HIBRIUKVDVNG 2
2
Bottcru:nc Motur
1Cdcmpidag ngolu kcra:ya:pc okodcm ngolu tadtoji tadpa:ru:yc, ckvma:mvlo ngolum odokkc yupakbomyc. 2Kapcnc taycng lutad lunckvdv:dok lutad agomdc lugabdagamvlo odokkc aima:nc ager appv:dcm cdcmanggom agom lukam tadma:pc inam lcgang aropc kcbang ba:la palvgcm lvgtomvlo, 3kapc ngolu gagsila:ycn jodi ngolu cddvnc bottcnc moturdcm mc:yamc:samvlo? Cdcm lupo:danpc Ru:tumkokki lulenbito, odokkc cdcm ngolum arro cmna lubito cdc sc:kobulu Bvm tadtoji, 4cdvlo Ru:ncpvncbv:sin lcnggodkokki lukanbitoji odokkc mcngapla:manam agerkokki odokkc Angunnc Yalodok amancm Bvk mcngkampc binamdcmpc.
Cdc Sc:kobulu Ngolum Moturnamdo:pc Gvgcbodagji
5Kapcnc cdc taycng lutad lunamkvdv:dc:mang jc Ru:ncpvncbv angkupcnc mo:pvdcm kcvgpc lc:namdc, okodok agomcm ngolu ludu:ji.
6“Cdcm okolai lukanna lubitak:
Tani:ycnu okkon jc no bvm mc:pa:donc, cdcmanggom tani: awodcm,
jc no bvk lcgangc ka:sv:mosv:dagnc.
7No taycng lutad among lunckvdv:dcm
adjiongko adji:ya:dopc ru:tonc,
no Bvm amin gvnamclang mcnggcnamkokki dumlubcm molvgto,
8Bvk alckvdv:do du:dopc appvngcm lc:la.” Su:pak appvngcm Bvk kcvgpc lcngge:la, Bv okkomsin Bvkkolokc Bvk mcngkamlok angupc lc:tomang. Kapc cdc cdcmpc idagnc, ngolu ckvdaggom appvngcm bvk mcngkampc du:namcm ka:begmang.
9Cmpige:la ngolu Jisumc ka:do, sc:kobv adjioko taycng lutad lunckvdv:dcm adjiya:motungai, amin gvnamclang mcnggcma:namkokki migom dumlubcm molvgto sinam du:g kostom gvnamkokki, odomvlo jen Ru:ncpvnckc ayangkokki bv appvngkc lcgangc sinamcm sikvycpc.
10Kapcnc cdc aidagai jc Bv, sck lcngangc odokkc sckkokki appvng attarc du:pcnammcji, bojcrung aowom amin gvmopc, buluk motur pa:namdok igc-gvgcpo:ncpc ipcnammc ipusire: pa:namkokki pv:namkopc pv:dopc. 11Kapila:nc Bv sc:ko palvgdagnc odokkc cdc sc:kobulum angumodagnc appv:dokkc lenko akkongko. 12Cdcmpinam lcgangc Bv bulum bvrrang cmna gogpc anyi:mang, scmpc lula
“ngo nok amincm lutadgo:biyc ngok bvrrangkvdv:dcm,
rcngamara:lo nom aipai biyc.”
13Odokkc lckoda,
“Ngo Bvkkolo mc:jvgcm mc:ra:suyc.”
Odokkc lckoda,
“Sc:na ngo, odokkc Ru:ncpvnckc ommangkvdv:dc ngom binamdc.”
14Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc, 15odokkc cdc appv:dcm sc:kobulu sinam pcsokokki lo:dvlongkcm turdag appv:dok lcga:pc ycnggabla lc:nampc itagji mopvtto. 16Kapcnc aroru:pc cdc taycng among lutad lunckvdv:dc:mang jc ager gerbosudag cmpige:la Abrahamkc ope:ncgvng kvdv:dc:mvn. 17Cdcmpidag Bvm Bvk bvrrangcmpc appvng agerlo ru:to, odomvlo jen Bv aya:ngaboncpc iycpc odokkc mc:jvg jvrvgnc kumnam ager gernclok bottcncpc iycpc Ru:ncpvnckc ager gernamlo, tani:kvdv:dok pa:pkvdv:dok lcgangc ipu:sunam lcgangc. 18Kapcnc Bv avdc:sinci du:gcm gvto odokkc mc:boka:bo ankangkvla ka:to, Bv idumgvdumsula:dag cdc sc:kobulum ankang ka:namcji.
Currently Selected:
HIBRIUKVDVNG 2: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
HIBRIUKVDVNG 2
2
Bottcru:nc Motur
1Cdcmpidag ngolu kcra:ya:pc okodcm ngolu tadtoji tadpa:ru:yc, ckvma:mvlo ngolum odokkc yupakbomyc. 2Kapcnc taycng lutad lunckvdv:dok lutad agomdc lugabdagamvlo odokkc aima:nc ager appv:dcm cdcmanggom agom lukam tadma:pc inam lcgang aropc kcbang ba:la palvgcm lvgtomvlo, 3kapc ngolu gagsila:ycn jodi ngolu cddvnc bottcnc moturdcm mc:yamc:samvlo? Cdcm lupo:danpc Ru:tumkokki lulenbito, odokkc cdcm ngolum arro cmna lubito cdc sc:kobulu Bvm tadtoji, 4cdvlo Ru:ncpvncbv:sin lcnggodkokki lukanbitoji odokkc mcngapla:manam agerkokki odokkc Angunnc Yalodok amancm Bvk mcngkampc binamdcmpc.
Cdc Sc:kobulu Ngolum Moturnamdo:pc Gvgcbodagji
5Kapcnc cdc taycng lutad lunamkvdv:dc:mang jc Ru:ncpvncbv angkupcnc mo:pvdcm kcvgpc lc:namdc, okodok agomcm ngolu ludu:ji.
6“Cdcm okolai lukanna lubitak:
Tani:ycnu okkon jc no bvm mc:pa:donc, cdcmanggom tani: awodcm,
jc no bvk lcgangc ka:sv:mosv:dagnc.
7No taycng lutad among lunckvdv:dcm
adjiongko adji:ya:dopc ru:tonc,
no Bvm amin gvnamclang mcnggcnamkokki dumlubcm molvgto,
8Bvk alckvdv:do du:dopc appvngcm lc:la.” Su:pak appvngcm Bvk kcvgpc lcngge:la, Bv okkomsin Bvkkolokc Bvk mcngkamlok angupc lc:tomang. Kapc cdc cdcmpc idagnc, ngolu ckvdaggom appvngcm bvk mcngkampc du:namcm ka:begmang.
9Cmpige:la ngolu Jisumc ka:do, sc:kobv adjioko taycng lutad lunckvdv:dcm adjiya:motungai, amin gvnamclang mcnggcma:namkokki migom dumlubcm molvgto sinam du:g kostom gvnamkokki, odomvlo jen Ru:ncpvnckc ayangkokki bv appvngkc lcgangc sinamcm sikvycpc.
10Kapcnc cdc aidagai jc Bv, sck lcngangc odokkc sckkokki appvng attarc du:pcnammcji, bojcrung aowom amin gvmopc, buluk motur pa:namdok igc-gvgcpo:ncpc ipcnammc ipusire: pa:namkokki pv:namkopc pv:dopc. 11Kapila:nc Bv sc:ko palvgdagnc odokkc cdc sc:kobulum angumodagnc appv:dokkc lenko akkongko. 12Cdcmpinam lcgangc Bv bulum bvrrang cmna gogpc anyi:mang, scmpc lula
“ngo nok amincm lutadgo:biyc ngok bvrrangkvdv:dcm,
rcngamara:lo nom aipai biyc.”
13Odokkc lckoda,
“Ngo Bvkkolo mc:jvgcm mc:ra:suyc.”
Odokkc lckoda,
“Sc:na ngo, odokkc Ru:ncpvnckc ommangkvdv:dc ngom binamdc.”
14Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc, 15odokkc cdc appv:dcm sc:kobulu sinam pcsokokki lo:dvlongkcm turdag appv:dok lcga:pc ycnggabla lc:nampc itagji mopvtto. 16Kapcnc aroru:pc cdc taycng among lutad lunckvdv:dc:mang jc ager gerbosudag cmpige:la Abrahamkc ope:ncgvng kvdv:dc:mvn. 17Cdcmpidag Bvm Bvk bvrrangcmpc appvng agerlo ru:to, odomvlo jen Bv aya:ngaboncpc iycpc odokkc mc:jvg jvrvgnc kumnam ager gernclok bottcncpc iycpc Ru:ncpvnckc ager gernamlo, tani:kvdv:dok pa:pkvdv:dok lcgangc ipu:sunam lcgangc. 18Kapcnc Bv avdc:sinci du:gcm gvto odokkc mc:boka:bo ankangkvla ka:to, Bv idumgvdumsula:dag cdc sc:kobulum ankang ka:namcji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.