ROMANS 9
9
Diyin God éí Ízrel dine'é néidiinil
1T'áá aaníígóó ádíshní, Christ bíí' nishłį́įgo doo shiyooch'íidgo yáshti' da. Jó, Níłch'i Diyinii shił ééhósingo t'áá aaníígóó ádíshní. 2Shidine'é danilíinii t'áá íiyisí bąąh shíni'go shijéí yineesgai. 3Shik'isóó, shidine'é danilíinii yisdáhidookah biniyé bitsásk'ehgi Christ bits'áshidi'doolt'eełgo shá ha'doodzih nidi, shił t'áá áko doo nít'éé'. 4Éí shidine'é bidishnínígíí Ízrel dine'é danilį́. Éí Diyin God t'áá bí ádzaago ba'áłchíní danilį́įgo néidiinil. T'áá bí bee bi'oh hodidilyéehii yee yił hólǫ́ǫ́ nít'éé'. Diyin God bibee aha'deet'áanii nídeidiilá, bibee haz'áanii ałdó'.#Ex. 6:4. Haash yit'éego Diyin God yich'į' nidahałáa dooígíí bił béédahózin. Diyin God yee nihoní'áanii baa dadeest'ą́. 5Ałk'idą́ą́' Ízrel dine'é danilíinii dabizhé'é yę́ę éí bits'ą́ą́dóó Christ diné dzizlį́į́'. Éí Diyin God jílíinii t'áá ałtsoní bee hóhólníhígíí hool'áágóó haa ha'niih le'! T'áá ákót'ée doo.
6Diyin God bizaad t'áadoo biniyéhí da silį́į́', doo dishníigo ádíshníi da. Jó, Ízrel dine'é doo t'áá ádzíłtso Diyin God néidiinilii dajílį́į da. 7Áádóó t'áá ádzíłtso doo Éíbraham ba'áłchíní dajílį́į da, azhą́ t'áá éí bits'ą́ą́dę́ę́' daho'déechíihii dajílį́į nidi, háálá Diyin God ábidííniid, Áízak bits'ą́ą́dóó na'áłchíní náás ahoolchíiłii bíká ádahodoo'niid.#Gen. 21:12. 8Jó, éí ts'ísee k'ehgo ahijoolchíłígíí#9:8 Ts'ísee k'ehgo ahijoolchíłígíí nínígíí éí Íshmeiyel Héígar biyáázh ááhyiłní. Gen. 16. Yee nihoní'áanii bik'ehgo yichíiłii, nínígíí éí Áízak Sárah biyáázh ááhyiłní. Gen. 21. doo Diyin God ba'áłchíní dajílį́į da níigo ání, nidi Diyin God t'áá bí yee nihoní'áanii bik'ehgo yichíiłii t'éiyá Éíbraham ba'áłchíní danilį́įgo yaa nitsíkees. 9Háálá díí saad yee nihoní'ą́ągo Éíbraham ííłní, Baa hoolzhiizhgo náádeeshdááł, áko Sarah biyáázh hodooleeł.#Gen. 18:10. 10Áádóó doo t'áá éí t'éiyá ákódzaa da, nidi diné t'ááłá'í, nihizhé'é yę́ę Áízak joolyéii há Rebékah i'niiltsąądgo 11áłchíní t'ah doo yichį́į́góó índa yá'át'éehii, doodaii' doo yá'át'éehii t'ah doo yaa naa'aashdą́ą́' Diyin God yitah yiyiizláa'ii bik'ehgo yá'át'ééh ájooníił dooleełígíí éí dooda, nidi Diyin God t'áá bí yíká ádííniidígíí bik'ehgo Diyin God yinahaz'áanii náás yit'ih doo biniyé 12Rebékah áyidííniid, Alą́ąjį'ígíí éí akéédę́'ígíí yá naal'a' doo.#Gen. 25:23. 13T'áá Diyin God bizaad bee ak'e'ashchíinii ánínígi át'éego, Jéíkab ayóó'óósh'ní, nidi Íisa éí jiiséłxáá'.#Mal. 1:2,3.
