اعمالٚ رسولأن ۱۶
۱۶
تیموتائوسٚ ملحق بوستن به پولُس و سیلاس
۱ پولُس به شهرٚ دِربِه بمو. بأزین بمو لِستْره. اویه ایتأ ایماندار تیموتائوس نام زندگی کودی کی اونٚ مار ایتأ بانویٚ یهودی‌یٚ ایماندار ولی اونٚ پئر یونانی بو. ۲ ایماندارأنٚ شهرٚ لِستْره و قونیه جٚه اون به خوبی و نیکی یاد کودیدی. ۳ پولُس خوأستی اونَ خو اَمرأ سفر ببره. پس به ایحترامٚ یهودیأنی کی او منطقه میأن زندگی کودیدی، اوّل تیموتائوسَ ختنه بوکوده، چون همه دأنستیدی کی اونٚ پئر یونانی‌یه. ۴ اوشأن هَطو کی جٚه شهری به شهرٚ دیگر شوییدی، تصمیماتی‌یَ کی رسولأنٚ مسیح و کلیسا مشایخ اورشلیمٚ دورون بیگیفته‌بید، مردومأنٚ رِه اعلام کودیدی تا ایطاعت بوکونید. ۵ پس کلیسایأنٚ اعضا، در ایمأنٚ مسیح رُشت کودیدی و روز به روز ایماندارأنی تازه به اوشأن ایضافه بوستی.
پولُسٚ رویا درباره‌یٚ مقدونی مردای
۶ پس پولُس و اونٚ همراهأن جٚه منطقه‌یٚ فْریجیه و غَلاطیه ردَ بوستیدی، چون دِه روح‌القدس اوشأنَ قدغن بوکوده‌بو کی آسیا میأن خودا کلامَ موعظه نوکونید. ۷ پس به نزدیکی‌یٚ ایالتٚ میسیه فأرسه‌ییدی، تلاش بوکودیدی کی بیشید بیطینیه ولی روح‌القدس اوشأنَ ایجازه فنده. ۸ هَنٚ وأسی، میسیه جأ بوگوذشتیدی و بوشوییدی شهرٚ بندری تْروآس. ۹ شب، پولُس رویا میأن ایتأ مقدونی مردأکَ دینه کی به پا ایسَه و اونَ ایلتماس کونه: «بیأ مقدونیه، اَمرَ کومک بوکون.»
لوقا کی اَ ماجرایَ نقل کودن دره، پولُس و اونٚ همراهأنٚ اَمرأ شه شهرٚ فیلیپی‌یٚ مقدونیه
۱۰ وختی پولُس اَ رویایَ بیده، فوری اَمأن آماده بوستیم و رأ دکفتیم بیشیم مقدونیه، چونکی بفهمستیم خودا اَمرَ دوخوأده کی اوشأنَ بشارت بدیم. ۱۱ بأزین شهرٚ بندری تْروآسٚ جأ، کشتی اَمرأ یکراست به جزیره‌یٚ ساموتْراکی بوشوییم و فردایٚ او روز به شهرٚ بندری نیاپولیس فأرسه‌ییم. ۱۲ جٚه اویه، راهی‌یٚ فیلیپی بوبوستیم کی مستعمره‌یٚ روم و ایتأ جٚه شهرأنٚ عمده‌یٚ بخشٚ مقدونیه بو. چند روزی او شهرٚ میأن بِیسَه‌ییم.
۱۳ شبّات روزٚ رِه، شهرٚ جأ بیرون بوشوییم فأرسه‌ییم هو روخان کناری کی فیکر کودیمی یهودیأن دوعا کودنٚ وأسی اَموییدی. اویه بینیشتیم و زنأکأنی‌یَ کی اویه جمَ بوسته‌بید جٚه خوداوندٚ کلام اوشأنٚ رِه گب بزه‌ییم. ۱۴ اوشأنٚ میأنی زنی خوداپرست ایسَه‌بو، لیدیه نام، کی شهرٚ تیاتیرا شین بو و پارچه‌یأنٚ ارغوان فروختی. اون اَمی گبأنَ گوش دَیی و خوداوند اونٚ قلبَ وازَ کوده تا پولُسٚ پیغامَ قوبیل بوکونه. ۱۵ وختی اون خو خانواده اَمرأ غسلٚ تعمید بیگیفته، خوأهش بوکوده، بوگفته: «اگه ایطمینان دأریدی کی من به خوداوندٚ عیسی مسیح ایمأن بأوردم، پس بأیید و می خانه میأن بِیسید.» سرٚ آخر اَمأن اونٚ خوأسته‌یَ قوبیل بوکودیم.
پولُس و سیلاس زندانٚ میأن
۱۶ ایتأ روز کی شوئون دیبیم روخانٚ کنار کی محلٚ دوعا کودن بو، ایتأ کنیزَ بیده‌ییم کی اسیرٚ روحٚ ناپاک بو و طالع‌بینی اَمرأ خو اربابأنَ سودٚ فراوان فأرسأنه‌یی. ۱۷ اون، اَمأن و پولُسٚ دونبألسر رأ دکفتی و فریاد زه‌یی: «اَ مردأکأن خادمأنٚ خودایٚ موتعال ایسیدی و شِمره نجاتٚ رایَ موعظه کونیدی.» ۱۸ اون همه‌تأ روز اَ کارَ کودی. سرٚ آخر پولُس دِه صبر نوکوده، وأگردسته بوگفته: «اَی روح، به عیسی مسیحٚ نام ترَ فرمان دهم کی جٚه اون بیرون بأیی!» در جا روح اونٚ جأ خارجَ بوسته.
۱۹ او کنیزٚ اربابأن، چون بیده‌ییدی کی اَ کارٚ اَمرأ اوشأنٚ امیدٚ پول به دس اَوردن باطیلَ بوسته، پولُس و سیلاسَ بیگیفتیدی و فأکش فأکشٚ اَمرأ ببردیدی میدانٚ شهر و تحویلٚ دادگاه بدَه‌ییدی تا محاکمه بیبید. ۲۰ بأزین اوشأنَ قاضیأنٚ ورجأ بأوردیدی و بوگفتید: «اَ مردأکأن یهودی ایسید و اَمی شهرَ به آشوب فأکشه‌یید. ۲۱ اوشأن، رسم و روسومی‌یَ تبلیغ کونیدی کی اَمأن، رومیأنٚ رِه غیرٚ قابلٚ قوبوله.»
۲۲ مردومم، اوشأنٚ اَمرأ همدس بوبوستیدی. قاضیأنم فرمان بدَه‌ییدی کی اوشأنٚ لیباسأنَ بکنید و پولُس و سیلاسَ چوبٚ اَمرأ بزنید. ۲۳ وختی پولُس و سیلاسَ بزه‌ییدی، زندانٚ میأن تأودَه‌ییدی و زندانبانَ دستور بدَه‌ییدی خُب مراقب ببه. ۲۴ زندانبانم چون اَطو دستور بیگیفته، اوشأنَ ایتأ سلولٚ میأنی تأودَه و اوشأنٚ پایَ ایتأ پیله کونده سر دٚوٚسته کی نتأنید فرار بوکونید.
۲۵ نزدیکٚ نصفٚ شب بو کی پولُس و سیلاس دوعا کونان و سرود خوأنان خودایَ ستایش کودید و زندانیأنٚ دیگرم گوش دَئن دیبید، ۲۶ کی ایدفعه‌یی، ایتأ پیله زیمین‌لرزه بمو. زندانٚ تومامٚ ساختمان به لرزه دکفته و او لحظه زندانٚ درأن وازَ بوسته و زنجیلأنم جٚه همه‌تأنٚ دس بیجیر بکفتیدی. ۲۷ رئیسٚ زندان بیدارَ بوسته و بیده زندانٚ درأنَ بازه. شمشیرَ فأکشه تا خوره بوکوشه، چون فیکر کودی کی زندانیأن فرار بوکودید. ۲۸ ولی پولُس فریاد بزه، بوگفته: «ترَ زخم و زیلی نوکون، اَمأن همه‌تأن اَیه ایسه‌ییم!» ۲۹ رئیسٚ زندان دستور بده مشعل بأورید و سراسیمه بوشو زندانٚ دورون، ترسان و لرزان پولُس و سیلاسٚ پا جیر بکفته. ۳۰ اوشأنَ بأورده بیرون وَورسه: «اَی بوزرگوارأن، چی وأ بوکونم کی نجات پیدا بوکونم؟»
۳۱ اوشأن جواب بدَه‌ییدی: «به خوداوند عیسایٚ مسیح ایمأن بأور کی تو و تی خانواده نجات پیدا کونیدی.» ۳۲ بأزین خوداوندٚ کلامَ اونٚ‌ره و تومامٚ اونٚ اهلٚ خانه رِه موعظه بوکودیدی. ۳۳ رئیسٚ زندان فوراً اوشأنٚ زخمأنَ بوشوسته و خودش و تومامٚ اونٚ خانواده تعمید بیگیفتیدی. ۳۴ پولُس و سیلاسَ خو خانه میأن ببرده و سفره تأودَه؛ اون و تومامٚ اونٚ خانواده به خودا ایمأن اَوردنٚ وأسی خیلی خوشحال بید.
۳۵ وختی روز بوبوسته قاضیأن، مأمورأنی‌یَ اوسه کودیدی زندانبانٚ ورجأ و بوگفتیدی: «او مردأکأنَ آزادَ کون!» ۳۶ زندانبان پولُسَ جٚه اَ پیغام وأخبرَ کوده و بوگفته: «قاضیأن دستور بدَه‌ییدی کی شمرَ آزادَ کونم. پس بأیید بیرون و به سلامتی بیشید.» ۳۷ ولی پولُس وأگردسته اوشأنَ بوگفته: «شومأن، اَمرَ کی رومی ایسیم بی محاکمه همه کسٚ ورجأ شلاق بزه‌ییدی و زندانی بوکودید. هسأ اَمرَ مخفیأنه آزادَ کودن دریدی؟ اَ کارَ نوکونیمی! هسأ خودشأن بأیید و اَمرَ جٚه اَیه بیرون بأورید.»
۳۸ مأمورأن، قاضیأنَ بوگفتید و اوشأن چون بیشتأوستیدی کی پولُس و سیلاس رومی ایسیدی، بترسه‌ییدی ۳۹ و بموییدی، اوشأنٚ جأ عذرخوأهی بوکودید و تا زندانٚ بیرون بدرقه بوکودید و اوشأنٚ جأ بخوأستیدی کی شهرَ ترکَ کونید. ۴۰ پولُس و سیلاس، زندانَ ترکَ کودید و بوشوییدی لیدیه خانه و اویه ایماندارأنَ دیلگرمی بدَه‌ییدی، بأزین جٚه اویه بوشویید.
Currently Selected:
اعمالٚ رسولأن ۱۶: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
اعمالٚ رسولأن ۱۶
۱۶
تیموتائوسٚ ملحق بوستن به پولُس و سیلاس
۱ پولُس به شهرٚ دِربِه بمو. بأزین بمو لِستْره. اویه ایتأ ایماندار تیموتائوس نام زندگی کودی کی اونٚ مار ایتأ بانویٚ یهودی‌یٚ ایماندار ولی اونٚ پئر یونانی بو. ۲ ایماندارأنٚ شهرٚ لِستْره و قونیه جٚه اون به خوبی و نیکی یاد کودیدی. ۳ پولُس خوأستی اونَ خو اَمرأ سفر ببره. پس به ایحترامٚ یهودیأنی کی او منطقه میأن زندگی کودیدی، اوّل تیموتائوسَ ختنه بوکوده، چون همه دأنستیدی کی اونٚ پئر یونانی‌یه. ۴ اوشأن هَطو کی جٚه شهری به شهرٚ دیگر شوییدی، تصمیماتی‌یَ کی رسولأنٚ مسیح و کلیسا مشایخ اورشلیمٚ دورون بیگیفته‌بید، مردومأنٚ رِه اعلام کودیدی تا ایطاعت بوکونید. ۵ پس کلیسایأنٚ اعضا، در ایمأنٚ مسیح رُشت کودیدی و روز به روز ایماندارأنی تازه به اوشأن ایضافه بوستی.
پولُسٚ رویا درباره‌یٚ مقدونی مردای
۶ پس پولُس و اونٚ همراهأن جٚه منطقه‌یٚ فْریجیه و غَلاطیه ردَ بوستیدی، چون دِه روح‌القدس اوشأنَ قدغن بوکوده‌بو کی آسیا میأن خودا کلامَ موعظه نوکونید. ۷ پس به نزدیکی‌یٚ ایالتٚ میسیه فأرسه‌ییدی، تلاش بوکودیدی کی بیشید بیطینیه ولی روح‌القدس اوشأنَ ایجازه فنده. ۸ هَنٚ وأسی، میسیه جأ بوگوذشتیدی و بوشوییدی شهرٚ بندری تْروآس. ۹ شب، پولُس رویا میأن ایتأ مقدونی مردأکَ دینه کی به پا ایسَه و اونَ ایلتماس کونه: «بیأ مقدونیه، اَمرَ کومک بوکون.»
لوقا کی اَ ماجرایَ نقل کودن دره، پولُس و اونٚ همراهأنٚ اَمرأ شه شهرٚ فیلیپی‌یٚ مقدونیه
۱۰ وختی پولُس اَ رویایَ بیده، فوری اَمأن آماده بوستیم و رأ دکفتیم بیشیم مقدونیه، چونکی بفهمستیم خودا اَمرَ دوخوأده کی اوشأنَ بشارت بدیم. ۱۱ بأزین شهرٚ بندری تْروآسٚ جأ، کشتی اَمرأ یکراست به جزیره‌یٚ ساموتْراکی بوشوییم و فردایٚ او روز به شهرٚ بندری نیاپولیس فأرسه‌ییم. ۱۲ جٚه اویه، راهی‌یٚ فیلیپی بوبوستیم کی مستعمره‌یٚ روم و ایتأ جٚه شهرأنٚ عمده‌یٚ بخشٚ مقدونیه بو. چند روزی او شهرٚ میأن بِیسَه‌ییم.
۱۳ شبّات روزٚ رِه، شهرٚ جأ بیرون بوشوییم فأرسه‌ییم هو روخان کناری کی فیکر کودیمی یهودیأن دوعا کودنٚ وأسی اَموییدی. اویه بینیشتیم و زنأکأنی‌یَ کی اویه جمَ بوسته‌بید جٚه خوداوندٚ کلام اوشأنٚ رِه گب بزه‌ییم. ۱۴ اوشأنٚ میأنی زنی خوداپرست ایسَه‌بو، لیدیه نام، کی شهرٚ تیاتیرا شین بو و پارچه‌یأنٚ ارغوان فروختی. اون اَمی گبأنَ گوش دَیی و خوداوند اونٚ قلبَ وازَ کوده تا پولُسٚ پیغامَ قوبیل بوکونه. ۱۵ وختی اون خو خانواده اَمرأ غسلٚ تعمید بیگیفته، خوأهش بوکوده، بوگفته: «اگه ایطمینان دأریدی کی من به خوداوندٚ عیسی مسیح ایمأن بأوردم، پس بأیید و می خانه میأن بِیسید.» سرٚ آخر اَمأن اونٚ خوأسته‌یَ قوبیل بوکودیم.
پولُس و سیلاس زندانٚ میأن
۱۶ ایتأ روز کی شوئون دیبیم روخانٚ کنار کی محلٚ دوعا کودن بو، ایتأ کنیزَ بیده‌ییم کی اسیرٚ روحٚ ناپاک بو و طالع‌بینی اَمرأ خو اربابأنَ سودٚ فراوان فأرسأنه‌یی. ۱۷ اون، اَمأن و پولُسٚ دونبألسر رأ دکفتی و فریاد زه‌یی: «اَ مردأکأن خادمأنٚ خودایٚ موتعال ایسیدی و شِمره نجاتٚ رایَ موعظه کونیدی.» ۱۸ اون همه‌تأ روز اَ کارَ کودی. سرٚ آخر پولُس دِه صبر نوکوده، وأگردسته بوگفته: «اَی روح، به عیسی مسیحٚ نام ترَ فرمان دهم کی جٚه اون بیرون بأیی!» در جا روح اونٚ جأ خارجَ بوسته.
۱۹ او کنیزٚ اربابأن، چون بیده‌ییدی کی اَ کارٚ اَمرأ اوشأنٚ امیدٚ پول به دس اَوردن باطیلَ بوسته، پولُس و سیلاسَ بیگیفتیدی و فأکش فأکشٚ اَمرأ ببردیدی میدانٚ شهر و تحویلٚ دادگاه بدَه‌ییدی تا محاکمه بیبید. ۲۰ بأزین اوشأنَ قاضیأنٚ ورجأ بأوردیدی و بوگفتید: «اَ مردأکأن یهودی ایسید و اَمی شهرَ به آشوب فأکشه‌یید. ۲۱ اوشأن، رسم و روسومی‌یَ تبلیغ کونیدی کی اَمأن، رومیأنٚ رِه غیرٚ قابلٚ قوبوله.»
۲۲ مردومم، اوشأنٚ اَمرأ همدس بوبوستیدی. قاضیأنم فرمان بدَه‌ییدی کی اوشأنٚ لیباسأنَ بکنید و پولُس و سیلاسَ چوبٚ اَمرأ بزنید. ۲۳ وختی پولُس و سیلاسَ بزه‌ییدی، زندانٚ میأن تأودَه‌ییدی و زندانبانَ دستور بدَه‌ییدی خُب مراقب ببه. ۲۴ زندانبانم چون اَطو دستور بیگیفته، اوشأنَ ایتأ سلولٚ میأنی تأودَه و اوشأنٚ پایَ ایتأ پیله کونده سر دٚوٚسته کی نتأنید فرار بوکونید.
۲۵ نزدیکٚ نصفٚ شب بو کی پولُس و سیلاس دوعا کونان و سرود خوأنان خودایَ ستایش کودید و زندانیأنٚ دیگرم گوش دَئن دیبید، ۲۶ کی ایدفعه‌یی، ایتأ پیله زیمین‌لرزه بمو. زندانٚ تومامٚ ساختمان به لرزه دکفته و او لحظه زندانٚ درأن وازَ بوسته و زنجیلأنم جٚه همه‌تأنٚ دس بیجیر بکفتیدی. ۲۷ رئیسٚ زندان بیدارَ بوسته و بیده زندانٚ درأنَ بازه. شمشیرَ فأکشه تا خوره بوکوشه، چون فیکر کودی کی زندانیأن فرار بوکودید. ۲۸ ولی پولُس فریاد بزه، بوگفته: «ترَ زخم و زیلی نوکون، اَمأن همه‌تأن اَیه ایسه‌ییم!» ۲۹ رئیسٚ زندان دستور بده مشعل بأورید و سراسیمه بوشو زندانٚ دورون، ترسان و لرزان پولُس و سیلاسٚ پا جیر بکفته. ۳۰ اوشأنَ بأورده بیرون وَورسه: «اَی بوزرگوارأن، چی وأ بوکونم کی نجات پیدا بوکونم؟»
۳۱ اوشأن جواب بدَه‌ییدی: «به خوداوند عیسایٚ مسیح ایمأن بأور کی تو و تی خانواده نجات پیدا کونیدی.» ۳۲ بأزین خوداوندٚ کلامَ اونٚ‌ره و تومامٚ اونٚ اهلٚ خانه رِه موعظه بوکودیدی. ۳۳ رئیسٚ زندان فوراً اوشأنٚ زخمأنَ بوشوسته و خودش و تومامٚ اونٚ خانواده تعمید بیگیفتیدی. ۳۴ پولُس و سیلاسَ خو خانه میأن ببرده و سفره تأودَه؛ اون و تومامٚ اونٚ خانواده به خودا ایمأن اَوردنٚ وأسی خیلی خوشحال بید.
۳۵ وختی روز بوبوسته قاضیأن، مأمورأنی‌یَ اوسه کودیدی زندانبانٚ ورجأ و بوگفتیدی: «او مردأکأنَ آزادَ کون!» ۳۶ زندانبان پولُسَ جٚه اَ پیغام وأخبرَ کوده و بوگفته: «قاضیأن دستور بدَه‌ییدی کی شمرَ آزادَ کونم. پس بأیید بیرون و به سلامتی بیشید.» ۳۷ ولی پولُس وأگردسته اوشأنَ بوگفته: «شومأن، اَمرَ کی رومی ایسیم بی محاکمه همه کسٚ ورجأ شلاق بزه‌ییدی و زندانی بوکودید. هسأ اَمرَ مخفیأنه آزادَ کودن دریدی؟ اَ کارَ نوکونیمی! هسأ خودشأن بأیید و اَمرَ جٚه اَیه بیرون بأورید.»
۳۸ مأمورأن، قاضیأنَ بوگفتید و اوشأن چون بیشتأوستیدی کی پولُس و سیلاس رومی ایسیدی، بترسه‌ییدی ۳۹ و بموییدی، اوشأنٚ جأ عذرخوأهی بوکودید و تا زندانٚ بیرون بدرقه بوکودید و اوشأنٚ جأ بخوأستیدی کی شهرَ ترکَ کونید. ۴۰ پولُس و سیلاس، زندانَ ترکَ کودید و بوشوییدی لیدیه خانه و اویه ایماندارأنَ دیلگرمی بدَه‌ییدی، بأزین جٚه اویه بوشویید.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media