Jon Levelinga Loklox Axasep
Levelinga Loklox Axasep
Levenmaares 85-95 A.D.
Jon neni lara atnedi lasangaun mi legepura luvuttadi loklok ka anasa at ne Iesu. Buaang levenaleng neni ga emu tangtagap amisik mi ne Iesu, kuren la neni ga ven leven gugu ren la gang tonga levenanasa at ne Iesu. Mak mi ne Metiu, la ne Luk, nedi diga malagan avot levenbuk atdi la lempapaase atdi ga sixit emu mun. Ne Jon neni ga mu pit la ga malagan lempapaase ga lok petpes aleng tino. Do ata ven na levenmamalagan at ne Jon i ven ngan ta do lara vetpes mo ga malagan i, ketla na levelinga ne Jon axa ga malagan i. Neni goxo vara i do na lox asilok axa i, kuren la neni ga lok; “Mo luvuttadi loklok ka anasa ren diga lok,” ua i epovo gita lok, “Mo luvuttadi loklok ka anasa ren maga lok.” Mo do una us lavavang ne Jon ga malagan i, uba ven i do ne Iesu neni lavatturunen at lempapaase ruturun. Neni lavatturunen at lisisixam la lorooro la neni lakde mi ladan at lorooro lexen. Neni laradi loklok tatao la neni ik lok tatao avukat dik. La neni langas nedik di lok ka i uto at ne Temen dik ne Moroa. Neni lentangas atdik, la Leeme Silok atdik, la lavatturunen atdik la neni mun ne Nitna ruturun at ne Moroa.
Lengkot silok keneng at na lubuk:
1:1-18 Iesu neni ga laa meva kusu dina visix i de.
1:19-51 Iesu ga ro ka lentaba atnedi luvuttadi loklok ka anasa.
2:2–12:50 Iesu ga gugu saxaven to melamgo at limixin.
13:1–17:26 Levempapaase at ne Iesu at laanan kaala.
18:1–19:42 Larangtanga alis la lanmet at ne Iesu.
20:1–21:25 Iesu ga roo xat basinge lanmet.
Currently Selected:
Jon Levelinga Loklox Axasep: mmx
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.