ܣܘܥܪ̈ܢܐ 12
12
ܩܸܛܠܵܐ ܕܝܲܥܩܘܿܒ݂ ܘܕܒ݂ܵܩܬܵܐ ܕܫܸܡܥܘܿܢ ܟܹܐܦܵܐ
1ܒܐܵܗܵܐ ܥܕܵܢܵܐ ܗܹܪܘܿܕܸܣ ܡܲܠܟܵܐ ܕܒ݂ܝܼܩ ܠܹܗ ܠܚܲܕ݇ܟܡܵܐ ܐ݇ܢܵܫܹ̈ܐ ܡ̣ܢ ܥܹܕܬܵܐ ܠܸܥܒ݂ܵܕܵܐ ܒܝܼܫܬܵܐ ܐܸܠܲܝܗܝ. 2ܩܛܝܼܠ ܠܹܗ ܒܣܲܝܦܵܐ ܠܝܲܥܩܘܿܒ݂ ܐܲܚܘܿܢܵܐ ܕܝܘܿܚܲܢܵܢ. 3ܟܲܕ ܚܙܹܐ ܠܹܗ ܕܐܵܗܵܐ ܫܘܼܠܵܐ ܫܦܝܼܪܹܗ ܠܝܗܘܼܕܵܝܹ̈ܐ، ܕܒ݂ܝܼܩ ܠܹܗ ܐܘܼܦ ܠܫܸܡܥܘܿܢ ܟܹܐܦܵܐ. ܐܵܗܵܐ ܗܘܹܐ ܠܵܗ̇ ܒܝܵܘܡܵܢܹ̈ܐ ܕܦܲܛܝܼܪܹ̈ܐ.#ܡܦܩܢܐ 12:1‐27 4ܕܪܹܐ ܠܹܗ ܐܸܠܹܗ ܓܵܘ ܒܹܝܬ ܐܲܣܝܼܪܹ̈ܐ، ܘܣܘܼܦܹܐ ܠܹܗ ܠܐܲܪܒܲܥ ܣܝܼܥܵܬܹ̈ܐ، ܟܠ ܡܸܢܲܝܗܝ ܐܲܪܒܥܵܐ ܢܵܛܘܿܪܹ̈ܐ، ܕܢܵܛܪܝܼ ܗ݇ܘܵܘ ܠܹܗ. ܒܥܹܐ ܠܹܗ ܕܡ̣ܢ ܒܵܬ݇ܪ ܥܹܐܕܵܐ ܣܲܦܹܐ ܗ݇ܘܵܐ ܠܹܗ ܠܥܲܡܵܐ ܕܝܗܘܼܕܵܝܹ̈ܐ. 5ܟܲܕ ܫܸܡܥܘܿܢ ܟܹܐܦܵܐ ܦܝܵܫܵܐ ܝܗ݇ܘܵܐ ܢܛܝܼܪܵܐ ܓܵܘ ܒܹܝܬ ܐܲܣܝܼܪܹ̈ܐ، ܥܹܕܬܵܐ ܒܚܲܡܝܼܡܘܼܬܵܐ ܨܲܠܘܼܝܹܐ ܝܗ݇ܘܵܐ ܠܐܲܠܵܗܵܐ ܒܘܼܬ ܕܝܼܹܗ.
6ܒܗ̇ܘ ܠܲܝܠܹܐ، ܡ̣ܢ ܩܵܕ݇ܡ ܕܗܹܪܘܿܕܸܣ ܡܲܝܬܹܐ ܗ݇ܘܵܐ ܠܹܗ ܠܕܝܼܘܵܢ ܒܨܲܦܪܵܐ، ܫܸܡܥܘܿܢ ܟܹܐܦܵܐ ܕܡܝܼܟ݂ܵܐ ܝܗ݇ܘܵܐ ܒܹܝܠ ܬܪܹܝ ܕܲܚܫܹ̈ܐ، ܘܐ݇ܣܝܼܪܵܐ ܒܬܲܪܬܹܝ ܫܹܫܠܵܬܹ̈ܐ، ܘܢܵܛܘܿܪܹ̈ܐ ܩܵܕ݇ܡ ܬܲܪܥܵܐ ܒܸܢܛܵܪܵܐ ܒܹܝܬ ܐܲܣܝܼܪܹ̈ܐ. 7ܘܗܵܐ، ܡܲܠܲܐܟ݂ܵܐ ܕܡܵܪܝܵܐ ܦܝܼܫ ܠܹܗ ܚܸܙܝܵܐ ܐܸܠܹܗ، ܘܒܲܗܪܵܐ ܠܘܼܓ̰ܠܸܓ̰ ܠܹܗ ܓܵܘ ܒܹܝܬ ܐܲܣܝܼܪܹ̈ܐ، ܘܕܩܝܼܪܹܗ ܒܕܸܦܢܵܐ ܕܫܸܡܥܘܿܢ ܟܹܐܦܵܐ ܘܡܘܼܪܥܸܫ ܠܹܗ، ܘܐ݇ܡܝܼܪܹܗ ܐܸܠܹܗ، ”ܩܘܼܡ ܓ̰ܲܠܕܹܐ.“ ܘܢܦܝܼܠ ܠܗܘܿܢ ܫܹܫܠܵܬܹ̈ܐ ܡ̣ܢ ܐܝܼܕܵܬܹ̈ܗ. 8ܐ݇ܡܝܼܪܹܗ ܐܸܠܹܗ ܡܲܠܲܐܟ݂ܵܐ، ”ܐ݇ܣܘܿܪ ܚܲܨܘܼܟ݂، ܘܠܒ݂ܘܿܫ ܨܵܘܠܘܼ̈ܟ݂.“ ܘܥܒ݂ܝܼܕ ܠܹܗ ܟܹܐܦܵܐ ܗܲܕܟ݂ܵܐ، ܐ݇ܡܝܼܪܹܗ ܐܸܠܹܗ، ”ܕܪܝܼ ܥܲܠܘܼܟ݂ ܥܵܒܵܝܬܘܼܟ݂ ܘܬܵܐ ܒܵܬ݇ܪܝܼ.“ 9ܦܠܝܼܛ ܠܹܗ ܫܸܡܥܘܿܢ ܟܹܐܦܵܐ ܘܐ݇ܙܝܼܠ ܠܹܗ ܒܵܬ݇ܪܹܗ، ܐܝܼܢܵܐ ܠܹܐ ܝܗ݇ܘܵܐ ܒܝܼܕܵܥܵܐ ܕܐܸܢ ܫܲܪܝܼܪܵܐܝܼܬ ܩܲܘܘܼܡܹܐ ܝܗ݇ܘܵܐ ܡܸܢܕܝܼ ܕܦܝܼܫܵܐ ܝܗ݇ܘܵܐ ܥܒ݂ܝܼܕܵܐ ܒܝܲܕ ܡܲܠܲܐܟ݂ܵܐ، ܣܵܒܵܒ ܒܸܚܫܵܒ݂ܵܐ ܝܗ݇ܘܵܐ ܕܚܸܙܘܵܐ ܒܸܚܙܵܝܵܐ ܝܗ݇ܘܵܐ. 10ܟܲܕ ܥܒ݂ܝܼܪܗܘܿܢ ܡ̣ܢ ܢܵܛܘܿܪܵܐ ܩܵܕ݇ܡܵܝܵܐ ܘܬܪܲܝܵܢܵܐ، ܐ݇ܬܹܐ ܠܗܘܿܢ ܠܬܲܪܥܵܐ ܕܦܪܸܙܠܵܐ ܕܟܹܐ ܠܲܒܸܠ ܠܡܕܝܼܢ݇ܬܵܐ. ܦܬܝܼܚ ܠܹܗ ܬܲܪܥܵܐ ܡ̣ܢ ܓܵܢܹܗ، ܘܦܠܝܼܛ ܠܗܘܿܢ ܡܸܢܹܗ ܘܐ݇ܬܹܐ ܠܗܘܿܢ ܠܚܲܕ ܥܵܠܘܿܠܵܐ. ܗܲܪ ܒܗ̇ܝ ܥܕܵܢܵܐ ܫܒ݂ܝܼܩ ܠܹܗ ܐܸܠܹܗ ܡܲܠܲܐܟ݂ܵܐ ܬܵܡܵܐ.
