ܣܘܥܪ̈ܢܐ 28
28
ܦܵܘܠܘܿܣ ܥܲܠ ܓܵܙܲܪܬܵܐ ܕܡܝܼܠܹܛܹܐ
1ܐܝܼܡܲܢ ܕܡܛܹܐ ܠܲܢ ܠܒܸܪܙܵܐ ܨܵܠܵܡܲܬ، ܝ݇ܕܝܼܥ ܠܲܢ ܕܗ̇ܝ ܓܵܙܲܪܬܵܐ ܟܹܐ ܦܵܝܫܵܐ ܗ݇ܘܵܐ ܩܪܝܼܬܵܐ ܡܝܼܠܹܛܹܐ. 2ܥܵܡܪ̈ܵܢܹܐ ܕܓܵܙܲܪܬܵܐ ܪܵܒܵܐ ܡܪ̈ܲܚܡܵܢܹܐ ܝܗ݇ܘܵܘ ܐܸܠܲܢ. ܫܝܼܪܗܘܿܢ ܢܘܼܪܵܐ ܘܩܪܹܐ ܠܗܘܿܢ ܐܸܠܲܢ ܕܫܵܚܢܲܚ ܗ݇ܘܵܘ ܣܵܒܵܒ ܡܸܛܪܵܐ ܒܸܪܥܵܝܵܐ ܝܗ݇ܘܵܐ ܘܩܲܪܬܵܐ ܝܗ݇ܘܵܐ. 3ܓ̰ܘܼܡܸܥ ܠܹܗ ܦܵܘܠܘܿܣ ܚܕܵܐ ܕܲܣܬܵܐ ܕܩܸܪ̈ܫܹܐ ܘܡܘܼܬܒܲܝ ܠܹܗ ܥܲܠ ܢܘܼܪܵܐ. ܘܡ̣ܢ ܚܸܡܬܵܐ ܕܢܘܼܪܵܐ ܦܠܝܼܛ ܠܹܗ ܚܲܕ ܐܵܟܸܕܢܵܐ ܘܛܦܹܐ ܠܹܗ ܒܐܝܼܕܹܗ. 4ܐܝܼܡܲܢ ܕܚܙܹܐ ܠܗܘܿܢ ܥܵܡܪ̈ܵܢܹܐ ܕܗ̇ܝ ܓܵܙܲܪܬܵܐ ܠܚܘܼܘܹܐ ܬܸܠܝܵܐ ܒܐܝܼܕܵܐ ܕܦܵܘܠܘܿܣ، ܐ݇ܡܝܼܪܗܘܿܢ ܚܲܕ ܠܗ̇ܘ ܐ݇ܚܹܪ݇ܢܵܐ، ”ܕܠܵܐ ܫܸܟ ܐܵܗܵܐ ܐ݇ܢܵܫܵܐ ܩܵܛܘܿܠܵܐ ܝܠܹܗ. ܐܘܼܦ ܐܸܢ ܕܦܪܝܼܩ ܠܹܗ ܡ̣ܢ ܝܵܡܵܐ، ܗܵܩܘܼܬܵܐ ܠܵܐ ܫܒ݂ܝܼܩ ܠܵܗ̇ ܕܚܵܝܹܐ.“ 5ܐܝܼܢܵܐ ܦܵܘܠܘܿܣ ܫܥܝܼܫ ܠܹܗ ܠܚܘܼܘܹܐ ܡ̣ܢ ܐܝܼܕܹܗ ܠܓܵܘ ܢܘܼܪܵܐ، ܘܡܸܢܕܝܼ ܚܸܪܒܵܐ ܠܵܐ ܗܘܹܐ ܠܹܗ ܐܸܠܹܗ. 6ܐܵܢܝܼ ܚܫܝܼܒ݂ ܠܗܘܿܢ ܕܒܸܬ ܙܵܐܹܪ ܗ݇ܘܵܐ، ܝܲܢ ܡܸܢܫܸܠܬܵܢܹܐ ܒܸܬ ܢܵܦܹܠ ܗ݇ܘܵܐ ܡܝܼܬܵܐ. ܟܲܕ ܣܦܝܼܪܗܘܿܢ ܚܲܕ ܡܸܬܚܵܐ ܝܲܪܝܼܟ݂ܵܐ ܘܚܙܹܐ ܠܗܘܿܢ ܕܡܸܢܕܝܼ ܚܸܪܒܵܐ ܠܵܐ ܗܘܹܐ ܠܹܗ ܐܸܠܹܗ، ܫܘܼܚܠܸܦ ܠܗܘܿܢ ܚܝܼܵܠܲܝ̈ܗܝ ܘܐ݇ܡܝܼܪܗܘܿܢ، ”ܐܵܗܵܐ ܚܲܕ ܐܲܠܵܗܵܐ ܝܠܹܗ.“ 7ܒܗ̇ܝ ܕܘܼܟܵܐ ܐܝܼܬ ܗ݇ܘܵܘ ܐܲܪ̈ܥܵܬܹܐ ܕܚܲܕ ܐ݇ܢܵܫܵܐ ܫܸܡܹܗ ܦܘܼܦܠܝܼܘܿܣ. ܐܵܗܵܐ ܓܘܼܪܵܐ ܕܓܵܙܲܪܬܵܐ ܝܗ݇ܘܵܐ، ܘܩܘܼܒܸܠ ܠܹܗ ܐܸܠܲܢ ܒܚܲܕܘܼܬܵܐ ܓܵܘ ܒܲܝܬܹܗ ܩܵܐ ܬܠܵܬܵܐ ܝܵܘܡܵܢܹ̈ܐ. 8ܒܵܒܵܐ ܕܦܘܼܦܠܝܼܘܿܣ ܡܪܝܼܥܵܐ ܝܗ݇ܘܵܐ ܒܚܲܡܚܲܡܬܵܐ ܘܒܡܲܪܥܵܐ ܕܡܲܥܝܹ̈ܐ ܘܕܡܝܼܟ݂ܵܐ ܝܗ݇ܘܵܐ ܒܫܘܝܼܬܵܐ. ܥܒ݂ܝܼܪܹܗ ܦܵܘܠܘܿܣ ܠܟܸܣ ܠܹܗ ܘܨܘܼܠܹܐ ܠܹܗ، ܘܡܘܼܬܸܒ݂ ܠܹܗ ܐܝܼܕܹܗ ܥܲܠܘܼܗܝ ܘܒܘܼܣܸܡ ܠܹܗ. 9ܐܝܼܡܲܢ ܕܗܘܹܐ ܠܵܗ̇ ܐܵܗܵܐ، ܐܵܢܝܼ ܐ݇ܚܹܪ̈݇ܢܹܐ ܕܡܪ̈ܝܼܥܹܐ ܝܗ݇ܘܵܘ ܓܵܘ ܓܵܙܲܪܬܵܐ ܐ݇ܬܹܐ ܠܗܘܿܢ ܠܟܸܣ ܠܹܗ ܘܦܝܼܫ ܠܗܘܿܢ ܒܘܼܣܡܹܐ. 10ܡܝܘܼܩܸܪܗܘܿܢ ܐܸܠܲܢ ܒܐܘܼܪ̈ܚܵܬܹܐ ܪܵܒܵܐ، ܘܐܝܼܡܲܢ ܕܒܸܦܠܵܛܵܐ ܝܘܲܚ ܗ݇ܘܵܘ ܡ̣ܢ ܬܵܡܵܐ، ܡܘܼܬܸܒ݂ ܠܗܘܿܢ ܙܘܵܕܹ̈ܐ ܠܣܢܝܼܩܘܼܬܲܢ.
ܦܵܘܠܘܿܣ ܒܸܡܛܵܝܵܐ ܠܪܗ݇ܘܿܡܵܐ
11ܡ̣ܢ ܒܵܬ݇ܪ ܬܠܵܬܵܐ ܝܲܪ̈ܚܹܐ ܛܪܹܐ ܠܲܢ ܒܚܕܵܐ ܓܵܡܝܼ ܐܵܠܸܟܣܲܢܕܪܵܝܬܵܐ ܕܦܝܼܫܬܵܐ ܝܗ݇ܘܵܐ ܒܣܸܬܘܵܐ ܓܵܘ ܓܵܙܲܪܬܵܐ. ܐܝܼܬ ܗ݇ܘܵܐ ܥܲܠܘܼܗ̇ ܨܘܼܪܬܵܐ ܕܬܪܹܝ ܐܲܠܵܗܹ̈ܐ ܓ̰ܲܡܹ̈ܐ، ܟܵܣܬܘܿܪ ܘܦܘܿܠܲܟܣ. 12ܡܛܹܐ ܠܲܢ ܠܣܵܪܵܩܘܿܣܵܐ ܘܦܝܼܫ ܠܲܢ ܬܵܡܵܐ ܬܠܵܬܵܐ ܝܵܘܡܵܢܹ̈ܐ. 13ܡ̣ܢ ܬܵܡܵܐ ܛܪܹܐ ܠܲܢ ܘܡܛܹܐ ܠܲܢ ܠܪܸܓ݂ܝܼܘܿܢ. ܒܝܵܘܡܵܐ ܐ݇ܚܹܪ݇ܢܵܐ ܡܚܹܐ ܠܹܗ ܦܵܘܚܵܐ ܕܬܲܝܡܢܵܐ، ܘܒܝܵܘܡܵܐ ܕܬܪܹܝ ܡܛܹܐ ܠܲܢ ܠܦܘܼܛܝܼܐܹܠܘܿܣ. 14ܬܵܡܵܐ ܡܘܼܫ݇ܟ̰ܸܚ ܠܲܢ ܐܲܚܘܿܢܘܵܬܹ̈ܐ، ܘܦܘܼܪܦܸܠ ܠܗܘܿܢ ܒܝܼܲܢ ܕܦܵܝܫܲܚ ܗ݇ܘܵܘ ܠܟܸܣ ܠܲܝܗܝ ܫܲܒ݂ܥܵܐ ܝܵܘܡܵܢܹ̈ܐ. ܒܚܲܪܬܵܐ ܐ݇ܙܝܼܠ ܠܲܢ ܠܪܗ݇ܘܿܡܹܐ. 15ܐܝܼܡܲܢ ܕܫܡܝܼܥ ܠܗܘܿܢ ܐܲܚܘܿܢܘܵܬܹ̈ܐ ܕܬܵܡܵܐ ܒܘܼܬ ܐ݇ܬܵܝܬܲܢ، ܦܠܝܼܛ ܠܗܘܿܢ ܠܐܘܼܪܚܲܢ ܗܲܠ ܫܘܼܩܵܐ ܕܟܹܐ ܦܵܐܹܫ ܩܸܪܝܵܐ ܐܵܦܝܼܘܿܣ، ܘܚܲܕ݇ܟܡܵܐ ܐ݇ܚܹܪ̈݇ܢܹܐ ܐ݇ܬܹܐ ܠܗܘܿܢ ܥܲܡܲܢ ܗܲܠ ܬܠܵܬ ܚܵܢܵܘܵܬܹ̈ܐ. ܐܝܼܡܲܢ ܕܚܸܙܝܲܝ ܠܹܗ ܦܵܘܠܘܿܣ، ܫܘܼܒܸܚ ܠܹܗ ܠܐܲܠܵܗܵܐ ܘܫܩܝܼܠ ܠܹܗ ܠܸܒܵܐ. 16ܟܲܕ ܡܛܹܐ ܠܲܢ ܠܪܗ݇ܘܿܡܹܐ، ܦܵܘܠܘܿܣ ܦܝܼܫ ܠܹܗ ܫܒ݂ܝܼܩܵܐ ܕܥܵܡܹܪ ܗ݇ܘܵܐ ܒܢܲܦ̮ܫܹܗ ܬܚܘܿܬ ܢܵܛܘܿܪܘܼܬܵܐ ܕܚܲܕ ܕܲܚܫܵܐ. 17ܡ̣ܢ ܒܵܬ݇ܪ ܬܠܵܬܵܐ ܝܵܘܡܵܢܹ̈ܐ ܩܪܹܐ ܠܹܗ ܦܵܘܠܘܿܣ ܠܪܹ̈ܫܵܢܹܐ ܕܝܗܘܼܕܵܝܹ̈ܐ، ܘܐܝܼܡܲܢ ܕܓ̰ܡܝܼܥ ܠܗܘܿܢ ܐ݇ܡܝܼܪܹܗ ܐܸܠܲܝܗܝ، ”ܐ݇ܢܵܫܹ̈ܐ ܐܲܚܘܿܢܘܵܬܹ̈ܐ، ܐܵܦܸܢ ܕܠܵܐ ܥܒ݂ܝܼܕ ܠܝܼ ܡܸܢܕܝܼ ܕܲܠܩܘܼܒ݂ܠ ܕܥܲܡܲܢ ܘܥܵܕܲܬܹ̈ܐ ܕܐܲܒ݂ܵܗܵܬܲܢ̈، ܦܝܼܫ ܠܝܼ ܕܒ݂ܝܼܩܵܐ ܐܲܣܝܼܪܵܐ ܓܵܘ ܐܘܿܪܸܫܠܸܡ ܘܣܘܼܦܝܵܐ ܠܪ̈ܗ݇ܘܿܡܵܝܹܐ. 18”ܐܵܢܝܼ ܩܲܡ ܨܲܚܨܝܼ ܠܝܼ ܘܒܥܹܐ ܠܗܘܿܢ ܕܫܵܪܝܼ ܗ݇ܘܵܘ ܠܝܼ ܣܵܒܵܒ ܠܵܐ ܡܘܼܫ݇ܟ̰ܸܚ ܠܗܘܿܢ ܒܝܼܝܼ ܥܸܠܬܵܐ ܚܫܝܼܚܬܵܐ ܠܡܵܘܬܵܐ. 19”ܐܝܼܢܵܐ ܐܝܼܡܲܢ ܕܩܝܼܡ ܠܗܘܿܢ ܝܗܘܼܕܵܝܹ̈ܐ ܘܡܘܼܠܝܸܨ ܠܗܘܿܢ ܐܸܠܝܼ، ܛܠܝܼܒ ܠܝܼ ܕܦܵܝܫܹܢ ܕܝܼܢܵܐ ܒܝܲܕ ܩܹܣܲܪ. ܠܵܐ ܚܵܫܒ݂ܝܼܬܘܿܢ ܐ݇ܬܝܼܵܐ ܝܘܸܢ ܕܗܲܡܙܸܡܸܢ ܕܲܠܩܘܼܒ݂ܠ ܕܛܵܝܸܦܝܼ. 20”ܒܘܼܬ ܐܵܗܵܐ ܩܪܹܐ ܠܝܼ ܐܸܠܵܘܟ݂ܘܿܢ ܕܚܵܙܹܝܢܵܘܟ݂ܘܿܢ ܘܗܲܡܙܸܡܸܢ ܥܲܡܵܘܟ݂ܘܿܢ، ܣܵܒܵܒ ܒܘܼܬ ܗܹܒ݂ܝܼ ܕܝܼܣܪܵܝܹܠ ܐܵܢܵܐ ܦܝܼܫܵܐ ܝܘܸܢ ܐ݇ܣܝܼܪܵܐ ܒܐܵܗܵܐ ܫܹܫܸܠܬܵܐ.“ 21ܘܐܵܢܝܼ ܓ̰ܘܼܘܸܒ ܠܗܘܿܢ، ”ܠܹܐ ܝܘܲܚ ܩܘܼܒܠܹܐ ܟܬܵܒ݂ܵܐ ܡ̣ܢ ܝܼܗܘܼܕ ܒܘܼܬ ܕܝܼܘܼܟ݂، ܘܠܵܐ ܐ݇ܢܵܫܵܐ ܡ̣ܢ ܐܲܚܘܿܢܘܵܬܹ̈ܐ ܕܐ݇ܬܝܼܵܐ ܝܠܹܗ ܡ̣ܢ ܬܵܡܵܐ ܡܘܼܚܒܸܪܵܐ ܝܲܢ ܗܘܼܡܙܸܡܵܐ ܝܠܹܗ ܡܸܢܕܝܼ ܒܝܼܫܵܐ ܒܘܼܬ ܕܝܼܘܼܟ݂. 22”ܐܝܼܢܵܐ ܐܲܚܢܲܢ ܒܸܒܥܵܝܵܐ ܝܘܲܚ ܕܫܵܡܥܲܚ ܡܸܢܘܼܟ݂، ܐܲܢ݇ܬ ܡܘܿܕܝܼ ܒܸܚܫܵܒ݂ܵܐ ܝܘܸܬ، ܣܵܒܵܒ ܒܝܼܕܵܥܵܐ ܝܘܲܚ ܒܟܠ ܕܘܼܟܵܐ ܐ݇ܢܵܫܹ̈ܐ ܗܲܡܙܘܼܡܹܐ ܝܢܵܐ ܕܲܠܩܘܼܒ݂ܠ ܕܐܵܗܵܐ ܝܘܼܠܦܵܢܵܐ.“ 23ܣܘܼܙܓܸܪܗܘܿܢ ܕܓ̰ܵܡܥܝܼ ܗ݇ܘܵܘ ܥܲܡܹܗ ܚܲܕ ܝܵܘܡܵܐ، ܘܐ݇ܬܹܐ ܠܗܘܿܢ ܠܟܸܣ ܠܹܗ ܚܲܕ ܡܸܢܝܵܢܵܐ ܓܘܼܪܵܐ ܐܲܝܟܵܐ ܕܫܸܪܝܵܐ ܝܗ݇ܘܵܐ ܦܵܘܠܘܿܣ. ܡ̣ܢ ܩܵܝܕܲܡܬܵܐ ܘܗܲܠ ܪܲܡܫܵܐ ܗܘܼܡܙܸܡ ܠܹܗ ܥܲܡܲܝܗܝ ܒܘܼܬ ܡܲܠܟܘܼܬܵܐ ܕܐܲܠܵܗܵܐ، ܘܡܘܼܚܙܹܐ ܠܹܗ ܐܸܠܲܝܗܝ ܣܵܗܕܘܵܬܹ̈ܐ ܟܲܕ ܡܲܣܒܘܼܬܹܐ ܡ̣ܢ ܢܵܡܘܿܣܵܐ ܕܡܘܼܫܹܐ ܘܡ̣ܢ ܢܒ݂ܝܼܹ̈ܐ ܒܘܼܬ ܝܼܫܘܿܥ. 24ܚܲܕ݇ܟܡܵܐ ܡܸܢܲܝܗܝ ܗܘܼܡܸܢܗܘܿܢ ܒܡܸܢܕܝܼ ܕܐ݇ܡܝܼܪܹܗ، ܐܝܼܢܵܐ ܐ݇ܚܹܪ̈݇ܢܹܐ ܠܵܐ ܗܘܼܡܸܢܗܘܿܢ. 25ܠܵܐ ܣܘܼܙܓܸܪܗܘܿܢ ܡܥܘܼܕܵܠܹ̈ܐ، ܘܦܠܝܼܛ ܠܗܘܿܢ ܡ̣ܢ ܒܵܬ݇ܪ ܕܦܵܘܠܘܿܣ ܐ݇ܡܝܼܪܹܗ ܐܲܢܹܐ ܗܹܡܸܙܡܵܢܹ̈ܐ، ”ܫܲܪܝܼܪܵܐܝܼܬ ܗܘܼܡܙܸܡ ܠܹܗ ܪܘܼܚܵܐ ܕܩܘܼܕܫܵܐ ܠܐܲܒ݂ܵܗܵܬܵܘ̈ܟ݂ܘܿܢ ܒܝܲܕ ܐܹܫܲܥܝܵܐ ܢܒ݂ܝܼܵܐ، ܒܹܐܡܵܪܵܐ،
26ܙܹܠ݇ ܠܟܸܣ ܐܵܗܵܐ ܥܲܡܵܐ ܘܐ݇ܡܘܿܪ ܐܸܠܲܝܗܝ، ’ܫܡܵܥܵܐ ܒܸܬ ܫܵܡܥܝܼܬܘܿܢ ܘܠܹܐ ܦܲܪܡܹܝܬܘܿܢ، ܘܚܙܵܝܵܐ ܒܸܬ ܚܵܙܹܝܬܘܿܢ ܘܠܹܐ ܝܵܕܥܝܼܬܘܿܢ.
27ܣܵܒܵܒ ܚܠܝܼܡ ܠܹܗ ܠܸܒܵܐ ܕܐܵܗܵܐ ܥܲܡܵܐ، ܘܢܵܬܝܵܬܲܝ̈ܗܝ ܝܘܼܩܪܸܢܗܘܿܢ ܡ̣ܢ ܠܸܫܡܵܥܵܐ، ܘܐ݇ܟ̰ܝܼܡ ܠܗܘܿܢ ܥܲܝܢܲܝ̈ܗܝ، ܕܠܵܐ ܚܵܙܝܼ ܒܥܲܝܢܲܝ̈ܗܝ ܘܫܵܡܥܝܼ ܒܢܵܬܝܵܬܲܝ̈ܗܝ، ܘܦܲܪܡܝܼ ܒܠܸܒܲܝܗܝ ܘܕܵܝܪܝܼ ܠܟܸܣ ܠܝܼ ܕܒܲܣܡܸܢܗܘܿܢ.‘#ܐܫܥܝܐ 6:9‐10
28”ܝ݇ܕܸܥܡܘܼܢ ܗܲܕܟ݂ܵܐ، ܐܵܕܝܼܵܐ ܦܘܼܪܩܵܢܵܐ ܕܐܲܠܵܗܵܐ ܦܝܼܫ ܠܹܗ ܫܘܼܕܪܵܐ ܠܐܸܡܘܵܬܹ̈ܐ، ܘܐܵܢܝܼ ܒܸܬ ܡܲܨܝܸܬܝܼ.“ 29ܡ̣ܢ ܒܵܬ݇ܪ ܕܗܘܼܡܙܸܡ ܠܹܗ ܦܵܘܠܘܿܣ ܗܲܕܟ݂ܵܐ، ܦܠܝܼܛ ܠܗܘܿܢ ܝܗܘܼܕܵܝܹ̈ܐ ܘܫܘܼܪܹܐ ܠܗܘܿܢ ܒܸܕܪܵܫܵܐ ܒܹܝܠ ܓܵܢܲܝܗܝ. 30ܦܝܼܫ ܠܹܗ ܬܵܡܵܐ ܦܵܘܠܘܿܣ ܬܲܪܬܹܝ ܫܸܢܹ̈ܐ ܓܵܘ ܒܲܝܬܵܐ ܕܕܒ݂ܝܼܩܹܗ ܝܗ݇ܘܵܐ ܒܐܲܓ݂ܪܵܐ. ܘܟܹܐ ܩܲܒܸܠ ܗ݇ܘܵܐ ܠܟܠܲܝܗܝ ܐ݇ܢܵܫܹ̈ܐ ܕܐܵܬܝܼ ܗ݇ܘܵܘ ܠܟܸܣ ܠܹܗ. 31ܟܹܐ ܡܲܟܪܸܙ ܗ݇ܘܵܐ ܐܸܠܲܝܗܝ ܒܘܼܬ ܡܲܠܟܘܼܬܵܐ ܕܐܲܠܵܗܵܐ ܘܡܲܠܸܦ ܗ݇ܘܵܐ ܒܘܼܬ ܡܵܪܲܢ ܝܼܫܘܿܥ ܡܫܝܼܚܵܐ ܓܲܠܝܵܐܝܼܬ ܘܕܠܵܐ ܡܲܟܠܵܝܬܵܐ.
