خروج ۵
۵
موسی و هارون شیدی فرعونٚ ورجأ
۱ بأزین موسی و هارون بوشوییدی فرعونٚ ورجأ و بوگفتید: «یهوه، ایسرائیلٚ خودا اَطویی بوگفته: ‹می قومَ آزادَ کون کی بیشید بیابانٚ میأن مِره عید بیگیرید.›» ۲ فرعون بوگفته: «خوداوند کیسه کی من وأ اونٚ گبأنَ گوش بوکونم و ایسرائیلَ آزادَ کونم؟ خوداوندَ نشنأسم و ایسرائیلم آزادَ نوکونم.» ۳ موسی و هارون بوگفتیدی: «عبرانیأنٚ خودا اَمی اَمرأ مولاقات بوکوده. هسأ وهل سه روز بیابانٚ دورون سفر بوکونیم و اویه یهوه، اَمی خودا رِه قوربانی بوکونیم کی نوکونه اَمرَ بلا یا شمشیرٚ اَمرأ بزنه.» ۴ ولی مصرٚ پادشا بوگفته: «اَی موسی و هارون، چره مردومَ ونألیدی خوشأنٚ کارَ بوکونید؟ وأگردید بیشید شیمی کارٚ سر!» ۵ هَطویم بوگفته: «هسأ کی اَ مردومٚ جمعیت زیادَ بوسته، شومأن ونألیدی اوشأن کار بوکونید.» ۶ هو روز فرعون خو سرکارگرأنَ و ناظرأنَ دوخوأده و بوگفته: ۷ «دِه مردومَ خشت چأکودنٚ وأسی کولوش خورده فَندید. اوشأن وأ خودشأن بیشید خوشأنٚ رِه کولوش جمَ کونید، ۸ خشتأنی‌یم کی چأکونیدی وأ هونقدر ببه کی قبلٚ اَن چأکودیدی؛ شومأن نوأ آمارَ کمَ کونید. اوشأن تنبلیدی، هَنٚ وأسی فریاد زنیدی گیدی کی بدا بیشیم اَمی خودا رِه قوربانی بوکونیم. ۹ اوشأنٚ کارَ سخت‌ترَ کونید کی مشغول بیبید و بیخودٚ گبأنَ گوش نوکونید.»
۱۰ پس سرکارگرأن و ناظرأن بوشوییدی قومَ بوگفتیدی: «فرعون بفرمأسته: ‹من دِه شمرَ کولوش خورده فندم، ۱۱ خودتأن بیشید هر جا کی تأنیدی شِمره کولوش تهیه بوکونید بأورید ولی شیمی کارٚ آمار اصلاً نوأ کمَ به.›» ۱۲ پس بنی‌ایسرائیل کولوش خورده دأشتنٚ وأسی رأ دکفتیدی بوشوییدی تومامٚ مصرَ بگردید کی کولوش جمَ کونید. ۱۳ پس سرکارگرأن اوشأنَ فشار اَوردیدی و گفتیدی: «شیمی هر روزٚ کارَ تومامَ کونید هو روزأنٚ مأنستن کی کولوش دأشتیدی.» ۱۴ فرعونٚ سرکارگرأن، ایسرائیلی ناظرأنی‌یَ کی خودشأن تعیین بوکوده‌بید، شلاق زه‌ییدی و اوشأنٚ جأ وَورسه‌ییدی: «چره دیروز و ایمروز خشتأنٚ آمار بیجیر بمو و قبلاً مأنستن نی‌یه؟» ۱۵ پس ایسرائیلی ناظرأن بوشوییدی فرعونٚ ورجأ و ایلتماسٚ اَمرأ بوگفتیدی: «چره اَمی اَمرأ کی تی بنده ایسیم اَطو رفتار کونی؟ ۱۶ تی کارگرأنٚ رِه کولوش نأوریدی، بأزین گیدی: ‹خشت چأکونید!› تی بنده‌یأن شلاق خوریدی ولی تی ناظرأنٚ تقصیره.» ۱۷ فرعون بوگفته: «تنبلیدی! تنبل! هَنٚ وأسی گیدی: ‹وهل بیشیم خوداوندٚ رِه قوربانی بوکونیم.› ۱۸ هسأ بیشید شیمی کارَ بوکونید، کسی شِمره کولوش نأوره، ولی خشتأنٚ آمار نوأ کمَ به.» ۱۹ ایسرائیلی ناظرأن وختی بیده‌ییدی کی آمارٚ جأ نوأ کمَ به، بفهمستیدی کی وضع خیلی خرابه. ۲۰ وختی جٚه فرعونٚ ورجأ بموییدی بیرون، موسی و هارونَ بیده‌ییدی کی اویه اوشأنٚ رافا ایسَه‌ییدی ۲۱ و ناظرأن اوشأنَ بوگفتیدی: «خوداوند شیمی اَ کارَ بیدینه و شمرَ داوری بوکونه! چونکی اَمرَ فرعون و اونٚ خدمتگوزارأنٚ ورجأ خرابَ کودیدی و اوشأنَ شمشیر بدسَ دَییدی کی اَمرَ بوکوشید.»
خودا وعده دهه خو قومَ نجات بده
۲۲ موسی وأگردسته بوشو خوداوندٚ حوضور و بوگفته: «اَن چی بلایی بو کی تی قومٚ سر بأوردی؟ چره اصلاً مرَ اوسه کودی اَیه؟ ۲۳ جٚه هو وختی کی بوشوم فرعونٚ ورجأ کی بنامٚ تو اونٚ مره گب بزنم، اَ قومٚ سر بلا بأورده و تو، تی قومٚ نجاتٚ وأسی هیچ کاری نوکودی.»
Currently Selected:
خروج ۵: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
خروج ۵
۵
موسی و هارون شیدی فرعونٚ ورجأ
۱ بأزین موسی و هارون بوشوییدی فرعونٚ ورجأ و بوگفتید: «یهوه، ایسرائیلٚ خودا اَطویی بوگفته: ‹می قومَ آزادَ کون کی بیشید بیابانٚ میأن مِره عید بیگیرید.›» ۲ فرعون بوگفته: «خوداوند کیسه کی من وأ اونٚ گبأنَ گوش بوکونم و ایسرائیلَ آزادَ کونم؟ خوداوندَ نشنأسم و ایسرائیلم آزادَ نوکونم.» ۳ موسی و هارون بوگفتیدی: «عبرانیأنٚ خودا اَمی اَمرأ مولاقات بوکوده. هسأ وهل سه روز بیابانٚ دورون سفر بوکونیم و اویه یهوه، اَمی خودا رِه قوربانی بوکونیم کی نوکونه اَمرَ بلا یا شمشیرٚ اَمرأ بزنه.» ۴ ولی مصرٚ پادشا بوگفته: «اَی موسی و هارون، چره مردومَ ونألیدی خوشأنٚ کارَ بوکونید؟ وأگردید بیشید شیمی کارٚ سر!» ۵ هَطویم بوگفته: «هسأ کی اَ مردومٚ جمعیت زیادَ بوسته، شومأن ونألیدی اوشأن کار بوکونید.» ۶ هو روز فرعون خو سرکارگرأنَ و ناظرأنَ دوخوأده و بوگفته: ۷ «دِه مردومَ خشت چأکودنٚ وأسی کولوش خورده فَندید. اوشأن وأ خودشأن بیشید خوشأنٚ رِه کولوش جمَ کونید، ۸ خشتأنی‌یم کی چأکونیدی وأ هونقدر ببه کی قبلٚ اَن چأکودیدی؛ شومأن نوأ آمارَ کمَ کونید. اوشأن تنبلیدی، هَنٚ وأسی فریاد زنیدی گیدی کی بدا بیشیم اَمی خودا رِه قوربانی بوکونیم. ۹ اوشأنٚ کارَ سخت‌ترَ کونید کی مشغول بیبید و بیخودٚ گبأنَ گوش نوکونید.»
۱۰ پس سرکارگرأن و ناظرأن بوشوییدی قومَ بوگفتیدی: «فرعون بفرمأسته: ‹من دِه شمرَ کولوش خورده فندم، ۱۱ خودتأن بیشید هر جا کی تأنیدی شِمره کولوش تهیه بوکونید بأورید ولی شیمی کارٚ آمار اصلاً نوأ کمَ به.›» ۱۲ پس بنی‌ایسرائیل کولوش خورده دأشتنٚ وأسی رأ دکفتیدی بوشوییدی تومامٚ مصرَ بگردید کی کولوش جمَ کونید. ۱۳ پس سرکارگرأن اوشأنَ فشار اَوردیدی و گفتیدی: «شیمی هر روزٚ کارَ تومامَ کونید هو روزأنٚ مأنستن کی کولوش دأشتیدی.» ۱۴ فرعونٚ سرکارگرأن، ایسرائیلی ناظرأنی‌یَ کی خودشأن تعیین بوکوده‌بید، شلاق زه‌ییدی و اوشأنٚ جأ وَورسه‌ییدی: «چره دیروز و ایمروز خشتأنٚ آمار بیجیر بمو و قبلاً مأنستن نی‌یه؟» ۱۵ پس ایسرائیلی ناظرأن بوشوییدی فرعونٚ ورجأ و ایلتماسٚ اَمرأ بوگفتیدی: «چره اَمی اَمرأ کی تی بنده ایسیم اَطو رفتار کونی؟ ۱۶ تی کارگرأنٚ رِه کولوش نأوریدی، بأزین گیدی: ‹خشت چأکونید!› تی بنده‌یأن شلاق خوریدی ولی تی ناظرأنٚ تقصیره.» ۱۷ فرعون بوگفته: «تنبلیدی! تنبل! هَنٚ وأسی گیدی: ‹وهل بیشیم خوداوندٚ رِه قوربانی بوکونیم.› ۱۸ هسأ بیشید شیمی کارَ بوکونید، کسی شِمره کولوش نأوره، ولی خشتأنٚ آمار نوأ کمَ به.» ۱۹ ایسرائیلی ناظرأن وختی بیده‌ییدی کی آمارٚ جأ نوأ کمَ به، بفهمستیدی کی وضع خیلی خرابه. ۲۰ وختی جٚه فرعونٚ ورجأ بموییدی بیرون، موسی و هارونَ بیده‌ییدی کی اویه اوشأنٚ رافا ایسَه‌ییدی ۲۱ و ناظرأن اوشأنَ بوگفتیدی: «خوداوند شیمی اَ کارَ بیدینه و شمرَ داوری بوکونه! چونکی اَمرَ فرعون و اونٚ خدمتگوزارأنٚ ورجأ خرابَ کودیدی و اوشأنَ شمشیر بدسَ دَییدی کی اَمرَ بوکوشید.»
خودا وعده دهه خو قومَ نجات بده
۲۲ موسی وأگردسته بوشو خوداوندٚ حوضور و بوگفته: «اَن چی بلایی بو کی تی قومٚ سر بأوردی؟ چره اصلاً مرَ اوسه کودی اَیه؟ ۲۳ جٚه هو وختی کی بوشوم فرعونٚ ورجأ کی بنامٚ تو اونٚ مره گب بزنم، اَ قومٚ سر بلا بأورده و تو، تی قومٚ نجاتٚ وأسی هیچ کاری نوکودی.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media