ܪ̈ܗ݇ܘܿܡܝܐ 11
11
ܦܪ̈ܝܼܩܹܐ ܕܒܢܲܝ̈ ܝܼܣܪܵܝܹܠ
1ܒܲܩܘܼܪܹܐ ܝܘܸܢ، ܪܘܼܦܹܐ ܠܹܗ ܐܲܠܵܗܵܐ ܠܥܲܡܹܗ؟ ܚܵܣ ܠܝܼ. ܐܘܼܦ ܐܵܢܵܐ ܡ̣ܢ ܒܢܲܝ̈ ܝܼܣܪܵܝܹܠ ܝܼܘܸܢ، ܡ̣ܢ ܙܲܪܥܵܐ ܕܐܲܒ݂ܪܵܗܵܡ، ܡ̣ܢ ܫܲܒ݂ܛܵܐ ܕܒܸܢܝܵܡܹܝܢ. 2ܠܵܐ. ܐܲܠܵܗܵܐ ܠܵܐ ܪܘܼܦܹܐ ܠܹܗ ܠܥܲܡܹܗ، ܗ̇ܘ ܕܡ̣ܢ ܩܵܕ݇ܡܵܝܬܵܐ ܝ݇ܕܝܼܥ ܠܹܗ. ܠܹܐ ܝܬܘܿܢ ܒܝܼܕܵܥܵܐ ܡܘܿܕܝܼ ܐ݇ܡܝܼܪܹܗ ܟܬܵܒ݂ܵܐ ܒܘܼܬ ܐܹܠܝܼܵܐ؟ ܟܲܕ ܒܸܩܒ݂ܵܠܵܐ ܝܗ݇ܘܵܐ ܐܹܠܝܼܵܐ ܠܐܲܠܵܗܵܐ ܒܘܼܬ ܝܼܣܪܵܝܹܠ، ܐ݇ܡܝܼܪܹܗ:
3ܝܵܐ ܡܵܪܝܵܐ، ܩܛܝܼܠ ܠܗܘܿܢ ܠܢܒ݂ܝܼܘܼ̈ܟ݂ ܘܬܠܝܼܚ ܠܗܘܿܢ ܠܡܲܕܒܚܘܼ̈ܟ݂. ܦܝܼܫܵܐ ܝܘܸܢ ܐܵܢܵܐ ܒܢܲܦ̮ܫܝܼ، ܘܓ̰ܲܪܘܼܒܹܐ ܝܢܵܐ ܕܐܘܼܦ ܐܸܠܝܼ ܩܵܛܠܝܼ.#ܐ. ܡܠܟ̈ܐ 19:10، 14
4ܐܝܼܢܵܐ ܡܘܿܕܝܼ ܝܗ݇ܘܵܐ ܓ̰ܘܼܘܵܒ ܕܐܲܠܵܗܵܐ ܐܸܠܹܗ؟
ܫܒ݂ܝܼܩܵܐ ܝܘܸܢ ܩܵܐ ܓܵܢܝܼ ܫܲܒ݂ܥܵܐ ܐܲܠܦܹ̈ܐ ܐ݇ܢܵܫܹ̈ܐ، ܐܵܢܝܼ ܕܠܹܐ ܝܢܵܐ ܣܓ݂ܝܼܕܹܐ ܠܒܲܥܠܵܐ.#ܐ. ܡܠܟ̈ܐ 19:18
5ܐܘܼܦ ܐܵܕܝܼܵܐ ܐܝܼܬ ܚܲܕ ܣܵܗܡܵܐ ܕܝܼܠܹܗ ܦܝܼܫܵܐ ܓܘܼܒܝܵܐ ܒܝܲܕ ܫܵܦܵܩܲܬ. 6ܒܲܣ ܐܸܢ ܝܼܠܹܗ ܒܫܵܦܵܩܲܬ، ܐ݇ܚܹܪ݇ܢܵܐ ܠܹܐ ܝܠܹܗ ܒܦܘܼܠܚܵܢܵܐ. ܘܐܸܢ ܝܼܠܹܗ ܒܦܘܼܠܚܵܢܵܐ، ܫܵܦܵܩܲܬ ܐ݇ܚܹܪ݇ܢܵܐ ܠܹܐ ܝܠܵܗ̇ ܫܵܦܵܩܲܬ. 7ܒܲܣ ܕܵܐܟ݂ܝܼ؟ ܡܸܢܕܝܼ ܕܒܸܛܥܵܝܵܐ ܝܗ݇ܘܵܐ ܐܸܠܹܗ ܝܼܣܪܵܝܹܠ ܠܵܐ ܡܘܼܫ݇ܟ̰ܸܚ ܠܹܗ، ܐܝܼܢܵܐ ܐܵܢܝܼ ܕܝܼܗ݇ܘܵܘ ܓܘܼܒܝܹ̈ܐ ܡܘܼܫ݇ܟ̰ܸܚ ܠܗܘܿܢ. ܘܐܵܢܝܼ ܐ݇ܚܹܪ̈݇ܢܹܐ ܦܝܼܫ ܠܗܘܿܢ ܡܘܼܩܫܝܼܹܐ ܠܸܒܲܝܗܝ. 8ܐܲܝܟ݂ ܕܝܼܠܹܗ ܟܬܝܼܒ݂ܵܐ:
ܐܲܠܵܗܵܐ ܝܘܼܗ݇ܒܸܠ ܠܹܗ ܐܸܠܲܝܗܝ ܪܘܼܚܵܐ ܕܫܸܢܬܵܐ، ܘܥܲܝܢܹ̈ܐ ܕܠܵܐ ܚܵܙܝܼ، ܘܢܵܬܝܵܬܹ̈ܐ ܕܠܵܐ ܫܵܡܥܝܼ، ܗܲܠ ܐܵܗܵܐ ܝܵܘܡܵܐ.#ܬܢܝܢ ܢܡܘܣܐ 29:4
9ܐܘܼܦ ܕܵܘܝܼܕ ܐ݇ܡܝܼܪܹܗ:
ܗܵܘܹܐ ܦܵܬܘܿܪܲܝܗܝ ܦܲܚܵܐ ܘܢܸܫܒ݂ܵܐ، ܘܗܵܘܹܐ ܦܘܼܪܥܵܢܲܝܗܝ ܟܹܐܦܵܐ ܕܬܲܪܩܲܠܬܵܐ.
10ܚܲܫܟܸܢܝܼ ܥܲܝܢܲܝ̈ܗܝ ܕܠܵܐ ܚܵܙܝܼ، ܘܚܲܨܲܝܗܝ ܗܵܘܹܐ ܟܝܼܦܵܐ ܒܟܠ ܙܲܒ݂ܢܵܐ.#ܐܫܥܝܐ 29:10؛ ܡܙܡܘܪ̈ܐ 69:22‐23
ܦܘܼܪܩܵܢܵܐ ܕܐܸܡܘܵܬܹ̈ܐ
11ܡܸܢܕܪܸܫ ܒܲܩܘܼܪܹܐ ܝܘܸܢ: ܢܦܝܼܠ ܠܗܘܿܢ ܒܢܲܝ̈ ܝܼܣܪܵܝܹܠ، ܘܠܹܐ ܡܵܨܝܼ ܕܵܝܪܝܼ ܐ݇ܚܹܪ݇ܢܵܐ؟ ܚܵܣ ܠܝܼ، ܐܝܼܢܵܐ ܒܢܦܵܠܬܵܐ ܕܝܼܲܝܗܝ ܗܘܹܐ ܠܹܗ ܦܘܼܪܩܵܢܵܐ ܠܐܸܡܘܵܬܹ̈ܐ، ܕܐܵܢܝܼ ܒܲܚܸܠܝܼ. 12ܐܸܢ ܓܢܵܗܲܝܗܝ ܗܘܹܐ ܠܵܗ̇ ܒܘܼܪܟܬܵܐ ܠܥܵܠܡܵܐ، ܘܚܘܼܣܪܵܢܲܝܗܝ ܗܘܹܐ ܠܹܗ ܒܘܼܪܟܬܵܐ ܠܐܸܡܘܵܬܹ̈ܐ، ܟܡܵܐ ܙܵܘܕܵܐ ܡܸܠܝܘܼܬܲܝܗܝ ܒܸܬ ܡܲܝܬܝܵܐ ܒܘܼܪܟܬܵܐ! 13ܗܲܡܙܘܼܡܹܐ ܝܘܸܢ ܐܸܠܵܘܟ݂ܘܿܢ ܐܸܡܘܵܬܹ̈ܐ، ܣܵܒܵܒ ܐܵܢܵܐ ܫܠܝܼܚܵܐ ܝܘܸܢ ܠܐܸܡܘܵܬܹ̈ܐ، ܘܟܹܐ ܡܝܲܩܪܸܢ ܠܚܸܠܡܲܬܝܼ، 14ܕܩܵܘܡܵܐ ܕܡܲܥܒܸܪܸܢ ܒܩܲܝܪܲܬ ܠܒܢܲܝ̈ ܥܲܡܝܼ، ܘܦܲܪܩܸܢ ܚܲܕ݇ܟܡܵܐ ܡܸܢܲܝܗܝ. 15ܣܵܒܵܒ ܐܸܢ ܡܲܣܠܵܝܬܲܝܗܝ ܗܘܹܐ ܠܵܗ̇ ܣܲܙܓܲܪܬܵܐ ܠܥܵܠܡܵܐ، ܡܘܿܕܝܼ ܒܘܼܬ ܩܵܒܲܠܬܲܝܗܝ، ܠܹܐ ܗܵܘܝܵܐ ܚܲܝܹ̈ܐ ܡ̣ܢ ܡܝܼܬܹ̈ܐ؟ 16ܐܸܢ ܪܹܫܝܼܬܵܐ ܕܠܲܝܫܵܐ ܕܩܘܼܪܒܵܢܵܐ ܩܲܕܝܼܫܬܵܐ ܝܠܵܗ̇، ܐܘܼܦ ܓܒ݂ܝܼܠܬܵܐ ܕܡܸܢܘܼܗ̇ ܩܲܕܝܼܫܬܵܐ ܝܠܵܗ̇. ܘܐܸܢ ܥܸܩܪܵܐ ܩܲܕܝܼܫܵܐ ܝܠܹܗ، ܐܘܼܦ ܦܲܥܘܵܢܹ̈ܐ ܩܲܕܝܼܫܹ̈ܐ ܝܢܵܐ. 17ܐܝܼܢܵܐ ܐܘܼܦ ܐܸܢ ܕܚܲܕ݇ܟܡܵܐ ܦܲܥܘܵܢܹ̈ܐ ܦܝܼܫ ܠܗܘܿܢ ܫܡܝܼܛܹܐ، ܘܐܲܢ݇ܬ ܕܝܼܘܸܬ ܙܲܝܬܵܐ ܕܒܲܪܝܼܵܐ ܦܝܼܫ ܠܘܼܟ݂ ܦܘܼܛܪܸܡܵܐ ܓܵܘܲܝܗܝ، ܘܗܘܹܐ ܠܘܼܟ݂ ܫܲܪܝܼܟܵܐ ܒܥܸܩܪܵܐ ܘܛܥܘܼܢܬܵܐ ܕܐܝܼܠܵܢܵܐ ܕܙܲܝܬܵܐ. 18ܠܵܐ ܥܵܒ݂ܕܹܬ ܫܘܼܒ݂ܗܵܪܵܐ ܥܲܠ ܦܲܥܘܵܢܹ̈ܐ. ܐܸܢ ܥܵܒ݂ܕܹܬ ܫܘܼܒ݂ܗܵܪܵܐ، ܕܟ݂ܘܿܪ ܕܠܹܐ ܝܘܸܬ ܐܲܢ݇ܬ ܛܥܝܼܢܵܐ ܠܘܲܪ̈ܝܼܕܹܐ ܐܝܼܢܵܐ ܘܲܪ̈ܝܼܕܹܐ ܛܥܝܼܢܘܼܟ݂ ܝܼܢܵܐ. 19ܐܲܢ݇ܬ ܒܸܬ ܐܵܡܪܹܬ، ”ܦܲܥܘܵܢܹ̈ܐ ܦܝܼܫ ܠܗܘܿܢ ܫܡܝܼܛܹܐ ܕܐܵܢܵܐ ܗܵܘܹܝܢ ܗ݇ܘܵܐ ܦܘܼܛܪܸܡܵܐ. 20ܪܵܒܵܐ ܨܦܵܝܝܼ. ܐܵܢܝܼ ܫܡܝܼܛ ܠܗܘܿܢ ܣܵܒܵܒ ܠܵܐ ܗܘܼܡܸܢܗܘܿܢ، ܘܐܲܢ݇ܬ ܟܠܹܐ ܠܘܼܟ݂ ܣܵܒܵܒ ܗܘܼܡܸܢܘܼܟ݂. ܠܵܐ ܥܵܒ݂ܕܹܬ ܫܘܼܒ݂ܗܵܪܵܐ ܐܸܠܵܐ ܙܕܸܥ، 21ܣܵܒܵܒ ܐܸܢ ܐܲܠܵܗܵܐ ܠܵܐ ܚܣܝܼܟ݂ ܠܹܗ ܠܦܲܥܘܵܢܹ̈ܐ ܐܲܨܠܵܝܹ̈ܐ، ܐܘܼܦ ܐܸܠܘܼܟ݂ ܠܹܐ ܚܵܣܹܟ݂. 22ܚܙܝܼ ܗܲܕܟ݂ܵܐ ܒܲܣܝܼܡܘܼܬܵܐ ܘܩܸܫܝܘܼܬܵܐ ܕܐܲܠܵܗܵܐ. ܩܸܫܝܘܼܬܵܐ ܠܐܵܢܝܼ ܕܢܦܝܼܠ ܠܗܘܿܢ، ܐܝܼܢܵܐ ܒܲܣܝܼܡܘܼܬܵܐ ܐܸܠܘܼܟ݂ ܐܸܢ ܟܵܠܹܝܬ ܒܒܲܣܝܼܡܘܼܬܹܗ. ܘܐܸܢ ܠܵܐ ܟܵܠܹܝܬ، ܐܘܼܦ ܐܲܢ݇ܬ ܒܸܬ ܦܵܝܫܹܬ ܦܪܝܼܡܵܐ. 23ܐܘܼܦ ܐܵܢܝܼ، ܐܸܢ ܠܵܐ ܥܲܪܩܸܠܝܼ ܒܠܲܝܬܵܝܘܼܬܵܐ ܕܗܲܝܡܵܢܘܼܬܲܝܗܝ ܒܸܬ ܦܵܝܫܝܼ ܦܘܼܛܪܸܡܹܐ، ܣܵܒܵܒ ܐܲܠܵܗܵܐ ܡܵܨܹܐ ܦܲܛܪܸܡ ܠܗܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ. 24ܐܸܢ ܐܲܢ݇ܬ ܦܝܼܫܵܐ ܝܘܸܬ ܗ݇ܘܵܐ ܦܪܝܼܡܵܐ ܡ̣ܢ ܐܝܼܠܵܢܵܐ ܕܒܟܝܵܢܹܗ ܙܲܝܬܵܐ ܕܒܲܪܝܼܵܐ ܝܠܹܗ، ܘܦܝܼܫ ܠܘܼܟ݂ ܦܘܼܛܪܸܡܵܐ ܕܲܠܩܘܼܒ݂ܠ ܕܟܝܵܢܵܐ ܥܲܠ ܐܝܼܠܵܢܵܐ ܛܵܒ݂ܵܐ ܕܙܲܝܬܵܐ، ܟܡܵܐ ܒܘܼܫ ܙܵܘܕܵܐ ܐܲܢܹܐ ܦܲܥܘܵܢܹ̈ܐ ܟܝܵܢܵܝܹ̈ܐ ܒܸܬ ܦܵܝܫܝܼ ܦܘܼܛܪܸܡܹܐ ܥܲܠ ܐܝܼܠܵܢܵܐ ܐܲܨܠܵܝܵܐ ܕܙܲܝܬܵܐ.
ܟܠܲܝܗܝ ܒܢܲܝ̈ ܝܼܣܪܵܝܹܠ ܒܸܬ ܦܵܪܩܝܼ
25ܩܵܐ ܕܠܵܐ ܗܵܘܹܝܬܘܿܢ ܚܲܟܝܼܡܹ̈ܐ ܒܚܘܼܫܵܒ݂ܵܐ ܕܓܵܢܵܘܟ݂ܘܿܢ، ܝܵܐ ܐܲܚܘܿܢܘܵܬܝܼ̈، ܒܵܥܹܝܢ ܕܝܵܕܥܝܼܬܘܿܢ ܠܐܵܗܵܐ ܐ݇ܪܵܙܵܐ، ܕܩܸܫܝܘܼܬܵܐ ܕܠܸܒܵܐ ܗܘܹܐ ܠܵܗ̇ ܠܚܲܕ ܣܵܗܡܵܐ ܕܒܢܲܝ̈ ܝܼܣܪܵܝܹܠ ܗܲܠ ܕܦܵܐܹܫ ܬܘܼܡܸܡܵܐ ܡܸܢܝܵܢܵܐ ܕܐܸܡܘܵܬܹ̈ܐ. 26ܗ̇ܝܓܵܗ ܟܠܲܝܗܝ ܒܢܲܝ̈ ܝܼܣܪܵܝܹܠ ܒܸܬ ܦܵܝܫܝܼ ܦܘܼܪܩܹܐ. ܐܲܝܟ݂ ܕܝܼܠܹܗ ܟܬܝܼܒ݂ܵܐ:
ܒܸܬ ܐܵܬܹܐ ܦܵܪܘܿܩܵܐ ܡ̣ܢ ܨܸܗܝܘܿܢ، ܘܒܸܬ ܡܲܕܸܪ ܥܵܘܠܵܐ ܡ̣ܢ ܝܲܥܩܘܿܒ݂.
27ܐܵܗܵܐ ܝܠܹܗ ܘܲܥܕܝܼ ܥܲܡܲܝܗܝ، ܐܝܼܡܲܢ ܕܦܲܚܠܸܢܗܘܿܢ ܚܛܝܼܵܬܲܝ̈ܗܝ.#ܐܫܥܝܐ 27:9، 59:20‐21
28ܡ̣ܢ ܐܹܘܲܢܓܲܠܝܼܘܿܢ ܓܹܒܵܐ ܕܸܫܡܸܢܹ̈ܐ ܝܢܵܐ ܒܘܼܬ ܕܝܼܵܘܟ݂ܘܿܢ، ܘܡ̣ܢ ܓܲܒܵܝܬܵܐ ܓܹܒܵܐ ܡܘܼܚܸܒܹ̈ܐ ܝܢܵܐ ܒܘܼܬ ܒܵܒܵܘܵܬܹ̈ܐ. 29ܣܵܒܵܒ ܐܲܠܵܗܵܐ ܠܹܐ ܕܵܐܹܪ ܒܡܵܘܗܲܒ݂ܬܹܗ ܘܐܘܼܦ ܠܵܐ ܒܟ̰ܝܵܕܬܹܗ. 30ܐܲܝܟ݂ ܕܝܼܬܘܿܢ ܗ݇ܘܵܘ ܐܲܚܬܘܿܢ ܡ̣ܢ ܩܵܕ݇ܡܵܝܬܵܐ ܠܵܐ ܡܲܨܝܸܬܵܢܹ̈ܐ ܠܐܲܠܵܗܵܐ، ܐܝܼܢܵܐ ܐܵܕܝܼܵܐ ܩܘܼܒܸܠ ܠܵܘܟ݂ܘܿܢ ܪ̈ܲܚܡܹܐ ܒܝܲܕ ܥܵܨܝܼܘܼܬܵܐ ܕܝܼܲܝܗܝ، 31ܗܲܕܟ݂ܵܐ ܐܘܼܦ ܐܵܢܝܼ ܐܵܕܝܼܵܐ ܠܹܐ ܝܢܵܐ ܡܲܨܝܸܬܵܢܹ̈ܐ ܕܩܲܒܠܝܼ ܪ̈ܲܚܡܹܐ ܐܲܝܟ݂ ܪ̈ܲܚܡܹܐ ܕܐܲܚܬܘܿܢ ܩܘܼܒܸܠ ܠܵܘܟ݂ܘܿܢ ܡ̣ܢ ܐܲܠܵܗܵܐ. 32ܣܵܒܵܒ ܐܲܠܵܗܵܐ ܚܒ݂ܝܼܫܲܝ ܠܹܗ ܟܠܲܝܗܝ ܐ݇ܢܵܫܹ̈ܐ ܓܵܘ ܥܵܨܝܼܘܼܬܵܐ ܕܥܵܒܹܕ ܪ̈ܲܚܡܹܐ ܥܲܠ ܟܠܲܝܗܝ.
ܫܘܼܒ݂ܚܵܐ ܠܐܲܠܵܗܵܐ
33ܝܵܐ ܥܘܼܡܩܵܐ ܕܥܘܼܬܪܵܐ ܕܚܸܟ݂ܡܬܵܐ ܘܝ݇ܕܲܥܬܵܐ ܕܐܲܠܵܗܵܐ! ܐ݇ܢܵܫܵܐ ܠܹܐ ܡܵܛܹܐ ܠܕܝܼܘܵܢܘܼ̈ܗܝ، ܘܐܘܼܪ̈ܚܵܬܹܗ ܠܹܐ ܐܵܬܝܼ ܠܨܲܚܨܘܼܝܹܐ.
34ܡܵܢܝܼ ܟܹܐ ܝܵܕܹܥ ܪܸܥܝܵܢܵܐ ܕܡܵܪܝܵܐ؟ ܝܲܢ ܡܵܢܝܼ ܗܘܹܐ ܠܹܗ ܐܸܠܹܗ ܡܵܠܘܿܟ݂ܵܐ؟#ܐܫܥܝܐ 40:13؛ ܐܪܡܝܐ 23:18
35ܝܲܢ ܡܵܢܝܼ ܝܠܹܗ ܝܘܼܗ݇ܒ݂ܵܐ ܠܐܲܠܵܗܵܐ، ܕܐܲܠܵܗܵܐ ܡܲܕܸܪ ܐܸܠܹܗ؟#ܐܝܘܒ݂ 41:11
36ܣܵܒܵܒ ܟܠ ܡܸܢܕܝܼ ܡܸܢܹܗ ܝܠܹܗ، ܘܒܝܼܹܗ ܝܠܹܗ، ܘܐܸܠܹܗ ܝܠܹܗ. ܐܸܠܹܗ ܫܘܼܒ݂ܚܵܐ ܠܥܵܠܲܡ ܥܵܠܡܝܼܢ، ܐܵܡܹܝܢ.
