2 ᑲᕒᐃᑎᔭᓇᒃ 11
11
ᑆᓬ ᐃᑭ ᑕᔥ ᑲᔦ ᐃᔑᓂᔕᐙᑲᓇᒃ ᑳᐃᓍᓂᑎᓱᐙᒡ
1ᒦᑕᔥ ᐁᔑᒥᓴᐌᓂᒥᓇᑰᒃ, ᒋᔕᔒᐯᓂᒥᔦᒃ ᐃᐃ ᐁᑲᑮᐹᑌᓂᒧᔮᓐ ᐸᑮ᙮ ᓂᑫᒋᓈᐞ ᐃᑕᔥ ᐁᔕᔒᐯᓂᒥᔦᒃ᙮ 2ᑭᑑᑌᓂᒥᓂᓂᒻ ᓴ ᑫᓃᓐ ᑖᐱᔥᑰ ᑭᔐᒪᓂᑑ ᑳᐃᔑᐅᑌᓂᒥᓀᒃ! ᒦ ᐃ ᐋᓃᔥ ᐁᔑᓈᑯᓯᔦᒃ ᑖᐱᔥᑰ ᑳᐯᑭᓯᒡ ᐃᑴ ᐁᑮᐊᔓᑕᒪᐗᑭᐸᓐ X ᐐᓐ ᐁᑕ ᒋᐐᑎᑫᒥᓀᒃ᙮ 3#Gen 3.1-5,13. ᑮᓇᐙ ᑕᔥ ᐁᒥᒋᐯᔑᑯᐁᒃ ᐌᐌᓂ ᑲᔦ ᐁᐐᒌᐌᒃ X, ᑭᓇᓃᓵᓀᓂᒥᓂᓂᒻ ᑫᑮᓇᐙ ᒋᐗᓂᒥᑰᔦᒃ ᑭᑎᓀᑕᒧᐎᓂᐙᕽ ᑖᐱᔥᑰ ᐄᑉ Eve ᑳᑮᐃᔑᐗᓂᒥᑯᒡ ᑳᑲᑮᑖᐐᓂᒡ ᒪᒋᑭᓀᐱᑰᓐ᙮ 4ᐊᐎᔭ ᓴ ᑮᐅᑎᓯᓀᒃ ᐸᑳᓐ ᒋᓴᓲᓐ ᑮᑕᔑᒫᒡ, ᒦ ᓴ ᐊᐌ ᐁᔑᑌᐺᑕᐌᒃ, ᑳᐐᓐ ᓃᓇᐎᓐᑦ ᑳᑮᑕᔑᒪᑭᒡ ᒪᔮ ᒋᓴᔅ, ᑭᑑᑖᐱᓈᐙ ᑲᔦ ᐸᑳᓐ ᐊᒑᒃ, ᑳᑎᓄᐎᓯᓂᒃ ᑭᔐᒪᓂᑑ ᐅᑕᒑᑾᓐ ᑳᑮᐅᑖᐱᓂᒣᑭᐸᓐ, ᑭᑑᑖᐱᓈᒻ ᑲᔦ ᐸᑳᓐ ᒥᓍᒋᒧᐎᓐ, ᓃᓇᐎᓐᑦ ᑕᔥ ᐐᓐ ᑾᔭᒃ ᐁᑮᑲᑮᑭᒥᑰᔦᒃ᙮
5ᑳᐐᓐ ᑕᔥ ᑲᔦ ᓂᑎᓀᓂᑎᓱᓰ ᓇᐗᒡ ᓃᓐ ᐁᑕᐸᓭᑖᑯᓯᔮᓐ ᐊᐲᒡ ᐐᓐ ᐃᑭ ᑳᒥᒋ ᐃᓍᓂᑎᓱᐙᒡ ᐁᓃᑳᓀᑖᑯᓯᐙᒡ ᐃᔑᓂᔕᐙᑲᓇᒃ᙮ 6ᑯᒫ ᑲᔦ ᑳᐐᓐ ᓂᓂᑖᑳᑮᑭᑐᓰ, ᑳᐐᓐ ᑕᔥ ᐐᓐ ᑭᑫᑕᒫᐎᓐ ᓂᓅᑌᓭᓰ᙮ ᒥᓯᐌ ᐄᑐᒃ ᑭᑮᐃᔑᐙᐸᑕᐃᑰᒻ ᑳᑮᐃᔑᒋᑫᔮᕽ ᐁᑌᐺᔮᕽ ᐅᐅ ᑳᑮᐃᑭᑐᔮᕽ᙮ 7ᑳᐐᓐ ᑕᔥ ᑫᑰᓐ ᑭᑮᐃᓇᑭᑕᒪᐎᓯᓅᓂᓂᒻ ᐊᐲ ᐁᑮᑲᑮᒀᑕᒫᓐ ᐅᐅ ᒥᓍᒋᒧᐎᓐ, ᐁᑮᑲᑮᒀᓇᒃ ᑭᔐᒪᓂᑑ᙮ ᐋᐱᒋ ᑲᔦ ᓂᑮᑕᐸᓭᓂᑎᔅ ᑮᓇᐙ ᒋᑭᒋ ᐃᓀᑖᑯᓯᔦᒃ᙮ ᒦ ᓇ ᑕᔥ ᐁᑮᒪᒫᔒᔮᓐ? 8ᐊᐲ ᓴ ᐌᑎ ᑳᑮᑕᓇᓄᑮᔮᓐ ᑳᔑᐊᔮᔦᒃ, ᑯᑕᒃ ᓴ ᐯᐸᑳᓐ ᐅᑌᐺᑕᒨᒃ ᑳᐄᔑᒫᐗᒋᐃᑎᐙᒡ ᓂᑮᑎᐸᐊᒫᑰᒃ᙮ ᒦᑕᔥ ᐁᑮᐃᔑᓈᑯᓯᔮᓐ ᑖᐱᔥᑰ ᐁᑮᑭᒨᑎᒪᒀ ᔔᓂᔮᓐ᙮ ᒦᑕᔥ ᐃᐃ ᐁᐐᐐᒋᐃᓇᑰᒃ ᑳᑮᐅᒋ ᐃᔑᓭᒃ᙮ 9#Phil 4.15-18. ᐌᑎ ᑕᔥ ᐊᐲ ᑳᑮᐐᒌᐎᓇᑰᒃ, ᑳᐐᓐ ᓴ ᐊᐎᔭ ᑳᑕᔑᔦᒃ ᓂᑮᒥᑯᔥᑳᓱᒫᓰ ᒋᐐᒋᐃᒡ ᐊᐲ ᔔᓂᔮ ᐁᑮᓅᑌᓭᔮᓐ᙮ ᑮᑕᓇᒥᐋᓈᓂᒃ ᓴ ᒫᓯᑑᓂᔮᐗᑮᕽ Macedonia ᑳᐊᔮᐙᒡ ᓂᑮᐲᑕᒫᑰᒃ ᑲᑭᓇ ᑫᑰᓂᓂ ᑳᑮᐃᔑᓅᑌᓭᔮᓐ᙮ ᑳᐐᓐ ᓴ ᐐᑳ ᑫᑰᓐ ᑭᑲᐊᑲᐊᑐᑕᒪᐎᓯᓅᓂᓂᒻ᙮ ᒦ ᓴ ᐃ ᒨᔕᒃ ᑫᐃᔑᒋᑫᔮᓐ᙮ 10ᐃᐃ ᑕᔥ X ᐅᑌᐺᐎᓐ ᐁᑭᑭᔥᑳᑯᔮᓐ, ᑳᐐᓐ ᓴ ᐐᑳ ᓂᑲᐸᑭᒌᓰ ᒋᑕᔑᑕᒫᓐ ᐅᐅ ᑳᑮᐃᔑᒥᓄᒋᑫᔮᓐ ᐃᐃᒫ ᒥᓯᐌ ᐊᑫᔮᐗᑮᕽ Achaia ᐃᔖᔮᓐ᙮ 11ᐋᓃᓐ ᐃᑕᔥ? ᐅᓵᒻ ᐃᓇ ᐁᓵᑭᐃᓯᓇᐎᓇᑰᒃ? ᑭᔐᒪᓂᑑ ᓴ ᐅᑭᑫᑖᓐ ᐁᓵᑭᐃᓇᑰᒃ᙮
12ᒦᑕᔥ ᐃᑯ ᑫᐃᔑᒋᑫᔮᓐ ᐃᐃ ᒨᔕᒃ ᑳᐃᔑᒋᑫᔮᓐ᙮ ᐋᓃᔥ ᑳᐐᓐ ᓂᓇᑕᐌᓂᒫᓰᒃ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ ᒋ ᐃᔑᒪᒦᒀᓂᑎᓱᐙᒡ, ᒋᐃᑭᑐᐙᒡ ᑲᔦ ᑫᐐᓇᐙ ᓴ ᐁᐃᓇᓄᑮᐙᒡ ᐯᔑᑾᓐ ᑳᐃᓇᓄᑮᔮᕽ᙮ 13ᑳᐐᓐ ᓴ ᑾᔭᒃ ᐃᔑᓂᔕᐙᑲᓇᒃ ᑎᓄᐎᓰᐗᒃ᙮ ᒦ ᓴ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ, ᑳᑮᐗᓂᒧᐙᒡ ᐁᑕᔑᑕᒧᐙᒡ ᐅᑕᓄᑮᐎᓂᐙᓐ᙮ ᑖᐱᔥᑰ ᑕᔥ ᑲᔦ ᑌᐺ X ᐅᑎᔑᓂᔕᐙᑲᓇᐞ ᐁᐃᔑᓈᑯᓯᐃᑎᓱᐙᒡ᙮ 14ᑫᑯ ᑕᔥ ᒫᒪᑳᑌᑕᑫᒃ, ᐋᓃᔥ ᒪᒋᐊᔭᐋ ᑫᐐᓐ ᐃᔑᐃᑎᓱ ᑖᐱᔥᑰ ᐁᒐᓬ ᑳᐙᓭᓈᑯᓯᒡ᙮ 15ᑫᑯ ᑲᔦ ᑭᒋ ᐃᓀᑕᑫᒃ ᑮᔥᐱᓐ ᐅᑕᓄᑮᐋᑲᓇᐞ ᐃᔑᐃᑎᓱᓂᒡ ᑖᐱᔥᑰ ᐁᐃᔑᐐᒋᑣᓂᒡ ᐃᐃᒫ ᑾᔭᒀᑎᓯᐎᓂᕽ᙮ ᐌᑎ ᓴ ᐃᔥᒀᒡ ᑕᑎᐸᐊᒪᐙᐗᒃ ᑲᑭᓇ ᑫᑰᓂᓂ ᑳᑮᐃᔑᒋᑫᐙᒡ᙮
ᑆᓬ ᐅᑲᒀᑕᑭᓭᐎᓇᓐ ᐁᑕᔑᑕᕽ
16ᒦᓇᐙ ᑕᔥ ᓂᑎᑭᑦ, ᑫᑯ ᐊᐎᔭ ᑕᐃᓀᑕᓰ ᐁᑲᑮᐹᑎᓯᔮᓐ᙮ ᑮᔥᐱᓐ ᑕᔥ ᐃᐃ ᐃᓀᓂᒥᔑᔦᒃ, ᒦ ᓴ ᐃ ᐱᓵᓂᑯ ᐃᔑᐅᑖᐱᓂᔑᒃ, ᑫᓃᓐ ᓴ ᐸᑮ ᒋᒪᒦᒀᓂᑎᓱᔮᓐ᙮ 17ᐅᐅ ᑕᔥ ᑳᐐᐃᑭᑐᔮᓐ ᓅᑯᒻ, ᑳᐐᓐ ᐄᑐᒃ ᐐᓐ ᐊᐊ ᑳᑎᐯᒋᑫᒡ ᑳᐃᔑᐊᑕᐌᓂᒥᒡ ᒋᐃᑭᑐᔮᓐ᙮ ᐅᐅ ᑕᔥ ᑳᐃᔑᒪᒦᒀᓂᑎᓱᔮᓐ, ᒦ ᓴ ᐁᔑᓈᑯᓯᔮᓐ ᑖᐱᔥᑰ ᐁᑲᑮᐹᑎᓯᔮᓐ᙮ 18ᐋᐱᒋ ᑕᔥ ᐁᐹᑏᓄᐙᒡ ᐊᐎᔭᒃ ᑳᒪᒦᒀᓂᑎᓱᐙᒡ ᐃᐃᒫ ᐐᔮᓯᐱᒫᑎᓯᐎᓂᕽ ᐅᒋ, ᒦ ᓴ ᑫᓃᓐ ᑫᐃᔑᒋᑫᔮᓐ᙮ 19ᑭᑎᓀᑖᒧᐙᑐᒃ ᒫᐐᓐ ᐋᐱᒋ ᐁᑲᑮᑖᐌᑕᒣᒃ ᐁᔕᔒᐯᓂᒣᒀ ᑫᑮᐹᑎᓯᐙᒡ! 20ᑭᔕᔒᐯᓂᒫᐙ ᓴ ᑲᔦ ᐊᐎᔭ ᑳᐊᔮᓅᓂᓀᒃ ᐁᒥᑯᔥᑳᓱᒥᓀᒃ ᑫᑰᓂᓂ ᒋᐃᔑᒋᑫᔦᒃ, ᐊᐎᔭ ᑲᔦ ᑳᐗᔦᔑᒥᓀᒃ, ᐊᐎᔭ ᑲᔦ ᑳᒪᒫᒋᑯᓂᓀᒃ, ᐊᐎᔭ ᑲᔦ ᑳᒪᒋᓇᐎᓀᒃ ᑯᒫ ᑲᔦ ᑳᐸᓰᑴᐅᓀᒃ᙮ 21ᐋᐱᒋ ᓴ ᓂᑕᑲᒡ ᐁᐃᑭᑐᔮᓐ ᐁᑮᔖᑴᓂᒧᔮᕽ ᓃᓇᐎᓐᑦ ᐅᐅ ᒋᑑᑖᑰᔦᒃ᙮
ᑮᔥᐱᓐ ᐊᐎᔭ ᐐᒪᒦᒀᑕᕽ ᑫᑰᓂᓂ, ᑫᓃᓐ ᓴ ᒦ ᐯᔑᑾᓐ ᑫᐃᔑᒋᑫᔮᓐ᙮ ᐋᐱᒋ ᒫᐐᓐ ᓂᑲᑮᐹᓯᓈᑯᔅ᙮ 22ᐄᐸᕒᐆᐎᐗᒃ Hebrews ᐃᓇ? ᑫᓃᓐ ᓴ ᐄᐸᕒᐆ ᓂᑎᓄᐤ᙮ ᐃᔅᕒᐃᔭᓬᐄᐎᐗᒃ Israelites ᐃᓇ? ᑫᓃᓐ ᓴ ᐃᔅᕒᐃᔭᓬ ᓂᑎᓄᐤ᙮ ᐁᐸᕒᐊᐋᒥᕽ Abraham ᐃᓇ ᑮᐅᒌᐗᒃ? ᑫᓃᓐ ᓴ ᒦ ᐃᒫ ᐌᑕᑳᓀᓯᔮᓐ᙮ 23#Acts 16.23. X ᐃᓇ ᐃᐃ ᐅᑕᓄᑮᐋᑲᓇᐞ? ᓂᑲᑲᑮᐹᓯᑖᑯᔅ ᒫᐐᓐ ᐅᐅ ᑳᐐᐃᑭᑐᔮᓐ! ᓇᐗᒡ ᐃᑕᔥ ᓃᓐ ᑾᔭᒃ ᐊᓄᑮᐋᑲᓐ ᐊᐲᒡ ᐐᓇᐙ! ᓇᐗᒡ ᓃᓐ ᓂᑮᑭᒋᐊᓄᑮ! ᓇᐗᒡ ᓃᓐ ᐹᑏᓍ ᓂᑮᑭᐸᐅᑰ, ᓇᐗᒡ ᓃᓐ ᑲᔦ ᐹᑏᓍ ᓂᑮᐸᐸᔕᔐᐅᑰ, ᓇᐗᒡ ᓃᓐ ᑲᔦ ᐹᑏᓍ ᑫᑳ ᓂᑮᓂᑉ᙮ 24#Deut 25.3. ᒎᐗᒃ ᓂᓯᒥᑕᓇᔑᔖᑲᒋᕽ 39 ᓴ ᐊᐎᔭᓐ ᐅᐸᐸᔕᔐᐙᐙᓐ ᐋᐱᑎᕽ ᐁᐸᔕᔐᐙᐙᒡ᙮ ᓈᓂᕽ ᐃᑕᔥ ᐃᐃᐌ ᓂᑮᑑᑖᑰᒃ ᒎᐗᒃ᙮ 25#Acts 14.19; 16.22. ᓂᓯᕽ 3 ᑲᔦ ᓂᑮᐸᐸᑭᑌᐅᑰ ᒥᑎᑰᓐ ᐁᑮᐋᐸᒋᒋᑳᑌᑭᓐ᙮ ᐋᐱᑎᕽ ᑲᔦ ᓂᑮᐸᐱᒶᓯᓇᐃᑰ, ᓃᔣ 3 ᑲᔦ ᐁᑮᐲᑾᐊᕽ ᓂᑭᒋᒌᒫᓂᓈᓐ, ᐋᐱᑎᕽ ᑕᔥ ᑲᐯᑎᐱᒃ, ᑲᐯᑮᔑᒃ ᑲᔦ ᓂᑮᐸᐹᒫᐅᒃ ᑭᒋᑲᒦᕽ᙮ 26#Acts 9.23; 14.5. ᒨᔕᒃ ᑲᔦ ᐁᐸᐹᒥᐊᔮᔮᓐ, ᐁᑮᓇᓃᓵᓂᓯᔮᓐ ᒋᓂᑭᐲᔮᓐ ᓰᐲᑳᕽ, ᐁᑮᓇᓃᓵᓂᐃᐙᒡ ᑲᔦ ᑮᒨᒋᔥᑲᒃ, ᐁᑮᓇᓃᓵᓂᐃᐙᒡ ᑲᔦ ᒎᐗᒃ ᑲᔦ ᐁᑳ ᑳᒎᐎᐎᓯᒀ, ᐁᑮᓇᓃᓵᓂᓯᔮᓐ ᑲᔦ ᑭᒋᐆᑌᓈᑳᕽ, ᐁᑮᓇᓃᓵᓂᓯᔮᓐ ᑲᔦ ᐱᑾᑕᑲᒥᑯᕽ, ᐁᑮᓇᓃᓵᓂᓯᔮᓐ ᑲᔦ ᑭᒋᑲᒦᕽ, ᐁᑮᓇᓃᓵᓂᐃᐙᒡ ᑲᔦ ᐃᑭ ᑳᑮᐊᓇᒥᐁᑳᓱᐙᒡ᙮ 27ᐋᐱᒋ ᑕᔥ ᑲᔦ ᐁᑮᑭᒋᐊᓄᑮᔮᓐ, ᐁᑮᑲᒀᑕᑭᓭᔮᓐ ᑲᔦ, ᒨᔕᒃ ᑲᔦ ᐌᐌᓂ ᐁᑮᓂᐹᓯᐙᓐ, ᒨᔕᒃ ᑲᔦ ᐁᑮᐐᐐᓯᓂᔮᓐ, ᐁᑮᐐᒥᓂᑴᔮᓐ ᑲᔦ, ᒨᔕᒃ ᑲᔦ ᒦᒋᒻ ᑌᒥᓂᒃ ᐁᑮᐊᔮᓯᐙᓐ, ᐊᑾᒌᕽ ᑲᔦ ᒨᔕᒃ ᐁᑮᐊᔮᔮᓐ, ᐁᑮᑮᑲᒋᔮᓐ ᑲᔦ ᒨᔕᒃ᙮ 28ᑳᐐᓐ ᑕᔥ ᐐᓐ ᑲᑭᓇ ᑫᑰᓇᓐ ᓂᐐᐐᑕᓰᓇᓐ᙮ ᐁᑕᓱᑮᔑᒃ ᑲᔦ ᐁᐅᒋᑯᓯᑴᑕᒫᓐ ᐁᓈᓈᑲᑕᐌᓂᒪᒀ ᐅᑌᐺᑕᒨᒃ ᑲᑭᓇ ᐊᔮᐎᓂᕽ ᑳᐃᔑᒫᐗᒋᐃᑎᐙᒡ᙮ 29ᐊᐎᔭ ᓴ ᑮᒪᒉᓂᒧᒡ ᐋᐱᒋ ᓴ ᓂᑯᐹᑌᓂᒫ᙮ ᐊᐎᔭ ᑲᔦ ᑮᐃᔑᐎᓂᓐᒡ ᒪᒋᑑᑕᒧᐎᓂᕽ, ᐋᐱᒋ ᓴ ᓂᑭᒋᒫᓀᑕᒻ᙮
30ᑮᔥᐱᓐ ᑕᔥ ᐐᒪᒦᒀᓂᑎᓱᔮᓐ, ᒦ ᓴ ᐃᓂ ᑫᑕᔑᑕᒫᓐ ᒋᐐᑕᒫᓐ ᐋᓃᓐ ᐁᔑᓃᓇᒥᓯᔮᓐ᙮ 31ᑭᔐᒪᓂᑑᓐ ᑳᑎᐯᒋᑫᒡ ᒋᓴᔅ ᑳᐅᔫᓯᒡ ᒨᔕᒃ ᑳᒦᑴᒋᐌᓂᒥᒥᓐᒡ, ᓂᑭᑫᓂᒥᒃ ᐁᑳ ᐁᑮᐗᓂᒧᓯᐙᓐ᙮ 32#Acts 9.23-25. ᐌᑎ ᑕᔥ ᒣᒀ ᑎᒫᔅᑲᓯᕽ Damascus ᑮᐊᔮᔮᓐ, ᐊᐊ ᓴ ᐋᓂᑫᐅᑭᒫ ᑳᑮᑎᐯᓂᒥᑯᒡ ᐃᓂ ᑭᒋᐅᑭᒫᓐ ᐊᕒᐄᑕᓴᓐ Aretas ᐅᑮᐊᓵᐞ ᔑᒫᑲᓂᔕᐞ ᒥᓯᐌ ᑭᒋ ᐃᔥᒀᑌᒥᑳᕽ ᐁᐐᑲᑴᑕᑯᓂᒡ᙮ 33ᐃᐃᒫ ᑕᔥ ᑳᑮᐃᔑᐸᑯᓀᔮᒃ ᑳᔑᐙᑳᔮᐱᑭᓂᑳᑌᒃ ᐆᑌᓇ ᒦ ᐃᒫ ᓂᑮᐅᒋ ᓃᓵᐲᑭᓂᑰ, ᑭᒋᐐᑯᐲᒪᑲᑯᕽ ᐁᑮᐃᔑᑳᓂᑰᔮᓐ᙮ ᒦᑕᔥ ᐃᐃᒫ ᑳᑮᐅᒋᔖᐾᑲᑕᐗᒃ ᐊᐊ ᑭᒋᐅᑭᒫ᙮
Currently Selected:
2 ᑲᕒᐃᑎᔭᓇᒃ 11: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
2 ᑲᕒᐃᑎᔭᓇᒃ 11
11
ᑆᓬ ᐃᑭ ᑕᔥ ᑲᔦ ᐃᔑᓂᔕᐙᑲᓇᒃ ᑳᐃᓍᓂᑎᓱᐙᒡ
1ᒦᑕᔥ ᐁᔑᒥᓴᐌᓂᒥᓇᑰᒃ, ᒋᔕᔒᐯᓂᒥᔦᒃ ᐃᐃ ᐁᑲᑮᐹᑌᓂᒧᔮᓐ ᐸᑮ᙮ ᓂᑫᒋᓈᐞ ᐃᑕᔥ ᐁᔕᔒᐯᓂᒥᔦᒃ᙮ 2ᑭᑑᑌᓂᒥᓂᓂᒻ ᓴ ᑫᓃᓐ ᑖᐱᔥᑰ ᑭᔐᒪᓂᑑ ᑳᐃᔑᐅᑌᓂᒥᓀᒃ! ᒦ ᐃ ᐋᓃᔥ ᐁᔑᓈᑯᓯᔦᒃ ᑖᐱᔥᑰ ᑳᐯᑭᓯᒡ ᐃᑴ ᐁᑮᐊᔓᑕᒪᐗᑭᐸᓐ X ᐐᓐ ᐁᑕ ᒋᐐᑎᑫᒥᓀᒃ᙮ 3#Gen 3.1-5,13. ᑮᓇᐙ ᑕᔥ ᐁᒥᒋᐯᔑᑯᐁᒃ ᐌᐌᓂ ᑲᔦ ᐁᐐᒌᐌᒃ X, ᑭᓇᓃᓵᓀᓂᒥᓂᓂᒻ ᑫᑮᓇᐙ ᒋᐗᓂᒥᑰᔦᒃ ᑭᑎᓀᑕᒧᐎᓂᐙᕽ ᑖᐱᔥᑰ ᐄᑉ Eve ᑳᑮᐃᔑᐗᓂᒥᑯᒡ ᑳᑲᑮᑖᐐᓂᒡ ᒪᒋᑭᓀᐱᑰᓐ᙮ 4ᐊᐎᔭ ᓴ ᑮᐅᑎᓯᓀᒃ ᐸᑳᓐ ᒋᓴᓲᓐ ᑮᑕᔑᒫᒡ, ᒦ ᓴ ᐊᐌ ᐁᔑᑌᐺᑕᐌᒃ, ᑳᐐᓐ ᓃᓇᐎᓐᑦ ᑳᑮᑕᔑᒪᑭᒡ ᒪᔮ ᒋᓴᔅ, ᑭᑑᑖᐱᓈᐙ ᑲᔦ ᐸᑳᓐ ᐊᒑᒃ, ᑳᑎᓄᐎᓯᓂᒃ ᑭᔐᒪᓂᑑ ᐅᑕᒑᑾᓐ ᑳᑮᐅᑖᐱᓂᒣᑭᐸᓐ, ᑭᑑᑖᐱᓈᒻ ᑲᔦ ᐸᑳᓐ ᒥᓍᒋᒧᐎᓐ, ᓃᓇᐎᓐᑦ ᑕᔥ ᐐᓐ ᑾᔭᒃ ᐁᑮᑲᑮᑭᒥᑰᔦᒃ᙮
5ᑳᐐᓐ ᑕᔥ ᑲᔦ ᓂᑎᓀᓂᑎᓱᓰ ᓇᐗᒡ ᓃᓐ ᐁᑕᐸᓭᑖᑯᓯᔮᓐ ᐊᐲᒡ ᐐᓐ ᐃᑭ ᑳᒥᒋ ᐃᓍᓂᑎᓱᐙᒡ ᐁᓃᑳᓀᑖᑯᓯᐙᒡ ᐃᔑᓂᔕᐙᑲᓇᒃ᙮ 6ᑯᒫ ᑲᔦ ᑳᐐᓐ ᓂᓂᑖᑳᑮᑭᑐᓰ, ᑳᐐᓐ ᑕᔥ ᐐᓐ ᑭᑫᑕᒫᐎᓐ ᓂᓅᑌᓭᓰ᙮ ᒥᓯᐌ ᐄᑐᒃ ᑭᑮᐃᔑᐙᐸᑕᐃᑰᒻ ᑳᑮᐃᔑᒋᑫᔮᕽ ᐁᑌᐺᔮᕽ ᐅᐅ ᑳᑮᐃᑭᑐᔮᕽ᙮ 7ᑳᐐᓐ ᑕᔥ ᑫᑰᓐ ᑭᑮᐃᓇᑭᑕᒪᐎᓯᓅᓂᓂᒻ ᐊᐲ ᐁᑮᑲᑮᒀᑕᒫᓐ ᐅᐅ ᒥᓍᒋᒧᐎᓐ, ᐁᑮᑲᑮᒀᓇᒃ ᑭᔐᒪᓂᑑ᙮ ᐋᐱᒋ ᑲᔦ ᓂᑮᑕᐸᓭᓂᑎᔅ ᑮᓇᐙ ᒋᑭᒋ ᐃᓀᑖᑯᓯᔦᒃ᙮ ᒦ ᓇ ᑕᔥ ᐁᑮᒪᒫᔒᔮᓐ? 8ᐊᐲ ᓴ ᐌᑎ ᑳᑮᑕᓇᓄᑮᔮᓐ ᑳᔑᐊᔮᔦᒃ, ᑯᑕᒃ ᓴ ᐯᐸᑳᓐ ᐅᑌᐺᑕᒨᒃ ᑳᐄᔑᒫᐗᒋᐃᑎᐙᒡ ᓂᑮᑎᐸᐊᒫᑰᒃ᙮ ᒦᑕᔥ ᐁᑮᐃᔑᓈᑯᓯᔮᓐ ᑖᐱᔥᑰ ᐁᑮᑭᒨᑎᒪᒀ ᔔᓂᔮᓐ᙮ ᒦᑕᔥ ᐃᐃ ᐁᐐᐐᒋᐃᓇᑰᒃ ᑳᑮᐅᒋ ᐃᔑᓭᒃ᙮ 9#Phil 4.15-18. ᐌᑎ ᑕᔥ ᐊᐲ ᑳᑮᐐᒌᐎᓇᑰᒃ, ᑳᐐᓐ ᓴ ᐊᐎᔭ ᑳᑕᔑᔦᒃ ᓂᑮᒥᑯᔥᑳᓱᒫᓰ ᒋᐐᒋᐃᒡ ᐊᐲ ᔔᓂᔮ ᐁᑮᓅᑌᓭᔮᓐ᙮ ᑮᑕᓇᒥᐋᓈᓂᒃ ᓴ ᒫᓯᑑᓂᔮᐗᑮᕽ Macedonia ᑳᐊᔮᐙᒡ ᓂᑮᐲᑕᒫᑰᒃ ᑲᑭᓇ ᑫᑰᓂᓂ ᑳᑮᐃᔑᓅᑌᓭᔮᓐ᙮ ᑳᐐᓐ ᓴ ᐐᑳ ᑫᑰᓐ ᑭᑲᐊᑲᐊᑐᑕᒪᐎᓯᓅᓂᓂᒻ᙮ ᒦ ᓴ ᐃ ᒨᔕᒃ ᑫᐃᔑᒋᑫᔮᓐ᙮ 10ᐃᐃ ᑕᔥ X ᐅᑌᐺᐎᓐ ᐁᑭᑭᔥᑳᑯᔮᓐ, ᑳᐐᓐ ᓴ ᐐᑳ ᓂᑲᐸᑭᒌᓰ ᒋᑕᔑᑕᒫᓐ ᐅᐅ ᑳᑮᐃᔑᒥᓄᒋᑫᔮᓐ ᐃᐃᒫ ᒥᓯᐌ ᐊᑫᔮᐗᑮᕽ Achaia ᐃᔖᔮᓐ᙮ 11ᐋᓃᓐ ᐃᑕᔥ? ᐅᓵᒻ ᐃᓇ ᐁᓵᑭᐃᓯᓇᐎᓇᑰᒃ? ᑭᔐᒪᓂᑑ ᓴ ᐅᑭᑫᑖᓐ ᐁᓵᑭᐃᓇᑰᒃ᙮
12ᒦᑕᔥ ᐃᑯ ᑫᐃᔑᒋᑫᔮᓐ ᐃᐃ ᒨᔕᒃ ᑳᐃᔑᒋᑫᔮᓐ᙮ ᐋᓃᔥ ᑳᐐᓐ ᓂᓇᑕᐌᓂᒫᓰᒃ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ ᒋ ᐃᔑᒪᒦᒀᓂᑎᓱᐙᒡ, ᒋᐃᑭᑐᐙᒡ ᑲᔦ ᑫᐐᓇᐙ ᓴ ᐁᐃᓇᓄᑮᐙᒡ ᐯᔑᑾᓐ ᑳᐃᓇᓄᑮᔮᕽ᙮ 13ᑳᐐᓐ ᓴ ᑾᔭᒃ ᐃᔑᓂᔕᐙᑲᓇᒃ ᑎᓄᐎᓰᐗᒃ᙮ ᒦ ᓴ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ, ᑳᑮᐗᓂᒧᐙᒡ ᐁᑕᔑᑕᒧᐙᒡ ᐅᑕᓄᑮᐎᓂᐙᓐ᙮ ᑖᐱᔥᑰ ᑕᔥ ᑲᔦ ᑌᐺ X ᐅᑎᔑᓂᔕᐙᑲᓇᐞ ᐁᐃᔑᓈᑯᓯᐃᑎᓱᐙᒡ᙮ 14ᑫᑯ ᑕᔥ ᒫᒪᑳᑌᑕᑫᒃ, ᐋᓃᔥ ᒪᒋᐊᔭᐋ ᑫᐐᓐ ᐃᔑᐃᑎᓱ ᑖᐱᔥᑰ ᐁᒐᓬ ᑳᐙᓭᓈᑯᓯᒡ᙮ 15ᑫᑯ ᑲᔦ ᑭᒋ ᐃᓀᑕᑫᒃ ᑮᔥᐱᓐ ᐅᑕᓄᑮᐋᑲᓇᐞ ᐃᔑᐃᑎᓱᓂᒡ ᑖᐱᔥᑰ ᐁᐃᔑᐐᒋᑣᓂᒡ ᐃᐃᒫ ᑾᔭᒀᑎᓯᐎᓂᕽ᙮ ᐌᑎ ᓴ ᐃᔥᒀᒡ ᑕᑎᐸᐊᒪᐙᐗᒃ ᑲᑭᓇ ᑫᑰᓂᓂ ᑳᑮᐃᔑᒋᑫᐙᒡ᙮
ᑆᓬ ᐅᑲᒀᑕᑭᓭᐎᓇᓐ ᐁᑕᔑᑕᕽ
16ᒦᓇᐙ ᑕᔥ ᓂᑎᑭᑦ, ᑫᑯ ᐊᐎᔭ ᑕᐃᓀᑕᓰ ᐁᑲᑮᐹᑎᓯᔮᓐ᙮ ᑮᔥᐱᓐ ᑕᔥ ᐃᐃ ᐃᓀᓂᒥᔑᔦᒃ, ᒦ ᓴ ᐃ ᐱᓵᓂᑯ ᐃᔑᐅᑖᐱᓂᔑᒃ, ᑫᓃᓐ ᓴ ᐸᑮ ᒋᒪᒦᒀᓂᑎᓱᔮᓐ᙮ 17ᐅᐅ ᑕᔥ ᑳᐐᐃᑭᑐᔮᓐ ᓅᑯᒻ, ᑳᐐᓐ ᐄᑐᒃ ᐐᓐ ᐊᐊ ᑳᑎᐯᒋᑫᒡ ᑳᐃᔑᐊᑕᐌᓂᒥᒡ ᒋᐃᑭᑐᔮᓐ᙮ ᐅᐅ ᑕᔥ ᑳᐃᔑᒪᒦᒀᓂᑎᓱᔮᓐ, ᒦ ᓴ ᐁᔑᓈᑯᓯᔮᓐ ᑖᐱᔥᑰ ᐁᑲᑮᐹᑎᓯᔮᓐ᙮ 18ᐋᐱᒋ ᑕᔥ ᐁᐹᑏᓄᐙᒡ ᐊᐎᔭᒃ ᑳᒪᒦᒀᓂᑎᓱᐙᒡ ᐃᐃᒫ ᐐᔮᓯᐱᒫᑎᓯᐎᓂᕽ ᐅᒋ, ᒦ ᓴ ᑫᓃᓐ ᑫᐃᔑᒋᑫᔮᓐ᙮ 19ᑭᑎᓀᑖᒧᐙᑐᒃ ᒫᐐᓐ ᐋᐱᒋ ᐁᑲᑮᑖᐌᑕᒣᒃ ᐁᔕᔒᐯᓂᒣᒀ ᑫᑮᐹᑎᓯᐙᒡ! 20ᑭᔕᔒᐯᓂᒫᐙ ᓴ ᑲᔦ ᐊᐎᔭ ᑳᐊᔮᓅᓂᓀᒃ ᐁᒥᑯᔥᑳᓱᒥᓀᒃ ᑫᑰᓂᓂ ᒋᐃᔑᒋᑫᔦᒃ, ᐊᐎᔭ ᑲᔦ ᑳᐗᔦᔑᒥᓀᒃ, ᐊᐎᔭ ᑲᔦ ᑳᒪᒫᒋᑯᓂᓀᒃ, ᐊᐎᔭ ᑲᔦ ᑳᒪᒋᓇᐎᓀᒃ ᑯᒫ ᑲᔦ ᑳᐸᓰᑴᐅᓀᒃ᙮ 21ᐋᐱᒋ ᓴ ᓂᑕᑲᒡ ᐁᐃᑭᑐᔮᓐ ᐁᑮᔖᑴᓂᒧᔮᕽ ᓃᓇᐎᓐᑦ ᐅᐅ ᒋᑑᑖᑰᔦᒃ᙮
ᑮᔥᐱᓐ ᐊᐎᔭ ᐐᒪᒦᒀᑕᕽ ᑫᑰᓂᓂ, ᑫᓃᓐ ᓴ ᒦ ᐯᔑᑾᓐ ᑫᐃᔑᒋᑫᔮᓐ᙮ ᐋᐱᒋ ᒫᐐᓐ ᓂᑲᑮᐹᓯᓈᑯᔅ᙮ 22ᐄᐸᕒᐆᐎᐗᒃ Hebrews ᐃᓇ? ᑫᓃᓐ ᓴ ᐄᐸᕒᐆ ᓂᑎᓄᐤ᙮ ᐃᔅᕒᐃᔭᓬᐄᐎᐗᒃ Israelites ᐃᓇ? ᑫᓃᓐ ᓴ ᐃᔅᕒᐃᔭᓬ ᓂᑎᓄᐤ᙮ ᐁᐸᕒᐊᐋᒥᕽ Abraham ᐃᓇ ᑮᐅᒌᐗᒃ? ᑫᓃᓐ ᓴ ᒦ ᐃᒫ ᐌᑕᑳᓀᓯᔮᓐ᙮ 23#Acts 16.23. X ᐃᓇ ᐃᐃ ᐅᑕᓄᑮᐋᑲᓇᐞ? ᓂᑲᑲᑮᐹᓯᑖᑯᔅ ᒫᐐᓐ ᐅᐅ ᑳᐐᐃᑭᑐᔮᓐ! ᓇᐗᒡ ᐃᑕᔥ ᓃᓐ ᑾᔭᒃ ᐊᓄᑮᐋᑲᓐ ᐊᐲᒡ ᐐᓇᐙ! ᓇᐗᒡ ᓃᓐ ᓂᑮᑭᒋᐊᓄᑮ! ᓇᐗᒡ ᓃᓐ ᐹᑏᓍ ᓂᑮᑭᐸᐅᑰ, ᓇᐗᒡ ᓃᓐ ᑲᔦ ᐹᑏᓍ ᓂᑮᐸᐸᔕᔐᐅᑰ, ᓇᐗᒡ ᓃᓐ ᑲᔦ ᐹᑏᓍ ᑫᑳ ᓂᑮᓂᑉ᙮ 24#Deut 25.3. ᒎᐗᒃ ᓂᓯᒥᑕᓇᔑᔖᑲᒋᕽ 39 ᓴ ᐊᐎᔭᓐ ᐅᐸᐸᔕᔐᐙᐙᓐ ᐋᐱᑎᕽ ᐁᐸᔕᔐᐙᐙᒡ᙮ ᓈᓂᕽ ᐃᑕᔥ ᐃᐃᐌ ᓂᑮᑑᑖᑰᒃ ᒎᐗᒃ᙮ 25#Acts 14.19; 16.22. ᓂᓯᕽ 3 ᑲᔦ ᓂᑮᐸᐸᑭᑌᐅᑰ ᒥᑎᑰᓐ ᐁᑮᐋᐸᒋᒋᑳᑌᑭᓐ᙮ ᐋᐱᑎᕽ ᑲᔦ ᓂᑮᐸᐱᒶᓯᓇᐃᑰ, ᓃᔣ 3 ᑲᔦ ᐁᑮᐲᑾᐊᕽ ᓂᑭᒋᒌᒫᓂᓈᓐ, ᐋᐱᑎᕽ ᑕᔥ ᑲᐯᑎᐱᒃ, ᑲᐯᑮᔑᒃ ᑲᔦ ᓂᑮᐸᐹᒫᐅᒃ ᑭᒋᑲᒦᕽ᙮ 26#Acts 9.23; 14.5. ᒨᔕᒃ ᑲᔦ ᐁᐸᐹᒥᐊᔮᔮᓐ, ᐁᑮᓇᓃᓵᓂᓯᔮᓐ ᒋᓂᑭᐲᔮᓐ ᓰᐲᑳᕽ, ᐁᑮᓇᓃᓵᓂᐃᐙᒡ ᑲᔦ ᑮᒨᒋᔥᑲᒃ, ᐁᑮᓇᓃᓵᓂᐃᐙᒡ ᑲᔦ ᒎᐗᒃ ᑲᔦ ᐁᑳ ᑳᒎᐎᐎᓯᒀ, ᐁᑮᓇᓃᓵᓂᓯᔮᓐ ᑲᔦ ᑭᒋᐆᑌᓈᑳᕽ, ᐁᑮᓇᓃᓵᓂᓯᔮᓐ ᑲᔦ ᐱᑾᑕᑲᒥᑯᕽ, ᐁᑮᓇᓃᓵᓂᓯᔮᓐ ᑲᔦ ᑭᒋᑲᒦᕽ, ᐁᑮᓇᓃᓵᓂᐃᐙᒡ ᑲᔦ ᐃᑭ ᑳᑮᐊᓇᒥᐁᑳᓱᐙᒡ᙮ 27ᐋᐱᒋ ᑕᔥ ᑲᔦ ᐁᑮᑭᒋᐊᓄᑮᔮᓐ, ᐁᑮᑲᒀᑕᑭᓭᔮᓐ ᑲᔦ, ᒨᔕᒃ ᑲᔦ ᐌᐌᓂ ᐁᑮᓂᐹᓯᐙᓐ, ᒨᔕᒃ ᑲᔦ ᐁᑮᐐᐐᓯᓂᔮᓐ, ᐁᑮᐐᒥᓂᑴᔮᓐ ᑲᔦ, ᒨᔕᒃ ᑲᔦ ᒦᒋᒻ ᑌᒥᓂᒃ ᐁᑮᐊᔮᓯᐙᓐ, ᐊᑾᒌᕽ ᑲᔦ ᒨᔕᒃ ᐁᑮᐊᔮᔮᓐ, ᐁᑮᑮᑲᒋᔮᓐ ᑲᔦ ᒨᔕᒃ᙮ 28ᑳᐐᓐ ᑕᔥ ᐐᓐ ᑲᑭᓇ ᑫᑰᓇᓐ ᓂᐐᐐᑕᓰᓇᓐ᙮ ᐁᑕᓱᑮᔑᒃ ᑲᔦ ᐁᐅᒋᑯᓯᑴᑕᒫᓐ ᐁᓈᓈᑲᑕᐌᓂᒪᒀ ᐅᑌᐺᑕᒨᒃ ᑲᑭᓇ ᐊᔮᐎᓂᕽ ᑳᐃᔑᒫᐗᒋᐃᑎᐙᒡ᙮ 29ᐊᐎᔭ ᓴ ᑮᒪᒉᓂᒧᒡ ᐋᐱᒋ ᓴ ᓂᑯᐹᑌᓂᒫ᙮ ᐊᐎᔭ ᑲᔦ ᑮᐃᔑᐎᓂᓐᒡ ᒪᒋᑑᑕᒧᐎᓂᕽ, ᐋᐱᒋ ᓴ ᓂᑭᒋᒫᓀᑕᒻ᙮
30ᑮᔥᐱᓐ ᑕᔥ ᐐᒪᒦᒀᓂᑎᓱᔮᓐ, ᒦ ᓴ ᐃᓂ ᑫᑕᔑᑕᒫᓐ ᒋᐐᑕᒫᓐ ᐋᓃᓐ ᐁᔑᓃᓇᒥᓯᔮᓐ᙮ 31ᑭᔐᒪᓂᑑᓐ ᑳᑎᐯᒋᑫᒡ ᒋᓴᔅ ᑳᐅᔫᓯᒡ ᒨᔕᒃ ᑳᒦᑴᒋᐌᓂᒥᒥᓐᒡ, ᓂᑭᑫᓂᒥᒃ ᐁᑳ ᐁᑮᐗᓂᒧᓯᐙᓐ᙮ 32#Acts 9.23-25. ᐌᑎ ᑕᔥ ᒣᒀ ᑎᒫᔅᑲᓯᕽ Damascus ᑮᐊᔮᔮᓐ, ᐊᐊ ᓴ ᐋᓂᑫᐅᑭᒫ ᑳᑮᑎᐯᓂᒥᑯᒡ ᐃᓂ ᑭᒋᐅᑭᒫᓐ ᐊᕒᐄᑕᓴᓐ Aretas ᐅᑮᐊᓵᐞ ᔑᒫᑲᓂᔕᐞ ᒥᓯᐌ ᑭᒋ ᐃᔥᒀᑌᒥᑳᕽ ᐁᐐᑲᑴᑕᑯᓂᒡ᙮ 33ᐃᐃᒫ ᑕᔥ ᑳᑮᐃᔑᐸᑯᓀᔮᒃ ᑳᔑᐙᑳᔮᐱᑭᓂᑳᑌᒃ ᐆᑌᓇ ᒦ ᐃᒫ ᓂᑮᐅᒋ ᓃᓵᐲᑭᓂᑰ, ᑭᒋᐐᑯᐲᒪᑲᑯᕽ ᐁᑮᐃᔑᑳᓂᑰᔮᓐ᙮ ᒦᑕᔥ ᐃᐃᒫ ᑳᑮᐅᒋᔖᐾᑲᑕᐗᒃ ᐊᐊ ᑭᒋᐅᑭᒫ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society