ایوب ۳۵
۳۵
۱ اِلیهو ایدامه بدَه و بوگفته:
۲ «اَنَ اینصاف دأنی
کی بیگی: ‹من خودا ورجأ عادلم›#۳۵:۲یا: می عیدالت خودا جأ ویشتره؟
۳ یا بیگی: ‹چی سودی برم؟
گوناه نوکودن مِره چی ایستفاده دأره؟›
۴ «من ترَ جواب دهم
و تی رِفِقأنَ کی تی اَمرأ ایسَه‌یید.
۵ آسمانأنَ فَندر و بیدین
و ابرأنَ توجه بوکون کی تی جأ بولندتریدی.
۶ اگه گوناه بوکونی، چی ضرری اونَ فأرسه؟
اگه تی نافرمانی زیادَ به، اونَ چی به؟
۷ اگه دوروستکار بیبی، اونَ چی فأدن دری؟
و تی دسٚ جأ چی فیگیره؟
۸ تی شرورٚ کارأن فقط تی مأنستن مردأکأنٚ رو اثر دأره،
و تی دوروستکاری فقط آدمی زاده‌یأنٚ سر.
۹ «آدمأن، ظلمٚ زیادٚ جأ ایجگره زنیدی،
و قوی مردأکأنٚ دس درازی وأسی نالش زنیدی.
۱۰ ولی کسی نیگه: ‹خودایی کی مرَ خلق بوکوده کویه ایسَه،
کی شبٚ میأن دَهنٚ دورون آواز نهِه؟
۱۱ اونی کی اَمرَ زیمینٚ حیوانأنٚ جأ ویشتر یاد دهه،
و آسمانٚ پرنده‌یأنٚ جأ حکیمتر چأکونه؟›
۱۲ آدمأنٚ ایجگره بولندَ به، ولی اون جواب نده،
شرورأنٚ باد و بُرودٚ وأسی.
۱۳ رأس رأسی کی خودا بیخودی گبأنَ نیشنأوه
و قادرٚ مطلق اوشأنَ محل ننِه.
۱۴ وختی گی اونَ نیدینی
چقده ویشتر نیشنأوه؛
تی محاکمه اونٚ ورجأ ایسه،
و خودا رافا ایسی!
۱۵ هسأ کی اون خو غیظٚ اَمرأ موجازات نوکونه،
و گونایَ خیلی بحیساب نأوره،
۱۶ ایوب خو دَهنَ بیخودی وازَ کونه،
و نأنسته‌بو زیادی گب زنه.»
Currently Selected:
ایوب ۳۵: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
