SOERA JESAJA FAZA 53.
FAZA 53.
I. Famaʼeleʼõ famakao Mesia andrõ, salahi niha. II. Loealoea nitõrõnia andrõ, si so lachõmi.
1I. Ba ha niha zi fadoehoe tõdõ ba niʼombachaʼõ chõda, ba tanga Jehowa andrõ — ba ha chõ tefaʼeleʼõ! (Joh. 12, 38. Rom. 10, 16). 2No manõi ia, fõnania, hoelõ lewiõ, hoelõ lewiõ ba w̃aʼa, moroi ba danõ si no okõlikõli. Lõ fongaʼeoe ba lõ famoadoe, fa tafaigi enaʼõ ia, ba tenga omasiõ, wamaigida jaʼia. (F. 11, 1). 3Niʼositengagõ ia ba niʼerogõ niha bõʼõ; niha si no fahõna faʼafõchõ ba si no toʼõlõ ba wõchõ. Niʼositengagõ ia, irege labaloegõ mbawara fõnania ba fa lõ ba dõdõda ia. (Sin. 22, 7. Mar. 9, 12). 4Ba fõchõda niloeʼinia ba no ihareʼõ chõnia zafõchõ chõda; ba ba dõdõda, ba niʼotoeʼõ ia, nibõzibõzi Lowalangi ba nifakao. (Mat. 8, 17. Joh. 1, 29). 5Ba no lalõda sa mbõrõ, wa tefesocho ia, ba horõda mbõrõ, wa terasa ia. Jaʼia zoloeʼi hoekoe, enaʼõ sohahaoe tõdõ ita, ba moroi ba zochonia, wa no dõhõ wõchõda. (Rom. 4, 25. Kor. I. 15, 3. Fet. I. 2, 24). 6Dozi ita, ba no eloengoe, hoelõ mbiribiri, ha lalania niʼila zamõsana; ba no ihareʼõ chõnia Jehowa horõda, dozi ita. 7Nifakao ia, he w̃aʼae ikõwõ ia ba itaha ba lõ hedehedenia, hoelõ nono mbiribiri niʼohe ba wanaba, ba hoelõ zigelo mbiribiri, si lõ hedehede ba danga zogoeti boenia, si manõ gõi wa lõ hedehedenia. (Mat. 26, 63. Hal. zin. 8, 32. 33).
8II. Famoenoenia wamakao andrõ ba hoekoe andrõ, ba ha niha ba zi faendronga chõnia andrõ zameʼe ba dõdõ, wa no olalõw̃a niwada andrõ mbõrõ, wa tetibo ia moroi ba danõ niha saoeri, wa gõna famoenoe ia? 9Ba ngai zeboea horõ labeʼe lewatõnia ba ba ngai zolaoe si lõ sõchi, me no mate ia, he w̃aʼae lõ nifazõchinia si lõ sõchi ba he w̃aʼae lõ falimosa ba mbewenia. (Mat. 27, 57. Joh. I. 3, 3. Fet. I. 2, 22). 10Ba no omasi Jehowa ifoefoe, ifofõchõ. Na no ibeʼe soemange fameta horõ nosonia, ba iʼila ngaʼõtõ, anaoe nosonia, ba mofozoe ba dangania zomasi Jehowa. (Mat. 20, 28. Kor. II. 5, 21). 11Bõrõ waʼerege dõdõnia andrõ, wa iʼila dania zahono dõdõnia. Ba waʼaboto ba dõdõnia andrõ, ba ato dania zi faloecha fangatoelõ, ibeʼe enonigoe satoelõ andrõ, ba lalõrā andrõ, ba jaʼia zoloeʼi. (Kor. I. 1, 30. Fil. 3, 9). 12Andrõ oebeʼe dána chõnia ba zato andrõ, ba jaʼia zamaosa ba zato ahoeloea ba wanoewõ, bõli gõlõnia, me no ibeʼe niʼetoeʼõ nosonia ba me no tebeʼe awõ zolalõ ia, lõ lai wa no iloeʼi horõ sato andrõ, awõ wa no mangandrõ ia salahi zolalõ. (Mar. 15, 20. Loek. 23, 34).
Currently Selected:
SOERA JESAJA FAZA 53.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.