ACTS 26
26
Agrípa bidááhdóó Paul ách'ą́ą́h haadzíí'
1Áko Agrípa éí Paul áyidííniid, T'áá ni ádá hadidíídzihgo bee na'deet'ą́. Áko Paul dah didiilnii'go ák'i hadoodzíí':
2Agrípa aláahgo naat'áanii nílíinii, Jew dine'é yee shik'i dahodii'áanii t'áá ałtso, díí jį́ ninááł bee ák'i hadideesdzihígi baa shił hózhǫ́ nisingo ádaa nitséskees, 3háálá Jew dine'é bi'é'él'į' áádóó bee baa náhát'íinii t'áá ałtso t'áá íiyisí nił bééhózin; éí bąągo hazhó'ó ha'íínílníigo shididííts'į́įłgo nánooshkąąh.
4T'ah biyázhí nishłį́į́dóó wóshdę́ę́', t'áá shí shidine'é bitahgi hinishnáago, Jerúsalemgi ánísht'éé nít'éé' yę́ę Jew dine'é t'áá ałtso bił béédahózin. 5T'áá ałk'idą́ą́' shéédahodzísin, áko nihinahagha' aláahdi át'éego deidísingo yee dah yikahii bik'ehgo Férisii#Acts 23:6; Phil. 3:5. nishłį́įgo hinishnáá nít'é'ígíí bee shaa nidahozhdoolnih ládą́ą́' shá dahozhdoolnih. 6Áko aa deet'áanii Diyin God éí nihizhé'é yę́ę yá haadzíi'ii bíká shił chohoo'íinii bee shaa náhát'į́įgo kwe'é sézį́. 7Nihidine'é naakits'áadahgo ał'ąą dine'é danilíinii t'áá ákwíí tł'éé' índa t'áá ákwíí jį́ Diyin God yich'į' nidahałáago éidíígíí nihá bohodoolnííł danízingo nidayólí. Áko aláahgo naat'áanii nílíinii, díí bee ił chohoo'íinii biniinaa Jew dine'é shik'i dahodii'ą́! 8Diyin God éí daneeznáanii néididoołjahígíishą' ha'át'éego ts'ídá doo daohdląąh át'éégóó baa nitsídaahkees?
9T'áá aaníí shí ałdó', Názarethdóó Jesus bízhi' bik'ijį' nishłį́įgo nitsísékééz. 10Áko Jerúsalemgi t'áá ákót'éego baa niséyá; aláahgo nááda'iiłniihii yee shídahółníihgo, Diyin God bidiyį́į́' lą'í awáalyaa góne' yah ahénil, nidi doo t'áá ákót'éhí t'éiyá da, nidabidi'dootsiłjį' nidi bee lą́ ni'iishłeeh nít'éé'. 11T'áá ahą́ą́h kin bii' áłah nída'adleehí naaznilgóó atídaash'į́į́ nít'éé', áádóó Jesus dayódziih dooleełgi nidi ch'ééh ádéíł'įįd; bich'į' t'áá íiyisí ádéé hoosdzíidgo náánáła' dine'é bikin hadaas'áágóó nidi ałdó' atídaash'į́į́ nít'éé'.#Acts 8:3; 22:4,5.
Paul oosdląądígíí yaa halne'
(Acts 9:1-19; 22:6-16)
12Ákót'éego baa naasháago, aláahgo nááda'iiłniihii bee óhólníihii shaa deideez'ą́ągo Damáskasgóó dah diiyá. 13Aláahgo naat'áanii nílíinii, jó'akon, ałní'ní'ą́ągo jį́honaa'éí bits'ádi'nílídígíí bilááh át'éego shinaagóó áádóó bił yishkahígíí binaagóó yá'ąąshdę́ę́' łe'díídláád. 14Áko t'áá áníiltso ni'jį' aniidee'go, ła' Hííbrew k'ehjí shich'į' hadzoodzíi'go diséts'ą́ą́', Saul, Saul, ha'át'íishą' biniyé atíshíł'į́? T'áá íiyisí bik'e'ashch'íi'go deeníinii bik'ą́ą́h dziyítaałgo ánít'į́.#26:14 Díí binahjį' bik'idi'dootį́įłii éí béégashii ch'ééh yah azhniłkaadgo doo naabída'didzilgóó, tsin deeníinii bee náázhníshishgo nát'ą́ą́' anídziitaał łeh. 15Áko ádíshní, Háishą' ánít'į́, Bóhólníihii? Nít'éé' Bóhólníihii ání, Jesus atíníł'ínígíí éí shí ásht'į́. 16Nidi nídiidáahgo yiizįįh, háálá shiiniłtsánígíí índa nił yit'íní ání'diish'įįh dooleełígíí bee shá nanil'a' doo, áádóó bee shá nahólne' doo. Éí biniyé nich'į' yit'íní í'diishyaa áádóó nándiiłtį́. 17Jew dine'é índa doo Jew dine'é danilíinii bits'ąą naa áháshyą́ą doo, háálá doo Jew dine'é danilíinii bich'į' nideesh'aał, 18bináá' ąą ádadíílííł, áko chahałheeł bits'ą́ąjį' adinídíinjį' áádóó Séítan bibee óhólníihii bits'ą́ąjį' Diyin God yich'į' dah nídahididookah índa shich'į' ádił nida'iisíhígíí bá yóó'adahididoot'ááł, áádóó dashoodlánígíí bee Diyin God diyingo ádayiilaii bił hó dadooleełii baa dadoolyééł.
Jew dine'é índa doo Jew dine'é danilíinii bich'į' Paul bi'oodlą' yaa halne'
19Éí bąą, Agrípa aláahgo naat'áanii nílíinii, yá'ąąshdę́ę́' shił áhoodzaaígíí t'áá bik'ehgóó ásdzaa. 20Damáskasdi kéédahat'ínígíí#Acts 9:20. áłtsé, áádóó Jerúsalemgi#Acts 9:28,29. índa Judíyagi t'áá át'éé nít'éé' índa doo Jew dine'é danilíinii kóbidishníigo bee bił dahweeshne', Łahgo át'éego tsíńdahidohkeesgo Diyin God bich'į' dah nídahidoohkááh, áádóó łahgo át'éego tsíńdadookézígíí beełt'éé góne' t'áá ákwii ádaahnííł. 21Éí biniinaa Jew dine'é kin bii' sohodizin bił haz'ą́ą́ góne' dasisiłgo dashi'niiłhį́į́ nít'éé'. 22Nidi díí jį́į́góó kǫ́ǫ́ hoolzhishígíí biyi' Diyin God shíká análwo'go, diné a'ohgo ádaat'éii áádóó ayóó ádaat'éii shił bééhózinii t'éiyá bee bił nahashne'go kǫ́ǫ́ sézį́. Diyin God yá dahalne'ii índa Mózes kódahodoonííł dííniidii t'áá ákóníłtsóhígo t'áadoo bilááh ályaaí baa hashne': 23éí Christ jílíinii ts'ídá ti'hwiizhdoonihí, índa hó áłtsé dadziztsą́ą́dę́ę́' náázhdidoodáłígíí#1Cor. 15:20. binahjį' Jew dine'é índa doo Jew dine'é danilíinii hane' bee adinídíinii bee bił nahashne'.#Is. 42:6; 49:6.
Paul éí Agrípa iinídląąh yiłní
24Ákót'éego ádá hadzoodzíi'go Féstas yéego haadzíi'go ání, Paul, tsi'díníyáá lá; ayóó át'éego íhwiinił'ą́'ígíí tsi'nidiisáá lá. 25Nidi Paul ání, Féstas aláahgo ił nílíinii, doo tsi'déyáa da, nidi k'éhézdongo saad t'áá aaníinii bee yáshti'. 26Háálá Agrípa aláahgo naat'áanii jílíinii díidíígíí hoł bééhózin, áko t'áadoo ni' nishłíní hach'į' yáshti', háálá díidíígíí t'áá ałtso baa ákozniizį́į́' t'áá íiyisí hósh'ní, háálá díí doo nées'į́į'go áhóót'įįd da. 27Agrípa shinanit'a'í nílíinii, da' Diyin God yá dahalne'iísh yinídlą́? Yinídlą́ągo lá shił bééhózin ni. 28Nít'éé' Agrípa éí Paul áyidííniid, Dooládó' yáníłti'ígíí bee Jesus yoodláanii deeshłeeł biniyé k'adę́ę shíni' shá áhóléeh da. 29Nít'éé' Paul ádííniid, K'adę́ę dinínígíí éí dooda, nidi t'áá aaníí oodlání nílį́į laanaa nisin, áádóó doo t'áá ni t'éiyá da nidi díí jį́ dashidiizts'ą́'ígíí t'áá ałtso shígi ádaone' laanaa nisin, t'áá hazhó'ó díí shílátsíín aznilígíí éí doo át'ée dooleeł yę́ę nisin.
30Áádóó [ákózhdííniidgo] aláahgo naat'áanii índa naat'áanii áádóó Bernáísii índa yił dah naháaztáanii yił nídiijéé', 31áko náánáłah góne' yah aakaigo ałch'į' yádaalti'go ádaaní, Díí diné yee' biniinaa bidi'yoolyéłígíí, doodaii' biniinaa bílátsíín nidoo'niłígíí t'áá ádin lá. 32Áko Agrípa éí Féstas áyidííniid, Díí diné éí Síízar shaa nídóot'įįł doo dííniidgóó, béédidoochił nít'éé'.
Currently Selected:
ACTS 26: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 26
26
Agrípa bidááhdóó Paul ách'ą́ą́h haadzíí'
1Áko Agrípa éí Paul áyidííniid, T'áá ni ádá hadidíídzihgo bee na'deet'ą́. Áko Paul dah didiilnii'go ák'i hadoodzíí':
2Agrípa aláahgo naat'áanii nílíinii, Jew dine'é yee shik'i dahodii'áanii t'áá ałtso, díí jį́ ninááł bee ák'i hadideesdzihígi baa shił hózhǫ́ nisingo ádaa nitséskees, 3háálá Jew dine'é bi'é'él'į' áádóó bee baa náhát'íinii t'áá ałtso t'áá íiyisí nił bééhózin; éí bąągo hazhó'ó ha'íínílníigo shididííts'į́įłgo nánooshkąąh.
4T'ah biyázhí nishłį́į́dóó wóshdę́ę́', t'áá shí shidine'é bitahgi hinishnáago, Jerúsalemgi ánísht'éé nít'éé' yę́ę Jew dine'é t'áá ałtso bił béédahózin. 5T'áá ałk'idą́ą́' shéédahodzísin, áko nihinahagha' aláahdi át'éego deidísingo yee dah yikahii bik'ehgo Férisii#Acts 23:6; Phil. 3:5. nishłį́įgo hinishnáá nít'é'ígíí bee shaa nidahozhdoolnih ládą́ą́' shá dahozhdoolnih. 6Áko aa deet'áanii Diyin God éí nihizhé'é yę́ę yá haadzíi'ii bíká shił chohoo'íinii bee shaa náhát'į́įgo kwe'é sézį́. 7Nihidine'é naakits'áadahgo ał'ąą dine'é danilíinii t'áá ákwíí tł'éé' índa t'áá ákwíí jį́ Diyin God yich'į' nidahałáago éidíígíí nihá bohodoolnííł danízingo nidayólí. Áko aláahgo naat'áanii nílíinii, díí bee ił chohoo'íinii biniinaa Jew dine'é shik'i dahodii'ą́! 8Diyin God éí daneeznáanii néididoołjahígíishą' ha'át'éego ts'ídá doo daohdląąh át'éégóó baa nitsídaahkees?
9T'áá aaníí shí ałdó', Názarethdóó Jesus bízhi' bik'ijį' nishłį́įgo nitsísékééz. 10Áko Jerúsalemgi t'áá ákót'éego baa niséyá; aláahgo nááda'iiłniihii yee shídahółníihgo, Diyin God bidiyį́į́' lą'í awáalyaa góne' yah ahénil, nidi doo t'áá ákót'éhí t'éiyá da, nidabidi'dootsiłjį' nidi bee lą́ ni'iishłeeh nít'éé'. 11T'áá ahą́ą́h kin bii' áłah nída'adleehí naaznilgóó atídaash'į́į́ nít'éé', áádóó Jesus dayódziih dooleełgi nidi ch'ééh ádéíł'įįd; bich'į' t'áá íiyisí ádéé hoosdzíidgo náánáła' dine'é bikin hadaas'áágóó nidi ałdó' atídaash'į́į́ nít'éé'.#Acts 8:3; 22:4,5.
Paul oosdląądígíí yaa halne'
(Acts 9:1-19; 22:6-16)
12Ákót'éego baa naasháago, aláahgo nááda'iiłniihii bee óhólníihii shaa deideez'ą́ągo Damáskasgóó dah diiyá. 13Aláahgo naat'áanii nílíinii, jó'akon, ałní'ní'ą́ągo jį́honaa'éí bits'ádi'nílídígíí bilááh át'éego shinaagóó áádóó bił yishkahígíí binaagóó yá'ąąshdę́ę́' łe'díídláád. 14Áko t'áá áníiltso ni'jį' aniidee'go, ła' Hííbrew k'ehjí shich'į' hadzoodzíi'go diséts'ą́ą́', Saul, Saul, ha'át'íishą' biniyé atíshíł'į́? T'áá íiyisí bik'e'ashch'íi'go deeníinii bik'ą́ą́h dziyítaałgo ánít'į́.#26:14 Díí binahjį' bik'idi'dootį́įłii éí béégashii ch'ééh yah azhniłkaadgo doo naabída'didzilgóó, tsin deeníinii bee náázhníshishgo nát'ą́ą́' anídziitaał łeh. 15Áko ádíshní, Háishą' ánít'į́, Bóhólníihii? Nít'éé' Bóhólníihii ání, Jesus atíníł'ínígíí éí shí ásht'į́. 16Nidi nídiidáahgo yiizįįh, háálá shiiniłtsánígíí índa nił yit'íní ání'diish'įįh dooleełígíí bee shá nanil'a' doo, áádóó bee shá nahólne' doo. Éí biniyé nich'į' yit'íní í'diishyaa áádóó nándiiłtį́. 17Jew dine'é índa doo Jew dine'é danilíinii bits'ąą naa áháshyą́ą doo, háálá doo Jew dine'é danilíinii bich'į' nideesh'aał, 18bináá' ąą ádadíílííł, áko chahałheeł bits'ą́ąjį' adinídíinjį' áádóó Séítan bibee óhólníihii bits'ą́ąjį' Diyin God yich'į' dah nídahididookah índa shich'į' ádił nida'iisíhígíí bá yóó'adahididoot'ááł, áádóó dashoodlánígíí bee Diyin God diyingo ádayiilaii bił hó dadooleełii baa dadoolyééł.
Jew dine'é índa doo Jew dine'é danilíinii bich'į' Paul bi'oodlą' yaa halne'
19Éí bąą, Agrípa aláahgo naat'áanii nílíinii, yá'ąąshdę́ę́' shił áhoodzaaígíí t'áá bik'ehgóó ásdzaa. 20Damáskasdi kéédahat'ínígíí#Acts 9:20. áłtsé, áádóó Jerúsalemgi#Acts 9:28,29. índa Judíyagi t'áá át'éé nít'éé' índa doo Jew dine'é danilíinii kóbidishníigo bee bił dahweeshne', Łahgo át'éego tsíńdahidohkeesgo Diyin God bich'į' dah nídahidoohkááh, áádóó łahgo át'éego tsíńdadookézígíí beełt'éé góne' t'áá ákwii ádaahnííł. 21Éí biniinaa Jew dine'é kin bii' sohodizin bił haz'ą́ą́ góne' dasisiłgo dashi'niiłhį́į́ nít'éé'. 22Nidi díí jį́į́góó kǫ́ǫ́ hoolzhishígíí biyi' Diyin God shíká análwo'go, diné a'ohgo ádaat'éii áádóó ayóó ádaat'éii shił bééhózinii t'éiyá bee bił nahashne'go kǫ́ǫ́ sézį́. Diyin God yá dahalne'ii índa Mózes kódahodoonííł dííniidii t'áá ákóníłtsóhígo t'áadoo bilááh ályaaí baa hashne': 23éí Christ jílíinii ts'ídá ti'hwiizhdoonihí, índa hó áłtsé dadziztsą́ą́dę́ę́' náázhdidoodáłígíí#1Cor. 15:20. binahjį' Jew dine'é índa doo Jew dine'é danilíinii hane' bee adinídíinii bee bił nahashne'.#Is. 42:6; 49:6.
Paul éí Agrípa iinídląąh yiłní
24Ákót'éego ádá hadzoodzíi'go Féstas yéego haadzíi'go ání, Paul, tsi'díníyáá lá; ayóó át'éego íhwiinił'ą́'ígíí tsi'nidiisáá lá. 25Nidi Paul ání, Féstas aláahgo ił nílíinii, doo tsi'déyáa da, nidi k'éhézdongo saad t'áá aaníinii bee yáshti'. 26Háálá Agrípa aláahgo naat'áanii jílíinii díidíígíí hoł bééhózin, áko t'áadoo ni' nishłíní hach'į' yáshti', háálá díidíígíí t'áá ałtso baa ákozniizį́į́' t'áá íiyisí hósh'ní, háálá díí doo nées'į́į'go áhóót'įįd da. 27Agrípa shinanit'a'í nílíinii, da' Diyin God yá dahalne'iísh yinídlą́? Yinídlą́ągo lá shił bééhózin ni. 28Nít'éé' Agrípa éí Paul áyidííniid, Dooládó' yáníłti'ígíí bee Jesus yoodláanii deeshłeeł biniyé k'adę́ę shíni' shá áhóléeh da. 29Nít'éé' Paul ádííniid, K'adę́ę dinínígíí éí dooda, nidi t'áá aaníí oodlání nílį́į laanaa nisin, áádóó doo t'áá ni t'éiyá da nidi díí jį́ dashidiizts'ą́'ígíí t'áá ałtso shígi ádaone' laanaa nisin, t'áá hazhó'ó díí shílátsíín aznilígíí éí doo át'ée dooleeł yę́ę nisin.
30Áádóó [ákózhdííniidgo] aláahgo naat'áanii índa naat'áanii áádóó Bernáísii índa yił dah naháaztáanii yił nídiijéé', 31áko náánáłah góne' yah aakaigo ałch'į' yádaalti'go ádaaní, Díí diné yee' biniinaa bidi'yoolyéłígíí, doodaii' biniinaa bílátsíín nidoo'niłígíí t'áá ádin lá. 32Áko Agrípa éí Féstas áyidííniid, Díí diné éí Síízar shaa nídóot'įįł doo dííniidgóó, béédidoochił nít'éé'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).