ᐃᔑᒋᑫᐎᓇᓐ 15
15
ᑮᑭᒋ ᒫᐗᒋᐃᑎᕽ ᒉᕒᐆᓴᓬᐊᒥᕽ
1 # Lev 12.3. ᐋᓂᑕ ᑕᔥ ᐃᓂᓋᒃ ᑮᑕᑯᔑᓅᒃ ᐃᐃᒫ ᐁᑎᔮᒃ Antioch ᐁᑮᐱ ᐅᒌᐙᒡ ᒎᑏᔭᑳᕽ Judea᙮ ᒦᐗᒃ ᐃᑕᔥ ᐃᑭ ᑳᑮ ᑭᑭᓄᐊᒪᐙᐙᒡ ᐅᑌᐺᑕᒨᐞ ᐁᑮᐃᑭᑐᐙᒡ: ᑭᑭᓇᐙᑕᔕᑫᔓᑰᔦᒃ ᐁᑕ ᑭᑲ ᐱᒫᒋᐃᑰᐎᓯᒻ ᐃᔑᒋᑫᔦᒃ ᑳᐃᓇᑌᓂᒃ ᒨᓯᔅ Moses ᐅᑑᓇᔓᐌᐎᓐ᙮ 2ᒦ ᓴ ᐃ ᑆᓬ Paul ᐊᐊ ᑕᔥ ᑲᔦ ᐹᕒᓇᐸᔅ Barnabas ᑳᑮᑭᒋ ᑲᑲᓅᓈᐙᒡ ᑲᔦ ᑕᔥ ᐁᑮᑭᒋ ᑕᔑᑕᒧᐙᒡ ᐅᐅᐌᓂ᙮ ᒦᑕᔥ ᑳᑮᐃᓀᑕᒧᓈᓂᐗᓂᓂᒃ ᑆᓬ ᐊᐊ ᑲᔦ ᐹᕒᓇᐸᔅ, ᐃᐃ ᑲᔦ ᑯᑕᒃ ᐅᑌᐺᑕᒨᐞ ᒋᐃᔖᐙᒡ ᒉᕒᐆᓴᓬᐊᒥᕽ Jerusalem᙮ ᐁᑮᐃᓂᑣ ᒋᐊᑕ ᐙᐸᒫᐙᒡ ᐃᔑᓂᔕᐙᑲᓇᐞ, ᐃᐃ ᑲᔦ ᑳᓃᑳᓂᓯᓂᒡ ᐅᐅᐌᓂ ᐅᒋ ᑳᑮ ᑕᔑᑕᒧᐙᒡ᙮
3ᒦᑕᔥ ᑳᑮᒫᒋᓂᔕᐅᑯᐙᒡ ᐅᑌᐺᑕᒨᐞ, ᐁᑮᐊᓂ ᔖᐳᔥᑳᐙᒡ ᐱᓃᔑᔭ Phoenicia ᐊᑭ, ᐃᐃ ᑲᔦ ᓴᒣᕒᐃᔭ Samaria᙮ ᐁᑮ ᑎᐹᒋᒧᐙᒡ ᐋᓃᓐ ᑳᒎᐎᐎᓯᓂᒃ ᑳᐃᔑ ᑴᑮᓄᑕᐙᓂᒡ ᑭᔐᒪᓂᑑᓐ᙮ ᐐᑫ ᑕᔥ ᑮᑭᒋ ᒌᑫᑕᒨᐞ ᐅᑌᐺᑕᒨᐞ ᐁᓅᑕᒥᓂᒡ ᐅᐅ᙮ 4ᐊᐲ ᑕᔥ ᑌᑯᔑᓄᐙᒡ ᒉᕒᐆᓴᓬᐊᒥᕽ Jerusalem, ᐅᑮ ᐲᑎᑲᓂᑯᐙᐞ ᐅᑌᐺᑕᒨᐞ, ᐃᔑᓂᔕᐙᑲᓇᐞ ᑲᔦ, ᐃᓂᐌᓂᐗᐞ ᑲᔦ ᑳᓃᑳᓂᓯᓂᒡ, ᐁᑮᐐᑕᒪᐙᐙᒡ ᐋᓃᓐ ᑲᑭᓇ ᑳᐃᔑᒋᑫᓂᒡ ᑭᔐᒪᓂᑑᓐ ᐐᓇᐙ ᐅᒋ᙮ 5ᑮᐊᔮᐗᒃ ᐃᑕᔥ ᐃᐃᒫ ᐋᓂᑕ ᐅᑌᐺᑕᒨᒃ ᐯᕒᐊᓰᕽ Pharisee ᑳᑮᐃᔑ ᐐᒋᑣᐙᒡ᙮ ᒦᐗᒃ ᐃᑕᔥ ᐅᑯ ᑳᑮ ᐸᓯᑸᐙᒡ ᐁᑮᐃᑭᑐᐙᒡ: ᐅᒋᑕᑯ ᐃᔑᓈᑾᓂᓂ ᒋᑭᑭᓇᐙᑕᔕᑫᔓᑣ, ᒋᐊᔮᒀᒥᒥᑣ ᑲᔦ ᒋᐱᒥᓂᔕᐊᒧᐙᒡ ᑲᔦ ᒨᓯᓲᓐ ᑳᑮᐃᓇᔓᐌᓂᒡ᙮
6ᒦᑕᔥ ᐃᔑᓂᔕᐙᑲᓇᒃ, ᐃᑭ ᑲᔦ ᑳᓃᑳᓂᓯᐙᒡ ᑳᑮᒫᐗᒋᐃᑎᐙᒡ ᐁᐐᓈᓈᑲᑕᐌᑕᒧᐙᒡ ᐅᐅᐌᓂ᙮ 7#Acts 10.1-43. ᑳᐃᔥᒀ ᑭᒋ ᑕᔑᑌᓂᒃ ᐃᑕᔥ ᐅᐅ, ᐲᑕᕒ Peter ᑮᐸᓯᑸ ᐅᐅ ᐁᑮᐃᑭᑐᒡ: ᓃᒋ ᐅᑌᐺᑕᒨᒃ, ᑮᓇᐙ ᐄᑐᒃ ᑭᑭᑫᑖᒻ ᒣᐎᔕ ᑭᔐᒪᓂᑑ ᐁᑮᐅᒋ ᐅᓈᐸᒥᒡ ᐁᔑ ᐊᔮᐌᒃ᙮ ᓃᓐ ᐁᐐᐋᐸᒋᐃᒡ ᒋᐅᒋ ᓅᑕᒥᓂᒡ ᒥᓍᒋᒧᐎᓐ ᐃᐃ ᑳᒎᐎᐎᓯᓂᒃ, ᑲᔦ ᑕᔥ ᒋᑌᐺᑕᒥᓂᒡ᙮ 8#Acts 2.4; 10.44. ᑭᔐᒪᓂᑑ ᑫᑫᑕᕽ ᐅᑌᐃᒫ ᐅᑮᐃᔑᓈᑯᑑᓐ ᐁᑮᐅᑖᐱᓈᒡ ᐁᑮᒦᓈᒡ ᒋᐅᑎᓯᑯᓂᒡ ᑭᔐᒪᓂᑑᓐ ᐅᑕᒑᑯᓂ ᑖᐱᔥᑰ ᑳᑮ ᑑᑕᐎᓇᑭᒡ᙮ 9ᑳᐐᓐ ᐸᑳᓐ ᑭᑎᓀᓂᒥᑯᓰᓈᓐ ᐃᐃ ᑲᔦ ᑳᒎᐎᐎᓯᓂᒃ, ᐊᐎᔭ ᐅᑌᐺᑕᒧᐎᓂᕽ ᐁᐅᒋ ᐯᑭᒋᑲᓂᐎᒡ ᐅᒪᒋᑑᑕᒧᐎᓂᕽ ᐅᒋ᙮ 10ᐌᑯᓀᓐ ᐃᑕᔥ ᐌᒋ ᐃᔑᒋᑫᔦᒃ ᐁᑲᑴᒋᐁᒃ ᑭᔐᒪᓂᑑ ᐁᑑᑕᐌᒀ ᐅᑌᐺᑕᒨᒃ ᒋᐃᔑᒋᑫᐙᒡ ᓭᓇᑲᓂᓂᑭᓐ᙮ ᑳᐐᓐ ᐄᑐᒃ ᑭᑫᑌᔭᐋᒥᓈᐸᓃᒃ, ᑫᑮᓇᐎᓐᑦ ᐃᑕᔥ ᑭᑲᔥᑭᑑᓰᒥᓐ ᐃᐃ ᒋᐃᔑᒋᑫᔭᕽ᙮ 11ᑮᓇᐎᓐᑦ ᐃᑕᔥ ᑭᑌᐺᑖᒥᓐ ᐁᐅᒋ ᐱᒫᒋᐃᑰᔭᕽ ᐅᑭᔐᐙᑎᓯᐎᓂᕽ ᐅᒋ ᑳᑎᐯᒋᑫᒡ ᒋᓴᔅ ᑖᐱᔥᑰ ᑫᐐᓇᐙ ᑳᔑ ᐱᒫᒋᐃᑰᐎᓯᐙᒡ᙮
12ᑲᑭᓇ ᑕᔥ ᑳᑮᒫᒪᐎ ᐊᔮᐙᒡ ᐃᐃᒫ ᑳᐐᓐ ᑮᓅᑖᑎᓯᐗᒃ ᐁᑮ ᐱᓯᑕᐙᐙᒡ ᐹᕒᓇᐸᓴᓐ, ᑆᓬᐊᓐ ᑲᔦ ᐁᑕᔑᑕᒥᓂᒡ ᐋᓃᓐ ᑳᐃᔑ ᒫᒪᑳᒋᒋᑫᓂᒡ, ᐋᓃᓐ ᑲᔦ ᑳᐃᔑ ᑭᑭᓇᐙᒋᒋᑫᓂᒡ ᑭᔐᒪᓂᑑᓐ ᒣᑴᔭᐄ ᐁᔑ ᐊᔮᓂᒡ ᑳᒎᐎᐎᓯᓂᒃ᙮ 13ᐊᐲ ᑳᐃᔥᒀ ᑲᑭᑐᓂᒡ, ᒌᒥᔅ James ᑫᐐᓐ ᐅᐅ ᑮᐃᑭᑐ: ᓃᒋ ᐅᑌᐺᑕᒨᒃ, ᑕᑲ ᐱᓯᑕᐎᔑᒃ᙮ 14ᓵᐃᒪᓐ Simon ᐄᑐᒃ ᐌᐌᓂ ᐅᑮ ᑕᔑᑖᓐ ᐋᓃᓐ ᒫᐗᒡ ᐃᑯ ᓂᑕᒻ ᑭᔐᒪᓂᑑ ᑳᐃᔑ ᔕᐌᓂᒫᒡ ᑳᒎᐎᐎᓯᓂᒃ ᐁᑮᐅᑖᐱᓈᓂᒡ ᐐᓐ ᐃᑯ ᐁᐐ ᑎᐱᓇᐌᐎᓯᒡ ᐅᐐᓱᐎᓂᕽ ᐅᒋ᙮ 15ᒦᐗᓐ ᐃᑕᔥ ᐅᓄ ᒪᔮ ᐃᑭᑐᐎᓇᓐ ᐯᔑᑾᓐ ᐃᓇᑫ ᑳᐃᓀᑕᒧᐙᒡ ᑭᔐᒪᓂᑑᓐ ᑫᓅᑕᒪᐙᐙᒡ ᐅᐅ ᐁᐃᔑᐲᐃᑳᑌᒃ:
16 # Amos 9.11-12. ᐊᓂᐃᔥᒀᓭᑭᓐ ᐃᓴ ᐃᓂ, ᒦ ᐃ ᒋᐱᑮᐌᔮᓐ᙮
ᓂᑲ ᑮᐌᐅᔑᑖᐙᓐ ᑲᔦ ᑌᐱᑦ David ᐅᑭᒋᐊᓇᒥᐁᐎᑲᒥᒃ ᑳᑮ ᑲᐎᓭᓂᑭᐸᓐ᙮
ᓂᑲ ᑮᐌ ᐸᑕᑭᑑᓇᓐ ᑲᔦ ᑳᐲᑯᔥᑳᑭᓐ, ᐁᐐ ᓈᐸᑑᔮᓐ᙮
17ᒦᑕᔥ ᑯᑕᒃ ᑲᑭᓇ ᐯᒫᑎᓯᐙᒡ ᒋᓇᓈᑐᓀᐙᐙᒡ ᑳᑎᐯᒋᑫᓂᒡ,
ᐃᑭ ᑲᔦ ᑳᒎᐎᐎᓯᒀ ᑳᑮᐊᑐᒪᒀ ᓂᐐᓱᐎᓂᕽ ᐁᐐ ᑎᐱᓇᐌᐎᓯᔮᓐ᙮
18ᒦ ᐃ ᐁᑭᑐᒡ ᑳᑎᐯᒋᑫᒡ, ᑳᑭᑫᓂᒥᓐᒡ ᒣᐎᔕ ᐁᑮ ᐱᐅᒋ ᐅᔑᑑᒡ ᐅᓄ ᑲᑭᓇ ᑫᑰᓐ᙮
19ᒌᒥᔅ James ᑮᐊᓂ ᐃᑭᑐ: ᐋᔕ ᓂᑮ ᑮᔐᑕᒻ ᐊᐗᔑᒣ ᒋᒥᑯᔥᑳᒋᐋᓯᐗᒀᐸᓐ ᐃᑭ ᑳᒎᐎᐎᓯᒀ ᑳᑴᑮᓄᑕᐙᐙᒡ ᑭᔐᒪᓂᑑᓐ᙮ 20#Ex 34.15-17; Lev 16.45; 17.1; 18.6-23. ᒣᔅᑾᒡ ᐃᑕᔥ ᒋᐅᔑᐲᐊᒪᐎᑣ ᒋᐐᑕᒪᐎᑣ ᒋᐸᐹᒣᑕᓯᒀ ᑫᑰᓇᓐ ᑳᐅᒋ ᐐᓀᑖᑾᓂᓂᑭᓐ ᒪᓂᑑᑳᓂᕽ, ᐱᔑᒀᑎᓯᐎᓂᕽ ᐃᑕᔥ᙮ ᒋᐸᐹᒣᑕᓯᒀ ᑲᔦ ᒦᒋᒻ ᑫᐱᓀᐌ ᓂᒋᑳᑌᓂᒃ, ᒋᐱᒣᑕᓯᒀ ᑲᔦ ᒥᔅᑸᓂ᙮ 21ᐃᓇᔥᑫ ᒨᓯᔅ Moses ᐅᑑᓇᔓᐌᐎᓐ ᒣᐎᔕ ᐱᐅᒋ ᐊᓇᒥᒋᑳᑌᓂ ᐁᑕᓱ ᐊᓉᐲᐎ ᑮᔑᒃ ᒎᐎ ᐊᓇᒥᐁᐎᑲᒥᑯᑳᕽ᙮ ᐅᑎᑭᑐᐎᓇᓐ ᑲᔦ ᑕᔑᒋᑳᑌᓂᐗᓐ ᐁᑕᓱ ᐆᑌᓈᑳᕽ᙮
ᑳᑮᐃᔑᐲᐊᒪᐎᑣ ᐅᑌᐺᑕᒨᒃ ᑳᒎᐎᐎᓯᒀ
22ᒦᑕᔥ ᐃᔑᓂᔕᐙᑲᓇᒃ, ᑳᓃᑳᓂᓯᐙᒡ ᑲᔦ, ᐃᑭ ᑲᔦ ᐅᑌᐺᑕᒨᒃ ᑳᑮᒫᐗᒋᐃᑎᐙᒡ ᑮᒫᒪᐎ ᐃᓀᑕᒨᒃ ᒋᐅᒋ ᐃᔑᓂᔕᐙᐙᒡ ᐃᓂᓂᐗᐞ ᐁᔑ ᐊᔮᐙᒡ᙮ ᒦᐗᐞ ᐃᑕᔥ ᐅᐅ ᓃᔑᓐ ᑳᓃᑳᓂᓯᓂᒡ ᑳᑮᐅᓀᓂᒫᐙᒡ, ᒎᑕᔅ Judas ᐹᕒᓴᐸᔅ Barsabas ᑳᑮᐃᓂᒥᓐᒡ, ᐃᓂ ᑲᔦ ᓵᐃᓬᐊᓴᓐ Silas ᒋᐊᓂ ᐐᒌᐙᓂᒡ ᑆᓬᐊᓐ Paul, ᐹᕒᓇᐸᓴᓐ Barnabas ᑲᔦ ᐃᔖᓂᒡ ᐌᑎ ᐁᑎᔮᒃ Antioch ᐆᑌᓈᕽ 23ᐁᑮᒦᓈᐙᒡ ᒋᒫᒌᑐᓂᒡ ᐅᔑᐲᐃᑲᓐ ᐅᐅ ᐁᔑᐲᐃᑳᑌᓂᒃ:
ᓃᓇᐎᓐᑦ ᐅᑌᐺᑕᒨᒃ, ᐃᔑᓂᔕᐙᑲᓇᒃ, ᑳᓃᑳᓂᓯᐙᒡ ᑲᔦ, ᑭᑑᔑᐲᐊᒫᑰᒻ ᑮᓇᐙ ᐅᑌᐺᑕᒨᒃ ᑳᒎᐎᐎᓯᐌᒃ ᐌᒌᔦᒃ ᐁᑎᔮᒃ, ᓰᕒᐃᔭ Syria ᐊᑮᕽ, ᓯᓬᐃᔑᔭ Cilicia ᑲᔦ᙮ ᐴᔔ ᑭᑎᑰᒻ᙮ 24ᓂᓅᑖᒥᓐ ᐋᓂᑕ ᐊᐎᔭᒃ ᐁᒥᑯᔅᑳᓱᒥᓀᒀ ᐌᒋ ᒥᑯᔥᑳᑌᑕᒣᒃ ᐅᐅᒫ ᑕᔥ ᐄᓴᓐ ᐁᐅᒌᐙᒡ ᑳᔑ ᐊᔮᔮᕽ᙮ ᑳᐐᓐ ᓃᓇᐎᓐᑦ ᓂᑮᐃᔑᓂᔕᐙᓯᐙᓈᓂᒃ᙮ 25ᓂᑮᒫᒪᐎ ᐃᓀᑖᒥᓐ ᑕᔥ ᒋᐅᓈᐸᒪᑭᑣ ᐃᓂᓂᐗᒃ ᑫᐱᐊᑕ ᐙᐸᒥᓀᒀ ᒋᐱ ᐐᒌᐙᐙᒡ ᑆᓬᐊᓐ, ᐹᕒᓇᐸᓴᓐ ᑲᔦ ᑳᓵᑭᐃᒪᑭᒡ᙮ 26ᒦᐗᒃ ᐃᓴ ᐅᑯ ᑳᐱ ᓇᓃᓵᓂᑑᐙᒡ ᐅᐱᒫᑎᓯᐎᓂᐙᓐ ᐅᑎᔑᓂᑳᓱᐎᓂᓃᕽ ᐅᒋ ᑳᑎᐯᒋᑫᓂᒡ ᒋᓴᓲᓐ Xᑕᓐ᙮ 27ᒦᑕᔥ ᑳᐅᒋ ᐃᔑᓂᔕᐗᑭᒡ ᒎᑕᔅ ᐊᐊ ᑲᔦ ᓵᐃᓬᐊᓴᓐ, ᐐᓇᐙ ᐱᑯ ᐅᑑᓂᐙᕽ ᒋᐅᒋ ᐐᑕᒪᐎᓀᒀ ᐯᔑᑾᓐ ᐁᐃᑭᑐᔮᕽ᙮ 28ᒦᑕᔥ ᐅᐅᐌᓂ ᑭᔐᒪᓂᑑ ᐅᑕᒑᑾᓐ ᑳᒥᓍᐸᑕᕽ, ᒦᔥ ᐯᔑᑾᓐ ᑫᓃᓇᐎᓐᑦ ᐁᓀᑕᒫᕽ ᐅᓵᒻ ᐹᔑᒡ ᒋᐃᔑᒋᑫᓯᐌᒃ, ᐃᓂ ᓴ ᐁᑕ ᐁᑕᐌᑖᑾᑭᓐ᙮ 29ᒋᐸᐹᒣᑕᓯᐌᒃ ᒦᒋᒻ ᑳᐸᑭᑎᓇᒪᐎᑣ ᒪᓂᑑᑳᓇᒃ, ᐃᐃ ᑲᔦ ᒦᒋᒻ ᑳᑭᐱᓀᐌ ᓂᒋᑳᑌᒃ, ᒋᓅᒋᑐᓯᐌᒃ ᑲᔦ ᐱᔑᒀᑎᓯᐎᓐ᙮ ᑮᔥᐱᓐ ᐃᑕᔥ ᐃᔑᒋᑫᔦᒃ ᑳᐃᑰᔦᒃ, ᐋᐱᒋ ᑭᑲᑭᒋ ᒥᓄᒋᑫᒻ᙮ ᐴᔔ ᑭᑎᑰᒻ,
ᒦ ᐃ ᑳᐃᔑᐲᐃᑳᑌᒃ ᐃᐃ ᐅᔑᐲᐃᑲᓐ᙮
30ᒦᑕᔥ ᑳᑮᒫᒋᓂᔕᐅᑣ ᐃᑭ ᐯᒥᐎᑑᐙᒡ ᐅᔑᐲᐃᑲᓐ ᒋᐃᔖᐙᒡ ᐌᑎ ᐁᑎᔮᒃ Antioch᙮ ᐊᐱ ᑕᔥ ᑌᑯᔑᓄᐙᒡ ᐌᑎ ᐅᑮᐊᑐᒫᐙᐞ ᐅᑌᐺᑕᒨᐞ ᒋᒫᐗᒋᐃᑎᓂᒡ᙮ ᒦᔥ ᑳᑮᒦᓈᐙᒡ ᐃᐃ ᐅᔑᐲᐃᑲᓐ᙮ 31ᐊᐲ ᓴ ᑕᔥ ᑳᐊᓇᒥᑑᓂᒡ ᐃᐃ ᐅᔑᐲᐃᑲᓐ, ᐐᑫ ᑮᐅᒋ ᒥᓉᑕᒨᐞ ᐁᑮᓅᑕᒥᓂᒡ ᐃᐃ ᒥᓍᒋᒧᐎᓐ᙮ 32ᐊᐊ ᓴ ᒎᑕᔅ Judas ᐊᐊ ᑕᔥ ᑲᔦ ᓵᐃᓬᐊᓴᓐ Silas, ᑫᐐᓇᐙ ᑮᑎᓄᐎᐗᒃ ᑫᓅᑕᒪᐙᐙᒡ ᑭᔐᒪᓂᑑᓐ᙮ ᓃᐱᐗᐞ ᑮᐊᔨᑭᑐᐗᒃ ᑫᐅᒋ ᒪᔥᑲᐌᑕᒥᓂᒡ, ᒋᒪᔥᑲᐎ ᑌᐺᑕᒥᓂᒡ ᑲᔦ ᐅᑌᐺᑕᒨᐞ᙮ 33ᑭᓉᔒᔥ ᐃᑕᔥ ᐃᑯ ᐃᒫ ᑮᐊᔮᐗᒃ, ᒦᔥ ᑳᑮᓇᑲᓈᐙᒡ ᐅᑌᐺᑕᒨᐞ ᐁᑮᐃᔖᐙᒡ ᒋᐊᑕ ᐙᐸᒫᐙᒡ ᑳᑮ ᐲᒋᓂᔕᐅᑯᐙᐸᓐ᙮ ᐅᑌᐺᑕᒨᐞ ᐃᑕᔥ ᐅᑮᐃᑯᐙᐞ ᒋᐊᓂᒥᓄ ᐱᒥᐊᔮᐙᒡ᙮ 34[ᓵᐃᓬᐊᔅ ᐄᑐᒃ ᑮᐊᑕᐌᑕᒧᑯᐸᓐ ᐃᐃᒫ ᒋᑮᐊᔮᐸᓐ᙮]#15.34 ᐅᐅᐌ ᑳᐃᔑ ᑭᑭᓇᐙᒋᐲᐃᑳᑌᒃ [ ] 34 ᐅᔑᐲᐃᑲᓀᔅ, ᑳᐎᓐ ᑮᐊᔑᒋᐲᐃᑳᑌᓯᓅᓐ ᐋᓂᑕ ᑫᑌ ᐅᔑᐲᐃᑫᐎᓂᕽ᙮
35ᑆᓬ ᓴ ᐐᓐ ᐊᐊ ᑲᔦ ᐹᕒᓇᐸᔅ ᑮᐊᔮᐗᒃ ᐃᐃᒫ ᐁᑎᔮᕽ ᐃᐃ ᑲᔦ ᑯᑕᒃ ᑳᐹᑏᓄᓂᒡ ᐅᑌᐺᑕᒨᐞ᙮ ᑮᑭᑭᓄᐊᒫᑫᐗᒃ, ᐁᑮ ᑕᔑᑕᒧᐙᒡ ᑲᔦ ᑳᑎᐯᒋᑫᓂᒡ ᐅᑎᑭᑐᐎᓂᓂ᙮
ᑆᓬ, ᐹᕒᓇᐸᔅ ᑮᐸᑫᐎᓂᑎᐙᒡ
36ᓈᓈᑫ ᑕᔥ ᐁᐊᓂ ᐃᔑᓭᒃ ᑆᓬ Paul ᐅᑮᐃᓈᓐ ᐹᕒᓇᐸᓴᓐ Barnabas: ᑕᑲ ᑮᐌ ᐃᔖᑖ ᑲᑭᓇ ᐆᑌᓇᐗᓐ ᑳᑮ ᐱᑕᔑ ᑲᑮᒀᓄᑕᒧᐗᕽ ᑳᑎᐯᒋᑫᒡ ᐅᑎᑭᑐᐎᓐ ᒋᒪᐗᑎᓴᒀ ᑲᑭᓇ ᐅᑌᐺᑕᒨᒃ ᒋᑭᑫᓂᒪᒀ ᐋᓃᓐ ᐁᔑᓭᐙᑴᓐ, ᐅᑮᐃᓈᓐ᙮ 37ᐹᕒᓇᐸᔅ ᑕᔥ ᑮᐃᔑ ᐊᑕᐌᑕᒻ ᒋᐐᒌᐎᑯᐙᒡ ᒞᓐ ᒫᕒᒃ John Mark ᑳᐃᓂᒥᓐᒡ᙮ 38#Acts 13.13. ᑆᓬ ᑕᔥ ᐐᓐ ᑳᐐᓐ ᐃᐃ ᑮᐃᓀᑕᓰ ᒋᑮᐐᒌᐎᑯᐙᐸᓐ ᐋᓃᔥ ᐅᑮᓅᑌᓇᑲᓂᑯᐙᑯᐸᓐ ᐌᑎ ᐹᐱᓬᐃᔭ Pamphylia ᐊᑮᕽ ᑳᐐᓐ ᐅᑮᐐᒋᐃᑯᓰᐙᓐ ᐁᓇᓄᑮᐙᒡ᙮ 39ᑳᐊᐲᒋ ᑭᒋ ᑲᑲᓅᓂᑎᐙᒡ ᑕᔥ ᒦ ᐃ ᑳᑮ ᐸᑫᐎᓂᑎᐙᒡ᙮ ᐹᕒᓇᐸᔅ ᐅᑮᐅᑖᐱᓈᓐ ᒫᕒᑲᓐ ᒋᐐᒌᐎᑯᒡ, ᒦᔥ ᑳᑮᐃᔖᐙᒡ ᒥᓂᓯᕽ ᓵᐃᐸᕒᐊᔅ Cyprus ᒌᒫᓂᕽ ᐁᑮᐅᒋ ᐃᓈᔑᐙᒡ᙮ 40ᑆᓬ ᑕᔥ ᐐᓐ ᓵᐃᓬᐊᓴᓐ ᐅᑮᐅᑖᐱᓈᓐ ᒋᐐᒌᐎᑯᒡ᙮ ᒦᔥ ᑳᐃᔑ ᒫᒑᐙᒡ ᐅᑌᐺᑕᒨᐞ ᐁᑮᐃᑯᐙᒡ ᐁᐃᔑ ᐸᑭᑎᓂᑯᐙᒡ ᐁᔑ ᑭᔐᐙᑎᓯᓂᒡ ᑳᑎᐯᒋᑫᓂᒡ᙮ 41ᐅᑮᐊᓂ ᔖᐳᔥᑳᓐ ᐃᑕᔥ ᓰᕒᐃᔭ Syria ᐊᑮᓂ, ᐃᐃ ᑲᔦ ᓯᓬᐃᔑᔭ Cilicia ᐊᑮᓂ, ᐁᑮᒪᔥᑲᐌᑕᒧᐋᒡ ᐅᑌᐺᑕᒨᐞ ᐁᑕᔑ ᒫᐗᒋᐃᑎᓂᒡ᙮
Currently Selected:
ᐃᔑᒋᑫᐎᓇᓐ 15: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐃᔑᒋᑫᐎᓇᓐ 15
15
ᑮᑭᒋ ᒫᐗᒋᐃᑎᕽ ᒉᕒᐆᓴᓬᐊᒥᕽ
1 # Lev 12.3. ᐋᓂᑕ ᑕᔥ ᐃᓂᓋᒃ ᑮᑕᑯᔑᓅᒃ ᐃᐃᒫ ᐁᑎᔮᒃ Antioch ᐁᑮᐱ ᐅᒌᐙᒡ ᒎᑏᔭᑳᕽ Judea᙮ ᒦᐗᒃ ᐃᑕᔥ ᐃᑭ ᑳᑮ ᑭᑭᓄᐊᒪᐙᐙᒡ ᐅᑌᐺᑕᒨᐞ ᐁᑮᐃᑭᑐᐙᒡ: ᑭᑭᓇᐙᑕᔕᑫᔓᑰᔦᒃ ᐁᑕ ᑭᑲ ᐱᒫᒋᐃᑰᐎᓯᒻ ᐃᔑᒋᑫᔦᒃ ᑳᐃᓇᑌᓂᒃ ᒨᓯᔅ Moses ᐅᑑᓇᔓᐌᐎᓐ᙮ 2ᒦ ᓴ ᐃ ᑆᓬ Paul ᐊᐊ ᑕᔥ ᑲᔦ ᐹᕒᓇᐸᔅ Barnabas ᑳᑮᑭᒋ ᑲᑲᓅᓈᐙᒡ ᑲᔦ ᑕᔥ ᐁᑮᑭᒋ ᑕᔑᑕᒧᐙᒡ ᐅᐅᐌᓂ᙮ ᒦᑕᔥ ᑳᑮᐃᓀᑕᒧᓈᓂᐗᓂᓂᒃ ᑆᓬ ᐊᐊ ᑲᔦ ᐹᕒᓇᐸᔅ, ᐃᐃ ᑲᔦ ᑯᑕᒃ ᐅᑌᐺᑕᒨᐞ ᒋᐃᔖᐙᒡ ᒉᕒᐆᓴᓬᐊᒥᕽ Jerusalem᙮ ᐁᑮᐃᓂᑣ ᒋᐊᑕ ᐙᐸᒫᐙᒡ ᐃᔑᓂᔕᐙᑲᓇᐞ, ᐃᐃ ᑲᔦ ᑳᓃᑳᓂᓯᓂᒡ ᐅᐅᐌᓂ ᐅᒋ ᑳᑮ ᑕᔑᑕᒧᐙᒡ᙮
3ᒦᑕᔥ ᑳᑮᒫᒋᓂᔕᐅᑯᐙᒡ ᐅᑌᐺᑕᒨᐞ, ᐁᑮᐊᓂ ᔖᐳᔥᑳᐙᒡ ᐱᓃᔑᔭ Phoenicia ᐊᑭ, ᐃᐃ ᑲᔦ ᓴᒣᕒᐃᔭ Samaria᙮ ᐁᑮ ᑎᐹᒋᒧᐙᒡ ᐋᓃᓐ ᑳᒎᐎᐎᓯᓂᒃ ᑳᐃᔑ ᑴᑮᓄᑕᐙᓂᒡ ᑭᔐᒪᓂᑑᓐ᙮ ᐐᑫ ᑕᔥ ᑮᑭᒋ ᒌᑫᑕᒨᐞ ᐅᑌᐺᑕᒨᐞ ᐁᓅᑕᒥᓂᒡ ᐅᐅ᙮ 4ᐊᐲ ᑕᔥ ᑌᑯᔑᓄᐙᒡ ᒉᕒᐆᓴᓬᐊᒥᕽ Jerusalem, ᐅᑮ ᐲᑎᑲᓂᑯᐙᐞ ᐅᑌᐺᑕᒨᐞ, ᐃᔑᓂᔕᐙᑲᓇᐞ ᑲᔦ, ᐃᓂᐌᓂᐗᐞ ᑲᔦ ᑳᓃᑳᓂᓯᓂᒡ, ᐁᑮᐐᑕᒪᐙᐙᒡ ᐋᓃᓐ ᑲᑭᓇ ᑳᐃᔑᒋᑫᓂᒡ ᑭᔐᒪᓂᑑᓐ ᐐᓇᐙ ᐅᒋ᙮ 5ᑮᐊᔮᐗᒃ ᐃᑕᔥ ᐃᐃᒫ ᐋᓂᑕ ᐅᑌᐺᑕᒨᒃ ᐯᕒᐊᓰᕽ Pharisee ᑳᑮᐃᔑ ᐐᒋᑣᐙᒡ᙮ ᒦᐗᒃ ᐃᑕᔥ ᐅᑯ ᑳᑮ ᐸᓯᑸᐙᒡ ᐁᑮᐃᑭᑐᐙᒡ: ᐅᒋᑕᑯ ᐃᔑᓈᑾᓂᓂ ᒋᑭᑭᓇᐙᑕᔕᑫᔓᑣ, ᒋᐊᔮᒀᒥᒥᑣ ᑲᔦ ᒋᐱᒥᓂᔕᐊᒧᐙᒡ ᑲᔦ ᒨᓯᓲᓐ ᑳᑮᐃᓇᔓᐌᓂᒡ᙮
6ᒦᑕᔥ ᐃᔑᓂᔕᐙᑲᓇᒃ, ᐃᑭ ᑲᔦ ᑳᓃᑳᓂᓯᐙᒡ ᑳᑮᒫᐗᒋᐃᑎᐙᒡ ᐁᐐᓈᓈᑲᑕᐌᑕᒧᐙᒡ ᐅᐅᐌᓂ᙮ 7#Acts 10.1-43. ᑳᐃᔥᒀ ᑭᒋ ᑕᔑᑌᓂᒃ ᐃᑕᔥ ᐅᐅ, ᐲᑕᕒ Peter ᑮᐸᓯᑸ ᐅᐅ ᐁᑮᐃᑭᑐᒡ: ᓃᒋ ᐅᑌᐺᑕᒨᒃ, ᑮᓇᐙ ᐄᑐᒃ ᑭᑭᑫᑖᒻ ᒣᐎᔕ ᑭᔐᒪᓂᑑ ᐁᑮᐅᒋ ᐅᓈᐸᒥᒡ ᐁᔑ ᐊᔮᐌᒃ᙮ ᓃᓐ ᐁᐐᐋᐸᒋᐃᒡ ᒋᐅᒋ ᓅᑕᒥᓂᒡ ᒥᓍᒋᒧᐎᓐ ᐃᐃ ᑳᒎᐎᐎᓯᓂᒃ, ᑲᔦ ᑕᔥ ᒋᑌᐺᑕᒥᓂᒡ᙮ 8#Acts 2.4; 10.44. ᑭᔐᒪᓂᑑ ᑫᑫᑕᕽ ᐅᑌᐃᒫ ᐅᑮᐃᔑᓈᑯᑑᓐ ᐁᑮᐅᑖᐱᓈᒡ ᐁᑮᒦᓈᒡ ᒋᐅᑎᓯᑯᓂᒡ ᑭᔐᒪᓂᑑᓐ ᐅᑕᒑᑯᓂ ᑖᐱᔥᑰ ᑳᑮ ᑑᑕᐎᓇᑭᒡ᙮ 9ᑳᐐᓐ ᐸᑳᓐ ᑭᑎᓀᓂᒥᑯᓰᓈᓐ ᐃᐃ ᑲᔦ ᑳᒎᐎᐎᓯᓂᒃ, ᐊᐎᔭ ᐅᑌᐺᑕᒧᐎᓂᕽ ᐁᐅᒋ ᐯᑭᒋᑲᓂᐎᒡ ᐅᒪᒋᑑᑕᒧᐎᓂᕽ ᐅᒋ᙮ 10ᐌᑯᓀᓐ ᐃᑕᔥ ᐌᒋ ᐃᔑᒋᑫᔦᒃ ᐁᑲᑴᒋᐁᒃ ᑭᔐᒪᓂᑑ ᐁᑑᑕᐌᒀ ᐅᑌᐺᑕᒨᒃ ᒋᐃᔑᒋᑫᐙᒡ ᓭᓇᑲᓂᓂᑭᓐ᙮ ᑳᐐᓐ ᐄᑐᒃ ᑭᑫᑌᔭᐋᒥᓈᐸᓃᒃ, ᑫᑮᓇᐎᓐᑦ ᐃᑕᔥ ᑭᑲᔥᑭᑑᓰᒥᓐ ᐃᐃ ᒋᐃᔑᒋᑫᔭᕽ᙮ 11ᑮᓇᐎᓐᑦ ᐃᑕᔥ ᑭᑌᐺᑖᒥᓐ ᐁᐅᒋ ᐱᒫᒋᐃᑰᔭᕽ ᐅᑭᔐᐙᑎᓯᐎᓂᕽ ᐅᒋ ᑳᑎᐯᒋᑫᒡ ᒋᓴᔅ ᑖᐱᔥᑰ ᑫᐐᓇᐙ ᑳᔑ ᐱᒫᒋᐃᑰᐎᓯᐙᒡ᙮
12ᑲᑭᓇ ᑕᔥ ᑳᑮᒫᒪᐎ ᐊᔮᐙᒡ ᐃᐃᒫ ᑳᐐᓐ ᑮᓅᑖᑎᓯᐗᒃ ᐁᑮ ᐱᓯᑕᐙᐙᒡ ᐹᕒᓇᐸᓴᓐ, ᑆᓬᐊᓐ ᑲᔦ ᐁᑕᔑᑕᒥᓂᒡ ᐋᓃᓐ ᑳᐃᔑ ᒫᒪᑳᒋᒋᑫᓂᒡ, ᐋᓃᓐ ᑲᔦ ᑳᐃᔑ ᑭᑭᓇᐙᒋᒋᑫᓂᒡ ᑭᔐᒪᓂᑑᓐ ᒣᑴᔭᐄ ᐁᔑ ᐊᔮᓂᒡ ᑳᒎᐎᐎᓯᓂᒃ᙮ 13ᐊᐲ ᑳᐃᔥᒀ ᑲᑭᑐᓂᒡ, ᒌᒥᔅ James ᑫᐐᓐ ᐅᐅ ᑮᐃᑭᑐ: ᓃᒋ ᐅᑌᐺᑕᒨᒃ, ᑕᑲ ᐱᓯᑕᐎᔑᒃ᙮ 14ᓵᐃᒪᓐ Simon ᐄᑐᒃ ᐌᐌᓂ ᐅᑮ ᑕᔑᑖᓐ ᐋᓃᓐ ᒫᐗᒡ ᐃᑯ ᓂᑕᒻ ᑭᔐᒪᓂᑑ ᑳᐃᔑ ᔕᐌᓂᒫᒡ ᑳᒎᐎᐎᓯᓂᒃ ᐁᑮᐅᑖᐱᓈᓂᒡ ᐐᓐ ᐃᑯ ᐁᐐ ᑎᐱᓇᐌᐎᓯᒡ ᐅᐐᓱᐎᓂᕽ ᐅᒋ᙮ 15ᒦᐗᓐ ᐃᑕᔥ ᐅᓄ ᒪᔮ ᐃᑭᑐᐎᓇᓐ ᐯᔑᑾᓐ ᐃᓇᑫ ᑳᐃᓀᑕᒧᐙᒡ ᑭᔐᒪᓂᑑᓐ ᑫᓅᑕᒪᐙᐙᒡ ᐅᐅ ᐁᐃᔑᐲᐃᑳᑌᒃ:
16 # Amos 9.11-12. ᐊᓂᐃᔥᒀᓭᑭᓐ ᐃᓴ ᐃᓂ, ᒦ ᐃ ᒋᐱᑮᐌᔮᓐ᙮
ᓂᑲ ᑮᐌᐅᔑᑖᐙᓐ ᑲᔦ ᑌᐱᑦ David ᐅᑭᒋᐊᓇᒥᐁᐎᑲᒥᒃ ᑳᑮ ᑲᐎᓭᓂᑭᐸᓐ᙮
ᓂᑲ ᑮᐌ ᐸᑕᑭᑑᓇᓐ ᑲᔦ ᑳᐲᑯᔥᑳᑭᓐ, ᐁᐐ ᓈᐸᑑᔮᓐ᙮
17ᒦᑕᔥ ᑯᑕᒃ ᑲᑭᓇ ᐯᒫᑎᓯᐙᒡ ᒋᓇᓈᑐᓀᐙᐙᒡ ᑳᑎᐯᒋᑫᓂᒡ,
ᐃᑭ ᑲᔦ ᑳᒎᐎᐎᓯᒀ ᑳᑮᐊᑐᒪᒀ ᓂᐐᓱᐎᓂᕽ ᐁᐐ ᑎᐱᓇᐌᐎᓯᔮᓐ᙮
18ᒦ ᐃ ᐁᑭᑐᒡ ᑳᑎᐯᒋᑫᒡ, ᑳᑭᑫᓂᒥᓐᒡ ᒣᐎᔕ ᐁᑮ ᐱᐅᒋ ᐅᔑᑑᒡ ᐅᓄ ᑲᑭᓇ ᑫᑰᓐ᙮
19ᒌᒥᔅ James ᑮᐊᓂ ᐃᑭᑐ: ᐋᔕ ᓂᑮ ᑮᔐᑕᒻ ᐊᐗᔑᒣ ᒋᒥᑯᔥᑳᒋᐋᓯᐗᒀᐸᓐ ᐃᑭ ᑳᒎᐎᐎᓯᒀ ᑳᑴᑮᓄᑕᐙᐙᒡ ᑭᔐᒪᓂᑑᓐ᙮ 20#Ex 34.15-17; Lev 16.45; 17.1; 18.6-23. ᒣᔅᑾᒡ ᐃᑕᔥ ᒋᐅᔑᐲᐊᒪᐎᑣ ᒋᐐᑕᒪᐎᑣ ᒋᐸᐹᒣᑕᓯᒀ ᑫᑰᓇᓐ ᑳᐅᒋ ᐐᓀᑖᑾᓂᓂᑭᓐ ᒪᓂᑑᑳᓂᕽ, ᐱᔑᒀᑎᓯᐎᓂᕽ ᐃᑕᔥ᙮ ᒋᐸᐹᒣᑕᓯᒀ ᑲᔦ ᒦᒋᒻ ᑫᐱᓀᐌ ᓂᒋᑳᑌᓂᒃ, ᒋᐱᒣᑕᓯᒀ ᑲᔦ ᒥᔅᑸᓂ᙮ 21ᐃᓇᔥᑫ ᒨᓯᔅ Moses ᐅᑑᓇᔓᐌᐎᓐ ᒣᐎᔕ ᐱᐅᒋ ᐊᓇᒥᒋᑳᑌᓂ ᐁᑕᓱ ᐊᓉᐲᐎ ᑮᔑᒃ ᒎᐎ ᐊᓇᒥᐁᐎᑲᒥᑯᑳᕽ᙮ ᐅᑎᑭᑐᐎᓇᓐ ᑲᔦ ᑕᔑᒋᑳᑌᓂᐗᓐ ᐁᑕᓱ ᐆᑌᓈᑳᕽ᙮
ᑳᑮᐃᔑᐲᐊᒪᐎᑣ ᐅᑌᐺᑕᒨᒃ ᑳᒎᐎᐎᓯᒀ
22ᒦᑕᔥ ᐃᔑᓂᔕᐙᑲᓇᒃ, ᑳᓃᑳᓂᓯᐙᒡ ᑲᔦ, ᐃᑭ ᑲᔦ ᐅᑌᐺᑕᒨᒃ ᑳᑮᒫᐗᒋᐃᑎᐙᒡ ᑮᒫᒪᐎ ᐃᓀᑕᒨᒃ ᒋᐅᒋ ᐃᔑᓂᔕᐙᐙᒡ ᐃᓂᓂᐗᐞ ᐁᔑ ᐊᔮᐙᒡ᙮ ᒦᐗᐞ ᐃᑕᔥ ᐅᐅ ᓃᔑᓐ ᑳᓃᑳᓂᓯᓂᒡ ᑳᑮᐅᓀᓂᒫᐙᒡ, ᒎᑕᔅ Judas ᐹᕒᓴᐸᔅ Barsabas ᑳᑮᐃᓂᒥᓐᒡ, ᐃᓂ ᑲᔦ ᓵᐃᓬᐊᓴᓐ Silas ᒋᐊᓂ ᐐᒌᐙᓂᒡ ᑆᓬᐊᓐ Paul, ᐹᕒᓇᐸᓴᓐ Barnabas ᑲᔦ ᐃᔖᓂᒡ ᐌᑎ ᐁᑎᔮᒃ Antioch ᐆᑌᓈᕽ 23ᐁᑮᒦᓈᐙᒡ ᒋᒫᒌᑐᓂᒡ ᐅᔑᐲᐃᑲᓐ ᐅᐅ ᐁᔑᐲᐃᑳᑌᓂᒃ:
ᓃᓇᐎᓐᑦ ᐅᑌᐺᑕᒨᒃ, ᐃᔑᓂᔕᐙᑲᓇᒃ, ᑳᓃᑳᓂᓯᐙᒡ ᑲᔦ, ᑭᑑᔑᐲᐊᒫᑰᒻ ᑮᓇᐙ ᐅᑌᐺᑕᒨᒃ ᑳᒎᐎᐎᓯᐌᒃ ᐌᒌᔦᒃ ᐁᑎᔮᒃ, ᓰᕒᐃᔭ Syria ᐊᑮᕽ, ᓯᓬᐃᔑᔭ Cilicia ᑲᔦ᙮ ᐴᔔ ᑭᑎᑰᒻ᙮ 24ᓂᓅᑖᒥᓐ ᐋᓂᑕ ᐊᐎᔭᒃ ᐁᒥᑯᔅᑳᓱᒥᓀᒀ ᐌᒋ ᒥᑯᔥᑳᑌᑕᒣᒃ ᐅᐅᒫ ᑕᔥ ᐄᓴᓐ ᐁᐅᒌᐙᒡ ᑳᔑ ᐊᔮᔮᕽ᙮ ᑳᐐᓐ ᓃᓇᐎᓐᑦ ᓂᑮᐃᔑᓂᔕᐙᓯᐙᓈᓂᒃ᙮ 25ᓂᑮᒫᒪᐎ ᐃᓀᑖᒥᓐ ᑕᔥ ᒋᐅᓈᐸᒪᑭᑣ ᐃᓂᓂᐗᒃ ᑫᐱᐊᑕ ᐙᐸᒥᓀᒀ ᒋᐱ ᐐᒌᐙᐙᒡ ᑆᓬᐊᓐ, ᐹᕒᓇᐸᓴᓐ ᑲᔦ ᑳᓵᑭᐃᒪᑭᒡ᙮ 26ᒦᐗᒃ ᐃᓴ ᐅᑯ ᑳᐱ ᓇᓃᓵᓂᑑᐙᒡ ᐅᐱᒫᑎᓯᐎᓂᐙᓐ ᐅᑎᔑᓂᑳᓱᐎᓂᓃᕽ ᐅᒋ ᑳᑎᐯᒋᑫᓂᒡ ᒋᓴᓲᓐ Xᑕᓐ᙮ 27ᒦᑕᔥ ᑳᐅᒋ ᐃᔑᓂᔕᐗᑭᒡ ᒎᑕᔅ ᐊᐊ ᑲᔦ ᓵᐃᓬᐊᓴᓐ, ᐐᓇᐙ ᐱᑯ ᐅᑑᓂᐙᕽ ᒋᐅᒋ ᐐᑕᒪᐎᓀᒀ ᐯᔑᑾᓐ ᐁᐃᑭᑐᔮᕽ᙮ 28ᒦᑕᔥ ᐅᐅᐌᓂ ᑭᔐᒪᓂᑑ ᐅᑕᒑᑾᓐ ᑳᒥᓍᐸᑕᕽ, ᒦᔥ ᐯᔑᑾᓐ ᑫᓃᓇᐎᓐᑦ ᐁᓀᑕᒫᕽ ᐅᓵᒻ ᐹᔑᒡ ᒋᐃᔑᒋᑫᓯᐌᒃ, ᐃᓂ ᓴ ᐁᑕ ᐁᑕᐌᑖᑾᑭᓐ᙮ 29ᒋᐸᐹᒣᑕᓯᐌᒃ ᒦᒋᒻ ᑳᐸᑭᑎᓇᒪᐎᑣ ᒪᓂᑑᑳᓇᒃ, ᐃᐃ ᑲᔦ ᒦᒋᒻ ᑳᑭᐱᓀᐌ ᓂᒋᑳᑌᒃ, ᒋᓅᒋᑐᓯᐌᒃ ᑲᔦ ᐱᔑᒀᑎᓯᐎᓐ᙮ ᑮᔥᐱᓐ ᐃᑕᔥ ᐃᔑᒋᑫᔦᒃ ᑳᐃᑰᔦᒃ, ᐋᐱᒋ ᑭᑲᑭᒋ ᒥᓄᒋᑫᒻ᙮ ᐴᔔ ᑭᑎᑰᒻ,
ᒦ ᐃ ᑳᐃᔑᐲᐃᑳᑌᒃ ᐃᐃ ᐅᔑᐲᐃᑲᓐ᙮
30ᒦᑕᔥ ᑳᑮᒫᒋᓂᔕᐅᑣ ᐃᑭ ᐯᒥᐎᑑᐙᒡ ᐅᔑᐲᐃᑲᓐ ᒋᐃᔖᐙᒡ ᐌᑎ ᐁᑎᔮᒃ Antioch᙮ ᐊᐱ ᑕᔥ ᑌᑯᔑᓄᐙᒡ ᐌᑎ ᐅᑮᐊᑐᒫᐙᐞ ᐅᑌᐺᑕᒨᐞ ᒋᒫᐗᒋᐃᑎᓂᒡ᙮ ᒦᔥ ᑳᑮᒦᓈᐙᒡ ᐃᐃ ᐅᔑᐲᐃᑲᓐ᙮ 31ᐊᐲ ᓴ ᑕᔥ ᑳᐊᓇᒥᑑᓂᒡ ᐃᐃ ᐅᔑᐲᐃᑲᓐ, ᐐᑫ ᑮᐅᒋ ᒥᓉᑕᒨᐞ ᐁᑮᓅᑕᒥᓂᒡ ᐃᐃ ᒥᓍᒋᒧᐎᓐ᙮ 32ᐊᐊ ᓴ ᒎᑕᔅ Judas ᐊᐊ ᑕᔥ ᑲᔦ ᓵᐃᓬᐊᓴᓐ Silas, ᑫᐐᓇᐙ ᑮᑎᓄᐎᐗᒃ ᑫᓅᑕᒪᐙᐙᒡ ᑭᔐᒪᓂᑑᓐ᙮ ᓃᐱᐗᐞ ᑮᐊᔨᑭᑐᐗᒃ ᑫᐅᒋ ᒪᔥᑲᐌᑕᒥᓂᒡ, ᒋᒪᔥᑲᐎ ᑌᐺᑕᒥᓂᒡ ᑲᔦ ᐅᑌᐺᑕᒨᐞ᙮ 33ᑭᓉᔒᔥ ᐃᑕᔥ ᐃᑯ ᐃᒫ ᑮᐊᔮᐗᒃ, ᒦᔥ ᑳᑮᓇᑲᓈᐙᒡ ᐅᑌᐺᑕᒨᐞ ᐁᑮᐃᔖᐙᒡ ᒋᐊᑕ ᐙᐸᒫᐙᒡ ᑳᑮ ᐲᒋᓂᔕᐅᑯᐙᐸᓐ᙮ ᐅᑌᐺᑕᒨᐞ ᐃᑕᔥ ᐅᑮᐃᑯᐙᐞ ᒋᐊᓂᒥᓄ ᐱᒥᐊᔮᐙᒡ᙮ 34[ᓵᐃᓬᐊᔅ ᐄᑐᒃ ᑮᐊᑕᐌᑕᒧᑯᐸᓐ ᐃᐃᒫ ᒋᑮᐊᔮᐸᓐ᙮]#15.34 ᐅᐅᐌ ᑳᐃᔑ ᑭᑭᓇᐙᒋᐲᐃᑳᑌᒃ [ ] 34 ᐅᔑᐲᐃᑲᓀᔅ, ᑳᐎᓐ ᑮᐊᔑᒋᐲᐃᑳᑌᓯᓅᓐ ᐋᓂᑕ ᑫᑌ ᐅᔑᐲᐃᑫᐎᓂᕽ᙮
35ᑆᓬ ᓴ ᐐᓐ ᐊᐊ ᑲᔦ ᐹᕒᓇᐸᔅ ᑮᐊᔮᐗᒃ ᐃᐃᒫ ᐁᑎᔮᕽ ᐃᐃ ᑲᔦ ᑯᑕᒃ ᑳᐹᑏᓄᓂᒡ ᐅᑌᐺᑕᒨᐞ᙮ ᑮᑭᑭᓄᐊᒫᑫᐗᒃ, ᐁᑮ ᑕᔑᑕᒧᐙᒡ ᑲᔦ ᑳᑎᐯᒋᑫᓂᒡ ᐅᑎᑭᑐᐎᓂᓂ᙮
ᑆᓬ, ᐹᕒᓇᐸᔅ ᑮᐸᑫᐎᓂᑎᐙᒡ
36ᓈᓈᑫ ᑕᔥ ᐁᐊᓂ ᐃᔑᓭᒃ ᑆᓬ Paul ᐅᑮᐃᓈᓐ ᐹᕒᓇᐸᓴᓐ Barnabas: ᑕᑲ ᑮᐌ ᐃᔖᑖ ᑲᑭᓇ ᐆᑌᓇᐗᓐ ᑳᑮ ᐱᑕᔑ ᑲᑮᒀᓄᑕᒧᐗᕽ ᑳᑎᐯᒋᑫᒡ ᐅᑎᑭᑐᐎᓐ ᒋᒪᐗᑎᓴᒀ ᑲᑭᓇ ᐅᑌᐺᑕᒨᒃ ᒋᑭᑫᓂᒪᒀ ᐋᓃᓐ ᐁᔑᓭᐙᑴᓐ, ᐅᑮᐃᓈᓐ᙮ 37ᐹᕒᓇᐸᔅ ᑕᔥ ᑮᐃᔑ ᐊᑕᐌᑕᒻ ᒋᐐᒌᐎᑯᐙᒡ ᒞᓐ ᒫᕒᒃ John Mark ᑳᐃᓂᒥᓐᒡ᙮ 38#Acts 13.13. ᑆᓬ ᑕᔥ ᐐᓐ ᑳᐐᓐ ᐃᐃ ᑮᐃᓀᑕᓰ ᒋᑮᐐᒌᐎᑯᐙᐸᓐ ᐋᓃᔥ ᐅᑮᓅᑌᓇᑲᓂᑯᐙᑯᐸᓐ ᐌᑎ ᐹᐱᓬᐃᔭ Pamphylia ᐊᑮᕽ ᑳᐐᓐ ᐅᑮᐐᒋᐃᑯᓰᐙᓐ ᐁᓇᓄᑮᐙᒡ᙮ 39ᑳᐊᐲᒋ ᑭᒋ ᑲᑲᓅᓂᑎᐙᒡ ᑕᔥ ᒦ ᐃ ᑳᑮ ᐸᑫᐎᓂᑎᐙᒡ᙮ ᐹᕒᓇᐸᔅ ᐅᑮᐅᑖᐱᓈᓐ ᒫᕒᑲᓐ ᒋᐐᒌᐎᑯᒡ, ᒦᔥ ᑳᑮᐃᔖᐙᒡ ᒥᓂᓯᕽ ᓵᐃᐸᕒᐊᔅ Cyprus ᒌᒫᓂᕽ ᐁᑮᐅᒋ ᐃᓈᔑᐙᒡ᙮ 40ᑆᓬ ᑕᔥ ᐐᓐ ᓵᐃᓬᐊᓴᓐ ᐅᑮᐅᑖᐱᓈᓐ ᒋᐐᒌᐎᑯᒡ᙮ ᒦᔥ ᑳᐃᔑ ᒫᒑᐙᒡ ᐅᑌᐺᑕᒨᐞ ᐁᑮᐃᑯᐙᒡ ᐁᐃᔑ ᐸᑭᑎᓂᑯᐙᒡ ᐁᔑ ᑭᔐᐙᑎᓯᓂᒡ ᑳᑎᐯᒋᑫᓂᒡ᙮ 41ᐅᑮᐊᓂ ᔖᐳᔥᑳᓐ ᐃᑕᔥ ᓰᕒᐃᔭ Syria ᐊᑮᓂ, ᐃᐃ ᑲᔦ ᓯᓬᐃᔑᔭ Cilicia ᐊᑮᓂ, ᐁᑮᒪᔥᑲᐌᑕᒧᐋᒡ ᐅᑌᐺᑕᒨᐞ ᐁᑕᔑ ᒫᐗᒋᐃᑎᓂᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society