مزامیر ۶
۶
پریشانی موقع دوعا کودن
پیله رهبرٚ وأسی کی سرود خوأنأنَ هیدایت کونه. داوودٚ مزمور. سازأنی مره کی هشت‌تأ سیم دأریدی.
۱ اَی خوداوند، خشمٚ اَمرأ مرَ وأزخوأست نوکون
و تی غیظٚ اَمرأ مرَ تنبیه نوأ کودن.
۲ خوداوندأ، مرَ لطف بوکون چونکی دِه مِره جان و رمقی نمأنسته؛
اَی خوداوند، مرَ شفا بدن، چونکی می خاشأن دردٚ جأ ایشکفتَن‌دریدی.
۳ می روح بد جوری پریشأنه
ولی، اَی خوداوند، تا کِی؟
۴ خوداوندأ، وأگرد بیأ و می جانَ خلاصَ کون؛
تی موحبتٚ وأسی مرَ نجات بدن.
۵ چونکی بمرده آدم نتأنه ترَ یاد بأوره.
کیسه کی بتأنه مورده‌یأنٚ دونیا دورون ترَ ستایش بوکونه؟
۶ ناله زِئنٚ جأ خسته‌یم.
هر شب می رختخوابَ اَرسو#۶:۶ اَرسو ینی اشک مره پورَ کونم،
و می تختٚ خوابَ گریه اَمرأ هیستَ کونم.
۷ می چومأن غم و غورصه جأ کم سو بوبوستید
و تومامٚ می دوشمنأنٚ وأسی تارَ بوستید.
۸ اَی تومامٚ بدکارأن، می جأ دورَ بید،
چونکی خوداوند می گریه صدایَ گوش بدَه.
۹ خوداوند می ایلتماسَ بیشنأوسته،
خوداوند می دوعایَ قوبیل کونه.
۱۰ می دوشمنأن همه‌تأن خجالت زده و بد جور پریشأن احوالَ بیدی؛
اوشأن خوشأنٚ رویَ وأگردأنیدی شیدی و ایدفعه‌یی خجالت زده بیدی.
Currently Selected:
مزامیر ۶: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
