ܡܙܡܘܪ̈ܐ 118 (ܩܝܚ)
118 (ܩܝܚ)
1ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
2ܐܵܡܹܪ ܝܼܣܪܵܝܹܠ،
”ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.“
3ܐܵܡܪܝܼ ܒܹܝܬ ܐܲܗܪܘܿܢ،
”ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.“
4ܐܵܡܪܝܼ ܙܕܝܼܥܹ̈ܐ ܕܡܵܪܝܵܐ،
”ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.“
5ܡ̣ܢ ܐܘܼܠܨܵܢܝܼ ܩܪܹܐ ܠܝܼ ܠܡܵܪܝܵܐ،
ܩܲܡ ܓ̰ܲܘܸܒ ܠܝܼ ܘܡܲܬܸܒ݂ ܠܝܼ ܒܪܘܵܚܵܢܝܼ ܡܵܪܝܵܐ.
6ܡܵܪܝܵܐ ܥܲܡܝܼ ܝܠܹܗ، ܠܹܐ ܙܵܕܥܹܢ؛
ܡܘܿܕܝܼ ܡܵܨܹܐ ܥܵܒܹܕ ܐܸܠܝܼ ܒܲܪܢܵܫܵܐ؟
7ܡܵܪܝܵܐ ܥܲܡܝܼ ܝܠܹܗ ܠܗܲܝܘܼܪܝܼ،
ܘܐܵܢܵܐ ܒܸܬ ܚܵܙܹܝܢ ܙܵܟ݂ܘܼܬܵܐ ܠܣܵܢܝܵܢܝܼ̈.
8ܒܘܼܫ ܨܦܵܝܝܼ ܝܠܵܗ̇ ܠܸܫܩܵܠܵܐ ܓܵܘܣܵܐ ܒܡܵܪܝܵܐ،
ܡ̣ܢ ܠܸܣܒܵܪܵܐ ܒܒܲܪܢܵܫܵܐ.
9ܒܘܼܫ ܨܦܵܝܝܼ ܝܠܵܗ̇ ܠܸܫܩܵܠܵܐ ܓܵܘܣܵܐ ܒܡܵܪܝܵܐ،
ܡ̣ܢ ܠܸܣܒܵܪܵܐ ܒܢܲܨܝܼܚܹ̈ܐ.
10ܟܠܲܝܗܝ ܐܸܡܘܵܬܹ̈ܐ ܟܪܝܼܟܸܢܗܘܿܢ،
ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ.
11ܩܲܡ ܟܵܪܟ݂ܝܼ ܠܝܼ، ܗܹܐ، ܟܪܝܼܟܸܢܗܘܿܢ،
ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ.
12ܩܲܡ ܟܵܪܟ݂ܝܼ ܠܝܼ ܐܲܝܟ݂ ܕܲܒܵܫܹ̈ܐ،
ܐܝܼܢܵܐ ܟ̰ܡܝܼܥ ܠܗܘܿܢ ܐܲܝܟ݂ ܢܘܼܪܵܐ ܕܟܸܬܘܹ̈ܐ،
ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ.
13ܚܲܪܙܘܼܦܹܐ ܩܲܡ ܚܲܪܙܸܦܸܬ ܠܝܼ ܕܢܵܦܠܹܢ،
ܐܝܼܢܵܐ ܡܵܪܝܵܐ ܗܘܼܝܸܪܹܗ ܐܸܠܝܼ.
14ܥܘܼܫܢܝܼ ܘܙܡܵܪܬܝܼ ܡܵܪܝܵܐ ܝܠܹܗ،
ܘܗܘܹܐ ܠܹܗ ܐܸܠܝܼ ܦܘܼܪܩܵܢܵܐ.
15ܩܵܠܵܐ ܕܫܘܼܒ݂ܚܵܐ ܘܕܦܘܼܪܩܵܢܵܐ ܓܵܘ ܡܲܫܟܢܹ̈ܐ ܕܙܲܕܝܼܩܹ̈ܐ،
ܝܲܡܝܼܢܵܐ ܕܡܵܪܝܵܐ ܥܵܒ݂ܕܵܢܬܵܐ ܕܚܲܝܠܵܐ،
16ܝܲܡܝܼܢܵܐ ܕܡܵܪܝܵܐ ܪܝܼܡܬܵܐ ܝܠܵܗ̇،
ܝܲܡܝܼܢܵܐ ܕܡܵܪܝܵܐ ܥܵܒ݂ܕܵܢܬܵܐ ܕܚܲܝܠܵܐ.
17ܠܹܐ ܡܵܝܬܹܢ ܐܸܠܵܐ ܒܸܬ ܚܵܝܹܝܢ،
ܘܒܸܬ ܗܲܩܹܝܢ ܥܒ݂ܵܕܹ̈ܐ ܕܡܵܪܝܵܐ.
18ܬܲܥܠܘܼܡܹܐ ܬܘܼܥܠܡܸܢܹܗ ܡܵܪܝܵܐ،
ܐܝܼܢܵܐ ܠܡܵܘܬܵܐ ܠܵܐ ܣܘܼܦܝܸܢܹܗ.
19ܦܬܘܿܚܘܼܢ ܐܸܠܝܼ ܕܲܪ̈ܘܵܙܹܐ ܕܙܲܕܝܼܩܘܼܬܵܐ،
ܕܥܵܒ݂ܪܹܢ ܒܝܼܲܝܗܝ ܘܫܲܟܪܸܢ ܠܡܵܪܝܵܐ.
20ܐܵܗܵܐ ܝܠܹܗ ܕܲܪܘܵܙܵܐ ܕܡܵܪܝܵܐ،
ܙܲܕܝܼܩܹ̈ܐ ܒܸܬ ܥܵܒ݂ܪܝܼ ܒܝܼܹܗ.
21ܒܸܬ ܫܲܟܪܸܢܘܼܟ݂ ܕܩܲܡ ܓ̰ܲܘܸܒܸܬ ܠܝܼ،
ܘܗܘܹܐ ܠܘܼܟ݂ ܐܸܠܝܼ ܦܘܼܪܩܵܢܵܐ.
22ܟܹܐܦܵܐ ܕܡܘܼܣܠܹܐ ܠܗܘܿܢ ܒܲܢܵܝܹ̈ܐ
ܗܘܹܐ ܠܹܗ ܠܪܹܫܵܐ ܕܩܘܼܪܢܝܼܬܵܐ،
23ܡ̣ܢ ܠܟܸܣ ܡܵܪܝܵܐ ܗܘܹܐ ܠܵܗ̇ ܐܵܗܵܐ،
ܗ̇ܝ ܥܘܼܓ̰ܵܒܵܐ ܝܠܵܗ̇ ܒܥܲܝܢܲܢ̈.
24ܐܵܗܵܐ ܝܠܹܗ ܝܵܘܡܵܐ ܕܥܒ݂ܝܼܕ ܠܹܗ ܡܵܪܝܵܐ،
ܦܵܨܚܲܚ ܘܚܵܕܲܚ ܒܝܼܹܗ.
25ܦܲܪܦܘܼܠܹܐ ܝܘܲܚ، ܝܵܐ ܡܵܪܝܵܐ، ܦܲܪܸܩ ܠܲܢ،
ܦܲܪܦܘܼܠܹܐ ܝܘܲܚ، ܝܵܐ ܡܵܪܝܵܐ، ܡܲܢܬܝܼ ܠܲܢ.
26ܒܪܝܼܟ݂ܵܐ ܝܠܹܗ ܗ̇ܘ ܕܒܹܐܬܵܝܵܐ ܝܠܹܗ ܒܫܸܡܵܐ ܕܡܵܪܝܵܐ،
ܩܲܡ ܒܲܪܟܲܚ ܠܵܘܟ݂ܘܿܢ ܡ̣ܢ ܒܲܝܬܵܐ ܕܡܵܪܝܵܐ.
27ܐܲܠܵܗܵܐ ܡܵܪܝܵܐ ܝܠܹܗ، ܘܒܘܼܗܪܸܢܹܗ ܐܸܠܲܢ،
ܐ݇ܣܘܿܪܘܼܢ ܙܵܘܚܵܐ ܒܝܲܕ ܦܲܥܘܵܢܹ̈ܐ ܗܲܠ ܩܵܪ̈݇ܢܵܢܹܐ ܕܡܲܕܒܚܵܐ.
28ܐܲܠܵܗܝܼ ܝܘܸܬ ܐܲܢ݇ܬ، ܘܒܸܬ ܫܲܟܪܸܢܘܼܟ݂،
ܐܲܠܵܗܝܼ ܝܘܸܬ ܐܲܢ݇ܬ، ܘܒܸܬ ܡܲܪܡܸܢܘܼܟ݂.
29ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
Currently Selected:
ܡܙܡܘܪ̈ܐ 118 (ܩܝܚ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܡܙܡܘܪ̈ܐ 118 (ܩܝܚ)
118 (ܩܝܚ)
1ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
2ܐܵܡܹܪ ܝܼܣܪܵܝܹܠ،
”ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.“
3ܐܵܡܪܝܼ ܒܹܝܬ ܐܲܗܪܘܿܢ،
”ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.“
4ܐܵܡܪܝܼ ܙܕܝܼܥܹ̈ܐ ܕܡܵܪܝܵܐ،
”ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.“
5ܡ̣ܢ ܐܘܼܠܨܵܢܝܼ ܩܪܹܐ ܠܝܼ ܠܡܵܪܝܵܐ،
ܩܲܡ ܓ̰ܲܘܸܒ ܠܝܼ ܘܡܲܬܸܒ݂ ܠܝܼ ܒܪܘܵܚܵܢܝܼ ܡܵܪܝܵܐ.
6ܡܵܪܝܵܐ ܥܲܡܝܼ ܝܠܹܗ، ܠܹܐ ܙܵܕܥܹܢ؛
ܡܘܿܕܝܼ ܡܵܨܹܐ ܥܵܒܹܕ ܐܸܠܝܼ ܒܲܪܢܵܫܵܐ؟
7ܡܵܪܝܵܐ ܥܲܡܝܼ ܝܠܹܗ ܠܗܲܝܘܼܪܝܼ،
ܘܐܵܢܵܐ ܒܸܬ ܚܵܙܹܝܢ ܙܵܟ݂ܘܼܬܵܐ ܠܣܵܢܝܵܢܝܼ̈.
8ܒܘܼܫ ܨܦܵܝܝܼ ܝܠܵܗ̇ ܠܸܫܩܵܠܵܐ ܓܵܘܣܵܐ ܒܡܵܪܝܵܐ،
ܡ̣ܢ ܠܸܣܒܵܪܵܐ ܒܒܲܪܢܵܫܵܐ.
9ܒܘܼܫ ܨܦܵܝܝܼ ܝܠܵܗ̇ ܠܸܫܩܵܠܵܐ ܓܵܘܣܵܐ ܒܡܵܪܝܵܐ،
ܡ̣ܢ ܠܸܣܒܵܪܵܐ ܒܢܲܨܝܼܚܹ̈ܐ.
10ܟܠܲܝܗܝ ܐܸܡܘܵܬܹ̈ܐ ܟܪܝܼܟܸܢܗܘܿܢ،
ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ.
11ܩܲܡ ܟܵܪܟ݂ܝܼ ܠܝܼ، ܗܹܐ، ܟܪܝܼܟܸܢܗܘܿܢ،
ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ.
12ܩܲܡ ܟܵܪܟ݂ܝܼ ܠܝܼ ܐܲܝܟ݂ ܕܲܒܵܫܹ̈ܐ،
ܐܝܼܢܵܐ ܟ̰ܡܝܼܥ ܠܗܘܿܢ ܐܲܝܟ݂ ܢܘܼܪܵܐ ܕܟܸܬܘܹ̈ܐ،
ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ.
13ܚܲܪܙܘܼܦܹܐ ܩܲܡ ܚܲܪܙܸܦܸܬ ܠܝܼ ܕܢܵܦܠܹܢ،
ܐܝܼܢܵܐ ܡܵܪܝܵܐ ܗܘܼܝܸܪܹܗ ܐܸܠܝܼ.
14ܥܘܼܫܢܝܼ ܘܙܡܵܪܬܝܼ ܡܵܪܝܵܐ ܝܠܹܗ،
ܘܗܘܹܐ ܠܹܗ ܐܸܠܝܼ ܦܘܼܪܩܵܢܵܐ.
15ܩܵܠܵܐ ܕܫܘܼܒ݂ܚܵܐ ܘܕܦܘܼܪܩܵܢܵܐ ܓܵܘ ܡܲܫܟܢܹ̈ܐ ܕܙܲܕܝܼܩܹ̈ܐ،
ܝܲܡܝܼܢܵܐ ܕܡܵܪܝܵܐ ܥܵܒ݂ܕܵܢܬܵܐ ܕܚܲܝܠܵܐ،
16ܝܲܡܝܼܢܵܐ ܕܡܵܪܝܵܐ ܪܝܼܡܬܵܐ ܝܠܵܗ̇،
ܝܲܡܝܼܢܵܐ ܕܡܵܪܝܵܐ ܥܵܒ݂ܕܵܢܬܵܐ ܕܚܲܝܠܵܐ.
17ܠܹܐ ܡܵܝܬܹܢ ܐܸܠܵܐ ܒܸܬ ܚܵܝܹܝܢ،
ܘܒܸܬ ܗܲܩܹܝܢ ܥܒ݂ܵܕܹ̈ܐ ܕܡܵܪܝܵܐ.
18ܬܲܥܠܘܼܡܹܐ ܬܘܼܥܠܡܸܢܹܗ ܡܵܪܝܵܐ،
ܐܝܼܢܵܐ ܠܡܵܘܬܵܐ ܠܵܐ ܣܘܼܦܝܸܢܹܗ.
19ܦܬܘܿܚܘܼܢ ܐܸܠܝܼ ܕܲܪ̈ܘܵܙܹܐ ܕܙܲܕܝܼܩܘܼܬܵܐ،
ܕܥܵܒ݂ܪܹܢ ܒܝܼܲܝܗܝ ܘܫܲܟܪܸܢ ܠܡܵܪܝܵܐ.
20ܐܵܗܵܐ ܝܠܹܗ ܕܲܪܘܵܙܵܐ ܕܡܵܪܝܵܐ،
ܙܲܕܝܼܩܹ̈ܐ ܒܸܬ ܥܵܒ݂ܪܝܼ ܒܝܼܹܗ.
21ܒܸܬ ܫܲܟܪܸܢܘܼܟ݂ ܕܩܲܡ ܓ̰ܲܘܸܒܸܬ ܠܝܼ،
ܘܗܘܹܐ ܠܘܼܟ݂ ܐܸܠܝܼ ܦܘܼܪܩܵܢܵܐ.
22ܟܹܐܦܵܐ ܕܡܘܼܣܠܹܐ ܠܗܘܿܢ ܒܲܢܵܝܹ̈ܐ
ܗܘܹܐ ܠܹܗ ܠܪܹܫܵܐ ܕܩܘܼܪܢܝܼܬܵܐ،
23ܡ̣ܢ ܠܟܸܣ ܡܵܪܝܵܐ ܗܘܹܐ ܠܵܗ̇ ܐܵܗܵܐ،
ܗ̇ܝ ܥܘܼܓ̰ܵܒܵܐ ܝܠܵܗ̇ ܒܥܲܝܢܲܢ̈.
24ܐܵܗܵܐ ܝܠܹܗ ܝܵܘܡܵܐ ܕܥܒ݂ܝܼܕ ܠܹܗ ܡܵܪܝܵܐ،
ܦܵܨܚܲܚ ܘܚܵܕܲܚ ܒܝܼܹܗ.
25ܦܲܪܦܘܼܠܹܐ ܝܘܲܚ، ܝܵܐ ܡܵܪܝܵܐ، ܦܲܪܸܩ ܠܲܢ،
ܦܲܪܦܘܼܠܹܐ ܝܘܲܚ، ܝܵܐ ܡܵܪܝܵܐ، ܡܲܢܬܝܼ ܠܲܢ.
26ܒܪܝܼܟ݂ܵܐ ܝܠܹܗ ܗ̇ܘ ܕܒܹܐܬܵܝܵܐ ܝܠܹܗ ܒܫܸܡܵܐ ܕܡܵܪܝܵܐ،
ܩܲܡ ܒܲܪܟܲܚ ܠܵܘܟ݂ܘܿܢ ܡ̣ܢ ܒܲܝܬܵܐ ܕܡܵܪܝܵܐ.
27ܐܲܠܵܗܵܐ ܡܵܪܝܵܐ ܝܠܹܗ، ܘܒܘܼܗܪܸܢܹܗ ܐܸܠܲܢ،
ܐ݇ܣܘܿܪܘܼܢ ܙܵܘܚܵܐ ܒܝܲܕ ܦܲܥܘܵܢܹ̈ܐ ܗܲܠ ܩܵܪ̈݇ܢܵܢܹܐ ܕܡܲܕܒܚܵܐ.
28ܐܲܠܵܗܝܼ ܝܘܸܬ ܐܲܢ݇ܬ، ܘܒܸܬ ܫܲܟܪܸܢܘܼܟ݂،
ܐܲܠܵܗܝܼ ܝܘܸܬ ܐܲܢ݇ܬ، ܘܒܸܬ ܡܲܪܡܸܢܘܼܟ݂.
29ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation