NUMBERS 10
10
Béésh łigaii dilní bee í'dílzoołí
1Áádóó Bóhólníihii éí Mózes yich'į' hanáánáádzíi'go ání, 2Béésh łigaii bee dilní bee í'dílzoołí naakigo íidoolíiłgo íínísin; hasht'e'nibí'dííłniił, áko éí choiníł'į́įgo Ízrel dine'é t'áá ałtso bá nídiiłts'į́įhgo áłah nádleeh doo áádóó dah nídii'néeh doo. 3Áko t'áá áłah nídiiłts'į́įhgo níbaal bii' dahozdísinii bich'éédą́ą'gi t'áá ałtso naa áłah nádleeh doo. 4Nidi t'ááłá'í nídiiłts'į́įhgo éí Ízrel dine'é bitahdę́ę́' aląąjį' naazíinii éí miilgo yinanit'a'í danilíinii naa áłah nádleeh doo. 5Áko bee i'níłníihgo éí nízaadgóó nídiiłts'į́įhgo ha'a'aahjígo dah oonéłígíí dah nídii'néeh doo. 6Áádóó bee i'níłníihgo éí naaki góne' nízaadgóó nídiiłts'į́įhgo shádi'ááhjígo dah oonéłígíí dah nídii'néeh doo, áko nihidoonéełgo nízaadgóó bá nídiiłts'į́įh doo. 7Áádóó oonéłígíí áłah ádooníiłgo éí áłts'ísígo dilní nídiiłts'į́įh doo, nidi doo bee i'ílníhígi át'éego nízaadgóó nídiiłts'į́įh da doo. 8Éran biye'ké náás ahoolchíiłii nááda'iiłniihii danilį́įgo éí dilní yee áńdadi'niih doo; díí bik'ehgo hoogáałii hool'áágóó náás oochííłgóó nihá át'ée doo. 9Áko nihikéyahgi ana'í nihich'į' nahwiiłnáago bik'ijį' anaa' ádaahłéehgo nízaadgóó éí dilní didííłts'į́įłgo bee i'dííłnih, áko Bóhólníihii nihiDiyin God binááł nihéédahodoonihgo nihi'ana'í bits' ą́ąjį' yisdádoohkah. 10Áko nihił dahózhǫ́ bijį́ áádóó dahodíínóhsingo áłah náhdleeh bá nídahoot'aah góne' índa dah néitį́į́h góne' didlidgo nááhidoonihii áádóó hózhǫ́ǫ́jí nááhániihii náádahołniihgo ałdó' éí dilní bá nídoołts'į́įh doo; díí éí nihiDiyin God binááł bee nihééhániihii át'ée doo; jó, shí Bóhólníihii nihiDiyin God nishłį́.
Sáínaidóó Ízrel dine'é dah diiná
11Naaki nááhai góne' naaki nídízííd binih naadiin jį́į́ góne' níbaal bii' hodílzinii, éí neeznáago bik'eh ó'oo'níiłii bee bééhániihii bii' sinilii, bikáá'dóó k'os dah diilzhóód. 12Áádóó Ízrel dine'é éí Sáínai honoojíídóó dah dadiiná, áko éí Péíran honoojíigi k'os niildoh. 13Díí índída nihidadziiznáago Bóhólníihii éí Mózes yich'į' yee haadzí'ígíí bik'ehgo dashdiiná. 14Júdah dine'é daníjaa'go bidah na'at'a'í yik'ehgo alą́ąjį' dah diiná; díí dah oonéłígíí éí Amínadab biye' Náshan á sizį́. 15Áádóó Ísakar dine'é dah yinéłígíí éí Zú'er biye' Niithániyel á sizį́. 16Áádóó Zébyulan dine'é dah yinéłígíí éí Híílan biye' Iiláíyab á sizį́.
17Áko níbaal bii' hodílzinii ni'diit'ą́ągo éí Gérshan áádóó Miirárai biye'ké éí níbaal bii' hodílzinii deíyeehgo dah diiná. 18Áádóó Rúben dine'é daníjaa'go bidah na'at'a'í yik'ehgo dah diiná; díí dah oonéłígíí éí Shédiyer biye' Iiláízer á sizį́. 19Índa Símiyan dine'é dah yinéłígíí éí Zúrishádai biye' Shiilúmiyel á sizį́. 20Áádóó Géed dine'é dah yinéłígíí éí Dúwel biye' Iiláíyasaf á sizį́.
21Índa Kóhath dine'é éí níbaal bii' hodílzinii góne' dadílzingo chodao'íinii deíjáahgo nihidahaazná, áko t'ah doo jínééhgóó haba' níbaal bii' hodílzinii nideiz'ą́. 22Áádóó Íífreiyim dine'é daníjaa'go bidah na'at'a'í yik'ehgo dah diiná; díí dah oonéłígíí éí Amáíhad biye' Iilíshama á sizį́. 23Índa Manáseh dine'é dah yinéłígíí éí Piidázer biye' Gaméíliyel á sizį́. 24Áádóó Bénjamin dine'é dah yinéłígíí éí Gídiyónai biye' Abáídan á sizį́.
25Áádóó Dan dine'é daníjaa'go bidah na'at'a'í yik'ehgo éí akéédę́ę́' aa ádahalyą́ą doo biniyé dah diiná: díí dah oonéłígíí éí Amishádai biye' Eihaiyíízer á sizį́. 26Áádóó Ásher dine'é dah yinéłígíí éí Ákran biye' Péígiyel á sizį́. 27Índa Náftalai dine'é dah yinéłígíí éí Íínan biye' Aháíra á sizį́. 28Kót'éego Ízrel dine'é dah deínéehii ahíłkéé' deínééh.
29Áko Mózes yaadaaní nilíní, Mídiya dine'é nilíinii Rúwel biye' Hóbab ííłní, Bóhólníihii, Kéyah nihaa dideesh'ááł, nihidííniidígóó yii'nééł; hágo tį', áko yá'át'éhígi ádaniil'į́į doo, háálá Bóhólníihii éí yá'ádaat'éehii Ízrel dine'é yeididoo'áałgo yee nihoní'ą́. 30Nít'éé' Hóbab áháłní, Doo nihił déshkai da; t'áá shí shikéyahgóó áádóó shik'éí bich'į' nihéédeeshdááł. 31Áádóó Mózes ání, Baa nánooshkąąh, doo nihits'ą́ą́' nihidíínáał da, háálá ni t'éí ééhonísin; honoojítahgi yii'néełgo nihá hwííní'į́įgo nihíí'ish doo. 32Áko nihił dínínáá ládą́ą́' yá'ádaat'éehii Bóhólníihii nihá áyoolííł dooleełígíí t'áá ákót'éego nihí ałdó' nich'į' t'áá ákódeii'níił doo.
33Áádóó Bóhólníihii bidziłdóó dashdiináago tágí jį́ joonééł; há dazdéez'į́į'go Bóhólníihii bitsits'aa' dílzinii éí bee aha'deet'áanii bii' sinilii#Ex. 25:16. halą́ąjį' yit'áałgo tágí jį́ joonééł, áko haa'ída nidahizhdoonéełgi baa nidazh'nitá. 34Áko Bóhólníihii bits'ą́ą́dóó k'os hakáa'gi jį́įgo nihináldohgo dah nízhdii'nééh.
35Nít'éé' tsits'aa' dílzinii niheet'áahgo Mózes ániih, Bóhólníihii díldzíiłgo háni'dii ni'ana'í danilíinii tanánoołka' doo; háni'dii nik'ee nidanichée doo.#Ps. 68:1. 36Áádóó hasht'e'niit'áahgo Mózes ániih, Bóhólníihii nílíinii, Ízrel dine'é t'óó ahayóí miilgo ánéelą́'ígíí bił nááhonídlǫ́ǫ le'.
Currently Selected:
NUMBERS 10: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
NUMBERS 10
10
Béésh łigaii dilní bee í'dílzoołí
1Áádóó Bóhólníihii éí Mózes yich'į' hanáánáádzíi'go ání, 2Béésh łigaii bee dilní bee í'dílzoołí naakigo íidoolíiłgo íínísin; hasht'e'nibí'dííłniił, áko éí choiníł'į́įgo Ízrel dine'é t'áá ałtso bá nídiiłts'į́įhgo áłah nádleeh doo áádóó dah nídii'néeh doo. 3Áko t'áá áłah nídiiłts'į́įhgo níbaal bii' dahozdísinii bich'éédą́ą'gi t'áá ałtso naa áłah nádleeh doo. 4Nidi t'ááłá'í nídiiłts'į́įhgo éí Ízrel dine'é bitahdę́ę́' aląąjį' naazíinii éí miilgo yinanit'a'í danilíinii naa áłah nádleeh doo. 5Áko bee i'níłníihgo éí nízaadgóó nídiiłts'į́įhgo ha'a'aahjígo dah oonéłígíí dah nídii'néeh doo. 6Áádóó bee i'níłníihgo éí naaki góne' nízaadgóó nídiiłts'į́įhgo shádi'ááhjígo dah oonéłígíí dah nídii'néeh doo, áko nihidoonéełgo nízaadgóó bá nídiiłts'į́įh doo. 7Áádóó oonéłígíí áłah ádooníiłgo éí áłts'ísígo dilní nídiiłts'į́įh doo, nidi doo bee i'ílníhígi át'éego nízaadgóó nídiiłts'į́įh da doo. 8Éran biye'ké náás ahoolchíiłii nááda'iiłniihii danilį́įgo éí dilní yee áńdadi'niih doo; díí bik'ehgo hoogáałii hool'áágóó náás oochííłgóó nihá át'ée doo. 9Áko nihikéyahgi ana'í nihich'į' nahwiiłnáago bik'ijį' anaa' ádaahłéehgo nízaadgóó éí dilní didííłts'į́įłgo bee i'dííłnih, áko Bóhólníihii nihiDiyin God binááł nihéédahodoonihgo nihi'ana'í bits' ą́ąjį' yisdádoohkah. 10Áko nihił dahózhǫ́ bijį́ áádóó dahodíínóhsingo áłah náhdleeh bá nídahoot'aah góne' índa dah néitį́į́h góne' didlidgo nááhidoonihii áádóó hózhǫ́ǫ́jí nááhániihii náádahołniihgo ałdó' éí dilní bá nídoołts'į́įh doo; díí éí nihiDiyin God binááł bee nihééhániihii át'ée doo; jó, shí Bóhólníihii nihiDiyin God nishłį́.
Sáínaidóó Ízrel dine'é dah diiná
11Naaki nááhai góne' naaki nídízííd binih naadiin jį́į́ góne' níbaal bii' hodílzinii, éí neeznáago bik'eh ó'oo'níiłii bee bééhániihii bii' sinilii, bikáá'dóó k'os dah diilzhóód. 12Áádóó Ízrel dine'é éí Sáínai honoojíídóó dah dadiiná, áko éí Péíran honoojíigi k'os niildoh. 13Díí índída nihidadziiznáago Bóhólníihii éí Mózes yich'į' yee haadzí'ígíí bik'ehgo dashdiiná. 14Júdah dine'é daníjaa'go bidah na'at'a'í yik'ehgo alą́ąjį' dah diiná; díí dah oonéłígíí éí Amínadab biye' Náshan á sizį́. 15Áádóó Ísakar dine'é dah yinéłígíí éí Zú'er biye' Niithániyel á sizį́. 16Áádóó Zébyulan dine'é dah yinéłígíí éí Híílan biye' Iiláíyab á sizį́.
17Áko níbaal bii' hodílzinii ni'diit'ą́ągo éí Gérshan áádóó Miirárai biye'ké éí níbaal bii' hodílzinii deíyeehgo dah diiná. 18Áádóó Rúben dine'é daníjaa'go bidah na'at'a'í yik'ehgo dah diiná; díí dah oonéłígíí éí Shédiyer biye' Iiláízer á sizį́. 19Índa Símiyan dine'é dah yinéłígíí éí Zúrishádai biye' Shiilúmiyel á sizį́. 20Áádóó Géed dine'é dah yinéłígíí éí Dúwel biye' Iiláíyasaf á sizį́.
21Índa Kóhath dine'é éí níbaal bii' hodílzinii góne' dadílzingo chodao'íinii deíjáahgo nihidahaazná, áko t'ah doo jínééhgóó haba' níbaal bii' hodílzinii nideiz'ą́. 22Áádóó Íífreiyim dine'é daníjaa'go bidah na'at'a'í yik'ehgo dah diiná; díí dah oonéłígíí éí Amáíhad biye' Iilíshama á sizį́. 23Índa Manáseh dine'é dah yinéłígíí éí Piidázer biye' Gaméíliyel á sizį́. 24Áádóó Bénjamin dine'é dah yinéłígíí éí Gídiyónai biye' Abáídan á sizį́.
25Áádóó Dan dine'é daníjaa'go bidah na'at'a'í yik'ehgo éí akéédę́ę́' aa ádahalyą́ą doo biniyé dah diiná: díí dah oonéłígíí éí Amishádai biye' Eihaiyíízer á sizį́. 26Áádóó Ásher dine'é dah yinéłígíí éí Ákran biye' Péígiyel á sizį́. 27Índa Náftalai dine'é dah yinéłígíí éí Íínan biye' Aháíra á sizį́. 28Kót'éego Ízrel dine'é dah deínéehii ahíłkéé' deínééh.
29Áko Mózes yaadaaní nilíní, Mídiya dine'é nilíinii Rúwel biye' Hóbab ííłní, Bóhólníihii, Kéyah nihaa dideesh'ááł, nihidííniidígóó yii'nééł; hágo tį', áko yá'át'éhígi ádaniil'į́į doo, háálá Bóhólníihii éí yá'ádaat'éehii Ízrel dine'é yeididoo'áałgo yee nihoní'ą́. 30Nít'éé' Hóbab áháłní, Doo nihił déshkai da; t'áá shí shikéyahgóó áádóó shik'éí bich'į' nihéédeeshdááł. 31Áádóó Mózes ání, Baa nánooshkąąh, doo nihits'ą́ą́' nihidíínáał da, háálá ni t'éí ééhonísin; honoojítahgi yii'néełgo nihá hwííní'į́įgo nihíí'ish doo. 32Áko nihił dínínáá ládą́ą́' yá'ádaat'éehii Bóhólníihii nihá áyoolííł dooleełígíí t'áá ákót'éego nihí ałdó' nich'į' t'áá ákódeii'níił doo.
33Áádóó Bóhólníihii bidziłdóó dashdiináago tágí jį́ joonééł; há dazdéez'į́į'go Bóhólníihii bitsits'aa' dílzinii éí bee aha'deet'áanii bii' sinilii#Ex. 25:16. halą́ąjį' yit'áałgo tágí jį́ joonééł, áko haa'ída nidahizhdoonéełgi baa nidazh'nitá. 34Áko Bóhólníihii bits'ą́ą́dóó k'os hakáa'gi jį́įgo nihináldohgo dah nízhdii'nééh.
35Nít'éé' tsits'aa' dílzinii niheet'áahgo Mózes ániih, Bóhólníihii díldzíiłgo háni'dii ni'ana'í danilíinii tanánoołka' doo; háni'dii nik'ee nidanichée doo.#Ps. 68:1. 36Áádóó hasht'e'niit'áahgo Mózes ániih, Bóhólníihii nílíinii, Ízrel dine'é t'óó ahayóí miilgo ánéelą́'ígíí bił nááhonídlǫ́ǫ le'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).