SOERA GESITERA FAZA 5.
FAZA 5.
I. Lõ mofõnoe razo, eboea dõdõnia chõ Gesitera. Ikaoni razo, awõ Hamano, Esitera, ba wemanga chõnia. II. Fajaw̃asa Hamano ba fatioesania chõ Morodochai.
1I. Ba me no aefa doea wongi, ba iʼobaroe mbaroe woʼomo razo Esitera, ba iʼagõ golajama tánõ bacha, ba gõdo razo, ba gamaoedoe gõdo, me no doemadao ba dadaoma razo chõnia razo, jomo ba gõdo, ba gamaoedoe mbawandroehõ ba gõdo. 2Ba me iʼila woʼomonia Esitera, tooe ba golajama, razo, ba eboea dõdõnia chõnia, ba iʼoroʼõ chõ Gesitera ziʼonia anaʼa, si so ba dangania, razo. Ba iʼondrasi Esitera, ibabaja mbalõ ziʼo. 3Ba imane chõnia razo: Hadia chõoe, foʼomo razo, Esitera, hadia niʼandrõoe? He irege zi matonga gamatõrõw̃agoe, ba latehe chõoe! 4Ba imane Esitera: Na atoelõ chõ razo, ba jamõi manga chõgoe maʼõchṍ, awõ Hamano, ba gõ andrõ, si no oeʼasiwai chõnia. 5Ba imane razo: Mitaʼitaʼi mihede chõ Hamano, enaʼõ maʼoʼõ zomasi Gesitera! Ba me no so razo, awõ Hamano, ba wemanga gõ andrõ, niʼasiwai Gesitera, 6ba imane razo chõ Gesitera, me ibadoebadoe nagoe razo: Hadia niʼandrõoe, enaʼõ labeʼe chõoe? Hadia zomasiʼõ? He irege zi matonga gamatõrõw̃agoe, ba latehe chõoe! (Mar. 6, 23). 7Ba itema linia Esitera, imane: Daʼõ niʼandrõgoe ba daʼõ zomasido: 8na no faloechado waʼeboea dõdõ, wamaigi razo, ba na omasi razo ibeʼe niʼandrõgoe ba itõrõ chõgoe zomasido, ba jamoefoeli mõi manga chõgoe razo, awõ Hamano, ba gõ andrõ, niʼasiwaigoe chõra dania, ba mahemoloe oeʼoʼõ niw̃aʼõ razo.
9II. Ba mofanõ Hamano, omoeso dõdõnia ba lõ saboe dõdõnia hadia ia, me loeo daʼõ. Ba me iʼila Morodochai ba zinga mbawa gõli chõ razo, me iʼila lõ maoso, ba lõ iʼataʼoefi ia, ba mofõnoe sibai Hamano ba chõ Morodochai andrõ. 10Ba itaha zoei dõdõnia Hamano. Ba me iroegi chõra, ba ifakaoniʼõ zi fahoewoe chõnia ba foʼomonia Seresi. 11Ba itoenõ chõra waʼeboea ganaʼania ba faʼoja nononia matoea, awõ wamosoemange razo jaʼia, awõ wa no jaw̃a zalaw̃a andrõ ba jaw̃a genoninia ibeʼe ira razo. (F. 9, 10). 12Ba imane na Hamano: Ba foʼomo razo, Esitera, ba lõ nikaoninia, awõ razo, ba gõ andrõ, nihalõnia, ha jaʼodo andre; ba he mahemoloe, ba no jaʼo nikaoni, awõ razo. 13Ba ambõ na chõgoe daʼõ fefoe, fatoea oeʼila na doemaodao ba zinga mbawa gõli razo niha Jehoeda andrõ, Morodochai. 14Ba imane chõnia foʼomonia Seresi, awõ zi fahoewoe chõnia andrõ fefoe: Ndramoefazõchi gatoenga, 50 hela waʼalaw̃a, ba mahemoloe mbanoea, ba õw̃aʼõ chõ razo, enaʼõ lataw̃i ba daʼõ Morodochai; ba na aefa daʼõ, ba ae manga, awõ razo, ba ja omoeso dõdõoe! Ba omasi Hamano niw̃aʼõra, ba ifafazõchiʼõ gatoenga andrõ.
