Neniyo 10

Neniyoʼmo Taigalisi aniʼmo agiʼnaleʼmo maiʼneno alagamuna agegekana huno ageʼniya gemae

1Sailasiʼa Pesiya kini vekamo loleʼe magoʼe kafugamo yagaino neʼapategenoʼaeʼmo Gotiʼa mago gemo Neniyoʼmo alu agiʼamo Melatasasafeʼmo ha paiʼniye. Ani gemo alopa kame kavafeʼmo alagi lama gemo afole aisiya kavafeʼmo huʼniye. Neniyoʼmo alagamuna agetenoʼaeʼmo aepaʼamo ageʼniye. 2-3Ani kana yaʼmo afole aisiyaʼmofeʼmo nagaemo Neniyoʼnamo loleʼe magoʼe sotamo yulagefa aiteʼna alagepa neʼyaʼmo afu ameʼamofi nofi alagafati aniʼmofi huʼna mosiʼnove. Nagaemo uvelimo ofaleʼna maime maime neʼogeno loleʼe magoʼe sotamo uno hano huʼniye. 4Inagi napa vani kaiʼmo tuveti fo afinaʼmo nagaemo alopa aniʼmo Taigalisi ani agiʼnaleʼmo hetiʼna maiʼneʼnaeʼmo 5#Le 1:13-15aliʼna maku huʼna ageʼnovana nahaopaleʼmo mago vekamo alagepa kukenamo vaino aliteno mapaluʼamo alagepa goliletiʼmo alo huʼnaya mapaluʼmo aeno aliʼnigeʼna ageʼnove. 6#Le 2:18Agufaletiʼmo mago kanale alagepa yafaʼmoʼa aeno ha neleya agufa kava huno aeno ha leʼnigeno augosafatiʼmo alino alave alave hugekana huʼnigeno aulagalapatiʼmo atagana huno aeno haleʼniye. Aiya ayaʼamoʼmo haesa aenimoʼmo aeno ha neleya kava huno aeno ha leʼniye. Asole vayaʼmogi apake neʼaigekana agufa gemo huʼnigeʼna afiʼnove. 7Nagaiʼnimo magoke Neniyoʼnageʼmo ani alagamuna agegekana kavaʼmo huʼna ageʼnove. Apakaemo nagaeʼe magokepi lokaeʼa maiʼnaya vayaʼmogimo ani alagamuna agegekana kavaʼmo huʼna ageʼnova kavaʼmo oʼageʼnayaʼmonanafa lusi kava huʼa koli huteʼa apaune heʼa uʼa fala kiʼnae. 8Inagi nagaiʼnimo magokeʼageʼmo maiʼneʼna alagamuna agegekana kavaʼmo huʼna magoʼe huʼna ageliʼna uʼnogeno lokiyaʼnimo hano huʼnigeno alu naugosamo kaliʼniye. 9Ani vekamoʼmo age aiʼnigeʼna afiteʼnaeʼmo faliʼnegekana huʼna havaeteʼna naugosalegatiʼmo mopafi asagauʼna aiʼnove. 10Mago vekamoʼmo name aliteno ayatetiʼmo alino he tino nateʼnigeʼna naleʼya faiteʼna nayatetiʼmo mopaleʼmo faiteʼna maiʼnogeno lusi atete nahauʼniye. 11#Nen 9:23Ani vekamoʼmo naha painoʼaeʼmo, Neniyo, huno, Gotiʼa kagaefeʼmo lusi kava huno hauʼniye. Gotiʼa alino nateʼnigeʼna kagaetegamo emiʼneʼnovaʼmofeʼmo kagaemo he tika maiʼneka nagaemo kaha paisuva gemo alagepa huka kagetafo huka afiyo, huno naha paiʼnigeʼnaeʼmo atete nahauʼnigeʼnaeʼmo he tiʼnove. 12Agaemo magoʼe gemo naha painoʼaeʼmo, Neniyo, huno, koli osuvo. Kagaemo aepa faika Goti gemo aepaʼamo agesanafe huge kagufamo alika afepi atege huʼnana afinaʼmo Gotiʼa nunumuʼmo huʼnana gemo afiteno alino nateʼnigeʼna emiʼneʼnove. 13#Nen 10:21; 12:1Nagaemo emiʼnesuvafe huvaʼmonanafa Pesiya kote neʼyagaiya vekamoʼmo tuveti vani afinaʼmo ka akanino nateʼniye. Inagi nagaiʼnigeʼmo Pesiya kote neʼyagaiya vayaʼeʼmo maiʼnovaʼmofeʼmo Maikoʼmo ala vekamo hogoteʼa neʼyagaiya vayapati vekamoʼmo naha maesiyafeʼmo eʼniye. 14Atupa afinaʼmo vayakalegamo afole aisiya kavafeʼmo ava gemo kaha paisuvafeʼmo emiʼneʼnove. Alagamuna gemo afole aisiya kavafeʼmo ava gemo haneʼniyaʼmofeʼmae, huno naha paiʼniye. 15Ani agufa gemo naha paiʼnigeʼnaeʼmo geʼnimo ohaneʼnigeʼna ape huʼna maiʼnove. 16Inagi malage huno mago ma mopafi vayakana agufa vekamoʼmo navayaleʼmo ame aliʼnigeʼna aka huʼna aepa faiʼna nage aiʼnove. Nagaemo naulagaleʼmo he tino maiʼniya vekaeʼmo huʼnaeʼmo, Ala vekaʼnimogae, huʼna, nagaemo mani alagamuna agegekana huʼna ageʼnova kavaʼmoʼa kana yaʼmo nati kaeʼnigeno lokiyaʼnimo ohaneʼniye. 17Lokiya yaʼnimo hano huʼnigeno navamusaʼmo oʼaisuva kava huʼniyaʼmofeʼmo nagaemo aliʼyakamo neʼaluva vekamoʼnamo haiya kava huʼna kagaeʼeʼmo gege huguve. 18Halate ma mopafi vayakana agufa vekamoʼmo name aliteno alino lokiya vaino nateʼniye. 19#Yag 6:23Agaemo naha painoʼaeʼmo, Gotiʼa kagaefeʼmo hau ayamopafi hauʼniya vekamogae, huno, kaipamoʼmo falu huʼninageka koli osuka lokiya vaika maiyo, huno naha paiteno alino lokiya vaino nateʼniye. Inagi nagaemo huʼnaeʼmo, Ala vekaʼnimogae, huʼna, ago alika lokiya vaika nateʼnanaʼmofeʼmo ge huvo, huʼna huʼnove. 20-21#Le 12:7Agaemo hunoʼaeʼmo, Nagaemo na agufa kavatefeʼmo emiʼneʼnofi huka ageʼnapi oʼageʼnane. Hogoteʼna lama gemo mukufiʼmo mago avoʼmo kae maleʼnaya gemo kaha paiguve. Aise afinaʼmo utesigeʼna Pesiya kote yagaiʼniya vekalegamo kame hisuvafeʼmo uguve. Nagaemo neʼvisugenoʼaeʼmo Galiki kote yagaiʼniya vekamo egaiye. Nagaemo apakaetegamo kame nehugenoʼaeʼmo mago vekamoʼmo naha noʼmaefa Maikoʼa neʼyagaiya vekamoʼmo naha neʼmae.

Currently Selected:

Neniyo 10: kyg2013

Highlight

Copy

Compare