ROMANS 3
3
1Ákoshą' Jew dine'é jílíinii ha'át'íí bee t'ah atisídi haa nitsáhákees? Doodaii' ąąh náhinilgishshą' ha'át'íí bee ílį́? 2T'áá ałtsojį' t'áá íiyisí ílį́įgo át'é. Jó, alą́ąjį'ígíí éí Jew dine'é danilíinii Diyin God bizaad bee ba'ahoosdlíí'. 3Áko ła' doo da'oodlą́ą́góoshą', da' éísh t'áá bí bidooda'oodlą' bee Diyin God ba'ahódlíhígíí doo ílį́į́góó ádeile'? 4Ts'ídá dooda lą́ą! Azhą́ diné t'áá ádzíłtso dahayooch'íidgo nihwéédahwiizįįh nidi Diyin God t'áá aaníí ba'ahódlí nilíinii át'éego bééhózin le', t'áá Diyin God bizaad bee ak'e'ashchíinii ánínígi át'éego:
Nizaad bee háínídzí'ígíí t'áá aaníí át'éé góne' bee nééhodoozįįł,
índa baa nísínít'įįdgo t'áadoo bee nik'íhót'ahí da doo.#Ps. 51:4.
5Doo ts'ídá t'áá ákogi ádeiit'ínígíí bee Diyin God bits'ą́ą́dóó ts'ídá t'áá ákogi át'éii ííshjání ánáyiil'įįh, jinínígíí ha'át'íí hodidii'niił? Da' Diyin God atínihił'į́įgo doo ákǫ́ǫ́ áát'įįd daásh dadidii'niił? (Díí nihokáá' dine'é k'ehgo ádíshní.) 6Ts'ídá dooda lą́ą! Háálá Diyin God doo ákǫ́ǫ́ át'į́į́góoshą' haa yit'éego nihokáá' dine'é yaa nídóot'įįł? 7Nidi ła' ánáázhdidoo'niił, Shiyooch'ídígíí binahjį' Diyin God bit'áá'aaníinii ííshją́ą́ ííł'į́įgo baa hodoo'nihgoshą', ha'át'éego t'ahdii bąąhági ááníiłii nahalingo shaa hwiinít'į́? 8Índa ánáázhdidoo'niił, Yá'át'éehii hodooleeł biniyé haa'íshą' doo yá'ádaat'éehii baa nideiikai dooleeł. Ła' diné kójíníigo nazh'nitin danihiłníigo t'áá ádzaagóó nihik'ídaha'ááh. Ákódanihijinínígíí t'áá bą́ą́h da'jílį́į́ góne' há nidahodiyoot'ááł.
T'áadoo ła' ts'ídá t'áá ákogi ájít'éhí da
9Áko hait'é? Nihí Jew dine'é daniidlíinii daats'í t'ah aláhídi da'niidlį́? Doodayéi! Háálá t'áá íídą́ą́' Jew dine'é danilíinii áádóó doo Jew dine'é danilíinii t'áá ałtso bąąhági át'éii bibee adziilii dabótą' dishníigo bee nihich'į' haasdzíí', 10t'áá Diyin God bizaad bee ak'e'ashchíinii ánínígi át'éego:
T'áadoo ła' ts'ídá t'áá ákogi ájít'éhí da, dooda, t'ááłá'í nidi dooda;
11doo nidi ła'da ak'i'diitįįh da,
doo nidi ła'da Diyin God bééhodeesįįł nízingo háidéez'į́'í da.
12T'áá ałtso honít'i' yits'ádahaaskai,
t'áá ałtso t'áá ádzaagóó adahaaskai.
Doo nidi ła'da yá'át'éehgo ááníił da, dooda, t'ááłá'í nidi dooda.#Ps. 14:1-3; 53:1-3.
13Bidáyi' jishcháá' ąą áhoot'é nidahalin,
dabiyooch'íidgo binda'adlo'.#Ps. 5:9.
Biwooshtł'ah góne' tł'iish bibik'asda' naaziid nahalingo bizaad dabizǫ́ǫ́z.#Ps. 140:3.
14Bizadahóchį'go índa saad bik'eda'ashch'íi'ii t'éí yee yádaałti'.#Ps. 10:7.
15Da'diyoołhéełgo dił doonahjį' yich'į' ayóó ádaat'į́.
16T'áá dahidikááhgóó nida'iiłchxǫǫh índa ti'da'ayooł'nííh,
17Hózhǫ́ǫ́jí honít'i'ii doo bił béédahózin da.#Is. 59:7,8.
18Binááł Diyin God ts'ídá doo deidísin da.#Ps. 36:1.
19K'ad nihił béédahózingo bee haz'áanii Mózes baa deet'áanii ha'át'íhída nínígíí, éí bee haz'áanii yik'ehgo kéédahat'íinii yich'į' yáłti', áko t'ááłá'í jinítínígo doo hadzódziih át'éégóó áhodoolííł, háálá nihokáá' dine'é t'áá ádzíłtso Diyin God há nihodiyoo'áałgo hwee ádíhólnííh. 20Éí bąągo nihokáá' dine'é bee haz'áanii áníinii bik'eh ájooníłígíí biniit'aa doo ła' ts'ídá t'áá ákogi ájít'éego Diyin God há hadoodzih da.#Ps. 143:2; Gal. 2:16. Jó, bee haz'áanii bee diné habąąhági át'éii hoł nibéédahwiizįįh.
Haash yit'éego Diyin God éí diné t'áá ákogi ádajít'éego há hadoodzih
21Nidi k'ad t'éiyá bee haz'áanii t'áágééd Diyin God bits'ą́ą́dóó ts'ídá t'áá ákogi át'éii k'ad nihich'į' ííshją́ą́ ályaa. Éí bee haz'áanii índa Diyin God bá dahojilne'ii yę́ę baa ch'ídahodziiz'ą́. 22Jesus Christ dajoodlą́ągo baa deijólíigo#Gal. 2:16. t'éiyá Diyin God bits'ą́ą́dóó ts'ídá t'áá ákogi át'éii hwee nidahwiileeh. Éí da'oodlání t'áá ałtso bá át'é, háálá t'áá ádzíłtso t'áá ahidajíłt'é. 23Jó, diné t'áá ádzíłtso ádił nida'dziisdzíí', áko Diyin God yee ayóó át'éii bi'oh dahizhnil'ąąh. 24Nidi Diyin God bibee ajooba' t'áá jíík'e ainíláhígíí binahjį' t'áá ákogi ádajít'éego há háádoodzihgo Christ Jesus nááhwiisnii'ígíí bee hwéédahideeshchid. 25Áko Diyin God biYe' yiníł'a'go tsin ałnáoszid bąąhjį' daaztsą́ągo bidił deezna'ígíí díí dayoosdląądgo yaa dadzólíii ádił ni'iidzííh bá yóó'adahidit'aah. Díí bee Diyin God t'áá bí ts'ídá t'áá ákogi át'éii nilį́įgo ííshją́ą́ í'dólzin, háálá nahdę́ę́' ádił ni'iidzííh baa da'íldee'ii yich'į' ha'ólníigo t'óó yił át'éego hoolzhiizh. 26Díí k'ad hoolzhishígíí biyi' t'áá ákogi át'éii nilį́įgo ííshją́ą́ í'dólzin dishní, háálá ts'ídá t'áá ákogi át'éii nilį́įgo bééhózin áádóó t'áá háiida Jesus joodlą́ągo beijólíhígíí ádił ni'dziisíi'ii há yóó'iidiiz'ą́ągo, k'ad t'áá ákogi ádajít'é hałníigo há haadzíi'go bééhózin.
27Áko ádaa hodzódlíhígíishą' haidzaa? Jó, éí nahjį' kólyaa. Ha'át'íí bee haz'áanii shį́įshą' bik'ehgo? Ó'oo'nííłjí bee haz'áanii daats'í bik'ehgo? Dooda, oodlą' bee Christ ba'ahódlííjí bee haz'áanii bik'ehgo Diyin God t'áá ákogi ájít'éego há hadoodzih. 28Éí bąągo díí nihił béédahoozin, Jesus joosdląądgo beijólíigo t'éiyá ts'ídá t'áá ákogi ájít'éego Diyin God há hadoodzih, bee haz'áanii Mózes baa deet'áanii bik'ehgo ájít'éego éí doo bíighah da. 29Da' Diyin God éí Jew dine'é t'éiyá yiDiyin nilį́? Ts'ídá dooda lą́ą! Da' doo Jew dine'é danilíiniísh doo yiDiyin nilį́į da? Doo Jew dine'é danilíinii lá ałdó' yiDiyin nilį́ ni. 30Diyin God t'ááłá'í hólǫ́,#Deut. 6:4; Gal. 3:20. áko Jew dine'é, bąąh nídahineeshgizhii, bida'oodlą' bee t'áá ákogi ádaat'éego Diyin God bá hahadziih, áádóó doo Jew dine'é danilíinii, doo bąąh nídahineeshgizhii, t'áá bí bida'oodlą'ígíí bee t'áá ákogi ádaat'éego ałdó' Diyin God bá hahadziih. 31Ákót'éego da'iiniidlánígíí daats'í binahjį' bee haz'áanii nahjį' kwíilyaa? Ts'ídá dooda lą́ą! Da'iiniidlánígíí binahjį' bee haz'áanii ílį́įgo ádeíníilzin.
Currently Selected:
ROMANS 3: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ROMANS 3
3
1Ákoshą' Jew dine'é jílíinii ha'át'íí bee t'ah atisídi haa nitsáhákees? Doodaii' ąąh náhinilgishshą' ha'át'íí bee ílį́? 2T'áá ałtsojį' t'áá íiyisí ílį́įgo át'é. Jó, alą́ąjį'ígíí éí Jew dine'é danilíinii Diyin God bizaad bee ba'ahoosdlíí'. 3Áko ła' doo da'oodlą́ą́góoshą', da' éísh t'áá bí bidooda'oodlą' bee Diyin God ba'ahódlíhígíí doo ílį́į́góó ádeile'? 4Ts'ídá dooda lą́ą! Azhą́ diné t'áá ádzíłtso dahayooch'íidgo nihwéédahwiizįįh nidi Diyin God t'áá aaníí ba'ahódlí nilíinii át'éego bééhózin le', t'áá Diyin God bizaad bee ak'e'ashchíinii ánínígi át'éego:
Nizaad bee háínídzí'ígíí t'áá aaníí át'éé góne' bee nééhodoozįįł,
índa baa nísínít'įįdgo t'áadoo bee nik'íhót'ahí da doo.#Ps. 51:4.
5Doo ts'ídá t'áá ákogi ádeiit'ínígíí bee Diyin God bits'ą́ą́dóó ts'ídá t'áá ákogi át'éii ííshjání ánáyiil'įįh, jinínígíí ha'át'íí hodidii'niił? Da' Diyin God atínihił'į́įgo doo ákǫ́ǫ́ áát'įįd daásh dadidii'niił? (Díí nihokáá' dine'é k'ehgo ádíshní.) 6Ts'ídá dooda lą́ą! Háálá Diyin God doo ákǫ́ǫ́ át'į́į́góoshą' haa yit'éego nihokáá' dine'é yaa nídóot'įįł? 7Nidi ła' ánáázhdidoo'niił, Shiyooch'ídígíí binahjį' Diyin God bit'áá'aaníinii ííshją́ą́ ííł'į́įgo baa hodoo'nihgoshą', ha'át'éego t'ahdii bąąhági ááníiłii nahalingo shaa hwiinít'į́? 8Índa ánáázhdidoo'niił, Yá'át'éehii hodooleeł biniyé haa'íshą' doo yá'ádaat'éehii baa nideiikai dooleeł. Ła' diné kójíníigo nazh'nitin danihiłníigo t'áá ádzaagóó nihik'ídaha'ááh. Ákódanihijinínígíí t'áá bą́ą́h da'jílį́į́ góne' há nidahodiyoot'ááł.
T'áadoo ła' ts'ídá t'áá ákogi ájít'éhí da
9Áko hait'é? Nihí Jew dine'é daniidlíinii daats'í t'ah aláhídi da'niidlį́? Doodayéi! Háálá t'áá íídą́ą́' Jew dine'é danilíinii áádóó doo Jew dine'é danilíinii t'áá ałtso bąąhági át'éii bibee adziilii dabótą' dishníigo bee nihich'į' haasdzíí', 10t'áá Diyin God bizaad bee ak'e'ashchíinii ánínígi át'éego:
T'áadoo ła' ts'ídá t'áá ákogi ájít'éhí da, dooda, t'ááłá'í nidi dooda;
11doo nidi ła'da ak'i'diitįįh da,
doo nidi ła'da Diyin God bééhodeesįįł nízingo háidéez'į́'í da.
12T'áá ałtso honít'i' yits'ádahaaskai,
t'áá ałtso t'áá ádzaagóó adahaaskai.
Doo nidi ła'da yá'át'éehgo ááníił da, dooda, t'ááłá'í nidi dooda.#Ps. 14:1-3; 53:1-3.
13Bidáyi' jishcháá' ąą áhoot'é nidahalin,
dabiyooch'íidgo binda'adlo'.#Ps. 5:9.
Biwooshtł'ah góne' tł'iish bibik'asda' naaziid nahalingo bizaad dabizǫ́ǫ́z.#Ps. 140:3.
14Bizadahóchį'go índa saad bik'eda'ashch'íi'ii t'éí yee yádaałti'.#Ps. 10:7.
15Da'diyoołhéełgo dił doonahjį' yich'į' ayóó ádaat'į́.
16T'áá dahidikááhgóó nida'iiłchxǫǫh índa ti'da'ayooł'nííh,
17Hózhǫ́ǫ́jí honít'i'ii doo bił béédahózin da.#Is. 59:7,8.
18Binááł Diyin God ts'ídá doo deidísin da.#Ps. 36:1.
19K'ad nihił béédahózingo bee haz'áanii Mózes baa deet'áanii ha'át'íhída nínígíí, éí bee haz'áanii yik'ehgo kéédahat'íinii yich'į' yáłti', áko t'ááłá'í jinítínígo doo hadzódziih át'éégóó áhodoolííł, háálá nihokáá' dine'é t'áá ádzíłtso Diyin God há nihodiyoo'áałgo hwee ádíhólnííh. 20Éí bąągo nihokáá' dine'é bee haz'áanii áníinii bik'eh ájooníłígíí biniit'aa doo ła' ts'ídá t'áá ákogi ájít'éego Diyin God há hadoodzih da.#Ps. 143:2; Gal. 2:16. Jó, bee haz'áanii bee diné habąąhági át'éii hoł nibéédahwiizįįh.
Haash yit'éego Diyin God éí diné t'áá ákogi ádajít'éego há hadoodzih
21Nidi k'ad t'éiyá bee haz'áanii t'áágééd Diyin God bits'ą́ą́dóó ts'ídá t'áá ákogi át'éii k'ad nihich'į' ííshją́ą́ ályaa. Éí bee haz'áanii índa Diyin God bá dahojilne'ii yę́ę baa ch'ídahodziiz'ą́. 22Jesus Christ dajoodlą́ągo baa deijólíigo#Gal. 2:16. t'éiyá Diyin God bits'ą́ą́dóó ts'ídá t'áá ákogi át'éii hwee nidahwiileeh. Éí da'oodlání t'áá ałtso bá át'é, háálá t'áá ádzíłtso t'áá ahidajíłt'é. 23Jó, diné t'áá ádzíłtso ádił nida'dziisdzíí', áko Diyin God yee ayóó át'éii bi'oh dahizhnil'ąąh. 24Nidi Diyin God bibee ajooba' t'áá jíík'e ainíláhígíí binahjį' t'áá ákogi ádajít'éego há háádoodzihgo Christ Jesus nááhwiisnii'ígíí bee hwéédahideeshchid. 25Áko Diyin God biYe' yiníł'a'go tsin ałnáoszid bąąhjį' daaztsą́ągo bidił deezna'ígíí díí dayoosdląądgo yaa dadzólíii ádił ni'iidzííh bá yóó'adahidit'aah. Díí bee Diyin God t'áá bí ts'ídá t'áá ákogi át'éii nilį́įgo ííshją́ą́ í'dólzin, háálá nahdę́ę́' ádił ni'iidzííh baa da'íldee'ii yich'į' ha'ólníigo t'óó yił át'éego hoolzhiizh. 26Díí k'ad hoolzhishígíí biyi' t'áá ákogi át'éii nilį́įgo ííshją́ą́ í'dólzin dishní, háálá ts'ídá t'áá ákogi át'éii nilį́įgo bééhózin áádóó t'áá háiida Jesus joodlą́ągo beijólíhígíí ádił ni'dziisíi'ii há yóó'iidiiz'ą́ągo, k'ad t'áá ákogi ádajít'é hałníigo há haadzíi'go bééhózin.
27Áko ádaa hodzódlíhígíishą' haidzaa? Jó, éí nahjį' kólyaa. Ha'át'íí bee haz'áanii shį́įshą' bik'ehgo? Ó'oo'nííłjí bee haz'áanii daats'í bik'ehgo? Dooda, oodlą' bee Christ ba'ahódlííjí bee haz'áanii bik'ehgo Diyin God t'áá ákogi ájít'éego há hadoodzih. 28Éí bąągo díí nihił béédahoozin, Jesus joosdląądgo beijólíigo t'éiyá ts'ídá t'áá ákogi ájít'éego Diyin God há hadoodzih, bee haz'áanii Mózes baa deet'áanii bik'ehgo ájít'éego éí doo bíighah da. 29Da' Diyin God éí Jew dine'é t'éiyá yiDiyin nilį́? Ts'ídá dooda lą́ą! Da' doo Jew dine'é danilíiniísh doo yiDiyin nilį́į da? Doo Jew dine'é danilíinii lá ałdó' yiDiyin nilį́ ni. 30Diyin God t'ááłá'í hólǫ́,#Deut. 6:4; Gal. 3:20. áko Jew dine'é, bąąh nídahineeshgizhii, bida'oodlą' bee t'áá ákogi ádaat'éego Diyin God bá hahadziih, áádóó doo Jew dine'é danilíinii, doo bąąh nídahineeshgizhii, t'áá bí bida'oodlą'ígíí bee t'áá ákogi ádaat'éego ałdó' Diyin God bá hahadziih. 31Ákót'éego da'iiniidlánígíí daats'í binahjį' bee haz'áanii nahjį' kwíilyaa? Ts'ídá dooda lą́ą! Da'iiniidlánígíí binahjį' bee haz'áanii ílį́įgo ádeíníilzin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).