EKSODAS 31
31
Tingwang Bâm hang Paîki Tewme
(Eks 35.30—36.1)
1Tingwang ne Mosabe je, 2“Pie le lau, Hurbe na Uribe na pe ji Bezalel kacheupeu ze Juda zat ruagene I ne kû gai de lei: 3Zai I ne pechu Hera gu herui ne tewpui gai bei de lei, pe dage tâtewchibe benai kaningchingbe, mâ-gechîbe benai mâ-chiamchibe I pei gai ’nde lei, 4mâ-luî keyibe ramme chiampatchi le ra gechâk, gepût zai kangngâgeî ge tâtewgaichi le ra 5linggairabe hangge tingchu ramme giachibe chang le ra zai heching ge mâ-luî tewchi ra hechiâm zat leine ge tâtewrabe hangge I ne pechu pei gai de lei. 6Zai pie le lau, pa nguatatew ra Dan zat’mpeu, Ahisamakbe na Oholiabbe je I ne kelâng gai de lei; zai tâtewchibe rezie ze kebuibe kau ramme leine je I pei gai de lei, chidezai ningchu I samdiegaibe luigum ze penui ne tâtewgaichi le ra hangge zeu: 7Kakellumbe paîki samhatkaibe gu hingdebung, zai bepeirei ge kaibe ka’nggiabe bâmra zai paîki gu heki-kenet ramme leine, 8kela kaibe kaira benai chige teibe merua ramme, ’nchichiakbe kachâ-kaira benai pamerua ramme leine, zai mâ-perîmyibe rube herâtewbe-kaira rûbeibe 9zai rûkambe-râtewbe-kaira benai pamerua ramme leine, heduikuak benai pahereigua 10zai teleuzunlube puâ ramme, tingku chang ze penui ’ngguarabe hangge tingkupeu Aaronbe hangge ka’nchibe puâ ramme benai pe name puâ ramme, 11zai suanggaibe taudui benai ka’nchibe bâm hangge mâ-perîmyibe ramme tew ra pei gai bei de lei. Ningchu I ne diegaibe ramme leine luigum ze penui tew ra lei,” kacheu de lei.
’Ntakbambe Mai ge ’Ntakbambe
12Zai Tingwang ne Mosabe je, 13“Israelme je acheu ze rang gai lau, ‘A gu ’ntakbambe mai ramme ningnui rei’mmi ra lei, I Tingwang ne ningnui je kelângpat kai lei be ningnui chilerabe hangge I benai ningnui kakge rehei ramme leine ge aize ne ka’nchetbe daseu. 14Ningnui hangge ka’nchibe changbe ziegene ’ntakbambe mai ningnui rei ra lei; chize tewkahebâbe kau leine je â tewchat ne ra lei; aipau mai ge mige ne ’ndaikau tâ mei leusede tew dizai â pezatme ruagene pechu tuâpat ne ra lei. 15Hezie serukne tâtew ra lei, kane pasenabe mai ze â ’nsimrim ze reibamrabe ’ntakbambe mai, Tingwang hangge ka’nchibe naimikpui lei; ’ntakbambe mai ge mige ne tâtew dizai â pechu tewchat ne ra lei. 16Chipauziegene Israelme ne ’ntakbambe mai ze reibam ra lei, betingbeta tewtatbamrabe gu samhatkaibe chang ze Israelme ne penui gu rehei ramme leine ge ’ntakbambe mai ze rei ze bam ra lei. 17Hezie serukne lungge Tingwang ne tinggîm benai kedei tew gai lei, zai pasenabe mai ge pa sau’ntak ze bam de lei, zai kenaidai ze bam de lei be I benai Israelme kakge betingbeta hangge aize ne teiliabe de lei,’ acheu zeu” ze kacheu de lei.
18Zai Sinai Loa ge Mosabe dage pa saliarabe salia kam gai lu dege, Hera bakêrang ne rawlube tingchudepei, samhatkaibe gu tingchudepei kena ze Mosabe dage pa ne pei gai de lei.
Currently Selected:
EKSODAS 31: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 31
31
Tingwang Bâm hang Paîki Tewme
(Eks 35.30—36.1)
1Tingwang ne Mosabe je, 2“Pie le lau, Hurbe na Uribe na pe ji Bezalel kacheupeu ze Juda zat ruagene I ne kû gai de lei: 3Zai I ne pechu Hera gu herui ne tewpui gai bei de lei, pe dage tâtewchibe benai kaningchingbe, mâ-gechîbe benai mâ-chiamchibe I pei gai ’nde lei, 4mâ-luî keyibe ramme chiampatchi le ra gechâk, gepût zai kangngâgeî ge tâtewgaichi le ra 5linggairabe hangge tingchu ramme giachibe chang le ra zai heching ge mâ-luî tewchi ra hechiâm zat leine ge tâtewrabe hangge I ne pechu pei gai de lei. 6Zai pie le lau, pa nguatatew ra Dan zat’mpeu, Ahisamakbe na Oholiabbe je I ne kelâng gai de lei; zai tâtewchibe rezie ze kebuibe kau ramme leine je I pei gai de lei, chidezai ningchu I samdiegaibe luigum ze penui ne tâtewgaichi le ra hangge zeu: 7Kakellumbe paîki samhatkaibe gu hingdebung, zai bepeirei ge kaibe ka’nggiabe bâmra zai paîki gu heki-kenet ramme leine, 8kela kaibe kaira benai chige teibe merua ramme, ’nchichiakbe kachâ-kaira benai pamerua ramme leine, zai mâ-perîmyibe rube herâtewbe-kaira rûbeibe 9zai rûkambe-râtewbe-kaira benai pamerua ramme leine, heduikuak benai pahereigua 10zai teleuzunlube puâ ramme, tingku chang ze penui ’ngguarabe hangge tingkupeu Aaronbe hangge ka’nchibe puâ ramme benai pe name puâ ramme, 11zai suanggaibe taudui benai ka’nchibe bâm hangge mâ-perîmyibe ramme tew ra pei gai bei de lei. Ningchu I ne diegaibe ramme leine luigum ze penui tew ra lei,” kacheu de lei.
’Ntakbambe Mai ge ’Ntakbambe
12Zai Tingwang ne Mosabe je, 13“Israelme je acheu ze rang gai lau, ‘A gu ’ntakbambe mai ramme ningnui rei’mmi ra lei, I Tingwang ne ningnui je kelângpat kai lei be ningnui chilerabe hangge I benai ningnui kakge rehei ramme leine ge aize ne ka’nchetbe daseu. 14Ningnui hangge ka’nchibe changbe ziegene ’ntakbambe mai ningnui rei ra lei; chize tewkahebâbe kau leine je â tewchat ne ra lei; aipau mai ge mige ne ’ndaikau tâ mei leusede tew dizai â pezatme ruagene pechu tuâpat ne ra lei. 15Hezie serukne tâtew ra lei, kane pasenabe mai ze â ’nsimrim ze reibamrabe ’ntakbambe mai, Tingwang hangge ka’nchibe naimikpui lei; ’ntakbambe mai ge mige ne tâtew dizai â pechu tewchat ne ra lei. 16Chipauziegene Israelme ne ’ntakbambe mai ze reibam ra lei, betingbeta tewtatbamrabe gu samhatkaibe chang ze Israelme ne penui gu rehei ramme leine ge ’ntakbambe mai ze rei ze bam ra lei. 17Hezie serukne lungge Tingwang ne tinggîm benai kedei tew gai lei, zai pasenabe mai ge pa sau’ntak ze bam de lei, zai kenaidai ze bam de lei be I benai Israelme kakge betingbeta hangge aize ne teiliabe de lei,’ acheu zeu” ze kacheu de lei.
18Zai Sinai Loa ge Mosabe dage pa saliarabe salia kam gai lu dege, Hera bakêrang ne rawlube tingchudepei, samhatkaibe gu tingchudepei kena ze Mosabe dage pa ne pei gai de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.