ܣܘܥܪ̈ܢܐ 9
9
ܬܵܘܲܒܬܵܐ ܕܫܵܐܘܿܠ
1ܘܫܵܐܘܿܠ ܗܹܫ ܡܸܠܝܵܐ ܓܸܙܡܹ̈ܐ ܘܩܸܛܠܵܐ ܥܲܠ ܬܲܠܡܝܼ̈ܕܹܐ ܕܡܵܪܲܢ، ܐ݇ܬܹܐ ܠܹܗ ܠܟܸܣ ܓܘܼܪܵܐ ܕܟܵܗܢܹ̈ܐ، 2ܘܛܠܝܼܒ ܠܹܗ ܡܸܢܹܗ ܐܸܓܲܪܬܵܐ ܩܵܐ ܟܢܘܼܫܝܵܬܹ̈ܐ ܕܓܵܘ ܕܲܪܡܣܘܿܩ، ܕܐܸܢ ܡܲܫ݇ܟ̰ܸܚ ܗ݇ܘܵܐ ܐ݇ܢܵܫܹ̈ܐ ܝܲܢ ܒܲܟ݂ܬܵܬܹ̈ܐ ܕܝܼܗ݇ܘܵܘ ܡ̣ܢ ܐܵܗܵܐ ܐܘܼܪܚܵܐ، ܡܲܝܬܹܐ ܗ݇ܘܵܐ ܠܗܘܿܢ ܐ݇ܣܝܼܪܹ̈ܐ ܠܐܘܿܪܸܫܠܸܡ. 3ܟܲܕ ܒܹܐܙܵܠܵܐ ܝܗ݇ܘܵܐ، ܡܛܹܐ ܠܹܗ ܩܘܼܪܒܵܐ ܠܕܲܪܡܣܘܿܩ، ܘܡܸܢܫܸܠܬܵܢܹܐ ܙܪܝܼܩ ܠܹܗ ܥܲܠܘܼܗܝ ܒܲܗܪܵܐ ܡ̣ܢ ܫܡܲܝܵܐ. 4ܘܢܦܝܼܠ ܠܹܗ ܥܲܠ ܐܲܪܥܵܐ، ܘܫܡܝܼܥ ܠܹܗ ܩܵܠܵܐ ܡ̣ܢ ܫܡܲܝܵܐ، ܒܹܐܡܵܪܵܐ، ”ܫܵܐܘܿܠ، ܫܵܐܘܿܠ، ܩܵܡܘܿܕܝܼ ܟܲܡܘܼܪܝܼ ܝܘܸܬ؟“ 5ܓ̰ܘܼܘܸܒ ܠܹܗ ܫܵܐܘܿܠ، ”ܡܵܢܝܼ ܝܘܸܬ، ܡܵܪܝܼ؟“ ܘܗ̇ܘ ܓ̰ܘܼܘܸܒ ܠܹܗ، ”ܐܵܢܵܐ ܝܘܸܢ ܝܼܫܘܿܥ، ܗ̇ܘ ܕܐܲܢ݇ܬ ܟܲܡܘܼܪܹܗ ܝܘܸܬ. 6”ܩܘܼܡ ܥܒ݂ܘܿܪ ܠܡܕܝܼܢ݇ܬܵܐ ܘܒܸܬ ܦܵܐܹܫ ܐ݇ܡܝܼܪܵܐ ܐܸܠܘܼܟ݂ ܡܘܿܕܝܼ ܘܵܠܹܐ ܝܠܵܗ̇ ܕܥܵܒ݂ܕܹܬ.“ 7ܐ݇ܢܵܫܹ̈ܐ ܕܒܹܐܙܵܠܵܐ ܝܗ݇ܘܵܘ ܥܲܡ ܫܵܐܘܿܠ ܟܠܹܐ ܠܗܘܿܢ ܫܬܝܼܩܹܐ، ܫܡܝܼܥ ܠܗܘܿܢ ܩܵܠܵܐ ܐܝܼܢܵܐ ܐ݇ܢܵܫܵܐ ܠܵܐ ܚܙܹܐ ܠܗܘܿܢ. 8ܩܝܼܡ ܠܹܗ ܫܵܐܘܿܠ ܡ̣ܢ ܐܲܪܥܵܐ، ܥܲܝܢܘܼ̈ܗܝ ܦܬܝܼܚܹܐ ܐܝܼܢܵܐ ܠܵܐ ܒܸܚܙܵܝܵܐ. ܕܒ݂ܝܼܩ ܠܗܘܿܢ ܒܐܝܼܕܹܗ ܘܡܘܼܥܒܸܪܗܘܿܢ ܐܸܠܹܗ ܠܕܲܪܡܣܘܿܩ. 9ܘܬܠܵܬܵܐ ܝܵܘܡܵܢܹ̈ܐ ܠܹܐ ܚܵܙܹܐ ܗ݇ܘܵܐ، ܘܠܵܐ ܐ݇ܟ݂ܝܼܠ ܠܹܗ ܘܠܵܐ ܫܬܹܐ ܠܹܗ.
10ܐܝܼܬ ܗ݇ܘܵܐ ܓܵܘ ܕܲܪܡܣܘܿܩ ܚܲܕ ܬܲܠܡܝܼܕܵܐ ܫܸܡܹܗ ܚܲܢܲܢܝܵܐ. ܗܘܼܡܙܸܡ ܠܹܗ ܡܵܪܝܵܐ ܥܲܡܹܗ ܒܚܸܙܘܵܐ ܘܐ݇ܡܝܼܪܹܗ، ”ܚܲܢܲܢܝܵܐ.“ ܘܗ̇ܘ ܓ̰ܘܼܘܸܒ ܠܹܗ، ”ܗܹܐ، ܡܵܪܝܼ.“ 11ܐ݇ܡܝܼܪܹܗ ܡܵܪܲܢ ܐܸܠܹܗ، ”ܩܘܼܡ ܙܹܠ݇ ܠܥܵܠܘܿܠܵܐ ܕܦܝܵܫܵܐ ܝܠܹܗ ܩܸܪܝܵܐ ܬܪܘܼܨܵܐ، ܘܥܒ݂ܘܿܪ ܠܒܲܝܬܵܐ ܕܝܼܗܘܼܕܵܐ، ܘܒܲܩܸܪ ܥܲܠ ܚܲܕ ܐ݇ܢܵܫܵܐ ܫܸܡܹܗ ܫܵܐܘܿܠ ܡ̣ܢ ܛܵܪܣܘܿܣ، ܣܵܒܵܒ ܗܵܐ ܨܲܠܘܼܝܹܐ ܝܠܹܗ ܨܠܘܿܬܵܐ. 12”ܘܚܙܹܐ ܠܹܗ ܫܵܐܘܿܠ ܒܚܸܙܘܵܐ ܚܲܕ ܐ݇ܢܵܫܵܐ ܫܸܡܹܗ ܚܲܢܲܢܝܵܐ ܒܸܥܒ݂ܵܪܵܐ ܠܟܸܣ ܠܹܗ ܘܡܲܬܘܼܒܹܐ ܐܝܼܕܹܗ ܥܲܠܘܼܗܝ ܕܚܵܙܹܐ.“ 13ܐܝܼܢܵܐ ܚܲܢܲܢܝܵܐ ܓ̰ܘܼܘܸܒ ܠܹܗ، ”ܡܵܪܝܼ، ܫܡܝܼܥܵܐ ܝܘܸܢ ܪܵܒܵܐ ܒܘܼܬ ܐܵܗܵܐ ܐ݇ܢܵܫܵܐ، ܕܟܡܵܐ ܒܝܼܫܵܬܹ̈ܐ ܥܒ݂ܝܼܕܵܐ ܝܠܹܗ ܥܲܠ ܩܲܕܝܼܫܘܼ̈ܟ݂ ܓܵܘ ܐܘܿܪܸܫܠܸܡ. 14”ܐܵܕܝܼܵܐ ܠܐܲܟ݂ܵܐ ܝܠܹܗ ܒܫܘܼܠܛܵܢܵܐ ܡ̣ܢ ܓܘܼܪܵܐ ܕܟܵܗܢܹ̈ܐ ܕܐܵܣܹܪ ܠܟܠܲܝܗܝ ܐܵܢܝܼ ܕܩܵܪܝܼ ܒܫܸܡܘܼܟ݂.“ 15ܐܝܼܢܵܐ ܡܵܪܝܵܐ ܐ݇ܡܝܼܪܹܗ ܠܚܲܢܲܢܝܵܐ، ”ܙܹܠ݇، ܣܵܒܵܒ ܡܵܐܢܵܐ ܓܘܼܒܝܵܐ ܝܠܹܗ ܐܸܠܝܼ، ܕܠܲܒܸܠ ܫܸܡܝܼ ܓܵܘ ܐܸܡܘܵܬܹ̈ܐ ܘܡܲܠܟܹ̈ܐ ܘܒܢܲܝ̈ ܝܼܣܪܵܝܹܠ. 16”ܐܵܢܵܐ ܒܸܬ ܡܲܚܙܸܝܢܹܗ ܕܟܡܵܐ ܒܸܬ ܓ̰ܲܢܓ̰ܸܪ ܒܘܼܬ ܫܸܡܝܼ.“
17ܗ̇ܝܓܵܗ ܐ݇ܙܝܼܠ ܠܹܗ ܚܲܢܲܢܝܵܐ ܘܥܒ݂ܝܼܪܹܗ ܠܒܲܝܬܵܐ، ܘܡܘܼܬܸܒ݂ ܠܹܗ ܐܝܼܕܵܐ ܥܲܠܘܼܗܝ ܘܐ݇ܡܝܼܪܹܗ، ”ܫܵܐܘܿܠ ܐܲܚܘܿܢܵܐ، ܡܵܪܲܢ، ܕܝܼܠܹܗ ܝܼܫܘܿܥ، ܕܦܝܼܫ ܠܹܗ ܚܸܙܝܵܐ ܐܸܠܘܼܟ݂ ܒܐܘܼܪܚܵܐ ܐܝܼܡܲܢ ܕܒܹܐܬܵܝܵܐ ܝܘܸܬ ܗ݇ܘܵܐ ܠܐܲܟ݂ܵܐ، ܗ̇ܘ ܒܓܵܢܹܗ ܫܘܼܕܸܪܹܗ ܐܸܠܝܼ ܕܚܵܙܹܝܬ ܡܸܢܕܪܸܫ، ܘܦܵܝܫܹܬ ܡܸܠܝܵܐ ܡ̣ܢ ܪܘܼܚܵܐ ܕܩܘܼܕܫܵܐ.“ 18ܗܲܪ ܒܗ̇ܝ ܥܕܵܢܵܐ ܢܦܝܼܠ ܠܹܗ ܡ̣ܢ ܥܲܝܢܘܼ̈ܗܝ ܡܸܢܕܝܼ ܐܲܝܟ݂ ܩܲܠܦܹ̈ܐ. ܚܙܹܐ ܠܹܗ ܡܸܢܕܪܸܫ، ܘܩܝܼܡ ܠܹܗ ܘܥܡܝܼܕ ܠܹܗ. 19ܫܩܝܼܠ ܠܹܗ ܡܹܐܟ݂ܘܼܠܬܵܐ ܘܐ݇ܟ݂ܝܼܠ ܠܹܗ، ܘܚܘܼܠܸܢܹܗ. ܦܝܼܫ ܠܹܗ ܚܲܕ݇ܟܡܵܐ ܝܵܘܡܵܢܹ̈ܐ ܠܟܸܣ ܐܵܢܝܼ ܬܲܠܡܝܼ̈ܕܹܐ ܕܝܼܗ݇ܘܵܘ ܓܵܘ ܕܲܪܡܣܘܿܩ.
ܫܵܐܘܿܠ ܡܲܟܪܘܼܙܹܐ ܓܵܘ ܕܲܪܡܣܘܿܩ
20ܗ̇ܝܓܵܗ ܫܘܼܪܹܐ ܠܹܗ ܫܵܐܘܿܠ ܡܲܟܪܘܼܙܹܐ ܓܵܘ ܟܢܘܼܫܝܵܬܹ̈ܐ ܒܘܼܬ ܝܼܫܘܿܥ، ܕܗ̇ܘ ܝܼܠܹܗ ܒܪܘܿܢܵܐ ܕܐܲܠܵܗܵܐ. 21ܘܥܲܓ̰ܒܝܼ ܗ݇ܘܵܘ ܟܠܲܝܗܝ ܐܵܢܝܼ ܕܫܵܡܥܝܼ ܗ݇ܘܵܘ ܠܹܗ، ܘܐܵܡܪܝܼ ܗ݇ܘܵܘ، ”ܠܹܐ ܝܠܹܗ ܐܵܗܵܐ ܗ̇ܘ ܕܟܹܐ ܟܲܡܸܪ ܗ݇ܘܵܐ ܠܐܵܢܝܼ ܕܩܵܪܝܼ ܗ݇ܘܵܘ ܒܐܵܗܵܐ ܫܸܡܵܐ ܓܵܘ ܐܘܿܪܸܫܠܸܡ؟ ܘܠܹܐ ܝܠܹܗ ܒܘܼܬ ܐܵܗܵܐ ܐܵܕܝܼܵܐ ܠܐܲܟ݂ܵܐ، ܕܐܵܣܹܪܗܘܿܢ ܘܠܲܒܸܠ ܠܗܘܿܢ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ؟“ 22ܐܝܼܢܵܐ ܫܵܐܘܿܠ ܒܘܼܫ ܙܵܘܕܵܐ ܦܵܐܹܫ ܗ݇ܘܵܐ ܚܘܼܠܸܢܵܐ، ܘܡܲܫܥܸܫ ܗ݇ܘܵܐ ܠܝܗܘܼܕܵܝܹ̈ܐ ܥܵܡܪ̈ܵܢܹܐ ܕܓܵܘ ܕܲܪܡܣܘܿܩ، ܡܲܕܘܼܥܲܝ ܕܐܵܗܵܐ ܝܼܫܘܿܥ ܝܼܠܹܗ ܡܫܝܼܚܵܐ.