Currently Selected:
ܣܘܥܪ̈ܢܐ 28: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܣܘܥܪ̈ܢܐ 28
28
ܦܵܘܠܘܿܣ ܥܲܠ ܓܵܙܲܪܬܵܐ ܕܡܝܼܠܹܛܹܐ
1ܐܝܼܡܲܢ ܕܡܛܹܐ ܠܲܢ ܠܒܸܪܙܵܐ ܨܵܠܵܡܲܬ، ܝ݇ܕܝܼܥ ܠܲܢ ܕܗ̇ܝ ܓܵܙܲܪܬܵܐ ܟܹܐ ܦܵܝܫܵܐ ܗ݇ܘܵܐ ܩܪܝܼܬܵܐ ܡܝܼܠܹܛܹܐ. 2ܥܵܡܪ̈ܵܢܹܐ ܕܓܵܙܲܪܬܵܐ ܪܵܒܵܐ ܡܪ̈ܲܚܡܵܢܹܐ ܝܗ݇ܘܵܘ ܐܸܠܲܢ. ܫܝܼܪܗܘܿܢ ܢܘܼܪܵܐ ܘܩܪܹܐ ܠܗܘܿܢ ܐܸܠܲܢ ܕܫܵܚܢܲܚ ܗ݇ܘܵܘ ܣܵܒܵܒ ܡܸܛܪܵܐ ܒܸܪܥܵܝܵܐ ܝܗ݇ܘܵܐ ܘܩܲܪܬܵܐ ܝܗ݇ܘܵܐ. 3ܓ̰ܘܼܡܸܥ ܠܹܗ ܦܵܘܠܘܿܣ ܚܕܵܐ ܕܲܣܬܵܐ ܕܩܸܪ̈ܫܹܐ ܘܡܘܼܬܒܲܝ ܠܹܗ ܥܲܠ ܢܘܼܪܵܐ. ܘܡ̣ܢ ܚܸܡܬܵܐ ܕܢܘܼܪܵܐ ܦܠܝܼܛ ܠܹܗ ܚܲܕ ܐܵܟܸܕܢܵܐ ܘܛܦܹܐ ܠܹܗ ܒܐܝܼܕܹܗ. 4ܐܝܼܡܲܢ ܕܚܙܹܐ ܠܗܘܿܢ ܥܵܡܪ̈ܵܢܹܐ ܕܗ̇ܝ ܓܵܙܲܪܬܵܐ ܠܚܘܼܘܹܐ ܬܸܠܝܵܐ ܒܐܝܼܕܵܐ ܕܦܵܘܠܘܿܣ، ܐ݇ܡܝܼܪܗܘܿܢ ܚܲܕ ܠܗ̇ܘ ܐ݇ܚܹܪ݇ܢܵܐ، ”ܕܠܵܐ ܫܸܟ ܐܵܗܵܐ ܐ݇ܢܵܫܵܐ ܩܵܛܘܿܠܵܐ ܝܠܹܗ. ܐܘܼܦ ܐܸܢ ܕܦܪܝܼܩ ܠܹܗ ܡ̣ܢ ܝܵܡܵܐ، ܗܵܩܘܼܬܵܐ ܠܵܐ ܫܒ݂ܝܼܩ ܠܵܗ̇ ܕܚܵܝܹܐ.“ 5ܐܝܼܢܵܐ ܦܵܘܠܘܿܣ ܫܥܝܼܫ ܠܹܗ ܠܚܘܼܘܹܐ ܡ̣ܢ ܐܝܼܕܹܗ ܠܓܵܘ ܢܘܼܪܵܐ، ܘܡܸܢܕܝܼ ܚܸܪܒܵܐ ܠܵܐ ܗܘܹܐ ܠܹܗ ܐܸܠܹܗ. 6ܐܵܢܝܼ ܚܫܝܼܒ݂ ܠܗܘܿܢ ܕܒܸܬ ܙܵܐܹܪ ܗ݇ܘܵܐ، ܝܲܢ ܡܸܢܫܸܠܬܵܢܹܐ ܒܸܬ ܢܵܦܹܠ ܗ݇ܘܵܐ ܡܝܼܬܵܐ. ܟܲܕ ܣܦܝܼܪܗܘܿܢ ܚܲܕ ܡܸܬܚܵܐ ܝܲܪܝܼܟ݂ܵܐ ܘܚܙܹܐ ܠܗܘܿܢ ܕܡܸܢܕܝܼ ܚܸܪܒܵܐ ܠܵܐ ܗܘܹܐ ܠܹܗ ܐܸܠܹܗ، ܫܘܼܚܠܸܦ ܠܗܘܿܢ ܚܝܼܵܠܲܝ̈ܗܝ ܘܐ݇ܡܝܼܪܗܘܿܢ، ”ܐܵܗܵܐ ܚܲܕ ܐܲܠܵܗܵܐ ܝܠܹܗ.“ 7ܒܗ̇ܝ ܕܘܼܟܵܐ ܐܝܼܬ ܗ݇ܘܵܘ ܐܲܪ̈ܥܵܬܹܐ ܕܚܲܕ ܐ݇ܢܵܫܵܐ ܫܸܡܹܗ ܦܘܼܦܠܝܼܘܿܣ. ܐܵܗܵܐ ܓܘܼܪܵܐ ܕܓܵܙܲܪܬܵܐ ܝܗ݇ܘܵܐ، ܘܩܘܼܒܸܠ ܠܹܗ ܐܸܠܲܢ ܒܚܲܕܘܼܬܵܐ ܓܵܘ ܒܲܝܬܹܗ ܩܵܐ ܬܠܵܬܵܐ ܝܵܘܡܵܢܹ̈ܐ. 8ܒܵܒܵܐ ܕܦܘܼܦܠܝܼܘܿܣ ܡܪܝܼܥܵܐ ܝܗ݇ܘܵܐ ܒܚܲܡܚܲܡܬܵܐ ܘܒܡܲܪܥܵܐ ܕܡܲܥܝܹ̈ܐ ܘܕܡܝܼܟ݂ܵܐ ܝܗ݇ܘܵܐ ܒܫܘܝܼܬܵܐ. ܥܒ݂ܝܼܪܹܗ ܦܵܘܠܘܿܣ ܠܟܸܣ ܠܹܗ ܘܨܘܼܠܹܐ ܠܹܗ، ܘܡܘܼܬܸܒ݂ ܠܹܗ ܐܝܼܕܹܗ ܥܲܠܘܼܗܝ ܘܒܘܼܣܸܡ ܠܹܗ. 9ܐܝܼܡܲܢ ܕܗܘܹܐ ܠܵܗ̇ ܐܵܗܵܐ، ܐܵܢܝܼ ܐ݇ܚܹܪ̈݇ܢܹܐ ܕܡܪ̈ܝܼܥܹܐ ܝܗ݇ܘܵܘ ܓܵܘ ܓܵܙܲܪܬܵܐ ܐ݇ܬܹܐ ܠܗܘܿܢ ܠܟܸܣ ܠܹܗ ܘܦܝܼܫ ܠܗܘܿܢ ܒܘܼܣܡܹܐ. 10ܡܝܘܼܩܸܪܗܘܿܢ ܐܸܠܲܢ ܒܐܘܼܪ̈ܚܵܬܹܐ ܪܵܒܵܐ، ܘܐܝܼܡܲܢ ܕܒܸܦܠܵܛܵܐ ܝܘܲܚ ܗ݇ܘܵܘ ܡ̣ܢ ܬܵܡܵܐ، ܡܘܼܬܸܒ݂ ܠܗܘܿܢ ܙܘܵܕܹ̈ܐ ܠܣܢܝܼܩܘܼܬܲܢ.
ܦܵܘܠܘܿܣ ܒܸܡܛܵܝܵܐ ܠܪܗ݇ܘܿܡܵܐ
11ܡ̣ܢ ܒܵܬ݇ܪ ܬܠܵܬܵܐ ܝܲܪ̈ܚܹܐ ܛܪܹܐ ܠܲܢ ܒܚܕܵܐ ܓܵܡܝܼ ܐܵܠܸܟܣܲܢܕܪܵܝܬܵܐ ܕܦܝܼܫܬܵܐ ܝܗ݇ܘܵܐ ܒܣܸܬܘܵܐ ܓܵܘ ܓܵܙܲܪܬܵܐ. ܐܝܼܬ ܗ݇ܘܵܐ ܥܲܠܘܼܗ̇ ܨܘܼܪܬܵܐ ܕܬܪܹܝ ܐܲܠܵܗܹ̈ܐ ܓ̰ܲܡܹ̈ܐ، ܟܵܣܬܘܿܪ ܘܦܘܿܠܲܟܣ. 12ܡܛܹܐ ܠܲܢ ܠܣܵܪܵܩܘܿܣܵܐ ܘܦܝܼܫ ܠܲܢ ܬܵܡܵܐ ܬܠܵܬܵܐ ܝܵܘܡܵܢܹ̈ܐ. 13ܡ̣ܢ ܬܵܡܵܐ ܛܪܹܐ ܠܲܢ ܘܡܛܹܐ ܠܲܢ ܠܪܸܓ݂ܝܼܘܿܢ. ܒܝܵܘܡܵܐ ܐ݇ܚܹܪ݇ܢܵܐ ܡܚܹܐ ܠܹܗ ܦܵܘܚܵܐ ܕܬܲܝܡܢܵܐ، ܘܒܝܵܘܡܵܐ ܕܬܪܹܝ ܡܛܹܐ ܠܲܢ ܠܦܘܼܛܝܼܐܹܠܘܿܣ. 14ܬܵܡܵܐ ܡܘܼܫ݇ܟ̰ܸܚ ܠܲܢ ܐܲܚܘܿܢܘܵܬܹ̈ܐ، ܘܦܘܼܪܦܸܠ ܠܗܘܿܢ ܒܝܼܲܢ ܕܦܵܝܫܲܚ ܗ݇ܘܵܘ ܠܟܸܣ ܠܲܝܗܝ ܫܲܒ݂ܥܵܐ ܝܵܘܡܵܢܹ̈ܐ. ܒܚܲܪܬܵܐ ܐ݇ܙܝܼܠ ܠܲܢ ܠܪܗ݇ܘܿܡܹܐ. 15ܐܝܼܡܲܢ ܕܫܡܝܼܥ ܠܗܘܿܢ ܐܲܚܘܿܢܘܵܬܹ̈ܐ ܕܬܵܡܵܐ ܒܘܼܬ ܐ݇ܬܵܝܬܲܢ، ܦܠܝܼܛ ܠܗܘܿܢ ܠܐܘܼܪܚܲܢ ܗܲܠ ܫܘܼܩܵܐ ܕܟܹܐ ܦܵܐܹܫ ܩܸܪܝܵܐ ܐܵܦܝܼܘܿܣ، ܘܚܲܕ݇ܟܡܵܐ ܐ݇ܚܹܪ̈݇ܢܹܐ ܐ݇ܬܹܐ ܠܗܘܿܢ ܥܲܡܲܢ ܗܲܠ ܬܠܵܬ ܚܵܢܵܘܵܬܹ̈ܐ. ܐܝܼܡܲܢ ܕܚܸܙܝܲܝ ܠܹܗ ܦܵܘܠܘܿܣ، ܫܘܼܒܸܚ ܠܹܗ ܠܐܲܠܵܗܵܐ ܘܫܩܝܼܠ ܠܹܗ ܠܸܒܵܐ. 16ܟܲܕ ܡܛܹܐ ܠܲܢ ܠܪܗ݇ܘܿܡܹܐ، ܦܵܘܠܘܿܣ ܦܝܼܫ ܠܹܗ ܫܒ݂ܝܼܩܵܐ ܕܥܵܡܹܪ ܗ݇ܘܵܐ ܒܢܲܦ̮ܫܹܗ ܬܚܘܿܬ ܢܵܛܘܿܪܘܼܬܵܐ ܕܚܲܕ ܕܲܚܫܵܐ. 17ܡ̣ܢ ܒܵܬ݇ܪ ܬܠܵܬܵܐ ܝܵܘܡܵܢܹ̈ܐ ܩܪܹܐ ܠܹܗ ܦܵܘܠܘܿܣ ܠܪܹ̈ܫܵܢܹܐ ܕܝܗܘܼܕܵܝܹ̈ܐ، ܘܐܝܼܡܲܢ ܕܓ̰ܡܝܼܥ ܠܗܘܿܢ ܐ݇ܡܝܼܪܹܗ ܐܸܠܲܝܗܝ، ”ܐ݇ܢܵܫܹ̈ܐ ܐܲܚܘܿܢܘܵܬܹ̈ܐ، ܐܵܦܸܢ ܕܠܵܐ ܥܒ݂ܝܼܕ ܠܝܼ ܡܸܢܕܝܼ ܕܲܠܩܘܼܒ݂ܠ ܕܥܲܡܲܢ ܘܥܵܕܲܬܹ̈ܐ ܕܐܲܒ݂ܵܗܵܬܲܢ̈، ܦܝܼܫ ܠܝܼ ܕܒ݂ܝܼܩܵܐ ܐܲܣܝܼܪܵܐ ܓܵܘ ܐܘܿܪܸܫܠܸܡ ܘܣܘܼܦܝܵܐ ܠܪ̈ܗ݇ܘܿܡܵܝܹܐ. 18”ܐܵܢܝܼ ܩܲܡ ܨܲܚܨܝܼ ܠܝܼ ܘܒܥܹܐ ܠܗܘܿܢ ܕܫܵܪܝܼ ܗ݇ܘܵܘ ܠܝܼ ܣܵܒܵܒ ܠܵܐ ܡܘܼܫ݇ܟ̰ܸܚ ܠܗܘܿܢ ܒܝܼܝܼ ܥܸܠܬܵܐ ܚܫܝܼܚܬܵܐ ܠܡܵܘܬܵܐ. 19”ܐܝܼܢܵܐ ܐܝܼܡܲܢ ܕܩܝܼܡ ܠܗܘܿܢ ܝܗܘܼܕܵܝܹ̈ܐ ܘܡܘܼܠܝܸܨ ܠܗܘܿܢ ܐܸܠܝܼ، ܛܠܝܼܒ ܠܝܼ ܕܦܵܝܫܹܢ ܕܝܼܢܵܐ ܒܝܲܕ ܩܹܣܲܪ. ܠܵܐ ܚܵܫܒ݂ܝܼܬܘܿܢ ܐ݇ܬܝܼܵܐ ܝܘܸܢ ܕܗܲܡܙܸܡܸܢ ܕܲܠܩܘܼܒ݂ܠ ܕܛܵܝܸܦܝܼ. 20”ܒܘܼܬ ܐܵܗܵܐ ܩܪܹܐ ܠܝܼ ܐܸܠܵܘܟ݂ܘܿܢ ܕܚܵܙܹܝܢܵܘܟ݂ܘܿܢ ܘܗܲܡܙܸܡܸܢ ܥܲܡܵܘܟ݂ܘܿܢ، ܣܵܒܵܒ ܒܘܼܬ ܗܹܒ݂ܝܼ ܕܝܼܣܪܵܝܹܠ ܐܵܢܵܐ ܦܝܼܫܵܐ ܝܘܸܢ ܐ݇ܣܝܼܪܵܐ ܒܐܵܗܵܐ ܫܹܫܸܠܬܵܐ.“ 21ܘܐܵܢܝܼ ܓ̰ܘܼܘܸܒ ܠܗܘܿܢ، ”ܠܹܐ ܝܘܲܚ ܩܘܼܒܠܹܐ ܟܬܵܒ݂ܵܐ ܡ̣ܢ ܝܼܗܘܼܕ ܒܘܼܬ ܕܝܼܘܼܟ݂، ܘܠܵܐ ܐ݇ܢܵܫܵܐ ܡ̣ܢ ܐܲܚܘܿܢܘܵܬܹ̈ܐ ܕܐ݇ܬܝܼܵܐ ܝܠܹܗ ܡ̣ܢ ܬܵܡܵܐ ܡܘܼܚܒܸܪܵܐ ܝܲܢ ܗܘܼܡܙܸܡܵܐ ܝܠܹܗ ܡܸܢܕܝܼ ܒܝܼܫܵܐ ܒܘܼܬ ܕܝܼܘܼܟ݂. 22”ܐܝܼܢܵܐ ܐܲܚܢܲܢ ܒܸܒܥܵܝܵܐ ܝܘܲܚ ܕܫܵܡܥܲܚ ܡܸܢܘܼܟ݂، ܐܲܢ݇ܬ ܡܘܿܕܝܼ ܒܸܚܫܵܒ݂ܵܐ ܝܘܸܬ، ܣܵܒܵܒ ܒܝܼܕܵܥܵܐ ܝܘܲܚ ܒܟܠ ܕܘܼܟܵܐ ܐ݇ܢܵܫܹ̈ܐ ܗܲܡܙܘܼܡܹܐ ܝܢܵܐ ܕܲܠܩܘܼܒ݂ܠ ܕܐܵܗܵܐ ܝܘܼܠܦܵܢܵܐ.“ 23ܣܘܼܙܓܸܪܗܘܿܢ ܕܓ̰ܵܡܥܝܼ ܗ݇ܘܵܘ ܥܲܡܹܗ ܚܲܕ ܝܵܘܡܵܐ، ܘܐ݇ܬܹܐ ܠܗܘܿܢ ܠܟܸܣ ܠܹܗ ܚܲܕ ܡܸܢܝܵܢܵܐ ܓܘܼܪܵܐ ܐܲܝܟܵܐ ܕܫܸܪܝܵܐ ܝܗ݇ܘܵܐ ܦܵܘܠܘܿܣ. ܡ̣ܢ ܩܵܝܕܲܡܬܵܐ ܘܗܲܠ ܪܲܡܫܵܐ ܗܘܼܡܙܸܡ ܠܹܗ ܥܲܡܲܝܗܝ ܒܘܼܬ ܡܲܠܟܘܼܬܵܐ ܕܐܲܠܵܗܵܐ، ܘܡܘܼܚܙܹܐ ܠܹܗ ܐܸܠܲܝܗܝ ܣܵܗܕܘܵܬܹ̈ܐ ܟܲܕ ܡܲܣܒܘܼܬܹܐ ܡ̣ܢ ܢܵܡܘܿܣܵܐ ܕܡܘܼܫܹܐ ܘܡ̣ܢ ܢܒ݂ܝܼܹ̈ܐ ܒܘܼܬ ܝܼܫܘܿܥ. 24ܚܲܕ݇ܟܡܵܐ ܡܸܢܲܝܗܝ ܗܘܼܡܸܢܗܘܿܢ ܒܡܸܢܕܝܼ ܕܐ݇ܡܝܼܪܹܗ، ܐܝܼܢܵܐ ܐ݇ܚܹܪ̈݇ܢܹܐ ܠܵܐ ܗܘܼܡܸܢܗܘܿܢ. 25ܠܵܐ ܣܘܼܙܓܸܪܗܘܿܢ ܡܥܘܼܕܵܠܹ̈ܐ، ܘܦܠܝܼܛ ܠܗܘܿܢ ܡ̣ܢ ܒܵܬ݇ܪ ܕܦܵܘܠܘܿܣ ܐ݇ܡܝܼܪܹܗ ܐܲܢܹܐ ܗܹܡܸܙܡܵܢܹ̈ܐ، ”ܫܲܪܝܼܪܵܐܝܼܬ ܗܘܼܡܙܸܡ ܠܹܗ ܪܘܼܚܵܐ ܕܩܘܼܕܫܵܐ ܠܐܲܒ݂ܵܗܵܬܵܘ̈ܟ݂ܘܿܢ ܒܝܲܕ ܐܹܫܲܥܝܵܐ ܢܒ݂ܝܼܵܐ، ܒܹܐܡܵܪܵܐ،
26ܙܹܠ݇ ܠܟܸܣ ܐܵܗܵܐ ܥܲܡܵܐ ܘܐ݇ܡܘܿܪ ܐܸܠܲܝܗܝ، ’ܫܡܵܥܵܐ ܒܸܬ ܫܵܡܥܝܼܬܘܿܢ ܘܠܹܐ ܦܲܪܡܹܝܬܘܿܢ، ܘܚܙܵܝܵܐ ܒܸܬ ܚܵܙܹܝܬܘܿܢ ܘܠܹܐ ܝܵܕܥܝܼܬܘܿܢ.
27ܣܵܒܵܒ ܚܠܝܼܡ ܠܹܗ ܠܸܒܵܐ ܕܐܵܗܵܐ ܥܲܡܵܐ، ܘܢܵܬܝܵܬܲܝ̈ܗܝ ܝܘܼܩܪܸܢܗܘܿܢ ܡ̣ܢ ܠܸܫܡܵܥܵܐ، ܘܐ݇ܟ̰ܝܼܡ ܠܗܘܿܢ ܥܲܝܢܲܝ̈ܗܝ، ܕܠܵܐ ܚܵܙܝܼ ܒܥܲܝܢܲܝ̈ܗܝ ܘܫܵܡܥܝܼ ܒܢܵܬܝܵܬܲܝ̈ܗܝ، ܘܦܲܪܡܝܼ ܒܠܸܒܲܝܗܝ ܘܕܵܝܪܝܼ ܠܟܸܣ ܠܝܼ ܕܒܲܣܡܸܢܗܘܿܢ.‘#ܐܫܥܝܐ 6:9‐10
28”ܝ݇ܕܸܥܡܘܼܢ ܗܲܕܟ݂ܵܐ، ܐܵܕܝܼܵܐ ܦܘܼܪܩܵܢܵܐ ܕܐܲܠܵܗܵܐ ܦܝܼܫ ܠܹܗ ܫܘܼܕܪܵܐ ܠܐܸܡܘܵܬܹ̈ܐ، ܘܐܵܢܝܼ ܒܸܬ ܡܲܨܝܸܬܝܼ.“ 29ܡ̣ܢ ܒܵܬ݇ܪ ܕܗܘܼܡܙܸܡ ܠܹܗ ܦܵܘܠܘܿܣ ܗܲܕܟ݂ܵܐ، ܦܠܝܼܛ ܠܗܘܿܢ ܝܗܘܼܕܵܝܹ̈ܐ ܘܫܘܼܪܹܐ ܠܗܘܿܢ ܒܸܕܪܵܫܵܐ ܒܹܝܠ ܓܵܢܲܝܗܝ. 30ܦܝܼܫ ܠܹܗ ܬܵܡܵܐ ܦܵܘܠܘܿܣ ܬܲܪܬܹܝ ܫܸܢܹ̈ܐ ܓܵܘ ܒܲܝܬܵܐ ܕܕܒ݂ܝܼܩܹܗ ܝܗ݇ܘܵܐ ܒܐܲܓ݂ܪܵܐ. ܘܟܹܐ ܩܲܒܸܠ ܗ݇ܘܵܐ ܠܟܠܲܝܗܝ ܐ݇ܢܵܫܹ̈ܐ ܕܐܵܬܝܼ ܗ݇ܘܵܘ ܠܟܸܣ ܠܹܗ. 31ܟܹܐ ܡܲܟܪܸܙ ܗ݇ܘܵܐ ܐܸܠܲܝܗܝ ܒܘܼܬ ܡܲܠܟܘܼܬܵܐ ܕܐܲܠܵܗܵܐ ܘܡܲܠܸܦ ܗ݇ܘܵܐ ܒܘܼܬ ܡܵܪܲܢ ܝܼܫܘܿܥ ܡܫܝܼܚܵܐ ܓܲܠܝܵܐܝܼܬ ܘܕܠܵܐ ܡܲܟܠܵܝܬܵܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation