ایوب ۳۰
۳۰
۱ «ولی هسأ اوشأنی کی می جأ جوانترید مرَ دس پرَ گیریدی،
اوشأنی کی مرَ بد اَمویی اوشأنٚ پئرأنَ می گله سکأنٚ ورجأ بدأرم.
۲ اوشأنٚ بازو قودرت، مِره چی کودی؟
مردأکأنی کی اوشأنٚ رِه رمق نمأنسته‌بو؟
۳ شبأن، ایحتیاج و ویشتأیی وأسی،
صارا دورون خوشکٚ زیمینَ جُوٚستید.
۴ بوته‌یأنٚ میأن شورٚ واش چه‌ییدی،
و وحشی گیاهأنٚ ریشه‌یَ خوردید.
۵ اوشأنَ مردومٚ جأ بیرون تأودَه‌ییدی،
و مردومأن، اوشأنٚ پشتٚ سر داد و فریاد کودیدی، هوطو کی دوزدأنٚ پشتٚ سر.
۶ مجبور بوستیدی کی دره‌یأنٚ دورون زندگی بوکونید،
زیمینٚ سولاخ سومبه‌یأنٚ میأن و صخره‌یأنٚ دیلٚ دورون.
۷ بوته‌یأنٚ میأن عَرعَر کونیدی،
و گرزنه‌یأنٚ جیر دورٚ هم جمَ بید.
۸ نادانٚ مردومأنی ایسید کی نام و نیشأنی نأریدی،
کی خوشأنٚ سرزیمین جأ بیرون تأوده بوبوستیدی.
۹ «و هسأ خوشأنٚ سرودأنٚ دورون مرَ دس پرَ گیریدی،
و می جأ ضرب‌المثل چأکونیدی!
۱۰ می جأ اوشأنَ بد اَیه و دوری کونیدی،
خیلی راحت می رو فیلی فوکونیدی.
۱۱ جٚه اویه کی خودا می کمانٚ زه‌یَ شُلَ کوده و مرَ خوار و خفیفَ کوده،
اوشأن می ورجأ لافند بُرسنه‌یید.
۱۲ می راسٚ طرف ایتأ عالمه آدم می ضد ویریشتیدی،
اوشأن مرَ جٚه رأ بدرَ کونیدی
می هلاکَ کودنٚ وأسی رأیأن آماده کونیدی.
۱۳ می رأیَ دٚوٚدیدی،
و می عذابٚ جأ سود بریدی،
هیکسٚ کومکم لازم نأرید.
۱۴ هَچین اَنه مأنه کی دیوارَ ایشکنیدی و او پت و پهنٚ درزٚ جأ اَییدی،
و جٚه خرابه‌یأنٚ دورون هوجوم اَوریدی.
۱۵ ترس و وحشت می سرٚ جأ بوگوذشته
می آبرو بادٚ مأنستن شه.
و می خوشبختی ابرٚ مأنستن جٚه بین شه.
۱۶ «و مِره دِه جانی نمأنسته،
سختٚ روزأن مرَ گیرفتارَ کودیدی.
۱۷ شب، می خاشأنَ سولاخَ کونه،
و درد می جانَ جُوٚستَن‌دره و هیوخت آرامَ نیبه.
۱۸ خوداوند، خو پیله زور و قوّتٚ اَمرأ می لیباسَ سفت بیگیفته دره،
می لیباسٚ یخه مأنستن می دور وأپخته نهَه.
۱۹ مرَ گیلٚ دورون تأوده،
و خاک و خاکسترٚ مأنستن بوبوستم.
۲۰ «تی ورجأ ایجگره زنم، ولی می جوابَ ندی؛
جٚه می جا ویریزم، ولی فقط مرَ فندری.
۲۱ سنگ‌دیلی اَمرأ می ضد وأگردی،
تی دس قوّتٚ اَمرأ می مره دوشمنی کونی.
۲۲ مرَ ویریزأنی و بادٚ اَمرأ بری،
و طوفانٚ دورون اَ طرف او طرف تأودی.
۲۳ خُب دأنم کی مرَ مورده‌یأنٚ دونیا دورون اَوری،
او خانه‌یی کی تومامٚ زنده‌یأنٚ وأسی تعیین بوبوسته.
۲۴ «رأس رأسی هیکس خو دسَ بدبختٚ مردأکٚ رو درازَ نوکونه،
او وختی کی خو بدبختی دورون ایجگره زنه.
۲۵ من اوشأنٚ وأسی کی سختی دورون ایسَه‌ییدی گریه نوکودم؟
و می جان بیچاره‌یأنٚ وأسی غورصه‌دار نوبوسته؟
۲۶ ولی وختی کی خُبی رافا ایسَه‌بوم، بدی بمو،
و او وختی کی نورٚ رافا ایسَه‌بوم، ظولمأت بمو.
۲۷ می دیلٚ دورون پریشأنم و آرامَ نبم؛
سیه‌بختی روزأن می ورجأ اَییدی.
۲۸ ظولمأتٚ میأن رأ دوأرم، بی‌آفتاب،
جمعیتٚ دورون بپا ایسم و ایجگره زنم.
۲۹ شالأنٚ برأر بوبوستم،
و شترمورغأنٚ رِفِق.
۳۰ می جانٚ پوست سیاهَ بوسته؛
می خاشأن تبٚ جأ سوختَن‌دره.
۳۱ می بربطٚ آهنگ عزاداری بوبوسته،
و می نِی صدا، گریه صدا. مأنستن.
Currently Selected:
ایوب ۳۰: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۳۰
۳۰
۱ «ولی هسأ اوشأنی کی می جأ جوانترید مرَ دس پرَ گیریدی،
اوشأنی کی مرَ بد اَمویی اوشأنٚ پئرأنَ می گله سکأنٚ ورجأ بدأرم.
۲ اوشأنٚ بازو قودرت، مِره چی کودی؟
مردأکأنی کی اوشأنٚ رِه رمق نمأنسته‌بو؟
۳ شبأن، ایحتیاج و ویشتأیی وأسی،
صارا دورون خوشکٚ زیمینَ جُوٚستید.
۴ بوته‌یأنٚ میأن شورٚ واش چه‌ییدی،
و وحشی گیاهأنٚ ریشه‌یَ خوردید.
۵ اوشأنَ مردومٚ جأ بیرون تأودَه‌ییدی،
و مردومأن، اوشأنٚ پشتٚ سر داد و فریاد کودیدی، هوطو کی دوزدأنٚ پشتٚ سر.
۶ مجبور بوستیدی کی دره‌یأنٚ دورون زندگی بوکونید،
زیمینٚ سولاخ سومبه‌یأنٚ میأن و صخره‌یأنٚ دیلٚ دورون.
۷ بوته‌یأنٚ میأن عَرعَر کونیدی،
و گرزنه‌یأنٚ جیر دورٚ هم جمَ بید.
۸ نادانٚ مردومأنی ایسید کی نام و نیشأنی نأریدی،
کی خوشأنٚ سرزیمین جأ بیرون تأوده بوبوستیدی.
۹ «و هسأ خوشأنٚ سرودأنٚ دورون مرَ دس پرَ گیریدی،
و می جأ ضرب‌المثل چأکونیدی!
۱۰ می جأ اوشأنَ بد اَیه و دوری کونیدی،
خیلی راحت می رو فیلی فوکونیدی.
۱۱ جٚه اویه کی خودا می کمانٚ زه‌یَ شُلَ کوده و مرَ خوار و خفیفَ کوده،
اوشأن می ورجأ لافند بُرسنه‌یید.
۱۲ می راسٚ طرف ایتأ عالمه آدم می ضد ویریشتیدی،
اوشأن مرَ جٚه رأ بدرَ کونیدی
می هلاکَ کودنٚ وأسی رأیأن آماده کونیدی.
۱۳ می رأیَ دٚوٚدیدی،
و می عذابٚ جأ سود بریدی،
هیکسٚ کومکم لازم نأرید.
۱۴ هَچین اَنه مأنه کی دیوارَ ایشکنیدی و او پت و پهنٚ درزٚ جأ اَییدی،
و جٚه خرابه‌یأنٚ دورون هوجوم اَوریدی.
۱۵ ترس و وحشت می سرٚ جأ بوگوذشته
می آبرو بادٚ مأنستن شه.
و می خوشبختی ابرٚ مأنستن جٚه بین شه.
۱۶ «و مِره دِه جانی نمأنسته،
سختٚ روزأن مرَ گیرفتارَ کودیدی.
۱۷ شب، می خاشأنَ سولاخَ کونه،
و درد می جانَ جُوٚستَن‌دره و هیوخت آرامَ نیبه.
۱۸ خوداوند، خو پیله زور و قوّتٚ اَمرأ می لیباسَ سفت بیگیفته دره،
می لیباسٚ یخه مأنستن می دور وأپخته نهَه.
۱۹ مرَ گیلٚ دورون تأوده،
و خاک و خاکسترٚ مأنستن بوبوستم.
۲۰ «تی ورجأ ایجگره زنم، ولی می جوابَ ندی؛
جٚه می جا ویریزم، ولی فقط مرَ فندری.
۲۱ سنگ‌دیلی اَمرأ می ضد وأگردی،
تی دس قوّتٚ اَمرأ می مره دوشمنی کونی.
۲۲ مرَ ویریزأنی و بادٚ اَمرأ بری،
و طوفانٚ دورون اَ طرف او طرف تأودی.
۲۳ خُب دأنم کی مرَ مورده‌یأنٚ دونیا دورون اَوری،
او خانه‌یی کی تومامٚ زنده‌یأنٚ وأسی تعیین بوبوسته.
۲۴ «رأس رأسی هیکس خو دسَ بدبختٚ مردأکٚ رو درازَ نوکونه،
او وختی کی خو بدبختی دورون ایجگره زنه.
۲۵ من اوشأنٚ وأسی کی سختی دورون ایسَه‌ییدی گریه نوکودم؟
و می جان بیچاره‌یأنٚ وأسی غورصه‌دار نوبوسته؟
۲۶ ولی وختی کی خُبی رافا ایسَه‌بوم، بدی بمو،
و او وختی کی نورٚ رافا ایسَه‌بوم، ظولمأت بمو.
۲۷ می دیلٚ دورون پریشأنم و آرامَ نبم؛
سیه‌بختی روزأن می ورجأ اَییدی.
۲۸ ظولمأتٚ میأن رأ دوأرم، بی‌آفتاب،
جمعیتٚ دورون بپا ایسم و ایجگره زنم.
۲۹ شالأنٚ برأر بوبوستم،
و شترمورغأنٚ رِفِق.
۳۰ می جانٚ پوست سیاهَ بوسته؛
می خاشأن تبٚ جأ سوختَن‌دره.
۳۱ می بربطٚ آهنگ عزاداری بوبوسته،
و می نِی صدا، گریه صدا. مأنستن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media