ܟܗܢ̈ܐ 4
4
ܩܘܼܪܒܵܢܵܐ ܕܚܛܝܼܬܵܐ
1ܗܘܼܡܙܸܡ ܠܹܗ ܡܵܪܝܵܐ ܥܲܡ ܡܘܼܫܹܐ ܘܐ݇ܡܝܼܪܹܗ، 2”ܗܲܡܙܸܡ ܥܲܡ ܒܢܲܝ̈ ܝܼܣܪܵܝܹܠ، ܘܐ݇ܡܘܿܪ، ’ܟܲܕ ܐ݇ܢܵܫܵܐ ܠܵܐ ܒܝ݇ܕܲܥܬܹܗ ܚܵܛܹܐ ܠܦܘܼܩܕܵܢܹ̈ܐ ܕܡܵܪܝܵܐ، ܐܲܝܢܝܼ ܕܠܵܐ ܦܵܝܫܝܼ ܥܒ݂ܝܼܕܹܐ، ܘܥܵܒܹܕ ܚܲܕ ܡܸܢܲܝܗܝ؛ 3ܘܐܸܢ ܚܵܛܹܐ ܟܵܗܢܵܐ ܕܝܼܠܹܗ ܦܝܼܫܵܐ ܡܫܝܼܚܵܐ، ܗܵܕܵܐ ܕܡܲܝܬܹܐ ܚܲܝܵܒ݂ܘܼܬܵܐ ܥܲܠ ܥܲܡܵܐ، ܒܘܼܬ ܚܛܝܼܬܵܐ ܕܚܛܹܐ ܠܹܗ، ܡܲܩܪܸܒ݂ ܡܘܼܓ̰ܵܐ ܕܠܵܐ ܠܲܟܵܐ ܠܡܵܪܝܵܐ ܩܵܐ ܕܸܒ݂ܚܵܐ ܕܚܲܝܵܒ݂ܘܼܬܵܐ. 4ܡܲܝܬܹܐ ܠܹܗ ܡܘܼܓ̰ܵܐ ܩܵܕ݇ܡ ܬܲܪܥܵܐ ܕܡܲܫܟܲܢ ܘܲܥܕܵܐ ܩܵܕ݇ܡ ܡܵܪܝܵܐ، ܘܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܡܘܼܓ̰ܵܐ ܘܦܵܪܹܡ ܠܹܗ ܡܘܼܓ̰ܵܐ ܩܵܕ݇ܡ ܡܵܪܝܵܐ. 5ܗ̇ܝܓܵܗ ܫܵܩܹܠ ܟܵܗܢܵܐ ܕܝܼܠܹܗ ܦܝܼܫܵܐ ܡܫܝܼܚܵܐ، ܡ̣ܢ ܕܸܡܵܐ ܕܡܘܼܓ̰ܵܐ، ܘܡܲܝܬܹܐ ܠܹܗ ܠܡܲܫܟܲܢ ܘܲܥܕܵܐ، 6ܘܛܵܡܹܫ ܨܸܒܥܹܗ ܓܵܘ ܕܸܡܵܐ ܘܡܲܪܝܸܣ ܡ̣ܢ ܕܸܡܵܐ ܫܒܲܥ ܓܵܗܹ̈ܐ ܩܵܕ݇ܡ ܡܵܪܝܵܐ، ܠܩܵܕ݇ܡ ܣܸܬܪܵܐ ܕܡܲܩܕܫܵܐ. 7ܗ̇ܝܓܵܗ ܡܲܬܸܒ݂ ܟܵܗܢܵܐ ܡ̣ܢ ܕܸܡܵܐ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܒܸܣܡܵܐ ܪܹܝܚܵܢܵܐ ܩܵܕ݇ܡ ܡܵܪܝܵܐ، ܕܝܼܠܹܗ ܓܵܘ ܡܲܫܟܲܢ ܘܲܥܕܵܐ، ܘܣܵܗܡܵܐ ܦܝܼܫܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܕܝܼܠܹܗ ܩܵܕ݇ܡ ܬܲܪܥܵܐ ܕܡܲܫܟܲܢ ܘܲܥܕܵܐ. 8ܫܵܩܹܠ ܠܹܗ ܟܠܹܗ ܬܲܪܒܵܐ ܕܡܘܼܓ̰ܵܐ ܕܝܼܠܹܗ ܕܸܒ݂ܚܵܐ ܕܚܛܝܼܬܵܐ، ܬܲܪܒܵܐ ܕܟܲܣܹܐ ܠܗܲܕܵܡܹ̈ܐ ܓܵܘܵܝܹ̈ܐ، ܘܟܠܹܗ ܬܲܪܒܵܐ ܕܥܲܠ ܗܲܕܵܡܹ̈ܐ ܓܵܘܵܝܹ̈ܐ، 9ܘܫܵܩܹܠ ܠܬܲܪܬܹܝ ܟܸܠܝܵܬܹ̈ܐ، ܘܬܲܪܒܵܐ ܕܥܲܠܲܝܗܝ، ܘܗ̇ܘ ܕܥܲܠ ܦܘܼܫܬܹ̈ܐ، ܘܠܚܨܵܪ ܟܲܒ݂ܕܵܐ ܥܲܡ ܟܸܠܝܵܬܹ̈ܐ، 10ܗܲܪ ܐܲܝܟ݂ ܕܦܝܼܫ ܠܹܗ ܥܒ݂ܝܼܕܵܐ ܒܬܵܘܪܵܐ ܕܕܸܒ݂ܚܵܐ ܕܩܘܼܪܒܵܢܵܐ ܕܫܠܵܡܵܐ. ܗ̇ܝܓܵܗ ܡܲܩܸܕ ܠܗܘܿܢ ܟܵܗܢܵܐ ܥܲܠ ܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ. 11ܐܝܼܢܵܐ ܒܓܸܠܕܵܐ ܕܡܘܼܓ̰ܵܐ ܘܟܠܹܗ ܒܸܣܪܹܗ، ܥܲܡ ܪܹܫܹܗ، ܘܥܲܡ ܫܵܩܵܢܘܼ̈ܗܝ، ܘܗܲܕܵܡܘܼ̈ܗܝ ܓܵܘܵܝܹ̈ܐ ܘܦܸܪܬܹܗ، 12ܝܲܥܢܹܐ ܫܲܪܟܵܢܵܐ ܕܡܘܼܓ̰ܵܐ، ܦܲܠܸܛ ܠܹܗ ܠܒܲܕܲܪ ܡ̣ܢ ܡܲܫܪܝܼܬܵܐ ܠܕܘܼܟܵܐ ܕܟ݂ܝܼܬܵܐ، ܐܲܝܟܵܐ ܕܪܲܦܝܼ ܠܹܗ ܩܸܛܡܵܐ، ܘܡܲܩܸܕ ܠܹܗ ܬܵܡܵܐ ܒܢܘܼܪܵܐ ܥܲܠ ܩܲܝܣܹ̈ܐ؛ ܒܕܘܼܟܵܐ ܕܪܲܦܵܝܬܵܐ ܕܩܸܛܡܵܐ ܦܵܐܹܫ ܡܘܼܩܕܵܐ.
ܚܛܝܼܬܵܐ ܕܛܵܝܸܦܵܐ
13ܘܐܸܢ ܟܠܹܗ ܥܲܡܵܐ ܕܒܢܲܝ̈ ܝܼܣܪܵܝܹܠ ܚܵܛܝܼ ܒܠܵܐ ܝ݇ܕܲܥܬܵܐ، ܘܫܵܡܛܝܼ ܚܲܕ ܡ̣ܢ ܦܘܼܩܕܵܢܹ̈ܐ ܕܐ݇ܡܝܼܪܹܗ ܡܵܪܝܵܐ ܕܠܵܐ ܦܵܝܫܝܼ ܫܡܝܼܛܹܐ، ܘܦܵܝܫܵܐ ܛܘܼܫܝܼܬܵܐ ܚܛܝܼܬܵܐ ܡ̣ܢ ܥܲܝܢܹ̈ܐ ܕܟܸܢܫܵܐ، ܟܠܹܗ ܥܲܡܵܐ ܚܲܝܵܒ݂ܵܐ ܝܠܹܗ. 14ܘܟܲܕ ܦܵܝܫܵܐ ܓܠܝܼܬܵܐ ܚܛܝܼܬܵܐ ܕܥܒ݂ܝܼܕ ܠܗܘܿܢ، ܗ̇ܝܓܵܗ ܡܲܩܪܸܒ݂ܝܼ ܟܸܢܫܵܐ ܚܲܕ ܡܘܼܓ̰ܵܐ ܐܲܝܟ݂ ܩܘܼܪܒܵܢܵܐ ܕܚܛܝܼܬܵܐ، ܘܡܲܝܬܹܐ ܠܹܗ ܩܵܕ݇ܡ ܡܲܫܟܲܢ ܘܲܥܕܵܐ، 15ܘܡܲܬܒ݂ܝܼ ܚܘܵܪ̈ܕܸܩܢܹܐ ܕܥܲܡܵܐ ܐܝܼܕܵܬܲܝ̈ܗܝ ܥܲܠ ܪܹܫܵܐ ܕܡܘܼܓ̰ܵܐ ܩܵܕ݇ܡ ܡܵܪܝܵܐ، ܘܦܲܪܡܝܼ ܠܹܗ ܡܘܼܓ̰ܵܐ ܩܵܕ݇ܡܘܼܗܝ. 16ܗ̇ܝܓܵܗ ܡܲܝܬܹܐ ܟܵܗܢܵܐ ܕܝܼܠܹܗ ܦܝܼܫܵܐ ܡܫܝܼܚܵܐ، ܡ̣ܢ ܕܸܡܵܐ ܕܡܘܼܓ̰ܵܐ ܠܡܲܫܟܲܢ ܘܲܥܕܵܐ، 17ܘܛܵܡܹܫ ܟܵܗܢܵܐ ܨܸܒܥܹܗ ܓܵܘ ܕܸܡܵܐ ܘܡܲܪܝܸܣ ܠܹܗ ܫܒܲܥ ܓܵܗܹ̈ܐ ܩܵܕ݇ܡ ܡܵܪܝܵܐ، ܠܩܵܕ݇ܡ ܣܸܬܪܵܐ. 18ܘܡܲܬܸܒ݂ ܡ̣ܢ ܕܸܡܵܐ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܝܼܠܹܗ ܩܵܕ݇ܡ ܡܵܪܝܵܐ ܓܵܘ ܡܲܫܟܲܢ ܘܲܥܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ ܕܝܼܠܹܗ ܩܵܕ݇ܡ ܬܲܪܥܵܐ ܕܡܲܫܟܲܢ ܘܲܥܕܵܐ. 19ܫܵܩܹܠ ܠܹܗ ܟܠܹܗ ܬܲܪܒܹܗ ܡܸܢܹܗ ܘܡܲܩܸܕ ܠܹܗ ܥܲܠ ܡܲܕܒܚܵܐ. 20ܥܵܒܹܕ ܒܡܘܼܓ̰ܵܐ ܐܲܝܟ݂ ܕܥܒ݂ܝܼܕ ܠܹܗ ܒܡܘܼܓ̰ܵܐ ܕܩܘܼܪܒܵܢܵܐ ܕܚܛܝܼܬܵܐ؛ ܗܲܕܟ݂ܵܐ ܥܵܒܹܕ ܐܸܠܹܗ. ܠܟܵܗܢܵܐ ܥܵܒܹܕ ܚܘܼܣܵܝܵܐ ܐܸܠܲܝܗܝ، ܘܒܸܬ ܦܵܝܫܝܼ ܦܘܼܚܠܹܐ. 21ܗ̇ܝܓܵܗ ܦܲܠܸܛ ܠܹܗ ܡܘܼܓ̰ܵܐ ܠܒܲܕܲܪ ܡ̣ܢ ܡܲܫܪܝܼܬܵܐ، ܘܡܲܩܸܕ ܠܹܗ ܕܵܐܟ݂ܝܼ ܕܡܘܼܩܸܕ ܠܹܗ ܠܡܘܼܓ̰ܵܐ ܩܵܕ݇ܡܵܝܵܐ. ܩܘܼܪܒܵܢܵܐ ܕܚܛܝܼܬܵܐ ܝܠܹܗ ܩܵܐ ܟܠܹܗ ܥܲܡܵܐ.
ܚܛܝܼܬܵܐ ܕܚܲܕ ܓܘܼܪܵܐ
22”ܘܐܸܢ ܡܗܲܕܝܵܢܵܐ ܚܵܛܹܐ ܒܠܵܐ ܝ݇ܕܲܥܬܵܐ، ܘܫܵܡܹܛ ܚܲܕ ܡ̣ܢ ܦܘܼܩܕܵܢܹ̈ܐ ܕܡܵܪܝܵܐ ܐܲܠܵܗܹܗ، ܐܲܝܢܝܼ ܕܐ݇ܡܝܼܪܹܗ ܕܠܵܐ ܦܵܝܫܝܼ ܫܡܝܼܛܹܐ، ܒܸܬ ܗܵܘܹܐ ܚܲܝܵܒ݂ܵܐ. 23ܘܐܸܢ ܦܵܝܫܵܐ ܘܡܘܼܕܸܥܬܵܐ ܐܸܠܹܗ ܚܛܝܼܬܹܗ، ܗ̇ܝܓܵܗ ܡܲܝܬܹܐ ܕܸܒ݂ܚܹܗ، ܕܓܸܙܟܵܐ ܕܥܸܙܹ̈ܐ، ܐܘܼܪܙܵܐ ܕܠܵܐ ܠܲܟܵܐ، 24ܘܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܓܸܙܟܵܐ، ܘܦܵܪܹܡ ܠܹܗ ܒܗ̇ܝ ܕܘܼܟܵܐ ܕܟܹܐ ܦܵܪܡܝܼ ܕܸܒ݂ܚܵܐ ܡܘܼܩܕܵܐ ܩܵܕ݇ܡ ܡܵܪܝܵܐ؛ ܩܘܼܪܒܵܢܵܐ ܕܚܛܝܼܬܵܐ ܝܠܹܗ. 25ܗ̇ܝܓܵܗ ܫܵܩܹܠ ܟܵܗܢܵܐ ܒܨܸܒܥܹܗ ܡ̣ܢ ܕܸܡܵܐ ܕܩܘܼܪܒܵܢܵܐ ܕܚܛܝܼܬܵܐ، ܘܡܲܬܸܒ݂ ܠܹܗ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ. 26ܘܟܠܹܗ ܬܲܪܒܹܗ ܡܲܩܸܕ ܠܹܗ ܥܲܠ ܡܲܕܒܚܵܐ، ܐܲܝܟ݂ ܬܲܪܒܵܐ ܕܩܘܼܪ̈ܒܵܢܹܐ ܕܫܠܵܡܵܐ. ܟܵܗܢܵܐ ܥܵܒܹܕ ܚܘܼܣܵܝܵܐ ܒܘܼܬ ܚܛܝܼܬܹܗ، ܘܒܸܬ ܦܵܐܹܫ ܦܘܼܚܠܵܐ.
27ܐܸܢ ܚܲܕ ܥܵܠܡܵܝܵܐ ܚܵܛܹܐ ܒܠܵܐ ܝ݇ܕܲܥܬܵܐ، ܘܫܵܡܹܛ ܚܲܕ ܡ̣ܢ ܦܘܼܩܕܵܢܹ̈ܐ ܕܡܵܪܝܵܐ، ܐܲܝܢܝܼ ܕܠܵܐ ܦܵܝܫܝܼ ܫܡܝܼܛܹܐ، ܐܵܗܵܐ ܐ݇ܢܵܫܵܐ ܚܲܝܵܒ݂ܵܐ ܝܠܹܗ. 28ܟܲܕ ܦܵܝܫܵܐ ܡܘܼܕܸܥܬܵܐ ܐܸܠܹܗ ܚܛܝܼܬܹܗ، ܡܲܝܬܹܐ ܕܸܒ݂ܚܵܐ ܓܸܙܸܟܬܵܐ ܕܥܸܙܹ̈ܐ، ܢܸܩܒ݂ܵܐ ܕܠܵܐ ܠܲܟܵܐ، ܘܡܲܩܪܸܒ݂ ܠܵܗ̇ ܒܘܼܬ ܚܛܝܼܬܹܗ. 29ܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܕܸܒ݂ܚܵܐ ܕܚܛܝܼܬܵܐ، ܘܦܵܪܹܡ ܠܹܗ ܒܕܘܼܟܵܐ ܕܕܸܒ݂ܚܵܐ ܡܘܼܩܕܵܐ. 30ܗ̇ܝܓܵܗ ܫܵܩܹܠ ܟܵܗܢܵܐ ܡ̣ܢ ܕܸܡܵܐ ܒܨܸܒܥܹܗ، ܘܡܲܬܸܒ݂ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ. 31ܘܫܵܩܹܠ ܠܹܗ ܟܠܹܗ ܬܲܪܒܹܗ ܕܵܐܟ݂ܝܼ ܕܦܵܐܹܫ ܫܩܝܼܠܵܐ ܬܲܪܒܵܐ ܡܥܲܠ ܕܸܒ݂ܚܵܐ ܕܩܘܼܪܒܵܢܵܐ ܕܫܠܵܡܵܐ، ܘܡܲܩܸܕ ܠܹܗ ܥܲܠ ܡܲܕܒܚܵܐ. ܪܹܝܚܵܐ ܒܲܣܝܼܡܵܐ ܠܡܵܪܝܵܐ. ܘܥܵܒܹܕ ܚܘܼܣܵܝܵܐ ܐܸܠܹܗ ܟܵܗܢܵܐ، ܘܒܸܬ ܦܵܐܹܫ ܦܘܼܚܠܵܐ.
32ܐܸܢ ܡܲܝܬܹܐ ܦܹܐܪܵܐ ܩܵܐ ܕܸܒ݂ܚܵܐ ܕܚܛܝܼܬܹܗ، ܗܵܘܹܐ ܢܸܩܒ݂ܵܐ ܕܠܵܐ ܠܲܟܵܐ. 33ܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܕܸܒ݂ܚܵܐ ܕܚܛܝܼܬܵܐ، ܘܦܵܪܹܡ ܠܹܗ ܩܵܐ ܕܸܒ݂ܚܵܐ ܕܚܛܝܼܬܵܐ ܒܕܘܼܟܵܐ ܕܦܵܪܡܝܼ ܠܹܗ ܕܸܒ݂ܚܵܐ ܡܘܼܩܕܵܐ. 34ܗ̇ܝܓܵܗ ܫܵܩܹܠ ܟܵܗܢܵܐ ܡ̣ܢ ܕܸܡܵܐ ܒܨܸܒܥܹܗ، ܘܡܲܬܸܒ݂ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ. 35ܘܫܵܩܹܠ ܠܹܗ ܟܠܹܗ ܬܲܪܒܹܗ ܕܵܐܟ݂ܝܼ ܕܦܵܐܹܫ ܫܩܝܼܠܵܐ ܬܲܪܒܵܐ ܡܥܲܠ ܕܸܒ݂ܚܵܐ ܕܦܸܐܪܵܐ ܡ̣ܢ ܕܸܒ݂ܚܵܐ ܕܩܘܼܪܒܵܢܵܐ ܕܫܠܵܡܵܐ، ܘܡܲܩܸܕ ܠܹܗ ܥܲܠ ܡܲܕܒܚܵܐ، ܥܲܠ ܕܸܒ݂ܚܵܐ ܕܢܘܼܪܵܐ ܠܡܵܪܝܵܐ. ܘܥܵܒܹܕ ܟܵܗܢܵܐ ܚܘܼܣܵܝܵܐ ܐܸܠܹܗ ܒܘܼܬ ܚܛܝܼܬܵܐ ܕܥܒ݂ܝܼܕ ܠܹܗ، ܘܒܸܬ ܦܵܐܹܫ ܦܘܼܚܠܵܐ.
Currently Selected:
ܟܗܢ̈ܐ 4: ABTAB
Highlight
Copy
Compare
Share
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܟܗܢ̈ܐ 4
4
ܩܘܼܪܒܵܢܵܐ ܕܚܛܝܼܬܵܐ
1ܗܘܼܡܙܸܡ ܠܹܗ ܡܵܪܝܵܐ ܥܲܡ ܡܘܼܫܹܐ ܘܐ݇ܡܝܼܪܹܗ، 2”ܗܲܡܙܸܡ ܥܲܡ ܒܢܲܝ̈ ܝܼܣܪܵܝܹܠ، ܘܐ݇ܡܘܿܪ، ’ܟܲܕ ܐ݇ܢܵܫܵܐ ܠܵܐ ܒܝ݇ܕܲܥܬܹܗ ܚܵܛܹܐ ܠܦܘܼܩܕܵܢܹ̈ܐ ܕܡܵܪܝܵܐ، ܐܲܝܢܝܼ ܕܠܵܐ ܦܵܝܫܝܼ ܥܒ݂ܝܼܕܹܐ، ܘܥܵܒܹܕ ܚܲܕ ܡܸܢܲܝܗܝ؛ 3ܘܐܸܢ ܚܵܛܹܐ ܟܵܗܢܵܐ ܕܝܼܠܹܗ ܦܝܼܫܵܐ ܡܫܝܼܚܵܐ، ܗܵܕܵܐ ܕܡܲܝܬܹܐ ܚܲܝܵܒ݂ܘܼܬܵܐ ܥܲܠ ܥܲܡܵܐ، ܒܘܼܬ ܚܛܝܼܬܵܐ ܕܚܛܹܐ ܠܹܗ، ܡܲܩܪܸܒ݂ ܡܘܼܓ̰ܵܐ ܕܠܵܐ ܠܲܟܵܐ ܠܡܵܪܝܵܐ ܩܵܐ ܕܸܒ݂ܚܵܐ ܕܚܲܝܵܒ݂ܘܼܬܵܐ. 4ܡܲܝܬܹܐ ܠܹܗ ܡܘܼܓ̰ܵܐ ܩܵܕ݇ܡ ܬܲܪܥܵܐ ܕܡܲܫܟܲܢ ܘܲܥܕܵܐ ܩܵܕ݇ܡ ܡܵܪܝܵܐ، ܘܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܡܘܼܓ̰ܵܐ ܘܦܵܪܹܡ ܠܹܗ ܡܘܼܓ̰ܵܐ ܩܵܕ݇ܡ ܡܵܪܝܵܐ. 5ܗ̇ܝܓܵܗ ܫܵܩܹܠ ܟܵܗܢܵܐ ܕܝܼܠܹܗ ܦܝܼܫܵܐ ܡܫܝܼܚܵܐ، ܡ̣ܢ ܕܸܡܵܐ ܕܡܘܼܓ̰ܵܐ، ܘܡܲܝܬܹܐ ܠܹܗ ܠܡܲܫܟܲܢ ܘܲܥܕܵܐ، 6ܘܛܵܡܹܫ ܨܸܒܥܹܗ ܓܵܘ ܕܸܡܵܐ ܘܡܲܪܝܸܣ ܡ̣ܢ ܕܸܡܵܐ ܫܒܲܥ ܓܵܗܹ̈ܐ ܩܵܕ݇ܡ ܡܵܪܝܵܐ، ܠܩܵܕ݇ܡ ܣܸܬܪܵܐ ܕܡܲܩܕܫܵܐ. 7ܗ̇ܝܓܵܗ ܡܲܬܸܒ݂ ܟܵܗܢܵܐ ܡ̣ܢ ܕܸܡܵܐ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܒܸܣܡܵܐ ܪܹܝܚܵܢܵܐ ܩܵܕ݇ܡ ܡܵܪܝܵܐ، ܕܝܼܠܹܗ ܓܵܘ ܡܲܫܟܲܢ ܘܲܥܕܵܐ، ܘܣܵܗܡܵܐ ܦܝܼܫܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܕܝܼܠܹܗ ܩܵܕ݇ܡ ܬܲܪܥܵܐ ܕܡܲܫܟܲܢ ܘܲܥܕܵܐ. 8ܫܵܩܹܠ ܠܹܗ ܟܠܹܗ ܬܲܪܒܵܐ ܕܡܘܼܓ̰ܵܐ ܕܝܼܠܹܗ ܕܸܒ݂ܚܵܐ ܕܚܛܝܼܬܵܐ، ܬܲܪܒܵܐ ܕܟܲܣܹܐ ܠܗܲܕܵܡܹ̈ܐ ܓܵܘܵܝܹ̈ܐ، ܘܟܠܹܗ ܬܲܪܒܵܐ ܕܥܲܠ ܗܲܕܵܡܹ̈ܐ ܓܵܘܵܝܹ̈ܐ، 9ܘܫܵܩܹܠ ܠܬܲܪܬܹܝ ܟܸܠܝܵܬܹ̈ܐ، ܘܬܲܪܒܵܐ ܕܥܲܠܲܝܗܝ، ܘܗ̇ܘ ܕܥܲܠ ܦܘܼܫܬܹ̈ܐ، ܘܠܚܨܵܪ ܟܲܒ݂ܕܵܐ ܥܲܡ ܟܸܠܝܵܬܹ̈ܐ، 10ܗܲܪ ܐܲܝܟ݂ ܕܦܝܼܫ ܠܹܗ ܥܒ݂ܝܼܕܵܐ ܒܬܵܘܪܵܐ ܕܕܸܒ݂ܚܵܐ ܕܩܘܼܪܒܵܢܵܐ ܕܫܠܵܡܵܐ. ܗ̇ܝܓܵܗ ܡܲܩܸܕ ܠܗܘܿܢ ܟܵܗܢܵܐ ܥܲܠ ܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ. 11ܐܝܼܢܵܐ ܒܓܸܠܕܵܐ ܕܡܘܼܓ̰ܵܐ ܘܟܠܹܗ ܒܸܣܪܹܗ، ܥܲܡ ܪܹܫܹܗ، ܘܥܲܡ ܫܵܩܵܢܘܼ̈ܗܝ، ܘܗܲܕܵܡܘܼ̈ܗܝ ܓܵܘܵܝܹ̈ܐ ܘܦܸܪܬܹܗ، 12ܝܲܥܢܹܐ ܫܲܪܟܵܢܵܐ ܕܡܘܼܓ̰ܵܐ، ܦܲܠܸܛ ܠܹܗ ܠܒܲܕܲܪ ܡ̣ܢ ܡܲܫܪܝܼܬܵܐ ܠܕܘܼܟܵܐ ܕܟ݂ܝܼܬܵܐ، ܐܲܝܟܵܐ ܕܪܲܦܝܼ ܠܹܗ ܩܸܛܡܵܐ، ܘܡܲܩܸܕ ܠܹܗ ܬܵܡܵܐ ܒܢܘܼܪܵܐ ܥܲܠ ܩܲܝܣܹ̈ܐ؛ ܒܕܘܼܟܵܐ ܕܪܲܦܵܝܬܵܐ ܕܩܸܛܡܵܐ ܦܵܐܹܫ ܡܘܼܩܕܵܐ.
ܚܛܝܼܬܵܐ ܕܛܵܝܸܦܵܐ
13ܘܐܸܢ ܟܠܹܗ ܥܲܡܵܐ ܕܒܢܲܝ̈ ܝܼܣܪܵܝܹܠ ܚܵܛܝܼ ܒܠܵܐ ܝ݇ܕܲܥܬܵܐ، ܘܫܵܡܛܝܼ ܚܲܕ ܡ̣ܢ ܦܘܼܩܕܵܢܹ̈ܐ ܕܐ݇ܡܝܼܪܹܗ ܡܵܪܝܵܐ ܕܠܵܐ ܦܵܝܫܝܼ ܫܡܝܼܛܹܐ، ܘܦܵܝܫܵܐ ܛܘܼܫܝܼܬܵܐ ܚܛܝܼܬܵܐ ܡ̣ܢ ܥܲܝܢܹ̈ܐ ܕܟܸܢܫܵܐ، ܟܠܹܗ ܥܲܡܵܐ ܚܲܝܵܒ݂ܵܐ ܝܠܹܗ. 14ܘܟܲܕ ܦܵܝܫܵܐ ܓܠܝܼܬܵܐ ܚܛܝܼܬܵܐ ܕܥܒ݂ܝܼܕ ܠܗܘܿܢ، ܗ̇ܝܓܵܗ ܡܲܩܪܸܒ݂ܝܼ ܟܸܢܫܵܐ ܚܲܕ ܡܘܼܓ̰ܵܐ ܐܲܝܟ݂ ܩܘܼܪܒܵܢܵܐ ܕܚܛܝܼܬܵܐ، ܘܡܲܝܬܹܐ ܠܹܗ ܩܵܕ݇ܡ ܡܲܫܟܲܢ ܘܲܥܕܵܐ، 15ܘܡܲܬܒ݂ܝܼ ܚܘܵܪ̈ܕܸܩܢܹܐ ܕܥܲܡܵܐ ܐܝܼܕܵܬܲܝ̈ܗܝ ܥܲܠ ܪܹܫܵܐ ܕܡܘܼܓ̰ܵܐ ܩܵܕ݇ܡ ܡܵܪܝܵܐ، ܘܦܲܪܡܝܼ ܠܹܗ ܡܘܼܓ̰ܵܐ ܩܵܕ݇ܡܘܼܗܝ. 16ܗ̇ܝܓܵܗ ܡܲܝܬܹܐ ܟܵܗܢܵܐ ܕܝܼܠܹܗ ܦܝܼܫܵܐ ܡܫܝܼܚܵܐ، ܡ̣ܢ ܕܸܡܵܐ ܕܡܘܼܓ̰ܵܐ ܠܡܲܫܟܲܢ ܘܲܥܕܵܐ، 17ܘܛܵܡܹܫ ܟܵܗܢܵܐ ܨܸܒܥܹܗ ܓܵܘ ܕܸܡܵܐ ܘܡܲܪܝܸܣ ܠܹܗ ܫܒܲܥ ܓܵܗܹ̈ܐ ܩܵܕ݇ܡ ܡܵܪܝܵܐ، ܠܩܵܕ݇ܡ ܣܸܬܪܵܐ. 18ܘܡܲܬܸܒ݂ ܡ̣ܢ ܕܸܡܵܐ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܝܼܠܹܗ ܩܵܕ݇ܡ ܡܵܪܝܵܐ ܓܵܘ ܡܲܫܟܲܢ ܘܲܥܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ ܕܝܼܠܹܗ ܩܵܕ݇ܡ ܬܲܪܥܵܐ ܕܡܲܫܟܲܢ ܘܲܥܕܵܐ. 19ܫܵܩܹܠ ܠܹܗ ܟܠܹܗ ܬܲܪܒܹܗ ܡܸܢܹܗ ܘܡܲܩܸܕ ܠܹܗ ܥܲܠ ܡܲܕܒܚܵܐ. 20ܥܵܒܹܕ ܒܡܘܼܓ̰ܵܐ ܐܲܝܟ݂ ܕܥܒ݂ܝܼܕ ܠܹܗ ܒܡܘܼܓ̰ܵܐ ܕܩܘܼܪܒܵܢܵܐ ܕܚܛܝܼܬܵܐ؛ ܗܲܕܟ݂ܵܐ ܥܵܒܹܕ ܐܸܠܹܗ. ܠܟܵܗܢܵܐ ܥܵܒܹܕ ܚܘܼܣܵܝܵܐ ܐܸܠܲܝܗܝ، ܘܒܸܬ ܦܵܝܫܝܼ ܦܘܼܚܠܹܐ. 21ܗ̇ܝܓܵܗ ܦܲܠܸܛ ܠܹܗ ܡܘܼܓ̰ܵܐ ܠܒܲܕܲܪ ܡ̣ܢ ܡܲܫܪܝܼܬܵܐ، ܘܡܲܩܸܕ ܠܹܗ ܕܵܐܟ݂ܝܼ ܕܡܘܼܩܸܕ ܠܹܗ ܠܡܘܼܓ̰ܵܐ ܩܵܕ݇ܡܵܝܵܐ. ܩܘܼܪܒܵܢܵܐ ܕܚܛܝܼܬܵܐ ܝܠܹܗ ܩܵܐ ܟܠܹܗ ܥܲܡܵܐ.
ܚܛܝܼܬܵܐ ܕܚܲܕ ܓܘܼܪܵܐ
22”ܘܐܸܢ ܡܗܲܕܝܵܢܵܐ ܚܵܛܹܐ ܒܠܵܐ ܝ݇ܕܲܥܬܵܐ، ܘܫܵܡܹܛ ܚܲܕ ܡ̣ܢ ܦܘܼܩܕܵܢܹ̈ܐ ܕܡܵܪܝܵܐ ܐܲܠܵܗܹܗ، ܐܲܝܢܝܼ ܕܐ݇ܡܝܼܪܹܗ ܕܠܵܐ ܦܵܝܫܝܼ ܫܡܝܼܛܹܐ، ܒܸܬ ܗܵܘܹܐ ܚܲܝܵܒ݂ܵܐ. 23ܘܐܸܢ ܦܵܝܫܵܐ ܘܡܘܼܕܸܥܬܵܐ ܐܸܠܹܗ ܚܛܝܼܬܹܗ، ܗ̇ܝܓܵܗ ܡܲܝܬܹܐ ܕܸܒ݂ܚܹܗ، ܕܓܸܙܟܵܐ ܕܥܸܙܹ̈ܐ، ܐܘܼܪܙܵܐ ܕܠܵܐ ܠܲܟܵܐ، 24ܘܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܓܸܙܟܵܐ، ܘܦܵܪܹܡ ܠܹܗ ܒܗ̇ܝ ܕܘܼܟܵܐ ܕܟܹܐ ܦܵܪܡܝܼ ܕܸܒ݂ܚܵܐ ܡܘܼܩܕܵܐ ܩܵܕ݇ܡ ܡܵܪܝܵܐ؛ ܩܘܼܪܒܵܢܵܐ ܕܚܛܝܼܬܵܐ ܝܠܹܗ. 25ܗ̇ܝܓܵܗ ܫܵܩܹܠ ܟܵܗܢܵܐ ܒܨܸܒܥܹܗ ܡ̣ܢ ܕܸܡܵܐ ܕܩܘܼܪܒܵܢܵܐ ܕܚܛܝܼܬܵܐ، ܘܡܲܬܸܒ݂ ܠܹܗ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ. 26ܘܟܠܹܗ ܬܲܪܒܹܗ ܡܲܩܸܕ ܠܹܗ ܥܲܠ ܡܲܕܒܚܵܐ، ܐܲܝܟ݂ ܬܲܪܒܵܐ ܕܩܘܼܪ̈ܒܵܢܹܐ ܕܫܠܵܡܵܐ. ܟܵܗܢܵܐ ܥܵܒܹܕ ܚܘܼܣܵܝܵܐ ܒܘܼܬ ܚܛܝܼܬܹܗ، ܘܒܸܬ ܦܵܐܹܫ ܦܘܼܚܠܵܐ.
27ܐܸܢ ܚܲܕ ܥܵܠܡܵܝܵܐ ܚܵܛܹܐ ܒܠܵܐ ܝ݇ܕܲܥܬܵܐ، ܘܫܵܡܹܛ ܚܲܕ ܡ̣ܢ ܦܘܼܩܕܵܢܹ̈ܐ ܕܡܵܪܝܵܐ، ܐܲܝܢܝܼ ܕܠܵܐ ܦܵܝܫܝܼ ܫܡܝܼܛܹܐ، ܐܵܗܵܐ ܐ݇ܢܵܫܵܐ ܚܲܝܵܒ݂ܵܐ ܝܠܹܗ. 28ܟܲܕ ܦܵܝܫܵܐ ܡܘܼܕܸܥܬܵܐ ܐܸܠܹܗ ܚܛܝܼܬܹܗ، ܡܲܝܬܹܐ ܕܸܒ݂ܚܵܐ ܓܸܙܸܟܬܵܐ ܕܥܸܙܹ̈ܐ، ܢܸܩܒ݂ܵܐ ܕܠܵܐ ܠܲܟܵܐ، ܘܡܲܩܪܸܒ݂ ܠܵܗ̇ ܒܘܼܬ ܚܛܝܼܬܹܗ. 29ܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܕܸܒ݂ܚܵܐ ܕܚܛܝܼܬܵܐ، ܘܦܵܪܹܡ ܠܹܗ ܒܕܘܼܟܵܐ ܕܕܸܒ݂ܚܵܐ ܡܘܼܩܕܵܐ. 30ܗ̇ܝܓܵܗ ܫܵܩܹܠ ܟܵܗܢܵܐ ܡ̣ܢ ܕܸܡܵܐ ܒܨܸܒܥܹܗ، ܘܡܲܬܸܒ݂ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ. 31ܘܫܵܩܹܠ ܠܹܗ ܟܠܹܗ ܬܲܪܒܹܗ ܕܵܐܟ݂ܝܼ ܕܦܵܐܹܫ ܫܩܝܼܠܵܐ ܬܲܪܒܵܐ ܡܥܲܠ ܕܸܒ݂ܚܵܐ ܕܩܘܼܪܒܵܢܵܐ ܕܫܠܵܡܵܐ، ܘܡܲܩܸܕ ܠܹܗ ܥܲܠ ܡܲܕܒܚܵܐ. ܪܹܝܚܵܐ ܒܲܣܝܼܡܵܐ ܠܡܵܪܝܵܐ. ܘܥܵܒܹܕ ܚܘܼܣܵܝܵܐ ܐܸܠܹܗ ܟܵܗܢܵܐ، ܘܒܸܬ ܦܵܐܹܫ ܦܘܼܚܠܵܐ.
32ܐܸܢ ܡܲܝܬܹܐ ܦܹܐܪܵܐ ܩܵܐ ܕܸܒ݂ܚܵܐ ܕܚܛܝܼܬܹܗ، ܗܵܘܹܐ ܢܸܩܒ݂ܵܐ ܕܠܵܐ ܠܲܟܵܐ. 33ܡܲܬܸܒ݂ ܐܝܼܕܹܗ ܥܲܠ ܪܹܫܵܐ ܕܕܸܒ݂ܚܵܐ ܕܚܛܝܼܬܵܐ، ܘܦܵܪܹܡ ܠܹܗ ܩܵܐ ܕܸܒ݂ܚܵܐ ܕܚܛܝܼܬܵܐ ܒܕܘܼܟܵܐ ܕܦܵܪܡܝܼ ܠܹܗ ܕܸܒ݂ܚܵܐ ܡܘܼܩܕܵܐ. 34ܗ̇ܝܓܵܗ ܫܵܩܹܠ ܟܵܗܢܵܐ ܡ̣ܢ ܕܸܡܵܐ ܒܨܸܒܥܹܗ، ܘܡܲܬܸܒ݂ ܥܲܠ ܩܵܪ̈݇ܢܵܢܹܐ ܕܡܲܕܒܚܵܐ ܕܕܸܒ݂ܚܵܐ ܡܘܼܩܕܵܐ، ܘܦܵܝܫܵܢܵܐ ܕܕܸܡܵܐ ܫܲܦܸܟ݂ ܠܹܗ ܥܲܠ ܒܸܢܝܲܬ ܕܡܲܕܒܚܵܐ. 35ܘܫܵܩܹܠ ܠܹܗ ܟܠܹܗ ܬܲܪܒܹܗ ܕܵܐܟ݂ܝܼ ܕܦܵܐܹܫ ܫܩܝܼܠܵܐ ܬܲܪܒܵܐ ܡܥܲܠ ܕܸܒ݂ܚܵܐ ܕܦܸܐܪܵܐ ܡ̣ܢ ܕܸܒ݂ܚܵܐ ܕܩܘܼܪܒܵܢܵܐ ܕܫܠܵܡܵܐ، ܘܡܲܩܸܕ ܠܹܗ ܥܲܠ ܡܲܕܒܚܵܐ، ܥܲܠ ܕܸܒ݂ܚܵܐ ܕܢܘܼܪܵܐ ܠܡܵܪܝܵܐ. ܘܥܵܒܹܕ ܟܵܗܢܵܐ ܚܘܼܣܵܝܵܐ ܐܸܠܹܗ ܒܘܼܬ ܚܛܝܼܬܵܐ ܕܥܒ݂ܝܼܕ ܠܹܗ، ܘܒܸܬ ܦܵܐܹܫ ܦܘܼܚܠܵܐ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation