ACTS 10
10
Peter áádóó Korníílyas
1Sesaríya hoolyéegi diné léi' Korníílyas yolyéego, neeznádiin siláo dah yikahii, Itáliyan bee wójíii, yinanit'a'í nilį́, 2hodísinii nilį́ áádóó bighandóó danilíinii t'áá ałtso Diyin God deidísingo diné badahojoobá'íígíí lą'ígóó yee jooba'ii yee yíká análwo', áádóó t'áá áłahjį' Diyin God yich'į' sodilzin. 3Wózhǫ́ yaa adeez'ą́ągo Diyin God bidiyingo naal'a'í ła' hoł yah iigháahgo jiiłtsą́. Éí, Korníílyas, hałníigo t'áadoo bahat'aadí hoł ádzaa. 4Áko jidiniilgęęzhgo nídzísdzíidgo ájíní, Bóhólníihii, ha'át'íishą' biniyé yíníyá? Nít'éé' áháłní, Nisodizinígíí Diyin God ná yidiizts'ą́ą́' índa nee ajooba' bee áká anánílwo'ígíí yee nénálniih. 5Áko k'ad diné ła' Jápagóó díł'áago Sáíman éí Peter ałdó' yolyéhígíí áádę́ę́' yił nídookah; 6éí ła' diné, ałdzéhí nilį́įgo, Sáíman ałdó' yolyéego tábąąhgi bighan, ákwii ba'ałk'ee dzizdá. [Éí baa nidíínaałii bee nił hozhdoolnih.] 7Áko diyingo naal'a'í hach'į' haadzí'ígíí dah diiyáago, há naal'a'í naakigo áádóó siláo, t'áá áłahjį' há naal'a'ígíí ła' hodísinii nilį́įgo, hágo bizhdííniid, 8áko áhoodzaaígíí t'áá ałtso bee bił hojoolne'go Jápagóó ajííł'a'.
9Biiskání kin haal'áhígíí t'áá áyídídę́ę́' bich'į' jookahgo, k'adę́ę ałné'é'aahgo Peter sodidoolzįįł biniyé kin bighą́ą'jį' haayá. 10Áadi dichin dzizlį́į'go ajóyą́ą́' laanaa jiniizį́į́', nidi t'ahdii ch'iyáán ádeiléehgo hoł áhát'į́įgo 11yádiłhił ąą át'éego, ha'át'íí shį́į́ níbaal ayóó áníłtélígíí nahalingo, t'áá dį́į́'dę́ę́' be'astł'ǫ́ǫgo ni'jį' nahííłtsoozgo jiiłtsą́. 12Éí biyi'gi nidaaldlooshii [áádóó nidaaldlooshii báádahadzidii] áádóó nidaa'na'ii índa nidaat'a'ii t'áá ał'ąą ádaat'eełii jiiłtsą́. 13Áko iinéé' ła' jidiizts'ą́ą'go áháłní, Nídiidááh, Peter; ła' naniłtseed áádóó ílghał. 14Nidi Peter ání, Doodayéi, Bóhólníihii, háálá t'áá bóhólníhígíí índa doo deidą́ą́góó bee nihá haz'áanii éí ła' ts'ídá t'ah doo yishą́ą da.#Lev. 11. 15Áko iinéé' náázdiizts'ą́ą'go ánááhodi'ní, Diyin God ha'át'íhída hasht'eyiilaii éí t'áadoo t'áá bóhólníhígíí át'é bidiníní. 16Díí táadi ákónádzaago índa yádiłhił biih nááldoh.
17Ákohgo Peter hoł áhoodzaaígíí ha'át'íí lá ááhyiłníí lá jiniizį́į'go t'óó hoł haada, nít'éé' jó'akon, Korníílyas bits'ą́ą́dę́ę́' diné dabi'deel'a'ígíí, Sáíman bighan yínda'ídíłkidgo ch'é'étiingi naazį́į́ lá, 18áko nida'ídíłkidgo ádaaní, Sáíman t'áá éí ałdó' Peter yolyéhígíísh kwe'é sidá? 19Áko Peter hoł áhoodzaaígíí baa nitsídzíkees, nít'éé' Níłch'i Diyinii áháłní, Jó'akon, diné tált'éego hádanidéez'į́į́'. 20Nídiidáahgo hadaninááh, áko t'áadoo síníti'í bił dah diikááh, háálá shí dahoníł'a'. 21Áko [Korníílyas bits'ą́ą́dę́ę́' diné dabi'deel'a'ígíí] bich'į' Peter hadajííyáago ájíní, Hádadóh'į́'ígíí éí shí ásht'į́; ha'át'íishą' biniyé noohkai? 22Áko diné yíkaígíí ádaaní, Korníílyas, siláo neeznádiingo binanit'a'í jílíinii, diné t'áá ákogi ááníiłii índa Diyin God yidísinii jílį́įgo, Jew dine'é t'áá ałtso yá'át'éehgo haa ch'ídahwii'aahii jílį́, t'áá éí diyingo naal'a'í yee hooł'a'ii bik'ehgo haghandi díínáałgo saad nits'ą́ą́dóó jididoots'į́į́ł biniyé níká dah nihizhdiił'a'. 23Áko Peter yah oohkááh jidííniidgo t'áá ákǫ́ǫ́ ha'ałk'ee dabiiską́.
Biiskání nízhdii'na'go bił dashdiikai, Jápadóó ałk'isóó danilíinii ałdó' ła' hoł yíkai. 24Náábiiskání Sesaríyadi jíkai. Korníílyas na'ólíigo bik'éí danilíinii áádóó dabich'ooní danilínígíí áłah áyiilaa lá. 25Áko Peter yah ajííyáago, Korníílyas hadááh yílwodgo hach'į' nitsidinígo'go tsé'yaa neeshjool. 26Nidi Peter náhodiidzį́įzgo áháłní, Yiizįįh; shí ałdó' t'áá diné nishłį́. 27Áko bił ałch'į' yájíłti'go bił yah ajíí'áázh, nít'éé' lą'í áłah azlį́į́' lá. 28Áko Peter hach'į' haadzíi'go ání, T'áá nihí nihił béédahózin, Jew dine'é náánáła' dine'é bił nijildeeh dooleełgo, éí doodaii' dabighangóó hootaa dajikai dooleełgo doo bee há haz'ą́ą da, ákondi Diyin God, diné ła' t'áá bóhólníhígíí índa danchxǫ́'í doo bidideeshniiłgóó shił ííshjání áyiilaa. 29Éí bąą shaa íl'a'go t'áadoo dooda nisiní nihaa níyá. Áko nanihídíshkid, Ha'át'íísh biniyé shíká nida'sooł'a'?
30Áko Korníílyas ání, Dį́į́' yiskánídą́ą́', [hodínísingo doo ashą́ą́góó] kojį' daats'í o'oolkidgo, wózhǫ́ yaa adeez'ą́ągo sodizin biniyé hoo'a'go shighan góne' sodiszin nít'éé'; jó'akon, diné léi' shidááhdóó bi'éé' bits'ádi'nílíidgo sizį́.#10:30 Diné léi' bi'éé' bits'ádi'nílíidgo, nínígíí éí diyingo naal'a'í ááhyiłníi łeh. 31Nít'éé' ání, Korníílyas, Diyin God nisodizin yidiizts'ą́ą́', áádóó badahojoobá'íii bíká anánílwo'ígíí ná yénáálnii'. 32Éí bąą Jápagóó adíł'áago Sáíman éí Peter ałdó' joolyéhígíí, hágo hodiní; éí diné ałdzéhí nilį́įgo Sáíman ałdó' yolyéego tábąąhgi bighan, ákwii ba'ałk'ee dzizdá. [Éí níyáago nich'į' hadoodzih.] 33Éí bąą t'áá áko níká i'ííł'a', áko yíníyáhígíí yá'át'éhígi íinidzaa. Áko k'ad kóne' t'áá áníiltso Bóhólníihii yee ná haadzí'ígíí t'áá ałtso dadidiits'į́į́ł biniyé Diyin God binááł áłah niidlį́.
Peter éí Korníílyas bighandi yáłti'
34Áko Peter ayá'niiłti'go ání: K'ad t'áá aaníí shił bééhoozin, Diyin God doo ał'ohgo diné yaa nitsíkees da.#Deut. 10:17. 35Nidi ał'ąą dine'é bitahdę́ę́' t'áá háiida hodísin áádóó t'áá ákogi ááníłígíí t'éiyá ádeidiit'aah. 36Ízrel dine'é bich'į' hane' ájiilaaígíí, éí Jesus Christ binahjį' hane' yá'át'éehii bee ach'į' hózhóonii baa hojoolne'go (Jesus éí diné t'áá ałtso yee bóhólníihii nilį́į́ lá), 37éí hane'ígíí t'áá íídą́ą́' nihił béédahózinii ááhdishní, John tó bee alzį́į́h baa nahodzisne'dóó bik'ijį' Gáliliidóó háát'i'ii éí Judíya kéyahgóó t'áá át'éé nít'éé' baa nahazne': 38Diyin God éí Jesus Názarethdóóígíí Níłch'i Diyinii yee índa bee adziilii yee ats'éiníłtį́, áádóó yá'át'éehii yaa naagháago níłch'i bida'iiníziinii binanit'a'í atídabił'íinii t'áá ałtso hadaałt'é áńdeidle'go Diyin God bił hólǫ́ǫgo, tádííyáhígíí baa nahazne'. 39Áko Jew dine'é bikéyahgi índa Jerúsalemgi baa nijiyáhígíí t'áá ałtso nihí dabíínáałii daniidlį́. Tsin yąąh dah dahodiiłt'e'go dahwiisxį́, 40nidi tágí jį́ aleeh góne' Diyin God nááhodiisáago ho'doot'į́įgo áhoolaa, 41doo diné t'áá ałtso dahoołtsą́ą da, nihí Diyin God nánihiizláa'ii t'éiyá dabíínáałii daniidlį́įgo, dadziztsą́ą́dę́ę́' náázdiidzáádóó bik'ijį' doodį́įłii índa doodlį́įłii hoł deiidą́ą́'. 42Áko t'áá hó ánihijiníigo bich'į' nihijííł'aad, hane' yá'át'éehii bee diné bił dahołne', dahináanii índa daneeznáanii bá nihozhdoo'ááł biniyé Diyin God nihoníłtį́ dadohníigo, t'áá aaníí nihił béédahózingo baa dahołne'. 43T'áá nááná hó, Diyin God yá dahalne'ii t'áá ałtso haa dahalne'go ádaaní, Diné t'ááłá'í nítínígo dahoodlą́ągo haa dadzólíii, házhi' binahjį' bibąąhági ádaat'éii bá yóó'ahididoot'ááł.
Doo Jew dine'é danilíinii Níłch'i Diyinii bii' dahazlį́į́'
44Peter díí t'ahdii yee yáłti'go, saad deidiizts'ą́'ígíí t'áá ałtso Níłch'i Diyinii bik'i dahoole'. 45Áko bąąh nídahineeshgizhii bitahdóó da'oodlání Peter yił yíkaígíí t'óó bił adahóóyóí, háálá doo Jew dine'é danilíinii nidi Níłch'i Diyinii bii' dahazlį́į́'. 46Háálá saad ał'ąą ádaat'éii yee yádaałti'go índa Diyin God yaa dahaniihgo deidiizts'ą́ą́'. Áko Peter haadzíi'go ání, 47Díí diné, t'áá nihígi át'éego Níłch'i Diyinii biih dahwiizle'ígíí tó bee dabidi'doolzįhgi ła'daásh dooda dohní? 48Áko Jesus Christ bízhi' binahjį' tó bee dabidi'doolzįh jiníigo bá hadzoodzíí'. Nít'éé' ádahodííniid, T'áá kǫ́ǫ́ sínídáago díkwíida yidoołkááł.
Currently Selected:
ACTS 10: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 10
10
Peter áádóó Korníílyas
1Sesaríya hoolyéegi diné léi' Korníílyas yolyéego, neeznádiin siláo dah yikahii, Itáliyan bee wójíii, yinanit'a'í nilį́, 2hodísinii nilį́ áádóó bighandóó danilíinii t'áá ałtso Diyin God deidísingo diné badahojoobá'íígíí lą'ígóó yee jooba'ii yee yíká análwo', áádóó t'áá áłahjį' Diyin God yich'į' sodilzin. 3Wózhǫ́ yaa adeez'ą́ągo Diyin God bidiyingo naal'a'í ła' hoł yah iigháahgo jiiłtsą́. Éí, Korníílyas, hałníigo t'áadoo bahat'aadí hoł ádzaa. 4Áko jidiniilgęęzhgo nídzísdzíidgo ájíní, Bóhólníihii, ha'át'íishą' biniyé yíníyá? Nít'éé' áháłní, Nisodizinígíí Diyin God ná yidiizts'ą́ą́' índa nee ajooba' bee áká anánílwo'ígíí yee nénálniih. 5Áko k'ad diné ła' Jápagóó díł'áago Sáíman éí Peter ałdó' yolyéhígíí áádę́ę́' yił nídookah; 6éí ła' diné, ałdzéhí nilį́įgo, Sáíman ałdó' yolyéego tábąąhgi bighan, ákwii ba'ałk'ee dzizdá. [Éí baa nidíínaałii bee nił hozhdoolnih.] 7Áko diyingo naal'a'í hach'į' haadzí'ígíí dah diiyáago, há naal'a'í naakigo áádóó siláo, t'áá áłahjį' há naal'a'ígíí ła' hodísinii nilį́įgo, hágo bizhdííniid, 8áko áhoodzaaígíí t'áá ałtso bee bił hojoolne'go Jápagóó ajííł'a'.
9Biiskání kin haal'áhígíí t'áá áyídídę́ę́' bich'į' jookahgo, k'adę́ę ałné'é'aahgo Peter sodidoolzįįł biniyé kin bighą́ą'jį' haayá. 10Áadi dichin dzizlį́į'go ajóyą́ą́' laanaa jiniizį́į́', nidi t'ahdii ch'iyáán ádeiléehgo hoł áhát'į́įgo 11yádiłhił ąą át'éego, ha'át'íí shį́į́ níbaal ayóó áníłtélígíí nahalingo, t'áá dį́į́'dę́ę́' be'astł'ǫ́ǫgo ni'jį' nahííłtsoozgo jiiłtsą́. 12Éí biyi'gi nidaaldlooshii [áádóó nidaaldlooshii báádahadzidii] áádóó nidaa'na'ii índa nidaat'a'ii t'áá ał'ąą ádaat'eełii jiiłtsą́. 13Áko iinéé' ła' jidiizts'ą́ą'go áháłní, Nídiidááh, Peter; ła' naniłtseed áádóó ílghał. 14Nidi Peter ání, Doodayéi, Bóhólníihii, háálá t'áá bóhólníhígíí índa doo deidą́ą́góó bee nihá haz'áanii éí ła' ts'ídá t'ah doo yishą́ą da.#Lev. 11. 15Áko iinéé' náázdiizts'ą́ą'go ánááhodi'ní, Diyin God ha'át'íhída hasht'eyiilaii éí t'áadoo t'áá bóhólníhígíí át'é bidiníní. 16Díí táadi ákónádzaago índa yádiłhił biih nááldoh.
17Ákohgo Peter hoł áhoodzaaígíí ha'át'íí lá ááhyiłníí lá jiniizį́į'go t'óó hoł haada, nít'éé' jó'akon, Korníílyas bits'ą́ą́dę́ę́' diné dabi'deel'a'ígíí, Sáíman bighan yínda'ídíłkidgo ch'é'étiingi naazį́į́ lá, 18áko nida'ídíłkidgo ádaaní, Sáíman t'áá éí ałdó' Peter yolyéhígíísh kwe'é sidá? 19Áko Peter hoł áhoodzaaígíí baa nitsídzíkees, nít'éé' Níłch'i Diyinii áháłní, Jó'akon, diné tált'éego hádanidéez'į́į́'. 20Nídiidáahgo hadaninááh, áko t'áadoo síníti'í bił dah diikááh, háálá shí dahoníł'a'. 21Áko [Korníílyas bits'ą́ą́dę́ę́' diné dabi'deel'a'ígíí] bich'į' Peter hadajííyáago ájíní, Hádadóh'į́'ígíí éí shí ásht'į́; ha'át'íishą' biniyé noohkai? 22Áko diné yíkaígíí ádaaní, Korníílyas, siláo neeznádiingo binanit'a'í jílíinii, diné t'áá ákogi ááníiłii índa Diyin God yidísinii jílį́įgo, Jew dine'é t'áá ałtso yá'át'éehgo haa ch'ídahwii'aahii jílį́, t'áá éí diyingo naal'a'í yee hooł'a'ii bik'ehgo haghandi díínáałgo saad nits'ą́ą́dóó jididoots'į́į́ł biniyé níká dah nihizhdiił'a'. 23Áko Peter yah oohkááh jidííniidgo t'áá ákǫ́ǫ́ ha'ałk'ee dabiiską́.
Biiskání nízhdii'na'go bił dashdiikai, Jápadóó ałk'isóó danilíinii ałdó' ła' hoł yíkai. 24Náábiiskání Sesaríyadi jíkai. Korníílyas na'ólíigo bik'éí danilíinii áádóó dabich'ooní danilínígíí áłah áyiilaa lá. 25Áko Peter yah ajííyáago, Korníílyas hadááh yílwodgo hach'į' nitsidinígo'go tsé'yaa neeshjool. 26Nidi Peter náhodiidzį́įzgo áháłní, Yiizįįh; shí ałdó' t'áá diné nishłį́. 27Áko bił ałch'į' yájíłti'go bił yah ajíí'áázh, nít'éé' lą'í áłah azlį́į́' lá. 28Áko Peter hach'į' haadzíi'go ání, T'áá nihí nihił béédahózin, Jew dine'é náánáła' dine'é bił nijildeeh dooleełgo, éí doodaii' dabighangóó hootaa dajikai dooleełgo doo bee há haz'ą́ą da, ákondi Diyin God, diné ła' t'áá bóhólníhígíí índa danchxǫ́'í doo bidideeshniiłgóó shił ííshjání áyiilaa. 29Éí bąą shaa íl'a'go t'áadoo dooda nisiní nihaa níyá. Áko nanihídíshkid, Ha'át'íísh biniyé shíká nida'sooł'a'?
30Áko Korníílyas ání, Dį́į́' yiskánídą́ą́', [hodínísingo doo ashą́ą́góó] kojį' daats'í o'oolkidgo, wózhǫ́ yaa adeez'ą́ągo sodizin biniyé hoo'a'go shighan góne' sodiszin nít'éé'; jó'akon, diné léi' shidááhdóó bi'éé' bits'ádi'nílíidgo sizį́.#10:30 Diné léi' bi'éé' bits'ádi'nílíidgo, nínígíí éí diyingo naal'a'í ááhyiłníi łeh. 31Nít'éé' ání, Korníílyas, Diyin God nisodizin yidiizts'ą́ą́', áádóó badahojoobá'íii bíká anánílwo'ígíí ná yénáálnii'. 32Éí bąą Jápagóó adíł'áago Sáíman éí Peter ałdó' joolyéhígíí, hágo hodiní; éí diné ałdzéhí nilį́įgo Sáíman ałdó' yolyéego tábąąhgi bighan, ákwii ba'ałk'ee dzizdá. [Éí níyáago nich'į' hadoodzih.] 33Éí bąą t'áá áko níká i'ííł'a', áko yíníyáhígíí yá'át'éhígi íinidzaa. Áko k'ad kóne' t'áá áníiltso Bóhólníihii yee ná haadzí'ígíí t'áá ałtso dadidiits'į́į́ł biniyé Diyin God binááł áłah niidlį́.
Peter éí Korníílyas bighandi yáłti'
34Áko Peter ayá'niiłti'go ání: K'ad t'áá aaníí shił bééhoozin, Diyin God doo ał'ohgo diné yaa nitsíkees da.#Deut. 10:17. 35Nidi ał'ąą dine'é bitahdę́ę́' t'áá háiida hodísin áádóó t'áá ákogi ááníłígíí t'éiyá ádeidiit'aah. 36Ízrel dine'é bich'į' hane' ájiilaaígíí, éí Jesus Christ binahjį' hane' yá'át'éehii bee ach'į' hózhóonii baa hojoolne'go (Jesus éí diné t'áá ałtso yee bóhólníihii nilį́į́ lá), 37éí hane'ígíí t'áá íídą́ą́' nihił béédahózinii ááhdishní, John tó bee alzį́į́h baa nahodzisne'dóó bik'ijį' Gáliliidóó háát'i'ii éí Judíya kéyahgóó t'áá át'éé nít'éé' baa nahazne': 38Diyin God éí Jesus Názarethdóóígíí Níłch'i Diyinii yee índa bee adziilii yee ats'éiníłtį́, áádóó yá'át'éehii yaa naagháago níłch'i bida'iiníziinii binanit'a'í atídabił'íinii t'áá ałtso hadaałt'é áńdeidle'go Diyin God bił hólǫ́ǫgo, tádííyáhígíí baa nahazne'. 39Áko Jew dine'é bikéyahgi índa Jerúsalemgi baa nijiyáhígíí t'áá ałtso nihí dabíínáałii daniidlį́. Tsin yąąh dah dahodiiłt'e'go dahwiisxį́, 40nidi tágí jį́ aleeh góne' Diyin God nááhodiisáago ho'doot'į́įgo áhoolaa, 41doo diné t'áá ałtso dahoołtsą́ą da, nihí Diyin God nánihiizláa'ii t'éiyá dabíínáałii daniidlį́įgo, dadziztsą́ą́dę́ę́' náázdiidzáádóó bik'ijį' doodį́įłii índa doodlį́įłii hoł deiidą́ą́'. 42Áko t'áá hó ánihijiníigo bich'į' nihijííł'aad, hane' yá'át'éehii bee diné bił dahołne', dahináanii índa daneeznáanii bá nihozhdoo'ááł biniyé Diyin God nihoníłtį́ dadohníigo, t'áá aaníí nihił béédahózingo baa dahołne'. 43T'áá nááná hó, Diyin God yá dahalne'ii t'áá ałtso haa dahalne'go ádaaní, Diné t'ááłá'í nítínígo dahoodlą́ągo haa dadzólíii, házhi' binahjį' bibąąhági ádaat'éii bá yóó'ahididoot'ááł.
Doo Jew dine'é danilíinii Níłch'i Diyinii bii' dahazlį́į́'
44Peter díí t'ahdii yee yáłti'go, saad deidiizts'ą́'ígíí t'áá ałtso Níłch'i Diyinii bik'i dahoole'. 45Áko bąąh nídahineeshgizhii bitahdóó da'oodlání Peter yił yíkaígíí t'óó bił adahóóyóí, háálá doo Jew dine'é danilíinii nidi Níłch'i Diyinii bii' dahazlį́į́'. 46Háálá saad ał'ąą ádaat'éii yee yádaałti'go índa Diyin God yaa dahaniihgo deidiizts'ą́ą́'. Áko Peter haadzíi'go ání, 47Díí diné, t'áá nihígi át'éego Níłch'i Diyinii biih dahwiizle'ígíí tó bee dabidi'doolzįhgi ła'daásh dooda dohní? 48Áko Jesus Christ bízhi' binahjį' tó bee dabidi'doolzįh jiníigo bá hadzoodzíí'. Nít'éé' ádahodííniid, T'áá kǫ́ǫ́ sínídáago díkwíida yidoołkááł.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).