Currently Selected:
ܪ̈ܗ݇ܘܿܡܝܐ 11: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܪ̈ܗ݇ܘܿܡܝܐ 11
11
ܦܪ̈ܝܼܩܹܐ ܕܒܢܲܝ̈ ܝܼܣܪܵܝܹܠ
1ܒܲܩܘܼܪܹܐ ܝܘܸܢ، ܪܘܼܦܹܐ ܠܹܗ ܐܲܠܵܗܵܐ ܠܥܲܡܹܗ؟ ܚܵܣ ܠܝܼ. ܐܘܼܦ ܐܵܢܵܐ ܡ̣ܢ ܒܢܲܝ̈ ܝܼܣܪܵܝܹܠ ܝܼܘܸܢ، ܡ̣ܢ ܙܲܪܥܵܐ ܕܐܲܒ݂ܪܵܗܵܡ، ܡ̣ܢ ܫܲܒ݂ܛܵܐ ܕܒܸܢܝܵܡܹܝܢ. 2ܠܵܐ. ܐܲܠܵܗܵܐ ܠܵܐ ܪܘܼܦܹܐ ܠܹܗ ܠܥܲܡܹܗ، ܗ̇ܘ ܕܡ̣ܢ ܩܵܕ݇ܡܵܝܬܵܐ ܝ݇ܕܝܼܥ ܠܹܗ. ܠܹܐ ܝܬܘܿܢ ܒܝܼܕܵܥܵܐ ܡܘܿܕܝܼ ܐ݇ܡܝܼܪܹܗ ܟܬܵܒ݂ܵܐ ܒܘܼܬ ܐܹܠܝܼܵܐ؟ ܟܲܕ ܒܸܩܒ݂ܵܠܵܐ ܝܗ݇ܘܵܐ ܐܹܠܝܼܵܐ ܠܐܲܠܵܗܵܐ ܒܘܼܬ ܝܼܣܪܵܝܹܠ، ܐ݇ܡܝܼܪܹܗ:
3ܝܵܐ ܡܵܪܝܵܐ، ܩܛܝܼܠ ܠܗܘܿܢ ܠܢܒ݂ܝܼܘܼ̈ܟ݂ ܘܬܠܝܼܚ ܠܗܘܿܢ ܠܡܲܕܒܚܘܼ̈ܟ݂. ܦܝܼܫܵܐ ܝܘܸܢ ܐܵܢܵܐ ܒܢܲܦ̮ܫܝܼ، ܘܓ̰ܲܪܘܼܒܹܐ ܝܢܵܐ ܕܐܘܼܦ ܐܸܠܝܼ ܩܵܛܠܝܼ.#ܐ. ܡܠܟ̈ܐ 19:10، 14
4ܐܝܼܢܵܐ ܡܘܿܕܝܼ ܝܗ݇ܘܵܐ ܓ̰ܘܼܘܵܒ ܕܐܲܠܵܗܵܐ ܐܸܠܹܗ؟
ܫܒ݂ܝܼܩܵܐ ܝܘܸܢ ܩܵܐ ܓܵܢܝܼ ܫܲܒ݂ܥܵܐ ܐܲܠܦܹ̈ܐ ܐ݇ܢܵܫܹ̈ܐ، ܐܵܢܝܼ ܕܠܹܐ ܝܢܵܐ ܣܓ݂ܝܼܕܹܐ ܠܒܲܥܠܵܐ.#ܐ. ܡܠܟ̈ܐ 19:18
5ܐܘܼܦ ܐܵܕܝܼܵܐ ܐܝܼܬ ܚܲܕ ܣܵܗܡܵܐ ܕܝܼܠܹܗ ܦܝܼܫܵܐ ܓܘܼܒܝܵܐ ܒܝܲܕ ܫܵܦܵܩܲܬ. 6ܒܲܣ ܐܸܢ ܝܼܠܹܗ ܒܫܵܦܵܩܲܬ، ܐ݇ܚܹܪ݇ܢܵܐ ܠܹܐ ܝܠܹܗ ܒܦܘܼܠܚܵܢܵܐ. ܘܐܸܢ ܝܼܠܹܗ ܒܦܘܼܠܚܵܢܵܐ، ܫܵܦܵܩܲܬ ܐ݇ܚܹܪ݇ܢܵܐ ܠܹܐ ܝܠܵܗ̇ ܫܵܦܵܩܲܬ. 7ܒܲܣ ܕܵܐܟ݂ܝܼ؟ ܡܸܢܕܝܼ ܕܒܸܛܥܵܝܵܐ ܝܗ݇ܘܵܐ ܐܸܠܹܗ ܝܼܣܪܵܝܹܠ ܠܵܐ ܡܘܼܫ݇ܟ̰ܸܚ ܠܹܗ، ܐܝܼܢܵܐ ܐܵܢܝܼ ܕܝܼܗ݇ܘܵܘ ܓܘܼܒܝܹ̈ܐ ܡܘܼܫ݇ܟ̰ܸܚ ܠܗܘܿܢ. ܘܐܵܢܝܼ ܐ݇ܚܹܪ̈݇ܢܹܐ ܦܝܼܫ ܠܗܘܿܢ ܡܘܼܩܫܝܼܹܐ ܠܸܒܲܝܗܝ. 8ܐܲܝܟ݂ ܕܝܼܠܹܗ ܟܬܝܼܒ݂ܵܐ:
ܐܲܠܵܗܵܐ ܝܘܼܗ݇ܒܸܠ ܠܹܗ ܐܸܠܲܝܗܝ ܪܘܼܚܵܐ ܕܫܸܢܬܵܐ، ܘܥܲܝܢܹ̈ܐ ܕܠܵܐ ܚܵܙܝܼ، ܘܢܵܬܝܵܬܹ̈ܐ ܕܠܵܐ ܫܵܡܥܝܼ، ܗܲܠ ܐܵܗܵܐ ܝܵܘܡܵܐ.#ܬܢܝܢ ܢܡܘܣܐ 29:4
9ܐܘܼܦ ܕܵܘܝܼܕ ܐ݇ܡܝܼܪܹܗ:
ܗܵܘܹܐ ܦܵܬܘܿܪܲܝܗܝ ܦܲܚܵܐ ܘܢܸܫܒ݂ܵܐ، ܘܗܵܘܹܐ ܦܘܼܪܥܵܢܲܝܗܝ ܟܹܐܦܵܐ ܕܬܲܪܩܲܠܬܵܐ.
10ܚܲܫܟܸܢܝܼ ܥܲܝܢܲܝ̈ܗܝ ܕܠܵܐ ܚܵܙܝܼ، ܘܚܲܨܲܝܗܝ ܗܵܘܹܐ ܟܝܼܦܵܐ ܒܟܠ ܙܲܒ݂ܢܵܐ.#ܐܫܥܝܐ 29:10؛ ܡܙܡܘܪ̈ܐ 69:22‐23
ܦܘܼܪܩܵܢܵܐ ܕܐܸܡܘܵܬܹ̈ܐ
11ܡܸܢܕܪܸܫ ܒܲܩܘܼܪܹܐ ܝܘܸܢ: ܢܦܝܼܠ ܠܗܘܿܢ ܒܢܲܝ̈ ܝܼܣܪܵܝܹܠ، ܘܠܹܐ ܡܵܨܝܼ ܕܵܝܪܝܼ ܐ݇ܚܹܪ݇ܢܵܐ؟ ܚܵܣ ܠܝܼ، ܐܝܼܢܵܐ ܒܢܦܵܠܬܵܐ ܕܝܼܲܝܗܝ ܗܘܹܐ ܠܹܗ ܦܘܼܪܩܵܢܵܐ ܠܐܸܡܘܵܬܹ̈ܐ، ܕܐܵܢܝܼ ܒܲܚܸܠܝܼ. 12ܐܸܢ ܓܢܵܗܲܝܗܝ ܗܘܹܐ ܠܵܗ̇ ܒܘܼܪܟܬܵܐ ܠܥܵܠܡܵܐ، ܘܚܘܼܣܪܵܢܲܝܗܝ ܗܘܹܐ ܠܹܗ ܒܘܼܪܟܬܵܐ ܠܐܸܡܘܵܬܹ̈ܐ، ܟܡܵܐ ܙܵܘܕܵܐ ܡܸܠܝܘܼܬܲܝܗܝ ܒܸܬ ܡܲܝܬܝܵܐ ܒܘܼܪܟܬܵܐ! 13ܗܲܡܙܘܼܡܹܐ ܝܘܸܢ ܐܸܠܵܘܟ݂ܘܿܢ ܐܸܡܘܵܬܹ̈ܐ، ܣܵܒܵܒ ܐܵܢܵܐ ܫܠܝܼܚܵܐ ܝܘܸܢ ܠܐܸܡܘܵܬܹ̈ܐ، ܘܟܹܐ ܡܝܲܩܪܸܢ ܠܚܸܠܡܲܬܝܼ، 14ܕܩܵܘܡܵܐ ܕܡܲܥܒܸܪܸܢ ܒܩܲܝܪܲܬ ܠܒܢܲܝ̈ ܥܲܡܝܼ، ܘܦܲܪܩܸܢ ܚܲܕ݇ܟܡܵܐ ܡܸܢܲܝܗܝ. 15ܣܵܒܵܒ ܐܸܢ ܡܲܣܠܵܝܬܲܝܗܝ ܗܘܹܐ ܠܵܗ̇ ܣܲܙܓܲܪܬܵܐ ܠܥܵܠܡܵܐ، ܡܘܿܕܝܼ ܒܘܼܬ ܩܵܒܲܠܬܲܝܗܝ، ܠܹܐ ܗܵܘܝܵܐ ܚܲܝܹ̈ܐ ܡ̣ܢ ܡܝܼܬܹ̈ܐ؟ 16ܐܸܢ ܪܹܫܝܼܬܵܐ ܕܠܲܝܫܵܐ ܕܩܘܼܪܒܵܢܵܐ ܩܲܕܝܼܫܬܵܐ ܝܠܵܗ̇، ܐܘܼܦ ܓܒ݂ܝܼܠܬܵܐ ܕܡܸܢܘܼܗ̇ ܩܲܕܝܼܫܬܵܐ ܝܠܵܗ̇. ܘܐܸܢ ܥܸܩܪܵܐ ܩܲܕܝܼܫܵܐ ܝܠܹܗ، ܐܘܼܦ ܦܲܥܘܵܢܹ̈ܐ ܩܲܕܝܼܫܹ̈ܐ ܝܢܵܐ. 17ܐܝܼܢܵܐ ܐܘܼܦ ܐܸܢ ܕܚܲܕ݇ܟܡܵܐ ܦܲܥܘܵܢܹ̈ܐ ܦܝܼܫ ܠܗܘܿܢ ܫܡܝܼܛܹܐ، ܘܐܲܢ݇ܬ ܕܝܼܘܸܬ ܙܲܝܬܵܐ ܕܒܲܪܝܼܵܐ ܦܝܼܫ ܠܘܼܟ݂ ܦܘܼܛܪܸܡܵܐ ܓܵܘܲܝܗܝ، ܘܗܘܹܐ ܠܘܼܟ݂ ܫܲܪܝܼܟܵܐ ܒܥܸܩܪܵܐ ܘܛܥܘܼܢܬܵܐ ܕܐܝܼܠܵܢܵܐ ܕܙܲܝܬܵܐ. 18ܠܵܐ ܥܵܒ݂ܕܹܬ ܫܘܼܒ݂ܗܵܪܵܐ ܥܲܠ ܦܲܥܘܵܢܹ̈ܐ. ܐܸܢ ܥܵܒ݂ܕܹܬ ܫܘܼܒ݂ܗܵܪܵܐ، ܕܟ݂ܘܿܪ ܕܠܹܐ ܝܘܸܬ ܐܲܢ݇ܬ ܛܥܝܼܢܵܐ ܠܘܲܪ̈ܝܼܕܹܐ ܐܝܼܢܵܐ ܘܲܪ̈ܝܼܕܹܐ ܛܥܝܼܢܘܼܟ݂ ܝܼܢܵܐ. 19ܐܲܢ݇ܬ ܒܸܬ ܐܵܡܪܹܬ، ”ܦܲܥܘܵܢܹ̈ܐ ܦܝܼܫ ܠܗܘܿܢ ܫܡܝܼܛܹܐ ܕܐܵܢܵܐ ܗܵܘܹܝܢ ܗ݇ܘܵܐ ܦܘܼܛܪܸܡܵܐ. 20ܪܵܒܵܐ ܨܦܵܝܝܼ. ܐܵܢܝܼ ܫܡܝܼܛ ܠܗܘܿܢ ܣܵܒܵܒ ܠܵܐ ܗܘܼܡܸܢܗܘܿܢ، ܘܐܲܢ݇ܬ ܟܠܹܐ ܠܘܼܟ݂ ܣܵܒܵܒ ܗܘܼܡܸܢܘܼܟ݂. ܠܵܐ ܥܵܒ݂ܕܹܬ ܫܘܼܒ݂ܗܵܪܵܐ ܐܸܠܵܐ ܙܕܸܥ، 21ܣܵܒܵܒ ܐܸܢ ܐܲܠܵܗܵܐ ܠܵܐ ܚܣܝܼܟ݂ ܠܹܗ ܠܦܲܥܘܵܢܹ̈ܐ ܐܲܨܠܵܝܹ̈ܐ، ܐܘܼܦ ܐܸܠܘܼܟ݂ ܠܹܐ ܚܵܣܹܟ݂. 22ܚܙܝܼ ܗܲܕܟ݂ܵܐ ܒܲܣܝܼܡܘܼܬܵܐ ܘܩܸܫܝܘܼܬܵܐ ܕܐܲܠܵܗܵܐ. ܩܸܫܝܘܼܬܵܐ ܠܐܵܢܝܼ ܕܢܦܝܼܠ ܠܗܘܿܢ، ܐܝܼܢܵܐ ܒܲܣܝܼܡܘܼܬܵܐ ܐܸܠܘܼܟ݂ ܐܸܢ ܟܵܠܹܝܬ ܒܒܲܣܝܼܡܘܼܬܹܗ. ܘܐܸܢ ܠܵܐ ܟܵܠܹܝܬ، ܐܘܼܦ ܐܲܢ݇ܬ ܒܸܬ ܦܵܝܫܹܬ ܦܪܝܼܡܵܐ. 23ܐܘܼܦ ܐܵܢܝܼ، ܐܸܢ ܠܵܐ ܥܲܪܩܸܠܝܼ ܒܠܲܝܬܵܝܘܼܬܵܐ ܕܗܲܝܡܵܢܘܼܬܲܝܗܝ ܒܸܬ ܦܵܝܫܝܼ ܦܘܼܛܪܸܡܹܐ، ܣܵܒܵܒ ܐܲܠܵܗܵܐ ܡܵܨܹܐ ܦܲܛܪܸܡ ܠܗܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ. 24ܐܸܢ ܐܲܢ݇ܬ ܦܝܼܫܵܐ ܝܘܸܬ ܗ݇ܘܵܐ ܦܪܝܼܡܵܐ ܡ̣ܢ ܐܝܼܠܵܢܵܐ ܕܒܟܝܵܢܹܗ ܙܲܝܬܵܐ ܕܒܲܪܝܼܵܐ ܝܠܹܗ، ܘܦܝܼܫ ܠܘܼܟ݂ ܦܘܼܛܪܸܡܵܐ ܕܲܠܩܘܼܒ݂ܠ ܕܟܝܵܢܵܐ ܥܲܠ ܐܝܼܠܵܢܵܐ ܛܵܒ݂ܵܐ ܕܙܲܝܬܵܐ، ܟܡܵܐ ܒܘܼܫ ܙܵܘܕܵܐ ܐܲܢܹܐ ܦܲܥܘܵܢܹ̈ܐ ܟܝܵܢܵܝܹ̈ܐ ܒܸܬ ܦܵܝܫܝܼ ܦܘܼܛܪܸܡܹܐ ܥܲܠ ܐܝܼܠܵܢܵܐ ܐܲܨܠܵܝܵܐ ܕܙܲܝܬܵܐ.
ܟܠܲܝܗܝ ܒܢܲܝ̈ ܝܼܣܪܵܝܹܠ ܒܸܬ ܦܵܪܩܝܼ
25ܩܵܐ ܕܠܵܐ ܗܵܘܹܝܬܘܿܢ ܚܲܟܝܼܡܹ̈ܐ ܒܚܘܼܫܵܒ݂ܵܐ ܕܓܵܢܵܘܟ݂ܘܿܢ، ܝܵܐ ܐܲܚܘܿܢܘܵܬܝܼ̈، ܒܵܥܹܝܢ ܕܝܵܕܥܝܼܬܘܿܢ ܠܐܵܗܵܐ ܐ݇ܪܵܙܵܐ، ܕܩܸܫܝܘܼܬܵܐ ܕܠܸܒܵܐ ܗܘܹܐ ܠܵܗ̇ ܠܚܲܕ ܣܵܗܡܵܐ ܕܒܢܲܝ̈ ܝܼܣܪܵܝܹܠ ܗܲܠ ܕܦܵܐܹܫ ܬܘܼܡܸܡܵܐ ܡܸܢܝܵܢܵܐ ܕܐܸܡܘܵܬܹ̈ܐ. 26ܗ̇ܝܓܵܗ ܟܠܲܝܗܝ ܒܢܲܝ̈ ܝܼܣܪܵܝܹܠ ܒܸܬ ܦܵܝܫܝܼ ܦܘܼܪܩܹܐ. ܐܲܝܟ݂ ܕܝܼܠܹܗ ܟܬܝܼܒ݂ܵܐ:
ܒܸܬ ܐܵܬܹܐ ܦܵܪܘܿܩܵܐ ܡ̣ܢ ܨܸܗܝܘܿܢ، ܘܒܸܬ ܡܲܕܸܪ ܥܵܘܠܵܐ ܡ̣ܢ ܝܲܥܩܘܿܒ݂.
27ܐܵܗܵܐ ܝܠܹܗ ܘܲܥܕܝܼ ܥܲܡܲܝܗܝ، ܐܝܼܡܲܢ ܕܦܲܚܠܸܢܗܘܿܢ ܚܛܝܼܵܬܲܝ̈ܗܝ.#ܐܫܥܝܐ 27:9، 59:20‐21
28ܡ̣ܢ ܐܹܘܲܢܓܲܠܝܼܘܿܢ ܓܹܒܵܐ ܕܸܫܡܸܢܹ̈ܐ ܝܢܵܐ ܒܘܼܬ ܕܝܼܵܘܟ݂ܘܿܢ، ܘܡ̣ܢ ܓܲܒܵܝܬܵܐ ܓܹܒܵܐ ܡܘܼܚܸܒܹ̈ܐ ܝܢܵܐ ܒܘܼܬ ܒܵܒܵܘܵܬܹ̈ܐ. 29ܣܵܒܵܒ ܐܲܠܵܗܵܐ ܠܹܐ ܕܵܐܹܪ ܒܡܵܘܗܲܒ݂ܬܹܗ ܘܐܘܼܦ ܠܵܐ ܒܟ̰ܝܵܕܬܹܗ. 30ܐܲܝܟ݂ ܕܝܼܬܘܿܢ ܗ݇ܘܵܘ ܐܲܚܬܘܿܢ ܡ̣ܢ ܩܵܕ݇ܡܵܝܬܵܐ ܠܵܐ ܡܲܨܝܸܬܵܢܹ̈ܐ ܠܐܲܠܵܗܵܐ، ܐܝܼܢܵܐ ܐܵܕܝܼܵܐ ܩܘܼܒܸܠ ܠܵܘܟ݂ܘܿܢ ܪ̈ܲܚܡܹܐ ܒܝܲܕ ܥܵܨܝܼܘܼܬܵܐ ܕܝܼܲܝܗܝ، 31ܗܲܕܟ݂ܵܐ ܐܘܼܦ ܐܵܢܝܼ ܐܵܕܝܼܵܐ ܠܹܐ ܝܢܵܐ ܡܲܨܝܸܬܵܢܹ̈ܐ ܕܩܲܒܠܝܼ ܪ̈ܲܚܡܹܐ ܐܲܝܟ݂ ܪ̈ܲܚܡܹܐ ܕܐܲܚܬܘܿܢ ܩܘܼܒܸܠ ܠܵܘܟ݂ܘܿܢ ܡ̣ܢ ܐܲܠܵܗܵܐ. 32ܣܵܒܵܒ ܐܲܠܵܗܵܐ ܚܒ݂ܝܼܫܲܝ ܠܹܗ ܟܠܲܝܗܝ ܐ݇ܢܵܫܹ̈ܐ ܓܵܘ ܥܵܨܝܼܘܼܬܵܐ ܕܥܵܒܹܕ ܪ̈ܲܚܡܹܐ ܥܲܠ ܟܠܲܝܗܝ.
ܫܘܼܒ݂ܚܵܐ ܠܐܲܠܵܗܵܐ
33ܝܵܐ ܥܘܼܡܩܵܐ ܕܥܘܼܬܪܵܐ ܕܚܸܟ݂ܡܬܵܐ ܘܝ݇ܕܲܥܬܵܐ ܕܐܲܠܵܗܵܐ! ܐ݇ܢܵܫܵܐ ܠܹܐ ܡܵܛܹܐ ܠܕܝܼܘܵܢܘܼ̈ܗܝ، ܘܐܘܼܪ̈ܚܵܬܹܗ ܠܹܐ ܐܵܬܝܼ ܠܨܲܚܨܘܼܝܹܐ.
34ܡܵܢܝܼ ܟܹܐ ܝܵܕܹܥ ܪܸܥܝܵܢܵܐ ܕܡܵܪܝܵܐ؟ ܝܲܢ ܡܵܢܝܼ ܗܘܹܐ ܠܹܗ ܐܸܠܹܗ ܡܵܠܘܿܟ݂ܵܐ؟#ܐܫܥܝܐ 40:13؛ ܐܪܡܝܐ 23:18
35ܝܲܢ ܡܵܢܝܼ ܝܠܹܗ ܝܘܼܗ݇ܒ݂ܵܐ ܠܐܲܠܵܗܵܐ، ܕܐܲܠܵܗܵܐ ܡܲܕܸܪ ܐܸܠܹܗ؟#ܐܝܘܒ݂ 41:11
36ܣܵܒܵܒ ܟܠ ܡܸܢܕܝܼ ܡܸܢܹܗ ܝܠܹܗ، ܘܒܝܼܹܗ ܝܠܹܗ، ܘܐܸܠܹܗ ܝܠܹܗ. ܐܸܠܹܗ ܫܘܼܒ݂ܚܵܐ ܠܥܵܠܲܡ ܥܵܠܡܝܼܢ، ܐܵܡܹܝܢ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation