ܣܘܥܪ̈ܢܐ 22
22
1”ܐ݇ܢܵܫܹ̈ܐ ܐܲܚܘܿܢܘܵܬܹ̈ܐ ܘܒܵܒܵܘܵܬܹ̈ܐ، ܫܡܸܥܡܘܼܢ ܓ̰ܘܼܘܵܒܝܼ ܐܵܕܝܼܵܐ.“ 2ܐܝܼܡܲܢ ܕܫܡܝܼܥ ܠܗܘܿܢ ܕܗܘܼܡܙܸܡ ܠܹܗ ܐܸܠܲܝܗܝ ܒܠܸܫܵܢܵܐ ܥܸܒ݂ܪܵܝܵܐ، ܒܘܼܫ ܙܵܘܕܵܐ ܫܠܹܐ ܠܗܘܿܢ. ܘܐ݇ܡܝܼܪܹܗ ܐܸܠܲܝܗܝ ܦܵܘܠܘܿܣ، 3”ܐܵܢܵܐ ܝܗܘܼܕܵܝܵܐ ܝܘܸܢ ܦܝܼܫܵܐ ܝ݇ܠܝܼܕܵܐ ܓܵܘ ܛܵܪܣܘܿܣ ܡܕܝܼܢ݇ܬܵܐ، ܒܐܲܬܪܵܐ ܕܩܝܼܠܝܼܩܝܼܵܐ، ܐܝܼܢܵܐ ܓܘܼܪܘܸܣ ܠܝܼ ܓܵܘ ܐܵܗܵܐ ܡܕܝܼܢ݇ܬܵܐ. ܦܝܼܫ ܠܝܼ ܡܘܼܠܦܵܐ ܓܡܝܼܪܵܐܝܼܬ ܢܵܡܘܿܣܵܐ ܕܐܲܒ݂ܵܗܵܬܲܢ̈ ܒܝܲܕ ܓܲܡܠܝܼܐܹܝܠ، ܘܛܲܢܵܢܵܐ ܝܘܸܢ ܗ݇ܘܵܐ ܠܟܸܣ ܐܲܠܵܗܵܐ ܕܵܐܟ݂ܝܼ ܕܐܘܼܦ ܐܲܚܬܘܿܢ ܝܼܬܘܿܢ ܟܠܵܘܟ݂ܘܿܢ ܐܸܕܝܘܿܡ. 4”ܘܟܘܼܡܸܪܝܼ ܗܲܠ ܡܵܘܬܵܐ ܠܬܵܒܥܵܢܹ̈ܐ ܕܐܵܗܵܐ ܐܘܼܪܚܵܐ ܟܲܕ ܒܹܐܣܵܪܵܐ ܓܲܒ݂ܪܹ̈ܐ ܘܒܲܟ݂ܬܵܬܹ̈ܐ ܘܒܸܕܪܵܝܲܝ ܓܵܘ ܒܹܝܬ ܐܲܣܝܼܪܹ̈ܐ. 5”ܓܘܼܪܵܐ ܕܟܵܗܢܹ̈ܐ ܘܟܠܲܝܗܝ ܚܘܵܪ̈ܕܸܩܢܹܐ ܟܹܐ ܡܵܨܝܼ ܝܵܗ݇ܒ݂ܝܼ ܣܵܗܕܘܼܬܵܐ ܒܘܼܬ ܐܵܗܵܐ. ܫܩܝܼܠ ܠܝܼ ܐܸܓܲܪ̈ܝܵܬܹܐ ܩܵܐ ܐܲܚܘܿܢܘܵܬܹ̈ܐ ܓܵܘ ܕܲܪܡܣܘܿܩ، ܘܐ݇ܙܝܼܠ ܠܝܼ ܬܵܡܵܐ ܕܡܲܝܬܹܝܢ ܗ݇ܘܵܐ ܠܗܘܿܢ ܐܲܢܹܐ ܐ݇ܢܵܫܹ̈ܐ ܠܐܘܿܪܸܫܠܸܡ ܐ݇ܣܝܼܪܹ̈ܐ ܕܦܵܝܫܝܼ ܗ݇ܘܵܘ ܬܘܼܥܠܸܡܹܐ.
ܦܵܘܠܘܿܣ ܗܲܩܘܼܝܹܐ ܒܘܼܬ ܫܘܼܚܠܵܦܹܗ
6”ܟܲܕ ܩܘܼܪܒܸܢܝܼ ܠܕܲܪܡܣܘܿܩ، ܐܲܝܟ݂ ܦܲܠܓܵܐ ܕܝܵܘܡܵܐ ܝܗ݇ܘܵܐ، ܡܸܢܫܸܠܬܵܢܹܐ ܙܪܝܼܩ ܠܹܗ ܒܲܗܪܵܐ ܠܵܘܓ̰ܵܢܵܐ ܡ̣ܢ ܫܡܲܝܵܐ ܠܚܵܕܸܪ̈ܘܵܢܝܼ، 7”ܢܦܝܼܠ ܠܝܼ ܥܲܠ ܐܲܪܥܵܐ ܘܫܡܝܼܥ ܠܝܼ ܩܵܠܵܐ ܒܹܐܡܵܪܵܐ ܐܸܠܝܼ، ’ܫܵܐܘܿܠ، ܫܵܐܘܿܠ، ܩܵܡܘܿܕܝܼ ܟܲܡܘܼܪܝܼ ܝܘܸܬ؟‘ 8”ܒܘܼܩܸܪܝܼ، ’ܡܵܪܝܼ، ܡܵܢܝܼ ܝܘܸܬ؟‘ ܓ̰ܘܼܘܸܒ ܠܹܗ، ’ܐܵܢܵܐ ܝܘܸܢ ܝܼܫܘܿܥ ܢܵܨܪܵܝܵܐ ܗ̇ܘ ܕܐܲܢ݇ܬ ܟܲܡܘܼܪܹܗ ܝܘܸܬ.‘ 9”ܐ݇ܢܵܫܹ̈ܐ ܕܝܼܗ݇ܘܵܘ ܥܲܡܝܼ ܚܙܹܐ ܠܗܘܿܢ ܒܲܗܪܵܐ، ܐܝܼܢܵܐ ܠܵܐ ܫܡܝܼܥ ܠܗܘܿܢ ܩܵܠܵܐ ܕܗ̇ܘ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ. 10”ܗ̇ܝܓܵܗ ܒܘܼܩܸܪܝܼ، ’ܡܘܿܕܝܼ ܒܵܥܹܝܬ ܕܥܵܒ݂ܕܹܢ، ܡܵܪܝܼ؟‘ ܐ݇ܡܝܼܪܹܗ ܡܵܪܲܢ ܐܸܠܝܼ، ’ܩܘܼܡ ܘܥܒ݂ܘܿܪ ܠܕܲܪܡܣܘܿܩ، ܘܬܵܡܵܐ ܒܸܬ ܦܵܝܫܹܬ ܐ݇ܡܝܼܪܵܐ ܒܘܼܬ ܟܠܲܝܗܝ ܡܸܢܕܝܼܵܢܹ̈ܐ ܕܦܝܼܫܹܐ ܝܢܵܐ ܡܘܼܪܝܸܙܹܐ ܐܸܠܘܼܟ݂ ܕܥܵܒ݂ܕܹܬ.‘ 11”ܕܒ݂ܝܼܩ ܠܗܘܿܢ ܒܐܝܼܕܝܼ ܐܵܢܝܼ ܕܝܼܗ݇ܘܵܘ ܥܲܡܝܼ ܘܩܲܡ ܡܲܥܒܸܪܝܼ ܠܝܼ ܠܕܲܪܡܣܘܿܩ، ܣܵܒܵܒ ܚܸܩܪܵܐ ܕܗ̇ܘ ܒܲܗܪܵܐ ܡܘܼܣܡܝܼܵܐ ܝܗ݇ܘܵܐ ܐܸܠܝܼ. 12”ܐ݇ܬܹܐ ܠܹܗ ܠܟܸܣ ܠܝܼ ܚܲܕ ܐ݇ܢܵܫܵܐ ܫܸܡܹܗ ܚܲܢܲܢܝܵܐ، ܙܲܕܝܼܩܵܐ ܒܐܘܼܪܚܵܐ ܕܢܵܡܘܿܣܵܐ ܐܲܝܟ݂ ܕܝܵܗ݇ܒ݂ܝܼ ܗ݇ܘܵܘ ܣܵܗܕܘܼܬܵܐ ܒܘܼܬ ܕܝܼܹܗ ܟܠܲܝܗܝ ܝܗܘܼܕܵܝܹ̈ܐ ܥܵܡܪ̈ܵܢܹܐ ܕܬܵܡܵܐ، 13”ܟܠܹܐ ܠܹܗ ܒܕܸܦܢܝܼ ܘܐ݇ܡܝܼܪܹܗ، ’ܫܵܐܘܿܠ، ܐܲܚܘܿܢܝܼ، ܚܙܝܼ.‘ ܗܲܪ ܒܗ̇ܝ ܥܕܵܢܵܐ ܚܙܹܐ ܠܝܼ ܘܚܝܼܪܝܼ ܒܝܼܹܗ. 14”ܐ݇ܡܝܼܪܹܗ ܐܸܠܝܼ، ’ܐܲܠܵܗܵܐ ܕܐܲܒ݂ܵܗܵܬܲܢ̈ ܩܲܡ ܓܲܒܹܐ ܠܘܼܟ݂ ܡ̣ܢ ܩܵܕ݇ܡܵܝܬܵܐ ܕܝܵܕܥܹܬ ܨܸܒ݂ܝܵܢܹܗ، ܘܚܵܙܹܝܬ ܠܗ̇ܘ ܙܲܕܝܼܩܵܐ، ܘܫܵܡܥܹܬ ܗܹܡܸܙܡܵܢܹ̈ܐ ܡ̣ܢ ܦܘܼܡܹܗ، 15”’ܒܸܬ ܗܵܘܹܝܬ ܐܸܠܹܗ ܣܵܗܕܵܐ ܠܟܠܲܝܗܝ ܒܢܲܝ̈ܢܵܫܵܐ ܒܘܼܬ ܟܠ ܡܸܢܕܝܼ ܕܚܙܹܐ ܠܘܼܟ݂ ܘܫܡܝܼܥ ܠܘܼܟ݂. 16”’ܘܐܵܕܝܼܵܐ ܠܡܘܿܕܝܼ ܝܘܸܬ ܒܸܣܦܵܪܵܐ؟ ܩܘܼܡ ܘܥܡܘܿܕ ܘܦܘܼܫ ܕܸܟ݂ܝܵܐ ܡ̣ܢ ܚܛܝܼܵܬܘܼ̈ܟ݂، ܟܲܕ ܐܲܢ݇ܬ ܒܸܩܪܵܝܵܐ ܒܫܸܡܹܗ.‘ 17”ܐܝܼܡܲܢ ܕܕܝܼܪܝܼ ܠܐܘܿܪܸܫܠܸܡ، ܥܒ݂ܝܼܪܝܼ ܠܗܲܝܟܠܵܐ ܠܨܲܠܘܼܝܹܐ، 18”ܘܚܙܹܐ ܠܝܼ ܠܡܵܪܝܵܐ ܒܚܸܙܘܵܐ، ܘܐ݇ܡܝܼܪܹܗ ܐܸܠܝܼ، ’ܡܲܠܝܸܙ ܘܦܠܘܿܛ ܡ̣ܢ ܐܘܿܪܸܫܠܸܡ ܒܓ̰ܲܠܕܘܼܬܵܐ ܣܵܒܵܒ ܠܹܐ ܩܲܒܠܝܼ ܠܵܗ̇ ܣܵܗܕܘܼܬܘܼܟ݂ ܒܘܼܬ ܕܝܼܝܼ.‘ 19”ܐܵܢܵܐ ܐ݇ܡܝܼܪܝܼ، ’ܡܵܪܝܼ، ܐܲܢܹܐ ܐ݇ܢܵܫܹ̈ܐ ܒܝܼܕܵܥܵܐ ܝܢܵܐ ܕܟܹܐ ܕܵܪܹܝܢ ܗ݇ܘܵܐ ܓܵܘ ܒܹܝܬ ܐܲܣܝܼܪܹ̈ܐ ܘܡܵܚܹܝܢ ܗ݇ܘܵܐ ܓܵܘ ܟܠܲܝܗܝ ܟܢܘܼܫܝܵܬܹ̈ܐ ܠܐܵܢܝܼ ܕܗܲܡܸܢܝܼ ܗ݇ܘܵܘ ܒܝܼܘܼܟ݂. 20”’ܘܐܝܼܡܲܢ ܕܫܦܝܼܟ݂ ܠܹܗ ܕܸܡܵܐ ܕܣܵܗܕܘܼܟ݂ ܐܸܣܛܲܦܵܢܘܿܣ، ܐܵܢܵܐ ܟܸܠܝܵܐ ܝܘܸܢ ܗ݇ܘܵܐ ܥܲܡ ܩܵܛܘܿܠܹ̈ܐ. ܫܠܝܼܡ ܠܝܼ ܐܸܠܲܝܗܝ، ܘܢܛܝܼܪܝܼ ܓ̰ܘܼܠܹ̈ܐ ܕܐܵܢܝܼ ܕܒܸܩܛܵܠܹܗ ܝܗ݇ܘܵܘ.‘ 21”ܗ̇ܝܓܵܗ ܐ݇ܡܝܼܪܹܗ ܐܸܠܝܼ، ’ܙܹܠ݇، ܣܵܒܵܒ ܐܵܢܵܐ ܫܲܕܘܼܪܘܼܟ݂ ܝܼܘܸܢ ܪܸܚܩܵܐ ܠܓܵܘ ܐܸܡܘܵܬܹ̈ܐ.‘“
ܦܵܘܠܘܿܣ ܪܗ݇ܘܿܡܵܝܵܐ
22ܫܡܝܼܥ ܠܗܘܿܢ ܠܦܵܘܠܘܿܣ ܗܲܠ ܐܵܗܵܐ ܗܹܡܸܙܡܵܢ، ܗ̇ܝܓܵܗ ܡܘܼܪܸܡ ܠܗܘܿܢ ܩܵܠܲܝܗܝ ܘܡܘܼܩܘܸܚ ܠܗܘܿܢ، ”ܫܩܘܿܠܘܼܢ ܠܐܵܗܵܐ ܐ݇ܢܵܫܵܐ ܡܥܲܠ ܦܵܬܵܐ ܕܐܲܪܥܵܐ، ܣܵܒܵܒ ܠܹܐ ܝܠܹܗ ܚܫܝܼܚܵܐ ܠܸܚܵܝܵܐ.“ 23ܫܘܼܪܹܐ ܠܗܘܿܢ ܡܲܩܘܘܼܚܹܐ ܘܫܲܠܘܼܚܹܐ ܓ̰ܘܼܠܲܝ̈ܗܝ ܘܕܲܪܘܼܝܹܐ ܥܲܦܪܵܐ ܓܵܘ ܗܵܘܵܐ. 24ܗ̇ܝܓܵܗ ܦܩܝܼܕ ܠܹܗ ܪܲܒ ܐܲܠܦܵܐ ܕܡܲܥܒܸܪܝܼ ܠܹܗ ܓܵܘ ܩܲܠܥܵܐ، ܘܦܵܐܹܫ ܡܸܚܝܵܐ ܒܫܵܘܛܹ̈ܐ ܘܨܘܼܚܨܝܼܵܐ ܕܝܵܕܹܥ ܗ݇ܘܵܐ ܩܵܡܘܿܕܝܼ ܐ݇ܢܵܫܹ̈ܐ ܗܲܕܟ݂ܵܐ ܡܲܩܘܘܼܚܹܐ ܝܗ݇ܘܵܘ ܥܲܠܘܼܗܝ. 25ܟܲܕ ܐ݇ܣܝܼܪܗܘܿܢ ܐܸܠܹܗ ܒܬܲܣܡܵܬܹ̈ܐ ܕܦܵܐܹܫ ܗ݇ܘܵܐ ܡܸܚܝܵܐ ܒܫܵܘܛܹ̈ܐ، ܐ݇ܡܝܼܪܹܗ ܦܵܘܠܘܿܣ ܠܪܲܒ ܐܸܡܵܐܐ ܕܟܸܠܝܵܐ ܝܗ݇ܘܵܐ ܬܵܡܵܐ، ”ܩܵܢܘܿܢܵܝܬܵܐ ܝܠܵܗ̇ ܐܸܠܵܘܟ݂ܘܿܢ ܕܡܵܚܹܝܬܘܿܢ ܒܫܵܘܛܹ̈ܐ ܠܐ݇ܢܵܫܵܐ ܪܗ݇ܘܿܡܵܝܵܐ ܟܲܕ ܠܵܐ ܦܝܼܫܵܐ ܕܝܼܢܵܐ؟“ 26ܐܝܼܡܲܢ ܕܫܡܝܼܥ ܠܹܗ ܪܲܒ ܐܸܡܵܐܐ ܐܵܗܵܐ، ܐ݇ܙܝܼܠ ܠܹܗ ܠܟܸܣ ܪܲܒ ܐܲܠܦܵܐ ܘܐ݇ܡܝܼܪܹܗ ܐܸܠܹܗ، ”ܡܘܿܕܝܼ ܝܘܸܬ ܒܸܥܒ݂ܵܕܵܐ؟ ܐܵܗܵܐ ܐ݇ܢܵܫܵܐ ܪܗ݇ܘܿܡܵܝܵܐ ܝܠܹܗ.“ 27ܘܐ݇ܬܹܐ ܠܹܗ ܪܲܒ ܐܲܠܦܵܐ ܠܟܸܣ ܦܵܘܠܘܿܣ ܘܒܘܼܩܸܪܹܗ ܡܸܢܹܗ، ”ܐ݇ܡܘܿܪ ܐܸܠܝܼ، ܪܗ݇ܘܿܡܵܝܵܐ ܝܘܸܬ؟“ ܓ̰ܘܼܘܸܒ ܠܹܗ ܐܸܠܹܗ، ”ܗܹܐ.“ 28ܐ݇ܡܝܼܪܹܗ ܪܲܒ ܐܲܠܦܵܐ، ”ܐܵܢܵܐ ܦܪܝܼܥܵܐ ܝܘܸܢ ܙܘܼܙܹ̈ܐ ܪܵܒܵܐ ܕܩܸܢܝܘܼܗ̇ ܝܘܸܢ ܐܵܗܵܐ ܚܹܐܪܘܼܬܵܐ.“ ܓ̰ܘܼܘܸܒ ܠܹܗ ܦܵܘܠܘܿܣ، ”ܐܵܢܵܐ ܦܝܼܫܵܐ ܝܘܸܢ ܗ݇ܘܵܐ ܝ݇ܠܝܼܕܵܐ ܪܗ݇ܘܿܡܵܝܵܐ.“ 29ܗ̇ܝܓܵܗ ܐܵܢܝܼ ܕܒܵܥܝܼ ܗ݇ܘܵܘ ܨܲܚܨܝܼ ܗ݇ܘܵܘ ܠܦܵܘܠܘܿܣ ܫܒ݂ܝܼܩ ܠܗܘܿܢ ܐܸܠܹܗ. ܐܘܼܦ ܪܲܒ ܐܲܠܦܵܐ ܒܓܵܢܹܗ ܙܕܝܼܥ ܠܹܗ ܐܝܼܡܲܢ ܕܝ݇ܕܝܼܥ ܠܹܗ ܕܪܗ݇ܘܿܡܵܝܵܐ ܝܗ݇ܘܵܐ، ܣܵܒܵܒ ܐ݇ܣܝܼܪܹܗ ܝܗ݇ܘܵܐ. 30ܒܝܵܘܡܵܐ ܐ݇ܚܹܪ݇ܢܵܐ ܒܥܹܐ ܠܹܗ ܪܲܒ ܐܲܠܦܵܐ ܠܝܼܕܵܥܵܐ ܒܫܲܪܝܼܪܘܼܬܵܐ ܩܵܡܘܿܕܝܼ ܝܗܘܼܕܵܝܹ̈ܐ ܒܸܩܒ݂ܵܠܵܐ ܝܗ݇ܘܵܘ ܥܲܠ ܦܵܘܠܘܿܣ. ܫܪܹܐ ܠܹܗ ܐܸܠܹܗ، ܘܦܩܝܼܕ ܠܹܗ ܠܓܘܼܪ̈ܵܢܹܐ ܕܟܵܗܢܹ̈ܐ ܘܠܟܢܘܼܫܝܵܐ ܕܓ̰ܵܡܥܝܼ ܗ݇ܘܵܘ. ܡܘܼܐܬܹܐ ܠܹܗ ܠܦܵܘܠܘܿܣ ܘܡܘܼܟܠܹܐ ܠܹܗ ܓܵܘܲܝܗܝ.
Currently Selected:
ܣܘܥܪ̈ܢܐ 22: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܣܘܥܪ̈ܢܐ 22
22
1”ܐ݇ܢܵܫܹ̈ܐ ܐܲܚܘܿܢܘܵܬܹ̈ܐ ܘܒܵܒܵܘܵܬܹ̈ܐ، ܫܡܸܥܡܘܼܢ ܓ̰ܘܼܘܵܒܝܼ ܐܵܕܝܼܵܐ.“ 2ܐܝܼܡܲܢ ܕܫܡܝܼܥ ܠܗܘܿܢ ܕܗܘܼܡܙܸܡ ܠܹܗ ܐܸܠܲܝܗܝ ܒܠܸܫܵܢܵܐ ܥܸܒ݂ܪܵܝܵܐ، ܒܘܼܫ ܙܵܘܕܵܐ ܫܠܹܐ ܠܗܘܿܢ. ܘܐ݇ܡܝܼܪܹܗ ܐܸܠܲܝܗܝ ܦܵܘܠܘܿܣ، 3”ܐܵܢܵܐ ܝܗܘܼܕܵܝܵܐ ܝܘܸܢ ܦܝܼܫܵܐ ܝ݇ܠܝܼܕܵܐ ܓܵܘ ܛܵܪܣܘܿܣ ܡܕܝܼܢ݇ܬܵܐ، ܒܐܲܬܪܵܐ ܕܩܝܼܠܝܼܩܝܼܵܐ، ܐܝܼܢܵܐ ܓܘܼܪܘܸܣ ܠܝܼ ܓܵܘ ܐܵܗܵܐ ܡܕܝܼܢ݇ܬܵܐ. ܦܝܼܫ ܠܝܼ ܡܘܼܠܦܵܐ ܓܡܝܼܪܵܐܝܼܬ ܢܵܡܘܿܣܵܐ ܕܐܲܒ݂ܵܗܵܬܲܢ̈ ܒܝܲܕ ܓܲܡܠܝܼܐܹܝܠ، ܘܛܲܢܵܢܵܐ ܝܘܸܢ ܗ݇ܘܵܐ ܠܟܸܣ ܐܲܠܵܗܵܐ ܕܵܐܟ݂ܝܼ ܕܐܘܼܦ ܐܲܚܬܘܿܢ ܝܼܬܘܿܢ ܟܠܵܘܟ݂ܘܿܢ ܐܸܕܝܘܿܡ. 4”ܘܟܘܼܡܸܪܝܼ ܗܲܠ ܡܵܘܬܵܐ ܠܬܵܒܥܵܢܹ̈ܐ ܕܐܵܗܵܐ ܐܘܼܪܚܵܐ ܟܲܕ ܒܹܐܣܵܪܵܐ ܓܲܒ݂ܪܹ̈ܐ ܘܒܲܟ݂ܬܵܬܹ̈ܐ ܘܒܸܕܪܵܝܲܝ ܓܵܘ ܒܹܝܬ ܐܲܣܝܼܪܹ̈ܐ. 5”ܓܘܼܪܵܐ ܕܟܵܗܢܹ̈ܐ ܘܟܠܲܝܗܝ ܚܘܵܪ̈ܕܸܩܢܹܐ ܟܹܐ ܡܵܨܝܼ ܝܵܗ݇ܒ݂ܝܼ ܣܵܗܕܘܼܬܵܐ ܒܘܼܬ ܐܵܗܵܐ. ܫܩܝܼܠ ܠܝܼ ܐܸܓܲܪ̈ܝܵܬܹܐ ܩܵܐ ܐܲܚܘܿܢܘܵܬܹ̈ܐ ܓܵܘ ܕܲܪܡܣܘܿܩ، ܘܐ݇ܙܝܼܠ ܠܝܼ ܬܵܡܵܐ ܕܡܲܝܬܹܝܢ ܗ݇ܘܵܐ ܠܗܘܿܢ ܐܲܢܹܐ ܐ݇ܢܵܫܹ̈ܐ ܠܐܘܿܪܸܫܠܸܡ ܐ݇ܣܝܼܪܹ̈ܐ ܕܦܵܝܫܝܼ ܗ݇ܘܵܘ ܬܘܼܥܠܸܡܹܐ.
ܦܵܘܠܘܿܣ ܗܲܩܘܼܝܹܐ ܒܘܼܬ ܫܘܼܚܠܵܦܹܗ
6”ܟܲܕ ܩܘܼܪܒܸܢܝܼ ܠܕܲܪܡܣܘܿܩ، ܐܲܝܟ݂ ܦܲܠܓܵܐ ܕܝܵܘܡܵܐ ܝܗ݇ܘܵܐ، ܡܸܢܫܸܠܬܵܢܹܐ ܙܪܝܼܩ ܠܹܗ ܒܲܗܪܵܐ ܠܵܘܓ̰ܵܢܵܐ ܡ̣ܢ ܫܡܲܝܵܐ ܠܚܵܕܸܪ̈ܘܵܢܝܼ، 7”ܢܦܝܼܠ ܠܝܼ ܥܲܠ ܐܲܪܥܵܐ ܘܫܡܝܼܥ ܠܝܼ ܩܵܠܵܐ ܒܹܐܡܵܪܵܐ ܐܸܠܝܼ، ’ܫܵܐܘܿܠ، ܫܵܐܘܿܠ، ܩܵܡܘܿܕܝܼ ܟܲܡܘܼܪܝܼ ܝܘܸܬ؟‘ 8”ܒܘܼܩܸܪܝܼ، ’ܡܵܪܝܼ، ܡܵܢܝܼ ܝܘܸܬ؟‘ ܓ̰ܘܼܘܸܒ ܠܹܗ، ’ܐܵܢܵܐ ܝܘܸܢ ܝܼܫܘܿܥ ܢܵܨܪܵܝܵܐ ܗ̇ܘ ܕܐܲܢ݇ܬ ܟܲܡܘܼܪܹܗ ܝܘܸܬ.‘ 9”ܐ݇ܢܵܫܹ̈ܐ ܕܝܼܗ݇ܘܵܘ ܥܲܡܝܼ ܚܙܹܐ ܠܗܘܿܢ ܒܲܗܪܵܐ، ܐܝܼܢܵܐ ܠܵܐ ܫܡܝܼܥ ܠܗܘܿܢ ܩܵܠܵܐ ܕܗ̇ܘ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ. 10”ܗ̇ܝܓܵܗ ܒܘܼܩܸܪܝܼ، ’ܡܘܿܕܝܼ ܒܵܥܹܝܬ ܕܥܵܒ݂ܕܹܢ، ܡܵܪܝܼ؟‘ ܐ݇ܡܝܼܪܹܗ ܡܵܪܲܢ ܐܸܠܝܼ، ’ܩܘܼܡ ܘܥܒ݂ܘܿܪ ܠܕܲܪܡܣܘܿܩ، ܘܬܵܡܵܐ ܒܸܬ ܦܵܝܫܹܬ ܐ݇ܡܝܼܪܵܐ ܒܘܼܬ ܟܠܲܝܗܝ ܡܸܢܕܝܼܵܢܹ̈ܐ ܕܦܝܼܫܹܐ ܝܢܵܐ ܡܘܼܪܝܸܙܹܐ ܐܸܠܘܼܟ݂ ܕܥܵܒ݂ܕܹܬ.‘ 11”ܕܒ݂ܝܼܩ ܠܗܘܿܢ ܒܐܝܼܕܝܼ ܐܵܢܝܼ ܕܝܼܗ݇ܘܵܘ ܥܲܡܝܼ ܘܩܲܡ ܡܲܥܒܸܪܝܼ ܠܝܼ ܠܕܲܪܡܣܘܿܩ، ܣܵܒܵܒ ܚܸܩܪܵܐ ܕܗ̇ܘ ܒܲܗܪܵܐ ܡܘܼܣܡܝܼܵܐ ܝܗ݇ܘܵܐ ܐܸܠܝܼ. 12”ܐ݇ܬܹܐ ܠܹܗ ܠܟܸܣ ܠܝܼ ܚܲܕ ܐ݇ܢܵܫܵܐ ܫܸܡܹܗ ܚܲܢܲܢܝܵܐ، ܙܲܕܝܼܩܵܐ ܒܐܘܼܪܚܵܐ ܕܢܵܡܘܿܣܵܐ ܐܲܝܟ݂ ܕܝܵܗ݇ܒ݂ܝܼ ܗ݇ܘܵܘ ܣܵܗܕܘܼܬܵܐ ܒܘܼܬ ܕܝܼܹܗ ܟܠܲܝܗܝ ܝܗܘܼܕܵܝܹ̈ܐ ܥܵܡܪ̈ܵܢܹܐ ܕܬܵܡܵܐ، 13”ܟܠܹܐ ܠܹܗ ܒܕܸܦܢܝܼ ܘܐ݇ܡܝܼܪܹܗ، ’ܫܵܐܘܿܠ، ܐܲܚܘܿܢܝܼ، ܚܙܝܼ.‘ ܗܲܪ ܒܗ̇ܝ ܥܕܵܢܵܐ ܚܙܹܐ ܠܝܼ ܘܚܝܼܪܝܼ ܒܝܼܹܗ. 14”ܐ݇ܡܝܼܪܹܗ ܐܸܠܝܼ، ’ܐܲܠܵܗܵܐ ܕܐܲܒ݂ܵܗܵܬܲܢ̈ ܩܲܡ ܓܲܒܹܐ ܠܘܼܟ݂ ܡ̣ܢ ܩܵܕ݇ܡܵܝܬܵܐ ܕܝܵܕܥܹܬ ܨܸܒ݂ܝܵܢܹܗ، ܘܚܵܙܹܝܬ ܠܗ̇ܘ ܙܲܕܝܼܩܵܐ، ܘܫܵܡܥܹܬ ܗܹܡܸܙܡܵܢܹ̈ܐ ܡ̣ܢ ܦܘܼܡܹܗ، 15”’ܒܸܬ ܗܵܘܹܝܬ ܐܸܠܹܗ ܣܵܗܕܵܐ ܠܟܠܲܝܗܝ ܒܢܲܝ̈ܢܵܫܵܐ ܒܘܼܬ ܟܠ ܡܸܢܕܝܼ ܕܚܙܹܐ ܠܘܼܟ݂ ܘܫܡܝܼܥ ܠܘܼܟ݂. 16”’ܘܐܵܕܝܼܵܐ ܠܡܘܿܕܝܼ ܝܘܸܬ ܒܸܣܦܵܪܵܐ؟ ܩܘܼܡ ܘܥܡܘܿܕ ܘܦܘܼܫ ܕܸܟ݂ܝܵܐ ܡ̣ܢ ܚܛܝܼܵܬܘܼ̈ܟ݂، ܟܲܕ ܐܲܢ݇ܬ ܒܸܩܪܵܝܵܐ ܒܫܸܡܹܗ.‘ 17”ܐܝܼܡܲܢ ܕܕܝܼܪܝܼ ܠܐܘܿܪܸܫܠܸܡ، ܥܒ݂ܝܼܪܝܼ ܠܗܲܝܟܠܵܐ ܠܨܲܠܘܼܝܹܐ، 18”ܘܚܙܹܐ ܠܝܼ ܠܡܵܪܝܵܐ ܒܚܸܙܘܵܐ، ܘܐ݇ܡܝܼܪܹܗ ܐܸܠܝܼ، ’ܡܲܠܝܸܙ ܘܦܠܘܿܛ ܡ̣ܢ ܐܘܿܪܸܫܠܸܡ ܒܓ̰ܲܠܕܘܼܬܵܐ ܣܵܒܵܒ ܠܹܐ ܩܲܒܠܝܼ ܠܵܗ̇ ܣܵܗܕܘܼܬܘܼܟ݂ ܒܘܼܬ ܕܝܼܝܼ.‘ 19”ܐܵܢܵܐ ܐ݇ܡܝܼܪܝܼ، ’ܡܵܪܝܼ، ܐܲܢܹܐ ܐ݇ܢܵܫܹ̈ܐ ܒܝܼܕܵܥܵܐ ܝܢܵܐ ܕܟܹܐ ܕܵܪܹܝܢ ܗ݇ܘܵܐ ܓܵܘ ܒܹܝܬ ܐܲܣܝܼܪܹ̈ܐ ܘܡܵܚܹܝܢ ܗ݇ܘܵܐ ܓܵܘ ܟܠܲܝܗܝ ܟܢܘܼܫܝܵܬܹ̈ܐ ܠܐܵܢܝܼ ܕܗܲܡܸܢܝܼ ܗ݇ܘܵܘ ܒܝܼܘܼܟ݂. 20”’ܘܐܝܼܡܲܢ ܕܫܦܝܼܟ݂ ܠܹܗ ܕܸܡܵܐ ܕܣܵܗܕܘܼܟ݂ ܐܸܣܛܲܦܵܢܘܿܣ، ܐܵܢܵܐ ܟܸܠܝܵܐ ܝܘܸܢ ܗ݇ܘܵܐ ܥܲܡ ܩܵܛܘܿܠܹ̈ܐ. ܫܠܝܼܡ ܠܝܼ ܐܸܠܲܝܗܝ، ܘܢܛܝܼܪܝܼ ܓ̰ܘܼܠܹ̈ܐ ܕܐܵܢܝܼ ܕܒܸܩܛܵܠܹܗ ܝܗ݇ܘܵܘ.‘ 21”ܗ̇ܝܓܵܗ ܐ݇ܡܝܼܪܹܗ ܐܸܠܝܼ، ’ܙܹܠ݇، ܣܵܒܵܒ ܐܵܢܵܐ ܫܲܕܘܼܪܘܼܟ݂ ܝܼܘܸܢ ܪܸܚܩܵܐ ܠܓܵܘ ܐܸܡܘܵܬܹ̈ܐ.‘“
ܦܵܘܠܘܿܣ ܪܗ݇ܘܿܡܵܝܵܐ
22ܫܡܝܼܥ ܠܗܘܿܢ ܠܦܵܘܠܘܿܣ ܗܲܠ ܐܵܗܵܐ ܗܹܡܸܙܡܵܢ، ܗ̇ܝܓܵܗ ܡܘܼܪܸܡ ܠܗܘܿܢ ܩܵܠܲܝܗܝ ܘܡܘܼܩܘܸܚ ܠܗܘܿܢ، ”ܫܩܘܿܠܘܼܢ ܠܐܵܗܵܐ ܐ݇ܢܵܫܵܐ ܡܥܲܠ ܦܵܬܵܐ ܕܐܲܪܥܵܐ، ܣܵܒܵܒ ܠܹܐ ܝܠܹܗ ܚܫܝܼܚܵܐ ܠܸܚܵܝܵܐ.“ 23ܫܘܼܪܹܐ ܠܗܘܿܢ ܡܲܩܘܘܼܚܹܐ ܘܫܲܠܘܼܚܹܐ ܓ̰ܘܼܠܲܝ̈ܗܝ ܘܕܲܪܘܼܝܹܐ ܥܲܦܪܵܐ ܓܵܘ ܗܵܘܵܐ. 24ܗ̇ܝܓܵܗ ܦܩܝܼܕ ܠܹܗ ܪܲܒ ܐܲܠܦܵܐ ܕܡܲܥܒܸܪܝܼ ܠܹܗ ܓܵܘ ܩܲܠܥܵܐ، ܘܦܵܐܹܫ ܡܸܚܝܵܐ ܒܫܵܘܛܹ̈ܐ ܘܨܘܼܚܨܝܼܵܐ ܕܝܵܕܹܥ ܗ݇ܘܵܐ ܩܵܡܘܿܕܝܼ ܐ݇ܢܵܫܹ̈ܐ ܗܲܕܟ݂ܵܐ ܡܲܩܘܘܼܚܹܐ ܝܗ݇ܘܵܘ ܥܲܠܘܼܗܝ. 25ܟܲܕ ܐ݇ܣܝܼܪܗܘܿܢ ܐܸܠܹܗ ܒܬܲܣܡܵܬܹ̈ܐ ܕܦܵܐܹܫ ܗ݇ܘܵܐ ܡܸܚܝܵܐ ܒܫܵܘܛܹ̈ܐ، ܐ݇ܡܝܼܪܹܗ ܦܵܘܠܘܿܣ ܠܪܲܒ ܐܸܡܵܐܐ ܕܟܸܠܝܵܐ ܝܗ݇ܘܵܐ ܬܵܡܵܐ، ”ܩܵܢܘܿܢܵܝܬܵܐ ܝܠܵܗ̇ ܐܸܠܵܘܟ݂ܘܿܢ ܕܡܵܚܹܝܬܘܿܢ ܒܫܵܘܛܹ̈ܐ ܠܐ݇ܢܵܫܵܐ ܪܗ݇ܘܿܡܵܝܵܐ ܟܲܕ ܠܵܐ ܦܝܼܫܵܐ ܕܝܼܢܵܐ؟“ 26ܐܝܼܡܲܢ ܕܫܡܝܼܥ ܠܹܗ ܪܲܒ ܐܸܡܵܐܐ ܐܵܗܵܐ، ܐ݇ܙܝܼܠ ܠܹܗ ܠܟܸܣ ܪܲܒ ܐܲܠܦܵܐ ܘܐ݇ܡܝܼܪܹܗ ܐܸܠܹܗ، ”ܡܘܿܕܝܼ ܝܘܸܬ ܒܸܥܒ݂ܵܕܵܐ؟ ܐܵܗܵܐ ܐ݇ܢܵܫܵܐ ܪܗ݇ܘܿܡܵܝܵܐ ܝܠܹܗ.“ 27ܘܐ݇ܬܹܐ ܠܹܗ ܪܲܒ ܐܲܠܦܵܐ ܠܟܸܣ ܦܵܘܠܘܿܣ ܘܒܘܼܩܸܪܹܗ ܡܸܢܹܗ، ”ܐ݇ܡܘܿܪ ܐܸܠܝܼ، ܪܗ݇ܘܿܡܵܝܵܐ ܝܘܸܬ؟“ ܓ̰ܘܼܘܸܒ ܠܹܗ ܐܸܠܹܗ، ”ܗܹܐ.“ 28ܐ݇ܡܝܼܪܹܗ ܪܲܒ ܐܲܠܦܵܐ، ”ܐܵܢܵܐ ܦܪܝܼܥܵܐ ܝܘܸܢ ܙܘܼܙܹ̈ܐ ܪܵܒܵܐ ܕܩܸܢܝܘܼܗ̇ ܝܘܸܢ ܐܵܗܵܐ ܚܹܐܪܘܼܬܵܐ.“ ܓ̰ܘܼܘܸܒ ܠܹܗ ܦܵܘܠܘܿܣ، ”ܐܵܢܵܐ ܦܝܼܫܵܐ ܝܘܸܢ ܗ݇ܘܵܐ ܝ݇ܠܝܼܕܵܐ ܪܗ݇ܘܿܡܵܝܵܐ.“ 29ܗ̇ܝܓܵܗ ܐܵܢܝܼ ܕܒܵܥܝܼ ܗ݇ܘܵܘ ܨܲܚܨܝܼ ܗ݇ܘܵܘ ܠܦܵܘܠܘܿܣ ܫܒ݂ܝܼܩ ܠܗܘܿܢ ܐܸܠܹܗ. ܐܘܼܦ ܪܲܒ ܐܲܠܦܵܐ ܒܓܵܢܹܗ ܙܕܝܼܥ ܠܹܗ ܐܝܼܡܲܢ ܕܝ݇ܕܝܼܥ ܠܹܗ ܕܪܗ݇ܘܿܡܵܝܵܐ ܝܗ݇ܘܵܐ، ܣܵܒܵܒ ܐ݇ܣܝܼܪܹܗ ܝܗ݇ܘܵܐ. 30ܒܝܵܘܡܵܐ ܐ݇ܚܹܪ݇ܢܵܐ ܒܥܹܐ ܠܹܗ ܪܲܒ ܐܲܠܦܵܐ ܠܝܼܕܵܥܵܐ ܒܫܲܪܝܼܪܘܼܬܵܐ ܩܵܡܘܿܕܝܼ ܝܗܘܼܕܵܝܹ̈ܐ ܒܸܩܒ݂ܵܠܵܐ ܝܗ݇ܘܵܘ ܥܲܠ ܦܵܘܠܘܿܣ. ܫܪܹܐ ܠܹܗ ܐܸܠܹܗ، ܘܦܩܝܼܕ ܠܹܗ ܠܓܘܼܪ̈ܵܢܹܐ ܕܟܵܗܢܹ̈ܐ ܘܠܟܢܘܼܫܝܵܐ ܕܓ̰ܵܡܥܝܼ ܗ݇ܘܵܘ. ܡܘܼܐܬܹܐ ܠܹܗ ܠܦܵܘܠܘܿܣ ܘܡܘܼܟܠܹܐ ܠܹܗ ܓܵܘܲܝܗܝ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation