ܣܘܥܪ̈ܢܐ 7
7
ܡܲܡܠܠܵܐ ܕܐܸܣܛܲܦܵܢܘܿܣ
1ܗ̇ܝܓܵܗ ܒܘܼܩܸܪܹܗ ܡܸܢܹܗ ܓܘܼܪܵܐ ܕܟܵܗܢܹ̈ܐ، ”ܫܲܪܝܼܪܹ̈ܐ ܝܢܵܐ ܐܲܢܹܐ ܕܒܹܐܡܵܪܲܝ ܝܢܵܐ ܥܲܠܘܼܟ݂؟“ 2ܓ̰ܘܼܘܸܒ ܠܹܗ ܐܸܣܛܲܦܵܢܘܿܣ، ”ܐ݇ܢܵܫܹ̈ܐ ܐܲܚܘܿܢܘܵܬܹ̈ܐ ܘܒܵܒܵܘܵܬܹ̈ܐ، ܫܡܸܥܡܘܼܢ ܐܸܠܝܼ. ܐܲܠܵܗܵܐ ܕܫܘܼܒ݂ܚܵܐ ܦܝܼܫ ܠܹܗ ܚܸܙܝܵܐ ܠܒܵܒܲܢ ܐܲܒ݂ܪܵܗܵܡ ܟܲܕ ܗ̇ܘ ܓܵܘ ܒܹܝܬ ܢܲܗܪ̈ܝܼܢ، ܡ̣ܢ ܩܵܕ݇ܡ ܕܥܵܡܹܪ ܗ݇ܘܵܐ ܒܚܵܪܵܢ، 3”ܘܐ݇ܡܝܼܪܹܗ ܐܸܠܹܗ، ’ܫܒ݂ܘܿܩ ܠܐܲܬܪܘܼܟ݂ ܘܠܚܸܙܡܵܢܘܼ̈ܟ݂، ܘܙܹܠ݇ ܠܐܲܬܪܵܐ ܕܐܵܢܵܐ ܡܲܚܙܸܝܢܘܼܟ݂.‘#ܒܪܝܬܐ 12:1 4”ܘܦܠܝܼܛ ܠܹܗ ܐܲܒ݂ܪܵܗܵܡ ܡ̣ܢ ܐܲܪܥܵܐ ܕܟܲܠܕܵܝܹ̈ܐ، ܘܐ݇ܬܹܐ ܠܹܗ ܘܥܡܝܼܪܹܗ ܒܚܵܪܵܢ.#ܒܪܝܬܐ 11:31 ܘܡ̣ܢ ܒܵܬ݇ܪ ܕܡܝܼܬ ܠܹܗ ܒܵܒܘܼܗܝ ܬܵܡܵܐ، ܫܘܼܕܸܪܹܗ ܐܸܠܹܗ ܐܲܠܵܗܵܐ ܠܐܵܗܵܐ ܐܲܪܥܵܐ ܕܐܲܚܬܘܿܢ ܐܸܕܝܘܿܡ ܒܸܥܡܵܪܵܐ ܝܬܘܿܢ ܓܵܘܘܼܗ̇،#ܒܪܝܬܐ 12:4‐5 5”ܘܠܵܐ ܝܘܼܗ݇ܒܸܠ ܠܹܗ ܐܸܠܹܗ ܝܵܪܬܘܼܬܵܐ ܓܵܘܘܼܗ̇، ܐܘܼܦ ܠܵܐ ܫܵܘܦܵܐ ܕܐܲܩܠܵܐ. ܐܝܼܢܵܐ ܩܘܼܘܸܠ ܠܹܗ ܐܲܠܵܗܵܐ ܕܒܸܬ ܝܲܗ݇ܒܸܠ ܗ݇ܘܵܐ ܠܵܗ̇ ܝܵܪܬܘܼܬܵܐ ܐܸܠܹܗ ܘܠܙܲܪܥܹܗ ܕܡ̣ܢ ܒܵܬ݇ܪ ܡܸܢܹܗ، ܟܲܕ ܒܗ̇ܝ ܥܕܵܢܵܐ ܐܲܒ݂ܪܵܗܵܡ ܠܲܝܬ ܗ݇ܘܵܐ ܠܹܗ ܒܪܘܿܢܵܐ.#ܒܪܝܬܐ 12:7، 17:8 6”ܗܘܼܡܙܸܡ ܠܹܗ ܐܲܠܵܗܵܐ ܥܲܡܹܗ، ܒܹܐܡܵܪܵܐ، ܕܒܸܬ ܗܵܘܹܐ ܙܲܪܥܹܗ ܬܵܘܬܵܒ݂ܵܐ ܒܐܲܪܥܵܐ ܢܘܼܟ݂ܪܵܝܬܵܐ، ܘܒܸܬ ܦܵܐܹܫ ܥܲܒ݂ܕܵܐ، ܘܒܸܬ ܦܵܐܹܫ ܡܘܼܠܝܸܨܵܐ ܩܵܐ ܐܲܪܒܲܥܡܵܐܐ ܫܸܢܹ̈ܐ. 7”’ܐܝܼܢܵܐ ܒܸܬ ܕܵܝܢܹܢ ܠܐܘܼܡܬܵܐ ܕܥܵܒܹܕ ܐܸܠܘܼܗ̇ ܥܲܒ݂ܕܘܼܬܵܐ،‘ ܐ݇ܡܝܼܪܹܗ ܐܲܠܵܗܵܐ. ’ܡ̣ܢ ܒܵܬ݇ܪ ܐܵܗܵܐ، ܒܸܬ ܦܵܠܹܛ ܘܒܸܬ ܣܵܓܹܕ ܐܸܠܝܼ ܒܐܵܗܵܐ ܕܘܼܟܵܐ.‘#ܒܪܝܬܐ 15:13‐14 8”ܘܝܘܼܗ݇ܒܸܠ ܠܹܗ ܠܐܲܒ݂ܪܵܗܵܡ ܘܲܥܕܵܐ ܕܓܙܘܼܪܬܵܐ.#ܒܪܝܬܐ 17:10‐14 ܘܐܲܒ݂ܪܵܗܵܡ ܡܘܼܠܸܕ ܠܹܗ ܠܐܝܼܣܚܵܩ، ܘܓܙܝܼܪܹܗ ܐܸܠܹܗ ܒܝܵܘܡܵܐ ܕܬܡܵܢܝܵܐ، ܘܐܝܼܣܚܵܩ ܡܘܼܠܸܕ ܠܹܗ ܠܝܲܥܩܘܿܒ݂، ܘܝܲܥܩܘܿܒ݂ ܡܘܼܠܸܕ ܠܹܗ ܠܬܪܸܥܣܲܪ ܐܲܒ݂ܵܗܵܬܹ̈ܐ. 9”ܘܐܲܢܹܐ ܐܲܒ݂ܵܗܵܬܹ̈ܐ ܒܘܼܚܸܠ ܠܗܘܿܢ ܒܝܵܘܣܸܦ،#ܒܪܝܬܐ 37:4، 11 ܘܙܘܼܒܸܢܗܘܿܢ ܐܸܠܹܗ ܠܥܲܒ݂ܕܘܼܬܵܐ ܓܵܘ ܡܸܨܪܹܝܢ،#ܒܪܝܬܐ 37:28 ܐܝܼܢܵܐ ܐܲܠܵܗܵܐ ܥܲܡܹܗ ܝܗ݇ܘܵܐ، 10”ܘܦܘܼܨܹܐ ܠܹܗ ܐܸܠܹܗ ܡ̣ܢ ܟܠܲܝܗܝ ܐܘܼܠܨܵܢܘܼ̈ܗܝ، ܘܝܘܼܗ݇ܒܸܠ ܠܹܗ ܐܸܠܹܗ ܫܵܦܵܩܲܬ ܘܚܸܟ݂ܡܬܵܐ ܒܥܲܝܢܹ̈ܐ ܕܦܸܪܥܘܿܢ ܡܲܠܟܵܐ ܕܡܸܨܪܹܝܢ، ܘܥܒ݂ܝܼܕ ܠܹܗ ܐܸܠܹܗ ܡܕܲܒܪܵܢܵܐ ܥܲܠ ܟܠܵܗ̇ ܡܸܨܪܹܝܢ ܘܥܲܠ ܟܠܹܗ ܒܲܝܬܹܗ،#ܒܪܝܬܐ 41:39‐44 11”ܗܘܹܐ ܠܹܗ ܟܸܦܢܵܐ ܘܐܘܼܠܨܵܢܵܐ ܓܘܼܪܵܐ ܒܟܠܵܗ̇ ܐܲܪܥܵܐ ܕܡܸܨܪܹܝܢ ܘܒܟܢܲܥܢ، ܘܐܲܒ݂ܵܗܵܬܲܢ̈ ܠܵܐ ܡܘܼܫ݇ܟ̰ܸܚ ܠܗܘܿܢ ܡܹܐܟ݂ܘܼܠܬܵܐ.#ܒܪܝܬܐ 41:53‐56 12”ܐܝܼܡܲܢ ܕܫܡܝܼܥ ܠܹܗ ܝܲܥܩܘܿܒ݂ ܕܐܝܼܬ ܗ݇ܘܵܐ ܕܲܚܠܵܐ ܓܵܘ ܡܸܨܪܹܝܢ، ܫܘܼܕܪܲܝ ܠܹܗ ܐܲܒ݂ܵܗܵܬܲܢ̈ ܠܬܵܡܵܐ ܓܵܗܵܐ ܩܵܕ݇ܡܵܝܬܵܐ،#ܒܪܝܬܐ 42:1‐3 13”ܓܵܗܵܐ ܕܬܲܪܬܹܝ، ܡܘܼܕܸܥܵܐ ܠܹܗ ܝܵܘܣܸܦ ܓܵܢܹܗ ܠܐܲܚܘܿܢܘܵܬܹ̈ܗ.