EKSODAS 4
4
Hera ne Mosabe je Tâningdaulakbe Rezie Peigaibe
1Dadege Mosabe ne kak ze, “Kane pie le lau, penui achu ’nnumtew ra mak lei, nune a kuâ ’ngking ra mak lei, ‘Tingwang ningchu liâ me lei’ ze penui acheu gu daseu,” ze kacheu de lei.
2Tingwang ne pechu, “Ning ba ge bambe ze ’ndaikau lau?” kacheu lei. Pa ne, “Hetui lei,” kacheu de lei. 3Zai pa ne, “Chize kedei ge tuâ gai lau,” kacheu de lei. Dadege chize pa kedei ge tuâ gai de lei, zai chize henêu mi di de lei; dadege Mosabe â chigene pak ti de lei. 4Kane Tingwang ne Mosabe je, “Ning ba getuapat lu chize pe mi gene tei le lau,” kacheu de lei—chigum ze pa pe ba getuapat lu, pe mi ge tei gai dege, pe ba gene chize hetui mi gai di de lei— 5“dezai penui peume Rapeu, Abraham, Isaakbe zai Jakobbe Rapeu ne ningchu liâ de lei be penui ’nnum’mmi le ra hangge zeu,” ze kacheu lei. 6Zai Tingwang ne pechu salia dai ze, “Ning ga ge ning ba kai lau,” kacheu de lei. Dadege pa ne pe ga ge pe ba kai bei lei; zai chigene pe ba lupat dai dege, pie le lau, pe ba ze kebun hâbe gum ze ka’mpabe ne pui di laleu de lei. 7Dadege Hera ne, “Ning ba ze ning ga ge kai dai lau,” kacheu de lei. Chigum ze pa ne pe ga ge pe ba kai dai bei de lei; zai pe ba lupat dai dege, pie le lau, pe pum ge kêdabe pe chie gum ze pe ba ze yi dai di laleu de lei. 8Hera ne sa ze, “Ningchu penui ne ’nnum’mmi mak mei” nune “keraîbe gu ka’nchetbe je ’nnum’mmi mak tizai â bechâng gu kêdabe ze penui ’nnum’mmi gu lei. 9Penui ne ai ka’nchetbe kena ’nsangdu ’nnum’mmi mak mei nune ning kuâ ze mâ-hang du ’nning gai mak mei dizai â Nail gene nang ne hedui tuak lu kedei changkube ge chize ruî gai ra lei; dezai Nail gene nang tuakbe dui ze kedei changkube peireige hejai mi gai du de lei,” kacheu de lei.
10Kane Mosabe ne Tingwang je, “Hei a Wang gau, I â a muichabe kau mak lei, besua-suage du, zai nang ne ning guâ ka’ngguapeu je ka’mpaube nemai riâ changbe ge zeu, kane I â a sam benai a leiria keluachi lak lei” kacheu de lei. 11Dadege Tingwang ne pechu, “Châu ne ziemmena mui ze tew gai lau? Châu ne pechu sam sachimakbe kau hang mei, nune hekunpangbe kau hang mei, nune ngauchibe kau hang mei, nune hemikchitbe kau hang mei ze tew gai lau? I, Tingwang ne mak ti lau? acheu bei de lei. 12Chidaze chunage tatchu lau, I ne ning mui ge bam lu zai nang ne sarabe ze ningchu getei gai gu lei” kacheu de lei. 13Kane pa ne, “Hei, a Wang gau, kêdabe kau je lang gai be lau, I ningchu kiam de lei” ze kacheu de lei. 14Dadege Tingwang ne Mosabe peireige pe lumpum di ze pechu pa ne, “Ning sipeu Aaronbe, Lebi’mpeu ’ngga semei? Pa ne sazun ze sachî dui lei be I chî lei; zai pie le lau, ningchu hedau gai ra pa wang la de lei, zai ningchu pa ngau dezai pe lung ge pa pe suiyi gu lei. 15Zai nang ne pechu ’mpau gai lau, zai pe mui ge sam ramme kai be lau, zai I ne ning mui ge benai pe mui ge bam gu lei, zai nang ne tewrabe ze I ne ningchu getei gai gu lei. 16Pa ne baudime je ning hangge sa gu lei; zai pa ne ning hangge ning mui hang chang gu zai nang ne pe hangge Hera gum chang gu lei. 17Zai ning ba ge aipau hetui ze nang tei ra lei, zai chize ne ka’nchetbe ramme nang ne tew ra lei,” ze kacheu de lei.
Mosabe Ijipram ’mbe Helatwangbe
18Mosabe pe pau Jethrobe tailam helat dai lu pechu salia ze, “Ijip ge a kiduîme ramme ring ze yi larei mei be ngau gai ra I tat dai ra ka’nggia ze achu pei lau” kacheu de lei. Dadege Jethrobe ne Mosabe je, “Temichai ze tatchu lau” kacheu de lei. 19Zai Midian ge Tingwang ne Mosabe je, “Ijip ’mbe tat dai zu lau; ningchu tewchat ra peume ziemmena ramme leine â chai kam de lei” kacheu de lei. 20Chigum ze Mosabe ne pe nâu zai pe na ’mpeumi ramme je ngua lu hekunmerângne peireige penui je chua gai lu, Ijipram ’mbe tat dai di de lei; zai Mosabe pe ba ge Hera gu hetui ze tei de lei.
21Zai Tingwang ne Mosabe je, “Nang Ijip ’mbe helat dai dezai tâningdaulakbe ramme, chi ning gu rezie ge I kaibeibe ze Pharaobe suage nang tewliârabe ze chî’mmi le lau; kane pe gu ziemmena je peize pa ne ’mpat mak ra hang I ne pe lung tew’nchi gai gu lei. 22Zai nang ne Pharaobe je, ‘Tingwang ne acheu ze sa lei, Israel â a na meraipoine lei, 23zai I ne ningchu rang lei, “A na je peize tatchu lau, pa ne a guâ ’nggua ra hangge zeu” acheu zeu; nang ne pechu tat ra pei lak tizai â pie le lau, I ne ning na ’mpeumi meraibe je bichat ku lei,’ ze acheu ze salia ra lei,” ze kacheu de lei.
24’Mpuiki ge pa kâujeibe bâm ge Tingwang ne pechu hedau lu pechu tewchat ra peu de lei. 25Dadege Zipporale ne tingchu peliarekingbe lu lu ze pe na sang muitû gei ze rumpat lu Mosabe pî ge chize kegei gai de lei, zai acheu sa ze, “Gesang ze nang â a hangge hejai ge henâukupeu de lei!” ze kacheu de lei. 26Chidadege Tingwang ne pechu (Mosabe je) sâudiak kai de lei. Dadege Zipporale ne, “Nang â a hangge hejai ge henâukupeu de lei,” kacheu de lei, rumkagetenbe ziegeneu.
27Tingwang ne Aaronbe je, “Hênamkang ’mbe Mosabe je hedau ra tatchu lau” kacheu de lei. Chigum ze pa tat lu Hera deiloa ge pechu hedau gai lu ze kakeput te lei. 28Zai Mosabe ne Aaronbe je Tingwang ne pechu ranggaibe sam ramme leine benai pa ne ka’nchetbe tew ra diegaidiakbe rasam ramme leine ze salia gai bei de lei. 29Dadege Mosabe benai Aaronbe tat lu Israelme bau gu gechîngme ramme leine je kûwang’ndui gai de lei. 30Zai Tingwang ne Mosabe dage sagaibe ramme leine ze Aaronbe ne salia gai de lei, zai baudime kengaube ge ka’nchetbe ramme leine ze du tew gai bei de lei. 31Zai baudime ’nnum’mmi di de lei; Tingwang ne Israelme dage ’ngkiâmiebe benai pa ne penui je tewkahereube ze ngau bei de lei be rasam seu lu ze penui peî ’ngkum lu ze kakellum de lei.
Currently Selected:
EKSODAS 4: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 4
4
Hera ne Mosabe je Tâningdaulakbe Rezie Peigaibe
1Dadege Mosabe ne kak ze, “Kane pie le lau, penui achu ’nnumtew ra mak lei, nune a kuâ ’ngking ra mak lei, ‘Tingwang ningchu liâ me lei’ ze penui acheu gu daseu,” ze kacheu de lei.
2Tingwang ne pechu, “Ning ba ge bambe ze ’ndaikau lau?” kacheu lei. Pa ne, “Hetui lei,” kacheu de lei. 3Zai pa ne, “Chize kedei ge tuâ gai lau,” kacheu de lei. Dadege chize pa kedei ge tuâ gai de lei, zai chize henêu mi di de lei; dadege Mosabe â chigene pak ti de lei. 4Kane Tingwang ne Mosabe je, “Ning ba getuapat lu chize pe mi gene tei le lau,” kacheu de lei—chigum ze pa pe ba getuapat lu, pe mi ge tei gai dege, pe ba gene chize hetui mi gai di de lei— 5“dezai penui peume Rapeu, Abraham, Isaakbe zai Jakobbe Rapeu ne ningchu liâ de lei be penui ’nnum’mmi le ra hangge zeu,” ze kacheu lei. 6Zai Tingwang ne pechu salia dai ze, “Ning ga ge ning ba kai lau,” kacheu de lei. Dadege pa ne pe ga ge pe ba kai bei lei; zai chigene pe ba lupat dai dege, pie le lau, pe ba ze kebun hâbe gum ze ka’mpabe ne pui di laleu de lei. 7Dadege Hera ne, “Ning ba ze ning ga ge kai dai lau,” kacheu de lei. Chigum ze pa ne pe ga ge pe ba kai dai bei de lei; zai pe ba lupat dai dege, pie le lau, pe pum ge kêdabe pe chie gum ze pe ba ze yi dai di laleu de lei. 8Hera ne sa ze, “Ningchu penui ne ’nnum’mmi mak mei” nune “keraîbe gu ka’nchetbe je ’nnum’mmi mak tizai â bechâng gu kêdabe ze penui ’nnum’mmi gu lei. 9Penui ne ai ka’nchetbe kena ’nsangdu ’nnum’mmi mak mei nune ning kuâ ze mâ-hang du ’nning gai mak mei dizai â Nail gene nang ne hedui tuak lu kedei changkube ge chize ruî gai ra lei; dezai Nail gene nang tuakbe dui ze kedei changkube peireige hejai mi gai du de lei,” kacheu de lei.
10Kane Mosabe ne Tingwang je, “Hei a Wang gau, I â a muichabe kau mak lei, besua-suage du, zai nang ne ning guâ ka’ngguapeu je ka’mpaube nemai riâ changbe ge zeu, kane I â a sam benai a leiria keluachi lak lei” kacheu de lei. 11Dadege Tingwang ne pechu, “Châu ne ziemmena mui ze tew gai lau? Châu ne pechu sam sachimakbe kau hang mei, nune hekunpangbe kau hang mei, nune ngauchibe kau hang mei, nune hemikchitbe kau hang mei ze tew gai lau? I, Tingwang ne mak ti lau? acheu bei de lei. 12Chidaze chunage tatchu lau, I ne ning mui ge bam lu zai nang ne sarabe ze ningchu getei gai gu lei” kacheu de lei. 13Kane pa ne, “Hei, a Wang gau, kêdabe kau je lang gai be lau, I ningchu kiam de lei” ze kacheu de lei. 14Dadege Tingwang ne Mosabe peireige pe lumpum di ze pechu pa ne, “Ning sipeu Aaronbe, Lebi’mpeu ’ngga semei? Pa ne sazun ze sachî dui lei be I chî lei; zai pie le lau, ningchu hedau gai ra pa wang la de lei, zai ningchu pa ngau dezai pe lung ge pa pe suiyi gu lei. 15Zai nang ne pechu ’mpau gai lau, zai pe mui ge sam ramme kai be lau, zai I ne ning mui ge benai pe mui ge bam gu lei, zai nang ne tewrabe ze I ne ningchu getei gai gu lei. 16Pa ne baudime je ning hangge sa gu lei; zai pa ne ning hangge ning mui hang chang gu zai nang ne pe hangge Hera gum chang gu lei. 17Zai ning ba ge aipau hetui ze nang tei ra lei, zai chize ne ka’nchetbe ramme nang ne tew ra lei,” ze kacheu de lei.
Mosabe Ijipram ’mbe Helatwangbe
18Mosabe pe pau Jethrobe tailam helat dai lu pechu salia ze, “Ijip ge a kiduîme ramme ring ze yi larei mei be ngau gai ra I tat dai ra ka’nggia ze achu pei lau” kacheu de lei. Dadege Jethrobe ne Mosabe je, “Temichai ze tatchu lau” kacheu de lei. 19Zai Midian ge Tingwang ne Mosabe je, “Ijip ’mbe tat dai zu lau; ningchu tewchat ra peume ziemmena ramme leine â chai kam de lei” kacheu de lei. 20Chigum ze Mosabe ne pe nâu zai pe na ’mpeumi ramme je ngua lu hekunmerângne peireige penui je chua gai lu, Ijipram ’mbe tat dai di de lei; zai Mosabe pe ba ge Hera gu hetui ze tei de lei.
21Zai Tingwang ne Mosabe je, “Nang Ijip ’mbe helat dai dezai tâningdaulakbe ramme, chi ning gu rezie ge I kaibeibe ze Pharaobe suage nang tewliârabe ze chî’mmi le lau; kane pe gu ziemmena je peize pa ne ’mpat mak ra hang I ne pe lung tew’nchi gai gu lei. 22Zai nang ne Pharaobe je, ‘Tingwang ne acheu ze sa lei, Israel â a na meraipoine lei, 23zai I ne ningchu rang lei, “A na je peize tatchu lau, pa ne a guâ ’nggua ra hangge zeu” acheu zeu; nang ne pechu tat ra pei lak tizai â pie le lau, I ne ning na ’mpeumi meraibe je bichat ku lei,’ ze acheu ze salia ra lei,” ze kacheu de lei.
24’Mpuiki ge pa kâujeibe bâm ge Tingwang ne pechu hedau lu pechu tewchat ra peu de lei. 25Dadege Zipporale ne tingchu peliarekingbe lu lu ze pe na sang muitû gei ze rumpat lu Mosabe pî ge chize kegei gai de lei, zai acheu sa ze, “Gesang ze nang â a hangge hejai ge henâukupeu de lei!” ze kacheu de lei. 26Chidadege Tingwang ne pechu (Mosabe je) sâudiak kai de lei. Dadege Zipporale ne, “Nang â a hangge hejai ge henâukupeu de lei,” kacheu de lei, rumkagetenbe ziegeneu.
27Tingwang ne Aaronbe je, “Hênamkang ’mbe Mosabe je hedau ra tatchu lau” kacheu de lei. Chigum ze pa tat lu Hera deiloa ge pechu hedau gai lu ze kakeput te lei. 28Zai Mosabe ne Aaronbe je Tingwang ne pechu ranggaibe sam ramme leine benai pa ne ka’nchetbe tew ra diegaidiakbe rasam ramme leine ze salia gai bei de lei. 29Dadege Mosabe benai Aaronbe tat lu Israelme bau gu gechîngme ramme leine je kûwang’ndui gai de lei. 30Zai Tingwang ne Mosabe dage sagaibe ramme leine ze Aaronbe ne salia gai de lei, zai baudime kengaube ge ka’nchetbe ramme leine ze du tew gai bei de lei. 31Zai baudime ’nnum’mmi di de lei; Tingwang ne Israelme dage ’ngkiâmiebe benai pa ne penui je tewkahereube ze ngau bei de lei be rasam seu lu ze penui peî ’ngkum lu ze kakellum de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.