23ܡ̣ܢ ܒܵܬ݇ܪ ܚܲܕ݇ܟܡܵܐ ܝܵܘܡܵܢܹ̈ܐ ܬܵܡܵܐ، ܥܒ݂ܝܼܕ ܠܗܘܿܢ ܝܗܘܼܕܵܝܹ̈ܐ ܒܘܼܨܵܐ ܥܲܠܘܼܗܝ ܕܩܵܛܠܝܼ ܗ݇ܘܵܘ ܠܹܗ. 24ܐܝܼܢܵܐ ܫܵܐܘܿܠ ܝ݇ܕܝܼܥ ܠܹܗ ܒܒܘܼܨܲܝܗܝ. ܘܐܵܢܝܼ ܢܵܛܪܝܼ ܗ݇ܘܵܘ ܬܲܪ̈ܥܵܢܹܐ ܕܡܕܝܼܢ݇ܬܵܐ ܒܝܵܘܡܵܐ ܘܒܠܲܝܠܹܐ ܕܩܵܛܠܝܼ ܗ݇ܘܵܘ ܠܹܗ. 25ܗ̇ܝܓܵܗ ܬܲܠܡܝܼ̈ܕܹܐ ܡܘܼܬܸܒ݂ ܠܗܘܿܢ ܐܸܠܹܗ ܓܵܘ ܩܸܪܛܵܠܵܐ ܘܡܘܼܫܪܸܛ ܠܗܘܿܢ ܡ̣ܢ ܓܘܼܕܵܐ ܒܠܲܝܠܹܐ.
ܫܵܐܘܿܠ ܓܵܘ ܐܘܿܪܸܫܠܸܡ
26ܐ݇ܙܝܼܠ ܠܹܗ ܫܵܐܘܿܠ ܠܐܘܿܪܸܫܠܸܡ، ܘܒܥܹܐ ܠܹܗ ܠܙܲܘܘܼܓܹܐ ܥܲܡ ܬܲܠܡܝܼ̈ܕܹܐ، ܐܝܼܢܵܐ ܟܠܲܝܗܝ ܙܵܕܥܝܼ ܗ݇ܘܵܘ ܡܸܢܹܗ، ܣܵܒܵܒ ܠܹܐ ܝܗ݇ܘܵܘ ܗܲܡܘܼܢܹܐ ܕܬܲܠܡܝܼܕܵܐ ܝܗ݇ܘܵܐ. 27ܐܝܼܢܵܐ ܒܲܪܢܒ݂ܵܐ ܫܩܝܼܠ ܠܹܗ ܘܡܘܼܐܬܹܐ ܠܹܗ ܠܟܸܣ ܫܠܝܼܚܹ̈ܐ ܘܗܘܼܩܹܐ ܠܹܗ ܐܸܠܲܝܗܝ ܕܵܐܟ݂ܝܼ ܫܵܐܘܿܠ ܒܐܘܼܪܚܹܗ ܠܕܲܪܡܣܘܿܩ ܚܙܹܐ ܠܹܗ ܠܡܵܪܝܵܐ، ܘܕܵܐܟ݂ܝܼ ܡܵܪܝܵܐ ܗܘܼܡܙܸܡ ܠܹܗ ܥܲܡܹܗ، ܘܕܵܐܟ݂ܝܼ ܗ̇ܘ ܓܵܘ ܕܲܪܡܣܘܿܩ ܗܘܼܡܙܸܡ ܠܹܗ ܕܠܵܐ ܙܕܘܼܥܬܵܐ ܒܫܸܡܵܐ ܕܡܵܪܝܵܐ. 28ܘܦܝܼܫ ܠܹܗ ܫܵܐܘܿܠ ܥܲܡܲܝܗܝ، ܒܸܥܒ݂ܵܪܵܐ ܘܒܸܦܠܵܛܵܐ ܓܵܘ ܐܘܿܪܸܫܠܸܡ، ܗܲܡܙܘܼܡܹܐ ܕܠܵܐ ܙܕܘܼܥܬܵܐ ܒܫܸܡܵܐ ܕܡܵܪܝܵܐ. 29ܘܟܹܐ ܕܵܪܹܫ ܗ݇ܘܵܐ ܘܟܹܐ ܗܲܡܙܸܡ ܗ݇ܘܵܐ ܥܲܡ ܝܗܘܼܕܵܝܹ̈ܐ، ܐܵܢܝܼ ܕܟܹܐ ܗܲܡܙܸܡܝܼ ܗ݇ܘܵܘ ܠܸܫܵܢܵܐ ܝܵܘܢܵܝܵܐ، ܐܝܼܢܵܐ ܐܵܢܝܼ ܒܵܥܝܼ ܗ݇ܘܵܘ ܠܸܩܛܵܠܹܗ. 30ܐܝܼܡܲܢ ܕܝ݇ܕܝܼܥ ܠܗܘܿܢ ܐܲܚܘܿܢܘܵܬܹ̈ܐ، ܠܘܼܒܸܠ ܠܗܘܿܢ ܐܸܠܹܗ ܠܩܹܣܲܪܝܵܐ، ܘܡ̣ܢ ܬܵܡܵܐ ܫܘܼܕܸܪܗܘܿܢ ܐܸܠܹܗ ܠܛܵܪܣܘܿܣ. 31ܘܥܹܕܬܵܐ ܕܒܟܠܵܗ̇ ܝܼܗܘܼܕ ܘܒܓܠܝܼܠܵܐ ܘܒܫܵܡܪܹܝܢ ܒܸܥܡܵܪܵܐ ܝܗ݇ܘܵܐ ܒܫܠܵܡܵܐ، ܦܝܵܫܵܐ ܒܢܝܼܬܵܐ ܘܚܘܼܠܸܢܬܵܐ ܒܪܘܼܚܵܐ ܕܩܘܼܕܫܵܐ، ܘܙܝܼܕ ܠܵܗ̇ ܟܲܕ ܒܸܚܵܝܵܐ ܒܙܕܘܼܥܬܵܐ ܕܡܵܪܝܵܐ.
ܒܵܣܲܡܬܵܐ ܕܐܲܢܝܼܵܣ
32ܒܸܚܕܵܪܵܐ ܝܗ݇ܘܵܐ ܫܸܡܥܘܿܢ ܟܹܐܦܵܐ ܓܵܘ ܡܕܝܼܢܵܬܹ̈ܐ، ܘܨܠܹܐ ܠܹܗ ܕܬܵܦܹܩ ܗ݇ܘܵܐ ܒܡܗܘܼܡܢܹ̈ܐ ܕܓܵܘ ܠܘܿܕ. 33ܘܚܙܹܐ ܠܹܗ ܬܵܡܵܐ ܚܲܕ ܐ݇ܢܵܫܵܐ ܫܦܝܼܠܵܐ ܫܸܡܹܗ ܐܲܢܝܼܵܣ، ܕܢܦܝܼܠܵܐ ܝܗ݇ܘܵܐ ܒܫܘܝܼܬܵܐ ܩܵܐ ܬܡܵܢܹܐ ܫܸܢܹ̈ܐ. 34ܐ݇ܡܝܼܪܹܗ ܐܸܠܹܗ ܫܸܡܥܘܿܢ ܟܹܐܦܵܐ، ”ܐܲܢܝܼܵܣ، ܝܼܫܘܿܥ ܡܫܝܼܚܵܐ ܒܲܣܘܼܡܘܼܟ݂ ܝܼܠܹܗ، ܩܘܼܡ ܘܫܩܘܿܠ ܫܘܝܼܬܘܼܟ݂.“ ܘܗܲܪ ܒܗ̇ܝ ܥܕܵܢܵܐ ܩܝܼܡ ܠܹܗ. 35ܟܠܲܝܗܝ ܐܵܢܝܼ ܕܒܸܚܵܝܵܐ ܝܗ݇ܘܵܘ ܓܵܘ ܠܘܿܕ ܘܓܵܘ ܣܵܪܘܿܢܵܐ ܚܙܹܐ ܠܗܘܿܢ ܐܸܠܹܗ، ܘܗܘܼܡܸܢܗܘܿܢ ܒܡܵܪܝܵܐ.
ܡܲܚܵܝܬܵܐ ܕܕܘܿܪܟܵܣ
36ܐܝܼܬ ܗ݇ܘܵܐ ܚܕܵܐ ܬܲܠܡܝܼܕܬܵܐ ܓܵܘ ܝܘܿܦܹܐ ܫܸܡܘܼܗ̇ ܛܒ݂ܝܼܬܵܐ، ܕܦܘܼܫܵܩܘܼܗ̇ ܝܼܠܹܗ ”ܕܘܿܪܟܵܣ.“ ܐܵܗܵܐ ܐܝܼܬ ܗ݇ܘܵܐ ܠܵܗ̇ ܪܵܒܵܐ ܦܘܼܠܚܵܢܹ̈ܐ ܛܵܒܹ̈ܐ ܘܟܹܐ ܥܵܒ݂ܕܵܐ ܗ݇ܘܵܐ ܐܸܪ̈ܘܵܢܹܐ. 37ܒܗ̇ܝ ܥܕܵܢܵܐ ܡܪܝܼܥ ܠܵܗ̇ ܘܡܝܼܬ ܠܵܗ̇. ܚܝܼܦܵܐ ܠܗܘܿܢ ܘܡܘܼܬܒ݂ܵܐ ܠܗܘܿܢ ܓܵܘ ܥܸܠܝܼܬܵܐ. 38ܠܘܿܕ ܩܘܼܪܒܵܐ ܝܗ݇ܘܵܐ ܠܝܘܿܦܹܐ. ܐܝܼܡܲܢ ܕܫܡܝܼܥ ܠܗܘܿܢ ܬܲܠܡܝܼ̈ܕܹܐ ܕܫܸܡܥܘܿܢ ܟܹܐܦܵܐ ܓܵܘ ܠܘܿܕ ܝܼܗ݇ܘܵܐ، ܫܘܼܕܸܪܗܘܿܢ ܠܟܸܣ ܠܹܗ ܬܪܹܝ ܐ݇ܢܵܫܹ̈ܐ ܒܸܛܠܵܒܵܐ ܡܸܢܹܗ ܕܐܵܬܹܐ ܠܟܸܣ ܠܲܝܗܝ ܕܠܵܐ ܥܲܪܩܲܠܬܵܐ. 39ܩܝܼܡ ܠܹܗ ܫܸܡܥܘܿܢ ܟܹܐܦܵܐ ܘܐ݇ܙܝܼܠ ܠܹܗ ܥܲܡܲܝܗܝ. ܐܝܼܡܲܢ ܕܡܛܹܐ ܠܹܗ، ܡܘܼܐܣܸܩ ܠܗܘܿܢ ܐܸܠܹܗ ܠܥܸܠܝܼܬܵܐ. ܟܠܲܝܗܝ ܐܲܪ̈ܡܸܠܝܵܬܹܐ ܟܠܹܐ ܠܗܘܿܢ ܠܚܵܕܸܪ̈ܘܵܢܘܼܗܝ ܒܸܒܟ݂ܵܝܵܐ ܘܡܲܚܙܘܼܝܹܐ ܨܘܼܕܪ̈ܵܬܹܐ ܘܓ̰ܘܼܠܹ̈ܐ ܕܟܹܐ ܚܵܝܛܵܐ ܗ݇ܘܵܐ ܠܗܘܿܢ ܛܒ݂ܝܼܬܵܐ ܟܲܕ ܚܵܝܬܵܐ ܝܗ݇ܘܵܐ ܥܲܡܲܝܗܝ. 40ܐܝܼܢܵܐ ܦܘܼܠܸܛ ܠܹܗ ܫܸܡܥܘܿܢ ܟܹܐܦܵܐ ܠܟܠܲܝܗܝ ܠܒܲܕܲܪ، ܘܒܪܝܼܟ ܠܹܗ ܘܨܘܼܠܹܐ ܠܹܗ. ܘܦܬܝܼܠ ܠܹܗ ܠܟܸܣ ܫܠܲܕܵܐ ܘܐ݇ܡܝܼܪܹܗ، ”ܛܒ݂ܝܼܬܵܐ ܩܘܼܡܝ.“ ܘܗ̇ܝ ܦܬܝܼܚܲܝ ܠܵܗ̇ ܥܲܝܢܘܼ̈ܗ̇، ܘܟܲܕ ܚܙܹܐ ܠܵܗ̇ ܠܫܸܡܥܘܿܢ ܟܹܐܦܵܐ، ܝ݇ܬܝܼܒ݂ ܠܵܗ̇. 41ܕܒ݂ܝܼܩ ܠܹܗ ܫܸܡܥܘܿܢ ܟܹܐܦܵܐ ܒܐܝܼܕܘܼܗ̇ ܘܡܘܼܩܸܡܵܐ ܠܹܗ. ܩܪܹܐ ܠܹܗ ܠܡܗܘܼܡܢܹ̈ܐ ܘܠܐܲܪ̈ܡܸܠܝܵܬܹܐ ܘܝܘܼܗ݇ܒ݂ܵܐ ܠܹܗ ܐܸܠܲܝܗܝ ܚܵܝܬܵܐ. 42ܦܝܼܫ ܠܵܗ̇ ܝ݇ܕܝܼܥܬܵܐ ܐܵܗܵܐ ܒܟܠܵܗ̇ ܝܘܿܦܹܐ، ܘܪܵܒܵܐ ܗܘܼܡܸܢܗܘܿܢ ܒܡܵܪܲܢ. 43ܘܗܘܹܐ ܠܵܗ̇ ܕܦܝܼܫ ܠܹܗ ܫܸܡܥܘܿܢ ܟܹܐܦܵܐ ܓܵܘ ܝܘܿܦܹܐ ܪܵܒܵܐ ܝܵܘܡܵܢܹ̈ܐ، ܠܟܸܣ ܕܲܒܵܓ݂ ܫܸܡܹܗ ܫܸܡܥܘܿܢ.
Currently Selected:
ܣܘܥܪ̈ܢܐ 9: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܣܘܥܪ̈ܢܐ 9
9
ܬܵܘܲܒܬܵܐ ܕܫܵܐܘܿܠ
1ܘܫܵܐܘܿܠ ܗܹܫ ܡܸܠܝܵܐ ܓܸܙܡܹ̈ܐ ܘܩܸܛܠܵܐ ܥܲܠ ܬܲܠܡܝܼ̈ܕܹܐ ܕܡܵܪܲܢ، ܐ݇ܬܹܐ ܠܹܗ ܠܟܸܣ ܓܘܼܪܵܐ ܕܟܵܗܢܹ̈ܐ، 2ܘܛܠܝܼܒ ܠܹܗ ܡܸܢܹܗ ܐܸܓܲܪܬܵܐ ܩܵܐ ܟܢܘܼܫܝܵܬܹ̈ܐ ܕܓܵܘ ܕܲܪܡܣܘܿܩ، ܕܐܸܢ ܡܲܫ݇ܟ̰ܸܚ ܗ݇ܘܵܐ ܐ݇ܢܵܫܹ̈ܐ ܝܲܢ ܒܲܟ݂ܬܵܬܹ̈ܐ ܕܝܼܗ݇ܘܵܘ ܡ̣ܢ ܐܵܗܵܐ ܐܘܼܪܚܵܐ، ܡܲܝܬܹܐ ܗ݇ܘܵܐ ܠܗܘܿܢ ܐ݇ܣܝܼܪܹ̈ܐ ܠܐܘܿܪܸܫܠܸܡ. 3ܟܲܕ ܒܹܐܙܵܠܵܐ ܝܗ݇ܘܵܐ، ܡܛܹܐ ܠܹܗ ܩܘܼܪܒܵܐ ܠܕܲܪܡܣܘܿܩ، ܘܡܸܢܫܸܠܬܵܢܹܐ ܙܪܝܼܩ ܠܹܗ ܥܲܠܘܼܗܝ ܒܲܗܪܵܐ ܡ̣ܢ ܫܡܲܝܵܐ. 4ܘܢܦܝܼܠ ܠܹܗ ܥܲܠ ܐܲܪܥܵܐ، ܘܫܡܝܼܥ ܠܹܗ ܩܵܠܵܐ ܡ̣ܢ ܫܡܲܝܵܐ، ܒܹܐܡܵܪܵܐ، ”ܫܵܐܘܿܠ، ܫܵܐܘܿܠ، ܩܵܡܘܿܕܝܼ ܟܲܡܘܼܪܝܼ ܝܘܸܬ؟“ 5ܓ̰ܘܼܘܸܒ ܠܹܗ ܫܵܐܘܿܠ، ”ܡܵܢܝܼ ܝܘܸܬ، ܡܵܪܝܼ؟“ ܘܗ̇ܘ ܓ̰ܘܼܘܸܒ ܠܹܗ، ”ܐܵܢܵܐ ܝܘܸܢ ܝܼܫܘܿܥ، ܗ̇ܘ ܕܐܲܢ݇ܬ ܟܲܡܘܼܪܹܗ ܝܘܸܬ. 6”ܩܘܼܡ ܥܒ݂ܘܿܪ ܠܡܕܝܼܢ݇ܬܵܐ ܘܒܸܬ ܦܵܐܹܫ ܐ݇ܡܝܼܪܵܐ ܐܸܠܘܼܟ݂ ܡܘܿܕܝܼ ܘܵܠܹܐ ܝܠܵܗ̇ ܕܥܵܒ݂ܕܹܬ.“ 7ܐ݇ܢܵܫܹ̈ܐ ܕܒܹܐܙܵܠܵܐ ܝܗ݇ܘܵܘ ܥܲܡ ܫܵܐܘܿܠ ܟܠܹܐ ܠܗܘܿܢ ܫܬܝܼܩܹܐ، ܫܡܝܼܥ ܠܗܘܿܢ ܩܵܠܵܐ ܐܝܼܢܵܐ ܐ݇ܢܵܫܵܐ ܠܵܐ ܚܙܹܐ ܠܗܘܿܢ. 8ܩܝܼܡ ܠܹܗ ܫܵܐܘܿܠ ܡ̣ܢ ܐܲܪܥܵܐ، ܥܲܝܢܘܼ̈ܗܝ ܦܬܝܼܚܹܐ ܐܝܼܢܵܐ ܠܵܐ ܒܸܚܙܵܝܵܐ. ܕܒ݂ܝܼܩ ܠܗܘܿܢ ܒܐܝܼܕܹܗ ܘܡܘܼܥܒܸܪܗܘܿܢ ܐܸܠܹܗ ܠܕܲܪܡܣܘܿܩ. 9ܘܬܠܵܬܵܐ ܝܵܘܡܵܢܹ̈ܐ ܠܹܐ ܚܵܙܹܐ ܗ݇ܘܵܐ، ܘܠܵܐ ܐ݇ܟ݂ܝܼܠ ܠܹܗ ܘܠܵܐ ܫܬܹܐ ܠܹܗ.
10ܐܝܼܬ ܗ݇ܘܵܐ ܓܵܘ ܕܲܪܡܣܘܿܩ ܚܲܕ ܬܲܠܡܝܼܕܵܐ ܫܸܡܹܗ ܚܲܢܲܢܝܵܐ. ܗܘܼܡܙܸܡ ܠܹܗ ܡܵܪܝܵܐ ܥܲܡܹܗ ܒܚܸܙܘܵܐ ܘܐ݇ܡܝܼܪܹܗ، ”ܚܲܢܲܢܝܵܐ.“ ܘܗ̇ܘ ܓ̰ܘܼܘܸܒ ܠܹܗ، ”ܗܹܐ، ܡܵܪܝܼ.“ 11ܐ݇ܡܝܼܪܹܗ ܡܵܪܲܢ ܐܸܠܹܗ، ”ܩܘܼܡ ܙܹܠ݇ ܠܥܵܠܘܿܠܵܐ ܕܦܝܵܫܵܐ ܝܠܹܗ ܩܸܪܝܵܐ ܬܪܘܼܨܵܐ، ܘܥܒ݂ܘܿܪ ܠܒܲܝܬܵܐ ܕܝܼܗܘܼܕܵܐ، ܘܒܲܩܸܪ ܥܲܠ ܚܲܕ ܐ݇ܢܵܫܵܐ ܫܸܡܹܗ ܫܵܐܘܿܠ ܡ̣ܢ ܛܵܪܣܘܿܣ، ܣܵܒܵܒ ܗܵܐ ܨܲܠܘܼܝܹܐ ܝܠܹܗ ܨܠܘܿܬܵܐ. 12”ܘܚܙܹܐ ܠܹܗ ܫܵܐܘܿܠ ܒܚܸܙܘܵܐ ܚܲܕ ܐ݇ܢܵܫܵܐ ܫܸܡܹܗ ܚܲܢܲܢܝܵܐ ܒܸܥܒ݂ܵܪܵܐ ܠܟܸܣ ܠܹܗ ܘܡܲܬܘܼܒܹܐ ܐܝܼܕܹܗ ܥܲܠܘܼܗܝ ܕܚܵܙܹܐ.“ 13ܐܝܼܢܵܐ ܚܲܢܲܢܝܵܐ ܓ̰ܘܼܘܸܒ ܠܹܗ، ”ܡܵܪܝܼ، ܫܡܝܼܥܵܐ ܝܘܸܢ ܪܵܒܵܐ ܒܘܼܬ ܐܵܗܵܐ ܐ݇ܢܵܫܵܐ، ܕܟܡܵܐ ܒܝܼܫܵܬܹ̈ܐ ܥܒ݂ܝܼܕܵܐ ܝܠܹܗ ܥܲܠ ܩܲܕܝܼܫܘܼ̈ܟ݂ ܓܵܘ ܐܘܿܪܸܫܠܸܡ. 14”ܐܵܕܝܼܵܐ ܠܐܲܟ݂ܵܐ ܝܠܹܗ ܒܫܘܼܠܛܵܢܵܐ ܡ̣ܢ ܓܘܼܪܵܐ ܕܟܵܗܢܹ̈ܐ ܕܐܵܣܹܪ ܠܟܠܲܝܗܝ ܐܵܢܝܼ ܕܩܵܪܝܼ ܒܫܸܡܘܼܟ݂.“ 15ܐܝܼܢܵܐ ܡܵܪܝܵܐ ܐ݇ܡܝܼܪܹܗ ܠܚܲܢܲܢܝܵܐ، ”ܙܹܠ݇، ܣܵܒܵܒ ܡܵܐܢܵܐ ܓܘܼܒܝܵܐ ܝܠܹܗ ܐܸܠܝܼ، ܕܠܲܒܸܠ ܫܸܡܝܼ ܓܵܘ ܐܸܡܘܵܬܹ̈ܐ ܘܡܲܠܟܹ̈ܐ ܘܒܢܲܝ̈ ܝܼܣܪܵܝܹܠ. 16”ܐܵܢܵܐ ܒܸܬ ܡܲܚܙܸܝܢܹܗ ܕܟܡܵܐ ܒܸܬ ܓ̰ܲܢܓ̰ܸܪ ܒܘܼܬ ܫܸܡܝܼ.“
17ܗ̇ܝܓܵܗ ܐ݇ܙܝܼܠ ܠܹܗ ܚܲܢܲܢܝܵܐ ܘܥܒ݂ܝܼܪܹܗ ܠܒܲܝܬܵܐ، ܘܡܘܼܬܸܒ݂ ܠܹܗ ܐܝܼܕܵܐ ܥܲܠܘܼܗܝ ܘܐ݇ܡܝܼܪܹܗ، ”ܫܵܐܘܿܠ ܐܲܚܘܿܢܵܐ، ܡܵܪܲܢ، ܕܝܼܠܹܗ ܝܼܫܘܿܥ، ܕܦܝܼܫ ܠܹܗ ܚܸܙܝܵܐ ܐܸܠܘܼܟ݂ ܒܐܘܼܪܚܵܐ ܐܝܼܡܲܢ ܕܒܹܐܬܵܝܵܐ ܝܘܸܬ ܗ݇ܘܵܐ ܠܐܲܟ݂ܵܐ، ܗ̇ܘ ܒܓܵܢܹܗ ܫܘܼܕܸܪܹܗ ܐܸܠܝܼ ܕܚܵܙܹܝܬ ܡܸܢܕܪܸܫ، ܘܦܵܝܫܹܬ ܡܸܠܝܵܐ ܡ̣ܢ ܪܘܼܚܵܐ ܕܩܘܼܕܫܵܐ.“ 18ܗܲܪ ܒܗ̇ܝ ܥܕܵܢܵܐ ܢܦܝܼܠ ܠܹܗ ܡ̣ܢ ܥܲܝܢܘܼ̈ܗܝ ܡܸܢܕܝܼ ܐܲܝܟ݂ ܩܲܠܦܹ̈ܐ. ܚܙܹܐ ܠܹܗ ܡܸܢܕܪܸܫ، ܘܩܝܼܡ ܠܹܗ ܘܥܡܝܼܕ ܠܹܗ. 19ܫܩܝܼܠ ܠܹܗ ܡܹܐܟ݂ܘܼܠܬܵܐ ܘܐ݇ܟ݂ܝܼܠ ܠܹܗ، ܘܚܘܼܠܸܢܹܗ. ܦܝܼܫ ܠܹܗ ܚܲܕ݇ܟܡܵܐ ܝܵܘܡܵܢܹ̈ܐ ܠܟܸܣ ܐܵܢܝܼ ܬܲܠܡܝܼ̈ܕܹܐ ܕܝܼܗ݇ܘܵܘ ܓܵܘ ܕܲܪܡܣܘܿܩ.
ܫܵܐܘܿܠ ܡܲܟܪܘܼܙܹܐ ܓܵܘ ܕܲܪܡܣܘܿܩ
20ܗ̇ܝܓܵܗ ܫܘܼܪܹܐ ܠܹܗ ܫܵܐܘܿܠ ܡܲܟܪܘܼܙܹܐ ܓܵܘ ܟܢܘܼܫܝܵܬܹ̈ܐ ܒܘܼܬ ܝܼܫܘܿܥ، ܕܗ̇ܘ ܝܼܠܹܗ ܒܪܘܿܢܵܐ ܕܐܲܠܵܗܵܐ. 21ܘܥܲܓ̰ܒܝܼ ܗ݇ܘܵܘ ܟܠܲܝܗܝ ܐܵܢܝܼ ܕܫܵܡܥܝܼ ܗ݇ܘܵܘ ܠܹܗ، ܘܐܵܡܪܝܼ ܗ݇ܘܵܘ، ”ܠܹܐ ܝܠܹܗ ܐܵܗܵܐ ܗ̇ܘ ܕܟܹܐ ܟܲܡܸܪ ܗ݇ܘܵܐ ܠܐܵܢܝܼ ܕܩܵܪܝܼ ܗ݇ܘܵܘ ܒܐܵܗܵܐ ܫܸܡܵܐ ܓܵܘ ܐܘܿܪܸܫܠܸܡ؟ ܘܠܹܐ ܝܠܹܗ ܒܘܼܬ ܐܵܗܵܐ ܐܵܕܝܼܵܐ ܠܐܲܟ݂ܵܐ، ܕܐܵܣܹܪܗܘܿܢ ܘܠܲܒܸܠ ܠܗܘܿܢ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ؟“ 22ܐܝܼܢܵܐ ܫܵܐܘܿܠ ܒܘܼܫ ܙܵܘܕܵܐ ܦܵܐܹܫ ܗ݇ܘܵܐ ܚܘܼܠܸܢܵܐ، ܘܡܲܫܥܸܫ ܗ݇ܘܵܐ ܠܝܗܘܼܕܵܝܹ̈ܐ ܥܵܡܪ̈ܵܢܹܐ ܕܓܵܘ ܕܲܪܡܣܘܿܩ، ܡܲܕܘܼܥܲܝ ܕܐܵܗܵܐ ܝܼܫܘܿܥ ܝܼܠܹܗ ܡܫܝܼܚܵܐ.
23ܡ̣ܢ ܒܵܬ݇ܪ ܚܲܕ݇ܟܡܵܐ ܝܵܘܡܵܢܹ̈ܐ ܬܵܡܵܐ، ܥܒ݂ܝܼܕ ܠܗܘܿܢ ܝܗܘܼܕܵܝܹ̈ܐ ܒܘܼܨܵܐ ܥܲܠܘܼܗܝ ܕܩܵܛܠܝܼ ܗ݇ܘܵܘ ܠܹܗ. 24ܐܝܼܢܵܐ ܫܵܐܘܿܠ ܝ݇ܕܝܼܥ ܠܹܗ ܒܒܘܼܨܲܝܗܝ. ܘܐܵܢܝܼ ܢܵܛܪܝܼ ܗ݇ܘܵܘ ܬܲܪ̈ܥܵܢܹܐ ܕܡܕܝܼܢ݇ܬܵܐ ܒܝܵܘܡܵܐ ܘܒܠܲܝܠܹܐ ܕܩܵܛܠܝܼ ܗ݇ܘܵܘ ܠܹܗ. 25ܗ̇ܝܓܵܗ ܬܲܠܡܝܼ̈ܕܹܐ ܡܘܼܬܸܒ݂ ܠܗܘܿܢ ܐܸܠܹܗ ܓܵܘ ܩܸܪܛܵܠܵܐ ܘܡܘܼܫܪܸܛ ܠܗܘܿܢ ܡ̣ܢ ܓܘܼܕܵܐ ܒܠܲܝܠܹܐ.
ܫܵܐܘܿܠ ܓܵܘ ܐܘܿܪܸܫܠܸܡ
26ܐ݇ܙܝܼܠ ܠܹܗ ܫܵܐܘܿܠ ܠܐܘܿܪܸܫܠܸܡ، ܘܒܥܹܐ ܠܹܗ ܠܙܲܘܘܼܓܹܐ ܥܲܡ ܬܲܠܡܝܼ̈ܕܹܐ، ܐܝܼܢܵܐ ܟܠܲܝܗܝ ܙܵܕܥܝܼ ܗ݇ܘܵܘ ܡܸܢܹܗ، ܣܵܒܵܒ ܠܹܐ ܝܗ݇ܘܵܘ ܗܲܡܘܼܢܹܐ ܕܬܲܠܡܝܼܕܵܐ ܝܗ݇ܘܵܐ. 27ܐܝܼܢܵܐ ܒܲܪܢܒ݂ܵܐ ܫܩܝܼܠ ܠܹܗ ܘܡܘܼܐܬܹܐ ܠܹܗ ܠܟܸܣ ܫܠܝܼܚܹ̈ܐ ܘܗܘܼܩܹܐ ܠܹܗ ܐܸܠܲܝܗܝ ܕܵܐܟ݂ܝܼ ܫܵܐܘܿܠ ܒܐܘܼܪܚܹܗ ܠܕܲܪܡܣܘܿܩ ܚܙܹܐ ܠܹܗ ܠܡܵܪܝܵܐ، ܘܕܵܐܟ݂ܝܼ ܡܵܪܝܵܐ ܗܘܼܡܙܸܡ ܠܹܗ ܥܲܡܹܗ، ܘܕܵܐܟ݂ܝܼ ܗ̇ܘ ܓܵܘ ܕܲܪܡܣܘܿܩ ܗܘܼܡܙܸܡ ܠܹܗ ܕܠܵܐ ܙܕܘܼܥܬܵܐ ܒܫܸܡܵܐ ܕܡܵܪܝܵܐ. 28ܘܦܝܼܫ ܠܹܗ ܫܵܐܘܿܠ ܥܲܡܲܝܗܝ، ܒܸܥܒ݂ܵܪܵܐ ܘܒܸܦܠܵܛܵܐ ܓܵܘ ܐܘܿܪܸܫܠܸܡ، ܗܲܡܙܘܼܡܹܐ ܕܠܵܐ ܙܕܘܼܥܬܵܐ ܒܫܸܡܵܐ ܕܡܵܪܝܵܐ. 29ܘܟܹܐ ܕܵܪܹܫ ܗ݇ܘܵܐ ܘܟܹܐ ܗܲܡܙܸܡ ܗ݇ܘܵܐ ܥܲܡ ܝܗܘܼܕܵܝܹ̈ܐ، ܐܵܢܝܼ ܕܟܹܐ ܗܲܡܙܸܡܝܼ ܗ݇ܘܵܘ ܠܸܫܵܢܵܐ ܝܵܘܢܵܝܵܐ، ܐܝܼܢܵܐ ܐܵܢܝܼ ܒܵܥܝܼ ܗ݇ܘܵܘ ܠܸܩܛܵܠܹܗ. 30ܐܝܼܡܲܢ ܕܝ݇ܕܝܼܥ ܠܗܘܿܢ ܐܲܚܘܿܢܘܵܬܹ̈ܐ، ܠܘܼܒܸܠ ܠܗܘܿܢ ܐܸܠܹܗ ܠܩܹܣܲܪܝܵܐ، ܘܡ̣ܢ ܬܵܡܵܐ ܫܘܼܕܸܪܗܘܿܢ ܐܸܠܹܗ ܠܛܵܪܣܘܿܣ. 31ܘܥܹܕܬܵܐ ܕܒܟܠܵܗ̇ ܝܼܗܘܼܕ ܘܒܓܠܝܼܠܵܐ ܘܒܫܵܡܪܹܝܢ ܒܸܥܡܵܪܵܐ ܝܗ݇ܘܵܐ ܒܫܠܵܡܵܐ، ܦܝܵܫܵܐ ܒܢܝܼܬܵܐ ܘܚܘܼܠܸܢܬܵܐ ܒܪܘܼܚܵܐ ܕܩܘܼܕܫܵܐ، ܘܙܝܼܕ ܠܵܗ̇ ܟܲܕ ܒܸܚܵܝܵܐ ܒܙܕܘܼܥܬܵܐ ܕܡܵܪܝܵܐ.
ܒܵܣܲܡܬܵܐ ܕܐܲܢܝܼܵܣ
32ܒܸܚܕܵܪܵܐ ܝܗ݇ܘܵܐ ܫܸܡܥܘܿܢ ܟܹܐܦܵܐ ܓܵܘ ܡܕܝܼܢܵܬܹ̈ܐ، ܘܨܠܹܐ ܠܹܗ ܕܬܵܦܹܩ ܗ݇ܘܵܐ ܒܡܗܘܼܡܢܹ̈ܐ ܕܓܵܘ ܠܘܿܕ. 33ܘܚܙܹܐ ܠܹܗ ܬܵܡܵܐ ܚܲܕ ܐ݇ܢܵܫܵܐ ܫܦܝܼܠܵܐ ܫܸܡܹܗ ܐܲܢܝܼܵܣ، ܕܢܦܝܼܠܵܐ ܝܗ݇ܘܵܐ ܒܫܘܝܼܬܵܐ ܩܵܐ ܬܡܵܢܹܐ ܫܸܢܹ̈ܐ. 34ܐ݇ܡܝܼܪܹܗ ܐܸܠܹܗ ܫܸܡܥܘܿܢ ܟܹܐܦܵܐ، ”ܐܲܢܝܼܵܣ، ܝܼܫܘܿܥ ܡܫܝܼܚܵܐ ܒܲܣܘܼܡܘܼܟ݂ ܝܼܠܹܗ، ܩܘܼܡ ܘܫܩܘܿܠ ܫܘܝܼܬܘܼܟ݂.“ ܘܗܲܪ ܒܗ̇ܝ ܥܕܵܢܵܐ ܩܝܼܡ ܠܹܗ. 35ܟܠܲܝܗܝ ܐܵܢܝܼ ܕܒܸܚܵܝܵܐ ܝܗ݇ܘܵܘ ܓܵܘ ܠܘܿܕ ܘܓܵܘ ܣܵܪܘܿܢܵܐ ܚܙܹܐ ܠܗܘܿܢ ܐܸܠܹܗ، ܘܗܘܼܡܸܢܗܘܿܢ ܒܡܵܪܝܵܐ.
ܡܲܚܵܝܬܵܐ ܕܕܘܿܪܟܵܣ
36ܐܝܼܬ ܗ݇ܘܵܐ ܚܕܵܐ ܬܲܠܡܝܼܕܬܵܐ ܓܵܘ ܝܘܿܦܹܐ ܫܸܡܘܼܗ̇ ܛܒ݂ܝܼܬܵܐ، ܕܦܘܼܫܵܩܘܼܗ̇ ܝܼܠܹܗ ”ܕܘܿܪܟܵܣ.“ ܐܵܗܵܐ ܐܝܼܬ ܗ݇ܘܵܐ ܠܵܗ̇ ܪܵܒܵܐ ܦܘܼܠܚܵܢܹ̈ܐ ܛܵܒܹ̈ܐ ܘܟܹܐ ܥܵܒ݂ܕܵܐ ܗ݇ܘܵܐ ܐܸܪ̈ܘܵܢܹܐ. 37ܒܗ̇ܝ ܥܕܵܢܵܐ ܡܪܝܼܥ ܠܵܗ̇ ܘܡܝܼܬ ܠܵܗ̇. ܚܝܼܦܵܐ ܠܗܘܿܢ ܘܡܘܼܬܒ݂ܵܐ ܠܗܘܿܢ ܓܵܘ ܥܸܠܝܼܬܵܐ. 38ܠܘܿܕ ܩܘܼܪܒܵܐ ܝܗ݇ܘܵܐ ܠܝܘܿܦܹܐ. ܐܝܼܡܲܢ ܕܫܡܝܼܥ ܠܗܘܿܢ ܬܲܠܡܝܼ̈ܕܹܐ ܕܫܸܡܥܘܿܢ ܟܹܐܦܵܐ ܓܵܘ ܠܘܿܕ ܝܼܗ݇ܘܵܐ، ܫܘܼܕܸܪܗܘܿܢ ܠܟܸܣ ܠܹܗ ܬܪܹܝ ܐ݇ܢܵܫܹ̈ܐ ܒܸܛܠܵܒܵܐ ܡܸܢܹܗ ܕܐܵܬܹܐ ܠܟܸܣ ܠܲܝܗܝ ܕܠܵܐ ܥܲܪܩܲܠܬܵܐ. 39ܩܝܼܡ ܠܹܗ ܫܸܡܥܘܿܢ ܟܹܐܦܵܐ ܘܐ݇ܙܝܼܠ ܠܹܗ ܥܲܡܲܝܗܝ. ܐܝܼܡܲܢ ܕܡܛܹܐ ܠܹܗ، ܡܘܼܐܣܸܩ ܠܗܘܿܢ ܐܸܠܹܗ ܠܥܸܠܝܼܬܵܐ. ܟܠܲܝܗܝ ܐܲܪ̈ܡܸܠܝܵܬܹܐ ܟܠܹܐ ܠܗܘܿܢ ܠܚܵܕܸܪ̈ܘܵܢܘܼܗܝ ܒܸܒܟ݂ܵܝܵܐ ܘܡܲܚܙܘܼܝܹܐ ܨܘܼܕܪ̈ܵܬܹܐ ܘܓ̰ܘܼܠܹ̈ܐ ܕܟܹܐ ܚܵܝܛܵܐ ܗ݇ܘܵܐ ܠܗܘܿܢ ܛܒ݂ܝܼܬܵܐ ܟܲܕ ܚܵܝܬܵܐ ܝܗ݇ܘܵܐ ܥܲܡܲܝܗܝ. 40ܐܝܼܢܵܐ ܦܘܼܠܸܛ ܠܹܗ ܫܸܡܥܘܿܢ ܟܹܐܦܵܐ ܠܟܠܲܝܗܝ ܠܒܲܕܲܪ، ܘܒܪܝܼܟ ܠܹܗ ܘܨܘܼܠܹܐ ܠܹܗ. ܘܦܬܝܼܠ ܠܹܗ ܠܟܸܣ ܫܠܲܕܵܐ ܘܐ݇ܡܝܼܪܹܗ، ”ܛܒ݂ܝܼܬܵܐ ܩܘܼܡܝ.“ ܘܗ̇ܝ ܦܬܝܼܚܲܝ ܠܵܗ̇ ܥܲܝܢܘܼ̈ܗ̇، ܘܟܲܕ ܚܙܹܐ ܠܵܗ̇ ܠܫܸܡܥܘܿܢ ܟܹܐܦܵܐ، ܝ݇ܬܝܼܒ݂ ܠܵܗ̇. 41ܕܒ݂ܝܼܩ ܠܹܗ ܫܸܡܥܘܿܢ ܟܹܐܦܵܐ ܒܐܝܼܕܘܼܗ̇ ܘܡܘܼܩܸܡܵܐ ܠܹܗ. ܩܪܹܐ ܠܹܗ ܠܡܗܘܼܡܢܹ̈ܐ ܘܠܐܲܪ̈ܡܸܠܝܵܬܹܐ ܘܝܘܼܗ݇ܒ݂ܵܐ ܠܹܗ ܐܸܠܲܝܗܝ ܚܵܝܬܵܐ. 42ܦܝܼܫ ܠܵܗ̇ ܝ݇ܕܝܼܥܬܵܐ ܐܵܗܵܐ ܒܟܠܵܗ̇ ܝܘܿܦܹܐ، ܘܪܵܒܵܐ ܗܘܼܡܸܢܗܘܿܢ ܒܡܵܪܲܢ. 43ܘܗܘܹܐ ܠܵܗ̇ ܕܦܝܼܫ ܠܹܗ ܫܸܡܥܘܿܢ ܟܹܐܦܵܐ ܓܵܘ ܝܘܿܦܹܐ ܪܵܒܵܐ ܝܵܘܡܵܢܹ̈ܐ، ܠܟܸܣ ܕܲܒܵܓ݂ ܫܸܡܹܗ ܫܸܡܥܘܿܢ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation