EKSODAS 29
29
Aaronbe benai Pe Name je Tingku hang Tew’ntipkairabe Tak Geteiliabe ramme
(Leb 8.1-36)
1“Chunage tingkume chang ze penui a guâ ’ngguachi le ra hangge penui peireige penui je diepat’nchigaibe tâ nang tewgairabe tak ze â aize de lei: Heziâkgabe getumseipoine kat benai kemei’nsei kena tei le lau, 2zai ’nduihîkaimakbe tingkukuak, taudui kebutlube ’nduihîkaimakbe tingkukâng ramme, zai taudui keneigailube ’nduihîkaimakbe tingkuliâp ramme tew ra lei. Chiramme ze dekuîmeu gu dekuî tewnianglube ne nang teleu ra lei. 3Zai chiramme ze ’ntui kat ge kai lu ze chipau ’ntui gene teiwang ra lei, zai getumsei benai kemei’nsei kena ze teiwang ra lei. 4Aaronbe benai pe name je kakellumbe-paîki kemui ge nang teiwang gai ra zai penai je hedui ne hui ra lei. 5Zai tingku puâ teleulube ramme ze nang ne tei lu, zai Aaronbe peireige mechuapui benai ephod kaibe gu mechuatiebe, zai ephod, zai mi gapuâ kai lu ze ephod gu dakzunlube kiakâk ne pechu kak kai ra lei; 6zai pe peî ge hepeî’nggau nang rua gai ra lei, zai hepeî’nggau peireige ka’nchibe heguangpeichûp kai ra lei. 7Zai suanggaibe taudui nang tei lu, zai chize pe peireige ruî gai ze pechu tew’ntip kai ra lei. 8Chidezai pe name je nang ne nguawang lu ze penui peireige mechuapui ramme luak kai ra lei, 9zai nang ne penui kia ge hekiakâk kak kai ze penui peî ge bepuâtewbe ria ramme kebit kai ra de lei; zai tei’nduâtatbambe hingde-sie luî gene tingku tâ ze penui hangge chang ra de lei. Aigum ze Aaronbe benai pe name je nang tew’ntip kai ra de lei.
10“Chidezai kakellumbe-paîki suage getumsei nang teiwang gai ra lei. Aaronbe benai pe name ne getumsei peî ge penui ba kai ra lei, 11zai kakellumbe-paîki kemui ge Tingwang masuage nang ne getumsei tewchat kai ra lei, 12zai getumsei jai gesa a nang tei lu ze ning bakêrang ne herâtewbe-kaira gu mâkie ramme ge kenei gai ra lei, zai hejai ka’nsakbe ze â herâtewbe-kaira pî ge nang ruî gai ra lei. 13Zai pelunglet ge paterai bambe ramme leine, zai pa’ncheîhuâ zai pa’ngkei kena chige pechâ bambe luî nang tei lu ze herâtewbe-kaira peireige rû gai ra lei. 14Kane getumsei pumji benai pegei, zai pelunglet ze â sieki gene hela ’mbe hemi ne rû gai ra lei; chize hemui-râtewbe hangge peipatkaibe de lei.
15“Chidezai kemei’nsei kat nang tei ra lei, zai Aaronbe benai pe name ne kemei’nsei peî ge penui ba ’ngking gai ra lei, 16zai nang ne kemei’nsei ze gîchat kai ra lei, dezai hejai ze lu lu herâtewbe-kaira ge ruîguâ gai ra lei. 17Chidezai kemei’nsei ze nang dimdesui gai ra zai pelunglet ramme benai bepîtang ramme hui lu ze, pejikâng ramme benai bepeîji ruage kai’mpam gai ra lei, 18zai kemei’nsei pum luî herâtewbe-kaira peireige rû gai ra lei; aize â Tingwang hangge rûkambe-râtewbe de lei, zai perîmyibe hemi gene Tingwang dage peipatbe de lei.
19“Pakenabe kemei’nsei ze nang tei dai ra lei; zai Aaronbe benai pe name ne kemei’nsei peî ge penui ba ’ngking gai ra lei, 20zai nang ne kemei’nsei ze tewchat kai ra lei, zai hejai gêsa â lu lu Aaronbe benai pe name hezat’mbia kuntû ge kenei gai ra lei, zai penui ba hezat’mbia ’nzûngpui ramme peireige zai penui pî hezat’mbia ’nzûngpui ramme peireige kai ra lei, zai hejai ’nsakpatbe ze â herâtewbe-kaira ge ruîguâ gai ra lei. 21Chidezai herâtewbe-kaira peireige hejai bambe gêsa â nang tei ra lei, zai suanggaibe taudui ze tei lu Aaronbe peireige benai pe puâ ramme peireige, zai pe name benai pe name puâ ramme peireige kezin gai ra lei; chidezai pa benai pe puâ ramme, zai pe dage bamme pe name benai pe name puâ ramme ze ka’nchibe chang gu de lei.
22“Kemei’nsei châ zai pemi chabe, zai pelunglet ge ka’nnaibe châ zai pa’ncheîhuâ zai pa’ngkei kena benai chige pechâ bambe ramme, zai hezat’mbia ’ngkoa (aize â tew’ntipkaibe kemei’nsei daseu), 23zai tingkuzuâ kat, zai taudui kebutlube tingkukâng kat, zai tingkuliâp kat, Tingwang masuage ’nduihîkaimakbe tingku ’ntui bambe gene nang tei ra lei; 24zai airamme leine ze Aaronbe ba ge benai pe name ba ge nang kai ra lei, zai Tingwang masuage kakezapbe kela peipatbe hangge chiramme kezap kai ra lei. 25Chidezai penui ba gene chiramme nang lu dai ra lei, zai rûkambe-râtewbe ge herâtewbe-kaira ge rû’mpam gai ra lei, Tingwang masuage perîmyibe chang le ra hangge zeu; aize â Tingwang dage hemi gene peipatbe de lei.
26“Zai Aaronbe je tew’ntipkaibe kemei’nsei gene pe ga ze nang lu lu Tingwang masuage kakezapbe kela peipatbe hangge kezap kai ra lei; zai chize ning dam hang de lei. 27Zai kakezapbe-râtewbe gu pe ga ze â nang diepatchâm gai ra lei, zai tingkume dam gu pa’ngkoa kezapkailube, tew’ntipkaibe gu kemei’nsei gene peipatkaibe ze diepatchâm gai ra lei, chize Aaronbe hang benai pe name hang daseu. 28Aize â Aaronbe benai pe name hangge Israelme ne pei’nduâtatbamrabe hangge chang ra de lei, aize â penui gu kelunbe-râtewbe ramme gene Israelme ne tingkume dam hang peipatbe kau daseu; aize â Tingwang dage penui gu peipatbe de lei.
29“Aaronbe gu ka’nchibe puâ ze â pe chaige lungleîrame pe name hang, chigene penui je tew’nchi gai ra zai chigene penui je tew’ntipkairabe hang de lei. 30Pa kelei ge leîrapeu pe na ne ka’nchibe bâm ge ’nggua ra kakellumbe-paîki ge pa gutbe ge hezie senane chipau puâ ramme kai ra lei.
31“Tew’ntipkaibe tâ tewgaibe gu kemei’nsei nang tei lu, ka’nchibe bâm gene chize lang ra lei; 32zai Aaronbe benai pe name kakellumbe-paîki kemui gene ’ntui ge bambe kemei’nsei ji benai tingku ze teu ra lei. 33Penui je tew’ntip kai ra zai diepatchâm gai ra kelunbe-râtewbebe merua ramme penui teu ra lei, kane hela kau â chize teu mak ra lei; chize â ka’nchibe merua ramme daseu. 34Zai tew’ntipkaibe gu hemei mei nune tingku mei ze tingchua riâ chang ze bam dizai â chi ’nsakpatbe ze hemi ne nang rû ra lei; chize â teu mak ra lei, chize â ka’nchibe kau daseu.
35“Aigum ze Aaronbe benai pe name dage ningchu I diegaibe ramme leine luigum ze nang tew gai ra lei; hezie sena tâluî penui je nang tew’ntip kai ra lei, 36zai kelunbe-râtewbebe hangge hemui-râtewbe peipatkaibe chang ze nai’nsangne getumsei kat nang pei ra lei. Herâtewbe-kaira hangge du, chipau hangge kelunbe-râtewbe ge, zai chize diepat’nchi gai ra tew’nchi gai dezai hemui-râtewbe nang peipat kai ra lei. 37Hezie sena kelunbe-râtewbe herâtewbe-kaira hangge nang tew gai ra lei, zai chize diepat’nchi gai ra lei, chidezai herâtewbe-kaira ze ’nchilangbe chang ra de lei; herâtewbe-kaira deîtaube leine ze ka’nchibe chang ra de lei.
Nai’nsangne Herâtewbe Peipatbe
(Per 28.1-8)
38“Chunage herâtewbe-kaira ge nang peipatkairabe ze â aize de lei: Patingnai gepat kum kat kau meli’nseipoine kena peipat bam ra lei. 39Melipoine kat ze hechua ge nang peipat kai ra zai kêdabe melipoine ze hegî ge nang peipat kai ra lei; 40melipoine peipatkairaibe ge dekuî ka’ndeube ’ntui gene dekuî yibe kereu ge kat ge taudui niaklube hin gu pedau kebut kai lu ze, zai wain hin kat gu pedau zene ruîpatkaibe-râtewbe hangge peipat kai ra lei. 41Zai kêdabe melipoine ze hegî ge nang peipat kai ra lei, zai hechua ge peipatbe gum ze, perîmyibe hangge, Tingwang dage hemi gene peipatbe kela hangge mâ-himlei benai ruîpatbe kela peipat’mpam gai ra lei. 42Ningnui je I hedaurabe bâm, chigene ningchu I ’mpaurabe bâm, Tingwang masuage kakellumbe-paîki kemuiki ge, chize ningnui gu rehei leine ge rûkambe-râtewbe tewtatbambe chang ra de lei. 43Chige Israelme je I hedau gu lei, zai chipau bâm ze a ngeudibe ne tew’nchi gai gu lei; 44kakellumbe-paîki benai herâtewbe-kaira ze I ne tew’nchi gai gu lei; tingkume chang ze a guâ ’ngguarabe hangge Aaronbe benai pe name je du I ne tew’nchi gai gu lei. 45Zai Israelme ruage I bam gu, zai penui Rapeu chang gu lei. 46Zai I â penui ruage bam le ra hangge Ijipram gene penui je nguapatkaipeu penui Rapeu Tingwang lei be penui chî gu lei; I â penui Rapeu Tingwang lei.
Currently Selected:
EKSODAS 29: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 29
29
Aaronbe benai Pe Name je Tingku hang Tew’ntipkairabe Tak Geteiliabe ramme
(Leb 8.1-36)
1“Chunage tingkume chang ze penui a guâ ’ngguachi le ra hangge penui peireige penui je diepat’nchigaibe tâ nang tewgairabe tak ze â aize de lei: Heziâkgabe getumseipoine kat benai kemei’nsei kena tei le lau, 2zai ’nduihîkaimakbe tingkukuak, taudui kebutlube ’nduihîkaimakbe tingkukâng ramme, zai taudui keneigailube ’nduihîkaimakbe tingkuliâp ramme tew ra lei. Chiramme ze dekuîmeu gu dekuî tewnianglube ne nang teleu ra lei. 3Zai chiramme ze ’ntui kat ge kai lu ze chipau ’ntui gene teiwang ra lei, zai getumsei benai kemei’nsei kena ze teiwang ra lei. 4Aaronbe benai pe name je kakellumbe-paîki kemui ge nang teiwang gai ra zai penai je hedui ne hui ra lei. 5Zai tingku puâ teleulube ramme ze nang ne tei lu, zai Aaronbe peireige mechuapui benai ephod kaibe gu mechuatiebe, zai ephod, zai mi gapuâ kai lu ze ephod gu dakzunlube kiakâk ne pechu kak kai ra lei; 6zai pe peî ge hepeî’nggau nang rua gai ra lei, zai hepeî’nggau peireige ka’nchibe heguangpeichûp kai ra lei. 7Zai suanggaibe taudui nang tei lu, zai chize pe peireige ruî gai ze pechu tew’ntip kai ra lei. 8Chidezai pe name je nang ne nguawang lu ze penui peireige mechuapui ramme luak kai ra lei, 9zai nang ne penui kia ge hekiakâk kak kai ze penui peî ge bepuâtewbe ria ramme kebit kai ra de lei; zai tei’nduâtatbambe hingde-sie luî gene tingku tâ ze penui hangge chang ra de lei. Aigum ze Aaronbe benai pe name je nang tew’ntip kai ra de lei.
10“Chidezai kakellumbe-paîki suage getumsei nang teiwang gai ra lei. Aaronbe benai pe name ne getumsei peî ge penui ba kai ra lei, 11zai kakellumbe-paîki kemui ge Tingwang masuage nang ne getumsei tewchat kai ra lei, 12zai getumsei jai gesa a nang tei lu ze ning bakêrang ne herâtewbe-kaira gu mâkie ramme ge kenei gai ra lei, zai hejai ka’nsakbe ze â herâtewbe-kaira pî ge nang ruî gai ra lei. 13Zai pelunglet ge paterai bambe ramme leine, zai pa’ncheîhuâ zai pa’ngkei kena chige pechâ bambe luî nang tei lu ze herâtewbe-kaira peireige rû gai ra lei. 14Kane getumsei pumji benai pegei, zai pelunglet ze â sieki gene hela ’mbe hemi ne rû gai ra lei; chize hemui-râtewbe hangge peipatkaibe de lei.
15“Chidezai kemei’nsei kat nang tei ra lei, zai Aaronbe benai pe name ne kemei’nsei peî ge penui ba ’ngking gai ra lei, 16zai nang ne kemei’nsei ze gîchat kai ra lei, dezai hejai ze lu lu herâtewbe-kaira ge ruîguâ gai ra lei. 17Chidezai kemei’nsei ze nang dimdesui gai ra zai pelunglet ramme benai bepîtang ramme hui lu ze, pejikâng ramme benai bepeîji ruage kai’mpam gai ra lei, 18zai kemei’nsei pum luî herâtewbe-kaira peireige rû gai ra lei; aize â Tingwang hangge rûkambe-râtewbe de lei, zai perîmyibe hemi gene Tingwang dage peipatbe de lei.
19“Pakenabe kemei’nsei ze nang tei dai ra lei; zai Aaronbe benai pe name ne kemei’nsei peî ge penui ba ’ngking gai ra lei, 20zai nang ne kemei’nsei ze tewchat kai ra lei, zai hejai gêsa â lu lu Aaronbe benai pe name hezat’mbia kuntû ge kenei gai ra lei, zai penui ba hezat’mbia ’nzûngpui ramme peireige zai penui pî hezat’mbia ’nzûngpui ramme peireige kai ra lei, zai hejai ’nsakpatbe ze â herâtewbe-kaira ge ruîguâ gai ra lei. 21Chidezai herâtewbe-kaira peireige hejai bambe gêsa â nang tei ra lei, zai suanggaibe taudui ze tei lu Aaronbe peireige benai pe puâ ramme peireige, zai pe name benai pe name puâ ramme peireige kezin gai ra lei; chidezai pa benai pe puâ ramme, zai pe dage bamme pe name benai pe name puâ ramme ze ka’nchibe chang gu de lei.
22“Kemei’nsei châ zai pemi chabe, zai pelunglet ge ka’nnaibe châ zai pa’ncheîhuâ zai pa’ngkei kena benai chige pechâ bambe ramme, zai hezat’mbia ’ngkoa (aize â tew’ntipkaibe kemei’nsei daseu), 23zai tingkuzuâ kat, zai taudui kebutlube tingkukâng kat, zai tingkuliâp kat, Tingwang masuage ’nduihîkaimakbe tingku ’ntui bambe gene nang tei ra lei; 24zai airamme leine ze Aaronbe ba ge benai pe name ba ge nang kai ra lei, zai Tingwang masuage kakezapbe kela peipatbe hangge chiramme kezap kai ra lei. 25Chidezai penui ba gene chiramme nang lu dai ra lei, zai rûkambe-râtewbe ge herâtewbe-kaira ge rû’mpam gai ra lei, Tingwang masuage perîmyibe chang le ra hangge zeu; aize â Tingwang dage hemi gene peipatbe de lei.
26“Zai Aaronbe je tew’ntipkaibe kemei’nsei gene pe ga ze nang lu lu Tingwang masuage kakezapbe kela peipatbe hangge kezap kai ra lei; zai chize ning dam hang de lei. 27Zai kakezapbe-râtewbe gu pe ga ze â nang diepatchâm gai ra lei, zai tingkume dam gu pa’ngkoa kezapkailube, tew’ntipkaibe gu kemei’nsei gene peipatkaibe ze diepatchâm gai ra lei, chize Aaronbe hang benai pe name hang daseu. 28Aize â Aaronbe benai pe name hangge Israelme ne pei’nduâtatbamrabe hangge chang ra de lei, aize â penui gu kelunbe-râtewbe ramme gene Israelme ne tingkume dam hang peipatbe kau daseu; aize â Tingwang dage penui gu peipatbe de lei.
29“Aaronbe gu ka’nchibe puâ ze â pe chaige lungleîrame pe name hang, chigene penui je tew’nchi gai ra zai chigene penui je tew’ntipkairabe hang de lei. 30Pa kelei ge leîrapeu pe na ne ka’nchibe bâm ge ’nggua ra kakellumbe-paîki ge pa gutbe ge hezie senane chipau puâ ramme kai ra lei.
31“Tew’ntipkaibe tâ tewgaibe gu kemei’nsei nang tei lu, ka’nchibe bâm gene chize lang ra lei; 32zai Aaronbe benai pe name kakellumbe-paîki kemui gene ’ntui ge bambe kemei’nsei ji benai tingku ze teu ra lei. 33Penui je tew’ntip kai ra zai diepatchâm gai ra kelunbe-râtewbebe merua ramme penui teu ra lei, kane hela kau â chize teu mak ra lei; chize â ka’nchibe merua ramme daseu. 34Zai tew’ntipkaibe gu hemei mei nune tingku mei ze tingchua riâ chang ze bam dizai â chi ’nsakpatbe ze hemi ne nang rû ra lei; chize â teu mak ra lei, chize â ka’nchibe kau daseu.
35“Aigum ze Aaronbe benai pe name dage ningchu I diegaibe ramme leine luigum ze nang tew gai ra lei; hezie sena tâluî penui je nang tew’ntip kai ra lei, 36zai kelunbe-râtewbebe hangge hemui-râtewbe peipatkaibe chang ze nai’nsangne getumsei kat nang pei ra lei. Herâtewbe-kaira hangge du, chipau hangge kelunbe-râtewbe ge, zai chize diepat’nchi gai ra tew’nchi gai dezai hemui-râtewbe nang peipat kai ra lei. 37Hezie sena kelunbe-râtewbe herâtewbe-kaira hangge nang tew gai ra lei, zai chize diepat’nchi gai ra lei, chidezai herâtewbe-kaira ze ’nchilangbe chang ra de lei; herâtewbe-kaira deîtaube leine ze ka’nchibe chang ra de lei.
Nai’nsangne Herâtewbe Peipatbe
(Per 28.1-8)
38“Chunage herâtewbe-kaira ge nang peipatkairabe ze â aize de lei: Patingnai gepat kum kat kau meli’nseipoine kena peipat bam ra lei. 39Melipoine kat ze hechua ge nang peipat kai ra zai kêdabe melipoine ze hegî ge nang peipat kai ra lei; 40melipoine peipatkairaibe ge dekuî ka’ndeube ’ntui gene dekuî yibe kereu ge kat ge taudui niaklube hin gu pedau kebut kai lu ze, zai wain hin kat gu pedau zene ruîpatkaibe-râtewbe hangge peipat kai ra lei. 41Zai kêdabe melipoine ze hegî ge nang peipat kai ra lei, zai hechua ge peipatbe gum ze, perîmyibe hangge, Tingwang dage hemi gene peipatbe kela hangge mâ-himlei benai ruîpatbe kela peipat’mpam gai ra lei. 42Ningnui je I hedaurabe bâm, chigene ningchu I ’mpaurabe bâm, Tingwang masuage kakellumbe-paîki kemuiki ge, chize ningnui gu rehei leine ge rûkambe-râtewbe tewtatbambe chang ra de lei. 43Chige Israelme je I hedau gu lei, zai chipau bâm ze a ngeudibe ne tew’nchi gai gu lei; 44kakellumbe-paîki benai herâtewbe-kaira ze I ne tew’nchi gai gu lei; tingkume chang ze a guâ ’ngguarabe hangge Aaronbe benai pe name je du I ne tew’nchi gai gu lei. 45Zai Israelme ruage I bam gu, zai penui Rapeu chang gu lei. 46Zai I â penui ruage bam le ra hangge Ijipram gene penui je nguapatkaipeu penui Rapeu Tingwang lei be penui chî gu lei; I â penui Rapeu Tingwang lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.