ایوب ۶
۶
ایوب جواب دهه
۱ هو وخت ایوب وأگردسته و بوگفته:
۲ کأشکی می غم و غورصه بکشه ببه
و تومامٚ می موصیبتأن ترازو میأن بنَه ببه!
۳ بأزین دریا فورشٚ جأ سنگین‌ترَ بید؛
هَنٚ وأسی ایسه کی نأنستیم چی گفتَن درم.
۴ چره کی قادرٚ مطلقٚ تیرأن می جانٚ دورون دأره
و می روح اوشأنٚ زهرَ خوره
و خودا وحشتناکٚ بلایأن تترج می رافا ایسَه‌یید.
۵ وحشی اولاغی کی واش بدأره عَرعَر کونه؟
یا گاب خو یونجه‌یَ دینه نعره کونه؟
۶ ایچی‌یَ کی مزه نأره شه بی نمک خوردن؟
و یا مُرغانه سیفیده مزه دأره؟
۷ مرَ بد اَیه کی اَ خوراکأنَ دس بزنم،
اوشأن می حالَ خرابَ کونید.
۸ کأشکی می خوأسته انجام ببه
و خودا می ناجه‌یَ مرَ فأده.
۹ کأشکی خودا راضی ببه کی مرَ له و لورده بوکونه
و خو دسَ درازَ کونه کی می حیاتَ لافندَ وأوینه!
۱۰ او وخت هَن مرَ تسلی دَیی
و می درد و عذابٚ میأن خوشحالَ بوستیم
کی خودایٚ موقدّسٚ کلامَ اینکار نوکودم.
۱۱ چی قوّتی می دورون نهَه تا اومید بدأرم؟
می آخر عاقبت چی ایسه کی صبر بوکونم؟
۱۲ مگه من سنگٚ قوّتَ دأرم؟
یا می جانٚ گوشت، برنزٚ جأ ایسه؟
۱۳ مگه می دورون قوّتی می کومکٚ وأسی وجود دأره
چره کی موفقیّت می جأ دورَ بوسته؟
۱۴ آدمی کی خو اومیدَ جٚه دس دهه، سزاوارٚ خو رِفِقٚ موحبته،
حتی اگه قادرٚ مطلقٚ جأ دِه نترسه.
۱۵ ولی می برأرأن فصلی روخانأنٚ مأنستن دغل‌کاریدی،
روخانأنی کی فقط ایتأ مدت روان ایسیدی،
۱۶ کی چون یخٚ اَمرأ قاطی بید، تارَ بیدی
و ورفٚ آبٚ بوستنٚ وأسی پیله‌ترَ بید،
۱۷ ولی خوشکٚ فصلٚ دورون بخار بیدی
و گرما میأن خوشأنٚ جا سر غیبَ بیدی.
۱۸ کاروانأن خوشأنٚ رأیَ عوضَ کونیدی،
و خوشکٚ صارا میأن میرید.
۱۹ تیما#۱۹:۶ تیما و صَبا دوتأ منطقه نزدیکٚ هم کی جنوبٚ سرزیمینٚ عربستانٚ ور نهَه بیدی. کاروانأن او روخانأنٚ دونبأل ایسَه‌بید،
صَبا قافله‌یأن اومید دأشتیدی کی اوشأنَ بیأفید.
۲۰ اوشأن خوشأنٚ ایطمینأنٚ جأ خجالت زده بیدی
اویه فأرسه‌یید و شرمنده بوبوستید.
۲۱ هسأ شومأنم هو روخانأنٚ مأنستنیدی،
کی می گیرفتاری‌یَ بیده‌ییدی و بترسه‌یید.
۲۲ من شیمی جأ چیزی بخوأستم؟
یا بوگفتم شیمی مال و منالٚ جأ مرَ پیش‌کشی فأدید؟
۲۳ یا مرَ دشمنأنٚ چنگٚ جأ آزادَ کونید؟
یا مرَ ظالمأنٚ دسٚ جأ نجات بدید؟
۲۴ مرَ یاد بدید و من لالَ بم،
مرَ حألی بوکونید می خطا کویه ایسه.
۲۵ راستٚ گبأن زهرٚ مارٚ مأنه
ولی شیمی دلیلأن چی چیزی‌یَ ثابت کونه؟
۲۶ فیکر کونیدی تأنیدی می گبأنٚ جأ ایراد بیگیرید؟
یا اَ درمانده مردأکٚ گبأنَ، بادٚ هوا دأنیدی؟
۲۷ شومأن حتی یتیمٚ زأکأنٚ سر قرعه تأودید
و شیمی رِفیقَ جنسٚ مأنستن فروشیدی.
۲۸ ولی هسأ لطف بوکونید می چومأنٚ دورون فندرید
تا بیدینید شمرَ دورُغ گمه.
۲۹ خوأهش کونم دِه تومامَ کونید، اینصاف بدأرید.
دِه وستَ کونید، وگرنه می دوروستکاری لکه‌دارَ به.
۳۰ آیا می زبان بی‌اینصافٚ گبأن زنه؟
و می دَهن خُب و بدَ تشخیص نده؟
Currently Selected:
ایوب ۶: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۶
۶
ایوب جواب دهه
۱ هو وخت ایوب وأگردسته و بوگفته:
۲ کأشکی می غم و غورصه بکشه ببه
و تومامٚ می موصیبتأن ترازو میأن بنَه ببه!
۳ بأزین دریا فورشٚ جأ سنگین‌ترَ بید؛
هَنٚ وأسی ایسه کی نأنستیم چی گفتَن درم.
۴ چره کی قادرٚ مطلقٚ تیرأن می جانٚ دورون دأره
و می روح اوشأنٚ زهرَ خوره
و خودا وحشتناکٚ بلایأن تترج می رافا ایسَه‌یید.
۵ وحشی اولاغی کی واش بدأره عَرعَر کونه؟
یا گاب خو یونجه‌یَ دینه نعره کونه؟
۶ ایچی‌یَ کی مزه نأره شه بی نمک خوردن؟
و یا مُرغانه سیفیده مزه دأره؟
۷ مرَ بد اَیه کی اَ خوراکأنَ دس بزنم،
اوشأن می حالَ خرابَ کونید.
۸ کأشکی می خوأسته انجام ببه
و خودا می ناجه‌یَ مرَ فأده.
۹ کأشکی خودا راضی ببه کی مرَ له و لورده بوکونه
و خو دسَ درازَ کونه کی می حیاتَ لافندَ وأوینه!
۱۰ او وخت هَن مرَ تسلی دَیی
و می درد و عذابٚ میأن خوشحالَ بوستیم
کی خودایٚ موقدّسٚ کلامَ اینکار نوکودم.
۱۱ چی قوّتی می دورون نهَه تا اومید بدأرم؟
می آخر عاقبت چی ایسه کی صبر بوکونم؟
۱۲ مگه من سنگٚ قوّتَ دأرم؟
یا می جانٚ گوشت، برنزٚ جأ ایسه؟
۱۳ مگه می دورون قوّتی می کومکٚ وأسی وجود دأره
چره کی موفقیّت می جأ دورَ بوسته؟
۱۴ آدمی کی خو اومیدَ جٚه دس دهه، سزاوارٚ خو رِفِقٚ موحبته،
حتی اگه قادرٚ مطلقٚ جأ دِه نترسه.
۱۵ ولی می برأرأن فصلی روخانأنٚ مأنستن دغل‌کاریدی،
روخانأنی کی فقط ایتأ مدت روان ایسیدی،
۱۶ کی چون یخٚ اَمرأ قاطی بید، تارَ بیدی
و ورفٚ آبٚ بوستنٚ وأسی پیله‌ترَ بید،
۱۷ ولی خوشکٚ فصلٚ دورون بخار بیدی
و گرما میأن خوشأنٚ جا سر غیبَ بیدی.
۱۸ کاروانأن خوشأنٚ رأیَ عوضَ کونیدی،
و خوشکٚ صارا میأن میرید.
۱۹ تیما#۱۹:۶ تیما و صَبا دوتأ منطقه نزدیکٚ هم کی جنوبٚ سرزیمینٚ عربستانٚ ور نهَه بیدی. کاروانأن او روخانأنٚ دونبأل ایسَه‌بید،
صَبا قافله‌یأن اومید دأشتیدی کی اوشأنَ بیأفید.
۲۰ اوشأن خوشأنٚ ایطمینأنٚ جأ خجالت زده بیدی
اویه فأرسه‌یید و شرمنده بوبوستید.
۲۱ هسأ شومأنم هو روخانأنٚ مأنستنیدی،
کی می گیرفتاری‌یَ بیده‌ییدی و بترسه‌یید.
۲۲ من شیمی جأ چیزی بخوأستم؟
یا بوگفتم شیمی مال و منالٚ جأ مرَ پیش‌کشی فأدید؟
۲۳ یا مرَ دشمنأنٚ چنگٚ جأ آزادَ کونید؟
یا مرَ ظالمأنٚ دسٚ جأ نجات بدید؟
۲۴ مرَ یاد بدید و من لالَ بم،
مرَ حألی بوکونید می خطا کویه ایسه.
۲۵ راستٚ گبأن زهرٚ مارٚ مأنه
ولی شیمی دلیلأن چی چیزی‌یَ ثابت کونه؟
۲۶ فیکر کونیدی تأنیدی می گبأنٚ جأ ایراد بیگیرید؟
یا اَ درمانده مردأکٚ گبأنَ، بادٚ هوا دأنیدی؟
۲۷ شومأن حتی یتیمٚ زأکأنٚ سر قرعه تأودید
و شیمی رِفیقَ جنسٚ مأنستن فروشیدی.
۲۸ ولی هسأ لطف بوکونید می چومأنٚ دورون فندرید
تا بیدینید شمرَ دورُغ گمه.
۲۹ خوأهش کونم دِه تومامَ کونید، اینصاف بدأرید.
دِه وستَ کونید، وگرنه می دوروستکاری لکه‌دارَ به.
۳۰ آیا می زبان بی‌اینصافٚ گبأن زنه؟
و می دَهن خُب و بدَ تشخیص نده؟
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media