑳᐐᓐ ᑭᑲ ᐴᓀᑕᒫᑯᓰᐙ ᐁᔑ ᔕᔒᐱᑕᐌᒃ ᓂᐐᓱᐎᓐ ᐄᑐᒃ ᐅᑕᔮᓐ᙮ 22ᑮᔥᐱᓐ ᐃᑕᔥ ᐐᓐ ᐌᐌᓂ ᐱᓯᑕᐌᒃ, ᓇᐃᑕᐌᒃ ᑲᔦ ᑲᑭᓇ ᐁᓂᓀᒃ, ᓂᑲ ᔒᑫᓂᒫᒃ ᐃᑕᔥ ᑳᔒᑫᓂᒥᓀᒀ, ᓂᑲ ᓇᑳᔥᑲᐙᒃ ᑲᔦ ᑫᓇᑳᔥᑲᐎᓀᒀ᙮ 23ᓂᑌᒐᓬᐃᒻ ᐃᓴ ᑭᑲ ᓃᑳᓃᑕᒫᑯᐙ ᒋᐃᔑᐎᓂᓀᒃ ᐌᑎ ᐊᑮᕽ ᐁᔑᐊᔮᓂᒡ ᐁᒧᕒᐄ ᑳᑎᓄᐎᓂᒡ, Amorites, ᑲᔦ ᐁᑦ Hittites, ᐯᕒᐃᓰ Perizzites, ᑫᓇᓐ Canaanites, ᑭᐲ Hivites, ᒌᐸᔅ Jebusites ᑳᑎᓄᐎᓂᒡ᙮ ᓃᓐ ᐃᑕᔥ ᐃᑯ ᓂᑲ ᒑᑭᐋᒃ ᐃᑭᐌᓂᐗᒃ᙮ 24ᑫᑯ ᐊᓂᒥᑯᑖᑫᒃ ᐁᓈᓴᒦᓂᒡ ᐅᒪᓂᑑᑳᓂᐙᐞ ᒋᐊᓇᒥᐁᑕᒪᐎᒣᒃ, ᑫᑯ ᑲᔦ ᓇᓈᐱᓇᐙᑫᒀᓂᒃ ᐁᔑᒋᑫᐙᒡ ᑮᐊᓇᒥᐁᑳᓱᐙᒡ᙮ ᓂᔑᐗᓈᒋᐃᒻ ᐅᒪᓂᑑᑳᓂᐙᐞ, ᐲᑯᐱᔑᒻ ᑲᔦ ᐊᓯᓃᐞ ᑫᑕᑭᒫᐙᒡ᙮ 25ᓃᓐ ᐊᓇᒥᐁᑕᐎᔑᒃ ᑳᑎᐯᒋᑫᔮᓐ ᑭᑭᔐᒪᓂᑑᒥᐙ᙮ ᑭᑲ ᔕᐌᓂᒥᓂᓂᒻ ᒋᒦᓂᓇᑰᒃ ᒦᒋᒻ, ᓂᐱ ᑲᔦ᙮ ᑲᑭᓇ ᑲᔦ ᓂᑲ ᐅᑖᐱᓈᓇᓐ ᐋᑯᓯᐎᓇᓐ ᐁᔑᐊᔮᔦᒃ᙮ 26ᑳᐐᓐ ᑲᔦ ᐊᐙᒡ ᐯᔑᒃ ᐃᑴ ᑕᓵᑭᑖᐱᓀᓰᐗᓐ ᐅᓃᒑᓂᓴᓐ, ᑲᑭᓇ ᓴ ᐃᑴᐗᒃ ᑕᐅᑕᐱᓅᒌᔑᒥᐗᒃ ᐃᐃᒫ ᐊᑮᕽ᙮ ᑭᓉᔥ ᑲᔦ ᑭᑲ ᐱᒫᑎᓯᒻ᙮
