Levitikus 24
24
Kantoler an Sentri
1An Arloedh a gewsis orth Moyses, ow leverel: 2Argh dhe vebyon Ysrael may trollons dhis olew pur a oliv gweskys rag an golow, dhe wul dhe'n lugern leski heb hedhi. 3A-ves dhe vayl an dustuni, yn tylda an kuntelles, y hwra Aron y ordena prest, dhiworth gorthugher bys y'n myttin dherag an Arloedh. Y fydh ordenans bys vykken der agas henedhow. 4Ev a sett an lugern war an kantoler a owr pur dherag an Arloedh prest.
Bara an Wolok
5Ty a gemmer bleus fin ha pobas dewdhek tesenn rond ganso. Diw dhegves rann a efa a vydh yn unn desenn. 6Ha ty a's sett yn dew rew, hwegh anedha yn unn rew, war an voes a owr pur dherag an Arloedh. 7Ty a worr frankynkys pur war bub rew, dhe vos offrynn govadh rag an bara, offrynn dre dan dhe'n Arloedh. 8Pub Sabot ev a'n aray prest dherag an Arloedh, a-barth mebyon Ysrael, kevambos bys vykken. 9Ev a vydh dhe Aron ha'y vebyon, hag i a'n deber yn tyller sans, rag an moyha sans yw dhodho a offrynnow dre dan dhe'n Arloedh, kevambos bys vykken.
Kessydhyans rag Blasfemi
10Lemmyn mab Ysraelyades, hag ev mab gour ejyptek, eth yn-mes yn mysk mebyon Ysrael ha mab an Ysraelyades a omladhas gans gour a Ysrael y'n kamp. 11Ha mab an Ysraelyades a vlasfemyas an Hanow ha'y vollethi. I a'n dros dhe Moyses. Hanow y vamm o Shelomith, myrgh Dibri a loeth Dan. 12Hag i a'n worras yn-dann with, ow kortos bodh an Arloedh dhe vos diskwedhys dhedha.
13Ha'n Arloedh a gewsis orth Moyses, ow leverel: 14Doro neb re vollethis yn-mes a'n kamp, ha gwres peub a'n klewas gorra aga diwleuv war y benn, ha gwres oll an kuntelles y labydha. 15Ha ty a gews orth mebyon Ysrael, ow leverel: Piwpynag a vollottho y Dhuw a berth y begh. 16Neb a vlasfem hanow an Arloedh a vydh gorrys dhe'n mernans yn sur; oll an kuntelles a'n labydh yn sur; an alyon ha'n genesik maga ta, pan volleth an Hanow, a vydh gorrys dhe'n mernans. 17Neb a ladh denvyth a vydh gorrys dhe'n mernans yn sur. 18Neb a ladh best a'n attal, bewnans rag bewnans. 19Den mar kwra pystik dh'y gentrevek, y fydh gwrys dhodho kepar dell wrug ev. 20Askorn terrys rag askorn terrys, lagas rag lagas, dans rag dans. Dell wrug ev pystik dhe dhen, yndella y fydh gwrys dhodho ev. 21Neb a ladh best, ev a'n attal; ha neb a ladh den, ev a vydh gorrys dhe'n mernans. 22Y fydh unn lagha dhywgh, an alyon ha'n genesik maga ta, rag an Arloedh agas Duw ov vy. 23Ha Moyses a gewsis orth mebyon Ysrael, bos res dhedha dri neb re wrussa mollethi yn-mes a'n kamp ha'y labydha gans meyn. Mebyon Ysrael a wrug dell erghis an Arloedh dhe Moyses.
Currently Selected:
Levitikus 24: ABK
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024
Levitikus 24
24
Kantoler an Sentri
1An Arloedh a gewsis orth Moyses, ow leverel: 2Argh dhe vebyon Ysrael may trollons dhis olew pur a oliv gweskys rag an golow, dhe wul dhe'n lugern leski heb hedhi. 3A-ves dhe vayl an dustuni, yn tylda an kuntelles, y hwra Aron y ordena prest, dhiworth gorthugher bys y'n myttin dherag an Arloedh. Y fydh ordenans bys vykken der agas henedhow. 4Ev a sett an lugern war an kantoler a owr pur dherag an Arloedh prest.
Bara an Wolok
5Ty a gemmer bleus fin ha pobas dewdhek tesenn rond ganso. Diw dhegves rann a efa a vydh yn unn desenn. 6Ha ty a's sett yn dew rew, hwegh anedha yn unn rew, war an voes a owr pur dherag an Arloedh. 7Ty a worr frankynkys pur war bub rew, dhe vos offrynn govadh rag an bara, offrynn dre dan dhe'n Arloedh. 8Pub Sabot ev a'n aray prest dherag an Arloedh, a-barth mebyon Ysrael, kevambos bys vykken. 9Ev a vydh dhe Aron ha'y vebyon, hag i a'n deber yn tyller sans, rag an moyha sans yw dhodho a offrynnow dre dan dhe'n Arloedh, kevambos bys vykken.
Kessydhyans rag Blasfemi
10Lemmyn mab Ysraelyades, hag ev mab gour ejyptek, eth yn-mes yn mysk mebyon Ysrael ha mab an Ysraelyades a omladhas gans gour a Ysrael y'n kamp. 11Ha mab an Ysraelyades a vlasfemyas an Hanow ha'y vollethi. I a'n dros dhe Moyses. Hanow y vamm o Shelomith, myrgh Dibri a loeth Dan. 12Hag i a'n worras yn-dann with, ow kortos bodh an Arloedh dhe vos diskwedhys dhedha.
13Ha'n Arloedh a gewsis orth Moyses, ow leverel: 14Doro neb re vollethis yn-mes a'n kamp, ha gwres peub a'n klewas gorra aga diwleuv war y benn, ha gwres oll an kuntelles y labydha. 15Ha ty a gews orth mebyon Ysrael, ow leverel: Piwpynag a vollottho y Dhuw a berth y begh. 16Neb a vlasfem hanow an Arloedh a vydh gorrys dhe'n mernans yn sur; oll an kuntelles a'n labydh yn sur; an alyon ha'n genesik maga ta, pan volleth an Hanow, a vydh gorrys dhe'n mernans. 17Neb a ladh denvyth a vydh gorrys dhe'n mernans yn sur. 18Neb a ladh best a'n attal, bewnans rag bewnans. 19Den mar kwra pystik dh'y gentrevek, y fydh gwrys dhodho kepar dell wrug ev. 20Askorn terrys rag askorn terrys, lagas rag lagas, dans rag dans. Dell wrug ev pystik dhe dhen, yndella y fydh gwrys dhodho ev. 21Neb a ladh best, ev a'n attal; ha neb a ladh den, ev a vydh gorrys dhe'n mernans. 22Y fydh unn lagha dhywgh, an alyon ha'n genesik maga ta, rag an Arloedh agas Duw ov vy. 23Ha Moyses a gewsis orth mebyon Ysrael, bos res dhedha dri neb re wrussa mollethi yn-mes a'n kamp ha'y labydha gans meyn. Mebyon Ysrael a wrug dell erghis an Arloedh dhe Moyses.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024