#ܒܪܝܬܐ 45:1‐3، 16 ܐܘܼܦ ܒܲܝܬܵܐ ܕܝܵܘܣܸܦ ܦܝܼܫ ܠܹܗ ܝ݇ܕܝܼܥܵܐ ܠܦܸܪܥܘܿܢ. 14”ܡ̣ܢ ܒܵܬ݇ܪ ܐܵܗܵܐ، ܫܘܼܕܸܪܹܗ ܝܵܘܣܸܦ ܘܡܘܼܐܬܹܐ ܠܹܗ ܠܒܵܒܘܼܗܝ ܝܲܥܩܘܿܒ݂ ܘܠܟܠܲܝܗܝ ܚܸܙܡܵܢܘܼ̈ܗܝ، ܫܲܒ݂ܥܝܼ ܘܚܲܡܸܫ ܓܵܢܵܬܹ̈ܐ.#ܒܪܝܬܐ 45:9‐10، 46:26‐27 15”ܘܨܠܹܐ ܠܹܗ ܝܲܥܩܘܿܒ݂ ܠܡܸܨܪܹܝܢ ܘܡܝܼܬ ܠܹܗ ܬܵܡܵܐ، ܗ̇ܘ ܘܐܘܼܦ ܐܲܒ݂ܵܗܵܬܲܢ̈.#ܒܪܝܬܐ 49:33؛ ܡܦܩܢܐ 1:6 16”ܘܦܲܓ݂ܪ̈ܲܝܗܝ ܦܝܼܫ ܠܗܘܿܢ ܫܘܼܢܝܹܐ ܠܫܟܹܝܡ، ܡܘܼܬܒܹܐ ܓܵܘ ܩܲܒ݂ܪܵܐ ܕܙܒ݂ܝܼܢܹܗ ܝܗ݇ܘܵܐ ܐܲܒ݂ܪܵܗܵܡ ܒܙܘܼܙܹ̈ܐ ܕܣܹܐܡܵܐ ܡ̣ܢ ܒܢܘܿܢܹ̈ܐ ܕܚܡܘܿܪ ܒܫܟܹܝܡ.#ܒܪܝܬܐ 23:3‐20، 33:19، 50:13؛ ܝܫܘܥ ܒܪ ܢܘܢ 24:32 17”ܘܟܲܕ ܩܘܼܪܒܸܢܵܗ̇ ܥܕܵܢܵܐ ܕܬܲܡܸܡ ܗ݇ܘܵܐ ܐܲܠܵܗܵܐ ܩܵܘܠܹܗ ܕܥܒ݂ܝܼܕ ܠܹܗ ܥܲܡ ܐܲܒ݂ܪܵܗܵܡ، ܙܝܼܕ ܠܹܗ ܥܲܡܵܐ ܕܝܼܲܢ ܪܵܒܵܐ ܓܵܘ ܡܸܨܪܹܝܢ، 18”ܗܲܠ ܕܩܝܼܡ ܠܹܗ ܚܲܕ ܡܲܠܟܵܐ ܐ݇ܚܹܪ݇ܢܵܐ ܥܲܠ ܡܸܨܪܹܝܢ، ܐܲܝܢܝܼ ܕܠܵܐ ܝ݇ܕܝܼܥ ܠܹܗ ܠܝܵܘܣܸܦ.#ܡܦܩܢܐ 1:7‐8 19”ܐܵܗܵܐ ܡܲܠܟܵܐ ܥܘܼܠܕܹܐ ܠܹܗ ܠܥܲܡܲܢ، ܘܡܘܼܠܝܸܨ ܠܹܗ ܠܐܲܒ݂ܵܗܵܬܲܢ̈،#ܡܦܩܢܐ 1:10‐11 ܘܦܩܝܼܕ ܠܹܗ ܕܪܲܦܝܼ ܗ݇ܘܵܘ ܠܝܲܠܘܼܕܲܝ̈ܗܝ ܕܡܵܝܬܝܼ ܗ݇ܘܵܘ.
20”ܒܗ̇ܝ ܥܕܵܢܵܐ ܦܝܼܫ ܠܹܗ ܝ݇ܠܝܼܕܵܐ ܡܘܼܫܹܐ، ܘܫܲܦܝܼܪܵܐ ܝܗ݇ܘܵܐ ܩܵܕ݇ܡ ܐܲܠܵܗܵܐ، ܘܩܵܐ ܡܸܬܚܵܐ ܕܬܠܵܬܵܐ ܝܲܪ̈ܚܹܐ ܓܘܼܪܘܸܣ ܠܹܗ ܓܵܘ ܒܲܝܬܵܐ ܕܒܵܒܘܼܗܝ. 21”ܘܐܝܼܡܲܢ ܕܦܝܼܫ ܠܹܗ ܪܘܼܦܝܵܐ، ܫܩܝܼܠ ܠܵܗ̇ ܐܸܠܹܗ ܒܪܵܬܵܐ ܕܦܸܪܥܘܿܢ، ܘܓܘܼܪܘܸܣ ܠܵܗ̇ ܐܸܠܹܗ ܐܲܝܟ݂ ܒܪܘܿܢܵܐ ܕܓܵܢܘܼܗ̇.#ܡܦܩܢܐ 2:3‐10 22”ܘܦܝܼܫ ܠܹܗ ܡܘܼܠܦܵܐ ܡܘܼܫܹܐ ܒܟܠܵܗ̇ ܚܸܟ݂ܡܬܵܐ ܕܡܸܨܪ̈ܵܝܹܐ، ܘܚܲܝܠܵܢܵܐ ܝܗ݇ܘܵܐ ܒܗܹܡܸܙܡܵܢܘܼ̈ܗܝ ܘܒܦܘܼܠܚܵܢܘܼ̈ܗܝ. 23”ܘܐܝܼܡܲܢ ܕܗܘܹܐ ܠܹܗ ܡܘܼܫܹܐ ܐܲܪܒܥܝܼ ܫܸܢܹ̈ܐ، ܩܛܝܼܥ ܠܹܗ ܒܠܸܒܹܗ ܕܬܵܦܹܩ ܒܐܲܚܘܿܢܘܵܬܹ̈ܗ ܒܢܲܝ̈ ܝܼܣܪܵܝܹܠ. 24”ܚܙܹܐ ܠܹܗ ܚܲܕ ܡܸܢܲܝܗܝ ܦܝܵܫܵܐ ܡܘܼܠܝܸܨܵܐ ܒܚܲܕ ܡܸܨܪܵܝܵܐ، ܩܝܼܡ ܠܹܗ ܠܚܲܨܹܗ ܘܫܩܝܼܠ ܠܹܗ ܬܘܼܥܠܵܐ ܕܗ̇ܘ ܡܘܼܠܝܸܨܵܐ ܘܩܛܝܼܠ ܠܹܗ ܠܡܸܨܪܵܝܵܐ. 25”ܡܘܼܫܹܐ ܚܫܝܼܒ݂ ܠܹܗ ܕܐܲܚܘܿܢܘܵܬܹ̈ܗ ܒܸܬ ܦܲܪܡܝܼ ܗ݇ܘܵܘ ܕܐܲܠܵܗܵܐ ܒܐܝܼܕܹܗ ܒܸܬ ܦܲܪܸܩ ܗ݇ܘܵܐ ܠܗܘܿܢ. ܐܝܼܢܵܐ ܠܵܐ ܦܘܼܪܡܹܐ ܠܗܘܿܢ. 26”ܒܝܵܘܡܵܐ ܐ݇ܚܹܪ݇ܢܵܐ، ܡܘܼܫܹܐ ܚܙܹܐ ܠܹܗ ܬܪܹܝ ܐ݇ܢܵܫܹ̈ܐ ܡ̣ܢ ܒܢܲܝ̈ ܝܼܣܪܵܝܹܠ ܒܸܦܠܵܫܵܐ ܡܥܘܼܕܵܠܹ̈ܐ. ܒܥܹܐ ܠܹܗ ܠܣܲܙܓܘܼܪܲܝ، ܒܹܐܡܵܪܵܐ، ’ܝܵܐ ܐ݇ܢܵܫܹ̈ܐ، ܐܲܚܘܿܢܘܵܬܹ̈ܐ ܝܬܘܿܢ ܐܲܚܬܘܿܢ، ܩܵܡܘܿܕܝܼ ܒܸܦܠܵܫܵܐ ܝܬܘܿܢ ܚܲܕ ܥܲܡ ܗ̇ܘ ܐ݇ܚܹܪ݇ܢܵܐ؟‘ 27”ܐܝܼܢܵܐ ܗ̇ܘ ܕܝܼܗ݇ܘܵܐ ܒܸܛܠܵܡܵܐ ܠܗ̇ܘ ܐ݇ܚܹܪ݇ܢܵܐ ܚܘܼܪܙܸܦ ܠܹܗ ܐܸܠܹܗ ܘܐ݇ܡܝܼܪܹܗ، ’ܡܵܢܝܼ ܩܲܡ ܥܵܒܹܕ ܠܘܼܟ݂ ܥܲܠܲܢ ܓܘܼܪܵܐ ܘܕܲܝܵܢܵܐ؟ 28”’ܒܵܥܹܝܬ ܕܩܵܛܠܹܬ ܠܝܼ ܐܲܝܟ݂ ܕܐ݇ܬܸܡܵܠܝ ܩܛܝܼܠ ܠܘܼܟ݂ ܠܡܸܨܪܵܝܵܐ؟‘#ܡܦܩܢܐ 2:14 29”ܐܝܼܡܲܢ ܕܫܡܝܼܥ ܠܹܗ ܡܘܼܫܹܐ ܐܲܢܹܐ ܚܲܒܪܹ̈ܐ، ܥܪܝܼܩ ܠܹܗ ܠܐܲܬܪܵܐ ܕܡܸܕܝܲܢ،#ܡܦܩܢܐ 2:11‐15 ܘܚܝܹܐ ܠܹܗ ܬܵܡܵܐ ܐܲܝܟ݂ ܚܲܕ ܢܘܼܟ݂ܪܵܝܵܐ ܘܩܲܡ ܗܵܘܹܐ ܠܹܗ ܬܪܹܝ ܒܢܘܿܢܹ̈ܐ.
30”ܡ̣ܢ ܒܵܬ݇ܪ ܕܗܘܹܐ ܠܹܗ ܬܵܡܵܐ ܐܲܪܒܥܝܼ ܫܸܢܹ̈ܐ، ܦܝܼܫ ܠܹܗ ܚܸܙܝܵܐ ܐܸܠܹܗ ܡܲܠܲܐܟ݂ܵܐ ܓܵܘ ܠܵܗܵܐ ܕܢܘܼܪܵܐ ܒܣܲܢܝܵܐ، ܓܵܘ ܒܲܪܝܼܵܐ ܩܘܼܪܒܵܐ ܠܛܘܼܪܵܐ ܕܣܝܼܢܲܝ. 31”ܥܘܼܓ̰ܸܒ ܠܹܗ ܡܘܼܫܹܐ ܒܡܸܢܕܝܼ ܕܚܙܹܐ ܠܹܗ. ܐܝܼܡܲܢ ܕܩܘܼܪܒܸܢܹܗ ܕܚܵܙܹܐ ܡܘܿܕܝܼ ܝܗ݇ܘܵܐ، ܫܡܝܼܥ ܠܹܗ ܩܵܠܵܐ ܕܡܵܪܝܵܐ، 32”’ܐܵܢܵܐ ܝܘܸܢ ܐܲܠܵܗܵܐ ܕܐܲܒ݂ܵܗܵܬܘܼ̈ܟ݂، ܐܲܠܵܗܵܐ ܕܐܲܒ݂ܪܵܗܵܡ ܘܕܐܝܼܣܚܵܩ ܘܕܝܲܥܩܘܿܒ݂.‘#ܡܦܩܢܐ 3:6 ܘܪܓܝܼܕ ܠܹܗ ܡܘܼܫܹܐ، ܘܠܵܐ ܩܘܼܫܕܸܪܹܗ ܠܸܚܝܵܪܵܐ ܒܚܸܙܘܵܐ. 33”ܐ݇ܡܝܼܪܹܗ ܐܸܠܹܗ ܡܵܪܝܵܐ، ’ܫܲܠܸܚ ܨܵܘܠܘܼ̈ܟ݂ ܡ̣ܢ ܐܲܩܠܵܬܘܼ̈ܟ݂، ܣܵܒܵܒ ܐܲܪܥܵܐ ܕܟܸܠܝܵܐ ܝܘܸܬ ܥܲܠܘܼܗ̇ ܩܲܕܝܼܫܬܵܐ ܝܠܵܗ̇. 34”’ܫܲܪܝܼܪܵܐܝܼܬ ܚܙܵܝܵܐ ܚܙܹܐ ܠܝܼ ܐܘܼܠܨܵܢܵܐ ܕܥܲܡܝܼ ܓܵܘ ܡܸܨܪܹܝܢ، ܘܫܡܝܼܥ ܠܝܼ ܬܵܢܲܚܝܵܬܲܝ̈ܗܝ، ܘܨܠܹܐ ܠܝܼ ܕܦܲܨܹܝܢܗܘܿܢ. ܘܐܵܕܝܼܵܐ ܬܵܐ، ܫܲܕܪܸܢܘܼܟ݂ ܠܡܸܨܪܹܝܢ.‘#ܡܦܩܢܐ 3:5، 3:7‐8، 10 35”ܗܲܪ ܠܐܵܗܵܐ ܡܘܼܫܹܐ، ܕܡܘܼܣܠܹܐ ܠܗܘܿܢ ܐܸܠܹܗ، ܒܹܐܡܵܪܵܐ، ’ܡܵܢܝܼ ܩܲܡ ܥܵܒܹܕ ܠܘܼܟ݂ ܥܲܠܲܢ ܓܘܼܪܵܐ ܘܕܲܝܵܢܵܐ؟‘ ܫܘܼܕܸܪܹܗ ܐܸܠܲܝܗܝ ܐܲܠܵܗܵܐ ܪܹܫܵܐ ܘܦܵܪܘܿܩܵܐ، ܒܝܲܕ ܡܲܠܲܐܟ݂ܵܐ ܕܦܝܼܫ ܠܹܗ ܚܸܙܝܵܐ ܐܸܠܹܗ ܒܣܲܢܝܵܐ. 36”ܐܵܗܵܐ ܦܘܼܠܛܲܝ ܠܹܗ ܡ̣ܢ ܡܸܨܪܹܝܢ، ܘܥܒ݂ܝܼܕ ܠܹܗ ܕܘܼܡܵܪܹ̈ܐ ܘܢܝܼܫܲܢܩܹ̈ܐ ܓܵܘ ܡܸܨܪܹܝܢ، ܘܒܝܵܡܵܐ ܕܣܘܿܦ#7:36 ܥܸܒ݂ܪܵܐܝܼܬ ܒܡܲܥܢܵܝܵܐ: ܝܵܡܵܐ ܕܙܹܠܹ̈ܐ، ܘܦܝܼܫܬܵܐ ܝ݇ܕܝܼܥܬܵܐ ”ܝܵܡܵܐ ܣܡܘܿܩܬܵܐ“ ܒܝܲܕ ܐܲܨܲܚܬܵܐ ܝܵܘܢܵܝܬܵܐ. ، ܘܐܲܪܒܥܝܼ ܫܸܢܹ̈ܐ ܓܵܘ ܒܲܪܝܼܵܐ.#ܡܦܩܢܐ 7:3، 12:41 37”ܐܵܗܵܐ ܝܠܹܗ ܡܘܼܫܹܐ، ܗ̇ܘ ܕܐ݇ܡܝܼܪܹܗ ܠܒܢܲܝ̈ ܝܼܣܪܵܝܹܠ، ’ܐܲܠܵܗܵܐ ܒܸܬ ܫܲܕܸܪܵܘܟ݂ܘܿܢ ܢܒ݂ܝܼܵܐ ܡܐܲܝܟ݂ ܕܝܼܝܼ ܡ̣ܢ ܓܵܘ ܐܲܚܘܿܢܘܵܬܵܘ̈ܟ݂ܘܿܢ.‘#ܬܢܝܢ ܢܡܘܣܐ 18:15، 18 38”ܐܵܗܵܐ ܓ̰ܡܝܼܥ ܠܹܗ ܥܲܡ ܐܲܒ݂ܵܗܵܬܲܢ̈ ܓܵܘ ܒܲܪܝܼܵܐ، ܘܥܲܡ ܡܲܠܲܐܟ݂ܵܐ، ܗ̇ܘ ܕܗܘܼܡܙܸܡ ܠܹܗ ܥܲܡܹܗ ܓܵܘ ܛܘܼܪܵܐ ܕܣܝܼܢܲܝ، ܘܩܘܼܒܸܠ ܠܹܗ ܗܹܡܸܙܡܵܢܹ̈ܐ ܕܚܲܝܹ̈ܐ ܕܣܘܼܦܝܲܝ ܠܹܗ ܐܸܠܲܢ.#ܡܦܩܢܐ 19:17 39”ܐܝܼܢܵܐ ܐܲܒ݂ܵܗܵܬܲܢ̈ ܠܵܐ ܫܡܝܼܥ ܠܗܘܿܢ ܐܸܠܹܗ، ܐܸܠܵܐ ܫܒ݂ܝܼܩ ܠܗܘܿܢ ܐܸܠܹܗ ܘܒܠܸܒܲܝܗܝ ܕܝܼܪܗܘܿܢ ܠܡܸܨܪܹܝܢ. 40”ܐ݇ܡܝܼܪܗܘܿܢ ܠܐܲܗܪܘܿܢ، ’ܥܒ݂ܘܿܕ ܐܸܠܲܢ ܐܲܠܵܗܹ̈ܐ ܕܐܵܙܠ݇ܝܼ ܩܵܕ݇ܡܲܢ، ܣܵܒܵܒ ܐܵܗܵܐ ܡܘܼܫܹܐ ܕܦܘܼܠܸܛ ܠܹܗ ܐܸܠܲܢ ܡ̣ܢ ܡܸܨܪܹܝܢ، ܠܹܐ ܝܘܲܚ ܒܝܼܕܵܥܵܐ ܡܘܿܕܝܼ ܗܘܹܐ ܠܹܗ ܐܸܠܹܗ.‘#ܡܦܩܢܐ 32:1 41”ܬܘܼܪܸܨ ܠܗܘܿܢ ܨܲܠܡܵܐ ܕܡܘܼܓ̰ܵܐ ܒܐܵܢܝܼ ܝܵܘܡܵܢܹ̈ܐ، ܘܕܒ݂ܝܼܚ ܠܗܘܿܢ ܕܸܒ݂ܚܹ̈ܐ ܐܸܠܹܗ، ܘܥܒ݂ܝܼܕ ܠܗܘܿܢ ܒܘܼܣܵܡܵܐ ܒܦܘܼܠܚܵܢܵܐ ܕܐܝܼܕܵܬܲܝ̈ܗܝ.#ܡܦܩܢܐ 32:2‐6 42”ܐܝܼܢܵܐ ܦܬܝܼܠ ܠܹܗ ܐܲܠܵܗܵܐ ܘܣܘܼܦܝܲܝ ܠܹܗ ܕܣܵܓ݂ܕܝܼ ܠܚܲܝܠܵܘܵܬܹ̈ܐ ܕܫܡܲܝܵܐ، ܐܲܝܟ݂ ܕܝܼܠܹܗ ܟܬܝܼܒ݂ܵܐ ܒܟܬܵܒ݂ܵܐ ܕܢܒ݂ܝܼܹ̈ܐ:
ܡܘܼܐܬܹܐ ܠܵܘܟ݂ܘܿܢ ܐܸܠܝܼ ܗܲܝܘܵܢܹ̈ܐ ܦܪ̈ܝܼܡܹܐ ܝܲܢ ܕܸܒ݂ܚܹ̈ܐ،
ܒܡܸܬܚܵܐ ܕܐܲܪܒܥܝܼ ܫܸܢܹ̈ܐ ܓܵܘ ܒܲܪܝܼܵܐ، ܝܵܐ ܒܹܝܬ ܝܼܣܪܵܝܹܠ؟
43”ܡܘܼܪܸܡ ܠܵܘܟ݂ܘܿܢ ܡܲܫܟܢܵܐ ܕܡܲܠܟܘܿܡ، ܘܟܵܘܟ݂ܒ݂ܵܐ ܕܐܲܠܵܗܵܐ ܪܦܵܢ،
ܨܲܠܡܹ̈ܐ ܕܥܒ݂ܝܼܕ ܠܵܘܟ݂ܘܿܢ ܘܣܓ݂ܝܼܕ ܠܵܘܟ݂ܘܿܢ ܐܸܠܲܝܗܝ.
ܒܘܼܬ ܐܵܗܵܐ ܒܸܬ ܛܵܪܕܹܢܵܘܟ݂ܘܿܢ ܠܗ̇ܘ ܓܹܒܵܐ ܐ݇ܚܹܪ݇ܢܵܐ ܕܒܵܒܹܠ.#ܥܡܘܣ 5:25‐27
44”ܐܲܒ݂ܵܗܵܬܲܢ̈ ܐܝܼܬ ܗ݇ܘܵܘ ܠܗܘܿܢ ܥܲܡܲܝܗܝ ܡܲܫܟܢܵܐ ܕܣܵܗܕܘܼܬܵܐ ܓܵܘ ܒܲܪܝܼܵܐ. ܦܝܼܫܵܐ ܝܗ݇ܘܵܐ ܬܘܼܪܨܵܐ ܐܲܝܟ݂ ܕܦܩܝܼܕ ܠܹܗ ܐܲܠܵܗܵܐ ܠܡܘܼܫܹܐ ܕܬܲܪܸܨ ܗ݇ܘܵܐ ܠܹܗ، ܒܕܡܘܼܬܵܐ ܕܡܘܼܚܙܹܐ ܠܹܗ ܐܸܠܹܗ.#ܡܦܩܢܐ 25:9، 40 45”ܡܘܼܥܒܸܪܗܘܿܢ ܐܲܒ݂ܵܗܵܬܲܢ̈ ܠܐܵܗܵܐ ܡܲܫܟܢܵܐ ܥܲܡܲܝܗܝ ܒܥܕܵܢܵܐ ܕܝܼܫܘܿܥ ܒܲܪ ܢܘܿܢ، ܐܝܼܡܲܢ ܕܫܩܝܼܠ ܠܗܘܿܢ ܠܐܲܪܥܵܐ ܡ̣ܢ ܐܸܡܘܵܬܹ̈ܐ ܕܛܪܝܼܕܲܝ ܠܹܗ ܐܲܠܵܗܵܐ ܡ̣ܢ ܩܵܕ݇ܡܲܝܗܝ،#ܝܫܘܥ ܒܪ ܢܘܢ 3:14‐17 ܘܦܝܼܫ ܠܹܗ ܬܵܡܵܐ ܗܲܠ ܝܵܘܡܵܢܹ̈ܐ ܕܕܵܘܝܼܕ، 46”ܗ̇ܘ ܕܡܘܼܫ݇ܟ̰ܸܚ ܠܹܗ ܫܵܦܵܩܲܬ ܩܵܕ݇ܡ ܐܲܠܵܗܵܐ، ܘܛܠܝܼܒ ܠܹܗ ܕܒܵܢܹܐ ܗ݇ܘܵܐ ܚܲܕ ܒܲܝܬܵܐ ܩܵܐ ܐܲܠܵܗܵܐ ܕܝܲܥܩܘܿܒ݂.#ܒ. ܫܡܘܐܝܠ 7:16‐18 47”ܐܝܼܢܵܐ ܫܠܹܝܡܘܿܢ ܝܼܗ݇ܘܵܐ ܕܒܢܹܐ ܠܹܗ ܐܸܠܹܗ ܒܲܝܬܵܐ.#ܐ. ܡܠܟ̈ܐ 6:1‐38 48”ܐܝܼܢܵܐ ܥܸܠܵܝܵܐ ܠܹܐ ܥܵܡܹܪ ܓܵܘ ܒܵܬܹ̈ܐ ܥܒ݂ܝܼܕܹܐ ܒܐܝܼܕܵܬܹ̈ܐ ܕܒܲܪܢܵܫܵܐ، ܐܲܝܟ݂ ܕܐ݇ܡܝܼܪܹܗ ܢܒ݂ܝܼܵܐ:
49’ܒܹܐܡܵܪܵܐ ܝܠܹܗ ܡܵܪܝܵܐ، ”ܫܡܲܝܵܐ ܬܪܘܿܢܘܿܣܝܼ ܝܠܵܗ̇، ܘܐܲܪܥܵܐ ܟܘܼܒ݂ܫܵܐ ܬܚܘܿܬ ܐܲܩܠܵܬܝܼ̈، ܡܘܿܕܝܼ ܒܲܝܬܵܐ ܒܸܬ ܒܵܢܹܝܬܘܿܢ ܐܸܠܝܼ؟ ܝܲܢ ܐܲܝܟܵܐ ܝܠܵܗ̇ ܕܘܼܟܵܐ ܕܢܝܵܚܬܝܼ؟
50”ܠܹܐ ܝܠܵܗ̇ ܐܝܼܕܝܼ ܥܒ݂ܝܼܕܬܲܝ ܟܠܲܝܗܝ ܐܲܢܹܐ؟“‘#ܐܫܥܝܐ 66:1‐2
51”ܝܵܐ ܩܕܵܠܲܝܗܝ ܩܸܫܝܵܐ، ܘܠܵܐ ܓܙܝܼܪܹܐ ܒܠܸܒܵܐ ܘܒܢܵܬܝܵܬܹ̈ܐ، ܐܘܼܦ ܐܲܚܬܘܿܢ ܐܲܝܟ݂ ܐܲܒ݂ܵܗܵܬܵܘ̈ܟ݂ܘܿܢ ܝܼܬܘܿܢ، ܒܟܠ ܥܕܵܢܵܐ ܟܹܐ ܩܵܝܡܝܼܬܘܿܢ ܕܲܠܩܘܼܒ݂ܠ ܕܪܘܼܚܵܐ ܕܩܘܼܕܫܵܐ.#ܐܫܥܝܐ 63:10 52”ܠܐܲܝܢܝܼ ܡ̣ܢ ܢܒ݂ܝܼܹ̈ܐ ܠܵܐ ܟܘܼܡܸܪܗܘܿܢ ܐܲܒ݂ܵܗܵܬܵܘ̈ܟ݂ܘܿܢ؟ ܩܛܝܼܠ ܠܗܘܿܢ ܐܘܼܦ ܠܐܵܢܝܼ ܢܒ݂ܝܼܹ̈ܐ ܕܩܵܕ݇ܡܵܝܬܵܐ ܢܘܼܒܹܐ ܠܗܘܿܢ ܒܘܼܬ ܐ݇ܬܵܝܬܵܐ ܕܙܲܕܝܼܩܵܐ، ܗ̇ܘ ܕܐܲܚܬܘܿܢ ܐܵܕܝܼܵܐ ܣܘܼܦܹܐ ܠܵܘܟ݂ܘܿܢ ܘܩܛܝܼܠ ܠܵܘܟ݂ܘܿܢ. 53”ܐܲܚܬܘܿܢ ܕܩܘܼܒܸܠ ܠܵܘܟ݂ܘܿܢ ܢܵܡܘܿܣܵܐ ܒܝܲܕ ܦܘܼܩܕܵܢܵܐ ܕܡܲܠܲܐܟܹ̈ܐ، ܠܵܐ ܢܛܝܼܪܵܘܟ݂ܘܿܢ ܠܢܵܡܘܿܣܵܐ.“
ܪܓ̰ܵܡܬܵܐ ܕܐܸܣܛܲܦܵܢܘܿܣ
54ܟܲܕ ܫܡܝܼܥ ܠܗܘܿܢ ܐܲܢܹܐ ܗܹܡܸܙܡܵܢܹ̈ܐ، ܡܠܹܐ ܠܗܘܿܢ ܟܲܪܒܵܐ ܒܠܸܒܲܝܗܝ ܘܚܘܼܪܚܸܟ̃ ܠܗܘܿܢ ܟܹܟܲܝ̈ܗܝ ܠܐܸܣܛܲܦܵܢܘܿܣ. 55ܘܗ̇ܘ ܟܲܕ ܡܸܠܝܵܐ ܪܘܼܚܵܐ ܕܩܘܼܕܫܵܐ، ܚܝܼܪܹܗ ܠܫܡܲܝܵܐ ܘܚܙܹܐ ܠܹܗ ܫܘܼܒ݂ܚܵܐ ܕܐܲܠܵܗܵܐ، ܘܝܼܫܘܿܥ ܟܸܠܝܵܐ ܡ̣ܢ ܝܲܡܝܼܢܵܐ ܕܐܲܠܵܗܵܐ، 56ܘܐ݇ܡܝܼܪܹܗ، ”ܗܵܐ ܒܸܚܙܵܝܵܐ ܝܘܸܢ ܫܡܲܝܹ̈ܐ ܦܬܝܼܚܹܐ، ܘܒܪܘܿܢܵܐ ܕܐ݇ܢܵܫܵܐ ܟܸܠܝܵܐ ܡ̣ܢ ܝܲܡܝܼܢܵܐ ܕܐܲܠܵܗܵܐ.“ 57ܐܝܼܢܵܐ ܐܵܢܝܼ ܡܘܼܩܘܸܚ ܠܗܘܿܢ ܒܩܵܠܵܐ ܪܵܡܵܐ، ܘܐ݇ܟ̰ܝܼܡ ܠܗܘܿܢ ܢܵܬܝܵܬܲܝ̈ܗܝ، ܘܨܦܝܼܚ ܠܗܘܿܢ ܥܲܠܘܼܗܝ ܟܠܲܝܗܝ ܡܥܘܼܕܵܠܹ̈ܐ. 58ܦܘܼܠܸܛ ܠܗܘܿܢ ܐܸܠܹܗ ܠܒܲܕܲܪ ܡ̣ܢ ܡܕܝܼܢ݇ܬܵܐ ܘܪܓ̰ܝܼܡ ܠܗܘܿܢ ܐܸܠܹܗ. ܘܪ̈ܵܓ̰ܡܵܢܹܐ ܡܘܼܬܸܒ݂ ܠܗܘܿܢ ܓ̰ܘܼܠܲܝ̈ܗܝ ܠܟܸܣ ܐܲܩܠܵܬܹ̈ܐ ܕܚܲܕ ܓ̰ܘܲܢܩܵܐ ܫܸܡܹܗ ܫܵܐܘܿܠ. 59ܟܲܕ ܐܵܢܝܼ ܒܸܪܓ̰ܵܡܹܗ، ܨܘܼܠܹܐ ܠܹܗ ܐܸܣܛܲܦܵܢܘܿܣ، ”ܡܵܪܲܢ ܝܼܫܘܿܥ، ܩܲܒܸܠ ܪܘܼܚܝܼ.“ 60ܒܪܝܼܟ ܠܹܗ ܘܡܘܼܩܘܸܚ ܠܹܗ ܒܩܵܠܵܐ ܪܵܡܵܐ، ”ܡܵܪܲܢ، ܠܵܐ ܕܵܒ݂ܩܹܬ ܐܸܠܲܝܗܝ ܐܵܗܵܐ ܚܛܝܼܬܵܐ.“ ܘܟܲܕ ܐ݇ܡܝܼܪܹܗ ܐܵܗܵܐ، ܕܡܝܼܟ݂ ܠܹܗ.
Currently Selected:
ܣܘܥܪ̈ܢܐ 7: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܣܘܥܪ̈ܢܐ 7
7
ܡܲܡܠܠܵܐ ܕܐܸܣܛܲܦܵܢܘܿܣ
1ܗ̇ܝܓܵܗ ܒܘܼܩܸܪܹܗ ܡܸܢܹܗ ܓܘܼܪܵܐ ܕܟܵܗܢܹ̈ܐ، ”ܫܲܪܝܼܪܹ̈ܐ ܝܢܵܐ ܐܲܢܹܐ ܕܒܹܐܡܵܪܲܝ ܝܢܵܐ ܥܲܠܘܼܟ݂؟“ 2ܓ̰ܘܼܘܸܒ ܠܹܗ ܐܸܣܛܲܦܵܢܘܿܣ، ”ܐ݇ܢܵܫܹ̈ܐ ܐܲܚܘܿܢܘܵܬܹ̈ܐ ܘܒܵܒܵܘܵܬܹ̈ܐ، ܫܡܸܥܡܘܼܢ ܐܸܠܝܼ. ܐܲܠܵܗܵܐ ܕܫܘܼܒ݂ܚܵܐ ܦܝܼܫ ܠܹܗ ܚܸܙܝܵܐ ܠܒܵܒܲܢ ܐܲܒ݂ܪܵܗܵܡ ܟܲܕ ܗ̇ܘ ܓܵܘ ܒܹܝܬ ܢܲܗܪ̈ܝܼܢ، ܡ̣ܢ ܩܵܕ݇ܡ ܕܥܵܡܹܪ ܗ݇ܘܵܐ ܒܚܵܪܵܢ، 3”ܘܐ݇ܡܝܼܪܹܗ ܐܸܠܹܗ، ’ܫܒ݂ܘܿܩ ܠܐܲܬܪܘܼܟ݂ ܘܠܚܸܙܡܵܢܘܼ̈ܟ݂، ܘܙܹܠ݇ ܠܐܲܬܪܵܐ ܕܐܵܢܵܐ ܡܲܚܙܸܝܢܘܼܟ݂.‘#ܒܪܝܬܐ 12:1 4”ܘܦܠܝܼܛ ܠܹܗ ܐܲܒ݂ܪܵܗܵܡ ܡ̣ܢ ܐܲܪܥܵܐ ܕܟܲܠܕܵܝܹ̈ܐ، ܘܐ݇ܬܹܐ ܠܹܗ ܘܥܡܝܼܪܹܗ ܒܚܵܪܵܢ.#ܒܪܝܬܐ 11:31 ܘܡ̣ܢ ܒܵܬ݇ܪ ܕܡܝܼܬ ܠܹܗ ܒܵܒܘܼܗܝ ܬܵܡܵܐ، ܫܘܼܕܸܪܹܗ ܐܸܠܹܗ ܐܲܠܵܗܵܐ ܠܐܵܗܵܐ ܐܲܪܥܵܐ ܕܐܲܚܬܘܿܢ ܐܸܕܝܘܿܡ ܒܸܥܡܵܪܵܐ ܝܬܘܿܢ ܓܵܘܘܼܗ̇،#ܒܪܝܬܐ 12:4‐5 5”ܘܠܵܐ ܝܘܼܗ݇ܒܸܠ ܠܹܗ ܐܸܠܹܗ ܝܵܪܬܘܼܬܵܐ ܓܵܘܘܼܗ̇، ܐܘܼܦ ܠܵܐ ܫܵܘܦܵܐ ܕܐܲܩܠܵܐ. ܐܝܼܢܵܐ ܩܘܼܘܸܠ ܠܹܗ ܐܲܠܵܗܵܐ ܕܒܸܬ ܝܲܗ݇ܒܸܠ ܗ݇ܘܵܐ ܠܵܗ̇ ܝܵܪܬܘܼܬܵܐ ܐܸܠܹܗ ܘܠܙܲܪܥܹܗ ܕܡ̣ܢ ܒܵܬ݇ܪ ܡܸܢܹܗ، ܟܲܕ ܒܗ̇ܝ ܥܕܵܢܵܐ ܐܲܒ݂ܪܵܗܵܡ ܠܲܝܬ ܗ݇ܘܵܐ ܠܹܗ ܒܪܘܿܢܵܐ.#ܒܪܝܬܐ 12:7، 17:8 6”ܗܘܼܡܙܸܡ ܠܹܗ ܐܲܠܵܗܵܐ ܥܲܡܹܗ، ܒܹܐܡܵܪܵܐ، ܕܒܸܬ ܗܵܘܹܐ ܙܲܪܥܹܗ ܬܵܘܬܵܒ݂ܵܐ ܒܐܲܪܥܵܐ ܢܘܼܟ݂ܪܵܝܬܵܐ، ܘܒܸܬ ܦܵܐܹܫ ܥܲܒ݂ܕܵܐ، ܘܒܸܬ ܦܵܐܹܫ ܡܘܼܠܝܸܨܵܐ ܩܵܐ ܐܲܪܒܲܥܡܵܐܐ ܫܸܢܹ̈ܐ. 7”’ܐܝܼܢܵܐ ܒܸܬ ܕܵܝܢܹܢ ܠܐܘܼܡܬܵܐ ܕܥܵܒܹܕ ܐܸܠܘܼܗ̇ ܥܲܒ݂ܕܘܼܬܵܐ،‘ ܐ݇ܡܝܼܪܹܗ ܐܲܠܵܗܵܐ. ’ܡ̣ܢ ܒܵܬ݇ܪ ܐܵܗܵܐ، ܒܸܬ ܦܵܠܹܛ ܘܒܸܬ ܣܵܓܹܕ ܐܸܠܝܼ ܒܐܵܗܵܐ ܕܘܼܟܵܐ.‘#ܒܪܝܬܐ 15:13‐14 8”ܘܝܘܼܗ݇ܒܸܠ ܠܹܗ ܠܐܲܒ݂ܪܵܗܵܡ ܘܲܥܕܵܐ ܕܓܙܘܼܪܬܵܐ.#ܒܪܝܬܐ 17:10‐14 ܘܐܲܒ݂ܪܵܗܵܡ ܡܘܼܠܸܕ ܠܹܗ ܠܐܝܼܣܚܵܩ، ܘܓܙܝܼܪܹܗ ܐܸܠܹܗ ܒܝܵܘܡܵܐ ܕܬܡܵܢܝܵܐ، ܘܐܝܼܣܚܵܩ ܡܘܼܠܸܕ ܠܹܗ ܠܝܲܥܩܘܿܒ݂، ܘܝܲܥܩܘܿܒ݂ ܡܘܼܠܸܕ ܠܹܗ ܠܬܪܸܥܣܲܪ ܐܲܒ݂ܵܗܵܬܹ̈ܐ. 9”ܘܐܲܢܹܐ ܐܲܒ݂ܵܗܵܬܹ̈ܐ ܒܘܼܚܸܠ ܠܗܘܿܢ ܒܝܵܘܣܸܦ،#ܒܪܝܬܐ 37:4، 11 ܘܙܘܼܒܸܢܗܘܿܢ ܐܸܠܹܗ ܠܥܲܒ݂ܕܘܼܬܵܐ ܓܵܘ ܡܸܨܪܹܝܢ،#ܒܪܝܬܐ 37:28 ܐܝܼܢܵܐ ܐܲܠܵܗܵܐ ܥܲܡܹܗ ܝܗ݇ܘܵܐ، 10”ܘܦܘܼܨܹܐ ܠܹܗ ܐܸܠܹܗ ܡ̣ܢ ܟܠܲܝܗܝ ܐܘܼܠܨܵܢܘܼ̈ܗܝ، ܘܝܘܼܗ݇ܒܸܠ ܠܹܗ ܐܸܠܹܗ ܫܵܦܵܩܲܬ ܘܚܸܟ݂ܡܬܵܐ ܒܥܲܝܢܹ̈ܐ ܕܦܸܪܥܘܿܢ ܡܲܠܟܵܐ ܕܡܸܨܪܹܝܢ، ܘܥܒ݂ܝܼܕ ܠܹܗ ܐܸܠܹܗ ܡܕܲܒܪܵܢܵܐ ܥܲܠ ܟܠܵܗ̇ ܡܸܨܪܹܝܢ ܘܥܲܠ ܟܠܹܗ ܒܲܝܬܹܗ،#ܒܪܝܬܐ 41:39‐44 11”ܗܘܹܐ ܠܹܗ ܟܸܦܢܵܐ ܘܐܘܼܠܨܵܢܵܐ ܓܘܼܪܵܐ ܒܟܠܵܗ̇ ܐܲܪܥܵܐ ܕܡܸܨܪܹܝܢ ܘܒܟܢܲܥܢ، ܘܐܲܒ݂ܵܗܵܬܲܢ̈ ܠܵܐ ܡܘܼܫ݇ܟ̰ܸܚ ܠܗܘܿܢ ܡܹܐܟ݂ܘܼܠܬܵܐ.#ܒܪܝܬܐ 41:53‐56 12”ܐܝܼܡܲܢ ܕܫܡܝܼܥ ܠܹܗ ܝܲܥܩܘܿܒ݂ ܕܐܝܼܬ ܗ݇ܘܵܐ ܕܲܚܠܵܐ ܓܵܘ ܡܸܨܪܹܝܢ، ܫܘܼܕܪܲܝ ܠܹܗ ܐܲܒ݂ܵܗܵܬܲܢ̈ ܠܬܵܡܵܐ ܓܵܗܵܐ ܩܵܕ݇ܡܵܝܬܵܐ،#ܒܪܝܬܐ 42:1‐3 13”ܓܵܗܵܐ ܕܬܲܪܬܹܝ، ܡܘܼܕܸܥܵܐ ܠܹܗ ܝܵܘܣܸܦ ܓܵܢܹܗ ܠܐܲܚܘܿܢܘܵܬܹ̈ܗ.