EKSODAS 6
6
1Kane Tingwang ne Mosabe je, “Chunage Pharaobe je I ’ndaikau tew gu mei be nang ngau gu de lei; heranchibe ba ne pa ne penui je langpat kai gu daseu, eu lei, heranchibe ba ne pa ne pe ram gene penui je kelipat kai gu lei,” kacheu de lei.
Hera ne Mosabe je Kube
2Zai Hera ne Mosabe je, “I â Tingwang de lei. 3I ne Hera Dilangpeu chang ze Abrahambe, Isaakbe zai Jakobbe dage liâ gai de lei, kane a ji Tingwang kacheube zene penui dage I sing ne chî ra liâ gai mak lei. 4Hesangme lunggaileume gum ze penui bambe heram, Kanaanram ze penui je pei gai ra hangge penui dage I ne a gu samhatkaibe ze du tew’ntip kai de lei. 5Chipau peireige du Ijipme ramme ne kebang hang chuigaime Israelme bau huaipun bambe kuâ ze I seu lu de lei, zai I ne a gu samhatkai’ndibe ze ’nningdau de lei. 6Chidaze Israelme baudime je acheu ze salia lau, ‘I Tingwang lei, zai Ijipme gu heputkeritbe kang gene I ne ningnui je nguapat kai gu de lei, zai penui kebang changbe gene ningnui je I ne lupat kai gu lei, zai a ba getuapatbe ba zene zai samramgaibe tâtewchibe kedibe ramme zene ningnui je I ne ’nripat kai gu lei, 7zai a gu ziemmena hangge ningnui je I lu gu lei, zai I ne ningnui Rapeu chang gu lei; zai I ze Tingwang ningnui Rapeu, Ijipme gu heputkeritbe tuagaibe gene ningnui je nguapatkaibeipeu lei be ningnui chî gu de lei. 8Zai Abrahambe, Isaakbe zai Jakobbe dage I pei ra hatkai’ndibe heram ge I ne ningnui je nguachang gai gu lei; ningnui ne chipau heram ze ’nram ra hangge I pei gu lei, I â Tingwang de lei,’ ze acheu zeu” kacheu de lei. 9Mosabe ne acheu ze Israel baudime je salia de lei; kane penui ne Mosabe kuâ ze ’ngking mak tai de lei, penui lung pangdibe benai penui hereu zai kebang chang ze bambe ziegeneu.
10Zai Tingwang ne Mosabe je, 11“Gutchu lau, Ijip gu heguangpeu Pharaobe je pe ram gene Israelme baudime je ’mpat kai ra hangge rang gai be lau,” kacheu de lei. 12Kane Mosabe ne Tingwang je, “Pie le lau, Israelme baudime ne a kuâ ’ngking mak lei; chidaze ’ndaigum ze Pharaobe ne a kuâ ’ngking ra lau, ziemmena pe muikuâng rumgetenmakbe kau jeu?” ze kacheu de lei. 13Kane Tingwang ne Mosabe benai Aaronbe je die gai ze Israelme benai Ijip gu heguang Pharaobe deu ge salia ze Israelme je Ijipram gene nguapat kai ra hangge die sing gai de lei.
Mosabe benai Aaronbe Kiria Ka’ntibe
14Aime bau ze penai kiduîme peî changme bau de lei: Israelbe na meraipeu Reubenbe na ramme: Hanokbe, Pallube, Hezronbe, zai Karmibe; aime â Reubenbe kiduîme de lei. 15Simeonbe na ’mpeumi ramme: Jemuelbe, Jaminbe, Ohadbe, Jakinbe, Zoharbe, zai Kanaan’mpui na Shaulbe; aime ze Simeonbe kiduîme de lei. 16Aime bau ze Lebibe na ’mpeumi ramme de lei; penui rehei piakeube luigum zeu: Gershonbe, Kohathbe zai Meraribe, Lebibe ringbe tingkum ze haî kat ze himreu ze sena lei. 17Gershonbe na ’mpeumi ramme: Libnibe benai Shime-ibe, penai kiduîme luigum zeu. 18Kohathbe na ’mpeumi ramme: Amrambe, Izharbe, Hebronbe zai Uzzielbe, Kohathbe ringbe tingkum riak ze haî kat ze himreu ze kechum lei. 19Meraribe na ’mpeumi ramme: Mahlibe benai Mushibe. Aime bau ze penui rehei piakeube luî gene Lebibe kiduîme lei. 20Amrambe ne pe peu kinapui Jokebedle je pe nâu hang lu lu de lei, zai pe dagene Aaronbe benai Mosabe je lungkeu gai de lei, zai Amrambe tingkum riak haî kat ze himreu ze sena lei. 21Izharbe na ’mpeumi ramme: Korabe, Nephegbe, zai Zikribe. 22Zai Uzzielbe na ’mpeumi ramme: Mishaelbe, Elzaphanbe, Sithribe. 23Aaronbe ne Amminadabe na zai Nahshonbe kinapui Elishebale je pe nâu hang lu de lei; zai pe dagene Nadabbe, Abihube, Eleazarbe Ithamarbe je lungkeu de lei. 24Korabe na ’mpeumi ramme: Assirbe, Elkanabe, zai Abiasaphbe; aime bau ze Korabe kiduîme lei. 25Aronbe na Eleazarbe ne Puti-elbe na ’mpuimime ruage hangkat je pe nâu hang lu de lei, pe dagene Phinehabe je lungkeu gai lei. Lebibe zat kiduîme pei ramme â chime ze de lei.
26Aime Aaronbe benai Mosabe ze Tingwang ne, “Ijipram gene Israelme je penui bau-bautew ze nguapat kai be lau,” ze acheu ranggaibeipeu kena de lei. 27Aime hangna Mosabe benai Aaronbe ze Ijip ge Ijip gu heguang Pharaobe dagene Israel baudime je nguapat kai ra ka’mpaube kena de lei.
Mosabe benai Aaronbe peireige Tingwang gu Samdiegaibe
28Ijipram ge Tingwang ne Mosabe je ka’mpaube mai ge, 29Tingwang ne Mosabe je, “I Tingwang lei; Ijip gu heguang Pharaobe je ningchu I rangbe leine ze ranglia gai be lau,” ze kacheu de lei. 30Kane Mosabe ne Tingwang je, “Pie le lau, I â a lei rumgetenmakbe kau de lei; chidaze ’ndaigum Pharaobe ne a kuâ ’ngking gai ra lau?” kacheu de lei.
Currently Selected:
EKSODAS 6: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 6
6
1Kane Tingwang ne Mosabe je, “Chunage Pharaobe je I ’ndaikau tew gu mei be nang ngau gu de lei; heranchibe ba ne pa ne penui je langpat kai gu daseu, eu lei, heranchibe ba ne pa ne pe ram gene penui je kelipat kai gu lei,” kacheu de lei.
Hera ne Mosabe je Kube
2Zai Hera ne Mosabe je, “I â Tingwang de lei. 3I ne Hera Dilangpeu chang ze Abrahambe, Isaakbe zai Jakobbe dage liâ gai de lei, kane a ji Tingwang kacheube zene penui dage I sing ne chî ra liâ gai mak lei. 4Hesangme lunggaileume gum ze penui bambe heram, Kanaanram ze penui je pei gai ra hangge penui dage I ne a gu samhatkaibe ze du tew’ntip kai de lei. 5Chipau peireige du Ijipme ramme ne kebang hang chuigaime Israelme bau huaipun bambe kuâ ze I seu lu de lei, zai I ne a gu samhatkai’ndibe ze ’nningdau de lei. 6Chidaze Israelme baudime je acheu ze salia lau, ‘I Tingwang lei, zai Ijipme gu heputkeritbe kang gene I ne ningnui je nguapat kai gu de lei, zai penui kebang changbe gene ningnui je I ne lupat kai gu lei, zai a ba getuapatbe ba zene zai samramgaibe tâtewchibe kedibe ramme zene ningnui je I ne ’nripat kai gu lei, 7zai a gu ziemmena hangge ningnui je I lu gu lei, zai I ne ningnui Rapeu chang gu lei; zai I ze Tingwang ningnui Rapeu, Ijipme gu heputkeritbe tuagaibe gene ningnui je nguapatkaibeipeu lei be ningnui chî gu de lei. 8Zai Abrahambe, Isaakbe zai Jakobbe dage I pei ra hatkai’ndibe heram ge I ne ningnui je nguachang gai gu lei; ningnui ne chipau heram ze ’nram ra hangge I pei gu lei, I â Tingwang de lei,’ ze acheu zeu” kacheu de lei. 9Mosabe ne acheu ze Israel baudime je salia de lei; kane penui ne Mosabe kuâ ze ’ngking mak tai de lei, penui lung pangdibe benai penui hereu zai kebang chang ze bambe ziegeneu.
10Zai Tingwang ne Mosabe je, 11“Gutchu lau, Ijip gu heguangpeu Pharaobe je pe ram gene Israelme baudime je ’mpat kai ra hangge rang gai be lau,” kacheu de lei. 12Kane Mosabe ne Tingwang je, “Pie le lau, Israelme baudime ne a kuâ ’ngking mak lei; chidaze ’ndaigum ze Pharaobe ne a kuâ ’ngking ra lau, ziemmena pe muikuâng rumgetenmakbe kau jeu?” ze kacheu de lei. 13Kane Tingwang ne Mosabe benai Aaronbe je die gai ze Israelme benai Ijip gu heguang Pharaobe deu ge salia ze Israelme je Ijipram gene nguapat kai ra hangge die sing gai de lei.
Mosabe benai Aaronbe Kiria Ka’ntibe
14Aime bau ze penai kiduîme peî changme bau de lei: Israelbe na meraipeu Reubenbe na ramme: Hanokbe, Pallube, Hezronbe, zai Karmibe; aime â Reubenbe kiduîme de lei. 15Simeonbe na ’mpeumi ramme: Jemuelbe, Jaminbe, Ohadbe, Jakinbe, Zoharbe, zai Kanaan’mpui na Shaulbe; aime ze Simeonbe kiduîme de lei. 16Aime bau ze Lebibe na ’mpeumi ramme de lei; penui rehei piakeube luigum zeu: Gershonbe, Kohathbe zai Meraribe, Lebibe ringbe tingkum ze haî kat ze himreu ze sena lei. 17Gershonbe na ’mpeumi ramme: Libnibe benai Shime-ibe, penai kiduîme luigum zeu. 18Kohathbe na ’mpeumi ramme: Amrambe, Izharbe, Hebronbe zai Uzzielbe, Kohathbe ringbe tingkum riak ze haî kat ze himreu ze kechum lei. 19Meraribe na ’mpeumi ramme: Mahlibe benai Mushibe. Aime bau ze penui rehei piakeube luî gene Lebibe kiduîme lei. 20Amrambe ne pe peu kinapui Jokebedle je pe nâu hang lu lu de lei, zai pe dagene Aaronbe benai Mosabe je lungkeu gai de lei, zai Amrambe tingkum riak haî kat ze himreu ze sena lei. 21Izharbe na ’mpeumi ramme: Korabe, Nephegbe, zai Zikribe. 22Zai Uzzielbe na ’mpeumi ramme: Mishaelbe, Elzaphanbe, Sithribe. 23Aaronbe ne Amminadabe na zai Nahshonbe kinapui Elishebale je pe nâu hang lu de lei; zai pe dagene Nadabbe, Abihube, Eleazarbe Ithamarbe je lungkeu de lei. 24Korabe na ’mpeumi ramme: Assirbe, Elkanabe, zai Abiasaphbe; aime bau ze Korabe kiduîme lei. 25Aronbe na Eleazarbe ne Puti-elbe na ’mpuimime ruage hangkat je pe nâu hang lu de lei, pe dagene Phinehabe je lungkeu gai lei. Lebibe zat kiduîme pei ramme â chime ze de lei.
26Aime Aaronbe benai Mosabe ze Tingwang ne, “Ijipram gene Israelme je penui bau-bautew ze nguapat kai be lau,” ze acheu ranggaibeipeu kena de lei. 27Aime hangna Mosabe benai Aaronbe ze Ijip ge Ijip gu heguang Pharaobe dagene Israel baudime je nguapat kai ra ka’mpaube kena de lei.
Mosabe benai Aaronbe peireige Tingwang gu Samdiegaibe
28Ijipram ge Tingwang ne Mosabe je ka’mpaube mai ge, 29Tingwang ne Mosabe je, “I Tingwang lei; Ijip gu heguang Pharaobe je ningchu I rangbe leine ze ranglia gai be lau,” ze kacheu de lei. 30Kane Mosabe ne Tingwang je, “Pie le lau, I â a lei rumgetenmakbe kau de lei; chidaze ’ndaigum Pharaobe ne a kuâ ’ngking gai ra lau?” kacheu de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.