SOERA GESITERA FAZA 3.
FAZA 3.
I. Lõ ifosoemange Hamano andrõ, nibaliʼõ razo salaw̃a, Morodochai. II. Iʼaloei lala ba wangohori niha Jehoeda Hamano.
1I. Ba me aefa daʼõ, ba ibaliʼõ salaw̃a Hamano razo Ahasiwero, Hamano ono Hamedata, maʼoewoe Agagi, iʼeboeaʼõ, ba jaw̃a dadaoma zalaw̃a bõʼõ fefoe ba ngainia ibeʼe dadaomania. 2Ba dozi enoni razo, si so ba gõdo chõ razo, ba latoehi danõ ba lafalõgoe tooe ira fõna Hamano, me no oroisa razo daʼõ ba chõnia. Ba Morodochai, ba lõ itoehi danõ ba lõ ifalõgoe tooe ia. 3Ba lamane enoni razo, si so ba gõdo chõnia, chõ Morodochai: Hana wa õsawõ goroisa razo? 4Ba ero maṍchõ lamanõ chõnia, ba lõ ifondrondrongo, ba laʼombachaʼõ chõ Hamano, ba wamaigi, na lõ teʼala Morodochai; noa sa iʼombachaʼõ chõra, wa niha Jehoeda ia.
5II. Ba me iʼila Hamano, lõ itoehi danõ fõnania Morodochai ba lõ ifalõgoe tooe ia, ba mofõnoe sibai ia. 6Ba fajafaja iw̃aʼõ tõdõnia, na ha samõsa Morodochai iboenoe; me no laʼombachaʼõ chõnia ha soi Morodochai, ba iʼaloei lala Hamano, ba wangohori niha Jehoeda, iwa Morodochai, fefoe; ba danõ Ahasiwero, maʼasagõrõ. 7Ba ba mbaw̃a si fõfõna — baw̃a Nisana —, me no aloea mewelezara fache razo Ahasiwero, ba lalaoe ”woeri” — dahõdahõ — fõna Hamano, laʼerogõ maʼṍchõ ba laʼerogõ baw̃a, ba gõna ba zi meweledõloe ba mbaw̃a si felendroea — baw̃a Adara. 8Ba imane Hamano chõ razo Ahasiwero: So soi samboea, si no moezaewe ba niha bõʼõ, ba danõ fefoe, barõ mbawaoe ba si no tonia; hoekoe chõra, ba no faehoe ba hoekoe niha bõʼõ fefoe, ba oroisa razo, ba lõ laʼoʼõ, ba no tenga si nangea, itehe manõ chõra daʼõ razo. 9Ba na atoelõ chõ razo, ba nibeʼe soera, ba wangohori jaʼira, ba oebeʼe ba danga ndra toea koemandroe wirõ, 44,120,000 ba roefia, enaʼõ labeʼe ba nahia girõgirõ chõ razo. 10Ba isõbi ba doeroenia laedoeroe razo, laedoeroe si so tandro, ba ibeʼe chõ Hamano andrõ, ono Hamedata, maʼoewoe Agagi, oedoe niha Jehoeda. (Moz. I. 41, 42, F. 8, 2). 11Ba imane razo chõ Hamano: Firõ andrõ, ba chõoe labeʼe, ba ba niha andrõ, ba laoe zomasiʼõ. 12Ba hoemede ira ba doeroetoeli razo ba zi meweledõloe ba mbaw̃a si fõfõna; ba latõrõ sibai nihonogõi Hamano, wamaʼoheʼõ soera ba nifataro razo ba ba goemandroe ba zi sagõsagõrõ tanõ, ba ba zalaw̃a soi niha misa, dali wanoera chõra ba danõra ba he li soi andrõ misa. Tõi razo Ahasiwero nibeʼe ba zoera goroisa andrõ, ba lafotandro tandro ba laedoeroe andrõ, chõ razo. 13Ba ladozigõ tanõ barõ mbawa razo, wamaʼoheʼõ soera andrõ ba zinenge si fagohi, ba wangohori niha Jehoeda, ba wamakiko, ba wamoenoe, he iraono ba he satoea, ba iraono sawoejoe ba ira alawe, ha maʼõmaʼõchõ, ba zi meweledõloe ba mbaw̃a si felendroea — baw̃a Adara —, ba ba woraboe zi so chõra, amaedola zi lõ sochõ. 14Ba daʼõ niw̃aʼõ ba zoera andrõ: ladozigõ tanõ wameʼe oroisa, enaʼõ dozi niha zamondrongo, ba enaʼõ no teʼanõ ira, na iroegi baw̃a daʼõ. 15Ba laʼaliogõ sinenge andrõ, si fagohi, laʼoʼõ niw̃aʼõ razo, me ha siʼaikõ tebeʼe goroisa andrõ, ba gõdo, ba Zoesa. Ba moedadao manga razo, awõ Hamano; ba banoea Zoesa, ba si tobali tõdõ.
Currently Selected:
SOERA GESITERA FAZA 3.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
SOERA GESITERA FAZA 3.
FAZA 3.
I. Lõ ifosoemange Hamano andrõ, nibaliʼõ razo salaw̃a, Morodochai. II. Iʼaloei lala ba wangohori niha Jehoeda Hamano.
1I. Ba me aefa daʼõ, ba ibaliʼõ salaw̃a Hamano razo Ahasiwero, Hamano ono Hamedata, maʼoewoe Agagi, iʼeboeaʼõ, ba jaw̃a dadaoma zalaw̃a bõʼõ fefoe ba ngainia ibeʼe dadaomania. 2Ba dozi enoni razo, si so ba gõdo chõ razo, ba latoehi danõ ba lafalõgoe tooe ira fõna Hamano, me no oroisa razo daʼõ ba chõnia. Ba Morodochai, ba lõ itoehi danõ ba lõ ifalõgoe tooe ia. 3Ba lamane enoni razo, si so ba gõdo chõnia, chõ Morodochai: Hana wa õsawõ goroisa razo? 4Ba ero maṍchõ lamanõ chõnia, ba lõ ifondrondrongo, ba laʼombachaʼõ chõ Hamano, ba wamaigi, na lõ teʼala Morodochai; noa sa iʼombachaʼõ chõra, wa niha Jehoeda ia.
5II. Ba me iʼila Hamano, lõ itoehi danõ fõnania Morodochai ba lõ ifalõgoe tooe ia, ba mofõnoe sibai ia. 6Ba fajafaja iw̃aʼõ tõdõnia, na ha samõsa Morodochai iboenoe; me no laʼombachaʼõ chõnia ha soi Morodochai, ba iʼaloei lala Hamano, ba wangohori niha Jehoeda, iwa Morodochai, fefoe; ba danõ Ahasiwero, maʼasagõrõ. 7Ba ba mbaw̃a si fõfõna — baw̃a Nisana —, me no aloea mewelezara fache razo Ahasiwero, ba lalaoe ”woeri” — dahõdahõ — fõna Hamano, laʼerogõ maʼṍchõ ba laʼerogõ baw̃a, ba gõna ba zi meweledõloe ba mbaw̃a si felendroea — baw̃a Adara. 8Ba imane Hamano chõ razo Ahasiwero: So soi samboea, si no moezaewe ba niha bõʼõ, ba danõ fefoe, barõ mbawaoe ba si no tonia; hoekoe chõra, ba no faehoe ba hoekoe niha bõʼõ fefoe, ba oroisa razo, ba lõ laʼoʼõ, ba no tenga si nangea, itehe manõ chõra daʼõ razo. 9Ba na atoelõ chõ razo, ba nibeʼe soera, ba wangohori jaʼira, ba oebeʼe ba danga ndra toea koemandroe wirõ, 44,120,000 ba roefia, enaʼõ labeʼe ba nahia girõgirõ chõ razo. 10Ba isõbi ba doeroenia laedoeroe razo, laedoeroe si so tandro, ba ibeʼe chõ Hamano andrõ, ono Hamedata, maʼoewoe Agagi, oedoe niha Jehoeda. (Moz. I. 41, 42, F. 8, 2). 11Ba imane razo chõ Hamano: Firõ andrõ, ba chõoe labeʼe, ba ba niha andrõ, ba laoe zomasiʼõ. 12Ba hoemede ira ba doeroetoeli razo ba zi meweledõloe ba mbaw̃a si fõfõna; ba latõrõ sibai nihonogõi Hamano, wamaʼoheʼõ soera ba nifataro razo ba ba goemandroe ba zi sagõsagõrõ tanõ, ba ba zalaw̃a soi niha misa, dali wanoera chõra ba danõra ba he li soi andrõ misa. Tõi razo Ahasiwero nibeʼe ba zoera goroisa andrõ, ba lafotandro tandro ba laedoeroe andrõ, chõ razo. 13Ba ladozigõ tanõ barõ mbawa razo, wamaʼoheʼõ soera andrõ ba zinenge si fagohi, ba wangohori niha Jehoeda, ba wamakiko, ba wamoenoe, he iraono ba he satoea, ba iraono sawoejoe ba ira alawe, ha maʼõmaʼõchõ, ba zi meweledõloe ba mbaw̃a si felendroea — baw̃a Adara —, ba ba woraboe zi so chõra, amaedola zi lõ sochõ. 14Ba daʼõ niw̃aʼõ ba zoera andrõ: ladozigõ tanõ wameʼe oroisa, enaʼõ dozi niha zamondrongo, ba enaʼõ no teʼanõ ira, na iroegi baw̃a daʼõ. 15Ba laʼaliogõ sinenge andrõ, si fagohi, laʼoʼõ niw̃aʼõ razo, me ha siʼaikõ tebeʼe goroisa andrõ, ba gõdo, ba Zoesa. Ba moedadao manga razo, awõ Hamano; ba banoea Zoesa, ba si tobali tõdõ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.