مزامیر ۲۹

۲۹

خوداوندٚ عظمتَ اعلام بوکونید

داوودٚ دوعا

۱ اَی فرشته‌یأن، خوداوندَ ستایش بوکونید.

اعلام بوکونید کی جلال و قوّت، خوداوندٚ شینه.

۲ خوداوندٚ نامٚ جلالَ ستایش بوکونید!

خوداوندَ، اونٚ شکوه و قدوسیتٚ وأسی پرستش بوکونید!

۳ خوداوندٚ صدا، دریا آبأنٚ رو به گوش فأرسه؛

خودایٚ جلالٚ صدا، گورخانه مأنستنه،

خوداوندی کی ایتأ عالمه دریا آبأنٚ رو حوضور دأره!

۴ خوداوندٚ صدا پور جٚه قوّته؛

اونٚ صدا پور جٚه شکوهه.

۵ خوداوندٚ صدا سدرٚ دارأنَ ایشکنه؛

خوداوند، لبنانٚ سدرٚ دارأنَ نابودَ کونه.

۶ خوداوند کاری کونه کی لبنان ایتأ گوساله مأنستن واز واز بوکونه

و «سیریونٚ» کوه ایتأ جوانٚ گابٚ مأنستن.

۷ خوداوندٚ صدا، آتشی تیرأنَ اوسه کونه.

۸ خوداوندٚ صدا دشت و بیابانَ لرزأنه؛

خوداوند، قادِشٚ بیابانَ به لرزه تأوده.

۹ خوداوندٚ صدا، پسته کوهی دار و درختأنَ لرزأنه

و جنگلأنَ بی‌ولگَ کونه.

اونٚ معبدٚ دورون همه‌تأن فریاد زنیدی: «جلال!».

۱۰ خوداوند، طوفانی آبٚ جور نیشته،

خوداوند نیشته، اون، پادشا ایسه تا اَبد.

۱۱ ببه کی خوداوند خو قومَ قوّت ببخشه؛

ببه کی خو قومَ سلامتی اَمرأ برکت فأده.

Currently Selected:

مزامیر ۲۹: گیلکی (رشتی)

Highlight

Copy

Want to have your highlights saved across all your devices? Sign up or sign in

Learn More About کیتاب مقدّس به گیلکی (رشتی)