ایوب ۳۲
۳۲
اِلیهو گبأن
۱ او سه‌تأ مردأی دِه جوابی نأشتیدی کی ایوبَ بیگید، چره کی ایوب خورَه دوروستکار دأنستی. ۲ بأزین اِلیهو، بَرَکئیلٚ بوزی زأی کی رامٚ طایفه شین بو، غیظٚ جأ ول بیگیفته چونکی ایوب خورَه حق دَیی، نه خودایَ. ۳ ایوبَ اونٚ سه‌تأ رِفِقأنٚ جأ غیظَ گیفته، چره کی بدونٚ اَنکی جوابی بیأفید، ایوبَ محکومَ کودید. ۴ اِلیهو، ایوبٚ اَمرأ گب زِئنٚ وأسی منتظر بِئسَه‌بو، چونکی الباقی اونٚ جأ پیله‌تر بید. ۵ ولی وختی بیده کی او سه‌تأ مردأی جوابی نأرید کی بیگید، اونَ غیظَ گیفته.
۶ پس اِلیهو، بَرَکئیلٚ بوزی زأی، گب بزه و بوگفته:
«من جوان ایسم و شومأن سیفیدٚ مو؛
پس بترسئم و جرأت نوکودم می نظرَ شمرَ بگم.
۷ می اَمرأ بوگفتم: ‹وهل روزأن گب بزنید،
و سند و سال کی بوجور شه، حکمتَ یاد بده.›
۸ ولی روحی کی اینسأنٚ دورون نهَه،
ینی قادرٚ مطلق نٚفٚس،
اونه کی اینسأنَ دانایی دهه.
۹ پیله‌ترأن نی‌ییدی کی حکمت دأریدی،
و نه پیرأن کی دوروستٚ چیزأن اوشأنَ حألی به.
۱۰ هَنٚ وأسی گم: ‹مرَ گوش بدید›
منم می نظرَ گم.
۱۱ «تا هسأ بِئسم تا شومأن گب بزنید،
و شیمی دلیلأنَ گوش بوکودم،
هوطویی کی شیمی گبأنَ وأمج دمج بوکودید.
۱۲ من دقّتٚ اَمرأ شمرَ توجه بوکودم،
ولی هیکس نتأنسته ایوبٚ گوناهکار بوستنَ ثابتَ کونه،
و شیمی جأ کسی اونٚ گبأنَ جواب ندَه.
۱۳ پس وأنگردید بیگید: ‹حکمتَ بیأفتیم؛
خودا ایسه کی وأ اونَ محکومَ کونه، نه اینسأن.›
۱۴ ایوبٚ هدف خو گبأنٚ جأ شومأن بیدی، نه من،
و من شیمی گبأنٚ اَمرأ اونَ جواب ندم.
۱۵ «اوشأن در بمأنستیدی و دِه جوابی نأرید،
و اوشأنَ گب نأیه.
۱۶ ینی وأ رافا بِئسم
هَنٚ وأسی کی گب نزنید،
و هَیه ایسَه‌ییدی،
و دِه جواب ندید؟
۱۷ منم می سأم جواب دهم،
و می نظرَ گم.
۱۸ چره کی خیلی گبأن دأرم کی بگم،
و می روح مرَ وادار کونه.
۱۹ رأس رأسی می دیل شرابَ مأنه کی وازَ نوبوسته،
و ایتأ تازه خیکَ مأنه کی خوأیه بترکه.
۲۰ پس گب زنم کی راحتَ بم،
و می دَهنَ وازَ کونم و جواب دهم.
۲۱ هیکسٚ طرفَ نیگیرم،
و هیکسَ خاش والیسی‌یَ نوکونم.
۲۲ چره کی اَ جور کردکارأن بلد نی‌یم،
وگرنه خودا اَ روزأن می جانَ فیگیره.
Currently Selected:
ایوب ۳۲: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۳۲
۳۲
اِلیهو گبأن
۱ او سه‌تأ مردأی دِه جوابی نأشتیدی کی ایوبَ بیگید، چره کی ایوب خورَه دوروستکار دأنستی. ۲ بأزین اِلیهو، بَرَکئیلٚ بوزی زأی کی رامٚ طایفه شین بو، غیظٚ جأ ول بیگیفته چونکی ایوب خورَه حق دَیی، نه خودایَ. ۳ ایوبَ اونٚ سه‌تأ رِفِقأنٚ جأ غیظَ گیفته، چره کی بدونٚ اَنکی جوابی بیأفید، ایوبَ محکومَ کودید. ۴ اِلیهو، ایوبٚ اَمرأ گب زِئنٚ وأسی منتظر بِئسَه‌بو، چونکی الباقی اونٚ جأ پیله‌تر بید. ۵ ولی وختی بیده کی او سه‌تأ مردأی جوابی نأرید کی بیگید، اونَ غیظَ گیفته.
۶ پس اِلیهو، بَرَکئیلٚ بوزی زأی، گب بزه و بوگفته:
«من جوان ایسم و شومأن سیفیدٚ مو؛
پس بترسئم و جرأت نوکودم می نظرَ شمرَ بگم.
۷ می اَمرأ بوگفتم: ‹وهل روزأن گب بزنید،
و سند و سال کی بوجور شه، حکمتَ یاد بده.›
۸ ولی روحی کی اینسأنٚ دورون نهَه،
ینی قادرٚ مطلق نٚفٚس،
اونه کی اینسأنَ دانایی دهه.
۹ پیله‌ترأن نی‌ییدی کی حکمت دأریدی،
و نه پیرأن کی دوروستٚ چیزأن اوشأنَ حألی به.
۱۰ هَنٚ وأسی گم: ‹مرَ گوش بدید›
منم می نظرَ گم.
۱۱ «تا هسأ بِئسم تا شومأن گب بزنید،
و شیمی دلیلأنَ گوش بوکودم،
هوطویی کی شیمی گبأنَ وأمج دمج بوکودید.
۱۲ من دقّتٚ اَمرأ شمرَ توجه بوکودم،
ولی هیکس نتأنسته ایوبٚ گوناهکار بوستنَ ثابتَ کونه،
و شیمی جأ کسی اونٚ گبأنَ جواب ندَه.
۱۳ پس وأنگردید بیگید: ‹حکمتَ بیأفتیم؛
خودا ایسه کی وأ اونَ محکومَ کونه، نه اینسأن.›
۱۴ ایوبٚ هدف خو گبأنٚ جأ شومأن بیدی، نه من،
و من شیمی گبأنٚ اَمرأ اونَ جواب ندم.
۱۵ «اوشأن در بمأنستیدی و دِه جوابی نأرید،
و اوشأنَ گب نأیه.
۱۶ ینی وأ رافا بِئسم
هَنٚ وأسی کی گب نزنید،
و هَیه ایسَه‌ییدی،
و دِه جواب ندید؟
۱۷ منم می سأم جواب دهم،
و می نظرَ گم.
۱۸ چره کی خیلی گبأن دأرم کی بگم،
و می روح مرَ وادار کونه.
۱۹ رأس رأسی می دیل شرابَ مأنه کی وازَ نوبوسته،
و ایتأ تازه خیکَ مأنه کی خوأیه بترکه.
۲۰ پس گب زنم کی راحتَ بم،
و می دَهنَ وازَ کونم و جواب دهم.
۲۱ هیکسٚ طرفَ نیگیرم،
و هیکسَ خاش والیسی‌یَ نوکونم.
۲۲ چره کی اَ جور کردکارأن بلد نی‌یم،
وگرنه خودا اَ روزأن می جانَ فیگیره.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media