Levitikus 15
15
Sygeransow Avlan
1An Arloedh a gewsis orth Moyses hag Aron, ow leverel: 2Kewsewgh orth mebyon Ysrael ha leverel dhedha, Pub gour mayth eus sygerans a'y gorf, avlan yw y sygerans. 3Hemm yw y avlander drefenn y sygerans: mar teu an sygerans a'y gorf, po mars yw y gorf stoppys a sygera, y avlander yw. 4Avlan yw pub gweli may hwrowedh warnodho neb a'n jeves an sygerans, ha pup-tra mayth esedh ev warnodho yw avlan. 5Piwpynag a docchyo y weli a wolgh y dhillas hag omvadhya yn dowr ha pesya avlan bys y'n gorthugher. 6Neb a esettho war neb tra mayth esedhas warnodho neb a'n jeves an sygerans a wolgh y dhillas hag omvadhya yn dowr, ha pesya avlan bys y'n gorthugher. 7Neb a docchyo an kig anodho ev neb a'n jeves an sygerans a wolgh y dhillas hag omvadhya yn dowr ha pesya avlan bys y'n gorthugher. 8Mar trew neb a'n jeves an sygerans war nebonan yw glan, ev a wolgh y dhillas hag omvadhya yn dowr ha pesya avlan bys y'n gorthugher. 9Pub diber a varghokko warnodho ev neb a'n jeves an sygerans a vydh avlan. 10Piwpynag a docchyo neppyth esa yn-danno a vydh avlan bys y'n gorthugher; hag ev neb a dheg an taklow na a wolgh y dhillas hag omvadhya yn dowr ha pesya avlan bys y'n gorthugher. 11Piwpynag a wrello ev neb a'n jeves an sygerans y dochya, ha ny wolghas y dhiwleuv yn dowr, a wolgh y dhillas, hag omvadhya yn dowr, ha pesya avlan bys y'n gorthugher. 12Lester a bri a veu tochys gans neb a'n jeves an sygerans a vydh terrys; ha pub lester a brenn a vydh golghys yn dowr.
13Pan vo ev neb a'n jeves sygerans glanhes a'y sygerans, ev a niver dh'y honan seyth dydh rag y lanheans, ha golghi y dhillas, ha badhya y gig yn dowr ow resek, hag ev a vydh glan. 14An ethves dydh ev a gemmer diw durenn po diw golomm yowynk ha dos dherag an Arloedh bys yn daras tylda an kuntelles ha'ga ri dhe'n oferyas. 15An oferyas a's offrynn, an eyl rag offrynn pegh ha'y ben rag offrynn leskys, ha'n oferyas a wra dehwelyans ragdho dherag an Arloedh rag y sygerans.
16Mars eus dyllans has dhe neb gour, ev a wolgh oll y gorf yn dowr, ha pesya avlan bys y'n gorthugher. 17Pub dillas ha pub kneus ha warnodho has, a vydh golghys gans dowr, ha pesya avlan bys y'n gorthugher. 18Mar krowedh gour gans benyn, hag y fydh dyllans has, i a omwolgh aga dew yn dowr ha pesya avlan bys y'n gorthugher.
19Benyn mars eus dhedhi dyllans goes a'y horf, hi a vydh diberthys seyth dydh, ha piwpynag a's tocchyo a vydh avlan bys y'n gorthugher. 20Pup-tra may hwrowedh warnodho pan yw diberthys a vydh avlan; ha pup-tra mayth esedh warnodho a vydh avlan. 21Piwpynag a docchyo hy gweli a wolgh y dhillas hag omvadhya yn dowr, ha pesya avlan bys y'n gorthugher. 22Piwpynag a docchyo neppyth mayth esedhas warnodho a wolgh y dhillas hag omvadhya yn dowr, ha pesya avlan bys y'n gorthugher. 23Mars usi war hy gweli po neppyth mayth esedh warnodho, pan y'n toch, avlan vydh bys y'n gorthugher. 24Mar krowedh neb gour gensi ha goes a'y amseryow a'n toch, avlan vydh seyth dydh; ha pub gweli may hwrowedh warnodho a vydh avlan.
25Mars eus dhe venyn dyllans goes lies dydh yn-mes a dermyn hy amseryow, po mar pes an dyllans dres termyn hy amseryow, oll an dydhyow a'n dyllans avlan a vydh kepar ha dydhyow hy amseryow; hi a vydh avlan. 26Pub gweli may hwrowedh warnodho dydhyow oll hy dyllans a vydh dhedhi kepar ha gweli hy amseryow; ha pypynag mayth esettho warnodho a vydh avlan, kepar hag yn avlander hy amseryow. 27Piwpynag a docchyo an taklow na a vydh avlan, ha golghi y dhillas hag omvadhya yn dowr, ha pesya avlan bys y'n gorthugher. 28Mars yw glanhes a'y dyllans, hi a niver dhedhi seyth dydh, ha wosa henna hi a vydh glan. 29An ethves dydh hi a gemmer diw durenn po diw golomm yowynk ha'ga dri dhe'n oferyas, dhe dharas tylda an kuntelles. 30An oferyas a offrynn an eyl rag offrynn pegh ha'y ben rag offrynn leskys, ha'n oferyas a wra dehwelyans rygdhi dherag an Arloedh, rag dyllans hy avlander.
31Yndella hwi a dhiberth mebyon Ysrael dhiworth aga avlander, ma na varwons yn aga avlander drefenn defola ow thabernakel usi yn aga mysk.
32Hemm yw an lagha rag neb a'n jeves sygerans, ha ragdho ev mayth eus dyllans has dhiworto, dredho mayth yw avlan; 33ha rag an venyn yw klav drefenn hy amseryow; rag keniver a'n jeves sygerans, gorreydh po benynreydh, ha rag gour a wrowedh gans benyn avlan.
Currently Selected:
Levitikus 15: ABK
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024
Levitikus 15
15
Sygeransow Avlan
1An Arloedh a gewsis orth Moyses hag Aron, ow leverel: 2Kewsewgh orth mebyon Ysrael ha leverel dhedha, Pub gour mayth eus sygerans a'y gorf, avlan yw y sygerans. 3Hemm yw y avlander drefenn y sygerans: mar teu an sygerans a'y gorf, po mars yw y gorf stoppys a sygera, y avlander yw. 4Avlan yw pub gweli may hwrowedh warnodho neb a'n jeves an sygerans, ha pup-tra mayth esedh ev warnodho yw avlan. 5Piwpynag a docchyo y weli a wolgh y dhillas hag omvadhya yn dowr ha pesya avlan bys y'n gorthugher. 6Neb a esettho war neb tra mayth esedhas warnodho neb a'n jeves an sygerans a wolgh y dhillas hag omvadhya yn dowr, ha pesya avlan bys y'n gorthugher. 7Neb a docchyo an kig anodho ev neb a'n jeves an sygerans a wolgh y dhillas hag omvadhya yn dowr ha pesya avlan bys y'n gorthugher. 8Mar trew neb a'n jeves an sygerans war nebonan yw glan, ev a wolgh y dhillas hag omvadhya yn dowr ha pesya avlan bys y'n gorthugher. 9Pub diber a varghokko warnodho ev neb a'n jeves an sygerans a vydh avlan. 10Piwpynag a docchyo neppyth esa yn-danno a vydh avlan bys y'n gorthugher; hag ev neb a dheg an taklow na a wolgh y dhillas hag omvadhya yn dowr ha pesya avlan bys y'n gorthugher. 11Piwpynag a wrello ev neb a'n jeves an sygerans y dochya, ha ny wolghas y dhiwleuv yn dowr, a wolgh y dhillas, hag omvadhya yn dowr, ha pesya avlan bys y'n gorthugher. 12Lester a bri a veu tochys gans neb a'n jeves an sygerans a vydh terrys; ha pub lester a brenn a vydh golghys yn dowr.
