JENESIS 46
46
Jakobbe benai Pe Kiduîme Ijip ’mbe Tatbe
1Chidadege Israelbe pe gu kebambe leine tei lu ze tebeî tatchu di de lei, Zai Beer-sheba ge wangchang de lei, zai pe peu Isaakbe Rapeu dage herâtewbe pei gai de lei. 2Zai tingmuî ge keliâbe ramme gene Israelbe dage Hera ne ’mpau ze, zai acheu sa ze, “Jakobbai, Jakobbai,” kacheu de lei, zai pa ne, “Aige I la lei,” kacheu de lei. 3Chidadege pa ne, “I â Hera ning peu Rapeu de lei; Ijip ’mbe wangkeu ra hing se lau; chilia ’mbe heramzat kedibe hangge ningchu I ne tew gai gu daseu. 4Ijip ’mbe ningchu I ne nguakeu gai gu lei, zai I ne ningchu ngua du nguahang gai dai gu lei; zai Josepbe ne ning mik keba’nchit kai gu lei,” ze kacheu de lei. 5Dadege Beer-sheba gene Jakobbe tatchu dai di de lei; zai Israelbe name ne penui peu Jakobbe je, penui name je, zai penui nâu ramme je, Pharaobe ne Jakobbe je pung ra langgaibe timriang ge kai lu nguatat ti de lei. 6Kanaanram gene penui ngaube penui heurâ ramme benai kaurui ramme du tei lu Ijip ge gut te lei, Jakobbe benai pe chaname pe dage bamme leine, 7pe na ’mpeumi ramme, zai pe na ’mpeumi ramme na ’mpeumi ramme pe dage nguabamme, pe na ’mpuimi ramme, zai pe na ’mpuimi ramme na ’mpuimi ramme; pe dage pe haîhikme leine penui ’nteumena zeu.
8Chunage airamme ze Ijipram ge Jakobbe benai pe name wangkeume Israelbe chaname ji ramme de lei. Reubenbe, Jakobbe na meraipeu, 9zai Reubenbe name ’mpeumi: Hanokbe, Pallube, Hezronbe zai Karmibe. 10Simeonbe na ’mpeumi ramme: Jemuelbe, Jaminbe, Ohadbe, Jakinbe, Zoharbe, zai Kanaanme leu na Shaulbe. 11Lebibe na ’mpeumi ramme: Gershonbe, Kohathbe, zai Meraribe. 12Judabe na ’mpeumi ramme: Erbe, Onanbe, Shelabe, Perezbe, zai Zerabe (sede Erbe benai Onanbe â Kanaanram gene chai di de lei;) zai Perezbe na ’mpeumi ramme â Hezronbe benai Hamulbe de lei. 13Issakarbe na ’mpeumi ramme: Tolabe, Pubabe, Iobbe, zai Shimronbe de lei. 14Zebulunbe na ’mpeumi ramme: Seredbe, Elonbe, zai Jahlilbe de lei. 15(Reubenbe, Simeonbe, Lebibe, Judabe, Issakarbe zai Zebulunbe ze Jakobbe name pe nâu Leale dagene patme bau lei. Paddan-aram gene Leale ne lungkeu de lei. Pa ne Dinale je du lungkeu de lei, pelane ge hanghimreu ze kechum lei). 16Gadbe na ’mpeumi ramme: Ziphionbe, Haggibe, Shunibe, Ezbonbe, Eribe, Arodibe, zai Arelibe lei. 17Asherbe na ’mpeumi ramme: Imnabe, Ishbabe, Ishbibe, Beriabe zai penui kinapui Serale lei. Zai Beriabe na ’mpeumi ramme: Heberbe benai Malkielbe 18chime ’nteumena ze Jakobbe name lei, pe nâu gu tâka’ngguapui Zilpale dagene lungkeume bau kam de lei (Zilpale ze Labanbe ne pe na Leale hangge tâka’ngguapui hang peigaipui de lei); penui pelane ge hangkereu ze seruk lei. 19Jakobbe nâu Rakelle name ze: Josepbe benai Benjaminbe lei. 20On gu tingkupeu Potipherabe na Asenathle ne Josepbe dage Ijipram ge pe na lungkeube â Manassebe benai Ephraimbe lei. 21Zai Benjaminbe na ’mpeumi ramme â: Belabe, Bekerbe, Ashbelbe, Gerabe, Naamanbe, Ehibe, Rosbe, Muppimbe, Huppimbe, zai Ardbe lei. 22(Aime ze Rakelle na ’mpeumi ramme Jakobbe dage lungkeugaime bau de lei—pelane hangkereu ze medai lei). 23Danbe na ’mpeumi: Hushimbe, 24Naphtalibe na ’mpeumi ramme: Jahzilbe, Gunibe, Jezerbe, zai Shillembe, 25(aime ze pa ne Rakelle dage Labanbe ne peigaipui Bilhale ne Jakobbe dage lungkeugaibe na ’mpeumi ramme de lei—pelane hangsena lei.) 26Jakobbe gu ziemmena Ijipram ge gutkaidime, pe cha pe name leine, Jakobbe name nâu ramme je chak kai mak ze, pelane ziemmena riakseruk ze seruk lei; 27zai Josepbe name Ijipram gene pe dage lungkeugaibe â hangna lei; Ijipram ge Jakobbe kiduîme gutme leine ziemmena riaksena lei.
Jakobbe benai Pe Kiduîme Ijipram ge Bambe
28Josepbe je Goshenram gene hedau’ntua gai ra Jakobbe Judabe je lang’ntua gai de lei; dadege Goshenram ge penui wangchang de lei. 29Chidadege Josepbe pe gu hekuntimriang ge chua gai lu Goshenram ge pe peu Israelbe je hedau ra hang di de lei; zai pe peu je pa hedautâu gai lu dege â pe guang tui lu, hap bam di de lei. 30Israelbe ne Josepbe je, “Chuna â peize I â chai de zu lau,, ning ju I ngau lu zai nang ring larei lei be I chî lu daseu.” Kacheu de lei. 31Josepbe ne pe sikiname benai pe peu kiduîme je, “I hang lu ze Pharaobe je salia gu lei, zai acheu ze I sa gu lei, ‘A sikiname benai a peu kiduîme, Kanaanram ge bamme a dage wangchang la de lei; 32zai chime ze â melireîme lei, penui â kaurui ka’ngkutbe kau daseu; zai penui gu melidung, zai getumdung, zai penui gu kebambe leine penui tei lu wang de lei,’ zeu. 33Pharaobe ne ningnui je kû ze, ‘Ningnui ’ndaikau tâtewbe kau lau?’ ze acheu sa lêuzai â 34ningnui ne, ‘Ning guâ ka’ngguame bau anui hena’ngka gene chuna riâ chang ze anui benai anui peume ting gene kaurui ka’ngkutbe kau ramme lei,’ ze acheu lau, dezai Goshenram ge ningnui lung ra ngau le ra hangge zeu; Ijipme â melireîme je â mâ-hangge du riam gai mak daseu,” ze kacheu de lei.
Currently Selected:
JENESIS 46: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
JENESIS 46
46
Jakobbe benai Pe Kiduîme Ijip ’mbe Tatbe
1Chidadege Israelbe pe gu kebambe leine tei lu ze tebeî tatchu di de lei, Zai Beer-sheba ge wangchang de lei, zai pe peu Isaakbe Rapeu dage herâtewbe pei gai de lei. 2Zai tingmuî ge keliâbe ramme gene Israelbe dage Hera ne ’mpau ze, zai acheu sa ze, “Jakobbai, Jakobbai,” kacheu de lei, zai pa ne, “Aige I la lei,” kacheu de lei. 3Chidadege pa ne, “I â Hera ning peu Rapeu de lei; Ijip ’mbe wangkeu ra hing se lau; chilia ’mbe heramzat kedibe hangge ningchu I ne tew gai gu daseu. 4Ijip ’mbe ningchu I ne nguakeu gai gu lei, zai I ne ningchu ngua du nguahang gai dai gu lei; zai Josepbe ne ning mik keba’nchit kai gu lei,” ze kacheu de lei. 5Dadege Beer-sheba gene Jakobbe tatchu dai di de lei; zai Israelbe name ne penui peu Jakobbe je, penui name je, zai penui nâu ramme je, Pharaobe ne Jakobbe je pung ra langgaibe timriang ge kai lu nguatat ti de lei. 6Kanaanram gene penui ngaube penui heurâ ramme benai kaurui ramme du tei lu Ijip ge gut te lei, Jakobbe benai pe chaname pe dage bamme leine, 7pe na ’mpeumi ramme, zai pe na ’mpeumi ramme na ’mpeumi ramme pe dage nguabamme, pe na ’mpuimi ramme, zai pe na ’mpuimi ramme na ’mpuimi ramme; pe dage pe haîhikme leine penui ’nteumena zeu.
8Chunage airamme ze Ijipram ge Jakobbe benai pe name wangkeume Israelbe chaname ji ramme de lei. Reubenbe, Jakobbe na meraipeu, 9zai Reubenbe name ’mpeumi: Hanokbe, Pallube, Hezronbe zai Karmibe. 10Simeonbe na ’mpeumi ramme: Jemuelbe, Jaminbe, Ohadbe, Jakinbe, Zoharbe, zai Kanaanme leu na Shaulbe. 11Lebibe na ’mpeumi ramme: Gershonbe, Kohathbe, zai Meraribe. 12Judabe na ’mpeumi ramme: Erbe, Onanbe, Shelabe, Perezbe, zai Zerabe (sede Erbe benai Onanbe â Kanaanram gene chai di de lei;) zai Perezbe na ’mpeumi ramme â Hezronbe benai Hamulbe de lei. 13Issakarbe na ’mpeumi ramme: Tolabe, Pubabe, Iobbe, zai Shimronbe de lei. 14Zebulunbe na ’mpeumi ramme: Seredbe, Elonbe, zai Jahlilbe de lei. 15(Reubenbe, Simeonbe, Lebibe, Judabe, Issakarbe zai Zebulunbe ze Jakobbe name pe nâu Leale dagene patme bau lei. Paddan-aram gene Leale ne lungkeu de lei. Pa ne Dinale je du lungkeu de lei, pelane ge hanghimreu ze kechum lei). 16Gadbe na ’mpeumi ramme: Ziphionbe, Haggibe, Shunibe, Ezbonbe, Eribe, Arodibe, zai Arelibe lei. 17Asherbe na ’mpeumi ramme: Imnabe, Ishbabe, Ishbibe, Beriabe zai penui kinapui Serale lei. Zai Beriabe na ’mpeumi ramme: Heberbe benai Malkielbe 18chime ’nteumena ze Jakobbe name lei, pe nâu gu tâka’ngguapui Zilpale dagene lungkeume bau kam de lei (Zilpale ze Labanbe ne pe na Leale hangge tâka’ngguapui hang peigaipui de lei); penui pelane ge hangkereu ze seruk lei. 19Jakobbe nâu Rakelle name ze: Josepbe benai Benjaminbe lei. 20On gu tingkupeu Potipherabe na Asenathle ne Josepbe dage Ijipram ge pe na lungkeube â Manassebe benai Ephraimbe lei. 21Zai Benjaminbe na ’mpeumi ramme â: Belabe, Bekerbe, Ashbelbe, Gerabe, Naamanbe, Ehibe, Rosbe, Muppimbe, Huppimbe, zai Ardbe lei. 22(Aime ze Rakelle na ’mpeumi ramme Jakobbe dage lungkeugaime bau de lei—pelane hangkereu ze medai lei). 23Danbe na ’mpeumi: Hushimbe, 24Naphtalibe na ’mpeumi ramme: Jahzilbe, Gunibe, Jezerbe, zai Shillembe, 25(aime ze pa ne Rakelle dage Labanbe ne peigaipui Bilhale ne Jakobbe dage lungkeugaibe na ’mpeumi ramme de lei—pelane hangsena lei.) 26Jakobbe gu ziemmena Ijipram ge gutkaidime, pe cha pe name leine, Jakobbe name nâu ramme je chak kai mak ze, pelane ziemmena riakseruk ze seruk lei; 27zai Josepbe name Ijipram gene pe dage lungkeugaibe â hangna lei; Ijipram ge Jakobbe kiduîme gutme leine ziemmena riaksena lei.
Jakobbe benai Pe Kiduîme Ijipram ge Bambe
28Josepbe je Goshenram gene hedau’ntua gai ra Jakobbe Judabe je lang’ntua gai de lei; dadege Goshenram ge penui wangchang de lei. 29Chidadege Josepbe pe gu hekuntimriang ge chua gai lu Goshenram ge pe peu Israelbe je hedau ra hang di de lei; zai pe peu je pa hedautâu gai lu dege â pe guang tui lu, hap bam di de lei. 30Israelbe ne Josepbe je, “Chuna â peize I â chai de zu lau,, ning ju I ngau lu zai nang ring larei lei be I chî lu daseu.” Kacheu de lei. 31Josepbe ne pe sikiname benai pe peu kiduîme je, “I hang lu ze Pharaobe je salia gu lei, zai acheu ze I sa gu lei, ‘A sikiname benai a peu kiduîme, Kanaanram ge bamme a dage wangchang la de lei; 32zai chime ze â melireîme lei, penui â kaurui ka’ngkutbe kau daseu; zai penui gu melidung, zai getumdung, zai penui gu kebambe leine penui tei lu wang de lei,’ zeu. 33Pharaobe ne ningnui je kû ze, ‘Ningnui ’ndaikau tâtewbe kau lau?’ ze acheu sa lêuzai â 34ningnui ne, ‘Ning guâ ka’ngguame bau anui hena’ngka gene chuna riâ chang ze anui benai anui peume ting gene kaurui ka’ngkutbe kau ramme lei,’ ze acheu lau, dezai Goshenram ge ningnui lung ra ngau le ra hangge zeu; Ijipme â melireîme je â mâ-hangge du riam gai mak daseu,” ze kacheu de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.