خروج ۹
۹
مصریأنٚ گله‌یأنٚ سر بلا اَمون
۱ خوداوند موسایَ بفرمأسته: «بوشو فرعونٚ ورجأ بوگو: ‹یهوه، عبرانیأنٚ خودا، اَطویی بوگفته: ”می قومَ آزادَ کون کی بیشید مرَ عیبادت بوکونید.“ ۲ اگه اوشأنَ آزادَ نوکونی و ونألی کی بیشید، ۳ خوداوندٚ دس شیمی گله‌یأنَ کی علفزارٚ میأن ایسَه‌یید، ینی شیمی اسبأن، اولاغأن، شوتورأن، گابأن و گوسفندأنٚ سر ایتأ پیله بلا اوسه کونه. ۴ خوداوند بنی‌ایسرائیلٚ گله‌یَ، مصریأنٚ گله جأ فرق نهه کی بنی‌ایسرائیلٚ هیتّأ حیوان نیمیره.›» ۵ خوداوند ایتأ وخت قرار بدَه و بوگفته: «فردا خوداوند اَ کارَ مصرٚ سرزیمینٚ میأن انجام دهه.» ۶ پس، فردایٚ او روز خوداوند هَه کارَ بوکوده و تومامٚ مصریأنٚ گله‌یأن بمردیدی ولی بنی‌ایسرائیلٚ هیتّأ حیوان نمرده. ۷ فرعون چند نفرَ اوسه کوده و بیده کی بنی‌ایسرائیلٚ گله میأن ایتأ حیوانم نمرده ولی فرعون ایوار دِه خو دیلَ سختَ کوده و قومَ آزادَ نوکوده.
بلای دُمبُل
۸ بأزین خوداوند موسی و هارونَ بوگفته: «ایتأ کوره جأ چن‌تأ موشت خاکستر اوسأنید و موسی اوشأنَ فرعونٚ چومٚ جُلُو به بادَ ده. ۹ خاکستر، گردٚ خاکٚ مأنستن سرتاسرٚ مصرٚ سرزیمینٚ میأن پخشَ به و تومامٚ اَ سرزیمینٚ آدمأن و حیوانأنٚ جانَ چلکی دُمبُل بوجور آیه.» ۱۰ پس اوشأن ایتأ کوره جأ خاکستر اوسأدیدی بوشوییدی فرعونٚ جُلُو بِیسَه‌ییدی. موسی خاکسترَ بادَ دَه و آدمأن و حیوانأنٚ جانَ چلکی دُمبُل بوجور بمو. ۱۱ جادوگرأنم نتأنستیدی موسی جُلُو کاری بوکونید چونکی اوشأن و تومامٚ مصریأنٚ جانَ دُمبُل بوجور بمو بو. ۱۲ ولی خوداوند فرعونٚ دیلَ سختَ کوده و اوشأنٚ گبأنَ گوش نوکوده، هوطو کی خوداوند موسایَ بوگفته‌بو.
بلای تگر
۱۳ بأزین خوداوند موسایَ بفرمأسته: «خروس خوأن ویریز بوشو فرعونٚ جُلُو بِیس و اونَ بوگو: ‹یهوه، عبرانیأنٚ خودا، اَطویی بوگفته: ”می قومَ آزادَ کون کی بیشید مرَ عیبادت بوکونید.“ ۱۴ اگه نوکونی، بلایی تو و تی خدمتگوزارأن و تی قومٚ سر اَورم کی بدأنید تومامٚ دونیا میأن می مأنستن وجود نأره ۱۵ چره کی من تأنستیم می دسَ درازَ کونم و تا هسأ تو و تی قومٚ سر بلایی بأورم کی زیمینٚ سر هلاکَ بید. ۱۶ ولی هَنٚ وأسی ترَ زنده وهأشتم کی می قودرتَ ترَ نیشأن بدم و می نام تومامٚ دونیا دورون اعلام ببه. ۱۷ هسأ دِه ترَ جٚه می قوم بوجورتر و پیله‌تر دأنی کی اوشأنَ آزاد نوکونی. ۱۸ پس، فردا هَه وخت، ایجور تگر وأرأنم کی جٚه او روزی کی مصر، مصر بوبوسته تا هسأ نوأرسته. ۱۹ هسأ فرمان بدن کی تومامٚ تی گله‌یأنَ و هرچی کی علفزارأنٚ میأن دأری، بأورید سایه‌بانٚ جیر چونکی تومامٚ آدمأن و چهارپایأنی کی علفزارأنٚ میأن بِیسید و سایه‌بان ندأرید تگرٚ جأ میریدی.›»
۲۰ فرعونٚ خدمتگوزارأنی کی خوداوندٚ پیغامٚ جأ بترسه‌بید بدو بدو خوشأنٚ غولامأن و گله‌یأنَ بأوردیدی سایه‌بانٚ جیر. ۲۱ ولی خدمتکارأنی کی خوداوندٚ پیغامَ محل ننَه‌یید، وهأشتید اوشأنٚ غولامأن و گله‌یأن علفزارأنٚ میأن بِیسید.