27ᒦᔥ ᑫᑑᑕᐗᒀ ᐯᒫᑎᓯᐙᒡ ᑳᐐ ᒦᑳᓂᓀᒀ ᒋᑯᔑᐙᒡ᙮ ᓂᑲ ᑑᑕᐙᒃ ᑲᔦ ᒋᑭᒋ ᐗᐙᓀᑕᒧᐙᒡ ᑲᑭᓇ ᑫᓇᑭᔥᑲᐌᒀ᙮ ᓂᑲ ᑑᑕᐙᒃ ᑲᔦ ᑳᔒᑫᓂᒥᓀᒀ ᒋᒫᒌᐸᐃᐙᓂᓀᒀ᙮ 28ᐅᑲᓈᒨᒃ ᐃᓴ ᓂᑲ ᓃᑳᓂᓂᔕᐙᒃ ᒋᒫᒌᔮᒧᑮᐙᒡ ᑭᐲ Hivites, ᑫᓇᓐ Canaanites, ᑲᔦ ᐁᑦ Hittites ᑳᑎᓄᐎᐙᒡ ᑫᐊᓂ ᐃᔖᔦᒃ᙮ 29ᑳᐐᓐ ᐃᑕᔥ ᐐᓐ ᐯᔑᑯ ᐊᑭ ᐃᐃ ᓂᑲ ᐃᔑᒋᑫᓰ᙮ ᑮᔥᐱᓐ ᐃᐃ ᐃᔑᒋᑫᔮᓐ ᑫᑰᓐ ᐊᔮᓯᓄᒃ ᑕᐃᓀᑖᑾᓐ ᐃᐃᒫ ᐊᑮᕽ, ᐅᓵᒻ ᑲᔦ ᑕᓂ ᐹᑏᓄᐗᒃ ᐊᔭᐋᐎᔕᒃ ᐁᔑᐊᔮᔦᒃ᙮ 30ᐯᐸᑮ ᓴ ᐁᑕ ᓂᑲ ᒪᒫᒌᔮᒪᐙᒃ ᐁᔑᐊᔮᔦᒃ, ᐲᓂᔥ ᒋᐊᓂ ᑌᑕᔑᔦᒃ ᒋᑎᐱᓇᐌᐎᓯᔦᒃ ᐃᐃ ᐊᑭ᙮ 31ᒦᑕᔥ ᑫᐃᔑᒋᑫᔮᓐ ᑭᑕᑮᒥᐙ ᐅᒋ ᒫᒋᓭᒃ ᐃᐃᒫ ᑭᒋ ᒥᔅᑯᑲᒦᕽ Red Sea ᐲᓂᔥ ᐌᑎ ᒋᐅᒋᒋᓭᒃ ᑭᒋᑲᒦᕽ ᒣᑕᒐᕒᐁᓂᔭᓐ Mediterranean ᐁᒋᑳᑌᒃ, ᐌᑎ ᒋᐊᓂ ᐃᔑᓭᒃ ᐱᑾᑕᑲᒥᒃ, ᐌᑎ ᑲᔦ ᐲᓂᔥ ᓰᐱᕽ ᐃᔫᐸᕒᐁᑏᔅ Euphrates ᐁᔑᓂᑳᑌᒃ᙮ ᑭᑲ ᒦᓂᓂᓂᒻ ᐃᓴ ᒪᔥᑲᐎᓰᐎᓐ ᒋᐊᓂ ᔖᑰᒋᐁᒀ ᐃᐃᒫ ᐊᑮᕽ ᐯᒫᑎᓯᐙᒡ ᐁᔑᑖᐙᒡ, ᑲᔦ ᑕᔥ ᒋᐊᓂ ᒫᒌᔮᒪᐌᒀ᙮ 32ᑫᑯ ᑫᑰᓐ ᐃᔑ ᐊᔓᑕᒪᐙᑫᒀᓂᒃ, ᐃᐃ ᑲᔦ ᐅᒪᓂᑑᒥᐙᐞ ᐅᒋ᙮ 33ᑫᑯ ᐸᑭᑎᓈᑫᒀᓂᒃ ᐃᐃᒫ ᑭᑕᑮᒥᐙᕽ ᒋᑕᔑ ᐱᒫᑎᓯᐙᒡ; ᑮᔥᐱᓐ ᐃᐃ ᐃᔑᒋᑫᔦᒃ, ᒫᑭᔖ ᑭᑲ ᑲᔥᑭᐃᑯᐙᒃ ᒋᒪᒋᑑᑕᐎᔦᒃ᙮ ᑮᔥᐱᓐ ᐊᓇᒥᐁᑕᐎᒣᒃ ᐅᒪᓂᑑᒥᐙᐞ ᒦ ᓴ ᐃ ᒋᐸᓂᓯᔦᒃ ᒋᑳᒋᒋᐃᑰᔦᒃ᙮
Currently Selected:
ᐁᑭᓴᑕᔅ 23: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐁᑭᓴᑕᔅ 23
23
ᑾᔭᒃ ᑑᑖᑎᐎᓐ ᐁᑕᔑᑌᒃ
1 # Exo 20.16; Lev 19.11,12; Deu 5.20. ᑫᑯ ᐐᒋᑣᑫᓐ ᒋᒥᓯᑌᔥᑳᒪᑲᒃ ᑮᐗᓂᒧᐎᓐ᙮ ᑫᑯ ᐅᒋ ᐐᒋᐋᑫᓐ ᑫᔑ ᑮᐗᓂᒧᔭᓐ ᐃᓂᓂ ᑫᑰᓐ ᑳᔑ ᒪᒫᔒᒡ ᐊᐲ ᑮᑭᑐᔭᓐ᙮ 2ᑫᑯ ᐐᓐ ᐱᒥᓂᔕᐙᑫᓐ ᐃᑭ ᑳᐹᑏᓄᐙᒡ ᓅᒋᑯ ᑳᐃᔑᒋᑫᐙᒡ᙮ ᐊᐲ ᑮᓐ ᑮᑭᑐᔭᓐ ᑳᔑ ᑎᐹᑯᓂᑎᕽ, ᑫᑯ ᐲᒥᓯᑑᑫᓐ ᑾᔭᒃ ᐃᔑᒋᑫᐎᓐ ᒋᓇᓈᐱᓇᐗᑣᐸᓐ ᑳᐹᑏᓄᐙᒡ᙮ 3#Lev 19.15. ᑫᑯ ᐸᑳᓐ ᐃᓈᒋᒫᑫᓐ ᑫᑎᒫᑭᓯᒡ ᐃᓂᓂ ᑳᔑ ᑎᐹᑯᓂᑎᕽ᙮
4 # Deu 22.1-4. ᑮᔥᐱᓐ ᐙᐸᒥᒪᒡ ᑳᔒᑫᓂᒪᒡ ᐅᐱᔑᑮᒪᓐ, ᑯᒫ ᑲᔦ ᐅᒫᔑᒥᑕᑎᒨᒪᓐ ᒫᒌᐸᑑᓂᒡ, ᑫᒋᓈᒡ ᐃᑯ ᑮᐌᐎᑕᒪᐤ᙮ 5ᑮᔥᐱᓐ ᐃᑕᔥ ᐙᐸᒥᒪᒡ ᐅᒫᔑᒥᑕᑎᒨᒪᓐ ᑲᐎᔥᑳᑯᓂᒡ ᐅᐱᒥᐗᓈᓂᓂ, ᑫᑯ ᐊᓂ ᓇᑲᓈᑫᓐ᙮ ᐐᒋᐞ ᒦᓇᐙ ᒋᑮᐌ ᓃᐸᐎᓂᒡ᙮
6 # Lev 19.15; Deu 16.19. ᑫᒋᓈᒡ ᐃᑯ ᐌᐌᓂ ᑕᑑᑕᐙ ᑫᑎᒫᑭᓯᒡ ᐊᐲ ᑎᐹᑯᓂᓐᒡ᙮ 7ᑫᑯ ᐐᓐ ᓅᒋᑯ ᐃᔑ ᐊᓈᒥᒥᐌᑫᓐ᙮ ᑫᑯ ᑲᔦ ᓂᓵᑫᓐ ᐊᐎᔭ ᑫᑰᓐ ᐁᔑ ᐊᓈᒣᑖᑯᓯᓯᒃ, ᓃᓐ ᓴ ᐃᑯ ᑳᐐᓐ ᓂᑲ ᐸᑭᑎᓈᓰ ᒋᔖᐾᒡ ᐊᐊ ᑳᑌᐱᒥᓐᒡ ᐁᐊᓈᒣᑖᑯᓯᒡ᙮ 8ᑫᑯ ᐅᑖᐱᓇᑫᓐ ᑫᑰᓐ ᐐᑎᐸᐊᒫᑰᔭᓐ ᑫᐅᒋ ᐋᑌᑕᒪᓐ, ᐃᑭ ᓴ ᐃᐃ ᑳᐃᔑᒋᑫᐙᒡ ᒦ ᓴ ᐃᒫ ᑳᐅᒋ ᐙᐸᑕᓯᒀ ᑫᑰᓐ ᑾᔭᒃ ᐁᔑᓈᑾᓂᓂᒃ, ᒦᔥ ᑲᔦ ᑳᐅᒋ ᓂᔑᐗᓈᒋᐃᑣ ᑳᑾᔭᒀᑎᓯᐙᒡ ᐁᑮᐗᓂᒧᓈᓂᐗᓂᓂᒃ᙮
9 # Exo 22.21; Lev 19.33,34; Deu 24.17,18; 27.19. ᑫᑯ ᒫᔑᑑᑕᐙᑫᓐ ᑳᒪᔭᑭᓯᒡ; ᑭᑭᑫᑖᒻ ᐄᑐᒃ ᐁᓀᑖᑾᒃ ᑮᒪᔭᑭᓯᕽ ᐋᓃᔥ ᑭᑮ ᒪᔭᑭᓯᒻ ᐄᑐᒃ ᐄᒋᐸᑮᕽ Egypt ᙮
ᓃᔣᓱᐊᑭ, ᓃᔣᓱᑮᔑᒃ ᑲᔦ ᐁᑕᔑᑌᑭᓐ
10 # Lev 25.1-7. ᓂᑯᑣᓱ 6 ᐱᐴᓐ ᐃᓴ ᑭᑲ ᑭᑎᑳᑖᒻ ᑭᑕᑮᒥᐙ ᒋᓇᐃᓇᒣᒃ ᑫᓂᑖᐎᑭᑑᔦᒃ᙮ 11ᓃᔣᓱ 7 ᐱᐴᓐ ᐃᑕᔥ ᐃᔑᓭᒃ ᑫᑯ ᐸᐹᒣᑕᑫᒃ ᑭᑕᑮᒥᐙ ᒋᐊᓉᓯᕽ ᒋᐸᐹᒣᑕᓯᐌᒃ ᑲᔦ ᐃᐃᒫ ᑫᑰᓐ ᑳᓂᑖᐎᑭᕽ᙮ ᐃᑭ ᓴ ᑳᑭᑎᒫᑭᓯᐙᒡ ᐁᔮᐙᒡ ᒣᑴᔭᐄ ᐁᔑᐊᔮᔦᒃ ᐱᓵᓐ ᐃᐃᒫ ᑕᐅᒋ ᒨᔕᑭᓂᑫᐗᒃ᙮ ᐃᑭᔥ ᑲᔦ ᐊᔭᐋᐎᔕᒃ ᐅᑲ ᒦᒋᓈᐙ ᐁᔥᑯᓂᑳᑌᓂᒃ᙮ ᒦᔥ ᐯᔑᑾᓐ ᑫᑑᑕᒣᒃ ᑳᔑ ᑭᑎᑳᓀᒀ ᔔᒥᓇᒃ, ᑲᔦ ᑕᔥ ᑳᔑ ᑭᑎᑳᑕᒣᒃ ᐋᓬᐃᑉ ᑎᓄᐎᒥᓇᓐ᙮
12 # Exo 20.9-11; 31.15; 34.21; 35.2; Lev 23.3; Deu 5.13,14. ᓂᑯᑣᓱᑮᔑᒃ ᐃᓴ ᑭᑲ ᐊᓄᑮᒻ, ᓃᔣᓱᑮᔑᒃ ᐃᑕᔥ ᐃᔑᓭᒃ ᑳᐐᓐ ᑭᑲ ᐊᓄᑮᓰᒻ᙮ ᒋᐊᓉᐱᐙᒡ ᑳᐸᒦᑕᐎᒀ, ᐃᑭ ᑲᔦ ᑳᒪᔭᑭᓯᐙᒡ, ᒦᔥ ᒋᒥᓄᒪᒋᐅᐙᒡ᙮ ᑭᐱᔑᑮᒪᒃ ᑲᔦ, ᐃᑭ ᑲᔦ ᑭᒫᔑᒥᑕᑎᒨᒪᒃ ᒋᐊᓉᔑᓄᐙᒡ᙮
13ᐊᔮᒀᒥᓯᒃ ᐃᑕᔥ ᒋᐃᔑᒋᑫᔦᒃ ᑲᑭᓇ ᑫᑰᓐ ᑳᐃᓂᓇᑰᒃ᙮ ᑫᑯ ᐊᓇᒥᐁᑕᐙᑫᒀᓂᒃ ᑯᑕᒃ ᒪᓂᑑᒃ, ᑫᑯ ᐐᓈᑫᒀᓂᒃ ᐁᔑᓂᑳᓱᐙᒡ᙮
ᓂᓯᓐ ᐐᑾᑎᐎᓇᓐ ᐁᑕᔑᑌᑭᓐ
14ᓃᔣ ᓴ ᑭᑲ ᐐᑾᑎᒻ ᐯᔑᑯᐱᐴᓐ ᒋᐅᒋ ᑭᑌᓂᒥᑰᔮᓐ᙮ 15#Exo 12.14-20; Lev 23.6-8; Num 28.17-25. ᐃᔑᒋᑫᒃ ᒋᐐᑾᑎᔦᒃ ᐁᔑᓂᑳᑌᒃ ᐸᑴᔑᑲᓐ ᑳᐅᐱᓯᑲᓂᐎᓯᒃ ᐐᑾᑎᐎᓐ ᐱᒪᑭᓱᒡ ᐁᐱᑉ Abib ᑮᓯᔅ ᐊᐲ ᑳᑮ ᓇᑲᑕᒣᑭᐸᓐ ᐄᒋᐸᑭ᙮ ᓃᔣᓱᑮᔑᒃ ᑳᐐᓐ ᑭᑲ ᐊᒸᓯᐙᐙ ᐸᑴᔑᑲᓐ ᑳᐅᐱᓯᑲᓂᐎᒡ ᒥᓂᒃ ᑫᐐᑾᑎᔦᒃ᙮ ᑫᑯ ᑲᔦ ᐱᓈᓯᑲᐎᔑᑫᒃ ᐊᔮᓯᐌᒃ ᐸᑭᑎᓂᑫᐎᓐ᙮
16 # Lev 23.15-21; Num 28.26-31; Lev 23.39-43. ᐃᔑᒋᑫᒃ ᐃᓴ ᑲᔦ ᐐᑾᑎᐎᓐ ᐁᔑᓂᑳᑌᒃ, ᒨᔕᑭᓂᑫᐎ ᐐᑾᑎᐎᓐ, ᒫᐗᒡ ᐃᑯ ᓂᑕᒻ ᒫᐗᑑᓇᒣᒃ ᑳᓂᑖᐎᑭᑭᓐ ᑳᑮ ᑭᑎᑳᑕᒣᑭᓐ ᐁᔑ ᑭᑎᑫᔦᒃ᙮
ᒦᔥ ᑲᔦ ᑫᐃᔑᒋᑫᔦᒃ ᐐᑾᑎᐎᓐ ᐁᔑᓂᑳᑌᒃ, ᐊᑲᐙᑌᐃᑲᓂ ᐐᑾᑎᐎᓐ, ᑕᒀᑭᕽ ᐊᐲ ᑮᒫᐗᑑᓇᒣᒃ ᑳᑮ ᑭᑎᑳᑕᒣᑭᐸᓐ ᑭᑭᑎᑫᐗᑲᒥᑯᐙᕽ᙮ 17ᓃᔣ ᑕᔥ ᐁᑕᓱ ᐊᑭ ᑮᐐᑾᑎᓈᓂᐗᕽ ᑲᑭᓇ ᐃᓂᓂᐗᒃ ᓂᑲ ᐱ ᓈᓯᑳᑰᒃ ᐁᓈᓴᒦᐗᒃ ᑳᑎᐯᒋᑫᔮᓐ ᐁᑭᔐᒪᓂᑑᐎᔮᓐ᙮ 18ᑫᑯ ᑕᑯ ᐸᑭᑎᓈᑫᒃ ᐸᑴᔑᑲᓐ ᑳᐅᐱᓯᑲᓂᐎᒡ ᐊᐲ ᐸᑭᑎᓈᓲᑕᒪᐎᔦᒃ ᑳᒥᔅᑸᐗᕽ ᐸᑭᑎᓂᑫᐎᓐ᙮ ᑳᐱᒥᑌᐗᕽ ᐃᓴ ᐸᑭᑎᓈᓱᐎᓐ ᑳᐐᓐ ᑕᑲᓇᐌᒋᑳᑌᓯᓅᓐ ᐲᓂᔥ ᒋᐊᓂ ᐙᐸᕽ᙮
19 # Deu 26.2; Exo 34.26; Deu 14.21. ᐲᑑᒃ ᐁᑕᓱ ᐱᐴᓐ ᒫᐗᒡ ᐃᑯ ᐌᓂᔑᔑᑭᓐ ᓂᑕᒻ ᓀᑖᐎᑭᑭᓐ ᑭᑭᑎᑫᐗᑲᒥᑯᐙᕽ ᐅᐙᑳᐃᑲᓂᕽ ᑳᑎᐯᒋᑫᒡ ᑭᑭᔐᒪᓂᑑᒥᐙ᙮
ᑫᑯ ᐃᔑ ᑮᔑᔂᑫᒃ ᒫᓇᑎᑰᔅ ᐅᒎᒎᔖᐴᒥᓃᕽ ᐅᒫᒫᓐ᙮
ᑭᔐᒪᓂᑑ ᐅᑌᒐᓬᐃᒪᓐ ᒋᓃᑳᓃᑕᒫᑫᓂᒡ
20ᐃᓇᔥᑫ ᓴ ᓂᑲ ᓃᑳᓂᓂᔕᐙ ᐁᒐᓬ ᒋᓃᑳᓃᑕᒪᐎᓀᒃ ᑫᓈᑕᒪᐎᓀᒃ ᑲᔦ ᐊᓂ ᐱᒥ ᐊᔮᔦᒃ ᐁᔖᔦᒃ ᑳᐐ ᐃᔑ ᐸᑲᒥᐎᓂᓇᑰᒃ ᐊᔮᐎᓂᕽ ᑳᑮ ᑾᔮᒋᑑᔮᓐ᙮ 21ᐱᓯᑕᐎᒃ ᒋᓇᐃᑕᐌᒃ ᐋᓃᓐ ᐁᑭᑐᒡ᙮ ᑫᑯ ᔕᔒᐱᑕᐙᑫᒃ᙮ ᑳᐐᓐ ᑭᑲ ᐴᓀᑕᒫᑯᓰᐙ ᐁᔑ ᔕᔒᐱᑕᐌᒃ ᓂᐐᓱᐎᓐ ᐄᑐᒃ ᐅᑕᔮᓐ᙮ 22ᑮᔥᐱᓐ ᐃᑕᔥ ᐐᓐ ᐌᐌᓂ ᐱᓯᑕᐌᒃ, ᓇᐃᑕᐌᒃ ᑲᔦ ᑲᑭᓇ ᐁᓂᓀᒃ, ᓂᑲ ᔒᑫᓂᒫᒃ ᐃᑕᔥ ᑳᔒᑫᓂᒥᓀᒀ, ᓂᑲ ᓇᑳᔥᑲᐙᒃ ᑲᔦ ᑫᓇᑳᔥᑲᐎᓀᒀ᙮ 23ᓂᑌᒐᓬᐃᒻ ᐃᓴ ᑭᑲ ᓃᑳᓃᑕᒫᑯᐙ ᒋᐃᔑᐎᓂᓀᒃ ᐌᑎ ᐊᑮᕽ ᐁᔑᐊᔮᓂᒡ ᐁᒧᕒᐄ ᑳᑎᓄᐎᓂᒡ, Amorites, ᑲᔦ ᐁᑦ Hittites, ᐯᕒᐃᓰ Perizzites, ᑫᓇᓐ Canaanites, ᑭᐲ Hivites, ᒌᐸᔅ Jebusites ᑳᑎᓄᐎᓂᒡ᙮ ᓃᓐ ᐃᑕᔥ ᐃᑯ ᓂᑲ ᒑᑭᐋᒃ ᐃᑭᐌᓂᐗᒃ᙮ 24ᑫᑯ ᐊᓂᒥᑯᑖᑫᒃ ᐁᓈᓴᒦᓂᒡ ᐅᒪᓂᑑᑳᓂᐙᐞ ᒋᐊᓇᒥᐁᑕᒪᐎᒣᒃ, ᑫᑯ ᑲᔦ ᓇᓈᐱᓇᐙᑫᒀᓂᒃ ᐁᔑᒋᑫᐙᒡ ᑮᐊᓇᒥᐁᑳᓱᐙᒡ᙮ ᓂᔑᐗᓈᒋᐃᒻ ᐅᒪᓂᑑᑳᓂᐙᐞ, ᐲᑯᐱᔑᒻ ᑲᔦ ᐊᓯᓃᐞ ᑫᑕᑭᒫᐙᒡ᙮ 25ᓃᓐ ᐊᓇᒥᐁᑕᐎᔑᒃ ᑳᑎᐯᒋᑫᔮᓐ ᑭᑭᔐᒪᓂᑑᒥᐙ᙮ ᑭᑲ ᔕᐌᓂᒥᓂᓂᒻ ᒋᒦᓂᓇᑰᒃ ᒦᒋᒻ, ᓂᐱ ᑲᔦ᙮ ᑲᑭᓇ ᑲᔦ ᓂᑲ ᐅᑖᐱᓈᓇᓐ ᐋᑯᓯᐎᓇᓐ ᐁᔑᐊᔮᔦᒃ᙮ 26ᑳᐐᓐ ᑲᔦ ᐊᐙᒡ ᐯᔑᒃ ᐃᑴ ᑕᓵᑭᑖᐱᓀᓰᐗᓐ ᐅᓃᒑᓂᓴᓐ, ᑲᑭᓇ ᓴ ᐃᑴᐗᒃ ᑕᐅᑕᐱᓅᒌᔑᒥᐗᒃ ᐃᐃᒫ ᐊᑮᕽ᙮ ᑭᓉᔥ ᑲᔦ ᑭᑲ ᐱᒫᑎᓯᒻ᙮
27ᒦᔥ ᑫᑑᑕᐗᒀ ᐯᒫᑎᓯᐙᒡ ᑳᐐ ᒦᑳᓂᓀᒀ ᒋᑯᔑᐙᒡ᙮ ᓂᑲ ᑑᑕᐙᒃ ᑲᔦ ᒋᑭᒋ ᐗᐙᓀᑕᒧᐙᒡ ᑲᑭᓇ ᑫᓇᑭᔥᑲᐌᒀ᙮ ᓂᑲ ᑑᑕᐙᒃ ᑲᔦ ᑳᔒᑫᓂᒥᓀᒀ ᒋᒫᒌᐸᐃᐙᓂᓀᒀ᙮ 28ᐅᑲᓈᒨᒃ ᐃᓴ ᓂᑲ ᓃᑳᓂᓂᔕᐙᒃ ᒋᒫᒌᔮᒧᑮᐙᒡ ᑭᐲ Hivites, ᑫᓇᓐ Canaanites, ᑲᔦ ᐁᑦ Hittites ᑳᑎᓄᐎᐙᒡ ᑫᐊᓂ ᐃᔖᔦᒃ᙮ 29ᑳᐐᓐ ᐃᑕᔥ ᐐᓐ ᐯᔑᑯ ᐊᑭ ᐃᐃ ᓂᑲ ᐃᔑᒋᑫᓰ᙮ ᑮᔥᐱᓐ ᐃᐃ ᐃᔑᒋᑫᔮᓐ ᑫᑰᓐ ᐊᔮᓯᓄᒃ ᑕᐃᓀᑖᑾᓐ ᐃᐃᒫ ᐊᑮᕽ, ᐅᓵᒻ ᑲᔦ ᑕᓂ ᐹᑏᓄᐗᒃ ᐊᔭᐋᐎᔕᒃ ᐁᔑᐊᔮᔦᒃ᙮ 30ᐯᐸᑮ ᓴ ᐁᑕ ᓂᑲ ᒪᒫᒌᔮᒪᐙᒃ ᐁᔑᐊᔮᔦᒃ, ᐲᓂᔥ ᒋᐊᓂ ᑌᑕᔑᔦᒃ ᒋᑎᐱᓇᐌᐎᓯᔦᒃ ᐃᐃ ᐊᑭ᙮ 31ᒦᑕᔥ ᑫᐃᔑᒋᑫᔮᓐ ᑭᑕᑮᒥᐙ ᐅᒋ ᒫᒋᓭᒃ ᐃᐃᒫ ᑭᒋ ᒥᔅᑯᑲᒦᕽ Red Sea ᐲᓂᔥ ᐌᑎ ᒋᐅᒋᒋᓭᒃ ᑭᒋᑲᒦᕽ ᒣᑕᒐᕒᐁᓂᔭᓐ Mediterranean ᐁᒋᑳᑌᒃ, ᐌᑎ ᒋᐊᓂ ᐃᔑᓭᒃ ᐱᑾᑕᑲᒥᒃ, ᐌᑎ ᑲᔦ ᐲᓂᔥ ᓰᐱᕽ ᐃᔫᐸᕒᐁᑏᔅ Euphrates ᐁᔑᓂᑳᑌᒃ᙮ ᑭᑲ ᒦᓂᓂᓂᒻ ᐃᓴ ᒪᔥᑲᐎᓰᐎᓐ ᒋᐊᓂ ᔖᑰᒋᐁᒀ ᐃᐃᒫ ᐊᑮᕽ ᐯᒫᑎᓯᐙᒡ ᐁᔑᑖᐙᒡ, ᑲᔦ ᑕᔥ ᒋᐊᓂ ᒫᒌᔮᒪᐌᒀ᙮ 32ᑫᑯ ᑫᑰᓐ ᐃᔑ ᐊᔓᑕᒪᐙᑫᒀᓂᒃ, ᐃᐃ ᑲᔦ ᐅᒪᓂᑑᒥᐙᐞ ᐅᒋ᙮ 33ᑫᑯ ᐸᑭᑎᓈᑫᒀᓂᒃ ᐃᐃᒫ ᑭᑕᑮᒥᐙᕽ ᒋᑕᔑ ᐱᒫᑎᓯᐙᒡ; ᑮᔥᐱᓐ ᐃᐃ ᐃᔑᒋᑫᔦᒃ, ᒫᑭᔖ ᑭᑲ ᑲᔥᑭᐃᑯᐙᒃ ᒋᒪᒋᑑᑕᐎᔦᒃ᙮ ᑮᔥᐱᓐ ᐊᓇᒥᐁᑕᐎᒣᒃ ᐅᒪᓂᑑᒥᐙᐞ ᒦ ᓴ ᐃ ᒋᐸᓂᓯᔦᒃ ᒋᑳᒋᒋᐃᑰᔦᒃ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society