14Ákoshą' ha'át'íí dadidii'niił? Diyin God daats'í doo ákwii át'éégóó áánííł? Ts'ídá dooda lą́ą! 15Háálá Mózes ííłní,
T'áá háiida baa jiideeshbaałii éí baa jooshba' doo,
áádóó t'áá háiida baa a'ááh dínéesįįłii éí baa a'ááh nisin doo.#Ex. 33:19.
16Áko diné t'áá hó íiznízinii índa ájooníiłii bik'ehgo éí Diyin God doo náhodiiłteeh da, nidi t'áá bí haa a'ááh niizį́į'go t'éiyá náhodiiłtééh. 17Háálá Diyin God bizaad bee ak'e'ashchíinii biyi'dóó Féro kwííłní,
Nidi t'áá aaníí díí biniyé aláahgo naat'áanii ániishłaa;
ninahjį' shibee adziilii bééhózingo ádeeshłííł
áádóó nahasdzáán bikáá'góó shízhi' baa hane' doo.#Ex. 9:16.
18Áko Diyin God t'áá bí nízinígíí yaa a'ááh hiniizįįh, áádóó t'áá bí nízinígíí bízhą́ da'ílį́įgo áyósin.
Diyin God hashkénídzin áádóó aa a'ááh nízin
19Nihí ła' áshididoohniił, Diyin God t'áá hó íiznízinígíí t'éiyá bik'ehgo diné ááníiłgo, ha'át'íishą' biniyé t'ahdii bik'íhoji'ááh? Jó, háishą' íiznízinígíí yich'į' naaldzilgo yíneel'ą́? 20Nidi shik'is nílíinii, t'óó diné nílíinii, Diyin God bidááh yáníłti'go háishą' ásht'į́ nínízin? Da' hashtł'ish łeets'aa'ásh diné ábiilaii áyididooniił, Ha'át'íí biniyé kót'éego áshiinilaa?#Is. 29:16; 45:9. 21Hashtł'ish łeets'aa' ííł'íinii hashtł'ish t'ááłá'íígíí bits'ą́ą́dóó łeets'aa' ílíinii áádóó łeets'aa' t'áá bóhólníhígíí íidoolíiłgo bee bóhólnííh. 22T'áá ákót'éego Diyin God t'óó báhádzidgo atí'deeshłííł índa shidziil ayóó át'éii ííshjání ádeeshłííł nízingo, t'óó báhádzidgo diné atíidoolíiłgo yá nihwiiz'ą́ą́ nít'éé' yę́ę t'óó nízaadgóó yich'į' ha'oosniidgoshą' hait'ée doo? 23Bee ayóó ánísht'éii yit'íní ádeeshłííł nízingo, t'áá bítséedi yee ayóó át'éii nihee dahodooleełgo hasht'e'ninihinínilii nihaa a'ááh nízinii yee nihilááh neel'ą́. 24Jó, nihí nihíká ázhdííniidii daniidlį́, doo t'áá hazhó'ó Jew dine'é bitahdóó t'éiyá da, nidi doo Jew dine'é danilíinii bitahdóó ałdó' nihíká ázhdííniid. 25Hozéíya wolyéii binaaltsoos biyi' ánínígi át'éego:
Doo shidine'é danilį́į da yę́ę shidine'é bidideeshniił,
áádóó doo ayóó'ádaósh'níi da yę́ę ayóó'ádaósh'níinii bidideeshniił.#Hos. 2:23.
26Áádóó ákót'ée dooleeł, Shidine'é doo danohłį́į da, bi'doo'niidii
ts'ídá t'áá éí haz'ą́ągi, Diyin God hináanii ba'áłchíní danilį́ bi'di'níi dooleeł.#Hos. 1:10.
27Áádóó Aizéíyah wolyéii Ízrel dine'é yaa yáłti'go yee haadzíí',
Azhą́ Ízrel ba'áłchíní tónteel bibąąhgóó séíigi ánéelą́ą' nidi
t'áá díkwííhígo t'éiyá yisdádoo'nił,
28háálá nahasdzáán bikáa'gi Bóhólníihii yee aa nídóot'įįłii t'áadoo ła' ááhásįįhí
ts'ídá t'áá ákoh góne' tsį́įłgo ałtso ła'yidoolííł.#Is. 10:22,23.
29T'ah doo áhánééhdą́ą́' Aizéíyah yee haadzíí' yę́ęgi át'éego,
T'áá ałtsoní bee Bóhólníihii nihidine'é doo ła' ánéisįįdgóogo,
Ízrel dine'é daniidlíinii Sádam índa Gomárah dine'é ábi'disdįįd yę́ęgi ádaniit'ée doo nít'éé'.#Is. 1:9.
Ízrel dine'é hane' yá'át'éehii doo bił adaaníi da
30Ákoshą' ha'át'íí dadidii'niił? Jó, kódadidii'niił, Doo Jew dine'é danilíinii ts'ídá t'áá ákogi ádaat'éii doo hádaat'į́į da nidi Jesus dayoodlą́ągo yaa dadzólíigo ts'ídá t'áá ákogi ádaat'é daazlį́į́', 31nidi Ízrel dine'é t'éiyá, bee haz'áanii bik'eh dahoniil'į́įgo ts'ídá t'áá ákogi ádaniit'ée dooleeł danízin nít'éé', ákondi éí yee ts'ídá t'áá ákogi át'éii ch'ééh yíká ádáát'įįd. 32Ha'át'éegoshą'? Jó, Jesus doo dajoodlą́ą́góó bee haz'áanii binahjį' ch'ééh ádajíít'įįdgo éí bąą. Tsé bik'ee dazhdidoogohii biniinaa dazdeezgo'.#9:32 Tsé nínígíí éí Jesus ááhyiłní. 33Diyin God bizaad bee ak'e'ashchíinii éí tsé yaa halne'go kóní:
Jó'akon, Záíyangi tsé biniinaa dazhdidoogohii ninish'aah.
Tsé biniinaa ádił ayoolzihii át'é.
Nidi hoodlą́ągo haa dzólíhígíí doo
yaa yánízingóó ábidi'doolnííł.#Is. 28:16.
Currently Selected:
ROMANS 9: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ROMANS 9
9
Diyin God éí Ízrel dine'é néidiinil
1T'áá aaníígóó ádíshní, Christ bíí' nishłį́įgo doo shiyooch'íidgo yáshti' da. Jó, Níłch'i Diyinii shił ééhósingo t'áá aaníígóó ádíshní. 2Shidine'é danilíinii t'áá íiyisí bąąh shíni'go shijéí yineesgai. 3Shik'isóó, shidine'é danilíinii yisdáhidookah biniyé bitsásk'ehgi Christ bits'áshidi'doolt'eełgo shá ha'doodzih nidi, shił t'áá áko doo nít'éé'. 4Éí shidine'é bidishnínígíí Ízrel dine'é danilį́. Éí Diyin God t'áá bí ádzaago ba'áłchíní danilį́įgo néidiinil. T'áá bí bee bi'oh hodidilyéehii yee yił hólǫ́ǫ́ nít'éé'. Diyin God bibee aha'deet'áanii nídeidiilá, bibee haz'áanii ałdó'.#Ex. 6:4. Haash yit'éego Diyin God yich'į' nidahałáa dooígíí bił béédahózin. Diyin God yee nihoní'áanii baa dadeest'ą́. 5Ałk'idą́ą́' Ízrel dine'é danilíinii dabizhé'é yę́ę éí bits'ą́ą́dóó Christ diné dzizlį́į́'. Éí Diyin God jílíinii t'áá ałtsoní bee hóhólníhígíí hool'áágóó haa ha'niih le'! T'áá ákót'ée doo.
6Diyin God bizaad t'áadoo biniyéhí da silį́į́', doo dishníigo ádíshníi da. Jó, Ízrel dine'é doo t'áá ádzíłtso Diyin God néidiinilii dajílį́į da. 7Áádóó t'áá ádzíłtso doo Éíbraham ba'áłchíní dajílį́į da, azhą́ t'áá éí bits'ą́ą́dę́ę́' daho'déechíihii dajílį́į nidi, háálá Diyin God ábidííniid, Áízak bits'ą́ą́dóó na'áłchíní náás ahoolchíiłii bíká ádahodoo'niid.#Gen. 21:12. 8Jó, éí ts'ísee k'ehgo ahijoolchíłígíí#9:8 Ts'ísee k'ehgo ahijoolchíłígíí nínígíí éí Íshmeiyel Héígar biyáázh ááhyiłní. Gen. 16. Yee nihoní'áanii bik'ehgo yichíiłii, nínígíí éí Áízak Sárah biyáázh ááhyiłní. Gen. 21. doo Diyin God ba'áłchíní dajílį́į da níigo ání, nidi Diyin God t'áá bí yee nihoní'áanii bik'ehgo yichíiłii t'éiyá Éíbraham ba'áłchíní danilį́įgo yaa nitsíkees. 9Háálá díí saad yee nihoní'ą́ągo Éíbraham ííłní, Baa hoolzhiizhgo náádeeshdááł, áko Sarah biyáázh hodooleeł.#Gen. 18:10. 10Áádóó doo t'áá éí t'éiyá ákódzaa da, nidi diné t'ááłá'í, nihizhé'é yę́ę Áízak joolyéii há Rebékah i'niiltsąądgo 11áłchíní t'ah doo yichį́į́góó índa yá'át'éehii, doodaii' doo yá'át'éehii t'ah doo yaa naa'aashdą́ą́' Diyin God yitah yiyiizláa'ii bik'ehgo yá'át'ééh ájooníił dooleełígíí éí dooda, nidi Diyin God t'áá bí yíká ádííniidígíí bik'ehgo Diyin God yinahaz'áanii náás yit'ih doo biniyé 12Rebékah áyidííniid, Alą́ąjį'ígíí éí akéédę́'ígíí yá naal'a' doo.#Gen. 25:23. 13T'áá Diyin God bizaad bee ak'e'ashchíinii ánínígi át'éego, Jéíkab ayóó'óósh'ní, nidi Íisa éí jiiséłxáá'.#Mal. 1:2,3.
14Ákoshą' ha'át'íí dadidii'niił? Diyin God daats'í doo ákwii át'éégóó áánííł? Ts'ídá dooda lą́ą! 15Háálá Mózes ííłní,
T'áá háiida baa jiideeshbaałii éí baa jooshba' doo,
áádóó t'áá háiida baa a'ááh dínéesįįłii éí baa a'ááh nisin doo.#Ex. 33:19.
16Áko diné t'áá hó íiznízinii índa ájooníiłii bik'ehgo éí Diyin God doo náhodiiłteeh da, nidi t'áá bí haa a'ááh niizį́į'go t'éiyá náhodiiłtééh. 17Háálá Diyin God bizaad bee ak'e'ashchíinii biyi'dóó Féro kwííłní,
Nidi t'áá aaníí díí biniyé aláahgo naat'áanii ániishłaa;
ninahjį' shibee adziilii bééhózingo ádeeshłííł
áádóó nahasdzáán bikáá'góó shízhi' baa hane' doo.#Ex. 9:16.
18Áko Diyin God t'áá bí nízinígíí yaa a'ááh hiniizįįh, áádóó t'áá bí nízinígíí bízhą́ da'ílį́įgo áyósin.
Diyin God hashkénídzin áádóó aa a'ááh nízin
19Nihí ła' áshididoohniił, Diyin God t'áá hó íiznízinígíí t'éiyá bik'ehgo diné ááníiłgo, ha'át'íishą' biniyé t'ahdii bik'íhoji'ááh? Jó, háishą' íiznízinígíí yich'į' naaldzilgo yíneel'ą́? 20Nidi shik'is nílíinii, t'óó diné nílíinii, Diyin God bidááh yáníłti'go háishą' ásht'į́ nínízin? Da' hashtł'ish łeets'aa'ásh diné ábiilaii áyididooniił, Ha'át'íí biniyé kót'éego áshiinilaa?#Is. 29:16; 45:9. 21Hashtł'ish łeets'aa' ííł'íinii hashtł'ish t'ááłá'íígíí bits'ą́ą́dóó łeets'aa' ílíinii áádóó łeets'aa' t'áá bóhólníhígíí íidoolíiłgo bee bóhólnííh. 22T'áá ákót'éego Diyin God t'óó báhádzidgo atí'deeshłííł índa shidziil ayóó át'éii ííshjání ádeeshłííł nízingo, t'óó báhádzidgo diné atíidoolíiłgo yá nihwiiz'ą́ą́ nít'éé' yę́ę t'óó nízaadgóó yich'į' ha'oosniidgoshą' hait'ée doo? 23Bee ayóó ánísht'éii yit'íní ádeeshłííł nízingo, t'áá bítséedi yee ayóó át'éii nihee dahodooleełgo hasht'e'ninihinínilii nihaa a'ááh nízinii yee nihilááh neel'ą́. 24Jó, nihí nihíká ázhdííniidii daniidlį́, doo t'áá hazhó'ó Jew dine'é bitahdóó t'éiyá da, nidi doo Jew dine'é danilíinii bitahdóó ałdó' nihíká ázhdííniid. 25Hozéíya wolyéii binaaltsoos biyi' ánínígi át'éego:
Doo shidine'é danilį́į da yę́ę shidine'é bidideeshniił,
áádóó doo ayóó'ádaósh'níi da yę́ę ayóó'ádaósh'níinii bidideeshniił.#Hos. 2:23.
26Áádóó ákót'ée dooleeł, Shidine'é doo danohłį́į da, bi'doo'niidii
ts'ídá t'áá éí haz'ą́ągi, Diyin God hináanii ba'áłchíní danilį́ bi'di'níi dooleeł.#Hos. 1:10.
27Áádóó Aizéíyah wolyéii Ízrel dine'é yaa yáłti'go yee haadzíí',
Azhą́ Ízrel ba'áłchíní tónteel bibąąhgóó séíigi ánéelą́ą' nidi
t'áá díkwííhígo t'éiyá yisdádoo'nił,
28háálá nahasdzáán bikáa'gi Bóhólníihii yee aa nídóot'įįłii t'áadoo ła' ááhásįįhí
ts'ídá t'áá ákoh góne' tsį́įłgo ałtso ła'yidoolííł.#Is. 10:22,23.
29T'ah doo áhánééhdą́ą́' Aizéíyah yee haadzíí' yę́ęgi át'éego,
T'áá ałtsoní bee Bóhólníihii nihidine'é doo ła' ánéisįįdgóogo,
Ízrel dine'é daniidlíinii Sádam índa Gomárah dine'é ábi'disdįįd yę́ęgi ádaniit'ée doo nít'éé'.#Is. 1:9.
Ízrel dine'é hane' yá'át'éehii doo bił adaaníi da
30Ákoshą' ha'át'íí dadidii'niił? Jó, kódadidii'niił, Doo Jew dine'é danilíinii ts'ídá t'áá ákogi ádaat'éii doo hádaat'į́į da nidi Jesus dayoodlą́ągo yaa dadzólíigo ts'ídá t'áá ákogi ádaat'é daazlį́į́', 31nidi Ízrel dine'é t'éiyá, bee haz'áanii bik'eh dahoniil'į́įgo ts'ídá t'áá ákogi ádaniit'ée dooleeł danízin nít'éé', ákondi éí yee ts'ídá t'áá ákogi át'éii ch'ééh yíká ádáát'įįd. 32Ha'át'éegoshą'? Jó, Jesus doo dajoodlą́ą́góó bee haz'áanii binahjį' ch'ééh ádajíít'įįdgo éí bąą. Tsé bik'ee dazhdidoogohii biniinaa dazdeezgo'.#9:32 Tsé nínígíí éí Jesus ááhyiłní. 33Diyin God bizaad bee ak'e'ashchíinii éí tsé yaa halne'go kóní:
Jó'akon, Záíyangi tsé biniinaa dazhdidoogohii ninish'aah.
Tsé biniinaa ádił ayoolzihii át'é.
Nidi hoodlą́ągo haa dzólíhígíí doo
yaa yánízingóó ábidi'doolnííł.#Is. 28:16.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).