ܪ̈ܗ݇ܘܿܡܝܐ 6
6
ܡܵܘܬܵܐ ܠܚܛܝܼܬܵܐ،ܚܲܝܹ̈ܐ ܒܡܫܝܼܚܵܐ
1ܒܲܣ ܡܘܿܕܝܼ ܐܵܡܪܲܚ؟ ܦܵܝܫܲܚ ܓܵܘ ܚܛܝܼܬܵܐ ܕܙܵܝܕܵܐ ܫܵܦܵܩܲܬ؟ 2ܚܵܣ ܠܝܼ. ܐܲܚܢܲܢ ܕܡܝܼܬ ܠܲܢ ܠܚܛܝܼܬܵܐ ܕܵܐܟ݂ܝܼ ܐ݇ܚܹܪ݇ܢܵܐ ܚܵܝܲܚ ܓܵܘܘܼܗ̇؟ 3ܠܹܐ ܝܬܘܿܢ ܒܝܼܕܵܥܵܐ ܕܐܲܚܢܲܢ ܟܠܲܢ ܕܥܡܝܼܕ ܠܲܢ ܠܚܲܝܘܼܕܹܐ ܥܲܡ ܝܼܫܘܿܥ ܡܫܝܼܚܵܐ، ܒܡܵܘܬܹܗ ܥܡܝܼܕ ܠܲܢ؟ 4ܒܘܼܬ ܐܵܗܵܐ ܦܝܼܫ ܠܲܢ ܩܒ݂ܝܼܪܹܐ ܥܲܡܹܗ ܒܝܲܕ ܡܲܥܡܘܿܕܝܼܬܵܐ ܠܡܵܘܬܵܐ. ܘܕܵܐܟ݂ܝܼ ܕܩܝܼܡ ܠܹܗ ܡܫܝܼܚܵܐ ܡ̣ܢ ܓܵܘ ܡܝܼܬܹ̈ܐ ܒܝܲܕ ܫܘܼܒ݂ܚܵܐ ܕܒܵܒܵܐ، ܗܲܕܟ݂ܵܐ ܐܘܼܦ ܐܲܚܢܲܢ ܚܵܝܲܚ ܚܲܝܹ̈ܐ ܚܵܕ݇ܬܹ̈ܐ. 5ܐܸܢ ܫܘܼܪܸܟܹܐ ܝܘܲܚ ܥܲܡܹܗ ܒܡܵܘܬܹܗ، ܒܸܬ ܫܲܪܸܟܲܚ ܥܲܡܹܗ ܐܘܼܦ ܒܩܝܵܡܬܹܗ. 6ܣܵܒܵܒ ܒܝܼܕܵܥܵܐ ܝܘܲܚ ܕܒܲܪܢܵܫܲܢ ܥܲܬܝܼܩܵܐ ܦܝܼܫ ܠܹܗ ܙܩܝܼܦܵܐ ܥܲܡܹܗ ܕܒܲܛܸܠ ܦܲܓ݂ܪܵܐ ܚܲܛܵܝܵܐ ܘܕܠܵܐ ܗܵܘܲܚ ܐ݇ܚܹܪ݇ܢܵܐ ܥܲܒ݂ܕܹ̈ܐ ܕܚܛܝܼܬܵܐ. 7ܣܵܒܵܒ ܗ̇ܘ ܕܝܼܠܹܗ ܡܝܼܬܵܐ ܦܝܼܫܵܐ ܝܠܹܗ ܫܸܪܝܵܐ ܡ̣ܢ ܚܛܝܼܬܵܐ. 8ܟܲܕ ܡܝܼܬ ܠܲܢ ܥܲܡ ܡܫܝܼܚܵܐ، ܗܲܡܘܼܢܹܐ ܝܘܲܚ ܕܐܘܼܦ ܥܲܡܹܗ ܒܸܬ ܚܵܝܲܚ. 9ܣܵܒܵܒ ܒܝܼܕܵܥܵܐ ܝܘܲܚ ܕܡܫܝܼܚܵܐ ܩܝܼܡ ܠܹܗ ܡ̣ܢ ܓܵܘ ܡܝܼܬܹ̈ܐ، ܘܠܹܐ ܡܵܐܹܬ ܐ݇ܚܹܪ݇ܢܵܐ. ܡܵܘܬܵܐ ܠܲܝܬ ܠܹܗ ܫܘܼܠܛܵܢܵܐ ܥܲܠܘܼܗܝ. 10ܣܵܒܵܒ ܡܵܘܬܵܐ ܕܡܝܼܬ ܠܹܗ، ܡܝܼܬ ܠܹܗ ܚܕܵܐ ܓܵܗܵܐ ܐܲܚܟ̰ܝܼ ܠܚܛܝܼܬܵܐ، ܐܝܼܢܵܐ ܚܲܝܹ̈ܐ ܕܒܸܚܵܝܲܝ ܝܠܹܗ، ܒܸܚܵܝܲܝ ܝܠܹܗ ܠܐܲܠܵܗܵܐ. 11ܗܲܕܟ݂ܵܐ ܐܘܼܦ ܐܲܚܬܘܿܢ ܚܫܘܿܒ݂ܘܼܢ ܓܵܢܵܘܟ݂ܘܿܢ ܡܝܼܬܹ̈ܐ ܠܚܛܝܼܬܵܐ، ܐܝܼܢܵܐ ܚܵܝܹ̈ܐ ܠܐܲܠܵܗܵܐ ܒܝܼܫܘܿܥ ܡܫܝܼܚܵܐ. 12ܒܘܼܬ ܐܵܗܵܐ ܠܵܐ ܫܵܒ݂ܩܝܼܬܘܿܢ ܕܚܛܝܼܬܵܐ ܗܵܘܹܐ ܠܵܗ̇ ܫܘܼܠܛܵܢܵܐ ܒܦܲܓ݂ܪܵܘܟ݂ܘܿܢ ܡܵܝܘܿܬܵܐ ܕܥܵܒ݂ܕܝܼܬܘܿܢ ܫܲܗܘܲܬܝܵܬܘܼ̈ܗ̇. 13ܘܠܵܐ ܡܲܩܪܸܒ݂ܝܼܬܘܿܢ ܗܲܕܵܡܹ̈ܐ ܕܦܲܓ݂ܪܵܘܟ݂ܘܿܢ ܙܲܝܢܵܐ ܕܥܵܘܠܵܐ ܠܚܛܝܼܬܵܐ، ܐܸܠܵܐ ܡܲܩܪܸܒ݂ܘܼܢ ܓܵܢܵܘܟ݂ܘܿܢ ܠܐܲܠܵܗܵܐ ܐܲܝܟ݂ ܐ݇ܢܵܫܹ̈ܐ ܡܘܼܩܸܡܹܐ ܡ̣ܢ ܡܵܘܬܵܐ ܠܚܲܝܹ̈ܐ، ܘܡܲܩܪܸܒ݂ܘܼܢ ܗܲܕܵܡܵܘ̈ܟ݂ܘܿܢ ܐܲܝܟ݂ ܙܲܝܢܹ̈ܐ ܕܙܲܕܝܼܩܘܼܬܵܐ ܠܐܲܠܵܗܵܐ. 14ܣܵܒܵܒ ܚܛܝܼܬܵܐ ܠܹܐ ܥܵܒ݂ܕܵܐ ܫܘܼܠܛܵܢܵܐ ܥܲܠܵܘܟ݂ܘܿܢ، ܣܵܒܵܒ ܠܹܐ ܝܬܘܿܢ ܬܚܘܿܬ ܢܵܡܘܿܣܵܐ ܐܸܠܵܐ ܬܚܘܿܬ ܫܵܦܵܩܲܬ ܝܼܬܘܿܢ.
ܥܲܒ݂ܕܹ̈ܐ ܕܙܲܕܝܼܩܘܼܬܵܐ
15ܒܲܣ ܡܘܿܕܝܼ ܥܵܒ݂ܕܲܚ؟ ܚܵܛܲܚ ܣܵܒܵܒ ܠܹܐ ܝܘܲܚ ܬܚܘܿܬ ܢܵܡܘܿܣܵܐ ܐܸܠܵܐ ܬܚܘܿܬ ܫܵܦܵܩܲܬ؟ ܚܵܣ ܠܝܼ. 16ܠܹܐ ܝܬܘܿܢ ܒܝܼܕܵܥܵܐ ܐܝܼܡܲܢ ܕܡܲܩܪܸܒ݂ܝܼܬܘܿܢ ܓܵܢܵܘܟ݂ܘܿܢ ܥܲܒ݂ܕܹ̈ܐ ܠܚܲܕ، ܐܲܚܬܘܿܢ ܥܲܒ݂ܕܹ̈ܐ ܕܗ̇ܘ ܝܼܬܘܿܢ ܕܫܵܠܡܝܼܬܘܿܢ ܐܸܠܹܗ، ܝܲܢ ܠܚܛܝܼܬܵܐ ܕܟܹܐ ܠܲܒܠܵܐ ܠܡܵܘܬܵܐ ܝܲܢ ܠܫܠܵܡܬܵܐ ܕܟܹܐ ܠܲܒܠܵܐ ܠܙܲܕܝܼܩܘܼܬܵܐ؟ 17ܐܝܼܢܵܐ ܡܸܢܬܵܐ ܡ̣ܢ ܐܲܠܵܗܵܐ ܐܘܼܦ ܐܸܢ ܕܝܼܬܘܿܢ ܗ݇ܘܵܘ ܥܲܒ݂ܕܹ̈ܐ ܕܚܛܝܼܬܵܐ ܡܘܼܨܝܸܬ ܠܵܘܟ݂ܘܿܢ ܡ̣ܢ ܟܠܹܗ ܠܸܒܵܘܟ݂ܘܿܢ ܠܐܸܣܟܝܼܡܵܐ ܕܝܘܼܠܦܵܢܵܐ ܕܦܝܼܫܵܐ ܝܗ݇ܘܵܐ ܣܘܼܦܝܵܐ ܐܸܠܵܘܟ݂ܘܿܢ. 18ܦܝܼܫ ܠܵܘܟ݂ܘܿܢ ܫܸܪܝܹܐ ܡ̣ܢ ܚܛܝܼܬܵܐ ܘܗܘܹܐ ܠܵܘܟ݂ܘܿܢ ܥܲܒ݂ܕܹ̈ܐ ܠܙܲܕܝܼܩܘܼܬܵܐ. 19ܐܲܝܟ݂ ܒܢܲܝ̈ܢܵܫܵܐ ܗܲܡܙܘܼܡܹܐ ܝܘܸܢ ܣܵܒܵܒ ܡܚܝܼܠܹܐ ܝܬܘܿܢ ܒܟܝܵܢܵܐ ܐ݇ܢܵܫܵܝܵܐ. ܕܵܐܟ݂ܝܼ ܕܟܹܐ ܡܲܩܪܸܒ݂ܝܼܬܘܿܢ ܗ݇ܘܵܘ ܗܲܕܵܡܵܘ̈ܟ݂ܘܿܢ ܠܥܲܒ݂ܕܘܼܬܵܐ ܕܛܲܢܦܘܼܬܵܐ ܘܕܥܵܘܠܵܐ ܠܸܥܒ݂ܵܕܵܐ ܥܵܘܠܵܐ، ܐܵܕܝܼܵܐ ܡܲܩܪܸܒ݂ܘܼܢ ܠܗܘܿܢ ܠܥܲܒ݂ܕܘܼܬܵܐ ܕܙܲܕܝܼܩܘܼܬܵܐ ܠܸܥܒ݂ܵܕܵܐ ܩܲܕܝܼܫܘܼܬܵܐ. 20ܐܝܼܡܲܢ ܕܝܼܬܘܿܢ ܗ݇ܘܵܘ ܥܲܒ݂ܕܹ̈ܐ ܕܚܛܝܼܬܵܐ، ܠܹܐ ܝܬܘܿܢ ܗ݇ܘܵܘ ܙܲܒܛ ܠܙܲܕܝܼܩܘܼܬܵܐ. 21ܡܘܿܕܝܼ ܦܲܝܕܵܐ ܐܝܼܬ ܗ݇ܘܵܘ ܠܵܘܟ݂ܘܿܢ ܗ̇ܝܓܵܗ ܡ̣ܢ ܐܵܢܝܼ ܡܸܢܕܝܼܵܢܹ̈ܐ ܕܐܵܕܝܼܵܐ ܒܸܢܟ݂ܵܦܵܐ ܝܬܘܿܢ ܒܝܼܲܝܗܝ؟ ܐܲܢܹܐ ܦܠܵܛܲܝܗܝ ܡܵܘܬܵܐ ܝܠܹܗ. 22ܐܝܼܢܵܐ ܐܵܕܝܼܵܐ ܕܦܝܼܫ ܠܵܘܟ݂ܘܿܢ ܫܸܪܝܹܐ ܡ̣ܢ ܚܛܝܼܬܵܐ ܘܥܲܒ݂ܕܹ̈ܐ ܕܐܲܠܵܗܵܐ ܝܬܘܿܢ، ܐܝܼܬ ܠܵܘܟ݂ܘܿܢ ܛܥܘܼܢܝܵܬܹ̈ܐ ܕܩܲܕܝܼܫܘܼܬܵܐ، ܘܦܠܵܛܲܝܗܝ ܝܼܠܹܗ ܚܲܝܹ̈ܐ ܕܠܥܵܠܲܡ. 23ܣܵܒܵܒ ܗܵܩܵܐ ܕܚܛܝܼܬܵܐ ܡܵܘܬܵܐ ܝܠܹܗ، ܐܝܼܢܵܐ ܡܵܘܗܲܒ݂ܬܵܐ ܕܐܲܠܵܗܵܐ ܚܲܝܹ̈ܐ ܕܠܥܵܠܲܡ ܝܼܠܵܗ̇ ܒܝܼܫܘܿܥ ܡܫܝܼܚܵܐ ܡܵܪܲܢ.
Currently Selected:
ܪ̈ܗ݇ܘܿܡܝܐ 6: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܪ̈ܗ݇ܘܿܡܝܐ 6
6
ܡܵܘܬܵܐ ܠܚܛܝܼܬܵܐ،ܚܲܝܹ̈ܐ ܒܡܫܝܼܚܵܐ
1ܒܲܣ ܡܘܿܕܝܼ ܐܵܡܪܲܚ؟ ܦܵܝܫܲܚ ܓܵܘ ܚܛܝܼܬܵܐ ܕܙܵܝܕܵܐ ܫܵܦܵܩܲܬ؟ 2ܚܵܣ ܠܝܼ. ܐܲܚܢܲܢ ܕܡܝܼܬ ܠܲܢ ܠܚܛܝܼܬܵܐ ܕܵܐܟ݂ܝܼ ܐ݇ܚܹܪ݇ܢܵܐ ܚܵܝܲܚ ܓܵܘܘܼܗ̇؟ 3ܠܹܐ ܝܬܘܿܢ ܒܝܼܕܵܥܵܐ ܕܐܲܚܢܲܢ ܟܠܲܢ ܕܥܡܝܼܕ ܠܲܢ ܠܚܲܝܘܼܕܹܐ ܥܲܡ ܝܼܫܘܿܥ ܡܫܝܼܚܵܐ، ܒܡܵܘܬܹܗ ܥܡܝܼܕ ܠܲܢ؟ 