YouVersion Logo
Search Icon

Malaquías 4

4
Tayta Dios jusganan junaj chayamunanpaj cashan
1Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu. 2Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj. 3Chay camariycashä junaj chayamuptin gamcunaga ñuchu allpatanörämi fiyu runacunata lluchcargärinquipaj.»
Ushananta willapashan
4 Tayta Dios nin: «Horeb#Éxo. 19.16–20.20; 24.1-17; Deut. 5.1-3 puntacho sirbimajnë Moisesta willapashä laycunata wiyacuy-llapa. Chaycunaga caran llapan Israelcuna wiyacunanpaj nishäcunami, mandamintöcunami.
5«Masqui wiyamay: Shamunä junaj manaraj chayamuptin profëta Eliastami#1Rey. 17–21; 2Rey. 2.1-12; Mat. 11.14; 17.10-13; Mar. 9.11-13; Juan 1.21 cachamoj-aywä. Chay junäga cangapaj fiyupa manchariypaj y jatun diyami. 6Eliasmi camacächengapaj papänincunapis wamrancunawan amistananpaj; wamrancunapis papänincunawan amistananpaj.#Luc. 1.17 Chaynöpami noga shamushpä nasyunniquiman maldisyunta mana chayachimushänachu.»

Currently Selected:

Malaquías 4: qub

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy