ACTS 28
28
Paul éí kéyah táyi' si'ánígíí Málta hoolyéegi naaghá
1Yisdéiikaigo índa, éí kéyah táyi' si'ánígíí Málta hoolyéego nihił béédahoozin. 2Nít'éé' ákwii kéédahat'ínígíí t'áá íiyisí nihich'į' k'é danidzin, t'áá áníiltso k'é danihó'níigo nihá dideideeshjéé', háálá nihihoníłtą́ągo deesk'aaz. 3Paul éí chizh náyiizláa'go deidíínil, nít'éé' hadoh biniinaa kǫ' biyi'dę́ę́' tł'iish hach'į' dah diilwodgo hála' yąąh dah neeshjį́į́d. 4Áko tł'iish hála' yidineeshghashgo dahoołtsą́ągo ałch'į' hadaasdzíi'go ádaaní, Doo doodagóoga' díí hastiin diné yiyiisxíinii nilį́į́ lá, azhą́ tónteel bits'ą́ąjį' yisdájííyáa nidi ts'ídá t'áá k'ééhodi'doolnííł lá. 5Ákondi tsídzi'jį' hála' jíígháadgo tł'iish t'áadoo haa dahoolaa da. 6Jidínóolyoł, éí doodago t'áadoo hooyání naa'azhdootłishgo dazdootsaał sha'shin danízingo ch'ééh naháaztą́, nidi nízaadgóó bee dahodíína' nidi t'áadoo haa dadziidzaagóó bił béédahoozingo, łahgo át'éego tsíńdadeezkééz, áko, Diyin jílį́į́ lá, dadííniid.
7Éí kéyah táyi' si'ánígíí bikáa'gi kéédahat'íinii binanit'a'í nilíinii, Pábliyas yolyéii doo nízaadi bikéyah da lá. K'é nihidííniidgo táá' yiską́ąjį' ba'ałk'ee nahísíitą́ą́ nít'éé'. 8Pábliyas bizhé'é bitah honeezgaigo bitsą́ hodiniihgo sitį́į́ lá, áko Paul hoł yah ííyáago há sodoolzin índa hak'i dah deesnii'go náázdiidzá. 9Ákódzaadóó bik'ijį' diné náádaała' éí kéyah bikáa'gi bąąh nidahałniihígíí nidahaaskaigo náádabidi'yiiljéé'. 10Éí bił daniidlį́įgo t'áadoo le'é t'óó ahayóí nihaa dayiiznil, áko k'adę́ę nihił dah náá'dii'eełgo t'áá ha'át'íhída t'áá ákónéehee chodeidoo'įįłii nihá iih dayiiznil.
Romedi Paul níyá
11Ákwe'é táá' nihee nídeezidóó bik'ijį' éí kéyah táyi' si'ánígi Alezáandriyadę́ę́' tsinaa'eeł ła' ákwe'é bééhai léi' Naakií#28:11 Naakií éí Kástar áádóó Pálaks bee wójí. Táłkáá' siláago bidiyin át'éé nít'éé'. bidi'nínígíí be'elyaago bidáahjigo dah noot'ááł léi' nihił dah dii'éél. 12Sírakoosgi nihił aní'éelgo ákwe'é táá' danihiiską́. 13Áádóó naanáházhahgo, Rííjiyam hoolyéedi nihił aní'éél, áádóó t'ááłá'í yiską́ągo shádi'ááhdę́ę́' deeyolgo náábiiskání Putíyoliigi nihił aní'éél. 14Ákwe'é ałk'isóó danilíinii ła' bik'íniikaigo ba'ałk'ee tsosts'id danihiidoołkáałgo yaa nídanihooskan. Áko índa Romedi niikai. 15Áadi ałk'isóó kéédahat'ínígíí, yiikahígíí dayíínii'go, Ápiyas hoolyéego nida'iiniih bá haz'ą́ągi áádóó Da'nijahígíí Táa'go bá haz'ą́ą́ léi'gi nihidááh heeskai. Éí Paul yiyiiłtsą́ągo, Diyin God yich'į' ahééh niizį́į'go chánah násdlį́į́'. 16Áádóó Romegi niikaigo, [siláo binanit'a'í éí awáalyaaí danilínígíí siláo aląąjį' binanit'a'í yeinínil,] nidi Paul éí t'áá sahdii siláo baa áhályánígíí yił bighan doogo baa deet'ą́.
Romegi Paul halne'
17Ákódzaadóó táá' yiską́ągo Paul éí Jew dine'é ákwe'é kéédahat'ínígíí yá aląąjį' naazíinii hágo yidííniid, áko baa áłah silį́į'go áyidííniid, Shik'isóó, azhą́ diné bich'į' doo bąąhági ásdzaa da nidi, áádóó danihizhé'é yę́ę bi'é'él'į' doo bik'ijį' nishłį́į da nidi, Jerúsalemdę́ę́' awáalyaaí nishłį́įgo Rome dine'é bílák'ee shi'dooltį́. 18Áko íídą́ą́' áadi nidashídééłkidgo, biniinaa shidi'yoolyéełii t'áá ádingo, t'óó hwéédadidiichił daniizį́į́'. 19Nidi Jew dine'é dooda daaníigo hadaasdzí'ígíí biniinaa, Síízar shaa nídóot'įįł,#Acts 25:11. dishníigo yich'į' ashídeizyil, azhą́ shidine'é ha'át'íhígíida bee bik'i hodideesh'áałii ádin nidi. 20Éí bąą danihiideestséełgo ałch'į' hadadiidzih biniyé hágo danihidííniid, háálá Ízrel dine'é nidayólíii biniinaa díí béésh da'ahólzha'í bee dashi'diistł'ǫ́. 21Áko ádahodííniid, Judíyadę́ę́' naaltsoos naa halne'go doo ła' nihaa nína' da, áádóó nihidine'é áádę́ę́' neheeskaígíí nidi ła' doo ákwii ánít'éégóó doo naa ch'ídahaz'ą́ą da. 22Nidi bee nitsíníkeesii ná dadidiits'į́į́ł daniidzin, háálá díí nahadlá bee ałts'á'áldah ha'nínígíí t'áá ałtsogóó dooda daha'níigo bee yádaati'go nihił béédahózin.
23Áko há nidahaz'ą́ bijį́į́ góne', dzizdáagi t'óó ahayóí haa áłah silį́į́'. Abínídóó i'íí'ą́ąjį' t'áá bééhózínígo Diyin God bee bóhólníihgo bił haz'áanii bee bił hojilne'go, Jesus éí Christ nilį́įgo bee bíni' bá ádahozhdoolííł biniyé bee haz'áanii Mózes baa deet'áanii índa Diyin God yá dahalne'ii yę́ę bindaaltsoos binahjį' t'áá íiyisí nazneeztą́ą́'. 24Áko ła' bee hadziisdzí'ígíí dayoosdląąd, ła' éí t'áadoo dayoosdląąd da. 25Áko t'áá bí ałts'ákahgo Paul díí yee hanááhaasdzíí'dóó bik'ijį' t'óó dah nídahidiikai, T'áá aaníí Níłch'i Diyinii kóníigo, Aizéíyah Diyin God yá halne'ii danihizhé'é yę́ę yich'į' yee haadzíí'!
26Díí diné baa nínáahgo kóbidiní:
T'áá aaníí dadidoohts'į́įł nidi, ts'ídá doo bik'idadi'doohtį́įł da,
áádóó t'áá aaníí daah'į́į dooleeł nidi, ts'ídá doo deidoołtséeł da.
27Háálá díí dine'é bijéí daneelk'ah,
áádóó jéé'ádahodeeskał, índa daniilch'iil;
doodago éí dabináá' yee da'iidoołtsééł,
áádóó dabijaa' yee dadi'doots'į́į́ł,
índa bijéí yee ak'idadi'dootį́į́ł,
áko shich'į' ninádookahgo náádabidideeshłááł.#Is. 6:9,10.
28Áko díí Diyin God bits'ą́ą́dę́ę́' bee yisdá'iildéehii éí doo Jew dine'é danilíinii bich'į' ályaaígíí nihił béédahózin le'; éí dayíists'ą́ą' doo. 29[Nít'éé' díí saad bee hadzoodzíi'go, Jew dine'é t'áá íiyisí ałghada'dit'áahgo anáhaaskai.]
30Áko Paul ákwii naaki nááhaijį' t'áá bí yik'é asłáago bighan nít'éé', áko baa dahakáhígíí t'áá ałtso bił yá'át'ééh. 31Diyin God bee bóhólníihgo bił haz'áanii yaa halne' áádóó t'áadoo bahat'aadí Bóhólníihii Jesus Christ yaa halne' índa t'áadoo niitł'ahí yee na'nitin nít'éé'.
Currently Selected:
ACTS 28: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 28
28
Paul éí kéyah táyi' si'ánígíí Málta hoolyéegi naaghá
1Yisdéiikaigo índa, éí kéyah táyi' si'ánígíí Málta hoolyéego nihił béédahoozin. 2Nít'éé' ákwii kéédahat'ínígíí t'áá íiyisí nihich'į' k'é danidzin, t'áá áníiltso k'é danihó'níigo nihá dideideeshjéé', háálá nihihoníłtą́ągo deesk'aaz. 3Paul éí chizh náyiizláa'go deidíínil, nít'éé' hadoh biniinaa kǫ' biyi'dę́ę́' tł'iish hach'į' dah diilwodgo hála' yąąh dah neeshjį́į́d. 4Áko tł'iish hála' yidineeshghashgo dahoołtsą́ągo ałch'į' hadaasdzíi'go ádaaní, Doo doodagóoga' díí hastiin diné yiyiisxíinii nilį́į́ lá, azhą́ tónteel bits'ą́ąjį' yisdájííyáa nidi ts'ídá t'áá k'ééhodi'doolnííł lá. 5Ákondi tsídzi'jį' hála' jíígháadgo tł'iish t'áadoo haa dahoolaa da. 6Jidínóolyoł, éí doodago t'áadoo hooyání naa'azhdootłishgo dazdootsaał sha'shin danízingo ch'ééh naháaztą́, nidi nízaadgóó bee dahodíína' nidi t'áadoo haa dadziidzaagóó bił béédahoozingo, łahgo át'éego tsíńdadeezkééz, áko, Diyin jílį́į́ lá, dadííniid.
7Éí kéyah táyi' si'ánígíí bikáa'gi kéédahat'íinii binanit'a'í nilíinii, Pábliyas yolyéii doo nízaadi bikéyah da lá. K'é nihidííniidgo táá' yiską́ąjį' ba'ałk'ee nahísíitą́ą́ nít'éé'. 8Pábliyas bizhé'é bitah honeezgaigo bitsą́ hodiniihgo sitį́į́ lá, áko Paul hoł yah ííyáago há sodoolzin índa hak'i dah deesnii'go náázdiidzá. 9Ákódzaadóó bik'ijį' diné náádaała' éí kéyah bikáa'gi bąąh nidahałniihígíí nidahaaskaigo náádabidi'yiiljéé'. 10Éí bił daniidlį́įgo t'áadoo le'é t'óó ahayóí nihaa dayiiznil, áko k'adę́ę nihił dah náá'dii'eełgo t'áá ha'át'íhída t'áá ákónéehee chodeidoo'įįłii nihá iih dayiiznil.
Romedi Paul níyá
11Ákwe'é táá' nihee nídeezidóó bik'ijį' éí kéyah táyi' si'ánígi Alezáandriyadę́ę́' tsinaa'eeł ła' ákwe'é bééhai léi' Naakií#28:11 Naakií éí Kástar áádóó Pálaks bee wójí. Táłkáá' siláago bidiyin át'éé nít'éé'. bidi'nínígíí be'elyaago bidáahjigo dah noot'ááł léi' nihił dah dii'éél. 12Sírakoosgi nihił aní'éelgo ákwe'é táá' danihiiską́. 13Áádóó naanáházhahgo, Rííjiyam hoolyéedi nihił aní'éél, áádóó t'ááłá'í yiską́ągo shádi'ááhdę́ę́' deeyolgo náábiiskání Putíyoliigi nihił aní'éél. 14Ákwe'é ałk'isóó danilíinii ła' bik'íniikaigo ba'ałk'ee tsosts'id danihiidoołkáałgo yaa nídanihooskan. Áko índa Romedi niikai. 15Áadi ałk'isóó kéédahat'ínígíí, yiikahígíí dayíínii'go, Ápiyas hoolyéego nida'iiniih bá haz'ą́ągi áádóó Da'nijahígíí Táa'go bá haz'ą́ą́ léi'gi nihidááh heeskai. Éí Paul yiyiiłtsą́ągo, Diyin God yich'į' ahééh niizį́į'go chánah násdlį́į́'. 16Áádóó Romegi niikaigo, [siláo binanit'a'í éí awáalyaaí danilínígíí siláo aląąjį' binanit'a'í yeinínil,] nidi Paul éí t'áá sahdii siláo baa áhályánígíí yił bighan doogo baa deet'ą́.
Romegi Paul halne'
17Ákódzaadóó táá' yiską́ągo Paul éí Jew dine'é ákwe'é kéédahat'ínígíí yá aląąjį' naazíinii hágo yidííniid, áko baa áłah silį́į'go áyidííniid, Shik'isóó, azhą́ diné bich'į' doo bąąhági ásdzaa da nidi, áádóó danihizhé'é yę́ę bi'é'él'į' doo bik'ijį' nishłį́į da nidi, Jerúsalemdę́ę́' awáalyaaí nishłį́įgo Rome dine'é bílák'ee shi'dooltį́. 18Áko íídą́ą́' áadi nidashídééłkidgo, biniinaa shidi'yoolyéełii t'áá ádingo, t'óó hwéédadidiichił daniizį́į́'. 19Nidi Jew dine'é dooda daaníigo hadaasdzí'ígíí biniinaa, Síízar shaa nídóot'įįł,#Acts 25:11. dishníigo yich'į' ashídeizyil, azhą́ shidine'é ha'át'íhígíida bee bik'i hodideesh'áałii ádin nidi. 20Éí bąą danihiideestséełgo ałch'į' hadadiidzih biniyé hágo danihidííniid, háálá Ízrel dine'é nidayólíii biniinaa díí béésh da'ahólzha'í bee dashi'diistł'ǫ́. 21Áko ádahodííniid, Judíyadę́ę́' naaltsoos naa halne'go doo ła' nihaa nína' da, áádóó nihidine'é áádę́ę́' neheeskaígíí nidi ła' doo ákwii ánít'éégóó doo naa ch'ídahaz'ą́ą da. 22Nidi bee nitsíníkeesii ná dadidiits'į́į́ł daniidzin, háálá díí nahadlá bee ałts'á'áldah ha'nínígíí t'áá ałtsogóó dooda daha'níigo bee yádaati'go nihił béédahózin.
23Áko há nidahaz'ą́ bijį́į́ góne', dzizdáagi t'óó ahayóí haa áłah silį́į́'. Abínídóó i'íí'ą́ąjį' t'áá bééhózínígo Diyin God bee bóhólníihgo bił haz'áanii bee bił hojilne'go, Jesus éí Christ nilį́įgo bee bíni' bá ádahozhdoolííł biniyé bee haz'áanii Mózes baa deet'áanii índa Diyin God yá dahalne'ii yę́ę bindaaltsoos binahjį' t'áá íiyisí nazneeztą́ą́'. 24Áko ła' bee hadziisdzí'ígíí dayoosdląąd, ła' éí t'áadoo dayoosdląąd da. 25Áko t'áá bí ałts'ákahgo Paul díí yee hanááhaasdzíí'dóó bik'ijį' t'óó dah nídahidiikai, T'áá aaníí Níłch'i Diyinii kóníigo, Aizéíyah Diyin God yá halne'ii danihizhé'é yę́ę yich'į' yee haadzíí'!
26Díí diné baa nínáahgo kóbidiní:
T'áá aaníí dadidoohts'į́įł nidi, ts'ídá doo bik'idadi'doohtį́įł da,
áádóó t'áá aaníí daah'į́į dooleeł nidi, ts'ídá doo deidoołtséeł da.
27Háálá díí dine'é bijéí daneelk'ah,
áádóó jéé'ádahodeeskał, índa daniilch'iil;
doodago éí dabináá' yee da'iidoołtsééł,
áádóó dabijaa' yee dadi'doots'į́į́ł,
índa bijéí yee ak'idadi'dootį́į́ł,
áko shich'į' ninádookahgo náádabidideeshłááł.#Is. 6:9,10.
28Áko díí Diyin God bits'ą́ą́dę́ę́' bee yisdá'iildéehii éí doo Jew dine'é danilíinii bich'į' ályaaígíí nihił béédahózin le'; éí dayíists'ą́ą' doo. 29[Nít'éé' díí saad bee hadzoodzíi'go, Jew dine'é t'áá íiyisí ałghada'dit'áahgo anáhaaskai.]
30Áko Paul ákwii naaki nááhaijį' t'áá bí yik'é asłáago bighan nít'éé', áko baa dahakáhígíí t'áá ałtso bił yá'át'ééh. 31Diyin God bee bóhólníihgo bił haz'áanii yaa halne' áádóó t'áadoo bahat'aadí Bóhólníihii Jesus Christ yaa halne' índa t'áadoo niitł'ahí yee na'nitin nít'éé'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).