۲۲ بأزین خوداوند موسایَ بوگفته: «تی دسَ آسمانٚ طرف راستَ کون کی تومامٚ مصرٚ سرزیمینٚ میأن، آدمأن و چهارپایأن و صارا گیاهأنٚ سر، تگر بوأره.» ۲۳ پس موسی خو عصایَ آسمانٚ طرف راستَ کوده و خوداوند گورخانه و تگرَ اوسه کوده کی مصرٚ سرزیمینٚ سر بوأره ۲۴ و جٚه وختی کی مصر ایتأ میلت بوبوسته، هیکس تومامٚ او سرزیمینٚ میأن اَ جور بورانٚ تگر و گورخانه نیده‌بو. ۲۵ تگر تومامٚ مصرٚ سرزیمینٚ میأن هر چی سبزٚ زارأنٚ دورون ایسَه‌بید، ینی آدمأن و چهارپایأن، داغانَ کوده و صارا تومامٚ گیاهأنَ دمخته و تومامٚ درختأنَ بشکنه. ۲۶ فقط سرزیمینٚ جوشِنٚ میأن کی بنی‌ایسرائیل اونٚ دورون زندگی کودیدی تگر نوأرسته. ۲۷ بأزین فرعون، موسی و هارونَ دوخوأده و اوشأنَ بوگفته: «اَی‌دفه گوناه بوکودم. حق با خوداوند ایسه، من و می قوم بدکاریم. ۲۸ خوداوندٚ حوضور دوعا بوکونید چره کی اَن همه گورخانه و تگر خودا دسٚ جأ وسته. منم شمرَ آزادَ کونم و دِه مجبور نی‌ییدی کی اَیه بِیسید.» ۲۹ موسی اونَ بوگفته: «هَطو کی شهرٚ جأ بیرون بیشیم، می دسأنَ آسمانٚ طرف بوجور برم، بأزین گورخانه تومامَ به و دِه تگر نوأره کی بدأنی جهان خوداوندٚ شین ایسه. ۳۰ ولی دأنم کی تو و تی خدمتگوزارأن هنوزم یهوه، خودا جأ ترسی نأریدی.» ۳۱ تگر، جو و کتانٚ محصولَ نابودَ کوده چونکی جو خوشه بزه‌بو و کتان گول بوکوده‌بو. ۳۲ ولی گندم و محصولأنٚ دیگر، کی دِئرتر سبزَ بیدی، نابودَ نوبوستیدی. ۳۳ بأزین موسی جٚه فرعونٚ ورجأ و او شهرٚ جأ بیرون بوشو، خو دسأنَ آسمانٚ طرف بوجورَ گیفته و گورخانه و تگر بند بمو و وارش دِه زیمینٚ سر نوأرسته. ۳۴ وختی فرعون بیده وارش، گورخانه و تگر بند بموییدی، دوواره گوناه بوکوده و خو خدمتگوزارأن اَمرأ خوشأنٚ دیلَ سختَ کودید. ۳۵ پس هوطو کی خوداوند موسی زبانٚ جأ بوگفته‌بو، فرعونٚ دیل سختَ بوسته و بنی‌ایسرائیلَ آزادَ نوکوده.
Currently Selected:
خروج ۹: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
خروج ۹
۹
مصریأنٚ گله‌یأنٚ سر بلا اَمون
۱ خوداوند موسایَ بفرمأسته: «بوشو فرعونٚ ورجأ بوگو: ‹یهوه، عبرانیأنٚ خودا، اَطویی بوگفته: ”می قومَ آزادَ کون کی بیشید مرَ عیبادت بوکونید.“ ۲ اگه اوشأنَ آزادَ نوکونی و ونألی کی بیشید، ۳ خوداوندٚ دس شیمی گله‌یأنَ کی علفزارٚ میأن ایسَه‌یید، ینی شیمی اسبأن، اولاغأن، شوتورأن، گابأن و گوسفندأنٚ سر ایتأ پیله بلا اوسه کونه. ۴ خوداوند بنی‌ایسرائیلٚ گله‌یَ، مصریأنٚ گله جأ فرق نهه کی بنی‌ایسرائیلٚ هیتّأ حیوان نیمیره.›» ۵ خوداوند ایتأ وخت قرار بدَه و بوگفته: «فردا خوداوند اَ کارَ مصرٚ سرزیمینٚ میأن انجام دهه.» ۶ پس، فردایٚ او روز خوداوند هَه کارَ بوکوده و تومامٚ مصریأنٚ گله‌یأن بمردیدی ولی بنی‌ایسرائیلٚ هیتّأ حیوان نمرده. ۷ فرعون چند نفرَ اوسه کوده و بیده کی بنی‌ایسرائیلٚ گله میأن ایتأ حیوانم نمرده ولی فرعون ایوار دِه خو دیلَ سختَ کوده و قومَ آزادَ نوکوده.
بلای دُمبُل
۸ بأزین خوداوند موسی و هارونَ بوگفته: «ایتأ کوره جأ چن‌تأ موشت خاکستر اوسأنید و موسی اوشأنَ فرعونٚ چومٚ جُلُو به بادَ ده. ۹ خاکستر، گردٚ خاکٚ مأنستن سرتاسرٚ مصرٚ سرزیمینٚ میأن پخشَ به و تومامٚ اَ سرزیمینٚ آدمأن و حیوانأنٚ جانَ چلکی دُمبُل بوجور آیه.» ۱۰ پس اوشأن ایتأ کوره جأ خاکستر اوسأدیدی بوشوییدی فرعونٚ جُلُو بِیسَه‌ییدی. موسی خاکسترَ بادَ دَه و آدمأن و حیوانأنٚ جانَ چلکی دُمبُل بوجور بمو. ۱۱ جادوگرأنم نتأنستیدی موسی جُلُو کاری بوکونید چونکی اوشأن و تومامٚ مصریأنٚ جانَ دُمبُل بوجور بمو بو. ۱۲ ولی خوداوند فرعونٚ دیلَ سختَ کوده و اوشأنٚ گبأنَ گوش نوکوده، هوطو کی خوداوند موسایَ بوگفته‌بو.
بلای تگر
۱۳ بأزین خوداوند موسایَ بفرمأسته: «خروس خوأن ویریز بوشو فرعونٚ جُلُو بِیس و اونَ بوگو: ‹یهوه، عبرانیأنٚ خودا، اَطویی بوگفته: ”می قومَ آزادَ کون کی بیشید مرَ عیبادت بوکونید.“ ۱۴ اگه نوکونی، بلایی تو و تی خدمتگوزارأن و تی قومٚ سر اَورم کی بدأنید تومامٚ دونیا میأن می مأنستن وجود نأره ۱۵ چره کی من تأنستیم می دسَ درازَ کونم و تا هسأ تو و تی قومٚ سر بلایی بأورم کی زیمینٚ سر هلاکَ بید. ۱۶ ولی هَنٚ وأسی ترَ زنده وهأشتم کی می قودرتَ ترَ نیشأن بدم و می نام تومامٚ دونیا دورون اعلام ببه. ۱۷ هسأ دِه ترَ جٚه می قوم بوجورتر و پیله‌تر دأنی کی اوشأنَ آزاد نوکونی. ۱۸ پس، فردا هَه وخت، ایجور تگر وأرأنم کی جٚه او روزی کی مصر، مصر بوبوسته تا هسأ نوأرسته. ۱۹ هسأ فرمان بدن کی تومامٚ تی گله‌یأنَ و هرچی کی علفزارأنٚ میأن دأری، بأورید سایه‌بانٚ جیر چونکی تومامٚ آدمأن و چهارپایأنی کی علفزارأنٚ میأن بِیسید و سایه‌بان ندأرید تگرٚ جأ میریدی.›»
۲۰ فرعونٚ خدمتگوزارأنی کی خوداوندٚ پیغامٚ جأ بترسه‌بید بدو بدو خوشأنٚ غولامأن و گله‌یأنَ بأوردیدی سایه‌بانٚ جیر. ۲۱ ولی خدمتکارأنی کی خوداوندٚ پیغامَ محل ننَه‌یید، وهأشتید اوشأنٚ غولامأن و گله‌یأن علفزارأنٚ میأن بِیسید.
۲۲ بأزین خوداوند موسایَ بوگفته: «تی دسَ آسمانٚ طرف راستَ کون کی تومامٚ مصرٚ سرزیمینٚ میأن، آدمأن و چهارپایأن و صارا گیاهأنٚ سر، تگر بوأره.» ۲۳ پس موسی خو عصایَ آسمانٚ طرف راستَ کوده و خوداوند گورخانه و تگرَ اوسه کوده کی مصرٚ سرزیمینٚ سر بوأره ۲۴ و جٚه وختی کی مصر ایتأ میلت بوبوسته، هیکس تومامٚ او سرزیمینٚ میأن اَ جور بورانٚ تگر و گورخانه نیده‌بو. ۲۵ تگر تومامٚ مصرٚ سرزیمینٚ میأن هر چی سبزٚ زارأنٚ دورون ایسَه‌بید، ینی آدمأن و چهارپایأن، داغانَ کوده و صارا تومامٚ گیاهأنَ دمخته و تومامٚ درختأنَ بشکنه. ۲۶ فقط سرزیمینٚ جوشِنٚ میأن کی بنی‌ایسرائیل اونٚ دورون زندگی کودیدی تگر نوأرسته. ۲۷ بأزین فرعون، موسی و هارونَ دوخوأده و اوشأنَ بوگفته: «اَی‌دفه گوناه بوکودم. حق با خوداوند ایسه، من و می قوم بدکاریم. ۲۸ خوداوندٚ حوضور دوعا بوکونید چره کی اَن همه گورخانه و تگر خودا دسٚ جأ وسته. منم شمرَ آزادَ کونم و دِه مجبور نی‌ییدی کی اَیه بِیسید.» ۲۹ موسی اونَ بوگفته: «هَطو کی شهرٚ جأ بیرون بیشیم، می دسأنَ آسمانٚ طرف بوجور برم، بأزین گورخانه تومامَ به و دِه تگر نوأره کی بدأنی جهان خوداوندٚ شین ایسه. ۳۰ ولی دأنم کی تو و تی خدمتگوزارأن هنوزم یهوه، خودا جأ ترسی نأریدی.» ۳۱ تگر، جو و کتانٚ محصولَ نابودَ کوده چونکی جو خوشه بزه‌بو و کتان گول بوکوده‌بو. ۳۲ ولی گندم و محصولأنٚ دیگر، کی دِئرتر سبزَ بیدی، نابودَ نوبوستیدی. ۳۳ بأزین موسی جٚه فرعونٚ ورجأ و او شهرٚ جأ بیرون بوشو، خو دسأنَ آسمانٚ طرف بوجورَ گیفته و گورخانه و تگر بند بمو و وارش دِه زیمینٚ سر نوأرسته. ۳۴ وختی فرعون بیده وارش، گورخانه و تگر بند بموییدی، دوواره گوناه بوکوده و خو خدمتگوزارأن اَمرأ خوشأنٚ دیلَ سختَ کودید. ۳۵ پس هوطو کی خوداوند موسی زبانٚ جأ بوگفته‌بو، فرعونٚ دیل سختَ بوسته و بنی‌ایسرائیلَ آزادَ نوکوده.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media