Currently Selected:
SOERA GESITERA FAZA 5.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
SOERA GESITERA FAZA 5.
FAZA 5.
I. Lõ mofõnoe razo, eboea dõdõnia chõ Gesitera. Ikaoni razo, awõ Hamano, Esitera, ba wemanga chõnia. II. Fajaw̃asa Hamano ba fatioesania chõ Morodochai.
1I. Ba me no aefa doea wongi, ba iʼobaroe mbaroe woʼomo razo Esitera, ba iʼagõ golajama tánõ bacha, ba gõdo razo, ba gamaoedoe gõdo, me no doemadao ba dadaoma razo chõnia razo, jomo ba gõdo, ba gamaoedoe mbawandroehõ ba gõdo. 2Ba me iʼila woʼomonia Esitera, tooe ba golajama, razo, ba eboea dõdõnia chõnia, ba iʼoroʼõ chõ Gesitera ziʼonia anaʼa, si so ba dangania, razo. Ba iʼondrasi Esitera, ibabaja mbalõ ziʼo. 3Ba imane chõnia razo: Hadia chõoe, foʼomo razo, Esitera, hadia niʼandrõoe? He irege zi matonga gamatõrõw̃agoe, ba latehe chõoe! 4Ba imane Esitera: Na atoelõ chõ razo, ba jamõi manga chõgoe maʼõchṍ, awõ Hamano, ba gõ andrõ, si no oeʼasiwai chõnia. 5Ba imane razo: Mitaʼitaʼi mihede chõ Hamano, enaʼõ maʼoʼõ zomasi Gesitera! Ba me no so razo, awõ Hamano, ba wemanga gõ andrõ, niʼasiwai Gesitera, 6ba imane razo chõ Gesitera, me ibadoebadoe nagoe razo: Hadia niʼandrõoe, enaʼõ labeʼe chõoe? Hadia zomasiʼõ? He irege zi matonga gamatõrõw̃agoe, ba latehe chõoe! (Mar. 6, 23). 7Ba itema linia Esitera, imane: Daʼõ niʼandrõgoe ba daʼõ zomasido: 8na no faloechado waʼeboea dõdõ, wamaigi razo, ba na omasi razo ibeʼe niʼandrõgoe ba itõrõ chõgoe zomasido, ba jamoefoeli mõi manga chõgoe razo, awõ Hamano, ba gõ andrõ, niʼasiwaigoe chõra dania, ba mahemoloe oeʼoʼõ niw̃aʼõ razo.
9II. Ba mofanõ Hamano, omoeso dõdõnia ba lõ saboe dõdõnia hadia ia, me loeo daʼõ. Ba me iʼila Morodochai ba zinga mbawa gõli chõ razo, me iʼila lõ maoso, ba lõ iʼataʼoefi ia, ba mofõnoe sibai Hamano ba chõ Morodochai andrõ. 10Ba itaha zoei dõdõnia Hamano. Ba me iroegi chõra, ba ifakaoniʼõ zi fahoewoe chõnia ba foʼomonia Seresi. 11Ba itoenõ chõra waʼeboea ganaʼania ba faʼoja nononia matoea, awõ wamosoemange razo jaʼia, awõ wa no jaw̃a zalaw̃a andrõ ba jaw̃a genoninia ibeʼe ira razo. (F. 9, 10). 12Ba imane na Hamano: Ba foʼomo razo, Esitera, ba lõ nikaoninia, awõ razo, ba gõ andrõ, nihalõnia, ha jaʼodo andre; ba he mahemoloe, ba no jaʼo nikaoni, awõ razo. 13Ba ambõ na chõgoe daʼõ fefoe, fatoea oeʼila na doemaodao ba zinga mbawa gõli razo niha Jehoeda andrõ, Morodochai. 14Ba imane chõnia foʼomonia Seresi, awõ zi fahoewoe chõnia andrõ fefoe: Ndramoefazõchi gatoenga, 50 hela waʼalaw̃a, ba mahemoloe mbanoea, ba õw̃aʼõ chõ razo, enaʼõ lataw̃i ba daʼõ Morodochai; ba na aefa daʼõ, ba ae manga, awõ razo, ba ja omoeso dõdõoe! Ba omasi Hamano niw̃aʼõra, ba ifafazõchiʼõ gatoenga andrõ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.