13Pan vo ev neb a'n jeves sygerans glanhes a'y sygerans, ev a niver dh'y honan seyth dydh rag y lanheans, ha golghi y dhillas, ha badhya y gig yn dowr ow resek, hag ev a vydh glan. 14An ethves dydh ev a gemmer diw durenn po diw golomm yowynk ha dos dherag an Arloedh bys yn daras tylda an kuntelles ha'ga ri dhe'n oferyas. 15An oferyas a's offrynn, an eyl rag offrynn pegh ha'y ben rag offrynn leskys, ha'n oferyas a wra dehwelyans ragdho dherag an Arloedh rag y sygerans.
16Mars eus dyllans has dhe neb gour, ev a wolgh oll y gorf yn dowr, ha pesya avlan bys y'n gorthugher. 17Pub dillas ha pub kneus ha warnodho has, a vydh golghys gans dowr, ha pesya avlan bys y'n gorthugher. 18Mar krowedh gour gans benyn, hag y fydh dyllans has, i a omwolgh aga dew yn dowr ha pesya avlan bys y'n gorthugher.
19Benyn mars eus dhedhi dyllans goes a'y horf, hi a vydh diberthys seyth dydh, ha piwpynag a's tocchyo a vydh avlan bys y'n gorthugher. 20Pup-tra may hwrowedh warnodho pan yw diberthys a vydh avlan; ha pup-tra mayth esedh warnodho a vydh avlan. 21Piwpynag a docchyo hy gweli a wolgh y dhillas hag omvadhya yn dowr, ha pesya avlan bys y'n gorthugher. 22Piwpynag a docchyo neppyth mayth esedhas warnodho a wolgh y dhillas hag omvadhya yn dowr, ha pesya avlan bys y'n gorthugher. 23Mars usi war hy gweli po neppyth mayth esedh warnodho, pan y'n toch, avlan vydh bys y'n gorthugher. 24Mar krowedh neb gour gensi ha goes a'y amseryow a'n toch, avlan vydh seyth dydh; ha pub gweli may hwrowedh warnodho a vydh avlan.
25Mars eus dhe venyn dyllans goes lies dydh yn-mes a dermyn hy amseryow, po mar pes an dyllans dres termyn hy amseryow, oll an dydhyow a'n dyllans avlan a vydh kepar ha dydhyow hy amseryow; hi a vydh avlan. 26Pub gweli may hwrowedh warnodho dydhyow oll hy dyllans a vydh dhedhi kepar ha gweli hy amseryow; ha pypynag mayth esettho warnodho a vydh avlan, kepar hag yn avlander hy amseryow. 27Piwpynag a docchyo an taklow na a vydh avlan, ha golghi y dhillas hag omvadhya yn dowr, ha pesya avlan bys y'n gorthugher. 28Mars yw glanhes a'y dyllans, hi a niver dhedhi seyth dydh, ha wosa henna hi a vydh glan. 29An ethves dydh hi a gemmer diw durenn po diw golomm yowynk ha'ga dri dhe'n oferyas, dhe dharas tylda an kuntelles. 30An oferyas a offrynn an eyl rag offrynn pegh ha'y ben rag offrynn leskys, ha'n oferyas a wra dehwelyans rygdhi dherag an Arloedh, rag dyllans hy avlander.
31Yndella hwi a dhiberth mebyon Ysrael dhiworth aga avlander, ma na varwons yn aga avlander drefenn defola ow thabernakel usi yn aga mysk.
32Hemm yw an lagha rag neb a'n jeves sygerans, ha ragdho ev mayth eus dyllans has dhiworto, dredho mayth yw avlan; 33ha rag an venyn yw klav drefenn hy amseryow; rag keniver a'n jeves sygerans, gorreydh po benynreydh, ha rag gour a wrowedh gans benyn avlan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024