11ܗ̇ܝܓܵܗ ܪܥܝܼܫ ܠܹܗ ܠܓܵܢܹܗ ܫܸܡܥܘܿܢ ܟܹܐܦܵܐ، ܘܐ݇ܡܝܼܪܹܗ، ”ܐܵܕܝܼܵܐ ܝ݇ܕܝܼܥ ܠܝܼ ܒܫܲܪܝܼܪܘܼܬܵܐ ܕܡܵܪܝܵܐ ܫܘܼܕܸܪܹܗ ܡܲܠܲܐܟܹܗ ܘܦܘܼܨܹܐ ܠܹܗ ܐܸܠܝܼ ܡ̣ܢ ܐܝܼܕܵܐ ܕܗܹܪܘܿܕܸܣ، ܘܡ̣ܢ ܟܠ ܡܸܢܕܝܼ ܕܒܸܚܫܵܒ݂ܵܐ ܝܗ݇ܘܵܐ ܥܲܠܝܼ ܥܲܡܵܐ ܕܝܗܘܼܕܵܝܹ̈ܐ.“ 12ܐܝܼܡܲܢ ܕܦܘܼܪܡܹܐ ܠܹܗ ܐܵܗܵܐ، ܐ݇ܬܹܐ ܠܹܗ ܠܒܲܝܬܵܐ ܕܡܲܪܝܲܡ ܝܸܡܵܐ ܕܝܘܿܚܲܢܵܢ، ܕܦܵܐܹܫ ܗ݇ܘܵܐ ܩܸܪܝܵܐ ܡܵܪܩܘܿܣ، ܐܲܝܟܵܐ ܕܪܵܒܵܐ ܓ̰ܡܝܼܥܹܐ ܝܗ݇ܘܵܘ ܘܨܲܠܘܼܝܹܐ. 13ܬܘܼܩܬܸܩ ܠܹܗ ܫܸܡܥܘܿܢ ܟܹܐܦܵܐ ܠܬܲܪܥܵܐ ܕܕܵܪܬܵܐ، ܘܦܠܝܼܛ ܠܵܗ̇ ܚܕܵܐ ܒܪܵܬܵܐ ܫܸܡܘܼܗ̇ ܪܘܿܕܵܐ ܕܦܵܬܚܵܐ ܗ݇ܘܵܐ ܠܹܗ ܬܲܪܥܵܐ، 14ܝ݇ܕܝܼܥ ܠܵܗ̇ ܩܵܠܵܐ ܕܫܸܡܥܘܿܢ ܟܹܐܦܵܐ، ܘܡ̣ܢ ܚܲܕܘܼܬܘܼܗ̇ ܠܵܐ ܦܬܝܼܚ ܠܵܗ̇ ܬܲܪܥܵܐ، ܐܸܠܵܐ ܪܚܝܼܛ ܠܵܗ̇ ܠܓܵܘܵܐ ܘܐ݇ܡܝܼܪܵܗ̇، ”ܟܹܐܦܵܐ ܟܸܠܝܵܐ ܝܠܹܗ ܩܵܕ݇ܡ ܬܲܪܥܵܐ ܕܕܵܪܬܵܐ.“ 15ܐܵܢܝܼ ܓ̰ܘܼܘܸܒ ܠܗܘܿܢ ܐܸܠܘܼܗ̇، ”ܫܘܼܕܸܢܵܟ݂ܝ!“ ܐܝܼܢܵܐ ܗ̇ܝ ܒܘܼܫ ܩܸܘܝܵܐ ܐܵܡܪܵܐ ܗ݇ܘܵܐ ܕܫܸܡܥܘܿܢ ܟܹܐܦܵܐ ܝܠܹܗ. ܐܝܼܢܵܐ ܐܵܢܝܼ ܐ݇ܡܝܼܪܗܘܿܢ، ”ܡܲܠܲܐܟܹܗ ܝܠܹܗ.“ 16ܘܟܹܐܦܵܐ ܗܹܫ ܬܲܩܬܘܼܩܹܐ ܝܗ݇ܘܵܐ ܥܲܠ ܬܲܪܥܵܐ. ܐܝܼܡܲܢ ܕܦܬܝܼܚ ܠܗܘܿܢ ܘܚܙܹܐ ܠܗܘܿܢ ܐܸܠܹܗ، ܥܘܼܓ̰ܸܒ ܠܗܘܿܢ. 17ܘܫܥܝܼܫ ܠܹܗ ܐܝܼܕܹܗ ܥܲܠܲܝܗܝ ܕܠܵܐ ܗܲܡܙܸܡܝܼ. ܗܘܼܩܹܐ ܠܹܗ ܐܸܠܲܝܗܝ ܕܵܐܟ݂ܝܼ ܡܵܪܝܵܐ ܦܘܼܠܸܛ ܠܹܗ ܐܸܠܹܗ ܡ̣ܢ ܒܹܝܬ ܐܲܣܝܼܪܹ̈ܐ. ܗ̇ܝܓܵܗ ܐ݇ܡܝܼܪܹܗ ܐܸܠܲܝܗܝ، ”ܡܲܚܒܸܪܘܼܢ ܠܝܲܥܩܘܿܒ݂ ܘܠܐܲܚܘܿܢܘܵܬܹ̈ܐ.“ ܘܦܠܝܼܛ ܠܹܗ ܘܐ݇ܙܝܼܠ ܠܹܗ ܠܚܕܵܐ ܕܘܼܟܵܐ ܐ݇ܚܹܪ݇ܬܵܐ.
18ܟܲܕ ܗܘܹܐ ܠܹܗ ܝܵܘܡܵܐ، ܢܦܝܼܠ ܠܹܗ ܫܓ݂ܘܼܫܝܵܐ ܓܘܼܪܵܐ ܓܵܘ ܕܲܚܫܹ̈ܐ ܒܘܼܬ ܫܸܡܥܘܿܢ ܟܹܐܦܵܐ ܕܡܘܿܕܝܼ ܗܘܹܐ ܠܹܗ ܐܸܠܹܗ. 19ܛܠܝܼܒ ܠܹܗ ܗܹܪܘܿܕܸܣ ܠܫܸܡܥܘܿܢ ܟܹܐܦܵܐ ܐܝܼܢܵܐ ܠܵܐ ܡܘܼܫ݇ܟ̰ܸܚ ܠܹܗ. ܡ̣ܢ ܒܵܬ݇ܪ ܕܨܘܼܚܨܹܐ ܠܹܗ ܠܢܵܛܘܿܪܹ̈ܐ، ܦܩܝܼܕ ܠܹܗ ܕܦܵܝܫܝܼ ܩܛܝܼܠܹܐ. ܘܨܠܹܐ ܠܹܗ ܡ̣ܢ ܝܼܗܘܼܕ ܠܩܹܣܲܪܝܵܐ ܘܦܝܼܫ ܠܹܗ ܬܵܡܵܐ.
ܡܵܘܬܵܐ ܕܗܹܪܘܿܕܸܣ
20ܗܹܪܘܿܕܸܣ ܟܪܝܼܒܵܐ ܝܗ݇ܘܵܐ ܥܲܠ ܨܘܿܪ̈ܵܝܹܐ ܘܥܲܠ ܨܲܝܕܘܿܢܵܝܹ̈ܐ. ܐܲܢܹܐ ܣܘܼܙܓܸܪܗܘܿܢ ܡܥܘܼܕܵܠܹ̈ܐ ܘܐ݇ܬܹܐ ܠܗܘܿܢ ܕܬܵܦܩܝܼ ܗ݇ܘܵܘ ܒܝܼܹܗ ܒܡܸܨܥܵܝܘܼܬܵܐ ܕܒܠܹܣܛܘܿܣ، ܪܹܓܵܐ ܡܗܘܼܡܢܵܐ ܕܡܲܠܟܵܐ. ܛܠܝܼܒ ܠܗܘܿܢ ܕܥܵܒ݂ܕܝܼ ܗ݇ܘܵܘ ܫܠܵܡܵܐ ܥܲܡ ܗܹܪܘܿܕܸܣ ܣܵܒܵܒ ܬܘܼܪܣܵܝܵܐ ܕܐܲܬܪܲܝܗܝ ܡ̣ܢ ܐܲܬܪܵܐ ܕܗܹܪܘܿܕܸܣ ܝܼܗ݇ܘܵܐ. 21ܒܝܵܘܡܵܐ ܝ݇ܕܝܼܥܵܐ، ܠܒ݂ܝܼܫ ܠܹܗ ܗܹܪܘܿܕܸܣ ܠܒ݂ܝܼܫܬܵܐ ܕܡܲܠܟܘܼܬܵܐ ܘܝ݇ܬܝܼܒ݂ ܠܹܗ ܥܲܠ ܟܘܼܪܣܝܵܐ ܕܕܝܼܘܵܢ ܘܗܘܼܡܙܸܡ ܠܹܗ ܐܸܠܲܝܗܝ. 22ܟܸܢܫܵܐ ܡܘܼܩܘܸܚ ܠܹܗ، ܒܹܐܡܵܪܵܐ، ”ܐܵܗܵܐ ܩܵܠܵܐ ܕܐܲܠܵܗܵܐ ܝܠܹܗ، ܠܵܐ ܕܒܲܪܢܵܫܵܐ.“ 23ܗܲܪ ܒܗ̇ܝ ܥܕܵܢܵܐ ܡܚܹܐ ܠܹܗ ܐܸܠܹܗ ܡܲܠܲܐܟ݂ܵܐ ܕܡܵܪܝܵܐ، ܣܵܒܵܒ ܠܵܐ ܝܘܼܗ݇ܒܸܠ ܠܹܗ ܫܘܼܒ݂ܚܵܐ ܠܐܲܠܵܗܵܐ، ܘܩܲܡ ܐܵܟ݂ܠܝܼ ܠܹܗ ܬܸܘܸܠܥܹ̈ܐ ܘܡܝܼܬ ܠܹܗ.
24ܗܹܡܸܙܡܵܢ ܕܐܲܠܵܗܵܐ ܦܪܝܼܣ ܠܵܗ̇ ܘܙܝܼܕ ܠܵܗ̇. 25ܘܒܲܪܢܒ݂ܵܐ ܘܫܵܐܘܿܠ ܕܝܼܪܗܘܿܢ ܡ̣ܢ ܐܘܿܪܸܫܠܸܡ ܡ̣ܢ ܒܵܬ݇ܪ ܕܬܘܼܡܸܡ ܠܗܘܿܢ ܚܸܠܡܲܬܲܝܗܝ، ܘܫܩܝܼܠ ܠܗܘܿܢ ܥܲܡܲܝܗܝ ܠܝܘܿܚܲܢܵܢ، ܕܦܝܼܫ ܠܹܗ ܩܸܪܝܵܐ ܡܵܪܩܘܿܣ.
Currently Selected:
ܣܘܥܪ̈ܢܐ 12: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܣܘܥܪ̈ܢܐ 12
12
ܩܸܛܠܵܐ ܕܝܲܥܩܘܿܒ݂ ܘܕܒ݂ܵܩܬܵܐ ܕܫܸܡܥܘܿܢ ܟܹܐܦܵܐ
1ܒܐܵܗܵܐ ܥܕܵܢܵܐ ܗܹܪܘܿܕܸܣ ܡܲܠܟܵܐ ܕܒ݂ܝܼܩ ܠܹܗ ܠܚܲܕ݇ܟܡܵܐ ܐ݇ܢܵܫܹ̈ܐ ܡ̣ܢ ܥܹܕܬܵܐ ܠܸܥܒ݂ܵܕܵܐ ܒܝܼܫܬܵܐ ܐܸܠܲܝܗܝ. 2ܩܛܝܼܠ ܠܹܗ ܒܣܲܝܦܵܐ ܠܝܲܥܩܘܿܒ݂ ܐܲܚܘܿܢܵܐ ܕܝܘܿܚܲܢܵܢ. 3ܟܲܕ ܚܙܹܐ ܠܹܗ ܕܐܵܗܵܐ ܫܘܼܠܵܐ ܫܦܝܼܪܹܗ ܠܝܗܘܼܕܵܝܹ̈ܐ، ܕܒ݂ܝܼܩ ܠܹܗ ܐܘܼܦ ܠܫܸܡܥܘܿܢ ܟܹܐܦܵܐ. ܐܵܗܵܐ ܗܘܹܐ ܠܵܗ̇ ܒܝܵܘܡܵܢܹ̈ܐ ܕܦܲܛܝܼܪܹ̈ܐ.#ܡܦܩܢܐ 12:1‐27 4ܕܪܹܐ ܠܹܗ ܐܸܠܹܗ ܓܵܘ ܒܹܝܬ ܐܲܣܝܼܪܹ̈ܐ، ܘܣܘܼܦܹܐ ܠܹܗ ܠܐܲܪܒܲܥ ܣܝܼܥܵܬܹ̈ܐ، ܟܠ ܡܸܢܲܝܗܝ ܐܲܪܒܥܵܐ ܢܵܛܘܿܪܹ̈ܐ، ܕܢܵܛܪܝܼ ܗ݇ܘܵܘ ܠܹܗ. ܒܥܹܐ ܠܹܗ ܕܡ̣ܢ ܒܵܬ݇ܪ ܥܹܐܕܵܐ ܣܲܦܹܐ ܗ݇ܘܵܐ ܠܹܗ ܠܥܲܡܵܐ ܕܝܗܘܼܕܵܝܹ̈ܐ. 5ܟܲܕ ܫܸܡܥܘܿܢ ܟܹܐܦܵܐ ܦܝܵܫܵܐ ܝܗ݇ܘܵܐ ܢܛܝܼܪܵܐ ܓܵܘ ܒܹܝܬ ܐܲܣܝܼܪܹ̈ܐ، ܥܹܕܬܵܐ ܒܚܲܡܝܼܡܘܼܬܵܐ ܨܲܠܘܼܝܹܐ ܝܗ݇ܘܵܐ ܠܐܲܠܵܗܵܐ ܒܘܼܬ ܕܝܼܹܗ.
6ܒܗ̇ܘ ܠܲܝܠܹܐ، ܡ̣ܢ ܩܵܕ݇ܡ ܕܗܹܪܘܿܕܸܣ ܡܲܝܬܹܐ ܗ݇ܘܵܐ ܠܹܗ ܠܕܝܼܘܵܢ ܒܨܲܦܪܵܐ، ܫܸܡܥܘܿܢ ܟܹܐܦܵܐ ܕܡܝܼܟ݂ܵܐ ܝܗ݇ܘܵܐ ܒܹܝܠ ܬܪܹܝ ܕܲܚܫܹ̈ܐ، ܘܐ݇ܣܝܼܪܵܐ ܒܬܲܪܬܹܝ ܫܹܫܠܵܬܹ̈ܐ، ܘܢܵܛܘܿܪܹ̈ܐ ܩܵܕ݇ܡ ܬܲܪܥܵܐ ܒܸܢܛܵܪܵܐ ܒܹܝܬ ܐܲܣܝܼܪܹ̈ܐ. 7ܘܗܵܐ، ܡܲܠܲܐܟ݂ܵܐ ܕܡܵܪܝܵܐ ܦܝܼܫ ܠܹܗ ܚܸܙܝܵܐ ܐܸܠܹܗ، ܘܒܲܗܪܵܐ ܠܘܼܓ̰ܠܸܓ̰ ܠܹܗ ܓܵܘ ܒܹܝܬ ܐܲܣܝܼܪܹ̈ܐ، ܘܕܩܝܼܪܹܗ ܒܕܸܦܢܵܐ ܕܫܸܡܥܘܿܢ ܟܹܐܦܵܐ ܘܡܘܼܪܥܸܫ ܠܹܗ، ܘܐ݇ܡܝܼܪܹܗ ܐܸܠܹܗ، ”ܩܘܼܡ ܓ̰ܲܠܕܹܐ.“ ܘܢܦܝܼܠ ܠܗܘܿܢ ܫܹܫܠܵܬܹ̈ܐ ܡ̣ܢ ܐܝܼܕܵܬܹ̈ܗ. 8ܐ݇ܡܝܼܪܹܗ ܐܸܠܹܗ ܡܲܠܲܐܟ݂ܵܐ، ”ܐ݇ܣܘܿܪ ܚܲܨܘܼܟ݂، ܘܠܒ݂ܘܿܫ ܨܵܘܠܘܼ̈ܟ݂.“ ܘܥܒ݂ܝܼܕ ܠܹܗ ܟܹܐܦܵܐ ܗܲܕܟ݂ܵܐ، ܐ݇ܡܝܼܪܹܗ ܐܸܠܹܗ، ”ܕܪܝܼ ܥܲܠܘܼܟ݂ ܥܵܒܵܝܬܘܼܟ݂ ܘܬܵܐ ܒܵܬ݇ܪܝܼ.“ 9ܦܠܝܼܛ ܠܹܗ ܫܸܡܥܘܿܢ ܟܹܐܦܵܐ ܘܐ݇ܙܝܼܠ ܠܹܗ ܒܵܬ݇ܪܹܗ، ܐܝܼܢܵܐ ܠܹܐ ܝܗ݇ܘܵܐ ܒܝܼܕܵܥܵܐ ܕܐܸܢ ܫܲܪܝܼܪܵܐܝܼܬ ܩܲܘܘܼܡܹܐ ܝܗ݇ܘܵܐ ܡܸܢܕܝܼ ܕܦܝܼܫܵܐ ܝܗ݇ܘܵܐ ܥܒ݂ܝܼܕܵܐ ܒܝܲܕ ܡܲܠܲܐܟ݂ܵܐ، ܣܵܒܵܒ ܒܸܚܫܵܒ݂ܵܐ ܝܗ݇ܘܵܐ ܕܚܸܙܘܵܐ ܒܸܚܙܵܝܵܐ ܝܗ݇ܘܵܐ. 10ܟܲܕ ܥܒ݂ܝܼܪܗܘܿܢ ܡ̣ܢ ܢܵܛܘܿܪܵܐ ܩܵܕ݇ܡܵܝܵܐ ܘܬܪܲܝܵܢܵܐ، ܐ݇ܬܹܐ ܠܗܘܿܢ ܠܬܲܪܥܵܐ ܕܦܪܸܙܠܵܐ ܕܟܹܐ ܠܲܒܸܠ ܠܡܕܝܼܢ݇ܬܵܐ. ܦܬܝܼܚ ܠܹܗ ܬܲܪܥܵܐ ܡ̣ܢ ܓܵܢܹܗ، ܘܦܠܝܼܛ ܠܗܘܿܢ ܡܸܢܹܗ ܘܐ݇ܬܹܐ ܠܗܘܿܢ ܠܚܲܕ ܥܵܠܘܿܠܵܐ. ܗܲܪ ܒܗ̇ܝ ܥܕܵܢܵܐ ܫܒ݂ܝܼܩ ܠܹܗ ܐܸܠܹܗ ܡܲܠܲܐܟ݂ܵܐ ܬܵܡܵܐ.
11ܗ̇ܝܓܵܗ ܪܥܝܼܫ ܠܹܗ ܠܓܵܢܹܗ ܫܸܡܥܘܿܢ ܟܹܐܦܵܐ، ܘܐ݇ܡܝܼܪܹܗ، ”ܐܵܕܝܼܵܐ ܝ݇ܕܝܼܥ ܠܝܼ ܒܫܲܪܝܼܪܘܼܬܵܐ ܕܡܵܪܝܵܐ ܫܘܼܕܸܪܹܗ ܡܲܠܲܐܟܹܗ ܘܦܘܼܨܹܐ ܠܹܗ ܐܸܠܝܼ ܡ̣ܢ ܐܝܼܕܵܐ ܕܗܹܪܘܿܕܸܣ، ܘܡ̣ܢ ܟܠ ܡܸܢܕܝܼ ܕܒܸܚܫܵܒ݂ܵܐ ܝܗ݇ܘܵܐ ܥܲܠܝܼ ܥܲܡܵܐ ܕܝܗܘܼܕܵܝܹ̈ܐ.“ 12ܐܝܼܡܲܢ ܕܦܘܼܪܡܹܐ ܠܹܗ ܐܵܗܵܐ، ܐ݇ܬܹܐ ܠܹܗ ܠܒܲܝܬܵܐ ܕܡܲܪܝܲܡ ܝܸܡܵܐ ܕܝܘܿܚܲܢܵܢ، ܕܦܵܐܹܫ ܗ݇ܘܵܐ ܩܸܪܝܵܐ ܡܵܪܩܘܿܣ، ܐܲܝܟܵܐ ܕܪܵܒܵܐ ܓ̰ܡܝܼܥܹܐ ܝܗ݇ܘܵܘ ܘܨܲܠܘܼܝܹܐ. 13ܬܘܼܩܬܸܩ ܠܹܗ ܫܸܡܥܘܿܢ ܟܹܐܦܵܐ ܠܬܲܪܥܵܐ ܕܕܵܪܬܵܐ، ܘܦܠܝܼܛ ܠܵܗ̇ ܚܕܵܐ ܒܪܵܬܵܐ ܫܸܡܘܼܗ̇ ܪܘܿܕܵܐ ܕܦܵܬܚܵܐ ܗ݇ܘܵܐ ܠܹܗ ܬܲܪܥܵܐ، 14ܝ݇ܕܝܼܥ ܠܵܗ̇ ܩܵܠܵܐ ܕܫܸܡܥܘܿܢ ܟܹܐܦܵܐ، ܘܡ̣ܢ ܚܲܕܘܼܬܘܼܗ̇ ܠܵܐ ܦܬܝܼܚ ܠܵܗ̇ ܬܲܪܥܵܐ، ܐܸܠܵܐ ܪܚܝܼܛ ܠܵܗ̇ ܠܓܵܘܵܐ ܘܐ݇ܡܝܼܪܵܗ̇، ”ܟܹܐܦܵܐ ܟܸܠܝܵܐ ܝܠܹܗ ܩܵܕ݇ܡ ܬܲܪܥܵܐ ܕܕܵܪܬܵܐ.“ 15ܐܵܢܝܼ ܓ̰ܘܼܘܸܒ ܠܗܘܿܢ ܐܸܠܘܼܗ̇، ”ܫܘܼܕܸܢܵܟ݂ܝ!“ ܐܝܼܢܵܐ ܗ̇ܝ ܒܘܼܫ ܩܸܘܝܵܐ ܐܵܡܪܵܐ ܗ݇ܘܵܐ ܕܫܸܡܥܘܿܢ ܟܹܐܦܵܐ ܝܠܹܗ. ܐܝܼܢܵܐ ܐܵܢܝܼ ܐ݇ܡܝܼܪܗܘܿܢ، ”ܡܲܠܲܐܟܹܗ ܝܠܹܗ.“ 16ܘܟܹܐܦܵܐ ܗܹܫ ܬܲܩܬܘܼܩܹܐ ܝܗ݇ܘܵܐ ܥܲܠ ܬܲܪܥܵܐ. ܐܝܼܡܲܢ ܕܦܬܝܼܚ ܠܗܘܿܢ ܘܚܙܹܐ ܠܗܘܿܢ ܐܸܠܹܗ، ܥܘܼܓ̰ܸܒ ܠܗܘܿܢ. 17ܘܫܥܝܼܫ ܠܹܗ ܐܝܼܕܹܗ ܥܲܠܲܝܗܝ ܕܠܵܐ ܗܲܡܙܸܡܝܼ. ܗܘܼܩܹܐ ܠܹܗ ܐܸܠܲܝܗܝ ܕܵܐܟ݂ܝܼ ܡܵܪܝܵܐ ܦܘܼܠܸܛ ܠܹܗ ܐܸܠܹܗ ܡ̣ܢ ܒܹܝܬ ܐܲܣܝܼܪܹ̈ܐ. ܗ̇ܝܓܵܗ ܐ݇ܡܝܼܪܹܗ ܐܸܠܲܝܗܝ، ”ܡܲܚܒܸܪܘܼܢ ܠܝܲܥܩܘܿܒ݂ ܘܠܐܲܚܘܿܢܘܵܬܹ̈ܐ.“ ܘܦܠܝܼܛ ܠܹܗ ܘܐ݇ܙܝܼܠ ܠܹܗ ܠܚܕܵܐ ܕܘܼܟܵܐ ܐ݇ܚܹܪ݇ܬܵܐ.
18ܟܲܕ ܗܘܹܐ ܠܹܗ ܝܵܘܡܵܐ، ܢܦܝܼܠ ܠܹܗ ܫܓ݂ܘܼܫܝܵܐ ܓܘܼܪܵܐ ܓܵܘ ܕܲܚܫܹ̈ܐ ܒܘܼܬ ܫܸܡܥܘܿܢ ܟܹܐܦܵܐ ܕܡܘܿܕܝܼ ܗܘܹܐ ܠܹܗ ܐܸܠܹܗ. 19ܛܠܝܼܒ ܠܹܗ ܗܹܪܘܿܕܸܣ ܠܫܸܡܥܘܿܢ ܟܹܐܦܵܐ ܐܝܼܢܵܐ ܠܵܐ ܡܘܼܫ݇ܟ̰ܸܚ ܠܹܗ. ܡ̣ܢ ܒܵܬ݇ܪ ܕܨܘܼܚܨܹܐ ܠܹܗ ܠܢܵܛܘܿܪܹ̈ܐ، ܦܩܝܼܕ ܠܹܗ ܕܦܵܝܫܝܼ ܩܛܝܼܠܹܐ. ܘܨܠܹܐ ܠܹܗ ܡ̣ܢ ܝܼܗܘܼܕ ܠܩܹܣܲܪܝܵܐ ܘܦܝܼܫ ܠܹܗ ܬܵܡܵܐ.
ܡܵܘܬܵܐ ܕܗܹܪܘܿܕܸܣ
20ܗܹܪܘܿܕܸܣ ܟܪܝܼܒܵܐ ܝܗ݇ܘܵܐ ܥܲܠ ܨܘܿܪ̈ܵܝܹܐ ܘܥܲܠ ܨܲܝܕܘܿܢܵܝܹ̈ܐ. ܐܲܢܹܐ ܣܘܼܙܓܸܪܗܘܿܢ ܡܥܘܼܕܵܠܹ̈ܐ ܘܐ݇ܬܹܐ ܠܗܘܿܢ ܕܬܵܦܩܝܼ ܗ݇ܘܵܘ ܒܝܼܹܗ ܒܡܸܨܥܵܝܘܼܬܵܐ ܕܒܠܹܣܛܘܿܣ، ܪܹܓܵܐ ܡܗܘܼܡܢܵܐ ܕܡܲܠܟܵܐ. ܛܠܝܼܒ ܠܗܘܿܢ ܕܥܵܒ݂ܕܝܼ ܗ݇ܘܵܘ ܫܠܵܡܵܐ ܥܲܡ ܗܹܪܘܿܕܸܣ ܣܵܒܵܒ ܬܘܼܪܣܵܝܵܐ ܕܐܲܬܪܲܝܗܝ ܡ̣ܢ ܐܲܬܪܵܐ ܕܗܹܪܘܿܕܸܣ ܝܼܗ݇ܘܵܐ. 21ܒܝܵܘܡܵܐ ܝ݇ܕܝܼܥܵܐ، ܠܒ݂ܝܼܫ ܠܹܗ ܗܹܪܘܿܕܸܣ ܠܒ݂ܝܼܫܬܵܐ ܕܡܲܠܟܘܼܬܵܐ ܘܝ݇ܬܝܼܒ݂ ܠܹܗ ܥܲܠ ܟܘܼܪܣܝܵܐ ܕܕܝܼܘܵܢ ܘܗܘܼܡܙܸܡ ܠܹܗ ܐܸܠܲܝܗܝ. 22ܟܸܢܫܵܐ ܡܘܼܩܘܸܚ ܠܹܗ، ܒܹܐܡܵܪܵܐ، ”ܐܵܗܵܐ ܩܵܠܵܐ ܕܐܲܠܵܗܵܐ ܝܠܹܗ، ܠܵܐ ܕܒܲܪܢܵܫܵܐ.“ 23ܗܲܪ ܒܗ̇ܝ ܥܕܵܢܵܐ ܡܚܹܐ ܠܹܗ ܐܸܠܹܗ ܡܲܠܲܐܟ݂ܵܐ ܕܡܵܪܝܵܐ، ܣܵܒܵܒ ܠܵܐ ܝܘܼܗ݇ܒܸܠ ܠܹܗ ܫܘܼܒ݂ܚܵܐ ܠܐܲܠܵܗܵܐ، ܘܩܲܡ ܐܵܟ݂ܠܝܼ ܠܹܗ ܬܸܘܸܠܥܹ̈ܐ ܘܡܝܼܬ ܠܹܗ.
24ܗܹܡܸܙܡܵܢ ܕܐܲܠܵܗܵܐ ܦܪܝܼܣ ܠܵܗ̇ ܘܙܝܼܕ ܠܵܗ̇. 25ܘܒܲܪܢܒ݂ܵܐ ܘܫܵܐܘܿܠ ܕܝܼܪܗܘܿܢ ܡ̣ܢ ܐܘܿܪܸܫܠܸܡ ܡ̣ܢ ܒܵܬ݇ܪ ܕܬܘܼܡܸܡ ܠܗܘܿܢ ܚܸܠܡܲܬܲܝܗܝ، ܘܫܩܝܼܠ ܠܗܘܿܢ ܥܲܡܲܝܗܝ ܠܝܘܿܚܲܢܵܢ، ܕܦܝܼܫ ܠܹܗ ܩܸܪܝܵܐ ܡܵܪܩܘܿܣ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation