ᐁᑭᓴᑕᔅ 16
16
ᑳᑎᐯᒋᑫᒡ ᑮᐊᔕᒫᒡ ᐃᔅᕒᐃᔭᓬᐊᐞ
1ᑲᑭᓇ ᑕᔥ ᐁᑕᔑᐙᒡ ᐃᔅᕒᐃᔭᓬᐊᒃ Israel ᑮᐅᒋ ᒫᒑᐗᒃ ᐃᐃᒫ ᐄᓬᐊᒻ Elim ᐁᒋᑳᑌᓂᒃ᙮ ᐋᔕ ᓃᔓᑮᓯᔅ ᔑᑾ ᒥᑖᔑᓈᓄ ᑮᔑᒃ 15 ᐁᐃᔑᓭᓂᒃ ᐊᐸᓐ ᑳᑮ ᐱᐅᒋ ᒫᒑᐙᒡ ᐄᒋᐸᑮᕽ Egypt, ᐌᑎ ᑕᔥ ᐱᑾᑕᑲᒥᒃ ᓯᓐ Zin ᐁᔑᓂᑳᑌᓂᒃ ᑮᐊᓂᔑ ᑕᑯᔑᓅᒃ᙮ ᐃᐃ ᓴ ᐱᑾᑕᑲᒥᒃ ᓯᓐ ᓇᓴᐗᔭᐄ ᑮᐃᔑᐊᔮ ᐄᓬᐊᒥᕽ, ᓵᐃᓇᐃᕽ Sinai ᑲᔦ᙮ 2ᑲᑭᓇ ᑕᔥ ᐁᑕᔑᐙᒡ ᐯᒫᑎᓯᐙᒡ ᐃᔅᕒᐃᔭᓬᐊᒃ ᐅᑮ ᑭᒋ ᑲᑲᓅᓈᐙᓐ ᒨᓯᓲᓐ Moses, ᐁᕒᐊᓅᓐ Aaron ᑲᔦ᙮ 3ᒦᔥ ᐅᐅ ᑳᐃᓈᐙᒡ, ᐊᐯᔑᓈ ᐃᑕᐙ ᑳᑎᐯᒋᑫᒡ ᓂᓯᔭᒥᑎᐸᓐ ᐌᑎ ᐄᒋᐸᑮᕽ᙮ ᓰᔮᑫᓐ ᐄᑐᒃ ᐌᑎ ᓂᑮ ᓂᑖ ᓇᒪᑕᐱᒥᓐ ᐁᑮ ᒦᒋᔮᕽ ᐐᔮᔅ, ᐁᑮ ᓂᑖ ᑌᒦᒋᔮᕽ ᑲᔦ ᐯᐸᑳᓐ ᐃᑯ ᒦᒋᒻ᙮ ᑮᓇᐙ ᑕᔥ ᑭᑮ ᐲᔑᓈᒻ ᐅᐅᒫ ᐱᑾᑕᑲᒥᒃ ᒋᑕᔑ ᑲᐗᔅᑲᑌᔮᕽ ᐲᓂᔥ ᒋᐊᓂ ᓂᐳᔮᕽ, ᑮᐃᑭᑐᐗᒃ᙮
4 # Jhn 6.31. ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᓇᔥᑫ ᐃᔥᐱᒥᕽ ᑮᔑᑯᕽ ᑕᐅᒋ ᐸᑭᓯᓐ ᐸᑴᔑᑲᓐ᙮ ᐯᒫᑎᓯᐙᒡ ᓴ ᐁᑕᓱ ᑮᔑᒃ ᐅᑲ ᒨᔕᑭᓈᓈᐙ ᒋᑌᐱᓭᐙᒡ ᐯᔑᑯ ᑮᔑᒃ ᒥᓂᒃ᙮ ᓂᐐ ᐊᑕ ᑭᑫᓂᒫᒃ ᑕᑲ ᑌᐺ ᒋᐃᔑᒋᑫᐙᑴᓐ ᐃᐃ ᐁᔑ ᐊᑕᐌᓂᒪᒀ᙮ 5ᓂᑯᑣᓱᑮᔑᑾᑳᓂᒃ ᑕᔥ ᐐᓐ ᓃᔑᕽ ᐃᐃ ᒥᓂᒃ ᐅᑲ ᒨᔕᑭᓈᓈᐙ ᑳᓂᑖ ᐅᑖᐱᓇᒧᐙᒡ᙮ ᓃᔓᑮᔑᒃ ᒋᑌᐱᓭᐙᒡ ᒥᓂᒃ ᑕᔑ ᑾᔮᒌᐗᒃ᙮
6ᒦᑕᔥ ᒨᓯᔅ, ᐊᐊ ᑲᔦ ᐁᕒᐊᓐ ᐅᑮᐃᓈᐙᐞ ᐯᒫᑎᓯᓂᒡ ᐃᔅᕒᐃᔭᓬᐊᐞ, ᒦ ᓴ ᐃ ᐊᓂ ᐅᓈᑯᔑᒃ ᒋᑭᑫᓂᒣᒃ ᑳᑎᐯᒋᑫᒡ ᑳᑮ ᓵᑭᒋᐎᓂᓀᒃ ᐌᑎ ᐄᒋᐸᑮᕽ᙮ 7ᑭᔐᐹᐗᑲᒃ ᐃᓴ ᑭᑲ ᐙᐸᑕᒧᐙᒻ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ᙮ ᑭᓅᑖᑯᐙ ᐋᓃᔥ ᐃᐃ ᑳᔑ ᒪᒋᐃᓀᒃ ᐊᐊ ᑳᑎᐯᒋᑫᒡ᙮ ᐊᐌᓀᓇᒃ ᑕᔥ ᓃᓇᐎᓐᑦ ᑌᓄᐎᔮᕽ ᒋᑭᒋ ᑲᑲᓅᔑᔮᑭᐸᓐ? 8ᒦᔥ ᒨᓯᔅ ᑳᐊᓂ ᐃᑭᑐᒡ, ᑳᑎᐯᒋᑫᒡ ᐅᔕ ᑳᐐ ᒦᓂᓀᒃ ᐐᔮᔅ ᑫᒦᒋᐌᒃ ᐅᓈᑯᔑᓂᓂᒃ᙮ ᑭᔐᐹᐗᑲᓂᓂᒃ ᑕᔥ ᐸᑴᔑᑲᓇᓐ ᑭᑲ ᒦᓂᑯᐙ ᒥᓂᒃ ᐃᑯ ᐁᑕᐌᓂᒥᒣᒃ, ᐋᓃᔥ ᑭᓅᑖᑯᐙ ᐋᓃᓐ ᒥᓂᒃ ᑳᔑ ᒪᒋᐃᓀᒃ᙮ ᐃᓇᔥᑫ ᑮᒪᒋᐃᔑᔮᕽ, ᑳᑎᐯᒋᑫᒡ ᐅᔕ ᐊᐊ ᑳᒪᒋᐃᓀᒃ, ᐅᑮ ᐃᓈᐞ᙮
9ᒦᑕᔥ ᒨᓯᔅ ᑳᐃᓈᒡ ᐁᕒᐊᓅᓐ, ᐐᑕᒪᐤ ᑲᑭᓇ ᑳᑕᔑᐙᒡ ᐃᔅᕒᐃᔭᓬᐊᒃ, ᒋᐲᔖᐙᒡ ᑳᔑ ᐊᔮᓂᒡ ᑳᑎᐯᒋᑫᓂᒡ, ᐋᓃᔥ ᐅᓅᑖᑯᐙᓐ ᐃᐃ ᑳᔑ ᑭᒋ ᑳᑮᑭᑐᐙᒡ᙮ 10ᒣᒀ ᑕᔥ ᐁᕒᐊᓐ ᐁᑲᑲᓅᓈᒡ ᑲᑭᓇ ᐃᔅᕒᐃᔭᓬᐊᐞ, ᑮᐃᓈᐱᐗᐞ ᐃᑕᔥ ᐃᓇᑫ ᐁᔑᐊᔮᓂᒃ ᐱᑾᑕᑲᒥᒃ᙮ ᒦᔥ ᑳᑮ ᐙᐸᑕᒥᓂᒡ ᑳᑎᐯᒋᑫᓂᒡ ᐅᑭᒋ ᐃᓀᑖᑯᓯᐎᓂᓂ ᐁᓈᑾᓂᓂᒃ ᐃᐃᒫ ᐗᑸᕽ᙮ 11ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, 12ᓂᑮ ᓅᑕᐙᒃ ᓴ ᐃᔅᕒᐃᔭᓬᐊᒃ ᐃᐃ ᑳᐃᔑ ᑭᒋ ᑳᑮᑭᑐᐙᒡ᙮ ᐐᑕᒪᐤ ᐊᓂ ᐅᓈᑯᔑᓂᓂᒃ ᒋᒦᒋᐙᒡ ᐐᔮᔅ, ᑭᔐᐹᐗᑲᓂᓂᒃ ᑕᔥ ᒋᑌᐊᒸᐙᒡ ᐸᑴᔑᑲᓇᓐ᙮ ᒦ ᓴ ᑕᔥ ᐃᐃ ᒋᑭᑫᑕᒣᒃ ᓃᓐ ᑳᑎᐯᒋᑫᒡ ᐁᑎᓄᐎᔮᓐ, ᑭᑭᔐᒪᓂᑑᒥᐙ, ᐅᑮᐃᑰᓐ᙮
13ᐁᐊᓂ ᐅᓈᑯᔑᓂᓂᒃ ᑕᔥ ᑮᐸᑲᒥᓭᐗᐞ ᐱᓀᐎ ᐱᓀᔒᔕᐞ ᒥᓯᐌ ᐁᑮ ᐊᔮᓂᒡ ᑳᑮ ᐃᔑ ᑲᐯᔑᐙᒡ᙮ ᐁᐊᓂ ᑮᔐᐹᐗᑲᓂᓂᒃ ᑕᔥ ᒥᓯᐌ ᐁᔑ ᑲᐯᔑᐙᒡ ᑮᔕᑭᐊᔮᓂ᙮ 14ᐊᐲ ᓴ ᐃᐃ ᔕᑭᓂᐲᓂ ᑳᐊᑾᓂᓂᒃ, ᑫᑰᓂᓂ ᓴ ᐁᐱᐸᑳᓂᒃ, ᐁᐹᐱᑑᓈᑾᓂᓂᒃ ᒥᑕᑲᒥᒃ ᑮᐊᔮᓂ ᐱᑾᑕᑲᒥᒃ᙮ ᑖᐱᔥᑰ ᓴ ᑳᐊᑳᓯᕽ ᑮᓂᑮᑾᑎᕽ ᑮᐃᔑᓈᑾᓐ᙮ 15#1Co 10.3. ᐊᐲ ᑕᔥ ᐃᔅᕒᐃᔭᓬᐊᒃ ᐁᐙᐸᑕᒧᐙᒡ ᑮᐃᑭᑐᐗᒃ, ᐌᑯᓀᓐ ᓴᓈᐃ? ᑳᐐᓐ ᐄᑐᒃ ᐅᑮ ᑭᑫᑕᓰᓈᐙ᙮ ᒦᔥ ᒨᓯᔅ ᑳᐃᓈᒡ, ᒦ ᓴ ᐃᓂ ᐸᑴᔑᑲᓇᓐ ᑳᑎᐯᒋᑫᒡ ᑳᐊᔕᒥᓀᒃ ᒋᐊᒧᒣᒃ᙮ 16ᒦᑕᔥ ᐅᐅ ᐁᓂᓀᒃ ᑳᑎᐯᒋᑫᒡ, ᒥᓂᒃ ᐃᑯ ᐁᔑ ᓅᑌᓭᔦᒃ ᐁᑕᓱ ᐯᔑᑯᔦᒃ ᒋᒨᔕᑭᓇᒧᐌᒃ᙮ ᐋᐱᑕ ᑎᐸᐆᐹᓐ ᒥᓂᒃ ᑭᑲ ᐅᑖᐱᓈᒻ ᒋᑌᐸᐆᓀᒀ ᒥᓂᒃ ᐃᑯ ᐁᔮᐙᒡ ᑭᑖᐎᓂᐙᕽ, ᐅᑮ ᐃᓈᐞ᙮
17ᒦᑕᔥ ᐅᐅ ᐃᔅᕒᐃᔭᓬᐊᒃ ᑳᐃᔑᒋᑫᐙᒡ, ᐋᓂᑕ ᓃᐱᐗᐞ ᑮᒨᔕᑭᓂᑫᐗᒃ, ᐋᓂᑕ ᑕᔥ ᓇᐁᑳᒡ᙮ 18#2Co 8.15. ᐊᐲ ᑕᔥ ᐁᑮ ᑎᐸᐊᒧᐙᒡ ᒥᓂᒃ ᑳᒨᔕᑭᓇᒧᐙᒡ, ᐃᑭ ᓴ ᓃᐱᐗᐞ ᑳᑮ ᒨᔕᑭᓇᒧᐙᒡ ᑳᐐᓐ ᐊᐗᔑᒣ ᐅᑮ ᐊᔮᓰᓈᐙ᙮ ᐃᑭ ᑕᔥ ᑲᔦ ᐸᑮ ᑳᑮ ᒨᔕᑭᓇᒧᐙᒡ ᑳᐐᓐ ᓅᑕᐞ ᐅᑮ ᐊᔮᓰᓈᐙ᙮ ᐁᑕᓱ ᐯᔑᑯᐙᒡ ᓴ ᐅᑮ ᒨᔕᑭᓈᓈᐙ ᒥᓂᒃ ᐁᔑ ᓅᑌᓭᐙᒡ᙮ 19ᒦᑕᔥ ᒨᓯᔅ ᑳᐃᓈᒡ, ᑫᑯ ᐊᐎᔭ ᐅᑲ ᐃᔥᑯᓇᓰᓐ ᑫᒦᒋᒡ ᐙᐸᓂᓂᒃ᙮ 20ᐋᓂᑕ ᑕᔥ ᑳᐐᓐ ᐅᑮ ᐱᓯᑖᑯᓰᐞ ᒨᓯᔅ, ᐁᑮ ᐃᔥᑯᓇᒥᓂᒡ ᑫᒦᒋᓂᒡ ᑭᔐᐹᐗᑲᓂᓂᒃ᙮ ᒦ ᓴ ᐃᐃᐌᓂ ᑳᑮ ᐗᓈᑕᓂᓂᒃ, ᑳᑮ ᐅᑴᐗᓂᓂᒃ ᑲᔦ᙮ ᐐᑫ ᓴ ᒨᓯᔅ ᐅᑮ ᓂᔥᑭᐃᑰᐞ᙮ 21ᐁᑕᓱ ᐯᔑᑯᐙᒡ ᑕᔥ ᐅᑮ ᒨᔕᑭᓈᓈᐙ ᐁᑕᓱ ᑭᑭᔐᐹᐗᑲᓂᓂᒃ ᒥᓂᒃ ᐃᑯ ᑳᑮ ᐃᔑ ᓅᑌᓭᐙᒡ᙮ ᐊᐲ ᑕᔥ ᑮᓂ ᑭᔖᑌᓂᒃ, ᐃᐃ ᑳᑮ ᒨᔕᑭᓂᑳᑌᓯᓄᒃ ᐃᐃᒫ ᒥᑕᑲᒥᒃ ᑮᓂᑭᑌ᙮
22ᓂᑯᑣᓱᑮᔑᒃ 6 ᐁᐃᔑᓭᓂᒃ, ᓃᔑᕽ ᒥᓂᒃ ᐅᑮ ᒨᔕᑭᓈᓂ, ᐯᔑᒃ ᐊᐎᔭ ᓃᔑᓐ ᐁᑮ ᒨᔥᑭᓇᐋᒡ ᑳᐯᔑᑯ ᑎᐸᐆᐹᓀᓯᓂᒡ ᐊᑭᑾᐞ᙮ ᑲᑭᓇ ᑕᔥ ᑳᓃᑳᓃᑕᒪᐙᓂᒡ ᑳᐹᑏᓄᓂᒡ ᐅᑮ ᐱ ᓈᓯᑳᑰᐞ ᒨᓯᔅ ᐁᑮ ᐐᑕᒫᑯᒡ ᐅᐅ᙮ 23#Exo 20.8-11. ᒦᑕᔥ ᐅᐅ ᑳᐃᓈᒡ, ᒦ ᓴ ᐅᐌᓂ ᑳᑎᐯᒋᑫᒡ ᑳᑮᐃᑕᕽ, ᐙᐸᕽ ᓴ ᒦ ᐃ ᒋᐊᓉᐲᐎ ᑮᔑᑲᒃ, ᑳᑭᑌᑖᑾᒃ ᐊᓉᐲᐎ ᑮᔑᑲᓐ ᑳᑎᐯᒋᑫᒡ ᐅᒋ᙮ ᓅᑯᒻ ᐃᑕᔥ ᑳᑮᔑᑲᒃ ᑮᔑᓴᒧᒃ ᐙᑮᔑᓴᒣᒃ, ᑲᐹᑑᒃ ᑲᔦ ᐙᑲᐹᑑᔦᒃ᙮ ᒥᓂᒃ ᐃᑕᔥ ᑫᐃᔥᑯᓭᒃ ᑭᑲ ᓇᐃᓈᒻ, ᒦᔥ ᐃᐃ ᐙᐸᕽ ᑫᒦᒋᔦᒃ, ᐅᑮ ᐃᓈᐞ᙮ 24ᒦᑕᔥ ᑳᐃᔑᒋᑫᓂᒡ ᒨᓯᔅ ᑳᑮᐃᓈᒡ, ᐁᑮ ᓇᐃᓇᒥᓂᒡ, ᐹᓂᒫ ᑕᔥ ᐌᔮᐸᓂᕽ ᐅᑮ ᒦᒋᓂ᙮ ᑳᐐᓐ ᐃᑕᔥ ᑮᐗᓈᑕᓯᓂᓂ, ᑳᐐᓐ ᑲᔦ ᑮᐅᑴᐗᓯᓂᓂ᙮ 25ᒦᔥ ᒨᓯᔅ ᑳᐃᑭᑐᒡ, ᒦᑕᔥ ᐃᐃ ᑫᒦᒋᔦᒃ ᓅᑯᒻ ᑳᑮᔑᑲᒃ ᐋᓃᔥ ᓅᑯᒻ ᑳᑮᔑᑲᒃ ᒦ ᐃ ᐁᐊᓉᐲᐎ ᑮᔑᑲᒃ ᒋᑭᑌᒋᑳᑌᒃ ᑳᑎᐯᒋᑫᒡ ᐅᒋ᙮ ᓅᑯᒻ ᓴ ᑳᑮᔑᑲᒃ ᑳᐐᓐ ᑭᑲ ᒥᑲᓰᒻ ᒦᒋᒻ ᐌᑎ ᒥᔕᐗᑲᒥᒃ᙮ 26ᓂᑯᑣᓱᑮᔑᒃ ᓴ ᑭᑲ ᒫᒨᔕᑭᓈᒻ, ᓃᔣᓱᑮᔑᒃ ᐃᑕᔥ ᐊᓉᐲᐎ ᑮᔑᑲᒃ, ᑳᐐᓐ ᑕᐊᔮᓯᓅᓐ ᑫᑰᓐ, ᐅᑮ ᐃᓈᐞ᙮
27ᓃᔣᓱᑮᔑᒃ ᐃᑕᔥ ᐁᐃᔑᓭᓂᒃ, ᐋᒋᑯ ᓴ ᐋᓂᑕ ᐊᐎᔭᐞ ᑮᐊᐎ ᒫᒨᔕᑭᓂᑫᐗᐞ, ᑳᐐᓐ ᐃᑕᔥ ᑫᑰᓐ ᐅᑮ ᒥᑲᓰᓂ᙮ 28ᒦᑕᔥ ᒨᓯᔅ ᑳᑮᐃᑯᒡ ᑳᑎᐯᒋᑫᓂᒡ, ᐋᓃᓐ ᐃᑕᔥ ᒥᓂᒃ ᐙᔕᔒᐱᑕᐎᔦᒃ ᐁᑲᓇᐌᑕᓯᐌᒃ ᓂᑎᓈᑯᓂᑫᐎᓇᓐ, ᐁᔑ ᑭᑭᓄᐊᒪᐎᓇᑰᒃ ᑲᔦ? 29ᐃᓇᔥᑫ ᒫᒥᑲᐎᒃ, ᓃᓐ ᑳᑎᐯᒋᑫᔮᓐ ᑳᒦᓂᓇᑰᒃ ᐃᐃ ᑳᐊᓉᐲᐎ ᑮᔑᑲᒃ: ᒦᑕᔥ ᐁᓂᑯᑣᓱᑮᔑᑲᒃ ᑳᐅᒋ ᒦᓂᓇᑰᒃ ᒦᒋᒻ ᓃᔓᑮᔑᒃ ᒥᓂᒃ ᒋᑌᐱᓭᔦᒃ᙮ ᑲᑭᓇ ᓴ ᐊᐎᔭ ᐁᑕᓱ ᐯᔑᑯᒡ ᑕᐊᔭᐱ ᐋᓃᑎ ᐱᑯ ᑫᐊᔮᑴᓐ, ᓃᔣᓱᑮᔑᑲᓂᓂᒃ ᑳᐐᓐ ᐊᐎᔭ ᐃᑯᒋ ᑕᐃᔖᓰ, ᐅᑮᐃᑰᓐ᙮ 30ᒦᑕᔥ ᐯᒫᑎᓯᐙᒡ ᑳᑮ ᐊᓉᐱᐙᒡ ᐁᓃᔣᓱᑮᔑᑲᓂᓂᒃ᙮
31 # Num 11.7,8. ᐃᔅᕒᐃᔭᓬᐊᒃ ᐃᑕᔥ ᒣᓇ manna ᐅᑮ ᐃᔑᓂᑳᓈᐙᓐ ᐃᓂ ᐸᑴᔑᑲᓇᓐ᙮ ᑮᐙᐱᔥᑭᓯᐗᓐ ᐃᑕᔥ ᑖᐱᔥᑰ ᑳᐙᐱᒥᓇᑭᓯᒡ ᑯᕒᐃᔮᑕᕒ coriander ᑳᐃᔑᓂᑳᒋᑲᓂᐎᒡ᙮ ᒦᑕᔥ ᑳᐃᐳᑯᓯᒡ ᑖᐱᔥᑰ ᐸᑴᔑᑲᓀᔅ ᑮᑕᑯᓂᑳᑌᒃ ᐋᒨᐎ ᓰᓯᐹᑾᑦ᙮ 32ᒦᔥ ᒨᓯᔅ ᑳᐃᑭᑐᒡ, ᑳᑎᐯᒋᑫᒡ ᓴ ᑭᑕᓅᓂᑯᓈᓐ ᒋᑲᓇᐌᓂᒥᒪᕽ ᒣᓇᐗᓐ, ᐋᐱᑕ ᑎᐸᐆᐹᓐ ᒥᓂᒃ ᒋᑲᓇᐌᑕᒪᐎᒪᕽ ᑭᐲᐌᓰᒥᓈᓂᐞ᙮ ᒦᑕᔥ ᒋᐊᓂ ᐙᐸᒫᓂᒡ ᐸᑴᔑᑲᓇᓐ ᑳᑮ ᐊᔕᒥᓇᑭᒡ ᑮᐊᔮᐗᑭᒡ ᐱᑾᑕᑲᒥᒃ ᐊᐲ ᐄᒋᐸᑮᕽ ᑮᐅᒋ ᓵᑭᒋᐎᓂᓇᑭᒡ, ᐅᑮ ᐃᓈᐞ᙮ 33#Heb 9.4. ᒦᔥ ᒨᓯᔅ ᑳᐃᓈᒡ ᐁᕒᐊᓅᓐ, ᐅᑖᐱᓇᓐ ᐃᐃ ᐊᑑᐹᓐ, ᒦᑕᔥ ᐃᐃᒫ ᐃᔑ ᐲᓇᐅ ᐋᐱᑕ ᑎᐸᐆᐹᓐ ᒥᓂᒃ ᐊᐊ ᒣᓇ᙮ ᐃᐃᒫ ᐃᔑ ᐊᑑᓐ ᐁᓈᓴᒦᒡ ᑳᑎᐯᒋᑫᒡ, ᑫᓂ ᑲᓇᐌᒋᑳᓱᒡ ᒣᓇ ᒥᓂᒃ ᐃᑯ ᑫᓂ ᐊᔭᔮᓂᑫ ᓂᑖᐎᑭᐃᑎᔭᕽ, ᐅᑮᐃᓈᓐ᙮ 34ᑳᑎᐯᒋᑫᒡ ᐃᑕᔥ ᑳᑮᐃᓈᒡ ᒨᓯᓲᓐ, ᒦ ᐃ ᐁᕒᐊᓐ ᑳᐃᔑᒋᑫᒡ ᐁᑮ ᐊᓵᒡ ᒣᓇᐗᓐ ᐁᓈᓴᒥᐊᔮᓂᒃ ᑎᐹᒋᒧᐎᓂᓂ, ᐃᐃᒫ ᒋᐃᔑ ᑲᓇᐌᑖᑯᓯᓂᒡ᙮ 35#Jos 5.12. ᓃᒥᑕᓇ 40 ᑕᓱ ᐱᐴᓐ ᓴ ᒥᓂᒃ ᐃᔅᕒᐃᔭᓬᐊᒃ ᐅᑮ ᐊᒸᐙᓐ ᒣᓇᐗᓐ, ᐲᓂᔥ ᑮᐅᑎᑕᒧᐙᒡ ᐊᑮᓂ ᑳᐐ ᐃᔑ ᓀᐱᒋ ᑲᐯᔑᐙᒡ᙮ ᒦ ᐃ ᑳᐃᓇᒋᑫᐙᒡ ᐲᓂᔥ ᑮᑕᑯᔑᓄᐙᒡ ᐁᔑ ᒫᒋᓭᓂᒃ ᑫᓇᓐ Canaan ᐊᑭ᙮ 36ᓈᓄ ᑎᐸᐆᐹᓀᔮᒃ ᓴ ᑮᓂᑖ ᐋᐸᑕᓐ ᐃᐃ ᐊᐲ ᑫᑰᓐ ᐁᑎᐱᓂᑳᑌᒃ᙮
Currently Selected:
ᐁᑭᓴᑕᔅ 16: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐁᑭᓴᑕᔅ 16
16
ᑳᑎᐯᒋᑫᒡ ᑮᐊᔕᒫᒡ ᐃᔅᕒᐃᔭᓬᐊᐞ
1ᑲᑭᓇ ᑕᔥ ᐁᑕᔑᐙᒡ ᐃᔅᕒᐃᔭᓬᐊᒃ Israel ᑮᐅᒋ ᒫᒑᐗᒃ ᐃᐃᒫ ᐄᓬᐊᒻ Elim ᐁᒋᑳᑌᓂᒃ᙮ ᐋᔕ ᓃᔓᑮᓯᔅ ᔑᑾ ᒥᑖᔑᓈᓄ ᑮᔑᒃ 15 ᐁᐃᔑᓭᓂᒃ ᐊᐸᓐ ᑳᑮ ᐱᐅᒋ ᒫᒑᐙᒡ ᐄᒋᐸᑮᕽ Egypt, ᐌᑎ ᑕᔥ ᐱᑾᑕᑲᒥᒃ ᓯᓐ Zin ᐁᔑᓂᑳᑌᓂᒃ ᑮᐊᓂᔑ ᑕᑯᔑᓅᒃ᙮ ᐃᐃ ᓴ ᐱᑾᑕᑲᒥᒃ ᓯᓐ ᓇᓴᐗᔭᐄ ᑮᐃᔑᐊᔮ ᐄᓬᐊᒥᕽ, ᓵᐃᓇᐃᕽ Sinai ᑲᔦ᙮ 2ᑲᑭᓇ ᑕᔥ ᐁᑕᔑᐙᒡ ᐯᒫᑎᓯᐙᒡ ᐃᔅᕒᐃᔭᓬᐊᒃ ᐅᑮ ᑭᒋ ᑲᑲᓅᓈᐙᓐ ᒨᓯᓲᓐ Moses, ᐁᕒᐊᓅᓐ Aaron ᑲᔦ᙮ 3ᒦᔥ ᐅᐅ ᑳᐃᓈᐙᒡ, ᐊᐯᔑᓈ ᐃᑕᐙ ᑳᑎᐯᒋᑫᒡ ᓂᓯᔭᒥᑎᐸᓐ ᐌᑎ ᐄᒋᐸᑮᕽ᙮ ᓰᔮᑫᓐ ᐄᑐᒃ ᐌᑎ ᓂᑮ ᓂᑖ ᓇᒪᑕᐱᒥᓐ ᐁᑮ ᒦᒋᔮᕽ ᐐᔮᔅ, ᐁᑮ ᓂᑖ ᑌᒦᒋᔮᕽ ᑲᔦ ᐯᐸᑳᓐ ᐃᑯ ᒦᒋᒻ᙮ ᑮᓇᐙ ᑕᔥ ᑭᑮ ᐲᔑᓈᒻ ᐅᐅᒫ ᐱᑾᑕᑲᒥᒃ ᒋᑕᔑ ᑲᐗᔅᑲᑌᔮᕽ ᐲᓂᔥ ᒋᐊᓂ ᓂᐳᔮᕽ, ᑮᐃᑭᑐᐗᒃ᙮
4 # Jhn 6.31. ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᓇᔥᑫ ᐃᔥᐱᒥᕽ ᑮᔑᑯᕽ ᑕᐅᒋ ᐸᑭᓯᓐ ᐸᑴᔑᑲᓐ᙮ ᐯᒫᑎᓯᐙᒡ ᓴ ᐁᑕᓱ ᑮᔑᒃ ᐅᑲ ᒨᔕᑭᓈᓈᐙ ᒋᑌᐱᓭᐙᒡ ᐯᔑᑯ ᑮᔑᒃ ᒥᓂᒃ᙮ ᓂᐐ ᐊᑕ ᑭᑫᓂᒫᒃ ᑕᑲ ᑌᐺ ᒋᐃᔑᒋᑫᐙᑴᓐ ᐃᐃ ᐁᔑ ᐊᑕᐌᓂᒪᒀ᙮ 5ᓂᑯᑣᓱᑮᔑᑾᑳᓂᒃ ᑕᔥ ᐐᓐ ᓃᔑᕽ ᐃᐃ ᒥᓂᒃ ᐅᑲ ᒨᔕᑭᓈᓈᐙ ᑳᓂᑖ ᐅᑖᐱᓇᒧᐙᒡ᙮ ᓃᔓᑮᔑᒃ ᒋᑌᐱᓭᐙᒡ ᒥᓂᒃ ᑕᔑ ᑾᔮᒌᐗᒃ᙮
6ᒦᑕᔥ ᒨᓯᔅ, ᐊᐊ ᑲᔦ ᐁᕒᐊᓐ ᐅᑮᐃᓈᐙᐞ ᐯᒫᑎᓯᓂᒡ ᐃᔅᕒᐃᔭᓬᐊᐞ, ᒦ ᓴ ᐃ ᐊᓂ ᐅᓈᑯᔑᒃ ᒋᑭᑫᓂᒣᒃ ᑳᑎᐯᒋᑫᒡ ᑳᑮ ᓵᑭᒋᐎᓂᓀᒃ ᐌᑎ ᐄᒋᐸᑮᕽ᙮ 7ᑭᔐᐹᐗᑲᒃ ᐃᓴ ᑭᑲ ᐙᐸᑕᒧᐙᒻ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ᙮ ᑭᓅᑖᑯᐙ ᐋᓃᔥ ᐃᐃ ᑳᔑ ᒪᒋᐃᓀᒃ ᐊᐊ ᑳᑎᐯᒋᑫᒡ᙮ ᐊᐌᓀᓇᒃ ᑕᔥ ᓃᓇᐎᓐᑦ ᑌᓄᐎᔮᕽ ᒋᑭᒋ ᑲᑲᓅᔑᔮᑭᐸᓐ? 8ᒦᔥ ᒨᓯᔅ ᑳᐊᓂ ᐃᑭᑐᒡ, ᑳᑎᐯᒋᑫᒡ ᐅᔕ ᑳᐐ ᒦᓂᓀᒃ ᐐᔮᔅ ᑫᒦᒋᐌᒃ ᐅᓈᑯᔑᓂᓂᒃ᙮ ᑭᔐᐹᐗᑲᓂᓂᒃ ᑕᔥ ᐸᑴᔑᑲᓇᓐ ᑭᑲ ᒦᓂᑯᐙ ᒥᓂᒃ ᐃᑯ ᐁᑕᐌᓂᒥᒣᒃ, ᐋᓃᔥ ᑭᓅᑖᑯᐙ ᐋᓃᓐ ᒥᓂᒃ ᑳᔑ ᒪᒋᐃᓀᒃ᙮ ᐃᓇᔥᑫ ᑮᒪᒋᐃᔑᔮᕽ, ᑳᑎᐯᒋᑫᒡ ᐅᔕ ᐊᐊ ᑳᒪᒋᐃᓀᒃ, ᐅᑮ ᐃᓈᐞ᙮
9ᒦᑕᔥ ᒨᓯᔅ ᑳᐃᓈᒡ ᐁᕒᐊᓅᓐ, ᐐᑕᒪᐤ ᑲᑭᓇ ᑳᑕᔑᐙᒡ ᐃᔅᕒᐃᔭᓬᐊᒃ, ᒋᐲᔖᐙᒡ ᑳᔑ ᐊᔮᓂᒡ ᑳᑎᐯᒋᑫᓂᒡ, ᐋᓃᔥ ᐅᓅᑖᑯᐙᓐ ᐃᐃ ᑳᔑ ᑭᒋ ᑳᑮᑭᑐᐙᒡ᙮ 10ᒣᒀ ᑕᔥ ᐁᕒᐊᓐ ᐁᑲᑲᓅᓈᒡ ᑲᑭᓇ ᐃᔅᕒᐃᔭᓬᐊᐞ, ᑮᐃᓈᐱᐗᐞ ᐃᑕᔥ ᐃᓇᑫ ᐁᔑᐊᔮᓂᒃ ᐱᑾᑕᑲᒥᒃ᙮ ᒦᔥ ᑳᑮ ᐙᐸᑕᒥᓂᒡ ᑳᑎᐯᒋᑫᓂᒡ ᐅᑭᒋ ᐃᓀᑖᑯᓯᐎᓂᓂ ᐁᓈᑾᓂᓂᒃ ᐃᐃᒫ ᐗᑸᕽ᙮ 11ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, 12ᓂᑮ ᓅᑕᐙᒃ ᓴ ᐃᔅᕒᐃᔭᓬᐊᒃ ᐃᐃ ᑳᐃᔑ ᑭᒋ ᑳᑮᑭᑐᐙᒡ᙮ ᐐᑕᒪᐤ ᐊᓂ ᐅᓈᑯᔑᓂᓂᒃ ᒋᒦᒋᐙᒡ ᐐᔮᔅ, ᑭᔐᐹᐗᑲᓂᓂᒃ ᑕᔥ ᒋᑌᐊᒸᐙᒡ ᐸᑴᔑᑲᓇᓐ᙮ ᒦ ᓴ ᑕᔥ ᐃᐃ ᒋᑭᑫᑕᒣᒃ ᓃᓐ ᑳᑎᐯᒋᑫᒡ ᐁᑎᓄᐎᔮᓐ, ᑭᑭᔐᒪᓂᑑᒥᐙ, ᐅᑮᐃᑰᓐ᙮
13ᐁᐊᓂ ᐅᓈᑯᔑᓂᓂᒃ ᑕᔥ ᑮᐸᑲᒥᓭᐗᐞ ᐱᓀᐎ ᐱᓀᔒᔕᐞ ᒥᓯᐌ ᐁᑮ ᐊᔮᓂᒡ ᑳᑮ ᐃᔑ ᑲᐯᔑᐙᒡ᙮ ᐁᐊᓂ ᑮᔐᐹᐗᑲᓂᓂᒃ ᑕᔥ ᒥᓯᐌ ᐁᔑ ᑲᐯᔑᐙᒡ ᑮᔕᑭᐊᔮᓂ᙮ 14ᐊᐲ ᓴ ᐃᐃ ᔕᑭᓂᐲᓂ ᑳᐊᑾᓂᓂᒃ, ᑫᑰᓂᓂ ᓴ ᐁᐱᐸᑳᓂᒃ, ᐁᐹᐱᑑᓈᑾᓂᓂᒃ ᒥᑕᑲᒥᒃ ᑮᐊᔮᓂ ᐱᑾᑕᑲᒥᒃ᙮ ᑖᐱᔥᑰ ᓴ ᑳᐊᑳᓯᕽ ᑮᓂᑮᑾᑎᕽ ᑮᐃᔑᓈᑾᓐ᙮ 15#1Co 10.3. ᐊᐲ ᑕᔥ ᐃᔅᕒᐃᔭᓬᐊᒃ ᐁᐙᐸᑕᒧᐙᒡ ᑮᐃᑭᑐᐗᒃ, ᐌᑯᓀᓐ ᓴᓈᐃ? ᑳᐐᓐ ᐄᑐᒃ ᐅᑮ ᑭᑫᑕᓰᓈᐙ᙮ ᒦᔥ ᒨᓯᔅ ᑳᐃᓈᒡ, ᒦ ᓴ ᐃᓂ ᐸᑴᔑᑲᓇᓐ ᑳᑎᐯᒋᑫᒡ ᑳᐊᔕᒥᓀᒃ ᒋᐊᒧᒣᒃ᙮ 16ᒦᑕᔥ ᐅᐅ ᐁᓂᓀᒃ ᑳᑎᐯᒋᑫᒡ, ᒥᓂᒃ ᐃᑯ ᐁᔑ ᓅᑌᓭᔦᒃ ᐁᑕᓱ ᐯᔑᑯᔦᒃ ᒋᒨᔕᑭᓇᒧᐌᒃ᙮ ᐋᐱᑕ ᑎᐸᐆᐹᓐ ᒥᓂᒃ ᑭᑲ ᐅᑖᐱᓈᒻ ᒋᑌᐸᐆᓀᒀ ᒥᓂᒃ ᐃᑯ ᐁᔮᐙᒡ ᑭᑖᐎᓂᐙᕽ, ᐅᑮ ᐃᓈᐞ᙮
17ᒦᑕᔥ ᐅᐅ ᐃᔅᕒᐃᔭᓬᐊᒃ ᑳᐃᔑᒋᑫᐙᒡ, ᐋᓂᑕ ᓃᐱᐗᐞ ᑮᒨᔕᑭᓂᑫᐗᒃ, ᐋᓂᑕ ᑕᔥ ᓇᐁᑳᒡ᙮ 18#2Co 8.15. ᐊᐲ ᑕᔥ ᐁᑮ ᑎᐸᐊᒧᐙᒡ ᒥᓂᒃ ᑳᒨᔕᑭᓇᒧᐙᒡ, ᐃᑭ ᓴ ᓃᐱᐗᐞ ᑳᑮ ᒨᔕᑭᓇᒧᐙᒡ ᑳᐐᓐ ᐊᐗᔑᒣ ᐅᑮ ᐊᔮᓰᓈᐙ᙮ ᐃᑭ ᑕᔥ ᑲᔦ ᐸᑮ ᑳᑮ ᒨᔕᑭᓇᒧᐙᒡ ᑳᐐᓐ ᓅᑕᐞ ᐅᑮ ᐊᔮᓰᓈᐙ᙮ ᐁᑕᓱ ᐯᔑᑯᐙᒡ ᓴ ᐅᑮ ᒨᔕᑭᓈᓈᐙ ᒥᓂᒃ ᐁᔑ ᓅᑌᓭᐙᒡ᙮ 19ᒦᑕᔥ ᒨᓯᔅ ᑳᐃᓈᒡ, ᑫᑯ ᐊᐎᔭ ᐅᑲ ᐃᔥᑯᓇᓰᓐ ᑫᒦᒋᒡ ᐙᐸᓂᓂᒃ᙮ 20ᐋᓂᑕ ᑕᔥ ᑳᐐᓐ ᐅᑮ ᐱᓯᑖᑯᓰᐞ ᒨᓯᔅ, ᐁᑮ ᐃᔥᑯᓇᒥᓂᒡ ᑫᒦᒋᓂᒡ ᑭᔐᐹᐗᑲᓂᓂᒃ᙮ ᒦ ᓴ ᐃᐃᐌᓂ ᑳᑮ ᐗᓈᑕᓂᓂᒃ, ᑳᑮ ᐅᑴᐗᓂᓂᒃ ᑲᔦ᙮ ᐐᑫ ᓴ ᒨᓯᔅ ᐅᑮ ᓂᔥᑭᐃᑰᐞ᙮ 21ᐁᑕᓱ ᐯᔑᑯᐙᒡ ᑕᔥ ᐅᑮ ᒨᔕᑭᓈᓈᐙ ᐁᑕᓱ ᑭᑭᔐᐹᐗᑲᓂᓂᒃ ᒥᓂᒃ ᐃᑯ ᑳᑮ ᐃᔑ ᓅᑌᓭᐙᒡ᙮ ᐊᐲ ᑕᔥ ᑮᓂ ᑭᔖᑌᓂᒃ, ᐃᐃ ᑳᑮ ᒨᔕᑭᓂᑳᑌᓯᓄᒃ ᐃᐃᒫ ᒥᑕᑲᒥᒃ ᑮᓂᑭᑌ᙮
22ᓂᑯᑣᓱᑮᔑᒃ 6 ᐁᐃᔑᓭᓂᒃ, ᓃᔑᕽ ᒥᓂᒃ ᐅᑮ ᒨᔕᑭᓈᓂ, ᐯᔑᒃ ᐊᐎᔭ ᓃᔑᓐ ᐁᑮ ᒨᔥᑭᓇᐋᒡ ᑳᐯᔑᑯ ᑎᐸᐆᐹᓀᓯᓂᒡ ᐊᑭᑾᐞ᙮ ᑲᑭᓇ ᑕᔥ ᑳᓃᑳᓃᑕᒪᐙᓂᒡ ᑳᐹᑏᓄᓂᒡ ᐅᑮ ᐱ ᓈᓯᑳᑰᐞ ᒨᓯᔅ ᐁᑮ ᐐᑕᒫᑯᒡ ᐅᐅ᙮ 23#Exo 20.8-11. ᒦᑕᔥ ᐅᐅ ᑳᐃᓈᒡ, ᒦ ᓴ ᐅᐌᓂ ᑳᑎᐯᒋᑫᒡ ᑳᑮᐃᑕᕽ, ᐙᐸᕽ ᓴ ᒦ ᐃ ᒋᐊᓉᐲᐎ ᑮᔑᑲᒃ, ᑳᑭᑌᑖᑾᒃ ᐊᓉᐲᐎ ᑮᔑᑲᓐ ᑳᑎᐯᒋᑫᒡ ᐅᒋ᙮ ᓅᑯᒻ ᐃᑕᔥ ᑳᑮᔑᑲᒃ ᑮᔑᓴᒧᒃ ᐙᑮᔑᓴᒣᒃ, ᑲᐹᑑᒃ ᑲᔦ ᐙᑲᐹᑑᔦᒃ᙮ ᒥᓂᒃ ᐃᑕᔥ ᑫᐃᔥᑯᓭᒃ ᑭᑲ ᓇᐃᓈᒻ, ᒦᔥ ᐃᐃ ᐙᐸᕽ ᑫᒦᒋᔦᒃ, ᐅᑮ ᐃᓈᐞ᙮ 24ᒦᑕᔥ ᑳᐃᔑᒋᑫᓂᒡ ᒨᓯᔅ ᑳᑮᐃᓈᒡ, ᐁᑮ ᓇᐃᓇᒥᓂᒡ, ᐹᓂᒫ ᑕᔥ ᐌᔮᐸᓂᕽ ᐅᑮ ᒦᒋᓂ᙮ ᑳᐐᓐ ᐃᑕᔥ ᑮᐗᓈᑕᓯᓂᓂ, ᑳᐐᓐ ᑲᔦ ᑮᐅᑴᐗᓯᓂᓂ᙮ 25ᒦᔥ ᒨᓯᔅ ᑳᐃᑭᑐᒡ, ᒦᑕᔥ ᐃᐃ ᑫᒦᒋᔦᒃ ᓅᑯᒻ ᑳᑮᔑᑲᒃ ᐋᓃᔥ ᓅᑯᒻ ᑳᑮᔑᑲᒃ ᒦ ᐃ ᐁᐊᓉᐲᐎ ᑮᔑᑲᒃ ᒋᑭᑌᒋᑳᑌᒃ ᑳᑎᐯᒋᑫᒡ ᐅᒋ᙮ ᓅᑯᒻ ᓴ ᑳᑮᔑᑲᒃ ᑳᐐᓐ ᑭᑲ ᒥᑲᓰᒻ ᒦᒋᒻ ᐌᑎ ᒥᔕᐗᑲᒥᒃ᙮ 26ᓂᑯᑣᓱᑮᔑᒃ ᓴ ᑭᑲ ᒫᒨᔕᑭᓈᒻ, ᓃᔣᓱᑮᔑᒃ ᐃᑕᔥ ᐊᓉᐲᐎ ᑮᔑᑲᒃ, ᑳᐐᓐ ᑕᐊᔮᓯᓅᓐ ᑫᑰᓐ, ᐅᑮ ᐃᓈᐞ᙮
27ᓃᔣᓱᑮᔑᒃ ᐃᑕᔥ ᐁᐃᔑᓭᓂᒃ, ᐋᒋᑯ ᓴ ᐋᓂᑕ ᐊᐎᔭᐞ ᑮᐊᐎ ᒫᒨᔕᑭᓂᑫᐗᐞ, ᑳᐐᓐ ᐃᑕᔥ ᑫᑰᓐ ᐅᑮ ᒥᑲᓰᓂ᙮ 28ᒦᑕᔥ ᒨᓯᔅ ᑳᑮᐃᑯᒡ ᑳᑎᐯᒋᑫᓂᒡ, ᐋᓃᓐ ᐃᑕᔥ ᒥᓂᒃ ᐙᔕᔒᐱᑕᐎᔦᒃ ᐁᑲᓇᐌᑕᓯᐌᒃ ᓂᑎᓈᑯᓂᑫᐎᓇᓐ, ᐁᔑ ᑭᑭᓄᐊᒪᐎᓇᑰᒃ ᑲᔦ? 29ᐃᓇᔥᑫ ᒫᒥᑲᐎᒃ, ᓃᓐ ᑳᑎᐯᒋᑫᔮᓐ ᑳᒦᓂᓇᑰᒃ ᐃᐃ ᑳᐊᓉᐲᐎ ᑮᔑᑲᒃ: ᒦᑕᔥ ᐁᓂᑯᑣᓱᑮᔑᑲᒃ ᑳᐅᒋ ᒦᓂᓇᑰᒃ ᒦᒋᒻ ᓃᔓᑮᔑᒃ ᒥᓂᒃ ᒋᑌᐱᓭᔦᒃ᙮ ᑲᑭᓇ ᓴ ᐊᐎᔭ ᐁᑕᓱ ᐯᔑᑯᒡ ᑕᐊᔭᐱ ᐋᓃᑎ ᐱᑯ ᑫᐊᔮᑴᓐ, ᓃᔣᓱᑮᔑᑲᓂᓂᒃ ᑳᐐᓐ ᐊᐎᔭ ᐃᑯᒋ ᑕᐃᔖᓰ, ᐅᑮᐃᑰᓐ᙮ 30ᒦᑕᔥ ᐯᒫᑎᓯᐙᒡ ᑳᑮ ᐊᓉᐱᐙᒡ ᐁᓃᔣᓱᑮᔑᑲᓂᓂᒃ᙮
31 # Num 11.7,8. ᐃᔅᕒᐃᔭᓬᐊᒃ ᐃᑕᔥ ᒣᓇ manna ᐅᑮ ᐃᔑᓂᑳᓈᐙᓐ ᐃᓂ ᐸᑴᔑᑲᓇᓐ᙮ ᑮᐙᐱᔥᑭᓯᐗᓐ ᐃᑕᔥ ᑖᐱᔥᑰ ᑳᐙᐱᒥᓇᑭᓯᒡ ᑯᕒᐃᔮᑕᕒ coriander ᑳᐃᔑᓂᑳᒋᑲᓂᐎᒡ᙮ ᒦᑕᔥ ᑳᐃᐳᑯᓯᒡ ᑖᐱᔥᑰ ᐸᑴᔑᑲᓀᔅ ᑮᑕᑯᓂᑳᑌᒃ ᐋᒨᐎ ᓰᓯᐹᑾᑦ᙮ 32ᒦᔥ ᒨᓯᔅ ᑳᐃᑭᑐᒡ, ᑳᑎᐯᒋᑫᒡ ᓴ ᑭᑕᓅᓂᑯᓈᓐ ᒋᑲᓇᐌᓂᒥᒪᕽ ᒣᓇᐗᓐ, ᐋᐱᑕ ᑎᐸᐆᐹᓐ ᒥᓂᒃ ᒋᑲᓇᐌᑕᒪᐎᒪᕽ ᑭᐲᐌᓰᒥᓈᓂᐞ᙮ ᒦᑕᔥ ᒋᐊᓂ ᐙᐸᒫᓂᒡ ᐸᑴᔑᑲᓇᓐ ᑳᑮ ᐊᔕᒥᓇᑭᒡ ᑮᐊᔮᐗᑭᒡ ᐱᑾᑕᑲᒥᒃ ᐊᐲ ᐄᒋᐸᑮᕽ ᑮᐅᒋ ᓵᑭᒋᐎᓂᓇᑭᒡ, ᐅᑮ ᐃᓈᐞ᙮ 33#Heb 9.4. ᒦᔥ ᒨᓯᔅ ᑳᐃᓈᒡ ᐁᕒᐊᓅᓐ, ᐅᑖᐱᓇᓐ ᐃᐃ ᐊᑑᐹᓐ, ᒦᑕᔥ ᐃᐃᒫ ᐃᔑ ᐲᓇᐅ ᐋᐱᑕ ᑎᐸᐆᐹᓐ ᒥᓂᒃ ᐊᐊ ᒣᓇ᙮ ᐃᐃᒫ ᐃᔑ ᐊᑑᓐ ᐁᓈᓴᒦᒡ ᑳᑎᐯᒋᑫᒡ, ᑫᓂ ᑲᓇᐌᒋᑳᓱᒡ ᒣᓇ ᒥᓂᒃ ᐃᑯ ᑫᓂ ᐊᔭᔮᓂᑫ ᓂᑖᐎᑭᐃᑎᔭᕽ, ᐅᑮᐃᓈᓐ᙮ 34ᑳᑎᐯᒋᑫᒡ ᐃᑕᔥ ᑳᑮᐃᓈᒡ ᒨᓯᓲᓐ, ᒦ ᐃ ᐁᕒᐊᓐ ᑳᐃᔑᒋᑫᒡ ᐁᑮ ᐊᓵᒡ ᒣᓇᐗᓐ ᐁᓈᓴᒥᐊᔮᓂᒃ ᑎᐹᒋᒧᐎᓂᓂ, ᐃᐃᒫ ᒋᐃᔑ ᑲᓇᐌᑖᑯᓯᓂᒡ᙮ 35#Jos 5.12. ᓃᒥᑕᓇ 40 ᑕᓱ ᐱᐴᓐ ᓴ ᒥᓂᒃ ᐃᔅᕒᐃᔭᓬᐊᒃ ᐅᑮ ᐊᒸᐙᓐ ᒣᓇᐗᓐ, ᐲᓂᔥ ᑮᐅᑎᑕᒧᐙᒡ ᐊᑮᓂ ᑳᐐ ᐃᔑ ᓀᐱᒋ ᑲᐯᔑᐙᒡ᙮ ᒦ ᐃ ᑳᐃᓇᒋᑫᐙᒡ ᐲᓂᔥ ᑮᑕᑯᔑᓄᐙᒡ ᐁᔑ ᒫᒋᓭᓂᒃ ᑫᓇᓐ Canaan ᐊᑭ᙮ 36ᓈᓄ ᑎᐸᐆᐹᓀᔮᒃ ᓴ ᑮᓂᑖ ᐋᐸᑕᓐ ᐃᐃ ᐊᐲ ᑫᑰᓐ ᐁᑎᐱᓂᑳᑌᒃ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society