Levitikus 2
2
An Offrynn Greun
1Pan vynn nebonan offrynna offrynn greun dhe'n Arloedh, y offrynn a vydh bleus fin hag ev a wra dinewi oyl warnodho ha gorra frankynkys warnodho. 2Ev a'n dre dhe vebyon Aron, an oferysi, hag ev a gemmer dornas a'y vleus fin ha'y oyl gans oll y frankynkys, ha'n oferyas a lesk rann govadh anodho war an alter, offrynn dre dan, sawer plegadow dhe'n Arloedh. 3Ha remenant an offrynn a vydh dhe Aron ha'y vebyon, tra an moyha sans a'n offrynnow dre dan dhe'n Arloedh.
4Mar tredh offrynn greun pebys y'n forn, y fydh ev tesennow rond a vara heb goell, a vleus fin kemmyskys gans oyl, po tesennow tanow a vara heb goell urys gans oyl. 5Ha mars yw dha offrynn pebys war ven-pobas, ev a vydh a vleus fin heb goell, kemmyskys gans oyl. 6Ty a'n rann yn darnow ha dinewi oyl warnodho. Offrynn greun yw. 7Mars yw dha offrynn pebys yn padell-bobas, y fydh gwrys a vleus fin gans oyl. 8Ty a dhre an offrynn gwrys a'n taklow ma dhe'n Arloedh, ha pan vo dres dhe'n oferyas ev a'n dre dhe'n alter. 9An oferyas a gemmer rann govadh an offrynn greun ha'y leski war an alter, offrynn dre dan, sawer plegadow dhe'n Arloedh. 10Remenant an offrynn a vydh dhe Aron ha'y vebyon: tra an moyha sans a'n offrynnow gwrys dre dan dhe'n Arloedh.
11Ny vydh offrynn vyth a wre'ta dri dhe'n Arloedh gwrys gans goell; rag ny wrewgh leski goell na mel vyth yn offrynn dre dan dhe'n Arloedh. 12Hwi a dhre offrynn a gynsa frut dhe'n Arloedh, mes ny vydhons i leskys war an alter avel sawer plegadow. 13Ty a wra salla oll dha offrynnow boes gans hoelan. Ny wre'ta gasa hoelan kevambos dha Dhuw dhe fyllel dhe'th offrynn greun; ty a brof hoelan gans oll dha offrynnow.
14Mar tredh offrynn greun a gynsa frut dhe'n Arloedh, ty a wra offrynna rag dha offrynn greun, rann a'th kynsa frut, pennow-ys glas, rostys ryb an tan, brunyon a ys nowydh. 15Ty a worr oyl warnodho, ha settya frankynkys warnodho; offrynn greun yw. 16An oferyas a lesk rann govadh a'y vrunyon hag a'y oyl gans oll y frankynkys; offrynn dre dan dhe'n Arloedh.
Currently Selected:
Levitikus 2: ABK
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024
Levitikus 2
2
An Offrynn Greun
1Pan vynn nebonan offrynna offrynn greun dhe'n Arloedh, y offrynn a vydh bleus fin hag ev a wra dinewi oyl warnodho ha gorra frankynkys warnodho. 2Ev a'n dre dhe vebyon Aron, an oferysi, hag ev a gemmer dornas a'y vleus fin ha'y oyl gans oll y frankynkys, ha'n oferyas a lesk rann govadh anodho war an alter, offrynn dre dan, sawer plegadow dhe'n Arloedh. 3Ha remenant an offrynn a vydh dhe Aron ha'y vebyon, tra an moyha sans a'n offrynnow dre dan dhe'n Arloedh.
4Mar tredh offrynn greun pebys y'n forn, y fydh ev tesennow rond a vara heb goell, a vleus fin kemmyskys gans oyl, po tesennow tanow a vara heb goell urys gans oyl. 5Ha mars yw dha offrynn pebys war ven-pobas, ev a vydh a vleus fin heb goell, kemmyskys gans oyl. 6Ty a'n rann yn darnow ha dinewi oyl warnodho. Offrynn greun yw. 7Mars yw dha offrynn pebys yn padell-bobas, y fydh gwrys a vleus fin gans oyl. 8Ty a dhre an offrynn gwrys a'n taklow ma dhe'n Arloedh, ha pan vo dres dhe'n oferyas ev a'n dre dhe'n alter. 9An oferyas a gemmer rann govadh an offrynn greun ha'y leski war an alter, offrynn dre dan, sawer plegadow dhe'n Arloedh. 10Remenant an offrynn a vydh dhe Aron ha'y vebyon: tra an moyha sans a'n offrynnow gwrys dre dan dhe'n Arloedh.
11Ny vydh offrynn vyth a wre'ta dri dhe'n Arloedh gwrys gans goell; rag ny wrewgh leski goell na mel vyth yn offrynn dre dan dhe'n Arloedh. 12Hwi a dhre offrynn a gynsa frut dhe'n Arloedh, mes ny vydhons i leskys war an alter avel sawer plegadow. 13Ty a wra salla oll dha offrynnow boes gans hoelan. Ny wre'ta gasa hoelan kevambos dha Dhuw dhe fyllel dhe'th offrynn greun; ty a brof hoelan gans oll dha offrynnow.
14Mar tredh offrynn greun a gynsa frut dhe'n Arloedh, ty a wra offrynna rag dha offrynn greun, rann a'th kynsa frut, pennow-ys glas, rostys ryb an tan, brunyon a ys nowydh. 15Ty a worr oyl warnodho, ha settya frankynkys warnodho; offrynn greun yw. 16An oferyas a lesk rann govadh a'y vrunyon hag a'y oyl gans oll y frankynkys; offrynn dre dan dhe'n Arloedh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024