4ܒܘܼܬ ܐܵܗܵܐ ܦܝܼܫ ܠܲܢ ܩܒ݂ܝܼܪܹܐ ܥܲܡܹܗ ܒܝܲܕ ܡܲܥܡܘܿܕܝܼܬܵܐ ܠܡܵܘܬܵܐ. ܘܕܵܐܟ݂ܝܼ ܕܩܝܼܡ ܠܹܗ ܡܫܝܼܚܵܐ ܡ̣ܢ ܓܵܘ ܡܝܼܬܹ̈ܐ ܒܝܲܕ ܫܘܼܒ݂ܚܵܐ ܕܒܵܒܵܐ، ܗܲܕܟ݂ܵܐ ܐܘܼܦ ܐܲܚܢܲܢ ܚܵܝܲܚ ܚܲܝܹ̈ܐ ܚܵܕ݇ܬܹ̈ܐ. 5ܐܸܢ ܫܘܼܪܸܟܹܐ ܝܘܲܚ ܥܲܡܹܗ ܒܡܵܘܬܹܗ، ܒܸܬ ܫܲܪܸܟܲܚ ܥܲܡܹܗ ܐܘܼܦ ܒܩܝܵܡܬܹܗ. 6ܣܵܒܵܒ ܒܝܼܕܵܥܵܐ ܝܘܲܚ ܕܒܲܪܢܵܫܲܢ ܥܲܬܝܼܩܵܐ ܦܝܼܫ ܠܹܗ ܙܩܝܼܦܵܐ ܥܲܡܹܗ ܕܒܲܛܸܠ ܦܲܓ݂ܪܵܐ ܚܲܛܵܝܵܐ ܘܕܠܵܐ ܗܵܘܲܚ ܐ݇ܚܹܪ݇ܢܵܐ ܥܲܒ݂ܕܹ̈ܐ ܕܚܛܝܼܬܵܐ. 7ܣܵܒܵܒ ܗ̇ܘ ܕܝܼܠܹܗ ܡܝܼܬܵܐ ܦܝܼܫܵܐ ܝܠܹܗ ܫܸܪܝܵܐ ܡ̣ܢ ܚܛܝܼܬܵܐ. 8ܟܲܕ ܡܝܼܬ ܠܲܢ ܥܲܡ ܡܫܝܼܚܵܐ، ܗܲܡܘܼܢܹܐ ܝܘܲܚ ܕܐܘܼܦ ܥܲܡܹܗ ܒܸܬ ܚܵܝܲܚ. 9ܣܵܒܵܒ ܒܝܼܕܵܥܵܐ ܝܘܲܚ ܕܡܫܝܼܚܵܐ ܩܝܼܡ ܠܹܗ ܡ̣ܢ ܓܵܘ ܡܝܼܬܹ̈ܐ، ܘܠܹܐ ܡܵܐܹܬ ܐ݇ܚܹܪ݇ܢܵܐ. ܡܵܘܬܵܐ ܠܲܝܬ ܠܹܗ ܫܘܼܠܛܵܢܵܐ ܥܲܠܘܼܗܝ. 10ܣܵܒܵܒ ܡܵܘܬܵܐ ܕܡܝܼܬ ܠܹܗ، ܡܝܼܬ ܠܹܗ ܚܕܵܐ ܓܵܗܵܐ ܐܲܚܟ̰ܝܼ ܠܚܛܝܼܬܵܐ، ܐܝܼܢܵܐ ܚܲܝܹ̈ܐ ܕܒܸܚܵܝܲܝ ܝܠܹܗ، ܒܸܚܵܝܲܝ ܝܠܹܗ ܠܐܲܠܵܗܵܐ. 11ܗܲܕܟ݂ܵܐ ܐܘܼܦ ܐܲܚܬܘܿܢ ܚܫܘܿܒ݂ܘܼܢ ܓܵܢܵܘܟ݂ܘܿܢ ܡܝܼܬܹ̈ܐ ܠܚܛܝܼܬܵܐ، ܐܝܼܢܵܐ ܚܵܝܹ̈ܐ ܠܐܲܠܵܗܵܐ ܒܝܼܫܘܿܥ ܡܫܝܼܚܵܐ. 12ܒܘܼܬ ܐܵܗܵܐ ܠܵܐ ܫܵܒ݂ܩܝܼܬܘܿܢ ܕܚܛܝܼܬܵܐ ܗܵܘܹܐ ܠܵܗ̇ ܫܘܼܠܛܵܢܵܐ ܒܦܲܓ݂ܪܵܘܟ݂ܘܿܢ ܡܵܝܘܿܬܵܐ ܕܥܵܒ݂ܕܝܼܬܘܿܢ ܫܲܗܘܲܬܝܵܬܘܼ̈ܗ̇. 13ܘܠܵܐ ܡܲܩܪܸܒ݂ܝܼܬܘܿܢ ܗܲܕܵܡܹ̈ܐ ܕܦܲܓ݂ܪܵܘܟ݂ܘܿܢ ܙܲܝܢܵܐ ܕܥܵܘܠܵܐ ܠܚܛܝܼܬܵܐ، ܐܸܠܵܐ ܡܲܩܪܸܒ݂ܘܼܢ ܓܵܢܵܘܟ݂ܘܿܢ ܠܐܲܠܵܗܵܐ ܐܲܝܟ݂ ܐ݇ܢܵܫܹ̈ܐ ܡܘܼܩܸܡܹܐ ܡ̣ܢ ܡܵܘܬܵܐ ܠܚܲܝܹ̈ܐ، ܘܡܲܩܪܸܒ݂ܘܼܢ ܗܲܕܵܡܵܘ̈ܟ݂ܘܿܢ ܐܲܝܟ݂ ܙܲܝܢܹ̈ܐ ܕܙܲܕܝܼܩܘܼܬܵܐ ܠܐܲܠܵܗܵܐ. 14ܣܵܒܵܒ ܚܛܝܼܬܵܐ ܠܹܐ ܥܵܒ݂ܕܵܐ ܫܘܼܠܛܵܢܵܐ ܥܲܠܵܘܟ݂ܘܿܢ، ܣܵܒܵܒ ܠܹܐ ܝܬܘܿܢ ܬܚܘܿܬ ܢܵܡܘܿܣܵܐ ܐܸܠܵܐ ܬܚܘܿܬ ܫܵܦܵܩܲܬ ܝܼܬܘܿܢ.
ܥܲܒ݂ܕܹ̈ܐ ܕܙܲܕܝܼܩܘܼܬܵܐ
15ܒܲܣ ܡܘܿܕܝܼ ܥܵܒ݂ܕܲܚ؟ ܚܵܛܲܚ ܣܵܒܵܒ ܠܹܐ ܝܘܲܚ ܬܚܘܿܬ ܢܵܡܘܿܣܵܐ ܐܸܠܵܐ ܬܚܘܿܬ ܫܵܦܵܩܲܬ؟ ܚܵܣ ܠܝܼ. 16ܠܹܐ ܝܬܘܿܢ ܒܝܼܕܵܥܵܐ ܐܝܼܡܲܢ ܕܡܲܩܪܸܒ݂ܝܼܬܘܿܢ ܓܵܢܵܘܟ݂ܘܿܢ ܥܲܒ݂ܕܹ̈ܐ ܠܚܲܕ، ܐܲܚܬܘܿܢ ܥܲܒ݂ܕܹ̈ܐ ܕܗ̇ܘ ܝܼܬܘܿܢ ܕܫܵܠܡܝܼܬܘܿܢ ܐܸܠܹܗ، ܝܲܢ ܠܚܛܝܼܬܵܐ ܕܟܹܐ ܠܲܒܠܵܐ ܠܡܵܘܬܵܐ ܝܲܢ ܠܫܠܵܡܬܵܐ ܕܟܹܐ ܠܲܒܠܵܐ ܠܙܲܕܝܼܩܘܼܬܵܐ؟ 17ܐܝܼܢܵܐ ܡܸܢܬܵܐ ܡ̣ܢ ܐܲܠܵܗܵܐ ܐܘܼܦ ܐܸܢ ܕܝܼܬܘܿܢ ܗ݇ܘܵܘ ܥܲܒ݂ܕܹ̈ܐ ܕܚܛܝܼܬܵܐ ܡܘܼܨܝܸܬ ܠܵܘܟ݂ܘܿܢ ܡ̣ܢ ܟܠܹܗ ܠܸܒܵܘܟ݂ܘܿܢ ܠܐܸܣܟܝܼܡܵܐ ܕܝܘܼܠܦܵܢܵܐ ܕܦܝܼܫܵܐ ܝܗ݇ܘܵܐ ܣܘܼܦܝܵܐ ܐܸܠܵܘܟ݂ܘܿܢ. 18ܦܝܼܫ ܠܵܘܟ݂ܘܿܢ ܫܸܪܝܹܐ ܡ̣ܢ ܚܛܝܼܬܵܐ ܘܗܘܹܐ ܠܵܘܟ݂ܘܿܢ ܥܲܒ݂ܕܹ̈ܐ ܠܙܲܕܝܼܩܘܼܬܵܐ. 19ܐܲܝܟ݂ ܒܢܲܝ̈ܢܵܫܵܐ ܗܲܡܙܘܼܡܹܐ ܝܘܸܢ ܣܵܒܵܒ ܡܚܝܼܠܹܐ ܝܬܘܿܢ ܒܟܝܵܢܵܐ ܐ݇ܢܵܫܵܝܵܐ. ܕܵܐܟ݂ܝܼ ܕܟܹܐ ܡܲܩܪܸܒ݂ܝܼܬܘܿܢ ܗ݇ܘܵܘ ܗܲܕܵܡܵܘ̈ܟ݂ܘܿܢ ܠܥܲܒ݂ܕܘܼܬܵܐ ܕܛܲܢܦܘܼܬܵܐ ܘܕܥܵܘܠܵܐ ܠܸܥܒ݂ܵܕܵܐ ܥܵܘܠܵܐ، ܐܵܕܝܼܵܐ ܡܲܩܪܸܒ݂ܘܼܢ ܠܗܘܿܢ ܠܥܲܒ݂ܕܘܼܬܵܐ ܕܙܲܕܝܼܩܘܼܬܵܐ ܠܸܥܒ݂ܵܕܵܐ ܩܲܕܝܼܫܘܼܬܵܐ. 20ܐܝܼܡܲܢ ܕܝܼܬܘܿܢ ܗ݇ܘܵܘ ܥܲܒ݂ܕܹ̈ܐ ܕܚܛܝܼܬܵܐ، ܠܹܐ ܝܬܘܿܢ ܗ݇ܘܵܘ ܙܲܒܛ ܠܙܲܕܝܼܩܘܼܬܵܐ. 21ܡܘܿܕܝܼ ܦܲܝܕܵܐ ܐܝܼܬ ܗ݇ܘܵܘ ܠܵܘܟ݂ܘܿܢ ܗ̇ܝܓܵܗ ܡ̣ܢ ܐܵܢܝܼ ܡܸܢܕܝܼܵܢܹ̈ܐ ܕܐܵܕܝܼܵܐ ܒܸܢܟ݂ܵܦܵܐ ܝܬܘܿܢ ܒܝܼܲܝܗܝ؟ ܐܲܢܹܐ ܦܠܵܛܲܝܗܝ ܡܵܘܬܵܐ ܝܠܹܗ. 22ܐܝܼܢܵܐ ܐܵܕܝܼܵܐ ܕܦܝܼܫ ܠܵܘܟ݂ܘܿܢ ܫܸܪܝܹܐ ܡ̣ܢ ܚܛܝܼܬܵܐ ܘܥܲܒ݂ܕܹ̈ܐ ܕܐܲܠܵܗܵܐ ܝܬܘܿܢ، ܐܝܼܬ ܠܵܘܟ݂ܘܿܢ ܛܥܘܼܢܝܵܬܹ̈ܐ ܕܩܲܕܝܼܫܘܼܬܵܐ، ܘܦܠܵܛܲܝܗܝ ܝܼܠܹܗ ܚܲܝܹ̈ܐ ܕܠܥܵܠܲܡ. 23ܣܵܒܵܒ ܗܵܩܵܐ ܕܚܛܝܼܬܵܐ ܡܵܘܬܵܐ ܝܠܹܗ، ܐܝܼܢܵܐ ܡܵܘܗܲܒ݂ܬܵܐ ܕܐܲܠܵܗܵܐ ܚܲܝܹ̈ܐ ܕܠܥܵܠܲܡ ܝܼܠܵܗ̇ ܒܝܼܫܘܿܥ ܡܫܝܼܚܵܐ ܡܵܪܲܢ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation