Niverow 9
9
An Pask yn Gwylvos Sinay
1An Arloedh a gewsis dhe Moyses yn gwylvos Sinay, y'n kynsa mis a'n nessa blydhen wosa i dhe dhos yn-mes a bow Ejyp, ow leverel: 2Gas mebyon Ysrael dhe witha an Pask y'n termyn apoyntys. 3Yn peswardhegves dydh an mis ma, gorthugherweyth, ty a wra y witha y'n termyn apoyntys; war-lergh oll y reythennow ha'y ordenansow ty a wra y witha. 4Ytho Moyses a leveris dhe vebyon Ysrael may koedho dhedha gwitha an Pask. 5I a withas an Pask y'n kynsa mis, y'n peswardhegves dydh, gorthugherweyth, yn gwylvos Sinay; war-lergh pup-tra re worhemmynnis an Arloedh dhe Moyses, yndella mebyon Ysrael a wrug. 6Lemyn yth esa gwer avlan dre dava korf marow den, ma na allsons gwitha an Pask an jydh na; hag i a dheuth a-rag Moyses hag a-rag Aron an jydh na; 7ha'n wer na a leveris dhodho, ‘Avlan on dre dochya korf marow den; prag yth yw difennys orthyn offrynna offrynn an Arloedh y'n termyn apoyntys yn mysk mebyon Ysrael?’ 8Ha Moyses a leveris dhedha, ‘Gortewgh, may klewiv an pyth a worhemmynn an Arloedh a-dro dhywgh.’
9An Arloedh a leveris dhe Moyses, 10Lavar dhe vebyon Ysrael: Mar pydh avlan gour ahanowgh po a'gas diyskynnysi dre dochya korf marow, po pell war vyaj, hwath ev a with Pask dhe'n Arloedh. 11Y'n nessa mis y'n peswardhegves dydh gorthugherweyth i a'n gwith; i a wra y dhybri gans bara heb goell hag erbys hwerow. 12Ny wrons i gasa travyth anodho bys y'n myttin, na terri askorn anodho; war-lergh oll an ordenans rag an Pask i a'n gwith. 13Mes an gour yw glan ha heb bos ow vyajya, mes hwath a fyll gwitha an Pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh. 14Ha mar kodrik alyon yn agas mysk, hag a with an Pask dhe'n Arloedh, war-lergh ordenans an Pask ha war-lergh y rewlys, yndellma y hwra; hwi a'gas bydh unn ordenans, ha dhe'n alyon ha dhe'n genesik.
An Gommolenn ha'n Tan
15Y'n jydh may feu sevys an tabernakel, an gommolenn a gudhas an tabernakel, tylda an dustuni; ha dhe'n gorthugher yth esa a-ugh an tabernakel kepar ha semlans tan bys y'n myttin. 16Hag yndella prest yth o; an gommolenn a'n kudha dydhweyth, ha semlans an tan nosweyth. 17Peskweyth may feu an gommolenn kemmerys yn-bann a-dhiworth an tylda, wosa henna mebyon Ysrael e yn-kerdh; hag y'n tyller mayth esa an gommolenn ow sevel stag, ena mebyon Ysrael a gampya. 18Orth gorhemmynna an Arloedh mebyon Ysrael e yn-kerdh, hag orth gorhemmynna an Arloedh i a gampya; kettell wre an gommolenn sevel stag a-ugh an tabernakel, i a gampya. 19Hwath pan wre an gommolenn tarya a-ugh an tabernakel lies dydh, mebyon Ysrael a witha charj an Arloedh, ha nyns ens yn-kerdh. 20Treweythyow yth esa an gommolenn niver a dhydhyow a-ugh an tabernakel, ha war-lergh gorhemmynna an Arloedh yth esens trigys y'n kamp; ena, war-lergh gorhemmynna an Arloedh, yth ens yn-kerdh. 21Ha treweythyow, an gommolenn esa ena a'n gorthugher bys y'n myttin; ha pan vedha kemmerys an gommolenn myttinweyth, yth ens yn-kerdh; dydhweyth po nosweyth, mar pe an gommolenn kemmerys yn-bann, yth ens yn-kerdh. 22Mar pe dew dhydh, po mis, po termyn pella, mayth esa an gommolenn ow tarya a-ugh an tabernakel, ow kortos ena, mebyon Ysrael esens trigys y'n kamp ha nyns ens yn-kerdh; mes pan ve kemmerys yn-bann, yth ens yn-kerdh. 23Orth gorhemmynn an Arloedh i a gampya, hag orth gorhemmynna an Arloedh yth ens yn-kerdh; i a withas charj an Arloedh, orth gorhemmynna an Arloedh dre leuv Moyses.
Currently Selected:
Niverow 9: ABK
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024
Niverow 9
9
An Pask yn Gwylvos Sinay
1An Arloedh a gewsis dhe Moyses yn gwylvos Sinay, y'n kynsa mis a'n nessa blydhen wosa i dhe dhos yn-mes a bow Ejyp, ow leverel: 2Gas mebyon Ysrael dhe witha an Pask y'n termyn apoyntys. 3Yn peswardhegves dydh an mis ma, gorthugherweyth, ty a wra y witha y'n termyn apoyntys; war-lergh oll y reythennow ha'y ordenansow ty a wra y witha. 4Ytho Moyses a leveris dhe vebyon Ysrael may koedho dhedha gwitha an Pask. 5I a withas an Pask y'n kynsa mis, y'n peswardhegves dydh, gorthugherweyth, yn gwylvos Sinay; war-lergh pup-tra re worhemmynnis an Arloedh dhe Moyses, yndella mebyon Ysrael a wrug. 6Lemyn yth esa gwer avlan dre dava korf marow den, ma na allsons gwitha an Pask an jydh na; hag i a dheuth a-rag Moyses hag a-rag Aron an jydh na; 7ha'n wer na a leveris dhodho, ‘Avlan on dre dochya korf marow den; prag yth yw difennys orthyn offrynna offrynn an Arloedh y'n termyn apoyntys yn mysk mebyon Ysrael?’ 8Ha Moyses a leveris dhedha, ‘Gortewgh, may klewiv an pyth a worhemmynn an Arloedh a-dro dhywgh.’
9An Arloedh a leveris dhe Moyses, 10Lavar dhe vebyon Ysrael: Mar pydh avlan gour ahanowgh po a'gas diyskynnysi dre dochya korf marow, po pell war vyaj, hwath ev a with Pask dhe'n Arloedh. 11Y'n nessa mis y'n peswardhegves dydh gorthugherweyth i a'n gwith; i a wra y dhybri gans bara heb goell hag erbys hwerow. 12Ny wrons i gasa travyth anodho bys y'n myttin, na terri askorn anodho; war-lergh oll an ordenans rag an Pask i a'n gwith. 13Mes an gour yw glan ha heb bos ow vyajya, mes hwath a fyll gwitha an Pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh. 14Ha mar kodrik alyon yn agas mysk, hag a with an Pask dhe'n Arloedh, war-lergh ordenans an Pask ha war-lergh y rewlys, yndellma y hwra; hwi a'gas bydh unn ordenans, ha dhe'n alyon ha dhe'n genesik.
An Gommolenn ha'n Tan
15Y'n jydh may feu sevys an tabernakel, an gommolenn a gudhas an tabernakel, tylda an dustuni; ha dhe'n gorthugher yth esa a-ugh an tabernakel kepar ha semlans tan bys y'n myttin. 16Hag yndella prest yth o; an gommolenn a'n kudha dydhweyth, ha semlans an tan nosweyth. 17Peskweyth may feu an gommolenn kemmerys yn-bann a-dhiworth an tylda, wosa henna mebyon Ysrael e yn-kerdh; hag y'n tyller mayth esa an gommolenn ow sevel stag, ena mebyon Ysrael a gampya. 18Orth gorhemmynna an Arloedh mebyon Ysrael e yn-kerdh, hag orth gorhemmynna an Arloedh i a gampya; kettell wre an gommolenn sevel stag a-ugh an tabernakel, i a gampya. 19Hwath pan wre an gommolenn tarya a-ugh an tabernakel lies dydh, mebyon Ysrael a witha charj an Arloedh, ha nyns ens yn-kerdh. 20Treweythyow yth esa an gommolenn niver a dhydhyow a-ugh an tabernakel, ha war-lergh gorhemmynna an Arloedh yth esens trigys y'n kamp; ena, war-lergh gorhemmynna an Arloedh, yth ens yn-kerdh. 21Ha treweythyow, an gommolenn esa ena a'n gorthugher bys y'n myttin; ha pan vedha kemmerys an gommolenn myttinweyth, yth ens yn-kerdh; dydhweyth po nosweyth, mar pe an gommolenn kemmerys yn-bann, yth ens yn-kerdh. 22Mar pe dew dhydh, po mis, po termyn pella, mayth esa an gommolenn ow tarya a-ugh an tabernakel, ow kortos ena, mebyon Ysrael esens trigys y'n kamp ha nyns ens yn-kerdh; mes pan ve kemmerys yn-bann, yth ens yn-kerdh. 23Orth gorhemmynn an Arloedh i a gampya, hag orth gorhemmynna an Arloedh yth ens yn-kerdh; i a withas charj an Arloedh, orth gorhemmynna an Arloedh dre leuv Moyses.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024