مزامیر ۲۶
۲۶
ایتأ دوروستکارٚ آدمٚ دوعا
داوودٚ مزمور
۱ اَی خوداوند، می دوروستکاری وأسی به می داد فأرس،
چره کی می راستی و دوروستی اَمرأ قدم اوسأدم
و بدونٚ اَن کی لغزش بوخورم ترَ، اَی خوداوند، توکل بوکودم.
۲ خوداوندأ، مرَ ایمتحان و آزمایش بوکون؛
می دیل و فیکرَ تصفیه بوکون.
۳ چره کی تی موحبتَ می چومأنٚ جُلُو دأرم
و همیشه تی وفاداری سایه جیر قدم اوسأنم.
۴ دغلبازٚ آدمأن اَمرأ نشست و برخأست نوکونم
و دورو آدمأنٚ اَمرأ شوئون و اَمون نوکونم.
۵ بدکارٚ مردومأنٚ جأ بیزارم
و شرورأنٚ اَمرأ بینیش ویریز نوکونم.
۶ می دسأنَ شورم کی می بی‌گونایَ نیشأن بدم،
و تی قوربانگاهَ، اَی خوداوند، زیارت کونم
۷ کی شوکرگزاری آوازَ به گوش فأرسأنم
و تومامٚ تی عجیبٚ کارأنَ واگویا بوکونم.
۸ اَی خوداوند، تی خانه جاجیگایَ دوس دأرم،
او جاجیگایی کی تی جلال اویه ساکنه.
۹ او وختأنی کی گوناهکارأنٚ جانٚ فیگیفتَن دری، می جانَ فنگیر
هَطویم می زندگی‌یَ مردومأنی اَمرأ کی خون فوکونیدی،
۱۰ کی اوشأنٚ دسأنٚ دورون ناجورٚ نقشه‌یأن نهَه
و اوشأنٚ راستٚ دس رشوه فأدنٚ جأ پوره.
۱۱ می زندگی کودن بی عیب و ایراده؛
مرَ لطف بوکون و نجات بدن.
۱۲ می پا صافٚ جاجیگاه سر نهَه؛
پیله جمعیتٚ دورون خوداوندَ موتبارک اعلام کونم.
Currently Selected:
مزامیر ۲۶: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
