مزامیر ۱
۱
خوشا بحالٚ کسأنی کی خودا شریعتَ قوبیل دأریدی
۱ خوشا بحالٚ کسی کی شرورٚ آدمأنٚ اَمرأ مشورت نوکونه
و گوناهکارأنٚ رأهٚ دونبأل نیشه
و اوشأنی اَمرأ کی همه چی‌یَ مسخره کونیدی، نشست و برخأست نوکونه
۲ بلکی اونٚ میل و رغبت خوداوندٚ شریعت ایسه
و اونٚ دیل و فیکر شبنده روز درباره‌یٚ خوداوندٚ تعلیم#۱:۲ زبانٚ عبری دورون هو کلمه‌یی ایسه کی پنج فصلٚ اوّلٚ کیتاب موقدّسٚ رِه ایستفاده بوبوسته (ینی تورات) ولی اَ جمله میأن ویشتر معنی تعلیم دهه. تفکر کونه.
۳ اون ایتأ درختی‌یَ مأنه کی روخانٚ کنار بکاشته نهَه
و خودشٚ وخت، خو میوه‌یَ فأده
و اونٚ ولگأن هیوخت دوچلکسته نیبه
و هر کاری کی کونه، عاقبت به خیر به.
۴ امّا شرورٚ آدمأن اَطو نی‌ییدی.
اوشأن، کاه و کولوشَ مأنیدی کی بادٚ اَمرأ پراکنده بیدی.
۵ هَنٚ وأسی شرورٚ آدمأن، خوداوندٚ داوری موقع نتأنیدی تاب بأورید
و هَطویم نه گوناهکارأن، خوروم آدمأنٚ اَمرأ.
۶ خوداوند، خوروم آدمأنٚ زندگی جأ مواظبت کونه
ولی شرورٚ آدمأنٚ آخر عاقبت هلاکت و نابودی ایسه.
Currently Selected:
مزامیر ۱: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