#ܒܪܝܬܐ 45:1‐3، 16 ܐܘܼܦ ܒܲܝܬܵܐ ܕܝܵܘܣܸܦ ܦܝܼܫ ܠܹܗ ܝ݇ܕܝܼܥܵܐ ܠܦܸܪܥܘܿܢ. 14”ܡ̣ܢ ܒܵܬ݇ܪ ܐܵܗܵܐ، ܫܘܼܕܸܪܹܗ ܝܵܘܣܸܦ ܘܡܘܼܐܬܹܐ ܠܹܗ ܠܒܵܒܘܼܗܝ ܝܲܥܩܘܿܒ݂ ܘܠܟܠܲܝܗܝ ܚܸܙܡܵܢܘܼ̈ܗܝ، ܫܲܒ݂ܥܝܼ ܘܚܲܡܸܫ ܓܵܢܵܬܹ̈ܐ.#ܒܪܝܬܐ 45:9‐10، 46:26‐27 15”ܘܨܠܹܐ ܠܹܗ ܝܲܥܩܘܿܒ݂ ܠܡܸܨܪܹܝܢ ܘܡܝܼܬ ܠܹܗ ܬܵܡܵܐ، ܗ̇ܘ ܘܐܘܼܦ ܐܲܒ݂ܵܗܵܬܲܢ̈.#ܒܪܝܬܐ 49:33؛ ܡܦܩܢܐ 1:6 16”ܘܦܲܓ݂ܪ̈ܲܝܗܝ ܦܝܼܫ ܠܗܘܿܢ ܫܘܼܢܝܹܐ ܠܫܟܹܝܡ، ܡܘܼܬܒܹܐ ܓܵܘ ܩܲܒ݂ܪܵܐ ܕܙܒ݂ܝܼܢܹܗ ܝܗ݇ܘܵܐ ܐܲܒ݂ܪܵܗܵܡ ܒܙܘܼܙܹ̈ܐ ܕܣܹܐܡܵܐ ܡ̣ܢ ܒܢܘܿܢܹ̈ܐ ܕܚܡܘܿܪ ܒܫܟܹܝܡ.#ܒܪܝܬܐ 23:3‐20، 33:19، 50:13؛ ܝܫܘܥ ܒܪ ܢܘܢ 24:32 17”ܘܟܲܕ ܩܘܼܪܒܸܢܵܗ̇ ܥܕܵܢܵܐ ܕܬܲܡܸܡ ܗ݇ܘܵܐ ܐܲܠܵܗܵܐ ܩܵܘܠܹܗ ܕܥܒ݂ܝܼܕ ܠܹܗ ܥܲܡ ܐܲܒ݂ܪܵܗܵܡ، ܙܝܼܕ ܠܹܗ ܥܲܡܵܐ ܕܝܼܲܢ ܪܵܒܵܐ ܓܵܘ ܡܸܨܪܹܝܢ، 18”ܗܲܠ ܕܩܝܼܡ ܠܹܗ ܚܲܕ ܡܲܠܟܵܐ ܐ݇ܚܹܪ݇ܢܵܐ ܥܲܠ ܡܸܨܪܹܝܢ، ܐܲܝܢܝܼ ܕܠܵܐ ܝ݇ܕܝܼܥ ܠܹܗ ܠܝܵܘܣܸܦ.#ܡܦܩܢܐ 1:7‐8 19”ܐܵܗܵܐ ܡܲܠܟܵܐ ܥܘܼܠܕܹܐ ܠܹܗ ܠܥܲܡܲܢ، ܘܡܘܼܠܝܸܨ ܠܹܗ ܠܐܲܒ݂ܵܗܵܬܲܢ̈،#ܡܦܩܢܐ 1:10‐11 ܘܦܩܝܼܕ ܠܹܗ ܕܪܲܦܝܼ ܗ݇ܘܵܘ ܠܝܲܠܘܼܕܲܝ̈ܗܝ ܕܡܵܝܬܝܼ ܗ݇ܘܵܘ.
20”ܒܗ̇ܝ ܥܕܵܢܵܐ ܦܝܼܫ ܠܹܗ ܝ݇ܠܝܼܕܵܐ ܡܘܼܫܹܐ، ܘܫܲܦܝܼܪܵܐ ܝܗ݇ܘܵܐ ܩܵܕ݇ܡ ܐܲܠܵܗܵܐ، ܘܩܵܐ ܡܸܬܚܵܐ ܕܬܠܵܬܵܐ ܝܲܪ̈ܚܹܐ ܓܘܼܪܘܸܣ ܠܹܗ ܓܵܘ ܒܲܝܬܵܐ ܕܒܵܒܘܼܗܝ. 21”ܘܐܝܼܡܲܢ ܕܦܝܼܫ ܠܹܗ ܪܘܼܦܝܵܐ، ܫܩܝܼܠ ܠܵܗ̇ ܐܸܠܹܗ ܒܪܵܬܵܐ ܕܦܸܪܥܘܿܢ، ܘܓܘܼܪܘܸܣ ܠܵܗ̇ ܐܸܠܹܗ ܐܲܝܟ݂ ܒܪܘܿܢܵܐ ܕܓܵܢܘܼܗ̇.#ܡܦܩܢܐ 2:3‐10 22”ܘܦܝܼܫ ܠܹܗ ܡܘܼܠܦܵܐ ܡܘܼܫܹܐ ܒܟܠܵܗ̇ ܚܸܟ݂ܡܬܵܐ ܕܡܸܨܪ̈ܵܝܹܐ، ܘܚܲܝܠܵܢܵܐ ܝܗ݇ܘܵܐ ܒܗܹܡܸܙܡܵܢܘܼ̈ܗܝ ܘܒܦܘܼܠܚܵܢܘܼ̈ܗܝ. 23”ܘܐܝܼܡܲܢ ܕܗܘܹܐ ܠܹܗ ܡܘܼܫܹܐ ܐܲܪܒܥܝܼ ܫܸܢܹ̈ܐ، ܩܛܝܼܥ ܠܹܗ ܒܠܸܒܹܗ ܕܬܵܦܹܩ ܒܐܲܚܘܿܢܘܵܬܹ̈ܗ ܒܢܲܝ̈ ܝܼܣܪܵܝܹܠ. 24”ܚܙܹܐ ܠܹܗ ܚܲܕ ܡܸܢܲܝܗܝ ܦܝܵܫܵܐ ܡܘܼܠܝܸܨܵܐ ܒܚܲܕ ܡܸܨܪܵܝܵܐ، ܩܝܼܡ ܠܹܗ ܠܚܲܨܹܗ ܘܫܩܝܼܠ ܠܹܗ ܬܘܼܥܠܵܐ ܕܗ̇ܘ ܡܘܼܠܝܸܨܵܐ ܘܩܛܝܼܠ ܠܹܗ ܠܡܸܨܪܵܝܵܐ. 25”ܡܘܼܫܹܐ ܚܫܝܼܒ݂ ܠܹܗ ܕܐܲܚܘܿܢܘܵܬܹ̈ܗ ܒܸܬ ܦܲܪܡܝܼ ܗ݇ܘܵܘ ܕܐܲܠܵܗܵܐ ܒܐܝܼܕܹܗ ܒܸܬ ܦܲܪܸܩ ܗ݇ܘܵܐ ܠܗܘܿܢ. ܐܝܼܢܵܐ ܠܵܐ ܦܘܼܪܡܹܐ ܠܗܘܿܢ. 26”ܒܝܵܘܡܵܐ ܐ݇ܚܹܪ݇ܢܵܐ، ܡܘܼܫܹܐ ܚܙܹܐ ܠܹܗ ܬܪܹܝ ܐ݇ܢܵܫܹ̈ܐ ܡ̣ܢ ܒܢܲܝ̈ ܝܼܣܪܵܝܹܠ ܒܸܦܠܵܫܵܐ ܡܥܘܼܕܵܠܹ̈ܐ. ܒܥܹܐ ܠܹܗ ܠܣܲܙܓܘܼܪܲܝ، ܒܹܐܡܵܪܵܐ، ’ܝܵܐ ܐ݇ܢܵܫܹ̈ܐ، ܐܲܚܘܿܢܘܵܬܹ̈ܐ ܝܬܘܿܢ ܐܲܚܬܘܿܢ، ܩܵܡܘܿܕܝܼ ܒܸܦܠܵܫܵܐ ܝܬܘܿܢ ܚܲܕ ܥܲܡ ܗ̇ܘ ܐ݇ܚܹܪ݇ܢܵܐ؟‘ 27”ܐܝܼܢܵܐ ܗ̇ܘ ܕܝܼܗ݇ܘܵܐ ܒܸܛܠܵܡܵܐ ܠܗ̇ܘ ܐ݇ܚܹܪ݇ܢܵܐ ܚܘܼܪܙܸܦ ܠܹܗ ܐܸܠܹܗ ܘܐ݇ܡܝܼܪܹܗ، ’ܡܵܢܝܼ ܩܲܡ ܥܵܒܹܕ ܠܘܼܟ݂ ܥܲܠܲܢ ܓܘܼܪܵܐ ܘܕܲܝܵܢܵܐ؟ 28”’ܒܵܥܹܝܬ ܕܩܵܛܠܹܬ ܠܝܼ ܐܲܝܟ݂ ܕܐ݇ܬܸܡܵܠܝ ܩܛܝܼܠ ܠܘܼܟ݂ ܠܡܸܨܪܵܝܵܐ؟‘#ܡܦܩܢܐ 2:14 29”ܐܝܼܡܲܢ ܕܫܡܝܼܥ ܠܹܗ ܡܘܼܫܹܐ ܐܲܢܹܐ ܚܲܒܪܹ̈ܐ، ܥܪܝܼܩ ܠܹܗ ܠܐܲܬܪܵܐ ܕܡܸܕܝܲܢ،#ܡܦܩܢܐ 2:11‐15 ܘܚܝܹܐ ܠܹܗ ܬܵܡܵܐ ܐܲܝܟ݂ ܚܲܕ ܢܘܼܟ݂ܪܵܝܵܐ ܘܩܲܡ ܗܵܘܹܐ ܠܹܗ ܬܪܹܝ ܒܢܘܿܢܹ̈ܐ.
30”ܡ̣ܢ ܒܵܬ݇ܪ ܕܗܘܹܐ ܠܹܗ ܬܵܡܵܐ ܐܲܪܒܥܝܼ ܫܸܢܹ̈ܐ، ܦܝܼܫ ܠܹܗ ܚܸܙܝܵܐ ܐܸܠܹܗ ܡܲܠܲܐܟ݂ܵܐ ܓܵܘ ܠܵܗܵܐ ܕܢܘܼܪܵܐ ܒܣܲܢܝܵܐ، ܓܵܘ ܒܲܪܝܼܵܐ ܩܘܼܪܒܵܐ ܠܛܘܼܪܵܐ ܕܣܝܼܢܲܝ. 31”ܥܘܼܓ̰ܸܒ ܠܹܗ ܡܘܼܫܹܐ ܒܡܸܢܕܝܼ ܕܚܙܹܐ ܠܹܗ. ܐܝܼܡܲܢ ܕܩܘܼܪܒܸܢܹܗ ܕܚܵܙܹܐ ܡܘܿܕܝܼ ܝܗ݇ܘܵܐ، ܫܡܝܼܥ ܠܹܗ ܩܵܠܵܐ ܕܡܵܪܝܵܐ، 32”’ܐܵܢܵܐ ܝܘܸܢ ܐܲܠܵܗܵܐ ܕܐܲܒ݂ܵܗܵܬܘܼ̈ܟ݂، ܐܲܠܵܗܵܐ ܕܐܲܒ݂ܪܵܗܵܡ ܘܕܐܝܼܣܚܵܩ ܘܕܝܲܥܩܘܿܒ݂.‘#ܡܦܩܢܐ 3:6 ܘܪܓܝܼܕ ܠܹܗ ܡܘܼܫܹܐ، ܘܠܵܐ ܩܘܼܫܕܸܪܹܗ ܠܸܚܝܵܪܵܐ ܒܚܸܙܘܵܐ. 33”ܐ݇ܡܝܼܪܹܗ ܐܸܠܹܗ ܡܵܪܝܵܐ، ’ܫܲܠܸܚ ܨܵܘܠܘܼ̈ܟ݂ ܡ̣ܢ ܐܲܩܠܵܬܘܼ̈ܟ݂، ܣܵܒܵܒ ܐܲܪܥܵܐ ܕܟܸܠܝܵܐ ܝܘܸܬ ܥܲܠܘܼܗ̇ ܩܲܕܝܼܫܬܵܐ ܝܠܵܗ̇. 34”’ܫܲܪܝܼܪܵܐܝܼܬ ܚܙܵܝܵܐ ܚܙܹܐ ܠܝܼ ܐܘܼܠܨܵܢܵܐ ܕܥܲܡܝܼ ܓܵܘ ܡܸܨܪܹܝܢ، ܘܫܡܝܼܥ ܠܝܼ ܬܵܢܲܚܝܵܬܲܝ̈ܗܝ، ܘܨܠܹܐ ܠܝܼ ܕܦܲܨܹܝܢܗܘܿܢ. ܘܐܵܕܝܼܵܐ ܬܵܐ، ܫܲܕܪܸܢܘܼܟ݂ ܠܡܸܨܪܹܝܢ.‘#ܡܦܩܢܐ 3:5، 3:7‐8، 10 35”ܗܲܪ ܠܐܵܗܵܐ ܡܘܼܫܹܐ، ܕܡܘܼܣܠܹܐ ܠܗܘܿܢ ܐܸܠܹܗ، ܒܹܐܡܵܪܵܐ، ’ܡܵܢܝܼ ܩܲܡ ܥܵܒܹܕ ܠܘܼܟ݂ ܥܲܠܲܢ ܓܘܼܪܵܐ ܘܕܲܝܵܢܵܐ؟‘ ܫܘܼܕܸܪܹܗ ܐܸܠܲܝܗܝ ܐܲܠܵܗܵܐ ܪܹܫܵܐ ܘܦܵܪܘܿܩܵܐ، ܒܝܲܕ ܡܲܠܲܐܟ݂ܵܐ ܕܦܝܼܫ ܠܹܗ ܚܸܙܝܵܐ ܐܸܠܹܗ ܒܣܲܢܝܵܐ. 36”ܐܵܗܵܐ ܦܘܼܠܛܲܝ ܠܹܗ ܡ̣ܢ ܡܸܨܪܹܝܢ، ܘܥܒ݂ܝܼܕ ܠܹܗ ܕܘܼܡܵܪܹ̈ܐ ܘܢܝܼܫܲܢܩܹ̈ܐ ܓܵܘ ܡܸܨܪܹܝܢ، ܘܒܝܵܡܵܐ ܕܣܘܿܦ#7:36 ܥܸܒ݂ܪܵܐܝܼܬ ܒܡܲܥܢܵܝܵܐ: ܝܵܡܵܐ ܕܙܹܠܹ̈ܐ، ܘܦܝܼܫܬܵܐ ܝ݇ܕܝܼܥܬܵܐ ”ܝܵܡܵܐ ܣܡܘܿܩܬܵܐ“ ܒܝܲܕ ܐܲܨܲܚܬܵܐ ܝܵܘܢܵܝܬܵܐ. ، ܘܐܲܪܒܥܝܼ ܫܸܢܹ̈ܐ ܓܵܘ ܒܲܪܝܼܵܐ.#ܡܦܩܢܐ 7:3، 12:41 37”ܐܵܗܵܐ ܝܠܹܗ ܡܘܼܫܹܐ، ܗ̇ܘ ܕܐ݇ܡܝܼܪܹܗ ܠܒܢܲܝ̈ ܝܼܣܪܵܝܹܠ، ’ܐܲܠܵܗܵܐ ܒܸܬ ܫܲܕܸܪܵܘܟ݂ܘܿܢ ܢܒ݂ܝܼܵܐ ܡܐܲܝܟ݂ ܕܝܼܝܼ ܡ̣ܢ ܓܵܘ ܐܲܚܘܿܢܘܵܬܵܘ̈ܟ݂ܘܿܢ.‘#ܬܢܝܢ ܢܡܘܣܐ 18:15، 18 38”ܐܵܗܵܐ ܓ̰ܡܝܼܥ ܠܹܗ ܥܲܡ ܐܲܒ݂ܵܗܵܬܲܢ̈ ܓܵܘ ܒܲܪܝܼܵܐ، ܘܥܲܡ ܡܲܠܲܐܟ݂ܵܐ، ܗ̇ܘ ܕܗܘܼܡܙܸܡ ܠܹܗ ܥܲܡܹܗ ܓܵܘ ܛܘܼܪܵܐ ܕܣܝܼܢܲܝ، ܘܩܘܼܒܸܠ ܠܹܗ ܗܹܡܸܙܡܵܢܹ̈ܐ ܕܚܲܝܹ̈ܐ ܕܣܘܼܦܝܲܝ ܠܹܗ ܐܸܠܲܢ.#ܡܦܩܢܐ 19:17 39”ܐܝܼܢܵܐ ܐܲܒ݂ܵܗܵܬܲܢ̈ ܠܵܐ ܫܡܝܼܥ ܠܗܘܿܢ ܐܸܠܹܗ، ܐܸܠܵܐ ܫܒ݂ܝܼܩ ܠܗܘܿܢ ܐܸܠܹܗ ܘܒܠܸܒܲܝܗܝ ܕܝܼܪܗܘܿܢ ܠܡܸܨܪܹܝܢ. 40”ܐ݇ܡܝܼܪܗܘܿܢ ܠܐܲܗܪܘܿܢ، ’ܥܒ݂ܘܿܕ ܐܸܠܲܢ ܐܲܠܵܗܹ̈ܐ ܕܐܵܙܠ݇ܝܼ ܩܵܕ݇ܡܲܢ، ܣܵܒܵܒ ܐܵܗܵܐ ܡܘܼܫܹܐ ܕܦܘܼܠܸܛ ܠܹܗ ܐܸܠܲܢ ܡ̣ܢ ܡܸܨܪܹܝܢ، ܠܹܐ ܝܘܲܚ ܒܝܼܕܵܥܵܐ ܡܘܿܕܝܼ ܗܘܹܐ ܠܹܗ ܐܸܠܹܗ.‘#ܡܦܩܢܐ 32:1 41”ܬܘܼܪܸܨ ܠܗܘܿܢ ܨܲܠܡܵܐ ܕܡܘܼܓ̰ܵܐ ܒܐܵܢܝܼ ܝܵܘܡܵܢܹ̈ܐ، ܘܕܒ݂ܝܼܚ ܠܗܘܿܢ ܕܸܒ݂ܚܹ̈ܐ ܐܸܠܹܗ، ܘܥܒ݂ܝܼܕ ܠܗܘܿܢ ܒܘܼܣܵܡܵܐ ܒܦܘܼܠܚܵܢܵܐ ܕܐܝܼܕܵܬܲܝ̈ܗܝ.#ܡܦܩܢܐ 32:2‐6 42”ܐܝܼܢܵܐ ܦܬܝܼܠ ܠܹܗ ܐܲܠܵܗܵܐ ܘܣܘܼܦܝܲܝ ܠܹܗ ܕܣܵܓ݂ܕܝܼ ܠܚܲܝܠܵܘܵܬܹ̈ܐ ܕܫܡܲܝܵܐ، ܐܲܝܟ݂ ܕܝܼܠܹܗ ܟܬܝܼܒ݂ܵܐ ܒܟܬܵܒ݂ܵܐ ܕܢܒ݂ܝܼܹ̈ܐ:
ܡܘܼܐܬܹܐ ܠܵܘܟ݂ܘܿܢ ܐܸܠܝܼ ܗܲܝܘܵܢܹ̈ܐ ܦܪ̈ܝܼܡܹܐ ܝܲܢ ܕܸܒ݂ܚܹ̈ܐ،
ܒܡܸܬܚܵܐ ܕܐܲܪܒܥܝܼ ܫܸܢܹ̈ܐ ܓܵܘ ܒܲܪܝܼܵܐ، ܝܵܐ ܒܹܝܬ ܝܼܣܪܵܝܹܠ؟
43”ܡܘܼܪܸܡ ܠܵܘܟ݂ܘܿܢ ܡܲܫܟܢܵܐ ܕܡܲܠܟܘܿܡ، ܘܟܵܘܟ݂ܒ݂ܵܐ ܕܐܲܠܵܗܵܐ ܪܦܵܢ،
ܨܲܠܡܹ̈ܐ ܕܥܒ݂ܝܼܕ ܠܵܘܟ݂ܘܿܢ ܘܣܓ݂ܝܼܕ ܠܵܘܟ݂ܘܿܢ ܐܸܠܲܝܗܝ.
ܒܘܼܬ ܐܵܗܵܐ ܒܸܬ ܛܵܪܕܹܢܵܘܟ݂ܘܿܢ ܠܗ̇ܘ ܓܹܒܵܐ ܐ݇ܚܹܪ݇ܢܵܐ ܕܒܵܒܹܠ.#ܥܡܘܣ 5:25‐27
44”ܐܲܒ݂ܵܗܵܬܲܢ̈ ܐܝܼܬ ܗ݇ܘܵܘ ܠܗܘܿܢ ܥܲܡܲܝܗܝ ܡܲܫܟܢܵܐ ܕܣܵܗܕܘܼܬܵܐ ܓܵܘ ܒܲܪܝܼܵܐ. ܦܝܼܫܵܐ ܝܗ݇ܘܵܐ ܬܘܼܪܨܵܐ ܐܲܝܟ݂ ܕܦܩܝܼܕ ܠܹܗ ܐܲܠܵܗܵܐ ܠܡܘܼܫܹܐ ܕܬܲܪܸܨ ܗ݇ܘܵܐ ܠܹܗ، ܒܕܡܘܼܬܵܐ ܕܡܘܼܚܙܹܐ ܠܹܗ ܐܸܠܹܗ.#ܡܦܩܢܐ 25:9، 40 45”ܡܘܼܥܒܸܪܗܘܿܢ ܐܲܒ݂ܵܗܵܬܲܢ̈ ܠܐܵܗܵܐ ܡܲܫܟܢܵܐ ܥܲܡܲܝܗܝ ܒܥܕܵܢܵܐ ܕܝܼܫܘܿܥ ܒܲܪ ܢܘܿܢ، ܐܝܼܡܲܢ ܕܫܩܝܼܠ ܠܗܘܿܢ ܠܐܲܪܥܵܐ ܡ̣ܢ ܐܸܡܘܵܬܹ̈ܐ ܕܛܪܝܼܕܲܝ ܠܹܗ ܐܲܠܵܗܵܐ ܡ̣ܢ ܩܵܕ݇ܡܲܝܗܝ،#ܝܫܘܥ ܒܪ ܢܘܢ 3:14‐17 ܘܦܝܼܫ ܠܹܗ ܬܵܡܵܐ ܗܲܠ ܝܵܘܡܵܢܹ̈ܐ ܕܕܵܘܝܼܕ، 46”ܗ̇ܘ ܕܡܘܼܫ݇ܟ̰ܸܚ ܠܹܗ ܫܵܦܵܩܲܬ ܩܵܕ݇ܡ ܐܲܠܵܗܵܐ، ܘܛܠܝܼܒ ܠܹܗ ܕܒܵܢܹܐ ܗ݇ܘܵܐ ܚܲܕ ܒܲܝܬܵܐ ܩܵܐ ܐܲܠܵܗܵܐ ܕܝܲܥܩܘܿܒ݂.#ܒ. ܫܡܘܐܝܠ 7:16‐18 47”ܐܝܼܢܵܐ ܫܠܹܝܡܘܿܢ ܝܼܗ݇ܘܵܐ ܕܒܢܹܐ ܠܹܗ ܐܸܠܹܗ ܒܲܝܬܵܐ.#ܐ. ܡܠܟ̈ܐ 6:1‐38 48”ܐܝܼܢܵܐ ܥܸܠܵܝܵܐ ܠܹܐ ܥܵܡܹܪ ܓܵܘ ܒܵܬܹ̈ܐ ܥܒ݂ܝܼܕܹܐ ܒܐܝܼܕܵܬܹ̈ܐ ܕܒܲܪܢܵܫܵܐ، ܐܲܝܟ݂ ܕܐ݇ܡܝܼܪܹܗ ܢܒ݂ܝܼܵܐ:
49’ܒܹܐܡܵܪܵܐ ܝܠܹܗ ܡܵܪܝܵܐ، ”ܫܡܲܝܵܐ ܬܪܘܿܢܘܿܣܝܼ ܝܠܵܗ̇، ܘܐܲܪܥܵܐ ܟܘܼܒ݂ܫܵܐ ܬܚܘܿܬ ܐܲܩܠܵܬܝܼ̈، ܡܘܿܕܝܼ ܒܲܝܬܵܐ ܒܸܬ ܒܵܢܹܝܬܘܿܢ ܐܸܠܝܼ؟ ܝܲܢ ܐܲܝܟܵܐ ܝܠܵܗ̇ ܕܘܼܟܵܐ ܕܢܝܵܚܬܝܼ؟
50”ܠܹܐ ܝܠܵܗ̇ ܐܝܼܕܝܼ ܥܒ݂ܝܼܕܬܲܝ ܟܠܲܝܗܝ ܐܲܢܹܐ؟“‘#ܐܫܥܝܐ 66:1‐2
51”ܝܵܐ ܩܕܵܠܲܝܗܝ ܩܸܫܝܵܐ، ܘܠܵܐ ܓܙܝܼܪܹܐ ܒܠܸܒܵܐ ܘܒܢܵܬܝܵܬܹ̈ܐ، ܐܘܼܦ ܐܲܚܬܘܿܢ ܐܲܝܟ݂ ܐܲܒ݂ܵܗܵܬܵܘ̈ܟ݂ܘܿܢ ܝܼܬܘܿܢ، ܒܟܠ ܥܕܵܢܵܐ ܟܹܐ ܩܵܝܡܝܼܬܘܿܢ ܕܲܠܩܘܼܒ݂ܠ ܕܪܘܼܚܵܐ ܕܩܘܼܕܫܵܐ.#ܐܫܥܝܐ 63:10 52”ܠܐܲܝܢܝܼ ܡ̣ܢ ܢܒ݂ܝܼܹ̈ܐ ܠܵܐ ܟܘܼܡܸܪܗܘܿܢ ܐܲܒ݂ܵܗܵܬܵܘ̈ܟ݂ܘܿܢ؟ ܩܛܝܼܠ ܠܗܘܿܢ ܐܘܼܦ ܠܐܵܢܝܼ ܢܒ݂ܝܼܹ̈ܐ ܕܩܵܕ݇ܡܵܝܬܵܐ ܢܘܼܒܹܐ ܠܗܘܿܢ ܒܘܼܬ ܐ݇ܬܵܝܬܵܐ ܕܙܲܕܝܼܩܵܐ، ܗ̇ܘ ܕܐܲܚܬܘܿܢ ܐܵܕܝܼܵܐ ܣܘܼܦܹܐ ܠܵܘܟ݂ܘܿܢ ܘܩܛܝܼܠ ܠܵܘܟ݂ܘܿܢ. 53”ܐܲܚܬܘܿܢ ܕܩܘܼܒܸܠ ܠܵܘܟ݂ܘܿܢ ܢܵܡܘܿܣܵܐ ܒܝܲܕ ܦܘܼܩܕܵܢܵܐ ܕܡܲܠܲܐܟܹ̈ܐ، ܠܵܐ ܢܛܝܼܪܵܘܟ݂ܘܿܢ ܠܢܵܡܘܿܣܵܐ.“
ܪܓ̰ܵܡܬܵܐ ܕܐܸܣܛܲܦܵܢܘܿܣ
54ܟܲܕ ܫܡܝܼܥ ܠܗܘܿܢ ܐܲܢܹܐ ܗܹܡܸܙܡܵܢܹ̈ܐ، ܡܠܹܐ ܠܗܘܿܢ ܟܲܪܒܵܐ ܒܠܸܒܲܝܗܝ ܘܚܘܼܪܚܸܟ̃ ܠܗܘܿܢ ܟܹܟܲܝ̈ܗܝ ܠܐܸܣܛܲܦܵܢܘܿܣ. 55ܘܗ̇ܘ ܟܲܕ ܡܸܠܝܵܐ ܪܘܼܚܵܐ ܕܩܘܼܕܫܵܐ، ܚܝܼܪܹܗ ܠܫܡܲܝܵܐ ܘܚܙܹܐ ܠܹܗ ܫܘܼܒ݂ܚܵܐ ܕܐܲܠܵܗܵܐ، ܘܝܼܫܘܿܥ ܟܸܠܝܵܐ ܡ̣ܢ ܝܲܡܝܼܢܵܐ ܕܐܲܠܵܗܵܐ، 56ܘܐ݇ܡܝܼܪܹܗ، ”ܗܵܐ ܒܸܚܙܵܝܵܐ ܝܘܸܢ ܫܡܲܝܹ̈ܐ ܦܬܝܼܚܹܐ، ܘܒܪܘܿܢܵܐ ܕܐ݇ܢܵܫܵܐ ܟܸܠܝܵܐ ܡ̣ܢ ܝܲܡܝܼܢܵܐ ܕܐܲܠܵܗܵܐ.“ 57ܐܝܼܢܵܐ ܐܵܢܝܼ ܡܘܼܩܘܸܚ ܠܗܘܿܢ ܒܩܵܠܵܐ ܪܵܡܵܐ، ܘܐ݇ܟ̰ܝܼܡ ܠܗܘܿܢ ܢܵܬܝܵܬܲܝ̈ܗܝ، ܘܨܦܝܼܚ ܠܗܘܿܢ ܥܲܠܘܼܗܝ ܟܠܲܝܗܝ ܡܥܘܼܕܵܠܹ̈ܐ. 58ܦܘܼܠܸܛ ܠܗܘܿܢ ܐܸܠܹܗ ܠܒܲܕܲܪ ܡ̣ܢ ܡܕܝܼܢ݇ܬܵܐ ܘܪܓ̰ܝܼܡ ܠܗܘܿܢ ܐܸܠܹܗ. ܘܪ̈ܵܓ̰ܡܵܢܹܐ ܡܘܼܬܸܒ݂ ܠܗܘܿܢ ܓ̰ܘܼܠܲܝ̈ܗܝ ܠܟܸܣ ܐܲܩܠܵܬܹ̈ܐ ܕܚܲܕ ܓ̰ܘܲܢܩܵܐ ܫܸܡܹܗ ܫܵܐܘܿܠ. 59ܟܲܕ ܐܵܢܝܼ ܒܸܪܓ̰ܵܡܹܗ، ܨܘܼܠܹܐ ܠܹܗ ܐܸܣܛܲܦܵܢܘܿܣ، ”ܡܵܪܲܢ ܝܼܫܘܿܥ، ܩܲܒܸܠ ܪܘܼܚܝܼ.“ 60ܒܪܝܼܟ ܠܹܗ ܘܡܘܼܩܘܸܚ ܠܹܗ ܒܩܵܠܵܐ ܪܵܡܵܐ، ”ܡܵܪܲܢ، ܠܵܐ ܕܵܒ݂ܩܹܬ ܐܸܠܲܝܗܝ ܐܵܗܵܐ ܚܛܝܼܬܵܐ.“ ܘܟܲܕ ܐ݇ܡܝܼܪܹܗ ܐܵܗܵܐ، ܕܡܝܼܟ݂ ܠܹܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation